Yangiliklar

O‘zbekitonga kelayotgan Ronaldo va litsenziyasiz biznes boshlash — 14-avgust kuni e’lon qilingan yangiliklar Kursiv Uzbekistan dayjestida.

Ronaldu O’zbekistonga keladimi

O‘zbekistonning ikki klubi – «Paxtakor» va «Neftchi» – Osiyo Chempionlar ligasining asosiy bosqichida birgalikda ishtirok etadi. Har ikki jamoa Saudiya Arabistonining Krishtianu Ronaldu sardorlik qiladigan «Al-Nasr» klubiga qarshi o’yin olib boradi. Bu haqda futbol mutaxassisi Alisher Nikimbayev o’z Telegram-kanalida yozib qoldirdi. 

Bu sabab portugaliyalik yulduzning O‘zbekistonga kelishi ehtimolini hamda turnir taqvimiga ko‘ra «Al-Nasr» safar uchrashuvlarini O‘zbekistonda o‘tkazsa, Ronaldu Toshkent yoki Farg‘onada maydonga tushishi mumkinligini anglatadi.

O‘zbekistonda ayrim faoliyatlarni uch oy litsenziyasiz boshlash mumkin bo‘ladi

O‘zbekistonda tadbirkorlarga ayrim litsenziyalanadigan yoki ruxsat beruvchi hujjat talab qilinadigan...

15-avgust kuni O‘zbekistonda yog‘ingarchiliksiz va issiq ob-havo saqlanib qoladi. Ayrim hududlarda havo harorati +43 darajagacha ko‘tarilishi mumkin. Bu haqda «O‘zgidromet» xabar berdi.

Toshkent shahrida havo biroz bulutli bo‘ladi, yog‘ingarchilik kutilmaydi. Kechasi harorat +22…+24, kunduzi esa +38…+40 daraja atrofida bo‘ladi. Sharqdan esadigan shamol tezligi 3–8 metr/soniyani tashkil etib, ayrim paytlarda 10–12 metr/soniyagacha kuchayishi va chang-to‘zon kuzatilishi mumkin.

Eng yuqori harorat janubda kuzatiladi

Qashqadaryo va Surxondaryo viloyatlarida kunduzgi harorat +38…+43 darajaga yetadi. Buxoro va Navoiy viloyatlarida +37…+42, Toshkent, Samarqand, Jizzax va Sirdaryoda +35…+40 daraja issiq bo‘lishi kutilmoqda.

Andijon, Namangan va Farg‘ona viloyatlarida ham harorat +35…+40 darajagacha ko‘tariladi. Qoraqalpog‘iston Respublikasi va...

Toshkentning Chilonzor tumanidagi Oqtepa maydoni chorrahasida avtomobillar uchun yangi chapga burilish yo‘nalishlari ishga tushirildi. Bu haqda Yo‘l harakatini tashkil etish markazi xabar berdi.

Unga ko‘ra, yangi sxema natijasida ayrim yo‘nalishlarda avtomobillar bosib o‘tadigan masofa qariyb 600 metrga qisqargan.

Lutfiy ko‘chasidan to‘g‘ridan to‘g‘ri chapga burilish mumkin

Endilikda Lutfiy ko‘chasidan kelayotgan haydovchilarga Muqimiy ko‘chasiga o‘tib, qayrilib olish talab etilmaydi. Svetoforning tegishli ishorasi orqali chorrahadan to‘g‘ridan to‘g‘ri chapga burilib, Nurafshon va Seul ko‘chalari tomon harakatlanish mumkin.

Samarqand Darvoza ko‘chasidan kelayotgan transport vositalari uchun ham shunday imkoniyat yaratildi. Avval haydovchilar Nurafshon ko‘chasiga kirib qayrilib olgan bo‘lsa, endi chorrahaning o‘zidan Muqimiy va Lutfiy...

