Yangiliklar

iQOO yangi flagman smartfoni – iQOO 15T modelini rasman taqdim etdi va qurilma Xitoyda sotuvga chiqarildi. Bu haqda ITHome nashri ma’lum qildi.

Kuchli protsessor va o‘yin imkoniyatlari

Yangi smartfon MediaTek’ning Dimensity 9500 Monster platformasi asosida ishlaydi. Kompaniya protsessor o‘yinlarda barqaror ishlash uchun maxsus optimallashtirilganini bildirgan. SoC tarkibiga FPS barqarorligini 34 foizgacha oshiruvchi «monster engine» tizimi integratsiya qilingan.

Shuningdek, alohida Q3 grafik chipi nurlarni kuzatish, tasvirni kattalashtirish va kadrlar chastotasini oshirish vazifalarini bajaradi. Qurilma 140 dan ortiq o‘yinda 144 FPS rejimini qo‘llab-quvvatlaydi. Sovitish uchun esa 8000 mm² hajmdagi bug‘ kamerasi qo‘llangan.

Displey va batareya

Smartfon 6,82 dyuymli...

20-may kuni Litva havo hududiga kirib kelgan shubhali dron sababli parlament a’zolari va hukumat vakillari Vilnyusdagi yerosti boshpanalariga evakuatsiya qilindi. Bu haqda Reuters agentligi ma’lum qildi.

Unga ko‘ra, Vilnyus aeroportida havo qatnovi vaqtincha to‘xtatildi, poytaxt atrofidagi poyezdlar harakati ham bekor qilindi. Maktablar va bolalar bog‘chalariga bolalarni xavfsiz joylarga joylashtirish bo‘yicha ko‘rsatma berildi.

Litva armiyasi poytaxt aholisi va davlat idoralariga zudlik bilan xavfsiz joylarga o‘tish, yaqinlarini himoya qilish va yangi ko‘rsatmalarni kutish haqida ogohlantirish yubordi. Hodisa vaqtida parlament binosida ham signal berilib, deputatlar va vazirlar boshpanaga olib o‘tilgan.

Mudofaa vaziriga ko‘ra, NATO havo patrul missiyasi faollashtirilgan va havo hududiga...

Shavkat Mirziyoyevga Andijon viloyati Bobur shahrida barpo etilajak Zahiriddin Muhammad Bobur xotirasiga bag‘ishlangan muhtasham haykal va me’moriy ansambl loyihasi taqdim etildi. Bu haqda prezident matbuot xizmati ma’lum qildi.

Taqdimot davomida haykalning eskizlari, kompozitsion yechimlari hamda Bobur siymosini ifodalashga doir ilmiy-badiiy yondashuvlar haqida ma’lumot berildi. Loyiha O‘zbekiston olimlari va xorijiy mutaxassislar hamkorligida tarixiy manbalar, qo‘lyozmalar va madaniy meros namunalarini chuqur o‘rganish asosida ishlab chiqilayotgani qayd etildi.

Shuningdek, prezidentga Pokistonga amalga oshirilgan davlat tashrifi davomida Islomobod shahridagi bog‘lardan biriga Zahiriddin Muhammad Bobur nomi berilgani va ushbu hududda ham Boburga bag‘ishlangan haykal loyihasi ko‘rib chiqilgani haqida axborot berildi. Davlat...

Lenovo mobil o‘yinlar uchun mo‘ljallangan yangi flagman smartfoni – Legion Y70 (2026) modelini rasman taqdim etdi. Bu haqda GSM Arena nashri ma’lum qildi.

Yangi model Snapdragon 8 Gen 5 (non-Elite) protsessori asosida ishlaydi hamda 12 GB yoki 16 GB LPDDR5X tezkor operativ xotira bilan jihozlangan. Ichki xotira esa 256 GB UFS 4.1 tezlikdagi saqlash tizimini taklif etadi. Qurilmaning sovitish tizimi 5500 mm² hajmdagi bug‘ kameraga asoslangan bo‘lib, u protsessor haroratini taxminan 7°C ga kamaytirishi mumkin.

