Yangiliklar

2026-yilda Afg‘onistonda 2,4 mln nafar qiz boshlang‘ich maktabni tugatgach, o‘qishni davom ettirish imkonidan mahrum bo‘ldi. Mamlakat dunyoda ayollar va qizlarga boshlang‘ich ta’limdan keyin o‘qish taqiqlangan yagona davlat bo‘lib qolmoqda. Bu haqda UNESCO ma’lum qildi.

Afg‘onistonda qizlarning o‘rta ta’lim olishi bo‘yicha cheklovlar qariyb besh yildan beri amal qilmoqda. 2022-yildan boshlab ayollarning oliy ta’lim muassasalarida tahsil olishiga ham ruxsat berilmaydi.

2021-yilgacha qizlar ta’limi kengayib borgan

UNESCO ma’lumotlariga ko‘ra, 2001-yildan keyin Afg‘onistonda qizlarning ta’lim olish imkoniyatlari asta-sekin yaxshilangan. 2021-yilga kelib qariyb 1 mln afg‘on qizi o‘rta maktablarda tahsil olayotgan edi.

Keyinchalik joriy etilgan cheklovlar ushbu jarayonni keskin ortga surdi. Endilikda boshlang‘ich...

Samsung Galaxy smartfonlarida Quick Share orqali fayl yuborishning yangi usuli paydo bo‘ladi. Bu haqda Sammobile nashri xabar bermoqda.

Tap to Share deb nomlangan funksiya yordamida foydalanuvchilar ikki Galaxy qurilmasini bir-biriga tekkizish orqali fotosurat, video, kontakt, havola va boshqa ma’lumotlarni uzata oladi.

Yangi imkoniyat dastlab Galaxy Z Fold 8 Ultra, Galaxy Z Fold 8 va Galaxy Z Flip 8 modellarida ishga tushirilishi kutilmoqda. Keyinchalik esa Android 17 asosidagi One UI 9 tizimiga yangilangan boshqa Galaxy qurilmalariga ham tarqatiladi.

Fayl yuborish uchun telefonlarni tekkizish kifoya

Tap to Share funksiyasi Quick Share tizimiga integratsiya qilinadi. Bosh ekranda turgan ikki qurilma bir-biriga...

Portugaliya terma jamoasi va Saudiya Arabistonining «Al-Nassr» klubi hujumchisi Krishtianu Ronaldu yangi imiji bilan muxlislar e’tiborini tortdi. 41 yoshli futbolchi sochini qisqartirib, mis-qizg‘ish tusga bo‘yagan holda jamoasi qarorgohiga qaytdi. Futbolchi yangi rasmlarini ijtimoiy tarmoqdagi sahifalariga joyladi.

Ronaldu 13-avgust kuni «Al-Nassr» mashg‘ulotlariga yangi ko‘rinishda kelgan. Ayrim yorug‘likda uning sochi qizg‘ish, boshqa rakurslarda esa mis-sarg‘ish tusda ko‘rinmoqda. Bu portugaliyalik futbolchining odatiy to‘q rangdagi soch turmagidan keskin farq qiladi.

Futbolchining yangi imiji ijtimoiy tarmoqlarda ham keng muhokama qilina boshladi. O‘zgarish Ronaldu uchun nafaqat yangi futbol mavsumi, balki shaxsiy hayotida ham muhim voqealar sodir bo‘lgan davrga to‘g‘ri keldi.

Ronaldu Jorjina Rodrigesga uylandi

Toyota’ning GAZOO Racing bo‘linmasi yangilangan Toyota GR86 sportkarini taqdim etdi. Bu haqda kompaniya rasmiy saytida ma’lum qilindi.

Yaponiyada avtomobilga buyurtmalar 2026-yil 28-avgustdan boshlab Toyota dilerlik markazlarida qabul qilinadi. Yangilangan GR86’ning savdoga chiqishi ham aynan Yaponiya bozoridan boshlanadi.

