Yangiliklar

O‘zbekistonda so‘nggi to‘qqiz yilda qurilish ishlari hajmi 2016-yildagi 30 trln so‘mdan 314 trln so‘mga yetdi. Bu haqda prezident Shavkat Mirziyoyev raisligida o‘tgan videoselektor yig‘ilishida ma’lum qilindi.

Ma’lumotlarga ko‘ra, so‘nggi to‘qqiz yilda 10 mingga yaqin yangi qurilish korxonasi ish boshlagan. Aylanmasi 1 trln so‘mdan oshgan yirik kompaniyalar soni 20 tani, 100 mlrd so‘mdan o‘tganlari esa 365 tani tashkil etmoqda. Loyiha tashkilotlari soni 2 mingdan oshib, ularning 650 dan ortig‘i xalqaro sertifikatga ega bo‘lgan.

Sohada ruxsat berish bosqichi 3 barobar, unga sarflanadigan muddat esa 4 barobar qisqartirilgan. Shuningdek, 420 ta eski shaharsozlik norma va qoidalari bekor qilinib, ularning o‘rniga 140 ta...

Germaniyaning Koblenz shahrida joylashgan harbiy texnika muzeyi 26 ta davlat fuqarolari uchun kirishni taqiqladi, ular orasida o‘zbekistonliklar ham bor. Mazkur cheklov joriy yil mart oyidan boshlab amal qilmoqda.

Muassasa ushbu qarorni «ishonchlilikni tekshirish to‘g‘risidagi qonun»ga asoslangan holda qabul qilganini bildirgan. Taqiq faqat o‘zbekistonliklargina emas, balki qozoqlar, rossiyaliklar va ukrainaliklarga ham tegishli.

Mazkur muzey sobiq G‘arbiy Germaniya armiyasining 1960-yillarda sinov poligoni asosida tashkil etilgan bo‘lib, Yevropadagi eng yirik harbiy-texnik kolleksiyalardan biri hisoblanadi. U sobiq Langemark kazarmalari hududida joylashgan.

Muzey eksponatlari orasida Renault FT-17 tanki, asosiy jangovar tanklar Leopard 1 va Leopard 2, shuningdek Germaniya va NATO mamlakatlarida ishlab chiqilgan...

O‘zbek milliy taomlaridan Toshkent to‘y oshi geografik ko‘rsatkich sifatida davlat ro‘yxatidan o‘tkazildi. Bu orqali taomning aynan Toshkent shahri va viloyatiga xosligi rasman e’tirof etildi, deya xabar berdi Intellektual mulk agentligi.

Toshkent vohasida palov tayyorlash an’analari asrlar davomida shakllangan bo‘lib, to‘y oshi ushbu madaniyatning eng muhim qismi hisoblanadi. U oddiy taom emas, balki murakkab texnologik jarayon bo‘lib, tong saharda maxsus cho‘yan qozonlarda tayyorlanadi. Tayyorlash jarayonida mahsulotlar nisbati, harorat va pishirish ketma-ketligi muhim ahamiyat kasb etadi.

«Mazkur maqom «Toshkent to‘y oshi» nomi va anʼanaviy tayyorlash texnologiyasini huquqiy jihatdan himoya qiladi hamda mahsulot sifatining davlat meʼyorlariga muvofiqligini kafolatlaydi...

2026-yilning yanvar–mart oylarida O‘zbekistonda avtomobil bozorida jami 91 ming donadan ziyod avtomobil sotilgan. Bu haqda «O‘zavtosanoat» xabar berdi.

Bozorda eng katta ulushni UzAuto Motors egalladi. Kompaniya 3 oyda 46 ming dona avtomobil realizatsiya qilib, umumiy sotuvlarning yarmidan ko‘prog‘ini (50,4%) ta’minladi. Ikkinchi o‘rinda 26,3 ming dona bilan Khorezm Auto, uchinchi pog‘onada esa 10,9 ming dona bilan ADM Jizzakh joy oldi. Shuningdek, BYD Uzbekistan Factory 7,8 ming dona avtomobil sotgan.

