Yangiliklar

AQSh Davlat departamenti prezident Donald Tramp davrida xorijiy fuqarolarga berilgan 175 mingdan ortiq vizani bekor qildi, deya xabar berdi Al Jazeera. Idora ma’lumotiga ko‘ra, aksariyat holatlar jinoyat, viza qoidalarini buzish, firibgarlik va milliy xavfsizlikka tahdidlar bilan bog‘liq.

Vizalar doimiy tekshiruvlar natijasida bekor qilingan

Davlat departamenti vizalar «doimiy tekshiruv» jarayonlari doirasida bekor qilinganini bildirdi. Bu jarayon viza olgan shaxslar AQSh qoidalariga amal qilayotgani va mamlakat xavfsizligiga tahdid solmayotganini nazorat qilishga qaratilgan.

Idora bayonotida AQSh vizasi huquq emas, balki imtiyoz ekani ta’kidlandi.

Asosiy sabablar jinoyatlar va qoidabuzarliklar bo‘lgan

Bekor qilingan vizalarning katta qismi huquqni muhofaza qiluvchi organlar bilan bog‘liq...

Xivada o‘tkazilgan «Qovun sayli» festivali doirasida jahon rekordi o‘rnatildi. 9-avgust kuni 259 kishi bir vaqtning o‘zida 10 dan ortiq qovun navini tatib ko‘rib, ushbu natija Ginnes rekordlari kitobiga kiritildi.

Rekord qanday o‘rnatildi

Rekord «Eng katta qovun degustatsiyasi» nominatsiyasida qayd etilgan. Jarayonni Ginnes rekordlar kitobining Turkiya va Markaziy Osiyo bo‘yicha rasmiy hakami Sheyda Subashi Gemiji kuzatib bordi.

Rekord o‘rnatilganini tasdiqlovchi rasmiy sertifikat ham taqdim etilgan.

Festivalga 186 ming sayyoh tashrif buyurdi

7 – 9-avgust kunlari Xivaning «Ichan qal’a» tarixiy majmuasi va «Arda Xiva» sayyohlik markazida tashkil etilgan festivalga jami 150 ming nafar mahalliy va 36 ming xorijiy sayyoh...

Oliy Majlis Qonunchilik palatasining navbatdagi majlisida fuqarolarni yashash joyi va turgan joyi bo‘yicha ro‘yxatdan o‘tkazish tartibini soddalashtirishga qaratilgan qonun loyihasi ko‘rib chiqildi. Loyihaga ko‘ra, uy-joyga taqiq yoki xatlov qo‘yilgan bo‘lsa ham, mulkdor va uning yaqin qarindoshlarini ushbu manzilda ro‘yxatdan o‘tkazish uchun bank, sud yoki MIB roziligi talab etilmaydi.

Mulkdor o‘z uyida ro‘yxatdan o‘tishi mumkin bo‘ladi

Bugungi kunda ipoteka krediti yoki subsidiya asosida uy sotib olgan ayrim fuqarolar o‘z uyida ro‘yxatdan o‘tishda qiyinchiliklarga duch kelmoqda.

Bu esa farzandlarni maktab yoki bog‘chaga joylashtirish, poliklinikaga biriktirish, pensiya va boshqa ijtimoiy xizmatlardan foydalanishda muammo tug‘dirishi mumkin.

Qonun loyihasi ushbu amaliy muammolarni kamaytirishga...

O‘zbekistondagi musiqa va san’at ta’limi muassasalarida saqlanib qolayotgan tizimli muammolar yuzasidan Madaniyat vaziri Ozodbek Nazarbekovga parlament so‘rovi yuborildi. Bu haqda Oliy Majlis Qonunchilik palatasi xabar berdi. 

Deputatlar hududlardagi o‘rganishlar va ta’lim muassasalaridan kelib tushgan ma’lumotlarni tahlil qilib, qator san’at maktablari binolari kapital ta’mirga muhtojligi, ayrim muassasalarda o‘quvchilar soni loyiha quvvatidan oshib ketgani va malakali pedagoglar yetishmasligini aniqlagan.

Qaysi muammolar aniqlangan?

Termiz, Farg‘ona, Urganch, Samarqand va Navoiy shaharlaridagi ixtisoslashtirilgan san’at maktablari, Andijondagi Sherali Jo‘rayev nomidagi musiqa va san’at oliy maktabi, Toshkentdagi R. Glier nomidagi Respublika ixtisoslashtirilgan san’at maktabi hamda boshqa muassasalar binolari kapital ta’mirga muhtoj ekani aniqlangan.

