Yangiliklar

General Motors Braziliyada elektrlashtirilgan Chevrolet modellari ishlab chiqarilishini kengaytirish ustida ishlamoqda. Kompaniya navbatdagi bosqichda Chevrolet Captiva PHEV modelini mahalliy yig‘uvga kiritishi mumkin, deya xabar berdi Tarantas News nashri.

Hozirda Braziliyaning Seara shtatida joylashgan Pace zavodida Chevrolet Spark EUV va Chevrolet Captiva EV elektromobillari ishlab chiqarilmoqda. GM shu korxonada 2026-yil oxirigacha yana bir yangi texnologiyali modelni yo‘lga qo‘yishni rejalashtirgan, biroq uning aniq nomi hali rasman e’lon qilinmagan.

Shu bilan birga, yangi model to‘liq elektromobil emas, balki plug-in gibrid bo‘lishi ehtimoli kuchli. Mutaxassislar aynan Captiva PHEV ushbu bo‘shliqni to‘ldirishi mumkinligini aytmoqda.

Xabarlarga ko‘ra, avtomobil Xitoydan keltiriladigan komplektlar asosida SKD usulida yig‘iladi...

O‘zbekistonda xususiy kasbiy ta’lim tizimini kengaytirish va mehnat bozori talablariga mos mutaxassislar tayyorlash maqsadida sohaga qaratilgan yangi qo‘llab-quvvatlash choralari joriy etilmoqda. Shavkat Mirziyoyev shu masaladagi taqdimot bilan tanishdi.

Qayd etilishicha, kelgusi uch yilda xususiy sektor ulushini oshirish hisobiga xalqaro standartlar asosida faoliyat yuritayotgan o‘quv va baholash markazlari sonini 50 tadan 200 taga yetkazish rejalashtirilgan. Shuningdek, xususiy kasbiy ta’lim bilan har yili 500 ming nafar aholini qamrab olish maqsad qilingan. Hozirda bu ko‘rsatkich 45 ming nafarni tashkil etadi.

Belgilangan vazifalarni amalga oshirish uchun 300 dan ortiq o‘quv dasturi xalqaro talablarga moslashtiriladi, kamida ming nafar o‘qituvchi va ta’lim ustasining...

Yaponiya hukumati 1-iyuldan boshlab xorijiy fuqarolar uchun viza rasmiylashtirish narxlarini sezilarli darajada ko‘taradi. Bu haqda NHK World Japan nashri xabar berdi.

Yangi tartibga ko‘ra, ayrim viza turlari bo‘yicha to‘lovlar amaldagiga nisbatan besh baravar qimmatlashadi.

Qaror 19-iyun kuni bo‘lib o‘tgan hukumat yig‘ilishida tasdiqlangan. Rasmiylarning bildirishicha, bu choradan ko‘zlangan maqsad mamlakatda yashayotgan va kirib kelayotgan xorijliklar soni ortishi fonida yuzaga kelayotgan ma’muriy xarajatlarni qoplashdir.

Yangi tariflarga muvofiq, bir martalik kirish vizasi uchun to‘lov 3 ming yenadan 15 ming yenaga (taxminan $93) yetadi. Ko‘p martalik viza uchun esa yig‘im 6 ming yenadan 30 ming yenagacha (taxminan $186) oshiriladi.

Yaponiya Tashqi ishlar vazirligi...

Mashhur animatsion franchayzaning yangi qismi Toy Story 5 (O‘yinchoqlar tarixi 5) kinoteatrlardagi ilk dam olish kunlaridayoq rekord natija qayd etdi. Bu haqda Deadline nashri xabar berdi.

Unga ko‘ra, multfilm AQSh prokatida uch kun ichida $160 million, dunyo bo‘ylab esa $312 million daromad keltirgan. Bu nafaqat franchayza tarixidagi eng muvaffaqiyatli start, balki 2026-yilda AQShda qayd etilgan eng yaxshi ochilish natijasi ham bo‘ldi.

Avvalgi rekord Toy Story 4’ga tegishli bo‘lib, u ilk hafta oxirida AQShda $120 million yig‘gan edi. Yangi film ushbu ko‘rsatkichni sezilarli darajada ortda qoldirdi.

Global prokatda esa «O‘yinchoqlar tarixi 5» hafta yakunlari bo‘yicha faqat The Super Mario Bros...

O‘zbekistonda jismoniy shaxslarga tegishli 4,9 mlndan ortiq avtotransport vositalarining 92,8 foizini yengil avtomobillar tashkil etmoqda. Bu haqda Milliy statistika qo‘mitasi ma’lum qildi.