Boshqaruv tizimi qayta sozlandi

Yangilanish doirasida GR86’ning drossel boshqaruvi, rul kuchaytirgichi va uzatmalarni almashtirish tizimi takomillashtirildi. Toyota muhandislari va professional sinov haydovchilari avtomobilni poyga trassalari hamda maxsus poligonlarda sinovdan o‘tkazgan.

Kompaniyaga ko‘ra, o‘zgarishlar natijasida avtomobilning manevrchanligi, rul boshqaruvidagi aniqligi va haydovchi buyruqlariga javob berish tezligi yaxshilangan. Rul tizimidagi yangi sozlamalar yuqori tezlikdagi burilishlarda avtomobilni belgilangan trayektoriyada barqarorroq ushlab turishga xizmat qiladi.

Google Gemini 3.7 Flash sun’iy intellekt modelini taqdim etdi. Yangi versiya avvalgi Gemini 3.6 Flash chiqarilganidan atigi uch hafta o‘tib taqdim qilindi.

Kompaniya 2026-yil oxirigacha Gemini 3.7 Flash uchun maxsus boshlang‘ich tariflarni ham belgiladi. Modelda 1 mln kirish tokeni $0,75, 1 mln chiqish tokeni esa $3,75 turadi. Bu Gemini 3.6 Flash’ning dastlabki narxidan ikki baravar arzon.

Dasturlash ko‘rsatkichlari sezilarli oshdi

Google ma’lumotlariga ko‘ra, Gemini 3.7 Flash’ning eng katta yangilanishlaridan biri dasturlash imkoniyatlariga tegishli.

FrontierCode 1.1 Main testida foydalanishga tayyor kod yaratish aniqligi Gemini 3.6 Flash’dagi 34,4 foizdan 43,6 foizgacha oshgan. DeepSWE v1.1 sinovida esa natija 49 foizdan...

Qashqadaryo viloyatida tug‘ilgan O‘zbekiston fuqarosi terroristik tashkilotlar faoliyatiga aloqador jinoyatlarni sodir etganlikda aybdor deb topilib, 10 yil muddatga ozodlikdan mahrum qilindi. Bu haqda DXX xabar bermoqda.

Ma’lum qilinishicha, 1995-yilda tug‘ilgan fuqaro 2017-yilda Janubiy Koreyadagi nufuzli universitetlardan biriga o‘qishga kirgan. Xorijda tahsil olayotgan vaqtida u ijtimoiy tarmoqlarda «jihod», «hijrat» va «shahidlik» g‘oyalarini targ‘ib qiluvchi audio va videomateriallarni kuzata boshlagan.

Terroristik tashkilotlarga aloqador shaxslar bilan bog‘langan

Tergov materiallariga ko‘ra, fuqaro Suriyadagi qurolli to‘qnashuvlar aks etgan videolar ta’sirida radikal g‘oyalarga berilgan. Keyinchalik u Instagram va Telegram orqali Suriya hududida faoliyat yuritayotgan «Tavhid va jihod katibasi» hamda «G‘uroba katibasi» terroristik tashkilotlariga aloqador...

Jorjina Rodriges va Ronaldu nikohini e’lon qilganidan bir kun o‘tib, Lissabondagi Umberto Delgadu aeroportida farzandlari bilan birga ko‘rinish berdi. Bu haqda Marca xabar bermoqda.

Portugaliya OAVga ko‘ra, yangi turmush qurgan juftlik aeroportning VIP kirish qismidan foydalangan.

Marca nashri SIC Notícias telekanaliga tayanib yozishicha, Ronaldu va Jorjinaning navbatdagi manzili Saudiya Arabistoni bo‘lishi mumkin. Biroq ularning aynan qayerga uchib ketgani rasman tasdiqlanmagan.

