Yangiliklar

11-avgust uchun valyutalar kursi yangilandi. Unga ko‘ra, dollar kursi 17,49 so‘mga tushib, 11 934,61 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 4-avgust kuni esa o‘sish tendensiyasini ko‘rsatib, 11 989,14 so‘m (+29,28)ni tashkil etdi. 5-avgustga kelib AQSh valyutasi pasaya boshladi, shu kuni 7,25 so‘mga tushib, 11 942,21 so‘m, 6-avgustda esa 55,49 so‘mga tushib, 11 886,72 so‘m bo‘ldi. 7-avgust kuni 28,92 so‘mga oshib, 11 915,64 so‘mni, 10-avgust kuni esa 36,46 so‘mga oshib, 11 952,10 so‘mni tashkil etdi. 

Yevro kursida ham oshish kuzatildi. Yevropa valyutasi 8,47 so‘mga oshib...

Toshkentda 10 – 14 avgust kunlari kunduzgi havo harorati 39–41 daraja atrofida bo‘lishi kutilmoqda. Bu haqda «O‘zgidromet» xabar berdi.

Haftaning boshida 39–40 daraja

10-avgust, dushanba kuni Toshkentda havo o‘zgaruvchan bulutli bo‘ladi. Kunduzi harorat 39 darajagacha ko‘tarilsa, kechasi 25 daraja atrofida bo‘ladi.

11-avgust kuni yog‘ingarchiliksiz, kam bulutli ob-havo kutilmoqda. Kunduzi havo 40 darajagacha isiydi, kechasi esa harorat 25 darajagacha pasayadi.

Chorshanba kuni eng issiq kun bo‘ladi

12-avgust kuni poytaxtda haftaning eng yuqori harorati kuzatilishi mumkin. Kunduzi termometrlar 41 darajagacha ko‘tariladi. Kechasi havo 25 darajagacha salqinlashadi.

Hafta oxirida ham issiq saqlanadi

13-avgust kuni Toshkentda havo kam bulutli bo‘lib...

Sony va Marvel studiyalarining Tom Holland bosh rolni ijro etgan «O‘rgimchak odam: Yangi kun» filmi prokatda yuqori natijalarni qayd etishda davom etmoqda. Bu haqda Variety nashri xabar berdi.

Film Shimoliy Amerikadagi ikkinchi prokat haftasida $145 mln daromad olib, AQSh kino tarixidagi eng yuqori uchinchi natijani ko‘rsatdi.

Ikkinchi haftadagi rekord natija

Filmning ikkinchi dam olish kunlaridagi daromadi faqat «Yulduzlar jangi: Kuchning uyg‘onishi» va «Qasoskorlar: Intiho» filmlaridan ortda qoldi.

Premyera haftasiga nisbatan tushumning kamayishi 60 foizdan kam bo‘lgan. Mutaxassislar buni yirik budjetli filmlar uchun yaxshi ko‘rsatkich deb hisoblaydi.

AQSh va Kanadada 10 kun ichida filmning umumiy tushumi $655 mlnga yetgan.

O‘zbekistonda davlat organlari va hokimliklarda ma’naviyat hamda davlat tili masalalari bo‘yicha maslahatchilar faoliyatini tashkil etish tartibi belgilandi. Tegishli nizom hukumat qarori bilan tasdiqlandi.

Faoliyatni maxsus departament muvofiqlashtiradi

Yangi tartibga ko‘ra, maslahatchilar ishini Vazirlar Mahkamasining Davlat tilini rivojlantirish departamenti muvofiqlashtiradi. Departament ularga uslubiy jihatdan rahbarlik qiladi.

Maslahatchilar tegishli davlat organlari, tashkilotlari va xo‘jalik birlashmalari rahbari tomonidan Departament bilan kelishilgan holda lavozimga tayinlanadi va ozod etiladi.

Geografik nomlar bo‘yicha ham ishlaydi

Maslahatchining asosiy vazifalaridan biri davlat tilini rivojlantirish va geografik obyektlarni nomlash bilan bog‘liq masalalarni ko‘rib chiqishda ishtirok etishdan iborat.

Ular davlat organlari va tashkilotlari rahbarlari huzurida mazkur yo‘nalishdagi...

Redmi 17 smartfoni Yevropadan keyin Rossiya bozorida ham sotuvga chiqarildi. MT Today nashriga ko‘ra, budjet segmentiga kiruvchi model 120 Gs ekran, 7500 mA/soat batareya, 50 MP kamera va 45 Vt quvvatlash imkoniyatiga ega.