12-avgust uchun valyutalar kursi yangilandi. Unga ko‘ra, dollar kursi 44,66 so‘mga tushib, 11 889,95 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 5-avgustga kelib AQSh valyutasi pasaya boshladi, shu kuni 7,25 so‘mga tushib, 11 942,21 so‘m, 6-avgustda esa 55,49 so‘mga tushib, 11 886,72 so‘m bo‘ldi. 7-avgust kuni 28,92 so‘mga oshib, 11 915,64 so‘mni, 10-avgust kuni 36,46 so‘mga oshib, 11 952,10 so‘mni, 11-avgust kuni esa 17,49 so‘mga tushib, 11 934,61 so‘mni tashkil etdi. 

Yevro kursida ham tushish kuzatildi. Yevropa valyutasi70,61 so‘mga tushib, 13 717,44 so‘m bo‘ldi. Rossiya...

Eron prezidenti Mas’ud Pezeshkiyon mamlakat oliy rahbari Mojtaba Xomanaiy 9-avgust kuni bo‘lib o‘tgan uchrashuv vaqtida jismonan to‘liq sog‘lom bo‘lganini ma’lum qildi. Bu haqda Eron davlat televideniyesi IRIB xabar berdi. 

Xomanaiy bilan uchrashuv

Pezeshkiyonning so‘zlariga ko‘ra, u Xomanaiy bilan 9-avgust kuni uchrashgan va suhbat 7-8 soat davom etgan.

Uchrashuv davomida Eronning harbiy va iqtisodiy sohalaridagi vaziyat, mamlakat xavfsizligi hamda AQSh bilan bog‘liq masalalar muhokama qilingan.

Xomanaiy haqida mish-mishlar

Xomanaiyning Pezeshkiyon bilan uchrashuvi uning sog‘lig‘i haqidagi turli xabarlar fonida bo‘lib o‘tgan.

Avvalroq Mojtaba Xomanaiyning videosi tarqalgan edi. Keyinchalik ushbu tasvirlar eski ekani, video u...

Toshkentda Bunyodkor ko‘chasining qo‘shimcha yo‘l bo‘lagi vaqtincha yopildi. Shu sabab 41, 77, 116 va 118-sonli avtobuslar ta’mirlash ishlari yakunlangunga qadar o‘zgartirilgan yo‘nalish bo‘yicha harakatlanadi. Bu haqda Toshkent shahar transport bosh boshqarmasi xabar berdi.

Bunyodkor ko‘chasining Qatortol-2 ko‘chasidan So‘galli ota ko‘chasigacha bo‘lgan qo‘shimcha yo‘l bo‘lagi kommunal tarmoqlarda ta’mirlash ishlari sabab yopilgan. Yo‘l ta’mirlash ishlari yakunlangunga qadar yopiq bo‘ladi.

Avtobuslar yo‘nalishi

41 va 118-sonli avtobuslar «Chilonzor» buyum bozori tomon harakatlanganda Qatortol, Zargarlik, Qatortol-2 ko‘chalari hamda Bunyodkor ko‘chasining asosiy yo‘li orqali qatnaydi.

77-sonli avtobus «Chilonzor 25-dahasi» tomon Kichik halqa yo‘li, Qatortol, Zargarlik, Qatortol-2, Al-Xorazmiy va Katta Xirmontepa ko‘chalari orqali harakatlanadi.

116-sonli...

Toshkentdagi «Paxtakor» stadioni oldidagi yodgorlik va Botkin qabristonida 1979-yilda hayotdan ko‘z yumgan «Paxtakor» jamoasi vakillarini xotirlash tadbirlari o‘tkazildi.

Unda futbol jamoatchiligi, mutaxassislar, faxriylar, klub rahbariyati va asosiy tarkib vakillari, muxlislar hamda yosh futbolchilar ishtirok etdi. Tadbirlar davomida «Paxtakor-79» jamoasi vakillarining xotirasi yodga olindi.

«Paxtakor-79» fojiasi

1979-yil 11-avgust kuni «Paxtakor» futbol jamoasi Minsk yaqinida samolyot halokatiga uchragandi. «Paxtakor» futbolchilari Toshkentdan Minskka uchayotgan edi. Jamoa a’zolari bo‘lgan samolyot boshqa yo‘lovchi samolyoti bilan havoda to‘qnashib ketgan.

