Yangiliklar

O‘zbekistondagi 10 mingdan ortiq qabristonlarni obodonlashtirish va saqlash uchun 1,6 trln so‘m mablag‘ yo‘naltiriladi. Bu haqda O‘zA ma’lum qildi.

Vazirlar Mahkamasining «Qabristonlarni obodonlashtirish ishlarini samarali tashkil etish to‘g‘risida»gi qarori qabul qilindi. Qaror bilan respublikadagi 10 mingdan ortiq qabristonlarni obodonlashtirish maqsadida 2027 – 2029-yillarga mo‘ljallangan dastur tasdiqlandi. Ushbu yo‘nalishga jami 1,6 trln so‘m mablag‘ yo‘naltirilishi belgilandi.

Qabristonlarning himoya devorlarini qurish, kirish darvozalarini o‘rnatish hamda ta’mirlash ishlari mahalliy budjet mablag‘lari hisobidan moliyalashtiriladi. U yerdagi binolar, yo‘l va yo‘laklarni qurish hamda ta’mirlash ishlari esa qabristonlar uchun ochilgan shaxsiy hisobvaraqlarda shakllangan mablag‘lar, homiylik va xayr-ehsonlar, shuningdek, mahalliy budjetlarning qo‘shimcha manbalari hisobidan amalga...

O‘zbekiston Eron Islom Respublikasiga 15 ta yuk mashinasidan iborat navbatdagi insonparvarlik yordamini yubordi. Bu haqda Tashqi ishlar vazirligi ma’lum qildi.

15 ta yuk mashinasiga yuklangan gumanitar yordam tarkibida dori vositalari va tibbiy buyumlar bor. Yordam Turkmaniston — Eron chegarasidagi «Artik – Lyutfobod» nazorat-o‘tkazish punktida Eron tomonga tantanali ravishda topshirildi.

Oʻzbekistonning Turkmanistondagi elchisi Ravshan Alimov, Eronning Turkmanistondagi elchisi Ali Moʻjtabo Roʻzbehoniy, Dargaz shahri hokimi Moʻjtabo Bazmara, Eron Tashqi ishlar vazirligining Xurosoni Razaviy viloyatidagi vakili Haydari Fard hamda bojxona, sog‘liqni saqlash va insonparvarlik tashkilotlari vakillari ishtirok etdi.

Eron tomoni ushbu sinovli davrda ko‘rsatilgan amaliy ko‘mak uchun O‘zbekiston Respublikasi prezidenti va...

Shavkat Mirziyoyev rasmiy tashrif bilan O‘zbekistonga kelgan Yevropada xavfsizlik va hamkorlik tashkiloti (YXHT) bosh kotibi Feridun Sinirlioğluni qabul qildi. Uchrashuvda iqtisodiy, ekologik, siyosiy va gumanitar yo‘nalishlardagi hamkorlikni rivojlantirish masalalari muhokama qilindi.

Suhbat chog‘ida O‘zbekiston va YXHT o‘rtasidagi ochiq va konstruktiv muloqot yuksak darajaga chiqqani, hamkorlik izchil mustahkamlanib borayotgani mamnuniyat bilan qayd etildi. Tashkilot rahbariyati O‘zbekistonga muntazam tashriflar amalga oshirayotgani, shuningdek, YXHT DIIHB missiyalari mamlakatda saylov jarayonlarini monitoring qilishda ishtirok etayotgani ta’kidlandi.

Shuningdek, transmilliy tahdidlarga qarshi kurashish, sud-huquq tizimini isloh qilish, gender tenglikni ilgari surish, inson huquqlarini himoya qilish hamda ommaviy axborot vositalarini rivojlantirish yo‘nalishlarida amalga oshirilayotgan qo‘shma loyihalarning...

Chorva naslini yaxshilash va importni rag‘batlantirish maqsadida nasldor qoramol, qo‘y va echkilar importi qo‘shilgan qiymat solig‘i (QQS)dan ozod etiladi. Bu haqda Adliya vazirligi ma’lum qildi.