Smartfon 6,8 dyuymli OLED displeyga ega bo‘lib, 144 Hz yangilanish chastotasi, Dolby Vision qo‘llab-quvvatlashi va 7000 nitgacha maksimal yorqinlikni taqdim etadi. Energiya manbai...

Oila va xotin-qizlar maskanlari faoliyati samaradorligi endilikda 4 ta asosiy yo‘nalish bo‘yicha 18 ta KPI ko‘rsatkich asosida baholab boriladi. Bu haqda Adliya vazirligi ma’lum qildi.

Hukumat qarori bilan «Oila va xotin-qizlar maskanlari faoliyati samaradorligini baholash bo‘yicha asosiy samaradorlik ko‘rsatkichlarini (KPI) hisoblash tartibi to‘g‘risida»gi nizom tasdiqlandi. Ushbu nizom maskanlar faoliyatini baholashda KPI ko‘rsatkichlarini hisoblash tartibini belgilaydi.

Qarorga muvofiq, nizom talablari barcha tuman (shahar) maskanlari uchun majburiy hisoblanadi. KPI hisob-kitoblari har oy yakunida amalga oshirilib, har chorak va yil yakunida tahlil qilinadi.

KPI hisoblash jarayonida bir qator rasmiy manbalardan olingan ma’lumotlar asos sifatida qabul qilinadi. Ular qatoriga FHDYo organlari, sud...

Qoraqalpog‘iston Respublikasining Taxiatosh tumanida fuqaroni O‘zbektelekom’ga ishga kiritib qo‘yishni va’da qilib, pul mablag‘i undirgan shaxs ushlandi. Bu haqda Bosh prokuratura departamenti ma’lum qildi.

Departamentning Taxiatosh tumani bo‘limi hamda boshqa huquqni muhofaza qiluvchi organlar hamkorligida tezkor tadbir o‘tkazilgan. Unda muqaddam sudlangan fuqaroning ishga kiritish bilan bog‘liq firibgarlik holati aniqlangan.

U 20 mln so‘m evaziga boshqa fuqaroga mansabdor tanishlari orqali O‘zbektelekom aksiyadorlik kompaniyasiga ishga kiritib qo‘yishni va’da qilgan. Tezkor tadbir davomida u kelishilgan pul mablag‘laridan 15 mln so‘mini olayotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) hamda 28, 211-moddalari (pora berish) bilan jinoyat ishi...

2026-yil 22–24-may kunlari Mo‘ynoq tumanida «Rally Muynak» xalqaro avtopoygasi o‘tkaziladi. Bu haqda Turizm qo‘mitasi xabar berdi.

Musobaqa Ustyurt platosi va Orol dengizining qurigan tubida bo‘lib o‘tadi. Bu hudud ekstremal avtopoygalar uchun noodatiy tabiiy maydon hisoblanadi.

Poygada maxsus jihozlangan sport avtomobillari, baggilar va mototsikllar qatnashadi. Ularda faqat professional sportchilar ishtirok etadi.

Bellashuvlar bir nechta yo‘nalishda o‘tkaziladi. Jumladan, dvigatel hajmi 1600 va 2000 kub santimetrgacha bo‘lgan avtomobillar, baggilar hamda turli klassdagi mototsikllar bahs olib boradi.

Eslatib o‘tamiz, avvalroq Qoraqalpog‘istonga to‘g‘ridan to‘g‘ri xorijiy investitsiyalar hajmi 2,5 barobar oshirilishi xabar qilingandi. Bunda yirik loyihalar qatoriga Taxiatosh tumanida modulli intellektual hisoblash markazi, Nukus...