Narxi $186 dan boshlanadi

Redmi 17 Rossiyada DNS katalogida paydo bo‘ldi. Smartfon uch xil xotira talqinida taklif qilinmoqda.

4/128 GB versiya 15,4 ming rubl ($186), 4/256 GB talqin 18 399 rubl ($223), 8/256 GB versiya esa 22 999 rubl ($278) etib belgilangan.

Ayrim hududlarda sotuv boshlangan

Smartfonning mavjudligi hududga qarab farq qiladi. Ayrim shaharlarda uni allaqachon xarid qilish mumkin, boshqa hududlarda esa yetkazib berish...

Bugun, 10-avgust kuni Rossiyaning Tatariston respublikasidagi Nijnekamsk shahriga uyushtirilgan dron hujumida 13 kishi halok bo‘ldi, 39 kishi jarohatlandi. Halok bo‘lganlar orasida O‘zbekistonning yetti fuqarosi ham bor. Bu haqda O‘zbekistonning Qozon shahridagi Bosh konsulxonasi ma’lum qildi.

Halok bo‘lganlar orasida yetti o‘zbekistonlik bor

Bosh konsulxona ma’lumotiga ko‘ra, hodisa oqibatida O‘zbekistonning yetti fuqarosi – A.D.K., U.S.A., B.O.M., A.R.E., X.D.R., X.F.F. va I.D.F. halok bo‘lgan. Konsulxona marhumlarning oila a’zolari va yaqinlariga hamdardlik bildirgan.

Konsulxona holatni nazoratga oldi

Hozirda voqea O‘zbekistonning Qozondagi Bosh konsulxonasi tomonidan nazoratga olingan. Hodisaning barcha tafsilotlariga aniqlik kiritish maqsadida mahalliy mas’ul idoralar va tergov organlari...

Chevrolet avgust oyida 2027-yilgi Chevrolet Bolt elektromobili uchun yangi moliyaviy takliflarni taqdim etdi. Bu haqda GMAutority nashri xabar bermoqda.

Xaridorlarga imtiyozli kredit, lizing dasturi hamda Costco a’zolari uchun $1,25 minggacha chegirma taklif qilinmoqda. Takliflar AQSH bozorida amal qiladi va ularning asosiy qismi 2026-yil 31-avgustgacha davom etadi.

Costco a’zolariga $1,25 ming chegirma beriladi

2027-yilgi Chevrolet Bolt’ni xarid qilayotgan Costco a’zolari $1 250 miqdoridagi chegirmadan foydalanishi mumkin.

Mazkur taklif ham 31-avgustgacha amal qiladi. Bunda xaridor avtomobilni belgilangan muddatgacha qabul qilib olishi kerak. Chevrolet Bolt uchun imtiyozli kredit dasturi ham mavjud. GM Financial orqali avtomobil sotib olgan mijozlarga 36 oyga yillik...

Toshkent shahrida skuter, velosiped va moped haydovchilari o‘rtasida yo‘l harakati qoidalariga rioya etilishi bo‘yicha kunduzgi va tungi reydlar o‘tkazildi. Bu haqda Yo‘l harakati xavfsizligi boshqarmasi xabar berdi.

Haydovchilarga xavfsizlik qoidalari tushuntirildi

Reydlar davomida harakat ishtirokchilariga yo‘l harakati qoidalariga qat’iy rioya qilish, yo‘lda ehtiyotkorlikni oshirish va himoya vositalaridan foydalanish zarurligi tushuntirildi.

Tadbirlarning asosiy maqsadi yo‘llarda xavfsizlikni ta’minlash va skuter hamda moped haydovchilari ishtirokidagi qoidabuzarliklarning oldini olishdan iborat bo‘lgan.

Qoidabuzarlarga chora ko‘rildi

Reydlar davomida yo‘l harakati qoidalarini buzgan mototransport vositalari haydovchilariga nisbatan qonunchilikda belgilangan choralar ko‘rildi. Shuningdek, ular bilan profilaktik-tushuntirish ishlari olib borildi.

Toshkent shahar IIBB YHXB...

Rossiyaning Tatariston respublikasidagi Nijnekamsk shahriga uyushtirilgan dron hujumida halok bo‘lganlar orasida O‘zbekiston fuqarolari ham borligi ma’lum qilindi. Interfax ma’lumotlariga ko‘ra, hujum oqibatida jami 13 kishi vafot etgan, 75 kishi tibbiy yordam so‘ragan.