«Chorvachilik tarmog‘i va yaylov xo‘jaligini zamonaviy boshqaruv tizimi va yangicha yondashuvlar asosida rivojlantirish chora-tadbirlari to‘g‘risida»gi prezident qaroriga muvofiq, 2026 – 2028-yillarda chorvachilikni rivojlantirish bo‘yicha aniq maqsadlar belgilandi.

Unga ko‘ra, go‘sht va sut mahsulotlarini sanoat usulida qayta ishlash darajasi 50 foizga yetkaziladi, shuningdek, nasldor qoramollar ulushi 90 foizga oshiriladi.

Shuningdek, 2027-yil hosilidan boshlab paxta va boshoqli don ekinlari joylashtirilgan yer maydonlarining 50 foizida yem-xashak ekinlarini joylashtirishga ruxsat etilishi nazarda tutilgan. Bu esa chorva ozuqa...

Xiaomi kompaniyasi Poco brendi ostida Poco Pad C1 nomli yangi hamyonbop planshetni taqdim etdi. Qurilma kompaniyaning global rasmiy saytida paydo bo‘ldi.

Planshet 9,7 dyuymli IPS displey bilan jihozlangan bo‘lib, ekran 2K — 2048×1280 piksel aniqlik hamda 120 Gs yangilanish chastotasini qo‘llab-quvvatlaydi. Qurilma metall korpusda ishlab chiqarilgan, qalinligi 7,4 mm, vazni esa taxminan 406 grammni tashkil qiladi.

Poco Pad C1 Qualcomm Snapdragon 6s 4G Gen 2 protsessori asosida ishlaydi. Qurilma 6 GB gacha tezkor hamda 128 GB gacha ichki xotira bilan taqdim etiladi. Shuningdek, microSD kartalari orqali xotirani 2 TB gacha kengaytirish imkoniyati mavjud.

Planshetda 4G aloqa qo‘llab-quvvatlovi, ikkita...

O‘zbekistonda oziq-ovqat mahsulotlari xavfsizligi, fitosanitariya va veterinariya sohalarida yagona davlat boshqaruvi tizimi joriy etiladi. Bu prezident farmonida belgilandi.

Hujjatga ko‘ra, sohadagi takrorlanuvchi funksiyalar qisqartirilib, yagona boshqaruv tizimi yaratiladi. Shuningdek, «daladan dasturxongacha» tamoyili asosida xavf tahliliga tayangan nazorat tizimi joriy etiladi.

Farmon bilan O‘simliklar karantini va himoyasi agentligi hamda Veterinariya va chorvachilikni rivojlantirish qo‘mitasi negizida O‘zbekiston Respublikasi Oziq-ovqat mahsulotlari xavfsizligi qo‘mitasi tashkil etiladi.

Bundan tashqari, Qishloq xo‘jaligi vazirligi huzurida Chorvachilik va yaylov xo‘jaligini rivojlantirish agentligi tuziladi.

Hujjatga asosan, amaldagi sanitariya qoidalari Alimentarius kodeksi, WOAH va IPPC xalqaro standartlariga moslashtiriladi.

Shuningdek, qo‘mita huzurida Oziq-ovqat mahsulotlari xavfsizligi instituti tashkil etilishi belgilangan.

2027-yil...

Farg‘ona viloyatidagi Shohimardon va So‘x yo‘nalishi chegara postlari yozgi sayyohlik mavsumi munosabati bilan tunu kun ishlash tartibiga o‘tkazildi. Bu haqda Bojxona qo‘mitasi ma’lum qildi.

Farg‘ona viloyati bojxona boshqarmasining «Farg‘ona» chegara bojxona posti, ushbu postning Shohimardon qishlog‘iga kirish qismida joylashgan «Oq-Qiya» bojxona punkti hamda «So‘x» chegara bojxona posti endilikda 24 soatlik ish rejimida faoliyat yuritadi.

