Yangiliklar

Redmi kompaniyasi yangi avlod Redmi Note 17 smartfonlari ustida ishlayotgani aytilmoqda. O‘rta narx segmentiga mo‘ljallangan yangi liniya unumdorlik, avtonomiya va kamera imkoniyatlari bo‘yicha sezilarli yangilanishlarga ega bo‘ladi, deya ma’lum qilindi Weibo saytida.

9000 mA/soat batareya va Snapdragon protsessori

Tarqalgan ma’lumotlarga ko‘ra, modellardan biri Snapdragon 6 Gen 5 protsessori bilan jihozlanadi. Shuningdek, qurilmaga sig‘imi 9000 mA/soat atrofidagi batareya, 1,5K aniqlikdagi tekis OLED ekran, suvdan himoya tizimi hamda 50 megapikselli asosiy kamera o‘rnatilishi kutilmoqda.

10 000 mA/soat batareya va 200 MP kamera

Liniyaning yana bir versiyasi esa Dimensity 7500 chipseti bilan taqdim etilishi mumkin. Ushbu modelning eng e’tiborga molik...

GM tomonidan taqdim etilgan Chevrolet Bolt 2027 bir nechta haydash rejimlariga ega bo‘ladi. Bu haqda GMAutority nashri xabar bermoqda.

Haydash rejimlari avtomobilning multimedia tizimidagi maxsus Drive Modes ilovasi orqali tanlanadi. Har bir rejim akselerator javobi, rul boshqaruvi, tormoz hissi va boshqa tizimlar ishiga ta’sir qiladi. Bundan tashqari, haydovchi My Mode orqali o‘ziga mos individual sozlamalarni yaratishi mumkin.

Chevrolet Bolt 2027’da asosiy rejim Normal Mode hisoblanadi. Bu kundalik harakatlanish uchun mo‘ljallangan standart sozlama bo‘lib, shahar ko‘chalari va trassada qulaylik, barqarorlik hamda tejamkorlik o‘rtasidagi muvozanatni ta’minlaydi. Ushbu rejim odatiy haydashda avtomobilni silliq va oldindan taxmin qilinadigan tarzda boshqarishga yordam beradi.

Sport...

Toshkent shahrida yozgi mavsumdagi yuqori harorat va yong‘in xavfining ortishi sababli 15-sentabrga qadar alohida yong‘in xavfsizligi rejimi joriy etildi. Bu poytaxt hokimi Shavkat Umurzoqovning 22-iyundagi qarorida ko‘zda tutilgan.

Mazkur davrda favqulodda vaziyatlarning oldini olish, yong‘in xavfsizligi talablariga rioya etilishini nazorat qilish va aholi xavfsizligini ta’minlashga qaratilgan choralar kuchaytiriladi.

Gaz ballonlari va yonilg‘i bilan bog‘liq cheklovlar kuchaytiriladi

Qarorga muvofiq, bozorlar, savdo majmualari va boshqa xizmat ko‘rsatish obyektlarida taom tayyorlash uchun maishiy suyultirilgan gaz ballonlaridan foydalanishga ruxsat berilmaydi. Shuningdek, umumiy ovqatlanish muassasalarining tabiiy gaz tarmoqlariga qonunchilik talablarini buzgan holda ulanish holatlari ustidan qat’iy nazorat o‘rnatiladi.

Bundan tashqari, avtomobillarga yonilg‘i quyish...

Sudyalar oliy kengashi qarori bilan besh nafar sudya lavozimidan ozod etildi, shuningdek, bir guruh sudyalarni tayinlash va qayta tayinlash bo‘yicha qaror qabul qilindi.

Qarorga ko‘ra, besh nafar sudya egallab turgan lavozimidan ozod etildi. Xususan, Baxtiyor Roziqov Qashqadaryo viloyat sudining jinoyat ishlari bo‘yicha sudyasi lavozimidan, Mavsuma Yo‘ldosheva Xorazm viloyat sudi fuqarolik ishlari bo‘yicha sudyasi lavozimidan ozod qilindi.

Shuningdek, Raxmatjon Arapov Farg‘ona viloyati jinoyat ishlari bo‘yicha Qo‘shtepa tuman sudining raisi lavozimidan, Sardorbek Muminov Andijon viloyati Andijon tumanlararo ma’muriy sudining sudyasi lavozimidan, Xurshed Xalikov esa Toshkent viloyati jinoyat ishlari bo‘yicha Bekobod shahar sudining raisi lavozimidan ozod etildi.