Surxondaryo viloyati Sariosiyodagi To‘palang daryosida oqib ketgan 13 yoshli qizning jasadi Denovda topildi. Holat yuzasidan prokuratura tomonidan tergovga qadar tekshiruv harakatlari amalga oshirilmoqda.

Prokuratura ma’lumotiga ko‘ra, tumanning «Afrosiyob» mahallasida yashagan, 26.11.2012-yilda tug‘ilgan qiz To‘palang daryosiga oqib ketganligi holati qayd etilgan. Ushbu holat yuzasidan tegishli tartibda tekshiruv ishlari boshlangan.

Tergovga qadar tekshiruv davomida joriy yil 15-may kuni voyaga yetmagan qizning jasadi Denov tumani «Ittifoq» mahallasidan oqib o‘tuvchi To‘palang daryosi ichidan topilgan. Jasadda tan jarohati izlari topilgan.

Sud-tibbiy ekspertiza xulosasiga ko‘ra, marhumaning o‘limi yuqori nafas yo‘llarining suv bilan to‘silishi natijasida yuzaga kelgan mexanik asfiksiya oqibatida sodir bo‘lganligi aniqlangan.

Hozirda ushbu...

Mobil sanoat 2030-yilgacha Yevrosiyo iqtisodiyotiga $300 mlrd miqdorida hissa qo‘shadi. 2025-yildagi bu ko‘rsatkich $270 mlrdni tashkil qilmoqda, deya ma’lum qildi GSMA Samarqandda bo‘lib o‘tayotgan M360 Eurasia forumida.

Ta’kidlanishicha, o‘sishning asosiy drayverlari 5G texnologiyasi, sun’iy intellekt, IoT (buyumlarning internet orqali ishlashi) hamda biznesning raqamli transformatsiyasi hisoblanadi. Telekom-operatorlar asta-sekin an’anaviy aloqa xizmatlari provayderidan mintaqaning raqamli iqtisodiyoti asosiga aylanib bormoqda.

«Mobil texnologiyalar kompaniyalarga xarajatlarni kamaytirish, samaradorlikni oshirish va raqamli transformatsiyani tezlashtirishga yordam beradi», — deyiladi hisobotda.

Bundan tashqari, mobil sanoat Yevrosiyoda taxminan 750 ming ish o‘rnini qo‘llab-quvvatlaydi. Shundan 510 mingga yaqini to‘g‘ridan-to‘g‘ri ish o‘rinlari, 240 mingga yaqini esa...

2027-yilgi Chevrolet Equinox EV bir qator yangilanishlar bilan chiqadi. Ulardan biri salondagi audio tizimiga tegishli bo‘ladi, deya xabar berdi GM Authority.

Ma’lumotga ko‘ra, yangi modelda Bose audio tizimi taklif etiladi. Bu tizim Active Safety Package 3 opsional paketi tarkibiga kiradi.

Hozirgi Equinox EV modellari olti karnayli oddiy audio tizimi bilan sotiladi. Premium audio tizimi esa taklif qilinmaydi. Shu sababli ayrim egalari tovush sifati bo‘yicha norozilik bildirgan.

Yangi Bose tizimining aniq texnik xususiyatlari hozircha ochiqlanmagan. U AS3 RPO kodiga ega Active Safety Package 3 tarkibida bo‘ladi.

2026-yilgi Equinox EV LT 2 va RS versiyalarida ushbu paket narxi $3,355 ni tashkil...

Kapitalbank Chess turniri har chorakda o‘tkaziladigan musobaqalar seriyasidagi navbatdagi korporativ chempionat bo‘lib, bank tomonidan ommaviy sportni rivojlantirish va xodimlarning faol turmush tarzini rag‘batlantirishga qaratilgan.

Kapitalbank Chess turnirining tantanali ochilish marosimini O‘zbekiston shaxmat federatsiyasi raisi o‘rinbosari, fan doktori va professor Komil Sindarov olib bordi. U tabrik nutqi bilan so‘zga chiqib, Kapitalbank Kuzatuv kengashi raisining maslahatchisi Oksana Lindina bilan birgalikda musobaqaga rasman start berdi.