Qayd etilishicha, o‘tkazish punktlari ish rejimining o‘zgartirilishi yozgi sayyohlik mavsumida chegaradan o‘tayotgan fuqarolar uchun yanada qulay sharoit yaratishga qaratilgan. Mazkur tartib joriy yilning 1-oktabr kuniga qadar amal qiladi.

Ma’lumot uchun, bunga qadar mazkur bojxona maskanlari har kuni soat 06:00 dan 22:00 gacha xizmat ko‘rsatib...

O‘zbekiston Milliy investitsiya jamg‘armasi, ya’ni UzNIF’ning 214,6 mlrd so‘mlik, qariyb $17,7 mlnlik lokal IPO taklifining asosiy qismini chakana investorlar sotib oldi. Ularning ulushi 71,6 foizni tashkil etdi. Institutsional investorlar hissasiga esa ushbu hajmning atigi 28,4 foizi to‘g‘ri keldi. Yirik o‘yinchilarning ichki bozordagi ulushi nima sababdan nisbatan past bo‘lgani haqida Templeton Global Investments kompaniyasining Markaziy Osiyo bo‘yicha bosh direktori Marius Dan 20-may kuni o‘tkazilgan matbuot anjumanida gapirdi.

Uning ta’kidlashicha, yirik bitimda 150 dan ortiq institutsional investorlar ishtirok etgan. Biroq ularning kapitalining katta qismi hozircha xalqaro yo‘nalishda jamlangan. Ikki tomonlama listing, ya’ni London va Toshkentda bir vaqtning o‘zida joylashtirish strategiyasini izohlar ekan...

O‘zbekistonda ilk bor masofadan turib robot jarrohlik amaliyoti muvaffaqiyatli amalga oshirildi. Bu haqda Sog‘liqni saqlash vazirligi ma’lum qildi.

Qayd etilishicha, operatsiyani respublika ixtisoslashtirilgan xirurgiya ilmiy-amaliy tibbiyot markazi mutaxassisi Abdurashid Abdukarimov Xitoydan turib bajargan.

Masofaviy jarrohlik amaliyoti Xitoyning Uxan shahridagi gospital bilan onlayn aloqa orqali o‘tkazilgan. Operatsiya davomida robot texnologiyalari qo‘llanilgan.

SSVga ko‘ra, robot jarrohlik shifokorga eng nozik harakatlarni yuqori aniqlikda bajarish imkonini beradi. Bu esa bemorga kamroq jarohat yetishi va tezroq tiklanishga yordam beradi.

Vazirlik ushbu voqeani O‘zbekiston tibbiyoti tarixidagi yangi bosqich sifatida baholadi. Ta’kidlanishicha, endilikda masofa murakkab operatsiyalarni amalga oshirish uchun to‘siq bo‘la olmaydi.

Eslatib o‘tamiz, avvalroq vazirlik...

O‘zbekiston Xitoyga 10 turdagi quritilgan sabzavotni eksport qilish uchun fitosanitar ruxsatini oldi. Bu haqda O‘simliklar karantini va himoyasi agentligi xabar berdi.

2Unga ko‘ra, 2026-yil 5 – 7-may kunlari O‘zbekiston hukumatining Xitoyga amalga oshirgan tashrifi doirasida agentlik hamda Xitoy Bosh bojxona boshqarmasi o‘rtasida uchrashuv bo‘lib o‘tdi. Unda O‘zbekistondan Xitoyga 10 turdagi quritilgan sabzavotlarni eksport uchun fitosanitar ruxsat olishga erishildi.

Ruxsat berilgan mahsulotlar qatoriga sarimsoq piyoz, piyoz, lavlagi, sabzi, pomidor, rediska, qovoq, baqlajon, qovoqcha hamda turli ko‘katlar kiradi.

Ushbu mahsulotlarni Xitoyga eksport qilish uchun korxonalar Xitoy reyestriga kiritilgan bo‘lishi kerak. Shuningdek, mahsulotlar karantin ahamiyatiga ega zararli organizmlardan xoli bo‘lishi, fitosanitariya...