2026-yil 1-aprel holatiga O‘zbekistonda jismoniy shaxslarga tegishli 4,9 mlndan ortiq avtotransport vositasi ro‘yxatga olingan. Ularning asosiy qismi, ya’ni 4,5 mlndan ortig‘ini yengil avtomobillar tashkil etadi.

Shuningdek, jismoniy shaxslarga tegishli 330,3 mingta yuk avtomobili, 7,5 mingta mikroavtobus, 7,2 mingta maxsus transport vositasi va 5,8 mingta avtobus ro‘yxatga olingan.

Statistika ma’lumotlariga ko‘ra, jismoniy shaxslarga tegishli avtotransport vositalari soni 2025-yilning mos davriga nisbatan 344,6 mingtaga oshgan.

Eslatib o‘tamiz, O‘zbekistonda 2026-yilning birinchi choragi (yanvar – mart oylari)da qariyb 108,8 ming...

TikTok platformasida yangi ochilgan akkauntlarga tavsiya etiladigan videolarning qariyb 60 foizi sun’iy intellekt yordamida tayyorlangan kontentdan iborat. Bu haqda Kawping nashri tomonidan o‘tkazilgan tadqiqot natijalarida ma’lum qilindi.

Tadqiqotchilar TikTok’dagi 20 ta eng ommabop yo‘nalish bo‘yicha jami 10 mingta videoni tahlil qilgan. Natijalarga ko‘ra, yangi foydalanuvchilar uchun shakllantiriladigan «Siz uchun» lentasidagi videolarning 59 foizi sifati past, sun’iy intellekt tomonidan yaratilgan kontent sifatida baholangan.

Tahlil davomida bolalar uchun mo‘ljallangan videolar eng yuqori ko‘rsatkichni qayd etgan. Ushbu toifadagi roliklarning 57 foizi sun’iy intellekt yordamida yaratilgani aniqlangan. Keyingi o‘rinlarda Fan va ta’lim (35 foiz) hamda Salomatlik (33,8 foiz) mavzulari qayd etilgan.

Aksincha, Musiqa...

O‘zbekistonda yonilg‘i quyish va gaz to‘ldirish obyektlarida o‘tkazilgan keng ko‘lamli tekshiruvlar natijasida 464 ta shoxobcha faoliyati vaqtincha to‘xtatildi. Bu Vazirlar Mahkamasining 22-iyundan kuchga kirgan qarorida belgilangan.

Ma’lum qilinishicha, respublika bo‘ylab faoliyat yuritayotgan 6 mingdan ortiq avtomobillarga yonilg‘i va gaz quyish shoxobchalari, shuningdek gaz ballonlarini to‘ldirish stansiyalari hamda punktlarida xavfsizlik talablari bo‘yicha xatlov o‘tkazilgan.

Tekshiruvlar davomida jami 46 mingdan ortiq kamchilik va qoidabuzarlik aniqlangan. Ularning asosiy qismi sanoat va texnika xavfsizligi, yong‘in xavfsizligi hamda texnologik jarayonlarga rioya etilmagani bilan bog‘liq bo‘lgan.

Mutasaddilar tomonidan 7 mingdan ziyod kamchilik joyida bartaraf etilgan bo‘lsa, xavfsizlik talablariga jiddiy javob bermagan 464 ta obyekt faoliyati...

Endilikda xavfsizlik kamarini taqishga to‘sqinlik qiluvchi kasalliklar bo‘yicha tibbiy ma’lumotnomani my.gov.uz portali orqali onlayn olish mumkin. Bu haqda Yagona interaktiv davlat xizmatlari portali xabar berdi.

Yangi xizmat xavfsizlik kamaridan foydalanishga tibbiy jihatdan qarshi ko‘rsatmalari mavjud bo‘lgan fuqarolar uchun mo‘ljallangan. Buning uchun avval fuqaro tibbiyot muassasasida tegishli ko‘rikdan o‘tishi va shifokorlar xulosasi elektron bazaga kiritilgan bo‘lishi kerak.

Ma’lumotnomani olish uchun foydalanuvchi portal yoki mobil ilovadagi «Ma’lumotnomalar» bo‘limiga kirib, kerakli xizmatni tanlashi va hujjatni yuklab olishi mumkin.

Mazkur ma’lumotnoma tibbiy xulosada belgilangan muddat davomida amal qiladi. Xizmat bepul ko‘rsatiladi va qo‘shimcha hujjatlar talab etilmaydi.