O‘zbekistonda sud-huquq tizimini 2030-yilgacha rivojlantirishga mo‘ljallangan «Odil sudlov – 2030» strategiyasi ishlab chiqildi. Uning doirasida 2027-yil 1-iyuldan beshta hududlararo sud tashkil etilishi rejalashtirilgan. Prezident Shavkat Mirziyoyev 14-avgust kuni sud tizimi rahbarlari bilan uchrashuvda strategiya loyihasini ma’qulladi.

Strategiya aholining takliflari, huquqshunos olimlar, amaliyotchi yuristlar va advokatlar fikrlari hamda xorijiy tajriba asosida tayyorlangan. Unda 57 ta vazifa, 2026 – 2028-yillarga mo‘ljallangan 160 ta chora-tadbir va 2030-yilgacha erishilishi kerak bo‘lgan 33 ta maqsad belgilangan.

Hududlararo sudlar tashkil etiladi

Quyi instansiya sudlari qarorlarini qayta ko‘rib chiqish tizimini xolislashtirish maqsadida 2027-yil 1-iyuldan beshta hududlararo sud faoliyat boshlaydi.

Viloyat sudlarida apellyatsiya va kassatsiya instansiyalari...

Surxondaryo viloyatida elektr ta’minoti 80 foizga tiklandi. O‘zbekistonning elektr uzilishi kuzatilgan boshqa hududlarida esa ta’minot to‘liq qayta yo‘lga qo‘yildi. Bu haqda Energetika vazirligi ma’lum qildi.

Elektr ta’minotidagi uzilishlar 14-avgust kuni Markaziy Osiyo yagona energetika tizimida yuz bergan nosozlik fonida kuzatildi. O‘zbekiston Energetika vazirligi hodisa qo‘shni mamlakat energetika tizimidagi avariya bilan bog‘liqligini bildirgan, biroq qaysi davlat haqida gap ketayotganiga aniqlik kiritmagan.

Avariya soat 14:38 atrofida yuz berdi

Vazirlik ma’lumotiga ko‘ra, soat 14:38 da qo‘shni mamlakat energetika tizimida sodir bo‘lgan avariya Markaziy Osiyo birlashgan energetika tizimiga ta’sir ko‘rsatgan. Natijada Surxondaryo viloyati va O‘zbekistonning ayrim boshqa hududlarida elektr energiyasi favqulodda...

Toshkent shahrining Yangihayot tumanida 144 ta ko‘chmas mulk obyekti bo‘yicha yer va mol-mulk soliqlari qayta hisoblandi. Soliq qo‘mitasi bunga Yuksalish ko‘chasi joylashgan hududning soliq zonasi o‘zgargani sabab bo‘lganini ma’lum qildi.

Avvalroq ijtimoiy tarmoqlarda tumandagi qarzdorligi bo‘lmagan 3,6 mingga yaqin xonadonga soliq qarzi chiqarilgani haqida xabarlar tarqalgan edi.

Hudud 5-zonadan 4-zonaga o‘tkazilgan

Qo‘mita izohiga ko‘ra, ko‘chmas mulk obyektlari uchun yer va mol-mulk solig‘i kadastr organlari taqdim etadigan ma’lumotlar asosida hisoblanadi.

Toshkent shahar hokimining 2023-yil 3-martdagi qaroridan keyin poytaxtdagi soliq zonalari chegaralari qayta ko‘rib chiqilgan. Natijada kadastr idoralari Yangihayot tumanidagi Yuksalish ko‘chasi hududini 5-zonadan 4-zonaga o‘tkazgan.

Shundan so‘ng ushbu hududdagi...

2026-yilning yanvar – iyun oylarida O‘zbekistonga xorijdan jami $9,3 mlrd pul o‘tkazmalari kelib tushdi. Markaziy bank sharhida keltirilgan ayrim davlatlar orasida Qozog‘istondan $469 mln, AQSHdan $372 mln, Janubiy Koreyadan $314 mln va Turkiyadan $303 mln mablag‘ yuborilgani qayd etildi.

