Yangiliklar

Great Wall Motors Xitoyda yangi Tank 300 yo‘ltanlamasini sotuvga chiqardi. Bu haqda mahalliy ITHome texnologiyalar nashri xabar bermoqda.

Model benzin, dizel hamda ikkita gibrid kuch qurilmasiga ega besh xil versiyada taklif qilinadi. Avtomobilning narxi 199,8 ming yuandan boshlanib, eng kuchli Hi4-Z modifikatsiyasida 259,8 ming yuanga yetadi. Bu taxminan $27,8 mingdan $36,2 minggacha bo‘lgan narx oralig‘iga teng.

Model tashqi ko‘rinishidagi burchakli kuzov, dumaloq faralar va klassik yo‘ltanlamas uslubini saqlab qolgan. Radiator panjarasiga qora rangdagi yirik TANK yozuvi o‘rnatildi, burilish chiroqlari esa faralar tarkibiga birlashtirildi. Ishlab chiqaruvchiga ko‘ra, avtomobilda 553 ta o‘zgartirish va takomillashtirish amalga oshirilgan, uning tarkibiy qismlarining yarmidan ko‘pi...

Anomal issiq ob-havo sharoitida ochiq havoda ishlayotgan obodonlashtirish xodimlarining sog‘lig‘ini himoya qilish bo‘yicha barcha hokimliklarga ko‘rsatma yuborildi. Davlat mehnat inspeksiyasi soat 10:00 dan 17:00 gacha xavfli ishlarni vaqtincha to‘xtatish va moslashuvchan ish rejimini joriy etishni talab qildi.

Hokimliklarga aniq talablar qo‘yildi

Ko‘rsatmada yuqori harorat xodimlar hayoti va sog‘lig‘iga xavf tug‘dirishi mumkin bo‘lgan hollarda ochiq havodagi ishlarni vaqtincha to‘xtatish belgilangan.

Shuningdek, ish beruvchilar xodimlarni yetarli miqdorda sifatli ichimlik suvi bilan ta’minlashi kerak.

Dam olish joylari tashkil etiladi

Ochiq havoda ishlaydigan xodimlar uchun quyosh nurlari va issiqdan himoyalangan dam olish joylari tashkil qilinishi lozim.

Xodimlar shaxsiy himoya vositalari bilan...

O‘zbekistonda har 100 ming aholiga 85 nafar mahbus to‘g‘ri keladi. Bu haqda Jinoyatchilik va adolat siyosati tadqiqotlari institutining 2025-yilgi hisoboti e’lon qilindi.

Mazkur ko‘rsatkich mamlakatni dunyo reytingida 166-o‘ringa olib chiqdi hamda Markaziy Osiyodagi eng past natijalardan biri sifatida qayd etildi.

Markaziy Osiyoda eng past ko‘rsatkichlardan biri

Hisobotga ko‘ra, mintaqa davlatlari orasida Turkmaniston har 100 ming aholiga 576 nafar mahbus bilan dunyoda 4-o‘rinni egallagan. Qozog‘istonda bu ko‘rsatkich 163 nafar (103-o‘rin), Tojikistonda 145 nafar (112-o‘rin), Qirg‘izistonda esa 112 nafarni (145-o‘rin) tashkil etgan.

Salvador yetakchi, Yaman eng past pog‘onada

Dunyoda eng yuqori qamoqqa olish darajasi Salvadorda qayd etilgan bo‘lib, u...

O‘zbekiston milliy terma jamoasi hujumchisi Eldor Shomurodov Kanada bilan o‘yindan keyin ijtimoiy tarmoqlarda uni tanqid qilgan muxlisga qo‘ng‘iroq qilganini aytdi. Futbolchining so‘zlariga ko‘ra, muxlis avvaliga qo‘ng‘iroqni ko‘tarmagan, keyin esa Shomurodov bilan gaplashganida hayron qolgan.

Kanada O‘zbekistonni 2:0 hisobida mag‘lub etgan

Eslatib o‘tamiz, Jahon chempionatiga tayyorgarlik ko‘rayotgan O‘zbekiston milliy terma jamoasi o‘rtoqlik uchrashuvida Kanada mehmoni bo‘lgandi.

Uchrashuvda mezbonlar 2:0 hisobida g‘alaba qozondi. Kanada safida 58-daqiqada Jonatan Osorio, 91-daqiqada esa Jeydon Nelson gol urdi.

