Yangiliklar

Xorazm viloyatining Hazorasp tumanida Koreya Respublikasiga ishga yuborish va imtihondan o‘tkazishni va’da qilib fuqarolarni aldagan uch nafar shaxs qo‘lga olindi. Bu haqda Bosh prokuratura departamenti ma’lum qildi.

Firibgarlar o‘zaro til biriktirib, ikki nafar fuqaroni Migratsiya agentligida ishlovchi tanishlari orqali Koreyaga ishga yuborishni va’da qilgan. Ular shu yo‘l bilan $15,5 mingni firibgarlik yo‘li bilan qo‘lga kiritgan. Mazkur mablag‘ning $1,5 ming qismi protsessual tartibda qaytarilgan.

Tekshiruv davomida firibgar va uning sheriklari yana 17 nafar fuqaroga Koreyaga ketish uchun o‘tkaziladigan imtihonni ijobiy hal etib berishni va’da qilib, ulardan jami $159,5 mingni firibgarlik yo‘li bilan olgani aniqlangan.

Yana bir holatda fuqaro boshqa...

AQSh prezidenti Donald Tramp mamlakat mustaqilligining 250 yilligi munosabati bilan tayyorlangan yangi pasport dizaynini jamoatchilikka taqdim etdi. Bu haqda The Guardian nashri xabar berdi.

Unga ko‘ra, yangi namunadagi pasportlar 2026-yil 6-iyuldan boshlab Vashingtonda berila boshlaydi.

Oq uy ushbu hujjatni «vatanparvarlik pasporti» deb atadi. Tramp esa uni quyidagi so‘zlar bilan taqdim etdi:

«Bu yangi AQSh pasporti: Xush kelibsiz, ammo o‘zingizni yaxshi tuting», – deydi.

Pasportning ichki sahifasida Trampning to‘liq bo‘yli portreti tasvirlangan. Rasm AQSh Mustaqillik deklaratsiyasi matni bilan o‘ralgan bo‘lib, pastki qismida prezidentning imzosi ham joylashtirilgan.

Shuningdek, xuddi shu dizayndagi esdalik oltin tangalarni ham chiqarish...

«O‘zgidromet» 29 – 30-iyun hamda 1 – 3-iyul kunlari uchun ob-havo prognozini e’lon qildi. Unga ko‘ra, o‘tgan haftadagi juda issiq ob-havodan so‘ng ushbu ish haftasida O‘zbekiston bo‘yicha havo harorati pasayadi.

Hafta davomida respublika hududining katta qismida kunduzgi havo harorati 30–35 daraja atrofida bo‘lishi kutilmoqda. Janubiy hududlarda harorat 37 darajagacha ko‘tarilishi mumkin.

Ayrim hududlarda yomg‘ir yog‘adi

30-iyun kuni Toshkent, Samarqand, Jizzax va Sirdaryo viloyatlarida ba’zi joylarda momaqaldiroq bilan qisqa muddatli yomg‘ir yog‘adi. Qolgan hududlarda yog‘ingarchilik kutilmaydi.

1-iyulda respublikaning shimoli-g‘arbiy hududlarida qisqa muddatli yomg‘ir yog‘ishi, ayrim joylarda momaqaldiroq kuzatilishi mumkin.

2-iyulda markaziy viloyatlarning asosan tog‘ oldi va tog‘li hududlarida, 3-iyulda...

Xorazm viloyatida qurilish ishlari vaqtida sodir bo‘lgan baxtsiz hodisa oqibatida tuproq ostida qolgan fuqaroning hayoti saqlab qolindi. Bu haqda FVV matbuot xizmati ma’lum qildi.

Xorazm viloyati FVBga ko‘ra, 28-iyun kuni soat 12:10 da Urganch shahrining Al-Xorazmiy ko‘chasida olib borilayotgan qurilish ishlari vaqtida bir nafar fuqaroni tuproq bosib qolgani haqida xabar kelib tushgan.

Xabardan so‘ng FVB qutqaruvchilari voqea joyiga zudlik bilan yetib borib, maxsus qutqaruv anjomlari yordamida fuqaroni tuproq ostidan sog‘-salomat chiqarib oldi. Unga voqea joyida birinchi tibbiy yordam ko‘rsatilib, shifokorlarga topshirildi.

Ma’lum qilinishicha, hozirda fuqaroning ahvoli yaxshi ekani aytilmoqda.