Hisobotga ko‘ra, yanvar – iyun oylarida xorijdan O‘zbekistonga kelib tushgan pul o‘tkazmalari o‘tgan yilning mos davridagiga nisbatan 13% yoki $1,1 mlrdga oshib, $9,3 mlrdni tashkil etdi. 2025-yilning birinchi yarmida bu ko‘rsatkich $8,2 mlrd bo‘lgan.

Qozog‘iston, AQSh va Janubiy Koreyadan qancha pul yuborildi

Markaziy bankning G‘arb va Osiyoning ayrim mamlakatlari bo‘yicha keltirgan ma’lumotlariga ko‘ra, 2026-yilning birinchi yarmida Qozog‘istondan O‘zbekistonga...

Andijon viloyatining Xo‘jaobod tumanida AQShlik hamkorlar bilan birgalikda xalqaro logistika markazi barpo etiladi. Bu haqda viloyat hokimi Shuhrat Abdurahmonov ma’lum qildi.

Xo‘jaobod tumanida «Caravan Saray Rest Area» MChJ tomonidan quriladigan xalqaro logistika markaziga tamal toshi qo‘yildi. Loyiha AQShlik hamkorlar bilan hamkorlikda amalga oshirilmoqda.

Markaz yuk tashish va saqlash xizmatlarini rivojlantiradi

Viloyat hokimining ta’kidlashicha, yangi logistika markazi nafaqat Xo‘jaobod tumani, balki butun Andijon viloyati iqtisodiyoti uchun muhim ahamiyatga ega bo‘ladi.

Markaz orqali yuklarni tashish, saqlash va qayta ishlash xizmatlarini zamonaviylashtirish, shuningdek, hududning tranzit imkoniyatlarini kengaytirish rejalashtirilgan.

Yangi ish o‘rinlari yaratilishi kutilmoqda

Loyiha Andijon viloyatining xalqaro transport yo‘nalishlaridagi rolini...

Xitoyda yaratilgan tajriba magnit yostiqli poyezdi 5,3 soniyada soatiga 800 km tezlikka chiqib, yangi jahon rekordini o‘rnatdi. Sinov Xubey provinsiyasidagi bir kilometr uzunlikdagi maxsus poligonda o‘tkazildi. Bu haqda CGTN xabar berdi.

Poyezd 5,3 soniyada rekord tezlikka chiqdi

Sinovda foydalanilgan modelning og‘irligi 1 110 kilogrammni tashkil etdi. CGTN ma’lumotiga ko‘ra, bu magnit yostiqli tizimning olti oy ichida o‘rnatgan uchinchi jahon rekordidir.

Avvalroq ushbu texnologiya asosidagi qurilma soatiga 650 km tezlikka erishgan edi. O‘sha sinovda tezlikka chiqish uchun qariyb yetti soniya va 600 metr masofa talab qilingan.

G‘ildiraklar o‘rniga magnit levitatsiyasidan foydalaniladi

Tizim oddiy poyezdlardagi kabi g‘ildiraklardan foydalanmaydi. Magnit...

17-avgust uchun valyutalar kursi yangilandi. Unga ko‘ra, dollar kursi 46,71 so‘mga tushib, 11 891,18 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 7-avgust kuni 28,92 so‘mga oshib, 11 915,64 so‘mni, 10-avgust kuni 36,46 so‘mga oshib, 11 952,10 so‘mni, 11-avgust kuni esa 17,49 so‘mga tushib, 11 934,61 so‘mni tashkil etdi. 12-avgust kuni dollar 44,66 so‘mga tushib, 11 889,95 so‘m, 13-avgust kuni 58,63 so‘mga oshib, 11 948,58 so‘m, 14-avgust kuni 10,69 so‘mga tushib, 11 937,39 so‘m bo‘ldi.

Yevro kursida ham pasayish kuzatildi. Yevropa valyutasi 15,82 so‘mga tushib...