Bundan tashqari, Sudyalar oliy kengashi...

AQSH prezidenti Donald Tramp administratsiyasi Kongressdan Ebola virusiga qarshi kurash uchun $1,4 mlrd ajratishni so‘radi. Bu haqda Reuters xabar bermoqda.

Ma’lumotlarga ko‘ra, Kongoda Ebola isitmasi bilan kasallanish bo‘yicha tasdiqlangan holatlar soni 1,1 mingtaga yetgan. Shundan 291 ta holat o‘lim bilan yakunlangan.

Ajratilishi so‘ralayotgan mablag‘ning eng katta qismi — $800 mln Keniyada karantin markazi qurilishiga sarflanishi kutilmoqda. Yana $500 mln virusning AQSH hududida tarqalishining oldini olish choralariga yo‘naltiriladi. Bu mablag‘ epidemiologik nazorat, laboratoriya imkoniyatlarini kengaytirish va chegaralararo hamkorlikni kuchaytirishni o‘z ichiga oladi.

Bundan tashqari, $90 mln diplomatik sa’y-harakatlar, jumladan, virus yuqtirgan AQSH fuqarolarini evakuatsiya qilish va ularni tibbiyot muassasalariga yetkazish...

Venesuela poytaxti Karakasdan g‘arbda 24-iyun kuni kechqurun magnitudasi 7,2 va 7,5 bo‘lgan ikkita kuchli zilzila sodir bo‘ldi. Ikkinchi yer silkinishi birinchisidan bir daqiqaga ham yetmaydigan vaqt o‘tib qayd etilgan, deya xabar berdi BBC nashri.

AQSh Geologiya xizmati zilzila oqibatida katta talafotlar va keng ko‘lamli vayronagarchiliklar yuz berishi mumkinligini ma’lum qildi. Dastlabki baholarga ko‘ra, qurbonlar soni 10 mingdan 100 ming kishigacha yetishi ehtimoldan xoli emas.

Prezident vazifasini bajaruvchi Delsi Rodriges mamlakatda favqulodda holat rejimi joriy etilganini e’lon qildi. Shuningdek, Karakas xalqaro aeroporti zilzila oqibatida zarar ko‘rgani sababli vaqtincha yopildi. Karakasda binolar qulab tushdi, qutqaruv ishlari davom etmoqda.

Ichki ishlar vaziri...

O‘zbekiston Tashqi ishlar vazirligi (TIV) boshpana berish rad etilgan migrantlar uchun markazlar tashkil etish bo‘yicha Yevropa Ittifoqi (YI) bilan muzokaralar olib borilayotgani haqidagi xabarlarni rad etdi. Bu haqda Kursiv Uzbekistan’ga vazirlik matbuot xizmati ma’lum qildi.

Politico ma’lumotlariga ko‘ra, shunga o‘xshash markazlarni Ruanda va Ugandada ham ochish taklif qilinmoqda. Bu qarorga Fransiya va Ispaniya qarshi chiqmoqda.

YIda bunday markazlar tashkil etilishini kimlar qo‘llab-quvvatlamoqda

24-iyun kuni Politico nashri «YI migrantlarni qaytarish markazlarini Ruanda va O‘zbekistonda tashkil etish imkoniyatini ko‘rib chiqmoqda» nomli materialni e’lon qildi.

Nashrning yozishicha, bunday markazlarni tashkil etish tashabbusini Yevropa Ittifoqiga a’zo qator davlatlar qo‘llab-quvvatlagan. Ular orasida Germaniya...

Jahon bozorida oltin narxi 2025-yil noyabr oyidan buyon ilk marta bir troya unsiyasi uchun $4 mingdan pastga tushdi. Bu haqda Bloomberg nashri xabar berdi.

AQSh dollarining mustahkamlanishi hamda foiz stavkalari oshirilishi mumkinligi haqidagi kutilmalar qimmatbaho metall narxining uch yillik o‘sishini to‘xtatib qo‘ydi.