Halok bo‘lganlar orasida xorijliklar bor

Tatariston rahbari matbuot xizmati xabariga ko‘ra, Nijnekamskdagi hujum qurbonlari orasida O‘zbekiston va Tojikiston fuqarolari ham bor.

Hozircha halok bo‘lgan O‘zbekiston fuqarolari soni va ularning shaxsi haqida qo‘shimcha ma’lumot berilmagan.

Hujum 10-avgust kuni sodir bo‘lgan

10-avgust kuni ertalab Nijnekamskdagi ishlab chiqarish va fuqarolik obyektlariga dronlar hujum qilgani xabar qilindi.

Rasmiy ma’lumotlarga ko‘ra, hujum oqibatida 13 kishi, jumladan, bir bola halok bo‘lgan...

Toshkentda maktab o‘quvchilari o‘rtasidagi Xalqaro informatika olimpiadasi — IOI 2026 o‘z ishini boshladi. Telegram asoschisi Pavel Durov olimpiada ishtirokchilarini qo‘llab-quvvatlashini ma’lum qildi.

Musobaqada dunyoning turli mamlakatlaridan iqtidorli yosh dasturchilar qatnashmoqda.

Telegram 235 nafar g‘olibga Algorithm Cups nomli eksklyuziv raqamli kolleksiyalarni taqdim etadi. Ularning umumiy qiymati kamida $117 mingga baholanmoqda.

Durov yosh dasturchilarni qo‘llab-quvvatlash tashabbusini e’lon qilar ekan, olimpiadaning Telegram jamoasi uchun ham alohida ahamiyatga ega ekanini ta’kidladi. Uning aytishicha, kompaniyaning ko‘plab jamoa a’zolari maktab davrida IOIda qatnashib, medallarni qo‘lga kiritgan.

«Eng yaxshi algoritm g‘alaba qozonsin!» – deb yozdi Pavel Durov.

Durovning fikricha, olimpiadaning O‘zbekistonda...

Norvegiyada Kirsti Larsen ismli ayol o‘g‘liga qo‘ygan ismi sabab yuzaga kelgan nizodan keyin ikki kunlik qamoq jazosini o‘tab chiqdi. Bu haqda The Mirror xabar berdi.

Nashrga ko‘ra, Norvegiya rasmiylari chaqaloqqa Gesher ismini berishni ma’qullamagan.
Rasmiylar ism xorijiy kelib chiqishga ega ekani, o‘g‘il bola uchun mos emasligi hamda norveg tilidagi Geser familiyasiga juda o‘xshashligi sabab chalkashliklar yuzaga kelishi mumkinligini bildirgan. Shundan so‘ng Kirsti Larsen va mahalliy hokimiyat o‘rtasida kelishmovchilik yuzaga kelgan.

Jarima qamoq jazosiga almashtirildi

Bola o‘z vaqtida ro‘yxatdan o‘tkazilmagani uchun Larsen 1 600 Norvegiya kronasi miqdorida jarimaga tortilgan. Biroq ayol jarimani to‘lashdan bosh tortgan. Uning fikricha...

O‘zbekiston terma jamoasi himoyachisi Abduqodir Husanov «Manchester Siti»ning Osiyodagi mavsumoldi yig‘inini muddatidan oldin tark etdi. Bu haqda Sports.kz nashri xabar bermoqda.

Futbolchiga shaxsiy sabablar tufayli uyiga qaytishga ruxsat berilgan. Jurnalist Saymon Baykovski ma’lumotiga ko‘ra, Husanov yaqin vaqt ichida yana jamoa mashg‘ulotlariga qaytishi kutilmoqda.

Husanov «Atletiko»ga qarshi o‘yinni o‘tkazib yubordi

Muddatidan oldin safardan qaytgani sababli o‘zbekistonlik himoyachi «Manchester Siti»ning Osiyo turnesidagi so‘nggi uchrashuvida ishtirok etmadi. Angliya klubi Ispaniyaning «Atletiko» jamoasiga qarshi bahs olib bordi va 3:1 hisobida g‘alaba qozondi.

Avvalroq, 7-avgust kuni futbolchining bobosi Husan Hoshimov vafot etgani haqida xabar berilgan edi. U «Bunyodkor» U-19 jamoasi bosh...