O‘zbekistonda dollar kursi 10 – 14-avgust kunlari bir necha bor yo‘nalishini o‘zgartirdi. Hafta davomida dollar ham keskin pasayish, ham sezilarli o‘sishni qayd etdi.

10-avgust kuni AQSh valyutasi 36,46 so‘mga qimmatlashib, 11 952,10 so‘mga yetdi. Keyingi ikki kun davomida esa kurs pasayish yo‘nalishiga o‘tdi.

Dollar 12-avgust kuni haftalik minimumga tushdi

11-avgust kuni dollar 17,49 so‘mga arzonlab, 11 934,61 so‘mni tashkil etdi. 12-avgustda pasayish yanada tezlashdi – kurs yana 44,66 so‘mga tushib, 11 889,95 so‘mgacha kamaydi.

Bu 10 – 14-avgust oralig‘idagi eng past ko‘rsatkich bo‘ldi. Shu tariqa 10-avgustdagi 11 952,10 so‘mlik darajadan 12-avgustgacha dollar 62,15 so‘mga arzonlashdi.

Buyuk Britaniyada Quyosh tutilishidan keyin «ko‘zim og‘riyapti» mazmunidagi Google qidiruvlari 1 500 foizga oshdi. Mirror nashriga ko‘ra, ayrim foydalanuvchilar ko‘rish xiralashgani va bosh og‘rig‘idan shikoyat qilgan.

Google qidiruv tendensiyalariga ko‘ra, Buyuk Britaniyada «my eyes hurt» – «ko‘zim og‘riyapti» so‘rovi avvalgi kunga nisbatan 1 500 foizga oshgan. To‘liq Quyosh tutilishi kuzatilgan Ispaniyada esa shunga o‘xshash ispancha so‘rovlar 5 000 foizga ko‘paygan.

Ijtimoiy tarmoqlarda ayrim foydalanuvchilar Quyoshga qisqa muddat tikilgandan keyin ko‘z og‘rig‘i, bosh og‘rig‘i va ko‘rishning xiralashgani haqida yozgan.

Quyoshga tikilish ko‘z to‘r pardasiga zarar yetkazishi mumkin

Moorfields Eye Hospital oftalmologi Aleks Ionidesning tushuntirishicha, qisman Quyosh tutilishi vaqtida ham...

Krishtianu Ronaldu va Jorjina Rodriges Lissabon yaqinidagi Kaskayshda yopiq tarzda nikohdan o‘tdi. Marosim futbolchining qiymati 30 mln yevro deb baholanayotgan yangi qarorgohida o‘tkazilgan, deya yozmoqda sport24.ru nashri.

Manbaga ko‘ra, nikoh marosimi 11-avgust kuni soat 13:30 da bo‘lib o‘tgan. Ronaldu va Jorjina qariyb o‘n yillik munosabatlardan so‘ng rasman er-xotin bo‘lgan.

To‘yda kimlar qatnashgan

Yopiq marosimga Jorjinaning singlisi Ivana, Ronalduning uzoq yillik do‘sti Migel Paishan, shuningdek, ispaniyalik juftlik – zargar Xose Rodriges Sangil va Monika Gonsales Martines taklif qilingan. Shu tariqa nikoh marosimida juftlikning farzandlari va atigi to‘rt nafar mehmon bo‘lgan.

Futbolchining onasi Dolores Aveyru va uning opa-singillari esa marosimda...

Qo‘shni mamlakat energetika tizimida yuz bergan avariya Markaziy Osiyo yagona energetika tizimiga ta’sir ko‘rsatdi. Natijada O‘zbekistonning Surxondaryo va boshqa ayrim hududlarida elektr ta’minotida uzilishlar kuzatildi. Bu haqda Energetika vazirligi xabar berdi. 