O‘zbekistonda meva-sabzavot va oziq-ovqat eksportini soddalashtirish hamda fitosanitar nazoratni takomillashtirish uchun tizimda jamoatchi inspektor faoliyati yo‘lga qo‘yiladi. Bu haqda Adliya vazirligi ma’lum qildi.

Prezidentning «Fitosanitariya tartib-taomillarini soddalashtirish hamda meva-sabzavot va oziq-ovqat mahsulotlarini eksport qilish jarayonlarini takomillashtirishga doir qo‘shimcha chora-tadbirlar to‘g‘risida»gi qarori qabul qilindi.

Qarorga muvofiq, tadbirkorlarning yuklarini ko‘rik uchun yo‘naltiriladigan omborlarda saqlash xarajatlari 60 mlrd so‘mgacha qisqartiriladi. Shuningdek, olib kirilayotgan o‘rta fitosanitar xavf darajasiga ega tovarlarni nazorat qilishga ketadigan vaqt o‘rtacha 3 ish kunidan 1 ish kunigacha kamaytiriladi.

2026-yil 1-avgustdan boshlab karantindagi mahsulotlar fitosanitar nazoratida xavflarni boshqarishga asoslangan tanlab olishning avtomatlashtirilgan mexanizmi joriy etiladi. Mazkur tizim «E-Fitouz» elektron...

2026-yilgi Jahon chempionati oldidan futbol bo‘yicha Germaniya milliy terma jamoasining yakuniy tarkibi ma’lum qilindi. Jamoaning kengaytirilgan ro‘yxatiga tajribali faxriylar hamda yangi nomlar jalb etilgan.

Afsonaviy darvozabon Manuel Noyer hamon birinchi raqamli posbonlar qatorida mundialga yo‘l olmoqda. Unga Oliver Bauman va Aleksandr Nyubel zaxiradan raqobat taqdim etadi.

Himoya chizig‘ida «Real Madrid» a’zosi Antonio Ryudiger hamda «Bavariya» vakillari Yozua Kimmix va Jonatan Ta asosiy figuralar bo‘lishi kutilmoqda. Shuningdek, ro‘yxatdan «Dortmund» vakillari Niko Shlotterbek, Valdemar Anton va «Nyukasl» himoyachisi Malik Tiav joy olgan.

Yarim himoya qismida jahon darajasidagi pleymeykerlar jamlangan. Angliyaning «Liverpul» klubi vakili Florian Virts va Jamal Musiala ajoyib tandem hosil...

2026-yilning birinchi choragida Toshkent shahrini rivojlantirish jamg‘armasi mablag‘lari hisobidan festival va bayram tadbirlariga 75 mlrd so‘m yo‘naltirildi. Xalq deputatlari Toshkent shahar Kengashiga ko‘ra, jamg‘arma hisobidan jami 431 mlrd so‘m xarajat qilingan.

Eng katta mablag‘lardan biri infratuzilma loyihalariga yo‘naltirilgan bo‘lib, bu maqsadlar uchun 127,7 mlrd so‘m ajratilgan. Mahallalarni kompleks rivojlantirish uchun 108,5 mlrd so‘m, hududlarni obodonlashtirish uchun esa 91,7 mlrd so‘m sarflangan.

Shuningdek, ijtimoiy obyektlarni qurish va ta’mirlash uchun 21,1 mlrd so‘m ajratilgan. Bank va boshqa xarajatlar uchun esa 3 mlrd so‘m yo‘naltirilgan.

Ushbu davrda jamg‘arma hisobiga jami 254,2 mlrd so‘m tushum tushgan. Eng katta mablag‘ yer uchastkalarini sotish...

Qo‘qon shahrida voyaga yetmagan Malibu haydovchisi uch nafar 10 yoshli qizlarni urib yubordi. Sodir bo‘lgan yo‘l-transport hodisasi oqibatida bir qiz vafot etdi, deya xabar qilmoqda Farg‘ona IIB.