Kapitalbank Chess turniri har chorakda o‘tkaziladigan musobaqalar seriyasidagi navbatdagi korporativ chempionat bo‘lib, 7 turni o‘z ichiga olgan klassik shveysar tizimida o‘tkazildi. Bunday format ishtirokchilarga butun musobaqa davomida o‘zini namoyon qilish uchun teng imkoniyatlarni yaratdi. Har bir partiya uchun...

UzAuto Motors’ning ayrim dilerlari Chevrolet Cobalt avtomobillarini foizsiz muddatli to‘lov asosida taklif qila boshladi. Bu haqda Autostrada nashri xabar bermoqda.

«Kursiv» bilan suhbatda bo‘lgan bir nechta diler xodimlari bu xabarlarni tasdiqladi. Ular mijozlarga muddatli to‘lov asosida xizmat ko‘rsatilayotganini qayd etdi. Ayrim dilerda esa hali bu xarid imkoniyati ochilmagan.

Dilerlar taqdim etgan shartlarga ko‘ra, xarid jarayonida foiz, penya va jarimalar qo‘llanmaydi. Buning o‘rniga avtomobil narxiga belgilangan savdo ustamasi qo‘shiladi. Muddatli to‘lov halol moliyalashtirish modeli asosida bank orqali rasmiylashtiriladi. Bunda an’anaviy foiz stavkasi belgilanmaydi, balki qarz summasiga oldindan ma’lum savdo ustamasi qo‘shiladi.

Chevrolet Cobalt uchun dastlabki to‘lov 30 foiz yoki...

UzNIF IPO’sidan tushgan mablag‘lar korxonalarning investitsiya loyihalarini amalga oshirish, kredit majburiyatlarini bajarish hamda ishlab chiqarishni modernizatsiya qilish ehtiyojlari uchun inobatga olinadi. Bu haqda 20-may kuni bo‘lib o‘tgan matbuot anjumanida O‘zbekiston Respublikasi Iqtisodiyot va moliya vaziri o‘rinbosari Xurshed Mustafayev ma’lum qildi.

Tadbir davomida vazir o‘rinbosari UzNIF portfelidagi korxonalarning investitsion ehtiyojlari va mablag‘larning sarflanishi bo‘yicha berilgan savolga quyidagicha javob berdi:

«Haqiqatan ham, IPOdan keladigan mablag‘lar birinchi navbatda xazinachilik hisob raqamiga kelib tushadi va ularning ishlatilishi, albatta, Vazirlar Mahkamasi bilan kelishgan holda amalga oshiriladi. Lekin, aytganingizdek, jamg‘arma tarkibidagi korxonalarda investitsiya loyihalarini amalga oshirish, kredit majburiyatlarini bajarish hamda ishlab chiqarish...

Shveysariya milliy terma jamoasi bosh murabbiyi Murat Yakin 2026-yilgi Jahon chempionatida ishtirok etadigan futbolchilarning yakuniy ro‘yxatini ommaga taqdim etdi.

Yann Zommer va Jerdan Shaqiri kabi faxriylar xalqaro faoliyatini yakunlagach, jamoada yangi avlod yetakchilari shakllandi. Tarkibning asosiy qismini Angliyaning «Sanderlend» klubida o‘ynayotgan sardor Granit Jaka, Italiyaning «Inter» klubi himoyachisi Manuel Akanji hamda Germaniyaning «Borussiya Dortmund» jamoasi darvozaboni Gregor Kobel tashkil etadi.

Hujum chizig‘ida esa «Milan» vakillari Noa Okafor va Ardon Jashari, shuningdek, Fransiyaning «Monako» a’zosi Breel Embolo harakat qiladi. Shveysariya terma jamoasi 2026-yilgi Jahon chempionatining «B» guruhidan joy olgan bo‘lib, ularga Kanada, Qatar hamda Bosniya va Gersegovina raqiblik qiladi. Guruh...