24-iyun kungi savdolarda oltin narxi 3,7 foizga arzonlashib, $3970 dan pastga tushdi. Bu ketma-ket ikkinchi kun davom etayotgan sezilarli pasayish bo‘ldi. Kumush narxi ham dekabr oyidan beri ilk marta $60 dan pastga tushib, yanvar oyidagi cho‘qqi ko‘rsatkichiga nisbatan qiymatining yarmidan ko‘prog‘ini yo‘qotdi.

Narxlarning pasayishi fonida yirik moliyaviy institutlar oltin bo‘yicha prognozlarini qayta ko‘rib chiqmoqda. Goldman Sachs yil...

Apple iPhone 18 Pro liniyasida kamera blokini sezilarli darajada yangilashni rejalashtirmoqda. Yangi avlod Pro modellari hozirgi qurilmalarga qaraganda kattaroq kamera moduliga ega bo‘ladi.

Manbalar kamera bo‘rtmasi taxminan 2 mmga kattalashishini aytmoqda. Bunga asosiy sabab sifatida bosh kamera modulida o‘zgaruvchan diafragma tizimiga o‘tish ko‘rsatilmoqda. Hozirgi iPhone modellarida f/1.78 qiymatidagi doimiy diafragma ishlatiladi, yangi konstruksiya esa obyektiv teshigini suratga olish sharoitiga qarab mexanik tarzda o‘zgartirish imkonini beradi.

Nazariy jihatdan bu kamera imkoniyatlarini kengaytiradi. Yorug‘ muhitda diafragma «yopilib», kadr aniqligini oshirishi mumkin. Qorong‘i sharoitda esa u «ochilib», sensorga ko‘proq yorug‘lik tushishini ta’minlaydi. Bu tungi suratlar, portretlar va murakkab yorug‘lik sharoitida olingan kadrlarda...

Fransiyaning O‘zbekistondagi elchixonasi viza olish uchun ariza topshirish jarayonida noqonuniy vositachilik qilish, qabul vaqtlarini pullash yoki tizimdan tijorat maqsadlarida foydalanishga urinishlar qat’iyan taqiqlanganini ma’lum qildi. Bu haqda elchixona rasmiy kanalida xabar berdi.

Unga ko‘ra, viza xizmatlari barcha murojaatchilar uchun teng va adolatli sharoitda tashkil etilishi kerak. Shu sababli ayrim jismoniy shaxslar yoki kompaniyalarning qabul sanalarini egallab olish, ularni sotish yoki qo‘shimcha haq evaziga tezlashtirib berishni va’da qilishi qonunbuzarlik sifatida baholanadi.

Muntazam tekshiruvlar o‘tkaziladi

Diplomatik vakolatxona bunday holatlarning oldini olish maqsadida muntazam nazorat tadbirlari o‘tkazilayotganini bildirdi. Firibgarlik yoki qoidalarni chetlab o‘tishga urinishlar aniqlangan taqdirda, aybdorlarga nisbatan tegishli choralar ko‘riladi.

Shavkat Mirziyoyev Andijon shahrining 2026-yilda «Turkiy dunyoning madaniyat poytaxti» deb e’lon qilinishi munosabati bilan xalqaro tadbir ishtirokchilariga tabrik yo‘lladi. Bu haqda prezident matbuot xizmati xabar berdi.

Davlat rahbari Andijonning ushbu yuksak maqomga sazovor bo‘lishini O‘zbekistonning boy tarixiy-madaniy merosi va bugungi taraqqiyotining e’tirofi sifatida baholadi.

«Andijon shahrining bunday yuksak sharafga munosib ko‘rilganini O‘zbekistonning boy tarixi, madaniy-ma’naviy merosi, yurtimizning turkiy madaniyat rivojiga qo‘shgan bebaho hissasi hamda mamlakatimizda olib borilayotgan keng ko‘lamli islohotlarning xalqaro miqyosdagi yana bir e’tirofi sifatida qabul qilamiz», — dedi prezident.

Mirziyoyev o‘z nutqida Andijon azaldan madaniyat, adabiyot, san’at va hunarmandchilik markazlaridan biri bo‘lib...

Tijorat banklari tomonidan 25-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 22-iyun uchun valyutalar kursi e’lon qilingani haqida yozgan edi. 