Ronaldu jurnalistlarga hazil bilan murojaat qildi

Ronaldo vai regressar à Arábia Saudita, após ter casado com Georgina Rodríguez nesta terça-feira, numa cerimónia em Cascais. A chegada ao aeroporto Humberto Delgado aconteceu ao inicio desta...

ILMA uchun yangi vakolat, sudga berilgan Tramp – 13-avgust kuni e’lon qilingan yangiliklar Kursiv Uzbekistan dayjestida.

Aksiyalarni kvotalash vakolati Vazirlar Mahkamasidan ILMAga o‘tishi mumkin

«Kapital bozori to‘g‘risida»gi yangi qonun loyihasida Istiqbolli loyihalar milliy agentligining (ILMA) vakolatli regulyator sifatidagi vakolatlari sezilarli darajada kengaytirildi. Masalan, O‘zbekiston Respublikasi emitentlarining qimmatli qog‘ozlarini chet elda joylashtirish va muomalaga kiritish kvotalarini tartibga solish, shuningdek, xorijiy qimmatli qog‘ozlarni mahalliy bozorga kiritish bo‘yicha Vazirlar Mahkamasining funksiyalari agentlikka o‘tkaziladi. Bu haqda regulyator vakillari Kursiv Uzbekistan’ga 12-avgust kuni bo‘lib o‘tgan matbuot anjumanida ma’lum qildi.

ILMA Kapital bozorini rivojlantirish departamenti boshlig‘i Saibjan Xudayberdiyevning ta’kidlashicha, qonun loyihasining asosiy yangiligi ilgari mamlakat qonunchiligida...

O‘zbekistonda hududlarni yoqilg‘i-energetika resurslari bilan barqaror ta’minlash maqsadida 721 ta mahallada elektr tarmoqlari, 200 ta mahallada esa gaz tarmoqlari yangilanadi. Bu haqda 13-avgust kuni Shavkat Mirziyoyevga «Yangiyo‘l tajribasi» asosida amalga oshirilgan ishlar yuzasidan axborot berildi.

Avvalroq ushbu tajriba asosida har bir hududdan bittadan tanlab olingan 14 ta tumanda namunaviy tizim yaratish vazifasi qo‘yilgan edi. Ishlar mahallabay tashkil etilib, energetika sohasidagi muammolar joyiga chiqqan holda o‘rganildi.

Mazkur yondashuv doirasida 916 ta mahalla, 832 mingta xonadon, 49 mingta tadbirkorlik subyekti va 2,2 mingdan ortiq ijtimoiy soha obyektlari qamrab olindi. Har bir mahalla bo‘yicha energetik pasport va energiya resurslariga talab balansi...

Olim Davlatovich Davlatov O‘zbekiston Respublikasi Prezidentining vakillik organlari, nodavlat notijorat tashkilotlar va yoshlar masalalari bo‘yicha maslahatchisi lavozimiga tayinlandi. Bu haqda prezident matbuot xizmati xabar berdi.

Shu bilan birga, Ruslanbek Quroltayevich Davletov Prezidentning vakillik organlari, nodavlat notijorat tashkilotlar va yoshlar masalalari bo‘yicha maslahatchisi lavozimidan ozod etildi.

Yangi maslahatchi tayinlandi

Olim Davlatov yangi lavozimida vakillik organlari, nodavlat notijorat tashkilotlar hamda yoshlar bilan bog‘liq masalalar bo‘yicha Prezidentga maslahat va takliflar taqdim etadi.

Uning vakolat doirasiga ushbu yo‘nalishlarda davlat siyosatini amalga oshirish, tegishli tashkilotlar faoliyatini muvofiqlashtirish va yoshlar masalalariga oid tashabbuslarni ilgari surish bilan bog‘liq vazifalar kiradi.

Ruslanbek Davletov lavozimidan ozod...

Shavkat Mirziyoyevning 13-avgustdagi farmoni bilan Tadbirkorlar kuni munosabati bilan soha rivojiga munosib hissa qo‘shgan bir guruh tadbirkor va ishbilarmonlar davlat mukofotlari bilan taqdirlandi. Bu haqda prezident matbuot xizmati xabar berdi.