Bozor yetakchisi — Cobalt

Model kesimida esa mutlaq yetakchilik Chevrolet Cobalt hissasiga to‘g‘ri kelmoqda. Ushbu model 3 oyda 24 ming dona sotilib, bozorda eng talabgir avtomobil bo‘ldi.

Keyingi o‘rinlarda:

O‘zbekiston aholisi 38 mln nafardan oshib, mamlakatning urbanizatsiya darajasi 51 foizga yetdi. Hozirgi kunda qariyb 20 mln aholi shaharlarda istiqomat qilmoqda. Bu haqda prezident matbuot xizmati xabar berdi.

Prezident ta’kidlashicha, urbanizatsiya darajasining 1 foizga oshishi iqtisodiyotni kamida 1 foizga ko‘paytiradi. Shuningdek, bu jarayon investitsiya oqimi, biznes, startaplar va mehnat unumdorligining karrasiga o‘sishiga xizmat qiladi.

«Buning uchun respublikada urbanizatsiyani barqaror rivojlantirish bo‘yicha yagona yondashuv bo‘lishi kerak», – dedi davlat rahbari.

Hududlarning bosh rejalarini ishlab chiqish uchun davlat budjetidan yiliga 200 – 250 mlrd so‘m ajratilmoqda. Ushbu mablag‘lar birinchi navbatda, bosh rejasi bo‘lmagan yoki eskirgan hududlarga...

Kia Sonet avtomobili O‘zbekistonda Chevrolet avtomobillardan keyingi eng ommabop modellardan biri hisoblanadi. «O‘zavtosanoat» AJ ma’lumotiga ko‘ra, yanvar-mart oylarida 5,6 ming dona xarid qilingan. Kursiv Uzbekistan ushbu modelning texnik imkoniyatlari, afzalliklari va kamchiliklarini o‘rgandi.

Maqoladan quyidagilarni bilib olasiz:

Texnik imkoniyatlar

Kia Sonet O‘zbekiston bozorida bir xil dvigatel bilan taklif etiladi. Bu 1.5 litrli MPI atmosfer motor bo‘lib, 115 ot kuchi va 144 N·m moment beradi. Hajmi 1497 sm³. Uzatmalar qutisi komplektatsiyaga qarab farq qiladi. Classic versiyada 6 pog‘onali mexanik quti bor. Qolgan asosiy versiyalar...

Gondurasning Syerra-del-Merendon tog‘ tizmasida so‘nggi 10 yil ichida birinchi marta yaguar nomi bilan tanilgan noyob yovvoyi mushuk kameraga muhrlandi. Bu haqda CNN xabar bermoqda.

Xalqaro tabiatni muhofaza qilish ittifoqi (IUCN) ma’lumotlariga ko‘ra, yaguarlar o‘zlarining tarixiy yashash hududlarining 49 foizini yo‘qotgan. Gondurasda bu jonivorlar qonun bilan himoyalansa-da, o‘rmonlarning kesilishi va brakonyerlik ularga nisbatan asosiy xavf bo‘lib qolmoqda. 2001-yildan 2024-yilgacha mamlakat o‘z o‘rmon qoplamining 19 foizini, ya’ni 1,5 mln gektar maydonni yo‘qotgan.

Hukumat o‘rmonlarni himoya qilish uchun 8 ming nafar harbiydan iborat patrul xizmatini yo‘lga qo‘ygan. Yovvoyi mushuklarni saqlab qolishga qaratilgan Panthera tashkilotining Gondurasdagi direktori Franklin Kastaneda vaziyatga ijobiy baho berdi.

Xalqaro valyuta jamg‘armasi (XVJ) prognoziga ko‘ra, 2027-yilda O‘zbekistonga pul o‘tkazmalari oqimining o‘sish sur’ati sekinlashishi kutilmoqda. Bu haqda jamg‘armaning 13-aprelda e’lon qilingan hisobotida ma’lum qilindi.