Isroil bosh vaziri Binyamin Netanyahu AQSh prezidenti Donald Tramp ma’muriyati qo‘llab-quvvatlayotgan G‘azo bo‘yicha 15 banddan iborat rejani rad etdi. Uning aytishicha, HAMAS to‘liq qurolsizlantirilmaguncha Isroil qo‘shinlari G‘azo sektoridan olib chiqilmaydi.

Netanyahu 9-avgust kuni hukumat yig‘ilishida Isroil 15 bandli hujjatni qabul qilmasligini ma’lum qildi. Shu bilan birga, u G‘azo bo‘yicha Vashington bilan muzokaralar davom etayotganini ta’kidladi. Oq uy uning bayonotiga darhol munosabat bildirmadi.

Isroil HAMASning to‘liq qurolsizlanishini talab qilmoqda

Netanyahuning asosiy talabi HAMASning barcha turdagi qurollarini topshirishi bilan bog‘liq. Isroil bosh vaziri og‘ir va yengil qurollarni ham qamrab oladigan to‘liq qurolsizlanish amalga oshmaguncha qo‘shinlarni olib chiqishga rozi emasligini bildirdi.

O‘zbekistonda faol turizmni rivojlantirish doirasida tog‘li va chegaraoldi hududlarga tashrif buyurish tartibini yengillashtirish rejalashtirilmoqda. Tegishli qaror loyihasida turistlar uchun ruxsat olish jarayonini raqamlashtirish, xavfsizlik choralarini kuchaytirish hamda yangi turizm xizmatlarini rivojlantirish bo‘yicha qator takliflar ilgari surilgan.

Ruxsatnomani onlayn olish imkoniyati yaratiladi

Loyihaga ko‘ra, mahalliy aholi va xorijiy sayyohlar chegaraoldi hududlariga kirish uchun zarur maxsus ruxsatnomani Yagona interaktiv davlat xizmatlari portali orqali olishlari mumkin bo‘ladi. Mazkur xizmatni ikki oy ichida ishga tushirish va ruxsatnomani 10 kun muddatda rasmiylashtirish ko‘zda tutilgan.

Keyinchalik xizmatni milliy turizm yagona platformasiga integratsiya qilish rejalashtirilmoqda.

Tog‘ yo‘llarida transportga alohida talablar qo‘yiladi

Chorvoq, Zomin va...

Surxondaryo viloyatining Denov tumanida noqonuniy qurilgan uy sud qarori asosida buzilganidan so‘ng, u yerda yashagan oilaga yangi uy-joy qurib berilishi ma’lum qilindi. Bu haqda viloyat Majburiy ijro byurosi xabar berdi.

Uy sud qarori bilan buzilgan

Avvalroq ijtimoiy tarmoqlarda Denovda fuqaroning uyi ogohlantirishsiz buzilayotgani haqida xabarlar tarqalgandi. Majburiy ijro byurosi holatga aniqlik kiritib, buzish ishlari sud hujjati asosida amalga oshirilganini bildirdi.

Gap G‘alaba massivi, Chuqurqishloq mahallasida joylashgan 0,20 gektar sug‘oriladigan qishloq xo‘jaligi yerida qurilgan uy va boshqa inshootlar haqida ketmoqda. Sud qarorida ushbu yer maydonini noqonuniy qurilmalardan tozalash va avvalgi holatiga qaytarish belgilangan.

Qaror ijrosi 7-avgustda ta’minlangan

Argentinalik futbolchi Lionel Messi va uning oilasi 9-avgust kuni otasi Xorxe Messini Argentinaning Rosario shahri yaqinidagi xususiy qabristonda so‘nggi yo‘lga kuzatdi. Bu haqda EFE nashri xabar berdi.

Messining oilasi Rosario shahriga yetib bordi

68 yoshida vafot etgan Xorxe Messining dafn marosimi tor doirada va kuchaytirilgan xavfsizlik choralari ostida o‘tkazildi. Lionel Messi rafiqasi Antonela Rossuzzo va farzandlari bilan 8 avgust kuni AQShdan xususiy samolyotda Rosario shahriga yetib kelgan.

Marosim o‘tkazilgan El Prado qabristoni oilaga ko‘proq maxfiylik yaratish maqsadida tashrif buyuruvchilar uchun vaqtincha yopilgan.

Muxlislar Messiga dalda berdi

Messining otasi vafot etgani haqidagi xabar ortidan muxlislar ham...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 31-iyuldan 7-avgustgacha bo‘lgan davrda ijobiy dinamikani ko‘rsatib, UCI fond indeksi 6,48 foizga oshdi.