2030-yilga borib O‘zbekistonda mobil ulanishlarning 40 foizdan ortig‘i 5G tarmoqlarida ishlaydi. Prognoz GSMA assotsiatsiyasi tomonidan Samarqandda bo‘lib o‘tgan M360 Eurasia 2026 forumida taqdim etildi.

Assotsiatsiya tadqiqotiga ko‘ra, Yevrosiyo mintaqasida 5-avlod tarmoqlariga o‘tish jarayoni tezlashib bormoqda. 2030-yilga kelib mintaqadagi barcha mobil ulanishlarning taxminan 30 foizi 5G hissasiga to‘g‘ri kelishi kutilmoqda.

Shu bilan birga, Qozog‘iston mintaqaning eng ilg‘or telekommunikatsiya bozorlaridan biri sifatida qolmoqda. Tadqiqotga ko‘ra, mamlakatdagi mobil ulanishlarning qariyb 26 foizi allaqachon 5G tarmoqlarida ishlamoqda.

Sohaviy tahlillarga ko‘ra, 2025-yil o‘rtalariga kelib Kcell operatori Qozog‘istonning 20 shahrida taxminan 1846 ta 5G baza stansiyasini o‘rnatgan, mamlakat bo‘yicha umumiy 5G stansiyalar soni esa 3 mingdan...

21-may uchun valyutalar kursi yangilandi. Unga ko‘ra, dollar kursi 20,37 so‘mga oshib, 12 076,18 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 13-mayda yana 3,71 so‘mga oshib, 12 145,65 so‘mga yetdi. Ammo 14-may kuni kurs 72,23 so‘mga tushib, 12 073,42 so‘mni, shuningdek, 15-may kuni yana 98,06 so‘mga tushib, 11 975,36 so‘mni tashkil qildi. 18-may kuni esa 10,94 so‘mga oshib, 11 986,30 so‘mga, 19-may kuni 32,97 so‘mga oshib, 12 019,27 so‘mga, 20-may kuni esa 36,54 so‘mga oshib, 12 055,81 so‘mga yetdi.

Markaziy bank ma’lumotlariga ko‘ra, yevro 13,76 so‘mga tushib...

Davlat va davlat-xususiy sheriklik asosidagi bog‘cha xodimlari uchun tibbiy ko‘rik to‘lovlarida katta farq borligi qayd etildi. Tadbirkorlar bu haqda Savdo-sanoat palatasidagi uchrashuvda bildirdi.

Qayd etilishicha, davlat maktabgacha ta’lim muassasalari xodimlari tibbiy ko‘rik uchun 185 ming so‘m to‘layapti. Davlat-xususiy sheriklik asosidagi bog‘cha xodimlaridan esa qariyb 400 ming so‘m undirilmoqda.

Shu sababli tadbirkorlar davlat va DXSh asosidagi bog‘chalar xodimlari uchun tibbiy ko‘rik narxlarini tenglashtirish taklifini ilgari surdi.

Eslatib o‘tamiz, avvalroq stomatologiya sohasidagi tadbirkorlar tibbiy jihozlarni davlat ro‘yxatidan o‘tkazish uchun belgilangan to‘lovlar juda yuqoriligini ma’lum qilgandi. Tadbirkorlarning aytishicha, qiymati $12 mln bo‘lgan stomatologik jihozlar to‘plamini ro‘yxatdan o‘tkazish uchun avval 354 BHM, ya’ni qariyb...

2026-yil yanvar—mart oylarida mamlakat bo‘yicha jami 191 086 ta tirik tug‘ilish holati qayd etilgan. Tug‘ilishlar sonida o‘g‘il bolalar ulushi 51,5 foizini tashkil qildi, deya xabar bermoqda Milliy statistika qo‘mitasi.