Futbolchi muxlisga o‘zi qo‘ng‘iroq qilgan

Shomurodovning aytishicha, Kanada bilan o‘yindan keyin Instagram’ga kirganida tanqidiy xabarlardan biriga ko‘zi tushgan. U muxlisning Telegrami orqali unga qo‘ng‘iroq qilgan.

Tijorat banklari tomonidan 20-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 20-iyul uchun valyutalar kursi e’lon qilingani haqida yozgan edi.

Iqlim o‘zgarishi tufayli kechasi havo haroratining oshib borishi dunyo bo‘ylab millionlab odamlarning uyqu sifatiga salbiy ta’sir ko‘rsatmoqda. Climate Central tadqiqotiga ko‘ra, 2020 – 2025-yillarda sayyora aholisi issiq tunlar sabab yiliga o‘rtacha 56 soat uyqudan ayrilgan, deya xabar berdi Euronews nashri.

Issiq tunlar tobora ko‘paymoqda

Tahlillarga ko‘ra, o‘rganilgan 1,3 mingdan ortiq shaharlarning deyarli barchasida tungi issiqlik tufayli yo‘qotilgan uyqu miqdori 1970-yillar boshiga nisbatan kamida ikki baravar oshgan. Eng katta yo‘qotishlar Yaqin Sharq va Janubi-Sharqiy Osiyo davlatlarida qayd etilgan bo‘lib, bu hududlarda aholi yiliga 55 – 91 soatgacha kamroq uxlagan.

Yevropaning janubida vaziyat og‘irroq

Yevropada eng ko‘p uyqu yo‘qotilishi...

Ispaniya terma jamoasi sardori va «Manchester Siti» yarim himoyachisi Rodri 2026-yilgi jahon chempionatining eng yaxshi futbolchisi deb topildi. 30 yoshli futbolchiga «Oltin to‘p» sovrini Argentina ustidan qozonilgan final g‘alabasidan so‘ng topshirildi.

Taqdirlash marosimi Nyu-Jersi shtatining Ist-Raterford shahridagi «MetLayf» stadionida bo‘lib o‘tdi. Sovrinni Rodriga FIFA prezidenti Janni Infantino topshirdi. Ispaniya finalda Argentinani qo‘shimcha bo‘limda Ferran Torres kiritgan gol evaziga 1:0 hisobida mag‘lub etib, o‘z tarixida ikkinchi marta jahon chempioni bo‘ldi.

Rodri butun turnir davomida Ispaniya yarim himoyasining asosiy futbolchisi bo‘ldi. U jamoaning o‘yin sur’atini boshqardi, himoya va hujum o‘rtasidagi muvozanatni saqladi hamda to‘p nazoratiga asoslangan uslubning markaziy figurasi vazifasini bajardi...

Chevrolet yaqin besh yil ichida ichki yonuv dvigateliga ega yangi sport sedanini bozorga chiqarishni rejalashtirmoqda. Avtomobil orqa uzatmali platformada qurilishi va 2028-yilda sotuvga chiqishi mumkin.

Automotive News manbalariga ko‘ra, yangi sedan Chevrolet’ning yengil avtomobillar segmentiga qaytishini anglatadi. Kompaniyaning AQSHdagi hozirgi model qatori, asosan, krossoverlar, yo‘ltanlamaslar va pikaplardan iborat. Yangi to‘rt eshikli avtomobil esa haydovchanlik xususiyatlariga urg‘u berilgan model sifatida joylashtirilishi kutilmoqda.

Kelajakdagi Chevrolet sedani orqa uzatmali arxitekturadan foydalanadi. Xuddi shu platformada Buick’ning yangi sedani va keyingi avlod Cadillac CT5 modeli ham ishlab chiqarilishi mumkin. Ayrim avtomobil nashrlari gap dvigateli old qismda uzunasiga joylashtiriladigan yangilangan Alpha 2 platformasi haqida ketayotganini...

Venesuelada iyun oyida yuz bergan ikkita kuchli zilzila oqibatida halok bo‘lganlar soni 5 119 nafarga yetdi. Bu avvalgi rasmiy ko‘rsatkichdan 50 kishiga ko‘p. Yangilangan ma’lumotlarni mamlakat Milliy assambleyasi raisi Xorxe Rodriges e’lon qildi.