Ushbu davr mobaynida «Buxoroneftgazparmalash» aksiyalari eng katta o‘sishga erishib, 75,77 foizga qimmatlashdi. Shuningdek, «O‘zbektelekom» (+73,91%) va «Turonbank» aksiyalarida (+51,92%) ham o‘sish qayd etildi.

O‘z navbatida, «BRB» aksiyalari 16,87 foizga arzonlashib, haftaning eng katta pasayishini qayd etdi. Bundan tashqari, «O‘ztransgaz» (-9,35%) va ««Ipoteka-bank» (-7,90%) aksiyalari ham pasayish bilan ajralib turdi. Faqatgina «Aloqabank», «Kapital sug‘urta», «SQB», «O‘zbekgeofizika» va «Uzbekinvest» aksiyalari narxida o‘zgarish kuzatilmadi.

Bitimlar soni bo‘yicha «O‘zbektelekom» (5 042 ta), «Ipoteka-bank» (4 626 ta) va UzNIF (4 244 ta) peshqadam bo‘ldi.

O‘zbekistonda qiymati 440 mln so‘mgacha bo‘lgan elektromobillarni xarid qilish uchun olingan avtokreditlar foizining bir qismini Davlat budjetidan qoplash taklif etilmoqda. Iqtisodchi Otabek Bakirov bu tashabbusni keskin tanqid qilib, budjet mablag‘larini nisbatan qimmat avtomobil xaridorlarini qo‘llab-quvvatlashga yo‘naltirish o‘rniga elektromobillar uchun utilizatsiya yig‘imini kamaytirish yoki bekor qilish ma’qulroq ekanini ta’kidladi.

Kredit foizining bir qismi budjetdan qoplanadi

Loyihaga ko‘ra, birlamchi bozordan elektromobil xarid qilish uchun olingan avtokreditlar bo‘yicha foiz xarajatlarining 8 foiz bandigacha bo‘lgan qismi davlat tomonidan kompensatsiya qilinadi. Kompensatsiya 1000 BHMdan, ya’ni 440 mln so‘mdan oshmaydigan elektromobillar uchun qo‘llanadi. Kredit miqdori esa 300 mln...

UzAuto Motors 2026-yilning yanvar–iyun oylarida 82 951 dona Chevrolet Cobalt ishlab chiqardi. Bu o‘tgan yilning shu davriga nisbatan 13,5 foizga ko‘p. Autostrada nashrining yozishicha, modelning O‘zbekiston ichki bozoridagi savdosi 39,4 foizga kamayib, 40 936 donani tashkil etdi.

Yarim yil davomida ishlab chiqarilgan Cobalt’larning 49,3 foizi O‘zbekiston bozorida sotilgan. Ishlab chiqarish va ichki savdo o‘rtasidagi farq qariyb 42 mingta avtomobilni tashkil qilgan.

Mazkur farqning bir qismi eksportga yuborilgan bo‘lishi mumkin. Qolgan avtomobillarning qancha qismi omborlarda saqlanayotgani haqida esa ochiq ma’lumot keltirilmagan.

Bir yil avval ishlab chiqarilgan Cobalt’larning 92 foizi ichki bozorda sotilgan

2025-yilning birinchi yarmida UzAuto Motors...

«Al-Hussayn» bosh murabbiyi «Paxtakor»ga qarshi o‘yin oldidan o‘tkazilgan matbuot anjumanida jamoasi tarixiy natija uchun maydonga tushishini aytdi, deb xabar berdi Kursiv Uzbekistan muxbiri. Uning ta’kidlashicha, Iordaniya klubi Osiyo chempionlar ligasi (OChL) Elit bosqichiga yo‘l olgan mamlakatdagi birinchi jamoa bo‘lishni maqsad qilgan.

«Paxtakor» bosh murabbiyi anjumanda qatnashmadi

Kursiv Uzbekistan muxbiri bildirishicha, o‘yin oldidan bo‘lib o‘tgan matbuot anjumanida «Paxtakor» bosh murabbiyi Kamoliddin Tojiyev ishtirok etmadi.

Anjumanda «Al-Hussayn» bosh murabbiyi «Paxtakor»ni hurmat qilishini, biroq jamoasi g‘alaba uchun bor kuchi bilan harakat qilishini bildirdi.

«Al-Hussayn» tarixiy natijaga intilmoqda

Iordaniya klubi bosh murabbiyining aytishicha, «Al-Hussayn» Elit OChLga chiqqan birinchi Iordaniya klubi bo‘lishni istaydi.