Energetika tizimidagi bunday keng ko‘lamli elektr uzilishi «blekaut» deb ataladi. Ayni damda Surxondaryo va ko‘plab viloyatlarda ham shunga o‘xshash holat kuzatilmoqda. 

Elektr bosqichma-bosqich tiklanmoqda

Dispetcherlik xizmatlari ma’lumotiga ko‘ra, yagona energetika tizimida bir necha bosqichli avariyaga qarshi avtomatika tizimi ishga tushgan. Shundan so‘ng respublikaning ayrim hududlarida favqulodda elektr uzilishlari yuz bergan.

Hozirda mutaxassislar nosozlik sabablarini aniqlamoqda. Shu bilan birga, elektr tarmoqlariga navbatma-navbat kuchlanish berish ishlari olib...

2026-yilning yanvar – iyun oylarida O‘zbekistonga 37 874 ta elektromobil import qilindi. Bu 2025-yilning mos davridagiga nisbatan 2,6 baravar yoki 23,5 ming dona ko‘p, deb xabar berdi Milliy statistika qo‘mitasi.

Elektromobillar importiga $447,7 mln sarflandi

Yarim yil davomida olib kirilgan elektromobillarning umumiy qiymati $447,7 mlnni tashkil etdi. Bu 2025-yilning birinchi yarmida mamlakatga import qilingan barcha turdagi avtomobillarning jami qiymatidan $25,6 mln ko‘p.

Taqqoslash uchun, 2025-yilning yanvar – iyun oylarida ichki yonuv dvigateliga ega avtomobillarni ham qo‘shib hisoblaganda, O‘zbekistonga jami 24,4 mingta avtomobil import qilingan.

Importning 99 foizdan ortig‘i Xitoy hissasiga to‘g‘ri keldi

Elektromobillarni O‘zbekiston bozoriga yetkazib berishda...

Apple’ning ilk buklanadigan smartfoni – iPhone Ultra sotuvlar boshlanishida faqat AQSh bozorida paydo bo‘lishi mumkin. Bu haqda Avstraliyaning ChannelNews nashri mahalliy mobil operatorlar va yirik chakana savdo tarmog‘i ma’lumotlariga tayanib xabar berdi.

Boshqa bozorlarda sotuv kechroq boshlanishi mumkin

Manbaga ko‘ra, buklanadigan iPhone Xitoy, Avstraliya va boshqa ayrim bozorlarda AQShdagi sotuvlar boshlanganidan bir necha oy o‘tib paydo bo‘lishi mumkin.

ChannelNews Apple qurilmani yetkazib berish, sinovdan o‘tkazish va uning narxini belgilash bilan bog‘liq muammolarga duch kelayotganini qayd etdi. Shu sababli Avstraliyadagi xaridorlar yangi modelni bir necha oy kutishiga to‘g‘ri kelishi mumkin.

Nashr manbalarining ma’lum qilishicha, iPhone 18 turkumidagi smartfonlar Avstraliyada...

Eron atrofidagi urush va Hormuz bo‘g‘ozining bloklanishi Iroq iqtisodiyotiga jiddiy bosim o‘tkazmoqda. Bu haqda Deutsche Welle (DW) xabar berdi.

Iroq davlat budjeti daromadlarining qariyb 85 – 90 foizi neft eksporti hisobidan shakllanadi. Shu bilan birga, mamlakatda mehnatga layoqatli qariyb 30 mln aholining uchdan ikki qismi daromadi bevosita yoki bilvosita davlatga bog‘liq. Maoshlar, pensiyalar va ijtimoiy to‘lovlarni moliyalashtirish uchun hukumatga har oy $6,5 – 8,2 mlrd kerak bo‘ladi.

Iroq neft eksporti 97 foizgacha qisqardi

Biroq Hormuz bo‘g‘ozidagi vaziyat sabab Iroqning asosiy daromad manbai keskin qisqardi. Urushgacha mamlakat neftining 80 – 90 foizi aynan shu yo‘nalish orqali tashqi bozorlarga chiqarilgan...