Unga ko‘ra, Yaqin Sharqdagi mojaro sabab global iqtisodiyotda noaniqliklar kuchayib borayotganiga qaramay, hozircha iqtisodiy rivojlanish istiqbollari ijobiyligicha qolmoqda. 2026-yilning birinchi choragida yuqori ko‘rsatkichlar iqtisodiy faollik yuqori darajada saqlanib qolganini ko‘rsatmoqda.

Davom etayotgan islohotlar, barqaror investitsiyalar, yuqori pul o‘tkazmalari va oltin narxlarining o‘sishi hisobiga 2026-yilda YAIM 6,8 foizga o‘sishi kutilmoqda. Ammo ichki talabning asta-sekin pasayishi fonida 2027-yilda iqtisodiy o‘sish sur’atlari mo‘tadillashib, taxminan 6 foizni tashkil etadi.

Joriy hisob taqchilligi 2026-yilda qisqarishda davom etadi. Bunga yuqori pul...

Xalqaro valyuta jamg‘armasi (XVJ) O‘zbekiston hukumati uchun iqlim o‘zgarishiga moslashish va energiya samaradorligini oshirishni ustuvor vazifa deb hisoblaydi. Jamg‘armaning 2026-yil 13-aprelda e’lon qilingan hisobotida iqlim islohotlari iqtisodiy o‘sishning yangi drayveri sifatida qayd etilgan.

Iqlim va davlat investitsiyalari

XVJ ekspertlarining xulosasiga ko‘ra, O‘zbekiston o‘zining iqlim bo‘yicha maqsadlarini davlat investitsiyalarini boshqarish tizimi bilan yanada zichroq bog‘lashi lozim. Bu nafaqat ekologik barqarorlik, balki iqtisodiy samaradorlik uchun ham zarur.

«Iqlim sohasidagi maqsadlarni davlat investitsiyalari tizimiga yanada chuqurroq integratsiya qilish lozim. Bu energiya samaradorligini oshirish, iqtisodiyotni dekarbonizatsiya qilish jarayonini tezlashtirish va iqlim o‘zgarishiga moslashish uchun xizmat qilishi kerak...

Xalqaro valyuta jamg‘armasi (XVJ) O‘zbekistonda qarz mablag‘lari narxini pasaytirish shartlarini ma’lum qildi. Ekspertlarning fikricha, kreditlarning barqaror arzonlashishiga foiz stavkalarini sun’iy cheklash orqali emas, balki banklararo raqobat va makroiqtisodiy barqarorlik orqali erishish mumkin.

Bu boradagi xulosalar Jamg‘armaning 2026-yil 13-aprelda e’lon qilingan O‘zbekistondagi missiyasi yakunlari bo‘yicha hisobotida keltirilgan.

Kreditlar qanday arzonlashadi

XVJ ekspertlari kreditlar narxining (stavkalarning) barqaror pasayishi uchun bir qator tizimli o‘zgarishlar zarurligini ta’kidlamoqda. Jamg‘arma xulosasiga ko‘ra, faqatgina quyidagi choralar majmuasi qarz mablag‘lari qiymatining bosqichma-bosqich pasayishiga xizmat qiladi:

15-aprel uchun valyutalar kursi yangilandi. Unga ko‘ra, dollar 15,28 so‘mga oshib, 12 141,38 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

8-aprelda 32,74 so‘mga oshib, 12 208,08 so‘mga, 9-aprelda esa 20,50 so‘mga oshib, 12 228,58 so‘mga yetdi. 10-apreldan AQSh valyutasi pasayishni boshladi: shu kuni 30,3 so‘mga pasayib, 12 198,28 so‘m bo‘ldi. 13-aprel kuni 9,69 so‘mga pasayib, 12 158,59 so‘mni, 14-aprel kuni esa 32,49 so‘mga pasayib, 12 126,10 so‘mni tashkil etdi.