Redmi kompaniyasi yangi Redmi K90 Ultra smartfonini taqdim etishga tayyorlanmoqda. Model savdosi 30-iyun kuni boshlanishi kutilmoqda. Qurilmaning asosiy jihatlaridan biri 165 Hz yangilanish chastotasiga ega ekran bo‘ladi.

Redmi K90 Ultra kibersportga yo‘naltirilgan smartfon sifatida taqdim etilmoqda. Kompaniya ekranda yuqori silliqlik, ko‘zga tushadigan yuklamani kamaytirish uchun ko‘k yorug‘lik intensivligini pasaytirish hamda 40 dan ortiq o‘yinda 165 kadr/soniyagacha bo‘lgan nativ chastotani qo‘llab-quvvatlash imkoniyatini va’da qilmoqda.

Shuningdek, displeyning avvalgi avlodlarga nisbatan energiya samaradorligi yaxshilangani ta’kidlanmoqda. Smartfon 6,83 dyuymli yassi ekran va ingichka ramkalar bilan jihozlanadi.

Qurilmaning «yuragi» Snapdragon 8 Elite flagman platformasi bo‘ladi. Redmi K90 Ultra’ning eng muhim texnik yechimlaridan biri faol...

O‘zbekistonda qayta tiklanuvchi energiya manbalari hisobidan ishlab chiqarilgan elektr energiyasi hajmi 5 310 MVtga yetdi. Bu o‘tgan yilning shu davriga nisbatan 1 585 MVtga yoki 42,6 foizga ko‘pdir.

«Yashil» energiyaning umumiy generatsiyadagi ulushi 33,6 foizdan 45,3 foizga oshdi. Respublikada elektr energiyasi iste’moli 11 365 MVtni, ishlab chiqarish hajmi esa 11 728 MVtni tashkil etdi.

«Yashil» generatsiya hajmining oshishi issiqlik elektr stansiyalarida ishlab chiqarish yuklamasini kamaytirishga imkon berdi. Xususan, IESlarda elektr energiyasi ishlab chiqarish hajmi 7 243 MVtdan 6 293 MVtgacha qisqardi. Buning natijasida tabiiy gaz sarfi 293 ming kub metrga kamaydi.

So‘nggi yillarda quyosh energetikasi, energiya saqlash tizimlari...

Jahon chempionati guruh bosqichida Meksika terma jamoasi Mexiko shahridagi stadionda Chexiyaga qarshi maydonga tushdi. Mezbonlar guruhda birinchi o‘rinni muddatidan avval kafolatlab bo‘lgan, Chexiya esa keyingi bosqich yo‘llanmasi uchun kurashni davom ettirayotgandi.

Uchrashuvning birinchi bo‘limida hisob ochilmadi. Har ikki jamoa hujumda faol bo‘lishga urindi, biroq xavfli vaziyatlar ko‘p bo‘lmadi. Chexiya asosan standart vaziyatlardan foydalanishga harakat qildi, ammo Meksika himoyachilari raqibning jarima maydoniga uzatilgan to‘plarini ishonchli bartaraf etdi. Meksika safida Isroil Reyesning uzoq masofadan bergan zarbasi birinchi jiddiy urinishlardan biri bo‘ldi.

Ikkinchi bo‘lim qanday o‘tdi

Ikkinchi bo‘limda mezbonlar o‘yinni ancha jonlantirdi. Avvaliga Mateo Chaves raqib jarima maydoniga yorib kirib, to‘pni Matey...

Jahon chempionati guruh bosqichining yana bir uchrashuvida JAR Monterreydagi stadionda Janubiy Koreyaga qarshi maydonga tushdi. Bu bahs har ikki jamoa uchun muhim ahamiyatga ega bo‘lib, ular guruhda ikkinchi o‘rin va pley-off yo‘llanmasi uchun kurashdi.

Birinchi bo‘limda jamoalar darvozalarni ishg‘ol eta olmadi. Janubiy Koreya to‘pga ko‘proq egalik qilishga va pozitsion hujumlar tashkil etishga urindi, biroq Janubiy Afrika Respublikasi himoyasi zich va tartibli harakat qildi. JAR esa qarshi hujumlarda tezlikka tayanib, raqib darvozasi tomon bir necha bor xavfli chiqishlar uyushtirdi.

Ikkinchi bo‘lim qanday o‘tdi

Tanaffusdan so‘ng Janubiy Koreya tarkibida o‘zgarishlar amalga oshirildi. Son Hyon Min, Jens Kastrop va Kim Jin Gyu...