Eslatib o‘tamiz, avvalroq Toshkentda 5 yoshli qizaloq hojatxonaga tushib...

Ayni kunlarda my.gov.uz va elektron tizimlar orqali bolalarni 1-sinfga qabul qilish bo‘yicha arizalar soni juda ko‘paygan. Shu sababli tizimda yuklama ortishi yoki ayrim arizalar rad etilishi holatlari kuzatilishi mumkin.

Portal ma’lumotiga ko‘ra, maktabga qabul jarayoni uzoq davom etadi va barcha bolalar maktabga joylashishga ulguradi. Shu bois shoshma-shosharlik va ortiqcha xavotirga o‘rin yo‘qligi ta’kidlandi.

Ariza qanday topshiriladi

Ota-onalar my.gov.uz portaliga OneID orqali kirib, «Bolani maktabga qabul qilish» xizmatini tanlashi kerak.

So‘ng farzandga qarindoshlik darajasi ko‘rsatiladi. Masalan, «Ota-onasi» yoki «Vasiy» varianti tanlanadi.

Tizim 2026-yilda 7 yoshga to‘ladigan, ya’ni 2019-yilda tug‘ilgan farzandlarni avtomatik chiqaradi. Kerakli bola tanlangach, uning JShShIR ma’lumotlari tizim...

Toshkent shahridagi O‘zbek Milliy akademik drama teatri binosida mukammal ta’mirlash ishlari amalga oshiriladi. Bu haqda poytaxt hokimi Shavkat Umurzakov imzolagan qarorda keltirib o‘tildi.

Loyiha uchun 1,87 milliard so‘m mablag‘ Toshkent shahrini rivojlantirish jamg‘armasi hisobidan yo‘naltiriladi.

Shuningdek, mablag‘lar nafaqat teatr binosini ta’mirlash, balki uning atrofidagi hududni obodonlashtirish ishlariga ham sarflanadi.

Loyihaning buyurtmachisi etib Toshkent shahar hokimligi huzuridagi «Yagona buyurtmachi xizmati» injiniring kompaniyasi belgilandi.

Ma’lumot uchun, O‘zbek Milliy akademik drama teatri o‘z tarixini 1914-yilda Abdulla Avloniy tashkil etgan «Turon» teatr truppasidan boshlaydi. 1929-yilda teatrga Hamza nomi berilgan, 1933-yilda esa unga akademik teatr maqomi berilgan. 2001-yilda Prezident farmoni bilan muassasa hozirgi...

Raqobat qo‘mitasi Sirdaryo viloyati hududiy boshqarmasi «White Gold Klaster» MChJ tomonidan paxta tolasini birja savdolarisiz to‘g‘ridan to‘g‘ri shartnomalar orqali sotish holatini aniqladi. Bu haqda qo‘mita matbuot xizmati xabar berdi.

Unga ko‘ra, korxona 104 milliard so‘mlik 5 ming tonnadan ortiq paxta tolasini amaldagi tartibni chetlab o‘tgan holda birja savdolarisiz realizatsiya qilgan.

Shuningdek, ushbu mahsulotlarni birjada shakllangan o‘rtacha kotirovka narxlaridan yuqori narxlarda sotish oqibatida korxona 700 million so‘mdan ortiq asossiz daromad olgani aniqlangan.

Mazkur holatlar yuzasidan kompaniyaga nisbatan ish qo‘zg‘atildi. Maxsus komissiya qaroriga ko‘ra, «White Gold Klaster» MChJga moliyaviy jarima qo‘llanildi.

Avvalroq Kursiv Uzbekistan 205 tonna unni birjasiz sotgan korxona jazolangani...

Meizu Technology kompaniyasi Xitoy bozorida Meizu 22 smartfonining yangi partiyasi sotuvga chiqarilganini ma’lum qildi. Kompaniya qurilmalar soni cheklanganini, biroq narxlar avvalgidek saqlab qolinganini va qo‘shimcha ustama qo‘yilmaganini bildirdi.

Hozirda Meizu 22 Xitoydagi yirik onlayn savdo maydonchalari, jumladan, JD.com’da mavjud. Model davlat subsidiyalari dasturiga ham kiradi. Subsidiyalar hisobga olingandan so‘ng 12 GB operativ va 256 GB ichki xotiraga ega versiya taxminan 2540 yuan, ya’ni qariyb $370 atrofida baholanmoqda.