Markaziy bank ma’lumotlariga ko‘ra, yevro 171,7 so‘mga oshib, 14 313,47 so‘mni, rubl esa 1,15 so‘mga oshib, 160,26 so‘mni tashkil qildi.

Eslatib o‘tamiz, avvalroq...

Qozog‘iston 2026-yilning birinchi choragida neft ishlab chiqarish va eksport hajmini sezilarli darajada kamaytirdi. Bu haqda Kursiv Kazakhstan ma’lum qildi.

Mamlakat energetika vaziri ma’lumotiga ko‘ra, yanvar – mart oylarida neft va gaz kondensati ishlab chiqarish 19,7 mln tonnani tashkil etdi. Bu o‘tgan yilning shu davridagiga nisbatan 80,2 foizga teng. Shu davrda neft eksporti 15,3 mln tonnagacha tushib, yiliga nisbatan 21,5 foizga kamaydi.

Rasmiy prognozlarga ko‘ra, 2026-yilda umumiy neft ishlab chiqarish 76 mln tonna atrofida bo‘lishi kutilmoqda. Shu bilan birga, Karachaganak konida yangi gaz qayta bosim kompressori ishga tushirilmoqda. Bu loyiha yiliga 10-11 mln tonna neft ishlab chiqarish darajasini ushlab turishga...

Endilikda fuqarolar sud majlislari haqida tezkor va qulay tarzda ma’lumot olish imkoniyatiga ega bo‘ldi. Bu haqda Oliy sud rasmiy sahifasida ma’lum qilindi.

Yangi tartibga ko‘ra, Yagona interaktiv davlat xizmatlari portali foydalanuvchilari sud majlisi to‘g‘risida xabarnomalar orqali xabardor qilinadi hamda fuqarolik, ma’muriy, iqtisodiy va ma’muriy huquqbuzarlik ishlari bo‘yicha dastlabki sud ma’lumotlari bilan tanishish imkoniga ega bo‘ladi.

Mazkur imkoniyat prezidentning 2025-yil 21-avgustdagi «Sudlar faoliyatiga sun’iy intellekt texnologiyalarini joriy etish orqali odil sudlovga erishish darajasini oshirish hamda sud tizimining moddiy-texnik ta’minotini yaxshilashga doir qo‘shimcha chora-tadbirlar to‘g‘risida»gi farmonida belgilangan vazifalar asosida joriy etildi. Shu doirada Oliy sudning axborot tizimlari Yagona interaktiv davlat...

Qozog‘iston prezidenti Qosim-Jomart Toqayev Shavkat Mirziyoyev nomiga yo‘llagan maktubida Buxoro shahriga amalga oshirgan tashrifi davomida ko‘rsatilgan mehmondo‘stlik va samimiyat uchun minnatdorlik bildirdi. Bu haqda prezident matbuot xizmati xabar berdi.

Qozog‘iston rahbari Buxoroning nafaqat Markaziy Osiyo, balki jahon sivilizatsiyasidagi o‘rni beqiyos ekanini ta’kidlab, O‘zbekistonda tarixiy merosni asrab-avaylash va uni zamonaviy rivojlanish bilan uyg‘unlashtirish siyosatini yuqori baholagan. Uning qayd etishicha, shaharning bugungi qiyofasi Yangi O‘zbekistonni barpo etishga qaratilgan islohotlar natijasini yaqqol namoyon etadi.

Maktubda Buxoroda o‘tgan uchrashuvlar samarali bo‘lgani, hatto bir kunlik muzokaralar uzoq muddatli siyosiy natijalar jihatidan rasmiy tashrifdan kam emasligi alohida urg‘u berilgan. Tomonlar o‘rtasidagi muloqot ikki davlat o‘rtasidagi...