Tabiiy ofat oqibatida jarohatlanganlar soni 16 740 nafarni tashkil etmoqda. Bu ko‘rsatkich 5-iyuldan buyon o‘zgarmagan. Qutqaruvchilar vayronalar ostidan jami 6 462 kishini olib chiqqan. Hozirda asosiy ishlar vayronalarni tozalash, bedarak yo‘qolganlarni qidirish va uy-joysiz qolgan aholini vaqtinchalik boshpanalar bilan ta’minlashga qaratilgan.

24-iyun kuni Venesuelaning shimoliy qismida 39 soniya farq bilan ikkita kuchli yer silkinishi qayd etilgan. AQSh Geologiya xizmati ma’lumotiga ko‘ra, dastlab 7,2 magnitudali zilzila, undan...

Fransiya terma jamoasi hujumchisi Kilian Mbappe 2026-yilgi jahon chempionatining eng yaxshi to‘purari bo‘ldi. U turnirdagi sakkizta uchrashuvda o‘nta gol urib, faoliyatida ikkinchi bor «Oltin butsa» mukofotini qo‘lga kiritdi.

27 yoshli hujumchi bundan avval Qatarda o‘tkazilgan 2022-yilgi mundialda sakkizta gol bilan eng yaxshi to‘purar bo‘lgan edi. Mbappe ketma-ket ikkita jahon chempionatida «Oltin butsa»ni qo‘lga kiritgan ilk futbolchi sifatida ham tarixga kirdi.

U 2026-yilgi turnirning guruh bosqichida Senegal va Iroq darvozalariga ikkitadan, Shvetsiyaga esa bitta gol urdi. Keyinchalik Paragvayga qarshi nimchorak finalda penaltidan hal qiluvchi golni kiritdi va Marokash bilan chorak finalda ham o‘z hisobiga gol yozdirib qo‘ydi.

Mbappe to‘purarlar poygasida...

Chevrolet AQSh bozorida 2026-yilgi Traverse krossoveri uchun iyul oyiga mo‘ljallangan maxsus kredit va ijara takliflarini e’lon qildi. Aksiya shartlari 2026-yil 3-avgustgacha amal qiladi.

Taklif doirasida xaridorlar 2026-yilgi Chevrolet Traverse’ni GM Financial orqali 48 oygacha yillik 2,9 foiz yoki 60 oyga 3,9 foizli stavka bilan kreditga olishi mumkin. Imtiyozdan foydalanish uchun avtomobil belgilangan muddat tugashidan oldin xaridorga topshirilishi kerak.

Chevrolet Traverse LT’ning old uzatmali versiyasi uchun umummilliy lizing dasturi ham joriy etilgan. Avtomobil 24 oy davomida oyiga $489 evaziga taklif qilinmoqda. Shartnoma yiliga 10 ming mil, ya’ni qariyb 16 ming kilometr yurish chegarasini nazarda tutadi.

2021-yilda yoki undan keyin ishlab...

O‘zbekiston milliy terma jamoasi va Turkiyaning «Istanbul Bashakshehir» klubi futbolchisi Abbosbek Fayzullayev oila qurganidan ko‘p o‘tmay mashg‘ulotlarni qayta boshladi. Bu haqda Instagramdagi @jaxacoach akkounti ma’lum qildi.

U maxsus konuslar va mashg‘ulot ustunlari yordamida tezlik, to‘p nazorati, chaqqonlik hamda harakatlarni muvofiqlashtirish ustida ishlagan. Futbolchining qisqa tanaffusdan keyin jismoniy holatini tiklash va yangi mavsumga tayyorlanishga kirishgan.

Fayzullayevning to‘ydan ko‘p o‘tmay mashg‘ulotlarga qaytishi muxlislar e’tiborini tortdi. Ijtimoiy tarmoq foydalanuvchilarining bir qismi uning professionalligi va intizomini yuqori baholagan bo‘lsa, ayrimlar yosh futbolchiga oilasi bilan ko‘proq vaqt o‘tkazishni tavsiya qilmoqda.

23 yoshli futbolchi «Paxtakor» akademiyasi tarbiyalanuvchisi hisoblanadi. U 2023-yilda Moskvaning «SSKA» klubiga o‘tib, Rossiya...

AQShning Nyu-York shahrida futbol bo‘yicha Jahon chempionatining final uchrashuvi bo‘lib o‘tdi. Unda Ispaniya va Argentina terma jamoalari o‘zaro kuch sinashib, yakunda ispanlar amaldagi chempionlarini mag‘lubiyatga uchratdi.