Savdo platformalaridagi ma’lumotlarga ko‘ra, hozircha smartfon faqat oq rangda qolgan. Xaridorlar 12 GB + 256 GB, 12 GB + 512 GB va 16 GB + 512 GB xotira konfiguratsiyalarini tanlashi mumkin. Eng...

O‘zbekiston milliy terma jamoasi hujumchisi Eldor Shomurodovning Jahon chempionati guruh bosqichida urgan goli FIFA tomonidan eng chiroyli gollar ro‘yxatiga kiritildi. Tashkilot 2026-yilgi mundialning guruh bosqichidagi eng yaxshi goliga nomzod futbolchilar ro‘yxatini e’lon qildi.

Nomzodlar orasida Shomurodovdan tashqari Lionel Messi, Kilian Mbappe, Vinisius Junior, Jovanni Reyna, Ismoil Saybari, Feliks Nmecha, Elayja Jast, Kevin Pina, Kerim Alaybegovich, Uilson Isidor va Daydzen Maeda ham bor. G‘olib muxlislar ovozi orqali aniqlanadi.

Ovoz berish 48 soat davom etadi. Shundan so‘ng FIFA guruh bosqichining eng yaxshi golini e’lon qiladi. Nomzod gollar videosi FIFA platformalarida namoyish etilgan.

Eldor Shomurodov JCh – 2026 guruh bosqichida Kongo Demokratik...

Shavkat Mirziyoyev 29-iyun kuni Turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedov bilan telefon orqali muloqot qildi. Bu haqda prezident matbuot xizmati xabar bermoqda.

Suhbat avvalida davlat rahbari Gurbanguli Berdimuhamedovni tavallud kuni bilan samimiy tabriklab, unga mustahkam sog‘liq, oilaviy baxt-saodat, qardosh Turkmaniston xalqiga esa tinchlik-osoyishtalik va ravnaq tiladi.

Muloqot davomida tomonlar O‘zbekiston va Turkmaniston o‘rtasidagi strategik sheriklik munosabatlarining bugungi holatini yuqori baholadi. Qayd etilishicha, ikki mamlakat o‘rtasida barcha darajalarda yaqin va samarali aloqalar davom ettirilmoqda.

Ikki davlat hamkorligi

Savdo-iqtisodiy hamkorlikda ham ijobiy sur’atlar kuzatilmoqda. Tovar ayirboshlash hajmi barqaror oshib bormoqda, sanoat, energetika, transport va boshqa ustuvor...

Chevrolet’ning yangi 2027-yilgi Chevrolet Equinox krossoveri uchun salon ranglari va qoplama variantlari ma’lum bo‘ldi. Bu haqda GMAutority nashri xabar bermoqda.

Nashr ma’lumotlariga ko‘ra, model 2026-yilgi versiyadan katta o‘zgarishlarsiz o‘tadi va 2025-yilda taqdim etilgan to‘rtinchi avlod Equinox formulasini davom ettiradi. 2027-yilgi Chevy Equinox LT, Activ va RS komplektatsiyalarida taklif etiladi. Har bir versiya o‘ziga xos salon ranglari va o‘rindiq qoplamalariga ega. LT talqinida qora rangli mato qoplama standart sifatida beriladi. Ushbu variant EKV kodi bilan yuritiladi.

Shuningdek, xaridorlar qo‘shimcha variant sifatida qora Evotex qoplamasi yoki Artemis Gray rangidagi Evotex qoplamasini tanlashi mumkin. Ular mos ravishda H9F va ENY kodlari bilan...

Afsonaviy pop qiroli Maykl Jekson hayotiga bag‘ishlangan «Maykl» filmi jahon prokatida $977 million yig‘ib, tarixdagi eng daromadli biografik filmga aylandi. Bu haqda Variety xabar berdi.

Oppengeymer ortda qoldi

Aprel oyi oxirida namoyishi boshlangan film kassadagi daromadi bo‘yicha Kristofer Nolanning «Oppengeymer» filmini ortda qoldirdi. Mazkur kartina jahon prokatida $975 million ishlab topgandi.

Bundan avval «Maykl» 2018-yilda ekranlarga chiqqan «Bogemcha rapsodiya»ni ($911 million) ortda qoldirib, eng muvaffaqiyatli musiqiy biografik filmga ham aylangandi.