Qashqadaryo, Buxoro va Farg‘ona viloyatlarida narkotik vositalar hamda kuchli ta’sir qiluvchi dorilar aylanmasiga chek qo‘yildi. Bu haqda DXX xabar bermoqda.

Qarshi — Toshkent yo‘nalishida 5 kg dan ortiq gashish aniqlandi

Tezkor tadbirlardan biri «Qarshi — Toshkent» yo‘nalishida harakatlanayotgan «Cobalt» rusumli avtomobil YPX maskanida to‘xtatilishi bilan bog‘liq. Tekshiruv davomida avtomobilda Andijon viloyati Buloqboshi tumanida yashovchi, 1966-yilda tug‘ilgan fuqaro yo‘lovchi sifatida ketayotgani aniqlangan.

Unga tegishli qo‘l sumkasi xolislar ishtirokida ko‘zdan kechirilganda, sariq rangli skotch bilan o‘ralgan besh bo‘lakda jami 5 kg 32 gr gashish moddasi borligi ma’lum bo‘lgan. Ushbu modda ashyoviy dalil sifatida rasmiylashtirib olingan.

Buxoroda kannabis yetishtirish holati...

Jahon chempionati guruh bosqichining 3-turida Shotlandiya va Braziliya terma jamoalari o‘zaro bahs olib bordi. Ushbu uchrashuvda Vinisius Juniorning ikkita goli evaziga Braziliya 3:0 hisobida zafar quchdi.

Uchrashuv kutilganidek Braziliya terma jamoasining ustunligi ostida boshlandi. Janubiy Amerikaliklar ilk daqiqalardanoq hujumkor o‘yin namoyish etib, raqib darvozasi oldida xavfli vaziyatlar yarata boshlashdi.

Bu bosim tez orada o‘z samarasini berdi. 7-daqiqada Rayan tomonidan yetkazib berilgan to‘pni Vinisius Junior aniq zarba bilan darvozaga joylab, o‘yindagi hisobni ochdi.

Birinchi bo‘lim yakunlanishiga qadar ustunlikni qo‘ldan boy bermagan Braziliyaliklar hisobni ishonchli ko‘rinishga keltirishga erishdilar. Hakam tomonidan qo‘shib berilgan 45+3-daqiqada Bruno Gimarayshning ajoyib uzatmasidan so‘ng, Vinisius Junior yana...

Jahon chempionati guruh bosqichining 3-turidan o‘rin olgan Marokash hamda Gaiti terma jamoalari o‘rtasidagi uchrashuv 4:2 hisobida afrikaliklar foydasiga hal bo‘ldi.

O‘yinning 10-daqiqasida Marokash darvozaboni Yassin Bunu o‘z darvozasiga to‘p kiritishi natijasida Gaiti jamoasi hisobda oldinga chiqdi. 39-daqiqaga kelib, Ashraf Hakimi aniq zarba yo‘llab, muvozanatni tikladi va hisobni 1:1 ko‘rinishiga keltirdi.

43-daqiqada Dyuvernning uzatmasidan so‘ng Vilson Izidor Gaiti jamoasining ikkinchi goliga mualliflik qildi. Birinchi bo‘limga qo‘shib berilgan 45+1-daqiqada Ismael Saybari Ashraf Hakimi uzatmasidan unumli foydalanib, hisobni yana tenglashtirdi.

Uchrashuvning ikkinchi bo‘limida hujumkorlikni oshirgan marokashliklar o‘z maqsadiga erishdi. 78-daqiqada Sofian Rahimi raqib darvozasini ishg‘ol qildi. 89-daqiqda esa Jasim Yanis gol urib...

Jahon chempionatining «B» guruhi 3-turidan o‘rin olgan qiziqarli uchrashuvlardan biri nihoyasiga yetdi. Bosniya va Gersegovina terma jamoasi Qatar ustidan 3:1 hisobida ishonchli g‘alaba qozondi.

O‘yin juda qizg‘in boshlandi. 29-daqiqadayoq bosniyaliklar hisobni ochishdi. Bashichning ajoyib uzatmasidan so‘ng, Kerim Alaybegovich raqib darvozasini aniq nishonga oldi – 1:0.