Chevrolet 2026-yil avgust oyida Chevrolet Tahoe SUV modeli uchun yangi moliyaviy takliflarni e’lon qildi. Bu haqda GMAutority nashri xabar bermoqda.

AQSH bozorida 2026-yilgi Chevrolet Tahoe’ni uzoq muddatli kredit asosida xarid qilish mumkin, ayrim dilerlik markazlarida esa lizing dasturlari ham mavjud. Takliflar 2026-yil 31-avgustgacha amal qiladi.

Kredit muddati 84 oygacha yetadi

2026-yilgi Chevrolet Tahoe’ni GM Financial orqali moliyalashtirishda 60 oygacha bo‘lgan kredit uchun yillik stavka 5,9 foiz etib belgilangan.

Kredit muddati 84 oygacha uzaytirilsa, yillik stavka 6,9 foizni tashkil qiladi. Ayrim hududlarda dilerlik markazlari alohida lizing shartlarini ham taklif qilmoqda.

Taklifdan foydalanish uchun avtomobil 31-avgustgacha xaridorga topshirilishi kerak. Imtiyozlar...

Namangan shahrida ikki nafar fuqaroni yoshga doir nafaqaga chiqarish va ularning nafaqa pullarini oshirib berishni va’da qilgan mutaxassis ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

Departamentning Namangan shahri bo‘limi xodimlari tomonidan o‘tkazilgan tezkor tadbirda Budjetdan tashqari Pensiya jamg‘armasi Namangan shahar bo‘limi bosh mutaxassisi ashyoviy dalillar bilan ushlangan.

200 dollar va 4,8 mln so‘m olgani aytilmoqda

Tergovga qadar tekshiruv ma’lumotlariga ko‘ra, u ikki nafar fuqaroni yoshga doir nafaqaga chiqarish hamda ularga tayinlanadigan nafaqa miqdorini oshirib berishni va’da qilgan.

Buning evaziga u fuqarolardan $200 va 4,8 mln so‘mni firibgarlik yo‘li bilan olayotgan vaqtida tezkor...

Apple 10-avgustdan iPhone 17 smartfonlari narxini 50 – 100 dollarga oshirishi mumkin. Bu haqda MacRumors xabar berdi.

Bunga yarimo‘tkazgich xotiralari bozoridagi inqiroz sabab bo‘layotgani aytilmoqda. Kompaniya ayni vaqtda iPhone 18 taqdimotiga tayyorgarlik doirasida ishlab chiqarish quvvatlarini 30 foizga qisqartirishni rejalashtirayotgani haqida ham ma’lumotlar paydo bo‘ldi.

iPhone 17 narxi qanchaga oshadi?

Insayderlar ma’lumotlariga ko‘ra, Apple 10-avgust, dushanba kunidan boshlab iPhone 17 narxlarini jahon bozorida qayta ko‘rib chiqishi mumkin.

Avvalroq kompaniya Mac, iPad va Apple Vision qurilmalari narxlarini oshirgan edi. iPhone liniyasi esa hozircha bu o‘zgarishlardan chetda qolgan. Istisno tariqasida Yaponiyada iPhone narxi allaqachon 8 – 11 foizga oshirilgan.

Qozog‘iston Moliyaviy monitoring agentligi Maxa.dxb nomi bilan tanilgan o‘zbekistonlik bloger Mahmud Hikmatovni xalqaro qidiruvga berdi. U noqonuniy internet-kazinolarni reklama qilish bilan bog‘liq ish doirasida gumon qilinmoqda.

Agentlik ma’lumotiga ko‘ra, Hikmatov 2000-yilda O‘zbekistonda tug‘ilgan. Sud unga nisbatan qamoqqa olish tarzidagi ehtiyot chorasini tanlagan. Uning qayerdaligi haqida ma’lumot bergan shaxsga mukofot va anonimlik kafolatlanishi ma’lum qilingan.

35 dan ortiq bloger jalb qilingani aytilmoqda

Tergov ma’lumotlariga ko‘ra, Qozog‘istonda noqonuniy qimor o‘yinlarini targ‘ib qilishga qaratilgan keng ko‘lamli sxema faoliyat yuritgan.

Sxema doirasida qimor o‘yinlari uchun maxsus interfeyslar yaratilgan, to‘lovlar ekvayring, mobil pul o‘tkazmalari hamda kriptovalyuta orqali qabul qilingan. Yangi foydalanuvchilarni jalb qilish...