Mukofotlanganlar mamlakat taraqqiyoti va eksport salohiyatini yuksaltirish, investitsiyalarni jalb qilish, import o‘rnini bosuvchi mahsulotlar ishlab chiqarish, zamonaviy xizmatlarni kengaytirish, yangi ish o‘rinlari yaratish hamda aholi farovonligini oshirishdagi xizmatlari uchun e’tirof etildi.

Jumladan, Odiljon Boltayevga «O‘zbekiston Respublikasida xizmat ko‘rsatgan tadbirkor», Baxtiyor Xamrayevga «O‘zbekiston Respublikasida xizmat ko‘rsatgan sanoat xodimi», Muhsinjon Isakov va Yorqin Babaxanovga «O‘zbekiston Respublikasida xizmat ko‘rsatgan quruvchi» faxriy unvonlari berildi.

Shuningdek, Baxtiyor Axmedov «O‘zbekiston Respublikasida xizmat ko‘rsatgan qishloq xo‘jaligi...

Biznes-ombudsman aralashuvidan keyin tadbirkorlarga texnik shartlarni rasmiylashtirish va loyiha hujjatlarini kelishish bo‘yicha amaliy yordam ko‘rsatildi. Bu haqda tashkilot matbuot xizmati xabar berdi.

Tadbirkorlar murojaat qildi

Toshkent shahrida faoliyat yuritayotgan 40 nafarga yaqin tadbirkorlar elektr tarmoqlariga ulanish jarayonida muammolarga duch kelgan. Ular zarur texnik shartlarni olish hamda loyiha hujjatlarini kelishishda yordam so‘rab Biznes-ombudsmanga murojaat qilgan.

Murojaatlar o‘rganilgach, muammo elektr tarmoqlari tomonidan berilgan texnik shartlarni rasmiylashtirishdagi kamchiliklar bilan bog‘liq ekani aniqlangan.

Texnik shartlar qonunchilikka zid berilgan

Tekshiruv davomida Hududiy elektr tarmoqlari Toshkent shahar filiali tomonidan ayrim tadbirkorlarga texnik shartlar amaldagi tartiblarga zid ravishda berilgani ma’lum bo‘lgan.

Shu sababli vakolatli...

Apple yangi iPhone 18 seriyasini odatdagidek bir vaqtda taqdim etmasligi kutilmoqda. Bu haqda MacRumors nashri xabar berdi.

Unga ko‘ra, iPhone 18 Pro va Pro Max modellari 2026-yil kuzida namoyish etilsa, standart iPhone 18 taqdimoti 2027-yil bahoriga qoldiriladi.

Yetkazib berish jadvali o‘zgaradi

Apple qurilmalari uchun komponent va yig‘ish xizmatlarini ko‘rsatuvchi Pegatron kompaniyasi 2026-yilning ikkinchi choragi yakunlari bo‘yicha konferensiya o‘tkazgan. Tayvanning Economic Daily News nashri xabariga ko‘ra, unda smartfonlar yetkazib berish jadvali avvalgi yillardagidan farq qilishi ma’lum qilingan.

Unga ko‘ra, iPhone 18 Pro va iPhone 18 Pro Max hamda yangi iPhone Ultra kuzda ishlab chiqarilishi va sotuvga chiqarilishi kutilmoqda...

Xiaomi yangi HyperOS 4 operatsion tizimi uchun alohida taqdimot tashkil qilmasligini ma’lum qildi. Bu haqda kompaniya vakili Weibo’dagi sahifasida yozib qoldirdi.

Kompaniya yangi versiyani foydalanuvchilar fikrlari asosida takomillashtirishga e’tibor qaratadi.