Rossiyada ham milliardlik natija

Film Rossiya prokatida ham katta muvaffaqiyat qozondi. 28-iyun holatiga ko‘ra, uning kassadagi tushumi 1,5 milliard rubldan oshdi. Shu tariqa u 2026-yilda Rossiyada...

Milliy statistika qo‘mitasi ma’lumotlariga ko‘ra, 2026-yil 1-aprel holatida O‘zbekistonda doimiy aholisi eng kam hudud G‘ozg‘on shahri bo‘ldi. Shaharda 9,5 ming nafar aholi istiqomat qiladi.

Undan keyingi o‘rinlarda Tomdi tumani va Shirin shahri qayd etilgan.

Aholisi eng kam tuman va shaharlar

2026-yil 1-aprel holatiga ko‘ra, G‘ozg‘on shahrida 9,5 ming nafar, Tomdi tumanida 15,3 ming nafar, Shirin shahrida 19,4 ming nafar aholi yashaydi.

Shuningdek, Qorovulbozor tumanida 20,7 ming, Bo‘zatov tumanida 21,8 ming, Yangiobod tumanida 30,6 ming, Mo‘ynoq tumanida 34,1 ming nafar aholi istiqomat qiladi.

Konimex tumanida doimiy aholi soni 36,8 ming nafar, Taxtako‘pir tumanida 38,9 ming nafar, Uchquduq tumanida esa...

Samsung 2028-yilda 10 dyuymli korpus ichiga o‘raladigan displeyga ega ilk tijoriy smartfonini taqdim etishi mumkin. Bu haqda Gizmochina nashri xabar bermoqda.

Ma’lumotlarga ko‘ra, Samsung yangi turdagi qurilmani ishlab chiqishni tezlashtirgan. Kompaniya ekrani buklanadigan emas, balki yon tomonga ochilib-yopiladigan va korpus ichiga o‘raladigan smartfonni 2028-yilning birinchi yarmida bozorga chiqarishni maqsad qilmoqda. Qurilma Galaxy S28 seriyasi bilan bir vaqtda yoki shu liniya tarkibida namoyish etilishi mumkin. Taxminlarga ko‘ra, model Galaxy Z Slide nomi bilan chiqariladi.

Smartfon 10 dyuymli katta displeyga ega bo‘lishi kutilmoqda. Ekran tomonlari nisbati 16:9 formatida, piksel zichligi esa taxminan 440 ppi bo‘lishi mumkin. Bu qurilmani oddiy smartfon va...

Maxsus komissiya bugun Toshkent shahrida qisqa muddatli chang-to‘zon hodisalari kuzatilishi mumkinligi haqida ogohlantirdi. Kunning ikkinchi yarmida esa yomg‘ir yog‘ishi va momaqaldiroq bo‘lishi ehtimoli bor.

Chang-to‘zon nam havo kirib kelishi oldidan kuzatilishi mumkin

Jahon meteorologiya tashkilotining Chang-qum bo‘ronlari bo‘yicha Pekin mintaqaviy markazi hamda «O‘zgidromet» prognozlariga ko‘ra, bugun poytaxt hududida ob-havo o‘zgaruvchan bo‘ladi.

Nam havo massalari kirib kelishi oldidan ayrim joylarda qisqa muddatli chang-to‘zonlar yuzaga kelishi mumkin.

Shamol 12–15 m/s gacha kuchayishi ehtimoli bor

Prognozlarga ko‘ra, kun davomida shamol tezligi 3–8 m/s atrofida bo‘ladi. Ayrim hududlarda esa shamol 12–15 m/s gacha kuchayishi mumkin.

Aynan kuchaygan shamol fonida chang-to‘zon hodisalari...

Qirg‘izistonda sobiq Milliy xavfsizlik davlat qo‘mitasi raisi Qamchibek Tashiyev va boshqa mansabdor shaxslarga oid «75-ish» bo‘yicha sud jarayoni davom etmoqda. 29-iyun kuni Bishkek shahridagi Birinchi may tuman sudida navbatdagi majlis bo‘lib o‘tdi.

