Yangiliklar

Saharlikni taqvimda ko‘rsatilgan vaqtdan kechiktirib qilish mumkin emas. Chunki belgilangan vaqt o‘tgach, tong otadi va ro‘za boshlanadi.

Shayx Nuriddin Xoliqnazar hazratlari «Saharlikni taqvimda koʻrsatilgan vaqtdan 10 – 15 minut oʻtkazib qilsa boʻladimi?» degan savolga quyidagicha javob berdi:

«Bismillahir rohmanir rohim. Yoʻq, boʻlmaydi. Taqvimda koʻrsatilgan vaqtdan oʻtkazmaslik kerak. loji boʻlsa, ehtiyotini olib, koʻrsatilgan vaqtdan 5 – 10 daqiqa oldin yeb-ichishni toʻxtatsa, yana ham yaxshi boʻladi. Chunki tong otgandan keyin saharlik qilgan kishi roʻzani buzgan boʻladi va Ramazondan keyin bir kun qazo tutib beradi. Vallohu a’lam», –  deydi Shayx Nuriddin Xoliqnazar hazratlari.

Eslatib o‘tamiz, avvalroq...

2027 Chevrolet Bolt’ning ayrim komplektatsiyalari uchun vaqtinchalik buyurtma cheklovlari joriy etildi. Bu haqda GM Authority xabar berdi.

Bu shuni anglatadiki, model buyurtma uchun ochiq, ammo ba’zi rang va jihozlar kombinatsiyasida avtomobillar darhol ishlab chiqarilmaydi. Dilerlar kerakli versiyani olish uchun biroz kutishga majbur bo‘lishi mumkin.

Cheklov, asosanm, LT komplektatsiyasining Comfort Package va mato o‘rindiqli variantlariga, shuningdek, RS versiyasining ayrim ranglariga taalluqli. Xususan, variantlar orasida Summit White, Mosaic Black Metallic, Marina Blue Metallic va Sterling Gray Metallic ranglaridagi LT va RS versiyalari bor. Shuningdek, RS’ning Technology Package va elektr lyukli versiyalari Mosaic Black Metallic, Habanero Orange, Marina Blue Metallic hamda Sterling...

Ijtimoiy tarmoqlarda Yangi Toshkent loyihasida $2-3 mlnlik villalardan iborat «boylar shaharchasi» barpo etilayotgani haqida xabarlar tarqaldi. Yangi Toshkent shahrini barpo etish direksiyasi bu ma’lumotlarni rad qildi.

Rasmiy bayonotga ko‘ra, loyiha doirasida hech qanday «boylar shaharchasi» rejalashtirilmagan. Xususan, birinchi bosqich maketida ko‘rsatilgan kottejlar kelgusida O‘zbekistondagi xorijiy davlatlar elchilari hamda xalqaro tashkilotlar vakillari uchun xizmat turarjoyi sifatida mo‘ljallangan.

Hozirda Yangi Toshkentning birinchi bosqichi doirasida 6 ming gektar hududda qurilish ishlari olib borilmoqda. 2033-yilgacha 600 ming aholi uchun zamonaviy infratuzilma yaratish rejalashtirilgan. Loyiha to‘liq yakunlangach, shahar 2 mln aholi yashaydigan megapolisga aylanishi kutilmoqda.

Eslatib o‘tamiz, avvalroq Senat raisining birinchi o‘rinbosari Sodiq Safoyev yangi...

BYD kompaniyasi Linghui M9 nomli yangi MPV (Multi-Purpose Vehicle) modelining rasmiy suratlarini e’lon qildi. CarNewsChina’ga ko‘ra, avtomobil asosan taksi va ride-hailing bozori uchun mo‘ljallangan.