Endilikda madaniy boyliklar — tasviriy va amaliy san’at asarlari hamda tarixiy ahamiyatga ega obyektlarning qiymati rasmiy tartibda baholanadi. Bu haqda Adliya vazirligi tomonidan Yagona milliy baholash standartiga qo‘shimchalar kiritildi.

Yangi tartibga muvofiq, milliy, tarixiy, badiiy, ilmiy-ma’rifiy hamda ma’naviy-axloqiy ahamiyatga ega bo‘lgan ko‘chma madaniy boyliklar, jumladan, tasviriy va amaliy san’at asarlarining qiymati rasmiy ravishda baholanadi.

Baholash jarayonida qiyosiy, daromad va xarajat yondashuvlaridan foydalaniladi. Bunda asosiy shartlardan biri sifatida obyektning madaniy boylik ekanini tasdiqlovchi san’atshunos ekspert xulosasi talab etiladi.

Mazkur standart madaniy boyliklarni fuqarolik muomalasiga kiritish, ya’ni ularni sotish, xarid qilish, garovga qo‘yish va sug‘urtalash kabi jarayonlarda huquqiy va moliyaviy...

Dubayning Emirates aviakompaniyasi samolyotlarida internet sifatini yaxshilash uchun Starlink texnologiyasini joriy etishga qaror qildi.

Kompaniya 2025-yil noyabrdan boshlab Boeing 777 samolyotlarida yangi tizimni o‘rnatishni boshlaydi va 2027-yil o‘rtalariga qadar butun flotni to‘liq yangilashni rejalashtirmoqda. Bu loyiha $5 milliardlik modernizatsiya dasturining bir qismi hisoblanadi.

Kompaniya vakili Patrik Brannelli so‘zlariga ko‘ra, avvalgi internet tizimlari o‘zini oqlamagan. Uning aytishicha, qancha mablag‘ sarflanmasin, yo‘lovchilar doimiy ravishda xizmat sifati pastligidan shikoyat qilgan. Ko‘plab foydalanuvchilar umuman tizimga ulana olmagan yoki ulanish barqaror ishlamagan. Ayniqsa, bir vaqtning o‘zida ko‘p yo‘lovchi internetdan foydalanishga uringan paytda tizim yuklamaga dosh bera olmagan.

Brannellining ta’kidlashicha, aynan Starlink muammoni tushunib...

2026-yil 16-aprel kuni Toshkent shahridagi «8-IM» qozonxonasi boshqaruvidagi issiqlik tarmoqlari yuqori bosim ostida sinovdan o‘tkaziladi. Bu haqda Veolia Energy Tashkent ma’lum qildi.

Mazkur jarayon xalqaro xavfsizlik standartlari asosida tizimni tekshirish, mavjud nuqsonlarni aniqlash hamda qish mavsumida barqaror issiqlik ta’minotini yo‘lga qo‘yish maqsadida amalga oshiriladi.

Sinov ishlari 16-aprel kuni tungi soat 00:00 da boshlanib, tonggi soat 06:00 ga qadar davom etadi. Shu vaqt oralig‘ida ayrim hududlarda issiqlik tarmoqlarida bosim oshirilishi kuzatiladi.

Issiqlik tarmoqlari o‘tgan hududlar qatoriga Yangi Sergeli yo‘li, Mehrigiyo, So‘g‘diyona, Qipchoq, Chinor, Davlatobod, Do‘stlik, Mirzo Tursunzoda, Jahonaro, Qo‘rg‘ontepa ko‘chalari, shuningdek Sergeli 1–8A, Yo‘ldosh-1–18, M-1, 2, 3 hamda Do‘stlik...

Xalqaro valyuta jamg‘armasi (XVJ) past ko‘rsatkichli davlat banklariga nisbatan keskin choralar ko‘rishni, jumladan, rahbariyatni yangilash yoki banklarni restrukturizatsiya qilishni tavsiya etmoqda. Bu boradagi xulosalar Jamg‘armaning 2026-yil 13-aprelda e’lon qilingan O‘zbekistondagi missiyasi yakunlari bo‘yicha hisobotida o‘rin olgan.