Sudlanuvchilar orasida Tashiyevdan tashqari sobiq bosh prokuror Kurmankul Zulushev, parlamentning sobiq spikeri Nurlanbek Turgunbek uulu va boshqa sobiq yuqori lavozimli amaldorlar ham bor. Sud majlisi oldidan Turgunbek uulu jurnalistlarga izoh berib, Qirg‘iziston parlamenti tarkibi va rahbariyati saylovlardan oldin kelishib qo‘yilgani haqidagi da’volarni rad etdi.

Avvalroq amaldagi spiker Marlen Mamataliyev parlament tarkibi hamda rahbar lavozimlari oldindan belgilab qo‘yilgani haqida gapirgan edi. Turgunbek uulu esa bu iddaolarni «ertak» deb...

Britaniyalik qo‘shiqchi Dua Lipa Manifesto Library nomli shaxsiy kutubxonasini ishga tushirdi. Bu haqda Rolling Stone nashri xabar berdi.

Loyiha 27-iyun kuni Portugaliyaning Portu shahrida o‘tkazilgan Babell xalqaro kitob festivalida taqdim etildi.

Kutubxona mashhur kitob do‘konida joylashadi

Festival yakunlanganidan so‘ng kutubxona Portudagi mashhur Lello kitob do‘konining doimiy qismiga aylanadi. Mazkur maskan interyeri bilan mashhur bo‘lib, yozuvchi Joan Rouling Garri Potter olamini yaratishda undan ilhom olgani aytiladi.

100 ga yaqin kitob jamlandi

Kutubxona uchun jamlangan qariyb 100 ta asar orasida senzura, erkin fikr, inson huquqlari va jamiyatdagi bahsli masalalarni yorituvchi kitoblar o‘rin olgan. Ular orasida Margaret Etvudning «Cho‘rining hikoyasi...

O‘zbekiston 2026-yilning dastlabki to‘rt oyida sof hisobda 24 tonna oltin xarid qilib, markaziy banklar orasida oltin zaxiralarini eng ko‘p oshirgan davlatlar reytingida ikkinchi o‘rinni egalladi. Bu haqda Jahon oltin kengashi (World Gold Council) ma’lumotlari e’lon qilindi.

Oltin zaxiralari 414 tonnaga yaqinlashdi

Hisobotga ko‘ra, O‘zbekiston Markaziy banki aprel oyida 1 tonna oltin sotgan. Shunga qaramay, yil boshidan buyon amalga oshirilgan xarid va sotuvlar yakunida mamlakatning sof oltin xaridi 24 tonnani tashkil etgan.

Natijada O‘zbekistonning umumiy oltin zaxiralari 414 tonnaga yaqinlashdi. Hozirda oltin mamlakat xalqaro zaxiralarining 88 foizini tashkil qilmoqda.

Polsha yetakchi, O‘zbekiston ikkinchi

2026-yilning yanvar – aprel oylarida...

O‘zbekistonda 16 yoshga to‘lmagan bolalarning ijtimoiy tarmoqlardan foydalanishini cheklashni nazarda tutuvchi qonun loyihasi ishlab chiqilishi rejalashtirilmoqda. Bu haqda Maktabgacha va maktab ta’limi vaziri E’zozxon Karimova ma’lum qildi, deya xabar berdi vazirlik matbuot xizmati Kursiv Uzbekistan nashriga.

Vazirning so‘zlariga ko‘ra, mazkur tashabbus yuzasidan parlament deputatlari va senatorlar bilan dastlabki muhokamalar o‘tkazilgan. Endilikda qonun loyihasi tayyorlanib, jamoatchilik muhokamasiga taqdim etilishi ko‘zda tutilgan.

«Bu tartib bizda ham bo‘lishi kerak, deb o‘ylayman. Qonun loyihasini ishlab chiqib, uni jamoatchilik muhokamasiga qo‘ymoqchimiz», – dedi E’zozxon Karimova.

Vazirning ta’kidlashicha, zamonaviy sharoitda bolalarni telefondan butunlay cheklashning iloji yo‘q. Biroq ularda gadjet va internetdan...

Janubiy Koreya prezidenti Li Je Myon mamlakat futbol terma jamoasining jahon chempionatidagi omadsiz ishtiroki yuzasidan rasmiy tekshiruv o‘tkazishni topshirdi. Bu haqda davlat rahbari o‘zining X ijtimoiy tarmog‘idagi sahifasida ma’lum qildi.

Prezidentning topshirig‘iga ko‘ra, Madaniyat, sport va turizm vazirligi musobaqadagi muvaffaqiyatsizlik sabablarini chuqur tahlil qilib, kelgusida bunday holatlar takrorlanmasligi uchun aniq islohotlar rejasini ishlab chiqishi lozim.