Halokat oqibatida «Paxtakor»ning asosiy tarkibidagi 17 nafar futbolchi, murabbiylar va klub vakillari bilan birga jami 178 kishi halok bo‘lgan.

Fojia o‘zbek futboli tarixidagi eng...

Telegram 2026-yil 10-avgust kuni 101 205 ta kanal va guruh faoliyatini chekladi. Bu haqda «RIA Novosti» xabar bermoqda.

Ushbu ko‘rsatkich 5-avgustdan beri bir sutka ichida bloklangan hamjamiyatlar soni yana 100 mingdan oshganini anglatadi. Telegram statistikasi bo‘yicha, 5-avgust kuni ham 102 278 ta kanal va guruh bloklangan edi.

Avgust boshidan 834 mingdan ortiq hamjamiyat bloklandi

2026-yil avgust oyi boshidan buyon Telegram jami 834 113 ta kanal va guruhni bloklagan. Platforma ma’lumotiga ko‘ra, shundan 4 608 tasi terrorizm bilan bog‘liq deb topilgan hamjamiyatlar hissasiga to‘g‘ri keladi.

Yil boshidan buyon esa Telegram tomonidan bloklangan kanal va guruhlar soni 22,59 mln taga...

OpenAI hozirgi va sobiq xodimlaridan qariyb $7 mlrdlik aksiyalarni qayta sotib oldi. Bloomberg ma’lumotiga ko‘ra, ushbu bitim doirasida kompaniya $852 mlrdga baholangan va bu ko‘rsatkich mart oyidagi moliyalashtirish raundidan beri o‘zgarmagan.

CNBC ma’lumotiga ko‘ra, OpenAI aksiyalarni qayta sotib olish taklifini 2026-yil mart oyida rekord darajadagi $122 mlrdlik moliyalashtirish raundidan keyin tayyorlay boshlagan.

Bu safar xaridor sifatida OpenAI’ning o‘zi qatnashgan. Kompaniya bitimga tashqi investorlarni jalb qilmagan.

Xodimlar IPOdan oldin aksiyalarini sotmoqda

Aksiyalarni sotish OpenAI’ning hozirgi va sobiq xodimlariga kompaniya birjaga chiqishidan oldin daromad olish imkonini beradi.

OpenAI avval ham shunday bitimlarni o‘tkazgan. 2024-yilda xodimlar $1,5 mlrdlik, 2025-yil...

AQSh prezidenti Donald Tramp Erondan so‘nggi 50 yil davomida urushlar, hujumlar va norozilik namoyishlari oqibatida yetkazilgan zarar hamda insonlar o‘limi uchun tovon to‘lashni talab qildi. Bu talab Tehron bilan Hormuz bo‘g‘ozini qayta ochish bo‘yicha muzokaralarni yanada murakkablashtirishi mumkin.

Trampning talabi Eronning AQShdan kompensatsiya to‘lash, sanksiyalarni bekor qilish va harbiy tahdidlarni to‘xtatish haqidagi shartlariga javoban ilgari surildi. Tehron bu talablar bajarilmaguncha Hormuz bo‘g‘ozini to‘liq ochmasligini bildirmoqda.

Norozilik namoyishlarida qariyb 52 ming kishi o‘ldirgani da’vo qilindi

Trampning so‘zlariga ko‘ra, tovon AQSh harbiylari va boshqa mojarolarda halok bo‘lgan yoki og‘ir jarohatlangan shaxslar bilan bog‘liq zararlarni ham qamrab olishi kerak.

AQSH prezidenti...

10-avgust holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 21,1 foizdan 21,3 foizga oshdi. Shundan jismoniy shaxslarga ajratilayotgan kreditlarning (mikroqarz va kredit kartalaridan tashqari) o‘rtacha foiz stavkasi 22,2 foizni, yuridik shaxslar ulushi ham 22,3 foizni ko‘rsatmoqda.

Bunda eng past avtokredit stavkasi «BRB» tomonidan taklif qilingan bo‘lib, 18,7 foizni tashkil etdi. Bungacha ham eng kam foiz «BRB» (18,1%) tomonidan taklif qilingandi.

Xususan, eng kam foizli avtokreditlar quyidagi banklarda ham kuzatilmoqda:

Suriya sudi mamlakatning sobiq prezidenti Bashar Asadni insoniyatga qarshi jinoyatlar va harbiy jinoyatlarda aybdor deb topib, sirtdan o‘lim jazosiga hukm qildi. Xuddi shu ish doirasida uning ukasi Maher Asad va amakivachchasi Atef Najib ham o‘lim jazosiga hukm qilindi. Bu haqda SANA xabar berdi.