Unga ko‘ra, chaqaloqlardan 98,5 ming nafari o‘g‘il bolalar bo‘lib, ular umumiy tug‘ilishlarning 51,5 foizini tashkil qilgan. Qiz bolalar soni esa 92,6 ming nafarni yoki 48,5 foizni tashkil etgan.

Hududlar kesimida qaralganda, shaharlarda 93,7 mingta tug‘ilish qayd etilgan bo‘lsa, qishloq joylarda bu ko‘rsatkich 97,4 mingtani tashkil qilgan. Bu mos ravishda jami tug‘ilishlarning 49,1 va 50,9 foiziga teng.

Shuningdek, hisobot davrida har ming aholiga nisbatan tug‘ilish koeffitsiyenti 20,2 promilleni tashkil etgani...

2026-yil 19-may kuni Centrum Air aviakompaniyasining C6089 Toshkent — Urganch reysi bilan bog‘liq vaziyat jamoatchilik e’tiborini tortdi. Kompaniya vaziyatga aniqlik kiritdi.

Asosiy sabab va texnik o‘zgarishlar

Mazkur reysni amalga oshirishi kerak bo‘lgan Airbus A330 havo kemasi avvalroq (bir necha kun oldin) yuz bergan chaqmoq urishi oqibatida texnik xizmat koʻrsatishga yoʻnaltirildi. Shu sababli:

Yo‘lovchilar uchun yaratilgan sharoitlar

Aviakompaniya yuzaga kelgan noqulaylikni yumshatish maqsadida yo‘lovchilarga quyidagi variantlarni taklif qildi:

2027-yil 1-yanvardan boshlab jismoniy shaxslarning ipoteka kreditlarini qoplashga yo‘naltirilgan daromadlari bo‘yicha soliq imtiyozlarini qo‘llash proaktiv tartibda amalga oshiriladi. Bu haqda Adliya vazirligi ma’lum qildi.

Farmonga ko‘ra, qishloq xo‘jaligiga mo‘ljallangan yerlar bo‘yicha soliq, vakolatli organlar taqdim etgan ma’lumotlar asosida hisoblanadi va soliq to‘lovchining hisobot topshirish majburiyati bekor qilinadi.

Shuningdek, 2027-yil 1-yanvardan boshlab, avvalgi yilning 1-iyul holatiga ko‘ra so‘nggi 12 oy davomida to‘langan soliqlar, yig‘imlar, davlat boji va soliq bo‘lmagan to‘lovlar hajmi BHMning 500 ming baravaridan ortiq bo‘lgan korxonalar hamda tijorat banklari «o‘ta yirik soliq to‘lovchilar» deb e’tirof etiladi.

Qolaversa, 2026/2027-o‘quv yilidan boshlab Soliq qo‘mitasi huzurida Soliq oliy maktabi tashkil etiladi...

Qirg‘izistonda Milliy xavfsizlik davlat qo‘mitasining sobiq rahbari Qamchibek Tashiyevning ukasi, sobiq deputat Shayirbek Tashiyevning hibs muddati uzaytirildi. Bu haqda Kaktus.media xabar bermoqda.

Bishkekning Pervomay tuman sudi Tashiyevni yana ikki oyga tergov izolyatorida qoldirishga qaror qilgan. Sud qaroriga ko‘ra, u 2026-yil 16-iyulgacha hibsda saqlanadi. Manba xabariga ko‘ra, sud Ichki ishlar vazirligi tergov xizmati alohida muhim ishlar boshqarmasi katta tergovchisining iltimosnomasini qanoatlantirgan.

Shayirbek Tashiyev Jinoyat kodeksining 336-moddasi 1-qismi bo‘yicha ayblanmoqda. Ushbu ish «Qirg‘izneftgaz» OAJdagi korrupsion sxema bo‘yicha tergov doirasida ko‘rilmoqda.