Ma’lum qilinishicha, voyaga yetmagan bola 20-may kuni soat 16:00 atrofida Malibu 2 avtomashinasida Qo‘qon shahri Amir Temur ko‘chasida harakatlanib ketayotgan bo‘lgan. U piyodalar o‘tish joyidan o‘tayotgan 2016-yilda tug‘ilgan uch nafar voyaga yetmagan qizni urib yuborgan.

YTH oqibatida qizlardan biri olgan tan jarohatlari sabab shifoxonada vafot etgan. Qolgan jabrlanuvchilarning holati haqida qo‘shimcha ma’lumot berilmadi.

Mazkur holat yuzasidan avtomashina boshqaruvidagi voyaga yetmagan shaxsga nisbatan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Shuningdek...

O‘zbekistonning jahon chempionati guruh bosqichidagi raqibi Kongo milliy jamoasi ebola xavfi tufayli mamlakat ichidagi tayyorgarlik yig‘ini va muxlislar bilan xayrlashuv marosimini bekor qildi. Bu haqda ESPN xabar berdi.

Kongo Respublikasi sharqida ebola virusining kam uchraydigan Bundibugyo turi tarqalishi sababli jamoaning poytaxt Kinshasadagi uch kunlik tayyorgarligi bekor qilingan. Jahon sog‘liqni saqlash tashkiloti mazkur holatni xalqaro miqyosdagi jamoat salomatligi uchun favqulodda vaziyat deb e’lon qildi.

Ushbu kasallik oqibatida 130 dan ortiq odamlar halok bo‘lgani va qariyb 600 nafar shubhali holat kuzatilgani taxmin qilinmoqda. Jamoa vakili Jerri Kalemoning ta’kidlashicha, Kinshasadagi yig‘in bekor qilingan bo‘lsa-da, Belgiyaning Lyej shahrida 3-iyun kuni Daniyaga va Ispaniya...

22-may uchun valyutalar kursi yangilandi. Unga ko‘ra, dollar kursi 54,96 so‘mga tushib, 12 021,22 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 13-mayda yana 3,71 so‘mga oshib, 12 145,65 so‘mga yetdi. Ammo 14-may kuni kurs 72,23 so‘mga tushib, 12 073,42 so‘mni, shuningdek, 15-may kuni yana 98,06 so‘mga tushib, 11 975,36 so‘mni tashkil qildi. 18-may kuni esa 10,94 so‘mga oshib, 11 986,30 so‘mga, 19-may kuni 32,97 so‘mga oshib, 12 019,27 so‘mga, 20-may kuni 36,54 so‘mga oshib, 12 055,81 so‘mga, 21-may kuni esa 20,37 so‘mga oshib...

O‘zbekistonda ayrim ma’muriy huquqbuzarliklarga oid ishlarni Ichki ishlar vazirligi huzuridagi qo‘riqlash xizmati mansabdor shaxslari ko‘rib chiqadi. Bu haqda Adliya vazirligi xabar bermoqda.

Unga ko‘ra, ichki ishlar organlari huzuridagi qo‘riqlash xizmatlari boshliqlari va ularning o‘rinbosarlariga ayrim ma’muriy ishlarni ko‘rib chiqish vakolati berildi. Jumladan, ular jamoat joylarida tamaki va alkogol mahsulotlarini iste’mol qilish bilan bog‘liq ishlarni ko‘rib chiqadi. Shuningdek, belgilanmagan joylarga chiqindi tashlash va to‘kish holatlari ham ushbu vakolat doirasiga kiritildi.

Bundan tashqari, voyaga yetmagan shaxsni g‘ayriijtimoiy xatti-harakatlarga jalb qilish, maishiy shovqinga qarshi kurash talablarini buzish kabi holatlar ham qo‘riqlash xizmati rahbarlari tomonidan ko‘rib chiqilishi mumkin. Qonun bilan qo‘riqlash xizmatlari mansabdor...