Avvalroq «Kursiv» nashri O‘zbekistonda kredit olish...

Davlat fuqarolik xizmati tizimida raqamli xizmatlarni kengaytirish maqsadida davlat xizmatchilari uchun MyDX: Davlat xizmatchisi mobil ilovasi foydalanishga topshirildi. Bu haqda Boshqaruv samaradorligi agentligi ma’lum qildi.

Mazkur ilova prezidentning davlat fuqarolik xizmatini yangi yondashuvlar asosida tashkil etish hamda professional va natijadorlikka yo‘naltirilgan davlat xizmatchilari korpusini shakllantirishga qaratilgan farmoni ijrosini ta’minlash maqsadida ishga tushirilgan.

MyDX: Davlat xizmatchisi davlat xizmatchilariga shaxsiy ma’lumotlarini boshqarish, tashkiloti faoliyatini rivojlantirishga qaratilgan tashabbuslarni taklif etish hamda shaxsiy rivojlanish rejasini tuzish imkonini beradi.

Shuningdek, foydalanuvchilar ilova orqali bo‘sh ish o‘rinlariga onlayn ariza topshirishi, onlayn kurslarda tahsil olib sertifikatlarni qo‘lga kiritishi va elektron kitoblardan foydalanishi mumkin. Bundan tashqari...

23-iyun uchun valyutalar kursi yangilandi. Unga ko‘ra, dollar kursi 68,19 so‘mga tushib, 11 990.26 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

16-iyun kuni 1,98 so‘mga tushib, 11 978 so‘mni, 17-iyun kuni 32,29 so‘mga oshib, 12 012,12 so‘mni, 18-iyun kuni 39,93 so‘mga oshib, 12 052,05 so‘mni tashkil etdi. 19-iyun kuni 33,51 so‘mga oshib, 12 085,56 so‘m, 22-iyun kuni esa 27,11 so‘mga tushib, 12 058,45 so‘m bo‘ldi.

Markaziy bank ma’lumotlariga ko‘ra, yevro 80,54 so‘mga tushib, 13 738,44 so‘mni, rubl esa 1,81 so‘mga tushib, 162,23 so‘mni tashkil qildi.

Avvalroq Kursiv Uzbekistan dollar...

Joriy oyda ispaniyalik triatlon mutaxassislari istiqbolli sportchilarni saralash uchun O‘zbekistonga tashrif buyuradi. Saralangan sportchilar esa Ispaniyadagi ixtisoslashtirilgan markazlarda tayyorgarlikni davom ettiradi, deya xabar bermoqda «Dunyo» AA.

O‘zbekistonning Ispaniyadagi elchixonasi diplomatlari Xalqaro triatlon ittifoqi prezidenti Antonio Fernandes Arima hamda Ispaniya triatlon federatsiyasi prezidenti Xose Idalgo bilan uchrashdi. Muloqot chog‘ida tomonlar ikki davlat o‘rtasidagi triatlon sohasidagi hamkorlikning bugungi holati va uni rivojlantirish istiqbollarini muhokama qildi.

Uchrashuvda sportchilarni tayyorlash masalalariga alohida e’tibor qaratildi. Ma’lum qilinishicha, Ispaniya joriy oyda istiqbolli sportchilarni saralash maqsadida O‘zbekistonga bir guruh mutaxassislarni yuborishni rejalashtirmoqda. Saralashdan muvaffaqiyatli o‘tgan sportchilar Ispaniyadagi ixtisoslashtirilgan o‘quv-mashg‘ulot markazlarida tayyorgarligini davom ettiradi.

Tomonlar, shuningdek...

Chevrolet Silverado 1500 pikapining yangi avlodi AQSh va Kanadada rasman namoyish etildi. Bu haqda GM Authority nashri xabar berdi.

Model yangilangan dizayn, zamonaviy salon va yangi texnologiyalar bilan taqdim etilgan bo‘lsa-da, Kanada bozori uchun muhim farq ham mavjud.

Gap komplektatsiyalar tarkibi haqida ketmoqda. AQShda yangi Silverado yettita turli komplektatsiyada sotuvga chiqariladi va ular orasida Silverado deb nomlangan yangi o‘rta darajadagi versiya ham bor. Kanadada esa ushbu versiya Z71 nomi bilan taklif qilinadi.

Bu o‘zgarish faqat nom almashtirish bilan cheklanmaydi. Endilikda Z71 yo‘ltanlamas paketi 2027-yilgi Silverado’ning barcha to‘liq uzatmali (4WD) versiyalarida standart jihoz sifatida taqdim etiladi. Shu sababli Kanada bozorida...