Sud qarori 11-avgust kuni e’lon qilingan. Bashar Asad va uning ukasi Maher sud majlisida ishtirok etmagan. Atef Najib esa sud zalida bo‘lgan va hukm e’lon qilinayotganda mahkumlar uchun ajratilgan maxsus joyda turgan.

Jinoyatlar 2011-yildagi norozilik namoyishlari bilan bog‘liq

Sud Najibni 2011-yilda Suriyaning janubidagi Daraa viloyatida namoyishlarni bostirishga rahbarlik qilganlikda aybdor deb topgan. Mazkur...

O‘zbekiston terma jamoasi himoyachisi Abduqodir Husanov «Manchester Siti»ning mavsumoldi Osiyo turini muddatidan avval tark etib, O‘zbekistonga qaytgandi. Futbolchiga jamoani shaxsiy sabab tufayli tark etishga ruxsat berilgani ma’lum qilingan. Manchester Evening News xabariga ko‘ra, o‘zbekistonlik himoyachining tez orada jamoa mashg‘ulotlariga qaytishi kutilmoqda.

Husanov qachon qaytishi mumkin?

«Manchester Siti» mavsumoldi turini yakunlab, Angliyaga qaytadi. Jamoaning yangi mavsumdagi dastlabki rasmiy uchrashuvi esa 16-avgust kuni «Arsenal»ga qarshi Angliya Superkubogi – Community Shield doirasida bo‘lib o‘tadi.

Community Shield’da odatda Angliya chempionati – Premier League g‘olibi va Angliya kubogi – FA Cup sohibi o‘zaro bahs olib boradi.

Husanov «Arsenal»ga qarshi o‘ynaydimi?

Vivo kompaniyasining navbatdagi Vivo X500 flagmanlar oilasi haqida yangi ma’lumotlar paydo bo‘ldi. Bu haqda Gizmochina nashri xabar bermoqda.

Manbaga ko‘ra, standart Vivo X500 modeli dizayn jihatidan X500 Pro va X500 Pro Max versiyalaridan sezilarli farq qilishi mumkin.

Asosiy o‘zgarish orqa kamera blokida kuzatilishi kutilmoqda. Pro modellarda yirik dumaloq kamera moduli markazga joylashtirilishi aytilayotgan bo‘lsa, standart Vivo X500’da u korpusning yuqori chap qismiga o‘rnatilishi mumkin.

Vivo X500 6,59 dyuymli tekis ekran olishi mumkin

Dastlabki ma’lumotlarga ko‘ra, standart Vivo X500 taxminan 6,59 dyuymli tekis displey bilan jihozlanadi.

X500 Pro oilasida esa ikki xil ekran o‘lchami kutilmoqda. Ulardan biri taxminan...

Armanistonning Areni hududida xalqaro standartlarga javob beradigan yirik vino muzeyi tashkil etilishi rejalashtirilmoqda. Bu haqda Armenpress nashri xabar bermoqda.

Loyiha mamlakatga xorijiy sayyohlarni ko‘proq jalb qilish va hududning turistik salohiyatini oshirishga qaratilgan.

Armenpress ma’lumotiga ko‘ra, muzey majmuasi tarkibida somelye markazi va savdo zali ham faoliyat yuritadi. U yerda Areni hududida ishlab chiqariladigan mahalliy vino mahsulotlari namoyish etilishi ko‘zda tutilgan.

Muzey Arenining vinochilik tarixini namoyish etadi

«Areni hududini rivojlantirish» jamg‘armasi direktori Syuzan Margaryanning aytishicha, hozir investitsiya dasturi doirasida hududdagi turli aholi punktlarida amalga oshirilishi mumkin bo‘lgan ko‘plab loyihalar ko‘rib chiqilmoqda.

Uning ta’kidlashicha, yangi vino muzeyi Arenining tarixiy va madaniy...

YouTube 2027-yil 1-fevraldan hamkorlik dasturi — YouTube Partner Program (YPP) orqali reklama va obunalardan daromad olish shartlarini kuchaytiradi. Bu haqda TechCrunch xabar bermoqda.