Sog‘liqni saqlash vazirligi aholiga tibbiyot sohasiga oid foydali va zamonaviy kontentlarni yetkazishga qaratilgan yangi «Doktor AI» medialoyihasini ishga tushirdi. Bu haqda SSV matbuot xizmati ma’lum qildi.

Unga ko‘ra, loyiha doirasida sun’iy intellekt yordamida tayyorlangan tibbiyotga oid videokontentlar taqdim etib boriladi.

Ta’kidlanishicha, loyiha orqali foydalanuvchilarga turli tibbiy mavzularda tavsiya va maslahatlar ham berib borilishi rejalashtirilgan. Shu tariqa «Doktor AI» aholi uchun tibbiy ma’lumotlar olishda yaqin ko‘makchilardan biriga aylanishi kutilmoqda.

Eslatib o‘tamiz, avvalroq fuqarolar uchun diniy mazmundagi materiallar va rasmiy ma’lumotlarni tezkor tekshirish imkonini beruvchi yangi Telegram bot ishga tushirilgan edi.

Toshkent xalqaro aeroportida Dubayga uchishni rejalashtirgan yo‘lovchining chemodanidan qariyb 2 kilogramm miqdorida yashirilgan oltin quymalar topildi. Bu haqda Davlat xavfsizlik xizmati ma’lum qildi.

Davlat xavfsizlik xizmati va Toshkent-Aero ixtisoslashtirilgan bojxona majmuasi xodimlari hamkorligida o‘tkazilgan tezkor tadbirda katta miqdordagi oltin quymalarning mamlakatdan noqonuniy olib ketilishiga chek qo‘yildi.

Toshkent – Dubay yo‘nalishida parvoz qilishni rejalashtirgan, 1980-yilda Andijon viloyatida tug‘ilgan, hozirda Toshkent shahrida yashovchi shaxsning yuklari tekshiruvdan o‘tkazilganda ushbu qoidabuzarlik aniqlangan.

Unga tegishli chemodanning ichki tayanch qismiga jami 1 kg 923 gr oltin quymalar yashirilganligi ma’lum bo‘ldi va ashyoviy dalil sifatida rasmiylashtirib olindi.

Shuningdek, ushbu noqonuniy harakatga 1992-yilda Toshkent viloyatida tug‘ilgan, muqaddam...

Toshkentdagi universitetlardan biriga o‘qishga kiritishni va’da qilib, evaziga $5,5 ming miqdorida pul undirgan shaxs qo’lga olindi. Bu haqda Bosh prokuratura departamenti ma’lum qildi.

Departamentning Yakkasaroy tumani bo‘limi hamda boshqa huquqni muhofaza qiluvchi organ xodimlari hamkorligida tezkor tadbir o‘tkazildi. Unda fuqaro noqonuniy ravishda pul olgan vaqtida ashyoviy dalillar bilan ushlandi.

Aniqlanishicha, u go‘yoki yuqori lavozimlarda ishlovchi tanishlari orqali boshqa fuqaroni Toshkent shahridagi universitetlardan biriga o‘qishga kiritib qo‘yishini aytgan. Shuningdek, oliygohni tamomlaganidan so‘ng ishga joylashtirib berishni va’da qilib, buning evaziga $5,5 ming olgan.

Mazkur holat yuzasidan Jinoyat kodeksining 168-moddasi (firibgarlik) hamda 28, 211-moddalari (pora berish) bilan bog‘liq holatlar asosida jinoyat...

O‘zbekiston milliy terma jamoasini jahon chempionatiga kuzatish tadbiri sabab Toshkentda 22-may kuni ayrim ko‘chalar yopiladi. Bu haqda poytaxt Yo‘l harakatini tashkil etish markazi ma’lum qildi.

Toshkent shahar hokimligi xabariga ko‘ra, cheklovlar 22-may kuni soat 16:00 dan 21:00 gacha amal qilishi mumkin. Taqiqlar tadbirni xavfsiz va yuqori saviyada tashkil etish maqsadida joriy qilinadi. Harakat Chilonzor – Cho‘ponota ko‘chalari chorrahasidan Qatortol – Cho‘ponota chorrahasigacha vaqtincha cheklanishi mumkin. Shuningdek, KHAY – Chilonzor chorrahasidan Chilonzor – Cho‘ponota chorrahasigacha bo‘lgan qismda ham cheklovlar kutilmoqda.