Taqdimot o‘rniga beta-test

Avvalroq HyperOS 4 avgust oxirigacha taqdim etilishi kutilayotgani haqida xabarlar tarqalgan edi. Hatto yangi tizim interfeysiga oid dastlabki skrinshotlar ham internetda paydo bo‘lgan.

Biroq Xiaomi mobil bo‘linmasi rahbari Lu Veybin kompaniya odatdagi taqdimot tadbirini o‘tkazmasligini bildirdi. Buning o‘rniga ishlab chiquvchilar tizimni amaliy sinovdan o‘tkazish va foydalanuvchilardan keladigan fikr-mulohazalar asosida optimallashtirishga e’tibor qaratadi.

Beta-test 14-avgustdan boshlanadi

Xitoy ichki bozorida HyperOS 4 beta-versiyasini sinash 14-avgustdan boshlanadi...

AQShlik juftlik ilk bor tanishib, birga ishlagan McDonald’s restoranida to‘y o‘tkazdi. Marosim videosi TikTok’da 58 mln martadan ortiq ko‘rildi va internet foydalanuvchilari orasida qizg‘in muhokamalarga sabab bo‘ldi.

To‘y restoranning o‘zida, do‘stlar, qarindoshlar va hamkasblar ishtirokida o‘tkazilgan. Marosimdagi ayrim detallar ham McDonald’s uslubiga moslashtirilgan. Masalan, gul sochgan qizaloq gulbarglarni Happy Meal qutisidan sepgan.

Video internetda katta qiziqish uyg‘otdi

To‘y videosi TikTok’da 58 mln martadan ortiq ko‘rildi. Foydalanuvchilarning bir qismi bu g‘oyani kulgili va noodatiy deb baholagan bo‘lsa, boshqalar bunday marosimni tanqid qilgan.

Izohlarda ayrim...

14-avgust uchun valyutalar kursi yangilandi. Unga ko‘ra, dollar kursi 10,69 so‘mga tushib, 11 937,39 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 6-avgustda esa 55,49 so‘mga tushib, 11 886,72 so‘m bo‘ldi. 7-avgust kuni 28,92 so‘mga oshib, 11 915,64 so‘mni, 10-avgust kuni 36,46 so‘mga oshib, 11 952,10 so‘mni, 11-avgust kuni esa 17,49 so‘mga tushib, 11 934,61 so‘mni tashkil etdi. 12-avgust kuni dollar 44,66 so‘mga tushib, 11 889,95 so‘m, 13-avgust kuni 58,63 so‘mga oshib, 11 948,58 so‘m bo‘ldi.

Yevro kursida ham pasayish kuzatildi. Yevropa valyutasi 24,28 so‘mga tushib...

«Tashabbusli budjet» 2026-yilgi ikkinchi mavsumida sheriklik asosida moliyalashtirilgan ilk loyiha g‘olibi aniqlandi. Bu haqda Iqtisodiyot va moliya vazirligi xabar berdi.

Unga ko‘ra, Samarqand shahridagi Registon mahallasida joylashgan futbol stadionini ta’mirlash loyihasining 50 foizi fuqarolar tomonidan moliyalashtirildi.

Ushbu loyiha qiymatining 50 foizi fuqarolar tomonidan moliyalashtirilgani sababli u belgilangan tartibga muvofiq g‘olib deb topilgan.

Sheriklik loyihalari qanday g‘olib bo‘ladi

«Tashabbusli budjet»ning joriy yilgi ikkinchi mavsumida fuqarolar tomonidan sheriklik asosida kiritilgan loyihalar avtomatik ravishda g‘olib bo‘lishi uchun zarur mablag‘lar maxsus tranzit hisob raqamlariga o‘tkazilishi kerak.

Talab bajarilgach, loyiha qo‘shimcha ovoz berishsiz g‘olib deb e’tirof etiladi.

Mablag‘larni 21-avgustgacha o‘tkazish mumkin

Sheriklik...

Google yangi Pixel 11 smartfonlar oilasini rasman namoyish etdi. Seriyaga Pixel 11, Pixel 11 Pro, Pixel 11 Pro XL va bukiladigan Pixel 11 Pro Fold kiradi.