Toshkent viloyati Piskent tumanida avtomobil ehtiyot qismlari sotiladigan do‘konda yong‘in yuz berdi. Bu haqda Favqulodda vaziyatlar boshqarmasi ma’lum qildi.

Voqea 22-iyun kuni soat 09:35 atrofida 112 tizimi orqali xabar qilingan. Piskent tumani Oybek mahallasida joylashgan savdo nuqtasida yong‘in chiqqani haqida signal kelib tushgan.

Tezkor choralar natijasida qutqaruv bo‘linmalari 09:45 da voqea joyiga yetib borgan, yong‘in 09:48 da o‘rab olingan va 10:14 da to‘liq bartaraf etilgan.

Operatsiya davomida yong‘inning kengayib ketishining oldi olingan bo‘lib, 300 kvadrat metr maydondagi bino qismi saqlab qolingan.

Hodisa oqibatida jabrlanganlar qayd etilmagan. Hozirda yong‘in kelib chiqish sabablari hamda moddiy zarar miqdori aniqlanmoqda.

Avvalroq Kursiv Uzbekistan...

Car and Driver nashri 2024-yilgi Chevrolet Tracker krossoverini 40 ming mil, ya’ni qariyb 64 ming kilometr davomida uzoq muddatli sinovdan o‘tkazdi. Moddiy egalar foydalanadigan sharoitlarda haydalgan.

Sinov davomida avtomobil bir nechta kuchli va zaif tomonlarini namoyon qildi. Umumiy xulosa shuki, Chevrolet Tracker arzon narxli krossover bo‘lishiga qaramay, kundalik hayot uchun qulay, chiroyli va amaliy avtomobil sifatida o‘zini yaxshi ko‘rsatgan.

Maqoladan quyidagilarni bilib olasiz:

Dizayn va...

O‘zbekiston milliy terma jamoasining JChdagi guruh bosqichi uchrashuvlarini poytaxtning turli hududlarida tashkil etiladigan maxsus fan-zonalarda to‘g‘ridan to‘g‘ri tomosha qilishi mumkin. Bu haqda Toshkent shahar hokimligi ma’lum qildi.

Unga ko‘ra, katta ekranlar Bektemir tumanidagi Rohat mahallasida, Mirobod tumanidagi «Furqat» bog‘ida, Mirzo Ulug‘bek tumanidagi «Central Park» istirohat bog‘ida, Olmazor tumanidagi «G‘alaba bog‘i»da, Sergeli tumanidagi Markaziy xiyobonda va Uchtepa tumanidagi «Seul Eko park»da o‘rnatiladi.

Shuningdek, uchrashuvlar Chilonzor tumanidagi «G‘afur G‘ulom» bog‘i, Shayxontohur tumanidagi «Anhor-Lokomotiv» bog‘i, Yunusobod tumanidagi Yunusobod sport majmuasi, Yakkasaroy tumanidagi «Do‘stlik» bog‘i, Yangihayot tumanidagi INDEX park hamda Yashnobod tumanidagi «Ashxobod» sayilgohida ham namoyish etiladi.

Eng yirik fan-zona «Bunyodkor» stadioni...

Toshkent shahrida avtobus va piyoda ishtirokida yo‘l-transport hodisasi sodir bo‘ldi. Bu haqda «Toshshahartransxizmat» AJ axborot xizmati ma’lum qildi.

Hodisa 21-iyun kuni kechki soat 21:00 atrofida Yakkasaroy tumanida, Shota Rustavelli ko‘chasi yo‘nalishida yuz bergan. 38-yo‘nalishda harakatlanayotgan King Long rusumli avtobus harakati davomida piyoda svetoforning taqiqlovchi ishorasiga qaramay yo‘lga chiqib ketgan.

Natijada 26 yoshli piyoda avtobus bilan to‘qnashgan.

Haydovchi zudlik bilan transport vositasini to‘xtatib, jabrlanuvchiga yordam ko‘rsatgan va uni tez yordam orqali 16-sonli shifoxonaga yetkazgan. Piyodaning hozirgi holati bo‘yicha rasmiy ma’lumot berilmagan.

Mazkur yo‘l-transport hodisasi bo‘yicha Toshkent shahar IIBB xodimlari tomonidan tekshiruv ishlari olib borilmoqda.

Avvalroq Kursiv Uzbekistan Qo‘qonda Malibu haydovchisi...