Hozirgi talab bo‘yicha kanal 1 ming obunachiga ega bo‘lib, oxirgi 12 oyda 4 ming soat tomosha vaqtini yoki 90 kun davomida 10 mln.ta haqiqiy Shorts ko‘rishini yig‘ishi talab qilinadi. Shunday qilib, ko‘rishlar bo‘yicha asosiy mezonlar ikki baravar oshirilmoqda.

Yangi talablar amaldagi hamkorlarga ta’sir qilmaydi

YouTube’ning ma’lum qilishicha, yangi talablar allaqachon YPP ishtirokchisi bo‘lgan kanallarga tatbiq etilmaydi. O‘zgarishlar asosan 2027-yil 1-fevraldan keyin reklama va YouTube Premium daromadlarini olish uchun hamkorlik dasturiga qo‘shiladigan yangi ijodkorlarga tegishli.

Amaldagi...

O‘zbekiston 2024-yil yakunlariga ko‘ra, yangi uzilgan gilos eksporti hajmi bo‘yicha dunyoda 6-o‘rinni egalladi. BMTning Comtrade xalqaro savdo ma’lumotlar bazasiga ko‘ra, mamlakat o‘sha yili 32,2 ming tonna gilosni xorijga yetkazib bergan. Eksport qiymati $70,4 mln ni tashkil etgan.

2026-yilda ham gilos eksporti davom etmoqda. Milliy statistika qo‘mitasi ma’lumotlariga ko‘ra, yanvar – iyun oylarida O‘zbekiston 11 ta davlatga jami 23,3 ming tonna gilos eksport qilgan. Yetkazib berilgan mahsulotlar qiymati $57,9 mln ga yetgan.

2021-yilda eksport 60 ming tonnadan oshgan

So‘nggi o‘n yillik ma’lumotlar O‘zbekistonda gilos eksporti hajmi yillar kesimida sezilarli o‘zgarib turganini ko‘rsatadi.

2016-yilda mamlakat 29,2 ming tonna gilos...

O‘zbekistonda qonunchilik hujjatlarida qo‘llanadigan ayrim atamalarni yagona shaklga keltirish taklif etilmoqda. Tegishli qonun loyihasi uchinchi o‘qishda qabul qilinib, Senatga yuborildi. Bu haqda Oliy Majlis Qonunchilik palatasi xabar berdi. 

Qaysi so‘zlar o‘zgartiriladi?

Qonun loyihasida ayrim atamalarni quyidagi shaklda qo‘llash nazarda tutilgan:

Qonunchilikdagi atamalar birxillashtiriladi

Majlisda ta’kidlanganidek, qonun loyihasining qabul qilinishi qonunchilik hujjatlarida qo‘llanadigan tushuncha va yuridik atamalarni birxillashtirishga xizmat qiladi.

Loyiha uchinchi o‘qishda qabul qilinib, ko‘rib chiqish uchun Senatga yuborildi.

Avvalroq Oliy Majlis Senatining 18-yalpi majlisida qabul qilingan yangi qonun orqali Oila kodeksiga muhim o‘zgartirish...

Chevrolet 2027-yilgi Chevrolet Equinox modelida turli yo‘l va ob-havo sharoitlariga moslashtirilgan bir nechta haydash rejimlarini saqlab qoldi. Bu haqda GMAutority nashri xabar bermoqda.

Haydovchi markaziy konsoldagi maxsus boshqaruv tugmasi orqali avtomobilning harakatlanish xususiyatlarini kerakli sharoitga moslashtira oladi. Mavjud rejimlar va ular bilan bog‘liq tizimlar Chevrolet Equinox’ning komplektatsiyasi hamda jihozlanishiga qarab farq qilishi mumkin.

Normal rejimi kundalik haydash uchun mo‘ljallangan

Normal Mode avtomobilning asosiy va kundalik foydalanish rejimi hisoblanadi. U shahar ko‘chalari va avtomagistrallarda harakatlanishda qulaylik hamda boshqaruvchanlik o‘rtasidagi muvozanatni ta’minlashga mo‘ljallangan.

Ushbu rejimda Chevrolet Equinox akselerator, transmissiya va boshqa tizimlarni odatiy haydash sharoitiga mos ravishda boshqaradi. Shu sabab...

Apple’ning bo‘lajak iPhone 18 Pro Max smartfoni 5 391 mA/soat sig‘imli akkumulyator bilan jihozlanishi mumkin. Qurilma batareyasiga tegishli deb aytilayotgan suratlar e’lon qilindi.