Yangi model yetti o‘rindiqli salon va 1,5 litrli turbomotorli plagin gibrid tizim bilan jihozlangan. Linghui BYD’ning yangi sub-brendi bo‘lib, u taksi xizmatlariga yo‘naltirilgan. Brend e va M seriyalaridan iborat. e5, e7 va e9 modellari to‘liq elektromobil, M9 esa yagona plagin gibrid variant hisoblanadi.

Tashqi ko‘rinish jihatidan Linghui M9 BYD Xia DM-i modeliga o‘xshaydi. Old panjara shakli saqlangan, biroq xrom elementlar dizayni biroz o‘zgartirilgan. Orqa qismida Chinese knot uslubidagi fonarlar, qizil reflektorlar va xrom bezak...

Adliya vazirligi huzurida Ekspert-malakа komissiyasi faoliyati yo‘lga qo‘yiladi. Hukumat qarori bilan nodavlat sud-ekspertiza sohasini tartibga soluvchi yangi qoidalar tasdiqlandi.

Qarorga ko‘ra, nodavlat sud-ekspertiza tashkilotlarini tashkil etish va davlat ro‘yxatidan o‘tkazish bo‘yicha aniq tartib belgilandi. Shuningdek, sud eksperti bo‘lish istagidagi shaxslarni qayta tayyorlash, malakasini oshirish va qo‘shimcha ekspertiza turlari bo‘yicha o‘qitish tizimi yo‘lga qo‘yildi.

Endi nodavlat sud-ekspertiza tashkilotlari notijorat tashkilot shaklida yoki yakka tartibdagi sud-ekspertlik byurosi ko‘rinishida faoliyat yuritishi mumkin. Avval bunday tashkilotni ochish uchun kamida 3 nafar sertifikatga ega sud eksperti bo‘lishi talab etilar edi.

Shuningdek, sud eksperti sifatida kasbiy layoqatni tasdiqlovchi sertifikat olgan shaxslarning yagona reyestri joriy...

General Motors Kolumbiyada 2026-yilgi Chevrolet Captiva PHEV modelini rasman taqdim etdi. GM Authority’ga ko‘ra, model mamlakatda taqdim etilgan to‘liq elektr versiyadan bir necha oy o‘tib sotuvga chiqarildi.

Yangi Captiva PHEV Kolumbiyada Chevrolet’ning ilk plagin gibrid avtomobiliga aylandi. U to‘liq elektromobil emas, ammo yonilg‘i tejamkor variant qidirayotgan mijozlar uchun mo‘ljallangan.

GM Kolumbiya rahbari Xuan Rosero ta’kidlashicha, Captiva PHEV brendning bosqichma-bosqich elektrlashtirish strategiyasida muhim qadam hisoblanadi. Uning aytishicha, model kundalik foydalanish uchun mos, tejamkor va zamonaviy texnologiyalar bilan jihozlangan.

Kolumbiyada 2026 Captiva PHEV faqat Premier komplektatsiyasida taklif etiladi. Ushbu versiya xavfsizlik, qulaylik va multimedia tizimlari bilan to‘liq jihozlangan.

Avtomobil 1,5 litrli...

22-fevral kuni AQShning Las-Vegas shahrida o‘tkazilgan professional boks oqshomida Bektemir Meliqo‘ziyev ganalik Sena Agbekoga qarshi ringga ko‘tarildi.

Jang davomida to‘liq ustunligini namoyish etgan Meliqo‘ziyev raqibini 7-raundda texnik nokautga uchratib, ishonchli g‘alabaga erishdi. Shu bilan u WBA qit’alararo chempionlik kamarini muvaffaqiyatli himoya qildi.

Hozirda Bektemir Meliqo‘ziyev professional boksda jami 18 ta jang o‘tkazgan. Ularning 17 tasida g‘alaba qozongan, 11 ta jangni muddatidan avval yakunlagan.

Eslatib o‘tamiz, avvalroq Kursiv Uzbekistan Isroil Madrimov bilan intervyuni e’lon qilgandi. 24-yanvar kuni Las-Vegasda o‘tgan jangda o‘zbekistonlik bokschi jarohatlar va qisqa tayyorgarlikka qaramay, dominikanlik Luis David Salazarni hakamlarning yakdil qarori bilan mag‘lub etdi. Kursiv Uzbekistan bokschi bilan...