«Toshkent» Respublika fond birjasida 12–19-iyun kunlari «O‘zbekko‘mir» aksiyalari eng katta o‘sishni qayd etib, 9100 so‘mdan 15 998,98 so‘mgacha yoki 75,81 foizga oshdi. Shu davrda eng katta pasayish «Qashqadaryo texnologik transport» aksiyalarida kuzatilib, ular 289 so‘mdan 260,01 so‘mgacha, ya’ni 10,03 foizga arzonlashdi. UCI fond indeksi 2,3 foizga pasaydi.

Fond birjasi ma’lumotlariga ko‘ra, «Qashqadaryo texnologik transport» aksiyalari 12-iyun kuni 289 so‘mdan baholangan bo‘lsa, 19-iyun holatiga kelib 260,01 so‘mgacha tushdi. Bu kuzatuvga kiritilgan aksiyalar orasidagi eng katta pasayish bo‘ldi.

Hafta davomida «Kvarts» aksiyalari ham sezilarli arzonlashdi. Kompaniya qimmatli qog‘ozlari 2537,48 so‘mdan 2308,5 so‘mgacha pasayib, 9,02 foizga tushdi. «O‘zbekgeofizika» aksiyalari esa...

Qashqadaryo viloyatida istiqomat qilgan, Ikkinchi jahon urushi qatnashchilari orasida O‘zbekistondagi eng keksa faxriy sifatida tanilgan Ro‘ziboy Sattorov 116 yoshida vafot etdi. Bu haqda Qashqadaryo viloyati hokimligi matbuot xizmati xabar berdi.

Ro‘ziboy ota urush yillarida Stalingrad frontida xizmat qilgan va jangovar harakatlarda ishtirok etgan. U frontga 1941-yilda yo‘l olib, urush yakunlangach ona yurtiga qaytgan. Keyingi hayotini mehnat va bunyodkorlikka bag‘ishlab, bir necha avlod uchun ibrat bo‘lib yashadi.

So‘nggi yillarda ham davlat va jamoatchilik e’tiborida bo‘lgan faxriy Xotira va qadrlash kuni munosabati bilan muntazam ravishda e’zozlab kelingan. O‘tgan yili uning ko‘p yillik orzusi — samolyotda parvoz qilish istagi ham ro‘yobga chiqarilgan...

Shavkat Mirziyoyev Ozarbayjon Respublikasining Favqulodda va Muxtor elchisi Guseyn Guliyevni qabul qildi va unga «Mehnat shuhrati» ordenini topshirdi. Bu haqda prezident matbuot xizmati xabar berdi.

Uchrashuvda elchining Oʻzbekiston va Ozarbayjon oʻrtasidagi strategik sheriklik va ittifoqchilik munosabatlarini mustahkamlashga qoʻshgan hissasi alohida qayd etildi.

Tomonlar soʻnggi yillarda ikki davlat oʻrtasidagi hamkorlik izchil rivojlanib borayotganini taʼkidladi. Savdo-iqtisodiy aloqalar kengayib, o‘zaro tovar ayirboshlash hajmi sezilarli oshdi, Ozarbayjon sarmoyasi ishtirokida 280 dan ortiq korxona tashkil etildi, qo‘shma investitsiya kompaniyasi yo‘lga qo‘yildi.

Shuningdek, geologiya, qishloq xoʻjaligi, transport, shaharsozlik, toʻqimachilik va farmatsevtika sohalarida hamkorlik loyihalari faol rivojlanayotgani qayd etildi. Madaniy-gumanitar aloqalar ham izchil kengaymoqda.

Elchi o‘z...

23 – 27-iyun kunlari kutilayotgan kuchli yomg‘ir sabab O‘zbekistonning tog‘oldi va tog‘li hududlarida sel hamda suv toshqini xavfi yuzaga kelishi mumkin. Bu haqda «O‘zgidromet» xabar berdi.

Unga ko‘ra, yog‘ingarchilik vaqtida ayrim daryo va soylar suvi keskin ko‘tarilib, pasttekisliklarda suv to‘planishi ehtimoli bor.

Sel xavfi qayd etilishi mumkin bo‘lgan hududlar quyidagilar:

— Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor tumanlari;
— Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrobot tumanlari;
— Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon tumanlari;
— Navoiy viloyati: Xatirchi, Navbahor, Nurota, Konimex, Karmana tumanlari;
— Jizzax viloyati: Zomin, Baxmal, G‘allaorol, Sharof...