Uchrashuvni har ikki jamoaning asosiy yulduzlari Lamin Yamal va Lionel Messi boshlang‘ich tarkibda boshladi. Birinchi bo‘limda ispaniyaliklar faol harakat qilib, to‘p nazoratini o‘z qo‘llariga olishdi. Janubiy Amerika vakillari esa asosan qisqa va tezkor qarshi hujumlar tashkil etish bilan cheklanishdi.

Birinchi taymdan keyingi tanaffus vaqtida muxlislar uchun maxsus shou dasturi tashkil etildi. Unda jahon estradasi yulduzlari Jastin Biber, Madonna, Shakira hamda Janubiy Koreyaning mashhur BTS guruhi o‘z chiqishlari bilan stadionga yig‘ilganlarni xushnud qildi.

Ikkinchi...

Kursiv Uzbekistan 13 – 19-iyul kunlari O‘zbekiston va xorij olamida sodir bo‘lgan yangiliklarni hafta yakunida jamladi.

O‘zbekistonda yiliga 1 mln tonna po‘lat list ishlab chiqaruvchi majmua ishga tushirildi

O‘zbekistonda yiliga 1 mln tonna po‘lat list ishlab chiqarish quvvatiga ega O‘zbekiston metallurgiya kombinatida barpo etilgan yangi Quyuv-prokatlash majmuasi ishga tushirildi. Marosimda Shavkat Mirziyoyev ham ishtirok etdi, deya xabar bermoqda uning matbuot xizmati.

Yangi quvvat ishga tushirilishi natijasida yiliga 1 mln tonna yoki 8 trln so‘mlik issiq prokatlangan po‘lat list ishlab chiqariladi. Bu Toshkent va Samarqand metallurgiya zavodlarining prokat listlarga bo‘lgan ehtiyojini to‘liq qoplash imkonini beradi. Loyiha doirasida 1,2 mingta yuqori daromadli ish...

Ispaniya va Argentina bugun, 19-iyul kuni New Jersey stadionida Jahon chempionati finalida maydonga tushadi. Final oldidan asosiy e’tibor Lionel Messining ehtimoliy so‘nggi mundial o‘yini, Lamin Yamal bilan ramziy avlodlar almashinuvi, chiptalarga talab, ob-havo va hakamlar brigadasiga qaratilgan.

Ispaniya final favoriti sifatida ko‘rilmoqda

Opta superkompyuteri hisob-kitoblariga ko‘ra, Ispaniya finalda g‘alaba qozonish uchun asosiy favorit hisoblanmoqda.

25 mingta simulyatsiya natijasida Ispaniya 59,6% holatda chempion bo‘lgan. Argentina esa 40,4% holatda amaldagi chempionlikni saqlab qolgan.

Asosiy vaqt bo‘yicha prognozda Ispaniyaning g‘alabasi 45%, durang natija 29%, Argentinaning 90 daqiqadagi g‘alabasi esa 26% deb baholangan.

Messi uchun so‘nggi Jahon chempionati bo‘lishi mumkin

Final...

AQSh Iordaniyada ikki amerikalik harbiy halok bo‘lganidan keyin Eronga navbatdagi havo zarbalarini berdi. Eron esa mintaqadagi AQSh ittifoqchilari obyektlariga zarba berganini bildirmoqda. Bu haqda BBC xabar berdi.

AQSh Markaziy qo‘mondonligi Erondagi qirg‘oq kuzatuv tizimlari, havo mudofaasi obyektlari hamda Islom inqilobi qo‘riqchilari korpusi bilan bog‘liq nishonlarga zarba berilganini ma’lum qildi.

AQSh harbiylariga ko‘ra, bu hujumlar Eronning Hormuz bo‘g‘ozidagi tijoriy kemalarga tahdid qilish imkoniyatini kamaytirish va Iordaniyadagi amerikalik harbiylarga qilingan hujumga javob sifatida amalga oshirilgan.

Eron atom elektr stansiyasi urilganini bildirdi

Eron OAViga ko‘ra, zarbalar mamlakat janubi-g‘arbidagi Darxoveyn shahrida qurilayotgan atom elektr stansiyasi va Hormuz bo‘g‘ozidagi Qeshm oroliga ham tegishli...