Ko‘chmas mulkni ommaviy baholash aholiga uy-joyining bozorga yaqin qiymatini bilish, uni sotish, garovga qo‘yish va sug‘urtalashda iqtisodiy mo‘ljal olish imkonini beradi. Biznes esa obyektlar qiymati haqidagi ma’lumotlardan kredit olish, investitsiyalarni rejalashtirish va yangi loyihalar uchun hudud tanlashda foydalanishi mumkin. Bu haqda Iqtisodiyot va moliya vaziri o‘rinbosari Axadbek Xaydarov Toshkent shahridagi ko‘chmas mulk obyektlarini ommaviy baholashning dastlabki natijalariga bag‘ishlangan matbuot anjumanida ma’lum qilindi, deya xabar berdi Kursiv Uzbekistan muxbiri.

Xaydarovning tushuntirishicha, ommaviy baholashda har bir ko‘chmas mulk obyektiga alohida baholovchi yuborilmaydi. Ko‘p sonli obyektlarning qiymati yagona metodologiya, bozor ma’lumotlari va matematik modellar asosida hisoblanadi.

Baholashda obyektning joylashuvi, maydoni, qurilgan...

iPhone smartfonlarida yillar davomida paydo bo‘lgan ayrim dizayn va boshqaruv yechimlari dastlab foydalanuvchilarning keskin noroziligiga sabab bo‘lgan. BGR nashri iPhone egalari tomonidan eng ko‘p tanqid qilingan xususiyatlarni jamladi.

Ro‘yxatdan Face ID, ekrandagi katta kesma – «monobrov», Home tugmasining yo‘qolishi, katta ekranlar va kamera blokining korpusdan chiqib turishi kabi o‘zgarishlar o‘rin olgan.

Katta ekranlar dastlab hammaga ham yoqmagan

BGR jurnalistlarining qayd etishicha, iPhone’larning kattalasha boshlashi ilk paytda ko‘plab foydalanuvchilarga ma’qul kelmagan.

O‘sha davrda 3-4 dyuymli ekran smartfonlar uchun optimal o‘lcham sifatida qaralgan. Shu sababli Apple katta displeyli iPhone’larga o‘ta boshlaganida kompaniya qarori tanqid qilingan.

Biroq vaqt o‘tishi bilan katta...

O‘zbekistonning ikki klubi – «Paxtakor» va «Neftchi» Osiyo Elit chempionlar ligasining asosiy bosqichida birgalikda ishtirok etadi. Har ikki jamoa Saudiya Arabistonining Krishtianu Ronaldu sardorlik qiladigan «Al-Nasr» klubiga qarshi o‘yin olib boradi. Bu haqda futbol mutaxassisi Alisher Nikimbayev o‘z Telegram-kanalida yozib qoldirdi. 

Bu sabab portugaliyalik yulduzning O‘zbekistonga kelishi ehtimolini hamda turnir taqvimiga ko‘ra «Al-Nasr» safar uchrashuvlarini O‘zbekistonda o‘tkazsa, Ronaldu Toshkent yoki Farg‘onada maydonga tushishi mumkinligini anglatadi.

Ronaldu qayerda o‘ynaydi?

«Paxtakor» va «Neftchi» klubining har ikkisi ham «Al-Nasr»ga qarshi to‘p suradi. Uchrashuvlar qaysi stadionda o‘tkazilishi esa qur’a natijalaridan keyin aniq bo‘ladi.

Agar «Paxtakor»ga qarshi bahs Toshkentda, «Neftchi»ga qarshi...

O‘zbekistonda bolaga otasining ismi, shuningdek, ota yoki ona tomondan bobosining ismi milliy an’analarga muvofiq familiya sifatida berilishi mumkin bo‘ladi. Bu 13-avgust kuni qabul qilingan qonunda nazarda tutilgan.