Bundan tashqari, KHAY – Bunyodkor chorrahasidan Bunyodkor ikkinchi darajali yo‘li orqali Bunyodkor – Cho‘ponota chorrahasigacha harakat vaqtincha to‘xtatilishi mumkin. Nurafshon...

O‘zbekiston Milliy investitsiya jamg‘armasi (UzNIF) IPO doirasidagi qo‘shimcha joylashtirish – greenshoe opsiyasini to‘liq ishga tushirdi.

Ma’lum qilinishicha, Jefferies International Limited 3,5 mln dona GDR sotib olgan. Har bir GDR narxi $25 etib belgilandi. Umumiy bitim qiymati qariyb $87,9 mlnni tashkil qildi. Shu bilan UzNIF IPO’sidan tushgan $692 mlnga yetdi.

Qo‘shimcha opsiya O‘zbekiston Iqtisodiyot va moliya vazirligi tomonidan taqdim etilgan. Hisob-kitoblar 22-may kuni yakunlanadi.

Asosiy IPO hajmi 23,4 mln dona GDRdan iborat bo‘lgan. Har bir GDR emitentning 64,7 ming oddiy aksiyasiga teng hisoblanadi.

Shuningdek, stabilizatsiya menejeri bo‘lgan Jefferies International Limited 13-maydan 20-maygacha davom etgan stabilizatsiya davrida bozorda qo‘shimcha stabilizatsiya savdolari...

Samarqandning «Dinamo» klubi futbolchilari o‘tgan yilning dekabr oyidan buyon maosh olmagan va 3 nafar xorijlik o‘yinchi jamoani tark etgan. Bu haqda klub bosh murabbiyi Vadim Abramov matbuot anjumanida ma’lum qildi.

O‘zbekiston kubogi 3-turi doirasida o‘tgan «Dinamo» hamda «Lochin» (4:2) uchrashuvidan so‘ng bosh murabbiy Vadim Abramov jamoaning joriy holati haqida gapirdi. Murabbiyning ta’kidlashicha, «Dinamo» kubok bahslari bilan xayrlashgan va endi bor e’tiborini chempionatga qaratadi.

«Bu qachongacha davom etishini bilmayman. Samarqandga futbol kerak emasdek», – dedi Abramov mavsumning muvaffaqiyatsiz o‘tayotgani haqidagi savolga javoban.

Uchrashuv davomida samarqandliklar 4:0 hisobida oldinda borayotgan bo‘lishiga qaramay, yakunda 2 ta gol...

Nyu-York shahrida kuchli yomg‘ir va momaqaldiroq oqibatida ayrim yo‘llarni suv bosdi. Ba’zi hududlarda daraxtlar qulab, harakatga xalaqit berdi, deya xabar bermoqda mahalliy nashrlardan biri Eyewitness news.

Hodisa chorshanba kuni kechqurun kuzatilgan. WABC xabariga ko‘ra, kuchli yog‘ingarchilik shahar infratuzilmasiga ta’sir qilgan. AQSh Milliy ob-havo xizmati Bruklin, Staten-Aylend, Kvins va Manxetten uchun suv toshqini bo‘yicha ogohlantirish e’lon qilgan.

Aholidan suv bosgan yo‘llarda avtomobil haydamaslik so‘ralgan. Shuningdek, suv bilan qoplangan hududlardan piyoda o‘tmaslik tavsiya etilgan. Kvinsdagi Yamayka hududida yo‘llarni suv bosgani aks etgan videolar tarqaldi. Xususan, 100-32 204-ko‘cha atrofida suv yo‘l qatnoviga xalaqit bergan.

Bruklinda esa kuchli shamol va yomg‘ir oqibatida katta...