Janubiy Koreya terma jamoasi jahon chempionatining «A» guruhida 3 ochko to‘plab, uchinchi o‘rinni egalladi va pley-off bosqichiga chiqish imkoniyatini boy berdi.

Prezident bu natija mamlakat futboli boshqaruvi va kadrlar siyosatidagi kamchiliklar bilan bog‘liq bo‘lishi mumkinligini ta’kidladi.

«Agar qobiliyat emas...

O‘zbekistonning AQShdagi elchisi Furqat Siddiqovning ma’lum qilishicha, 2026-yilgi FIFA Jahon chempionati davrida Google’da O‘zbekiston haqidagi qidiruvlar 450 foizga oshgan.

Siddiqov X ijtimoiy tarmog‘idagi sahifasida O‘zbekiston nomi Google qidiruvlarida keskin ko‘paygani haqida ma’lumot berdi. Unga ko‘ra, bunday o‘sish aynan O‘zbekistonning ilk bor FIFA Jahon chempionatida ishtirok etayotgani bilan bog‘liq. Mamlakat futboli, terma jamoa, futbolchilar, shuningdek, O‘zbekistonning o‘zi haqidagi ma’lumotlar xorijiy foydalanuvchilar tomonidan faol izlana boshlagan.

2026-yilgi Jahon chempionati O‘zbekiston terma jamoasi uchun tarixiy turnir bo‘ldi. Mamlakat ilk bor mundial final bosqichida qatnashdi. Aynan shu omil O‘zbekiston nomining jahon futboli muxlislari orasida kengroq tarqalishiga sabab bo‘lgan.

Avvalroq ‘«Kursiv» O‘FA Katanets davrida...

O‘zbekiston Markaziy banki raisi Timur Ishmetov ketma-ket kelayotgan global inqirozlar tufayli regulyatorlar rejalashtirish tizimini butunlay qayta ko‘rib chiqishga majbur bo‘layotganini ma’lum qildi. Bu haqda u 29-iyun kuni Toshkentda o‘tkazilgan Monetary policy dialogue 2026 xalqaro forumida ta’kidladi.

Uning ta’kidlashicha, pandemiyadan keyingi davr inflyatsiya qanday shakllanishi haqidagi avvalgi tasavvurlarni butunlay oʻzgartirib yubordi. Iqtisodiyot alohida bir zarbani emas, balki bir-biri bilan bog‘liq inqirozlar zanjirini boshdan kechirmoqda – logistika uzilishlaridan tortib, savdo parchalanishi va mehnat bozoridagi beqarorliklargacha.

«Eng chuqur saboq shundan iboratki, noaniqlik endi odatdagi tartibga qaytishni shunchaki kutib o‘tish mumkin bo‘lgan vaqtinchalik holat emas. U bizning doimiy ish muhitimizga...

Tijorat banklari tomonidan 29-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 29-iyun uchun valyutalar kursi e’lon qilingani haqida yozgan edi.

O‘zbekiston futbol assotsiatsiyasi (O‘FA) 2024-yil noyabr oyida milliy terma jamoa bosh murabbiyi lavozimi uchun germaniyalik mutaxassis Yurgen Klinsmannga shartnoma taklif qilgani ma’lum bo‘ldi. Bu haqda terma jamoalar bo‘limi sobiq rahbari Sherzod Igamberdiyev ma’lum qildi.

Uning aytishicha, o‘sha vaqtda O‘zbekiston milliy terma jamoasini Srechko Katanets boshqarayotgan bo‘lgan. 2024-yil noyabr oyidagi o‘yinlardan so‘ng Katanets Toshkentga kelib, jamoaning 2025-yil mart oyidagi uchrashuvlarga tayyorgarlik rejasini tasdiqlagan. Shuningdek, u terma jamoada qolishini va boshqa joyga ketish niyati yo‘qligini bildirgan.

Biroq Igamberdiyevning so‘zlariga ko‘ra, 2024-yil dekabr oyida Katanetsga Yurgen Klinsmann qo‘ng‘iroq qilgan. Germaniyalik mutaxassis unga O‘zbekiston futbol assotsiatsiyasi tomonidan milliy terma jamoa bosh murabbiyi lavozimi...