Bolaga otasining ismi familiya qilib berilishi mumkin

Qonun bilan Oila kodeksiga tegishli o‘zgartirishlar kiritildi. Unga ko‘ra, bolaga otasining ismi yoki ota yoxud ona tomondan bobosining ismi milliy an’analarga muvofiq familiya sifatida berilishi mumkin.

Avval amaldagi Oila kodeksida otaning ismini bolaning familiyasi sifatida berish imkoniyati nazarda tutilmagan edi.

Elektron arxivlarga yangi talablar belgilandi

Hujjat bilan «Arxiv ishi to‘g‘risida»gi qonunga ham qator o‘zgartirish va qo‘shimchalar kiritildi. Xususan, elektron va nodavlat arxivlarni tashkil...

Xitoy xorijga 1,043 mln dona avtomobil yetkazib berdi. Bu o‘tgan yilning shu davridagiga nisbatan 81,3 foizga ko‘p, deya xabar bermoqda China Daily.

Eksportning yarmidan ko‘pi elektromobil va gibridlarga to‘g‘ri keldi

Xitoy avtomobil eksportidagi o‘sishning asosiy omillaridan biri yangi energiya manbalarida harakatlanuvchi avtomobillar – NEV segmenti bo‘ldi. Ushbu toifaga elektromobillar va gibridlar kiradi.

Iyul oyida Xitoy xorijga 553 ming dona NEV avtomobili yetkazib berdi. Bu iyun oyiga nisbatan 5,7 foiz, 2025-yil iyuliga nisbatan esa 145,5 foizga ko‘p.

Natijada elektromobillar va gibridlar ketma-ket ikkinchi oy Xitoyning umumiy avtomobil eksportining yarmidan ko‘prog‘ini tashkil etdi.

Ikkinchi oy ketma-ket eksport 1 mln...

Germaniyada 2026-yil boshidan buyon kuchli issiq bilan bog‘liq kamida 12 500 ta muddatidan oldingi o‘lim qayd etilgan. Bu so‘nggi o‘n yildagi eng yuqori ko‘rsatkich hisoblanadi. Bu haqda Robert Kox instituti (RKI) ma’lum qildi. 

Institut hisob-kitoblariga ko‘ra, raqam hali yakuniy emas va issiq sabab vafot etganlar soni bundan ham ko‘p bo‘lishi mumkin.

Eng ko‘p keksa odamlar vafot etgan

Ma’lumotlarga ko‘ra, jaziramadan eng ko‘p 85 yosh va undan kattalar zarar ko‘rgan. Ushbu yosh guruhida taxminan 6 300 kishi issiq bilan bog‘liq sabablar tufayli vafot etgan. 75 – 84 yoshdagi qurbonlar soni esa 3 100 nafardan oshgan.

Issiqdan o‘lim ko‘rsatkichi Germaniyaning...

Toshkent shahrida ko‘chmas mulkni ommaviy baholash bo‘yicha taqdim etilgan misollar ayrim obyektlar qiymati amaldagi kadastr bahosidan bir necha baravar yuqori chiqqanini ko‘rsatdi. Xususan, ayrim hovli-joylarda farq 36 – 38 baravargacha, kvartiralarda esa 9,6 baravargacha yetgan.

Ko‘chmas mulkni ommaviy baholash bo‘yicha ochiq muloqotda Toshkentdagi kvartira va hovli-joylar yuzasidan bir qator amaliy misollar taqdim etildi, deya xabar berdi Kursiv Uzbekistan muxbiri. Ularda amaldagi kadastr qiymati bilan ommaviy baholash natijalari o‘rtasida sezilarli tafovut borligi ko‘rsatildi.

Kvartiralarda farq 4,9 baravardan 9,6 baravargacha yetgan

Taqdim etilgan misollardan birida Yangihayot tumanidagi Yo‘ldosh mahallasida joylashgan, 2019-yilda qurilgan 62,5 kvadrat metrlik xonadonning amaldagi kadastr qiymati 112,8 mln...