Moliyaviy intizom va qat’iy choralar

XVJ ekspertlarining ta’kidlashicha, davlat tijorat banklarida (DTB) moliyaviy ko‘rsatkichlarning doimiy ravishda past bo‘lishi oqibatsiz qolmasligi kerak. Jamg‘arma bu borada o‘z vaqtida tuzatish choralarini ko‘rishga chaqirdi.

«Davlat tijorat banklarida past moliyaviy ko‘rsatkichlarning muntazam saqlanib qolishi rahbariyatni almashtirishni ham o‘z ichiga olgan tezkor choralar uchun asos bo‘lishi kerak, yashab qolishga qobiliyatsiz banklar esa restrukturizatsiya yoki...

Toshkent xalqaro aeroportida Istanbul – Toshkent reysi bilan uchib kelgan yo‘lovchining sumkasi ichidan narkotik modda aniqlandi. Bu haqda Bojxona qo’mitasi matbuot xizmati ma’lum qildi.

Tekshiruv davomida yeryong‘oq solingan qadoq ichiga yashirilgan 598 dona tabletka ko‘rinishidagi sintetik giyohvandlik vositasi topildi.

Dastlabki surishtiruvlarga ko‘ra, mazkur yo‘lovchi Turkiyada notanish shaxsning iltimosi bilan uning sumkasini $35 evaziga Toshkentga olib kelib berishga rozi bo‘lgan. U yuk ichidagi noqonuniy moddalar haqida xabardor bo‘lgan-bo‘lmagani hozircha aniq emas.

Mazkur holat yuzasidan tegishli tartibda tergov harakatlari olib borilmoqda. Huquqni muhofaza qiluvchi organlar tomonidan voqeaning barcha tafsilotlari o‘rganilmoqda.

Bojxona qo‘mitasi fuqarolarni begona shaxslarga tegishli buyumlarni, ayniqsa tekshirilmagan...

AQSh va Eron delegatsiyalari yaqin kunlarda muzokaralarni qayta boshlashi mumkin. Bu haqda Reuters manbalarga tayanib xabar berdi.

Ma’lum qilinishicha, tomonlar haftaning oxirida uchrashuv o‘tkazishni rejalashtirmoqda. Aniq sana hali belgilanmagan, biroq delegatsiyalar shu kunlarni bo‘sh qoldirgan.

Manbalarga ko‘ra, ikki davlat vakillariga yana Islomobodga borib, muzokaralarni davom ettirish taklifi berilgan. Avvalgi uchrashuv 12-aprel kuni bo‘lib o‘tgan, biroq unda kelishuvga erishilmagan. Pokiston rasmiylari muzokaralar sanasi bo‘yicha tomonlar bilan aloqada ekanini bildirgan.

Shuningdek, Pokiston Eron bilan bog‘lanib, ikkinchi bosqich muzokaralariga tayyorlik bo‘yicha ijobiy signal olgan. Hozircha muzokaralarning aniq kuni va kun tartibi rasman e’lon qilinmagan.

Eslatib o‘tamiz, Kursiv Uzbekistan nashri AQSh Eron portlarini...

Ijtimoiy himoya milliy agentligining (IHMA) ma’lum qilishicha, 2026-yilning dastlabki uch oyida 86,8 ming fuqaroga 116,2 mlrd so‘m bir martalik ijtimoiy to‘lovlar berilgan. Jumladan, 47 784 nafar fuqaroga 42,7 mlrd so‘m suyunchi puli ajratilgan.

86,8 minglik ko‘rsatkich 2025-yilning shu davridagi natijalardan (25,8 mingta) ancha yuqori. 2025-yilda yanvar oyida 9,6 mingta, fevralda 8,7 mingta, martda esa 7,4 mingta ijtimoiy to‘lov tayinlangan.