Tashiyev 1-aprel kuni qo‘lga olingan edi. Dastlabki ma’lumotlarga ko‘ra, davlatga yetkazilgan zarar 4,1 mlrd somdan ($46,8 mln) oshadi. Qirg‘iziston IIV ma’lumotiga...

1-avgustdan soliq organlarining mijozlarga yo‘naltirilganlik indeksi joriy etiladi. Bu prezidentning soliq organlari faoliyatini takomillashtirishga oid farmonida keltirilgan.

Ushbu indeks orqali soliq to‘lovchilar xizmatlar sifati, qulayligi va soliq majburiyatlarini bajarishga ketadigan vaqtni baholashi mumkin bo‘ladi.

Shuningdek, 2030-yilgacha Jahon bankining «Business ready» reytingida soliq yo‘nalishi bo‘yicha birinchi darajaga chiqish maqsad qilingan.

2026-yil 1-iyuldan tekshiruvdan oldingi tahlilda aniqlangan tafovutlar bo‘yicha aniqlashtirilgan soliq hisoboti yoki asoslovchi hujjatlarni taqdim etish majburiyati bekor qilinadi.

Soliq xavfi o‘rta bo‘lgan to‘lovchilarga aniqlangan xavflar haqida xabarnoma yuboriladi. Agar kamchiliklar bir oy ichida bartaraf etilsa, soliq tekshiruvi o‘tkazilmaydi.

Yangi tashkil etilgan tadbirkorlik subyektlari uchun dastlabki olti oy davomida soliq...

Tojikistonda bo‘lib o‘tgan CAFA U-20 Championship turnirida O‘zbekiston U-20 terma jamoasi barcha o‘yinlarda g‘alaba qozonib, bosh sovrinni qo‘lga kiritdi. Bu haqda O‘zbekiston Futbol Assotsiatsiyasi xabar berdi.

Terma jamoa musobaqa davomida barcha raqiblarini mag‘lubiyatga uchratdi. Jamoa o‘z darvozasidan birorta ham to‘p olib chiqmadi. Natijada futbolchilar 12 ochko jamg‘arib, chempionlikni tantana qildi.

Musobaqa yakuniga ko‘ra, O‘zbekiston U-20 terma jamoasi Fair Play (Halol o‘yin) sovriniga munosib ko‘rildi. Shaxsiy sovrinlar ham o‘zbekistonlik yoshlarga nasib etdi. Nematulloh Rustamjonov eng yaxshi darvozabon, Azizbek To‘lqinbekov eng yaxshi futbolchi deb topildi. Quvonchbek Abrayev esa musobaqa to‘purari nomiga sazovor bo‘ldi.

Avvalroq Kursiv nashri O‘zbekiston U-17 Osiyo Kubogini yarim...

FIFA 2026-yilgi Jahon chempionati stadionlariga Eronning eski bayrog‘ini (inqilobdan oldingi) olib kirishni yana taqiqlashi mumkin. Bu haqda The Athletic xabar berdi.

Ushbu bayroq Eron diasporasi vakillari tomonidan ko‘p ishlatiladi. Ular uni o‘zlik ramzi va amaldagi Eron hukumatiga qarshi norozilik belgisi sifatida ko‘rishadi.

The Athletic FIFAga 2026-yilgi turnir vaqtida ushbu bayroq yoki unga aloqador kiyimlar stadionlarga kiritilishi bo‘yicha savol bergan. FIFA javobida stadionlarda siyosiy yoki kamsituvchi mazmundagi materiallarni taqiqlovchi qoidalar borligini eslatgan.

Bu FIFA bunday cheklovni birinchi marta qo‘llashi emas. 2022-yil Qatarda o‘tgan Jahon chempionatida ham «Arslon va quyosh» bayrog‘ini ko‘targan ayrim muxlislar stadionlarga kiritilmagan. Shuningdek, Eron hukumatiga qarshi yozuvlar...