Chevrolet 2027-yilgi Tahoe va Suburban Z71 komplektatsiyasi uchun buyurtma tartibiga bir qator kichik o‘zgarishlar kiritmoqda. GM Authorityga ko‘ra, asosiy yangiliklar orqa o‘rindiq media tizimi, g‘ildirak disklari, qora kuzgu qoplamalari va salon himoya aksessuarlariga tegishli.

Orqa o‘rindiq media tizimi alohida opsiya bo‘ladi

Z71 Off-Road Package endi Rear Seat Media System’ni o‘z ichiga olmaydi. Bu o‘zgarish 2026-yil may oyida joriy qilingan va 2027-yilgi Tahoe hamda Suburban’da ham saqlanadi.

Endi orqa o‘rindiq media tizimi alohida opsiya sifatida tanlanadi. Biroq xaridor bu funksiyani olish uchun baribir Z71 Off-Road Package’ni ham buyurtma qilishi kerak bo‘ladi.

Shuningdek, ushbu media tizim endi ikki dona Bluetooth...

Ukraina rasmiylariga ko‘ra, tunda Kiyev bir nechta tumaniga raketa va dronlar bilan hujum qilingan. Favqulodda xizmatlar hujum oqibatlarini bartaraf etmoqda, kamida ikki kishi jabrlangani ma’lum qilindi.

Kiyevning bir nechta tumanida yong‘inlar yuz berdi

Dnepr tumanida savdo markazi yaqinida tutun chiqqani, shuningdek, dron yoki raketa parchalarining qulashi oqibatida yotoqxonada yong‘in yuz bergani xabar qilindi.

Desnyan tumanida noturar hududga zarba berilgani va avtomobillar yonib ketgani qayd etildi. Solomyansk tumanida esa supermarket binosi va uning yonidagi turarjoyda yong‘in chiqqan. Yana bir manzilda turar joy oynalari shikastlangan, ikkinchi qavatdan bir kishi qutqarilgan.

Shevchenko tumanida ma’muriy bino yonidagi uch qavatli qo‘shimcha imorat yonib...

Turkiyaning «Istanbul Bashakshehir» klubi Qozog‘istonning «Ordabasi» jamoasi hujumchisi Jasulan Amirni sotib olish bo‘yicha rasmiy taklif bilan chiqqan. Biroq «Ordabasi» hozircha 19 yoshli futbolchini sotishdan bosh tortdi.

«Ordabasi» taklifni qabul qilmadi

Qozog‘iston futboli manbalariga ko‘ra, «Bashakshehir» Jasulan Amir transferi bo‘yicha aniq taklif yuborgan. «Ordabasi» prezidenti Darxan Qizaybayev futbolchi bo‘yicha takliflar ko‘p ekanini, biroq klub va o‘yinchini qoniqtiradigan variant bo‘lsagina transfer ko‘rib chiqilishini aytdi.

Uning so‘zlariga ko‘ra, Amir bo‘yicha Rossiyaning «Baltika» va Turkiyaning «Istanbul Bashakshehir» klublari aniq taklif bilan chiqqan.

Klub futbolchini mavsum oxirigacha saqlab qolmoqchi

«Ordabasi» rahbariyati Jasulan Amir jamoaga chempionlik uchun kurashda yordam berishini istamoqda.

Hozirda...

Buxoro viloyatida fuqaroni Janubiy Koreyaga ishga yuborishni va’da qilgan shaxsga nisbatan jinoyat ishi qo‘zg‘atildi. U jabrlanuvchidan kelishilgan $8 mingning $1 ming qismini olgani aniqlangan.

Fuqaro tanishlari orqali ishga yuborishni va’da qilgan

Bosh prokuratura huzuridagi Departamentning Kogon shahri bo‘limi tergovga qadar tekshiruv o‘tkazdi.

Tekshiruvda fuqaro Z.I. boshqa bir fuqaroning ishonchiga kirib, go‘yoki yuqori lavozimlarda ishlovchi tanishlari orqali uni Janubiy Koreyaga ishga yuborishini aytgani aniqlangan.

$1 ming olgani aytilmoqda

Ma’lumotga ko‘ra, Z.I. ushbu xizmat evaziga $8 ming so‘ragan. U kelishilgan puldan $1 mingni firibgarlik yo‘li bilan qo‘lga kiritgani aniqlangan. Ushbu mablag‘ning $200 qismi qaytarilgani protsessual tartibda rasmiylashtirilgan.

Holat yuzasidan...