Biroq, oradan ko‘p o‘tmay Qatar jamoasi qiyin vaziyatga tushib qoldi. 34-daqiqada Sulton al-Breyk o‘z darvozasiga to‘p kiritib qo‘ydi (avtogol) va hisob 2:0 ko‘rinishiga keldi.

Shunga qaramay, Qatar terma jamoasi taslim bo‘lmadi va hujumlar tashkil etishda davom etdi. Buning natijasida 42-daqiqada Hasan Al-Haydos, Juniorning ko‘magi bilan oradagi farqni bittaga qisqartirishga erishdi – 2:1.

Uchrashuvning ikkinchi...

Jahon chempionati guruh bosqichining 3-turi doirasida Shveysariya hamda Kanada terma jamoalari o‘rtasida hal qiluvchi uchrashuv bo‘lib o‘tdi. O‘yinda yevropaliklar 2:1 hisobida zafar quchdi.

Uchrashuvning birinchi bo‘limi asabiy kurashlar ostida o‘tdi va darvozalar daxlsiz qoldi. Dastlabki 45 daqiqalikdagi asosiy voqea sifatida 32-daqiqada har ikki jamoa vakillari kanadalik Kayl Larin va shveysariyalik Granit Jakaning sariq kartochka bilan ogohlantirilganini qayd etish mumkin.

Ikkinchi taym esa haqiqiy gollar shousiga aylanib ketdi. Shveysariyaliklar tanaffusdan keyin maydonga hujumkor ruhda qaytishdi. 46-daqiqadayoq Joan Manzambining uzatmasidan so‘ng Ruben Vargas hisobni ochdi – 1:0.

Oradan o‘n daqiqa o‘tar-o‘tmas, 57-daqiqada Shveysariya o‘z ustunligini yana bitta gol bilan mustahkamladi. Bu...

25-iyun kuni O‘zbekistonning aksariyat hududlarida quruq va issiq ob-havo kutilmoqda. Kunduzgi harorat +32…+42, kechasi esa +18…+26 daraja atrofida bo‘ladi. Faqat Qoraqalpog‘iston Respublikasi va tog‘li hududlarda qisqa muddatli yomg‘ir va momaqaldiroq kuzatilishi mumkin.

Quyida ob-havo ma’lumoti viloyatlar kesimida:

Xiaomi’ning yangi Redmi K90 Ultra smartfoni taqdimotidan bir hafta avval qurilma haqida yangi ma’lumotlar va jonli suratlar paydo bo‘ldi. Bu haqda ITHome nashri xabar berdi.

E’lon qilingan suratlarga ko‘ra, Redmi K90 Ultra o‘yinlar uchun mo‘ljallangan flagman smartfon sifatida taqdim etiladi. Qurilma Snapdragon 8 Elite protsessori asosida ishlaydi va uning asosiy xususiyatlaridan biri korpus ichiga o‘rnatilgan faol sovitish tizimi hisoblanadi. Smartfonda haqiqiy ventilyator qo‘llanilgan bo‘lib, u majburiy havo aylanishi orqali qurilma haroratini pasaytiradi.

Smartfonning orqa qismida yirik gorizontal kamera bloki joylashgan. Uning ostida esa sovitish tizimi uchun mo‘ljallangan keng havo kanali mavjud. Qurilma juda yupqa ramkali 6,83 dyuymli tekis...

2026-yil 24-iyun kuni soat 21:07:02 da Farg‘ona viloyatida 4 magnitudali zilzila sodir bo‘ldi. Bu haqda Seysmoprognostik monitoring markazi ma’lum qildi.

Yer silkinishining magnitudasi 4 ga teng bo‘lib, o‘chog‘i 13 kilometr chuqurlikda joylashgan. Zilzila episentri Farg‘ona viloyatining Quvasoy shahri hududida qayd etilgan.

Ma’lumotlarga ko‘ra, zilzila Toshkent shahridan 251 kilometr janubi-sharqda joylashgan hududda yuz bergan.

Yer silkinishi Farg‘ona viloyatida 3–4 ball kuch bilan sezilgan. Andijon viloyatida esa zilzila kuchi 2 ballni tashkil etgan.

Eslatib o‘tamiz, avvalroq Qamchiq dovonida yuk mashinasi xandaqqa tushib ketgani haqida yozgan edik.