Yangi qurilmalarning aksariyati Tensor G6 chipi bilan jihozlangan, ayrim modellar esa korpusining orqa qismidagi HiLight indikatori bilan ajralib turadi.

Pixel 11 yangi chip bilan jihozlandi

Seriyaning asosiy modeli Pixel 11 Google’ning yangi Tensor G6 protsessoriga ega. Kompaniya ma’lumotlariga ko‘ra, chip avvalgi avlodga nisbatan energiyani 20 foiz samaraliroq sarflaydi. Brauzer ishlash tezligi 25 foizga, ilovalarni yuklash tezligi esa 15 foizga oshgan.

Smartfon 6,3 dyuymli OLED displey bilan keladi. Ekranning yangilanish chastotasi...

Fransiyaning «PSJ» klubi UEFA superkubogi finalida «Aston Villa»ni 2:1 hisobida mag‘lub etib, sovrinni ketma-ket ikkinchi yil yutdi. Bu haqda Chempionat.com nashri xabar berdi.

Kvaratsxeliya «PSJ»ni oldinga olib chiqdi

Zalsburgda o‘tkazilgan final bahsida Chempionlar ligasi g‘olibi «PSJ» Yevropa ligasida zafar quchgan «Aston Villa»ga qarshi maydonga tushdi.

Parijliklar uchrashuvni faol boshladi va 20-daqiqada hisobni ochdi. Dezire Duening uzatmasidan keyin Xvicha Kvaratsxeliya to‘pni darvozaga yo‘llab, jamoasini oldinga olib chiqdi.

«Aston Villa» tanaffus oldidan javob qaytardi

«PSJ»ning ustunligi uzoq davom etmadi. Birinchi bo‘lim yakuniga yaqin inglizlar hisobni tenglashtirishga muvaffaq bo‘ldi.

45-daqiqada «Aston Villa»ning 17 yoshli hujumchisi Brayan Madjo gol urib, uchrashuvdagi...

O‘zbekistonlik hujumchi Eldor Shomurodov Turkiyaning «Beshiktosh» klubi transfer ro‘yxatidan joy oldi. Istanbul jamoasi 31 yoshli futbolchini hujum chizig‘ini kuchaytirish uchun asosiy nomzodlardan biri sifatida ko‘rib chiqmoqda. Bu haqda Desport nashri xabar berdi.

«Beshiktosh» Shomurodovni transfer qilmoqchi

Nashr xabariga ko‘ra, «Beshiktosh» yangi mavsum oldidan hujum chizig‘ini kuchaytirishni rejalashtirmoqda. Klub rahbariyati bir nechta hujumchilar bilan muzokara olib bormoqda va ular orasida Istanbulning «Bashakshehir» klubida to‘p surayotgan Shomurodov ham bor.

O‘zbekistonlik futbolchi Turkiya chempionatidagi ilk mavsumidayoq samarali o‘yin ko‘rsatib, transfer bozorida boshqa klublarning ham e’tiborini tortgan.

Shomurodovning Turkiyadagi kelajagi hal bo‘ladimi

Shomurodov avval «Roma»dan «Bashakshehir»ga ijara asosida...

O‘zbekistonlik grossmeyster Nodirbek Abdusattorov Esports World Cup 2026 turnirining «A» guruhida ikki uchrashuvda g‘alaba qozonib, play-off yo‘llanmasini qo‘lga kiritdi. Bu bilan u kamida $75 ming mukofot pulini kafolatladi.

NAVI jamoasi sharafini himoya qilayotgan o‘zbekistonlik shaxmatchi guruh bosqichida ikkala raqibini ham 2:0 hisobida mag‘lub etdi va muddatidan oldin play-offga yo‘l oldi.

Abdusattorov dastlab S8UL vakili Pranesh Munirethinam bilan uchrashdi va 2:0 hisobida g‘alaba qozondi.