Shuningdek, 39 024 nafar fuqaroga 73,5 mlrd so‘m miqdorida dafn nafaqasi to‘lab berilgan. Bu to‘lovlar ijtimoiy himoyaga muhtoj oilalarni qo‘llab-quvvatlashga qaratilgan.

Suyunchi puli asosan yangi tug‘ilgan chaqaloqlar uchun ajratilgan. Birinchi farzand uchun 42 248 nafar ayol ushbu...

Changan kompaniyasi yangi Changan CS75 Plus HEV krossoverini Xitoyda oldindan sotuvga chiqardi. Bu haqda CarNewsChina nashri xabar bermoqda.

Yangi avtomobil o‘rta toifadagi krossover bo‘lib, tashqi ko‘rinishida katta radiator panjarasi bilan ajralib turadi. Uning o‘lchamlari 4770 mm uzunlik, 1910 mm kenglik va 1695 mm balandlikni tashkil etadi. G‘ildirak bazasi esa 2800 mm. Salon besh o‘rindiqli bo‘lib, markaziy panelda uchta ekran joylashgan. Model dunyoda birinchi bo‘lib 500 barli to‘g‘ridan-to‘g‘ri yonilg‘i purkash tizimiga ega gibrid dvigatel bilan taqdim etildi.

CS75 Plus HEV yangi iDE-H platformasiga asoslangan. Unda 1,5 litrli turbo benzin dvigatel va 180 kVt quvvatga ega elektromotor ishlaydi. Ichki yonuv...

Farg‘ona viloyatida chegaradan aksiz markasiz tamaki mahsulotlarini olib o‘tgan shaxslar qo‘lga olindi. Bu haqda Bosh prokuratura huzuridagi Departament ma’lum qildi.

Departamentning So‘x tumani bo‘limi xodimlari, DXX va chegara qo‘shinlari bilan hamkorlikda tezkor tadbir o‘tkazdi. Unda ikki fuqaro o‘zaro til biriktirib, noqonuniy faoliyat bilan shug‘ullangani aniqlandi. Ular xorijda ishlab chiqarilgan, kelib chiqishi va sifati tasdiqlanmagan 2 610 quti tamaki mahsulotlarini Qirg‘izistondan O‘zbekistonga olib o‘tgan. Holat «Gulshan» MFY hududida sodir bo‘lgan. Gumonlanuvchilar chegaradagi sim to‘siqni buzib, mahsulotlarni yashirin ravishda olib kirgan.

Aniqlangan tamaki mahsulotlari ashyoviy dalil sifatida rasmiylashtirildi. Holat yuzasidan Jinoyat kodeksining tegishli moddalari bilan jinoyat ishi qo‘zg‘atildi. Hozirda tergov harakatlari...

Xitoyda Toyota kompaniyasining yangi bZ7 flagman elektromobili taqdimotdan keyingi dastlabki bir soat ichida 3 mingdan ortiq buyurtma qabul qildi.

Ushbu raqobatbardosh narxdagi sedanga yuqori texnologik boshqaruv tizimlari o‘rnatilgan bo‘lib, u dastlabki kutilmalardan ham yuqori qiziqish uyg‘otmoqda.

Yangi sedanga Huawei kompaniyasining 207 kVt quvvatga ega DriveONE elektr tizimi o‘rnatilgan bo‘lib, u soatiga 180 kilometr tezlikka erisha oladi. Avtomobil 71 va 88 kVt/soat sig‘imli akkumulyatorlar bilan taklif etiladi. Ular bitta to‘liq quvvatlanishda 600 hamda 710 km masofa bosib o‘tish imkonini beradi. Tezkor quvvatlanish tizimi orqali avtomobil 10 daqiqa ichida qo‘shimcha 300 kmlik harakat zaxirasiga ega bo‘ladi.

Model raqobatbardoshligini oshirish maqsadida yirik...