Bugun kunduz kuni O‘zbekistonning ayrim hududlarida shamol tezligi kuchayishi prognoz qilinmoqda. Toshkent shahrida ham shamol 12–15 m/s gacha yetib, ayrim joylarda chang-to‘zonlar kuzatilishi mumkin.

Respublika bo‘yicha shamol kuchayadi

«O‘zgidromet»ga ko‘ra, bugun kunduz kuni respublikaning ba’zi joylarida shamol tezligi 13–18 m/s gacha kuchayadi.

Buxoro, Navoiy, Samarqand, Jizzax va Qashqadaryo viloyatlarida esa ayrim joylarda shamol 20–22 m/s gacha yetishi mumkin.

Ayrim hududlarda chang-to‘zon bo‘ladi

Kuchli shamol ayrim hududlarda chang-to‘zonlar bilan kuzatilishi ehtimoli bor.

Mutaxassislar fuqarolarga ehtiyot choralarini ko‘rish, zarurat bo‘lmasa ochiq havoda uzoq qolmaslikni tavsiya qiladi.

Poytaxtda ham ob-havo noqulaylashadi

Toshkentda shamol tezligi 12–15 m/s gacha kuchayishi mumkin...

Vivo kompaniyasi Xitoyda yangi budjet smartfoni Vivo Y6c 4G modelini sotuvga chiqardi. Qurilma 6500 mA/soat sig‘imli akkumulyator, 120 gertsli ekran, IP65 himoya darajasi va 3,5 mm quloqchin portiga ega.

Narxi 130 dollar atrofida

IT Home nashriga ko‘ra, Vivo Y6c 4G hozircha bitta versiyada sotuvga chiqarildi. Smartfon 4 GB tezkor xotira va 128 GB ichki xotira bilan taklif qilinmoqda.

Uning Xitoydagi narxi 899 yuan, ya’ni taxminan $130 ni tashkil etadi.

Batareyasi 6500 mA/soat

Smartfonning asosiy jihatlaridan biri katta akkumulyatori. Vivo Y6c 4G 6500 mA/soat sig‘imli batareya bilan jihozlangan.

Qurilma 15 vattli quvvatlashni qo‘llab-quvvatlaydi.

Ekran 120 gertsli

Model...

O‘zbekistonlik tibbiyot sohasi mutaxassislarini Chexiyaning davlat va xususiy klinikalarida ishga tayyorlash hamda yuqori malakali lavozimlarga joylashtirish bo‘yicha yangi loyiha yo‘lga qo‘yiladi. Jarayon joriy yil sentabr oyidan boshlanishi rejalashtirilgan.

Migratsiya agentligi ma’lumotiga ko‘ra, Chexiya bosh vaziri Andrey Babishning O‘zbekistonga tashrifi doirasida boshlangan muzokaralar amaliy bosqichga o‘tmoqda.

Bu borada Migratsiya agentligi rahbari Behzod Musayev, O‘zbekistonning Chexiyadagi elchixonasi vakillari va Chexiya sog‘liqni saqlash vaziri Adam Voytex o‘rtasida muzokara o‘tkazilgan.

Nomzodlar til va kasbga tayyorlanadi

Kelishuvga ko‘ra, o‘zbekistonlik nomzodlar Chexiyada ishlash uchun chех tiliga va kasbga tayyorlanadi.

Shuningdek, ular uchun dual ta’lim dasturlarini ishlab chiqish, diplom va malakalarni tan olish jarayonlarini yengillashtirish...

Chevrolet 2026-yilgi Blazer modelida 3,6 litrli V6 dvigatelni taklif qilishni to‘xtatdi. Endi SUV faqat 2,0 litrli turbo dvigatel bilan sotiladi. Bu haqda GM Authority xabar berdi.

Ma’lumotga ko‘ra, dilerlar may oyining oxiridan beri 2026-yilgi Chevy Blazer’ni V6 dvigatel bilan buyurtma qila olmayapti.

Avval 3,6 litrli V6 dvigatel 308 ot kuchi va 270 funt-fut aylanish momenti ishlab chiqargan. U 2026-yilgi modelda faqat RS komplektatsiyasi uchun $1 000lik opsiya sifatida taklif qilingan.

Endi faqat 2,0 litrli turbo dvigatel qoladi

Blazer’ning yagona dvigateli 2,0 litrli turbo benzinli motor bo‘ladi. U 228 ot kuchi va 258 funt-fut aylanish momentiga ega.

Ushbu dvigatel...