Keyingi saralash bahsida uning raqibi Weibo jamoasi vakili Yan-Kshishtof Duda bo‘ldi. O‘zbekistonlik grossmeyster bu uchrashuvda ham 2:0 hisobida ustun keldi. Shu tariqa Abdusattorov «A» guruhidan play-off bosqichiga chiqdi.

Mukofot puli

Pley-offga chiqish orqali Nodirbek Abdusattorov...

O‘zbekistonda yilning dastlabki olti oyida Soliq mobil ilovasida ro‘yxatdan o‘tkazilgan xarid cheklari soni oshdi. Bunda asosiy o‘sish uchta savdo tarmog‘i – Korzinka, Olma va Havas hissasiga to‘g‘ri kelgan.

Soliq qo‘mitasi ma’lumotlariga ko‘ra, 2026-yil yanvarida eng ko‘p chek ro‘yxatdan o‘tkazgan TOP – 20 kompaniya bo‘yicha 14,56 mlnta chek qayd etilgan. Iyun oyiga kelib bu ko‘rsatkich 16,66 mlntaga yetgan. Shunday qilib, besh oy davomida cheklar soni qariyb 2,1 mlntaga oshgan.

Biroq o‘sish barcha kompaniyalarda bir xil bo‘lmagan. Korzinka, Olma va Havas’da qayd etilgan cheklar soni jami 28,7 foizga ko‘paygan. Qolgan kompaniyalarda esa aksincha, 11,1 foizlik pasayish kuzatilgan.

Olma eng katta...

Qozog‘istondagi neft va gaz qidiruvi hamda qazib olish bilan shug‘ullanuvchi Kazakhstan FengYuanXinMao Energy Ltd. kompaniyasining sof zarari 2025-yilda uch baravardan ko‘proqqa oshdi. Kompaniya yil yakunida qariyb $2,6 mln zarar qayd etdi. 2024-yilda mazkur ko‘rsatkich qariyb $745 mingni tashkil etgan edi.

Xarajatlar keskin oshgan

Moliyaviy hisobotga ko‘ra, kompaniyaning 2025-yildagi ma’muriy xarajatlari qariyb $542 mingni tashkil etdi. Bir yil avval bu ko‘rsatkich $39,5 ming atrofida edi.

Moliyaviy natijaga uzoq muddatli qarzlarning adolatli qiymatini qayta baholash bilan bog‘liq qariyb $1,92 mln xarajat hamda $661 mingga yaqin moliyalashtirish xarajatlari salbiy ta’sir ko‘rsatgan.

Shu bilan birga, kompaniya depozitlardan qariyb $140 ming daromad va...

Rossiya Davlat dumasidagi Liberal-demokratik partiya fraksiyasi migrantlar uchun jismoniy shaxslardan olinadigan daromad solig‘ini 30 foizgacha oshirishni taklif qildi. Soliq to‘lamagan migrantlarni esa mamlakatdan chiqarib yuborish taklif etilmoqda.

Bu haqda Davlat dumasining xavfsizlik va korrupsiyaga qarshi kurash qo‘mitasi raisining birinchi o‘rinbosari, LDP fraksiyasi rahbarining birinchi o‘rinbosari Andrey Lugovoy TASS’ga ma’lum qildi.

Sabablar

Lugovoyning aytishicha, migrantlar Rossiya infratuzilmasi, tibbiyot tizimi va boshqa xizmatlardan foydalanayotgani sababli ular uchun daromad solig‘i stavkasini 30 foizgacha oshirish kerak.

Deputat, shuningdek, soliq majburiyatlarini bajarmagan migrantlarga imtiyoz yoki bo‘lib-bo‘lib to‘lash imkoniyati berilmasligi kerakligini ta’kidladi. Uning fikricha, soliqni to‘lamagan xorijlik mamlakatni tark etishi lozim.

Rossiyaga...