Tasvirlarda Apple logotipi, xizmat belgilari va akkumulyatorning texnik ko‘rsatkichlari ko‘rinadi. Unda nominal sig‘im 5391 mA/soat etib qayd etilgan. Ushbu raqam avvalroq tarqalgan ma’lumotlar bilan ham mos keladi.

Batareya sig‘imi 5000 mA/soatdan oshadi

Avvalgi ma’lumotlarda iPhone 18 Pro Max’ning barcha asosiy versiyalarida akkumulyator sig‘imi ilk bor 5000 mA/soatdan oshishi aytilgan edi.

Iyul oyida tarqalgan ma’lumotlarga ko‘ra, global bozordagi nano-SIM versiyasi 5235 mA/soatli, AQSh uchun mo‘ljallangan eSIM modeli esa 5425 mA/soatli batareyaga ega bo‘lishi mumkin.

Xitoy bozori uchun...

O‘zbekistonda 2026-yil iyul oyida avtomobil yonilg‘i quyish shoxobchalarida naqd pulsiz savdo tushumlari 3,75 trln so‘mni tashkil etdi. Markaziy bank ma’lumotlariga ko‘ra, iyun oyiga nisbatan tushum 4,2 foiz (0,15 trln so‘m)ga oshdi.

Oy davomida 19,3 mln tranzaksiya amalga oshirilgan

Iyul oyida avtomobil yonilg‘i quyish shoxobchalarida jami 19,3 mlnta tranzaksiya amalga oshirildi.

Kunlik o‘rtacha tranzaksiyalar soni 623,1 mingtani tashkil etdi. Tushumlar hajmida kunlar kesimida ayrim o‘zgarishlar kuzatilgan bo‘lsa-da, umumiy dinamika barqaror saqlangan.

To‘lovlarning asosiy qismi bank kartalari orqali bo‘lgan

AYQShlardagi to‘lovlarning katta qismi mavjud bank kartalari orqali amalga oshirilgan. Ularning ulushi 90,5 foizni yoki 109,6 mlrd so‘mni tashkil...

Toshkent viloyatining Bo‘stonliq tumanida tabiiy gazdan noqonuniy foydalanish holati aniqlandi. Energetika vazirligiga ko‘ra, qoidabuzarlik oqibatida 1 mlrd 52 mln so‘mlik zarar yetkazilgan.

Holat «Hududgaz Toshkent» gaz ta’minoti filiali komplayens nazorat tuzilmalari, tuman gaz ta’minoti bo‘limi xodimlari va huquq-tartibot organlari hamkorligida o‘tkazilgan nazorat tadbirida aniqlangan.

Dala hovlida gazdan hujjatlarsiz foydalanilgan

Tekshiruv Bo‘stonliq tumanining Qoronko‘l mahallasida joylashgan, fuqaroga qarashli dala hovlida o‘tkazilgan. Xatlov davomida obyekt tabiiy gaz tarmog‘idan loyiha-texnik hujjatlarisiz foydalanib kelayotgani aniqlangan. Holat yuzasidan tegishli dalolatnoma rasmiylashtirilgan.

Zarar 1 mlrd 52 mln so‘mga baholandi

Dastlabki hisob-kitoblarga ko‘ra, noqonuniy gaz iste’moli natijasida yetkazilgan zarar miqdori 1 mlrd 52 mln...

O‘zbekistonda 2024 – 2025-yillarda ishlab chiqarilgan Chevrolet Captiva 5 avtomobillari uchun chegirma miqdori 55 mln so‘mgacha oshirildi. Bu haqda Autostrada nashri ma’lum qildi.

Modelning LT2 komplektatsiyasi 264,9 mln so‘m, Premier versiyasi esa 294,9 mln so‘mdan taklif qilinmoqda. Ayrim dilerlar zavod chegirmasiga qo‘shimcha ravishda yana 5 mln so‘mgacha chegirma taqdim etayotgani aytilmoqda. Bunday holatda Captiva 5’ning boshlang‘ich narxi qariyb 260 mln so‘mgacha tushishi mumkin.

2024 – 2025-yilgi avtomobillarga 55 mln so‘m chegirma berilmoqda

Chevrolet Captiva LT2’ning avvalgi narxi 319,9 mln so‘m edi. 55 mln so‘mlik chegirmadan so‘ng avtomobil 264,9 mln so‘mga tushmoqda.

Premier komplektatsiyasi esa 349,9 mln so‘mdan...