O‘zbekistonda liftlar va lift xavfsizlik qurilmalarining muvofiqligini baholash tartibi belgilandi. Bu haqda Adliya vazirligi xabar bermoqda.

Yangi nizom «Lift va lift qurilmalarining xavfsizligi to‘g‘risida»gi texnik reglamentda belgilangan liftlar hamda lift xavfsizlik qurilmalarining muvofiqligini baholash tartib-taomillarini belgilaydi. Nizomga ko‘ra, Milliy muvofiqlik belgisidan foydalanish bo‘yicha qonunchilikda belgilangan talab va shartlar bajarilgan taqdirda, ushbu belgini qo‘llashga ruxsat etiladi.

Lift xavfsizlik qurilmasiga Milliy muvofiqlik belgisi muvofiqlikni baholash jarayonida ishtirok etgan tayinlangan organning reyestrdagi maxsus raqami bilan birga tushirilishi kerak. Bunda lift xavfsizlik qurilmasining tasdiqlangan turiga mosligini kafolatlovchi sifat tizimi, ishlab chiqarishda sifatni kafolatlovchi keng qamrovli sifat tizimi yoki qurilmaning tasdiqlangan turiga muvofiqligini belgilangan...

O‘zbekistonda eski avtomobillarni utilizatsiya qilish tizimini joriy etish bo‘yicha yangi loyiha muhokamaga qo‘yildi. Milliy ekologiya qo‘mitasi tomonidan ishlab chiqilgan hujjat qabul qilinsa, 2027-yildan boshlab 30 yildan oshgan avtomobillar egalari har yili ekoyig‘im to‘lashi mumkin.

Loyihaga ko‘ra, bunday avtomobillar uchun yillik ekoyig‘im miqdori 30 BHM etib belgilanmoqda. Amaldagi hisob-kitoblarga ko‘ra, bu yiliga qariyb 12,4 mln so‘mni tashkil qiladi. Bu summa eski avtomobil egalari uchun sezilarli moliyaviy yuk bo‘lishi mumkin.

Biroq loyiha faqat ekoyig‘im bilan cheklanmasligi ehtimoli bor. Eski transport vositalaridan foydalanish bo‘yicha qo‘shimcha cheklovlar ham ko‘rib chiqilmoqda. Xususan, ekologik sinfi past bo‘lgan avtomobillarni ekspluatatsiya qilish va ularni qayta ro‘yxatdan o‘tkazish...

Yangi Toshkent shahriga davlat idoralarining ko‘chirilishi doirasida Toshkentdagi bir nechta ma’muriy va o‘quv binolari ochiq savdoga chiqarildi. Bu haqda E-auksion platformasida xabar berildi.

Sotuvga qo‘yilgan obyektlar quyidagilar:

— Kambag‘allikni qisqartirish va bandlik vazirligining ma’muriy binosi — 180 mlrd so‘m;

— Texnik jihatdan tartibga solish agentligining ma’muriy binosi — 279,8 mlrd so‘m;

— Bektemir tumani hokimligining ma’muriy binosi — 40,1 mlrd so‘m;

— «O‘zbekipaksanoat» uyushmasining ma’muriy binosi — 70,1 mlrd so‘m;

— Shayxontohur tumani hokimligining ma’muriy binosi — 101,6 mlrd so‘m;

— Agro sanoat majmui ustidan nazorat qilish inspeksiyasining ma’muriy binosi — 73,4 mlrd...

Markaziy bank birinchi chorak yakunlari bo‘yicha banklar kesimida mijozlardan kelib tushgan murojaatlar indeksini tahlil qilib, eng yuqori ko‘rsatkich qayd etilgan 10 ta bankni ochiqladi. Bu haqda regulyator matbuot xizmati xabar berdi.

Unga ko‘ra, eng yuqori murojaatlar indeksi «Biznesni rivojlantirish banki»da qayd etilgan — 3,34. Undan keyingi o‘rinlarni «Anor Bank» (3,29) va «Mikrokreditbank» (3,23) egalladi.

Ro‘yxat davomida quyidagi banklar ham qayd etildi: «AVO Bank» (2,16), «TBC Bank» (2,06), «Davr Bank» (1,85), «Tenge Bank» (1,72), «Asakabank» (1,26), «Turon Bank» (1,25) hamda «Agro Bank» (1,22).

Markaziy bank ta’kidlashicha, murojaatlar indeksi mijozlar soniga nisbatan shikoyatlar ulushini ifodalaydi va bu ko‘rsatkich bankning moliyaviy barqarorligi...