It bolalarining qulog‘ini yulib olgan shaxsga 10 sutka qamoq jazosi berildi. Bu haqda Ichki ishlar vazirligi xabar berdi.

Ijtimoiy tarmoqlarda it bolalariga nisbatan shafqatsiz munosabat aks etgan video keng muhokamalarga sabab bo‘ldi. Holat Surxondaryo viloyatining Sherobod tumani Mehnatobod mahallasida sodir bo‘lgani aniqlandi.

Viloyat Ichki ishlar boshqarmasi va Ekologiya boshqarmasi o‘rganishiga ko‘ra, fuqaro o‘ziga tegishli uchta kuchuk bolasining quloq qismini qo‘l bilan yulib tashlagan va jarayonni videoga olib, ijtimoiy tarmoqqa joylagan.

Mazkur holat yuzasidan Ma’muriy javobgarlik to‘g‘risidagi kodeksning 111-moddasi 2-qismi asosida ma’muriy bayonnoma rasmiylashtirilib, hujjatlar sudga yuborilgan. Sud qaroriga ko‘ra, fuqaro aybdor deb topildi va unga 10 sutka ma’muriy...

Nissan kompaniyasi Xitoyda eng ko‘p sotiladigan modellardan biri bo‘lgan Sylphy sedanining yangi avlodini 24-fevral kuni taqdim etadi. Bu haqda IT Home xabar berdi.

Yangi model butunlay yangilangan tashqi ko‘rinishga ega bo‘ladi. Dizayn Xitoy bozoridagi Pathfinder uslubiga yaqinlashtirilgan. Old qismida L-shaklidagi LED faralar o‘rnatilgan bo‘lib, ular radiator panjarasi bilan uyg‘unlashtirilgan. Avtomobil 16 dyuymli yangi dizayndagi disklar bilan jihozlanadi.

Ko‘plab raqobatchilar turbomotorlarga o‘tayotgan bir paytda, yangi Sylphy 1,6 litrli atmosfera dvigatelini saqlab qoladi. Dvigatel quvvati 135 ot kuchini tashkil etadi. U variator uzatma bilan ishlaydi. Maksimal tezlik 186 km/soat, o‘rtacha yonilg‘i sarfi esa 100 kmga taxminan 5,9 litrni tashkil qiladi.

Hozirgi...

Tijorat banklari tomonidan 22-fevral kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Navoiy va Toshkent shaharlarida qalbaki AQSh dollari hamda so‘m kupyuralarini muomalaga kiritishga uringan shaxslar tezkor tadbirlar davomida qo‘lga olindi. Bu haqda Davlat xavfsizlik xizmati xabar berdi.

Unga ko‘ra, Navoiy shahridagi tadbirda Namangan shahrida yashovchi shaxs Jizzax viloyatida tug‘ilgan, hozirda Toshkent shahrida yashovchi va ilgari bir necha bor sudlangan fuqaroga sherik bo‘lgan. Ular Turkiyadan Qirg‘iziston orqali olib kirilgan $100 lik kupyuralardagi $19,9 ming qalbaki pullarni $14 mingga sotayotgan vaqtida ushlandi.

Mazkur holat yuzasidan jinoyat ishi qo‘zg‘atilib, gumonlanuvchilarga nisbatan qamoq ehtiyot chorasi qo‘llanildi.

Shuningdek, Toshkent shahridagi yana bir holatda Namangan viloyatining Chust tumanida yashovchi shaxs poytaxtlik fuqaroni aldab, qalbaki $10 ming...

Bugun respublika hududida yog‘ingarchilik kutilmaydi. Ayrim joylarda tuman tushishi mumkin. Bu haqda «O‘zgidromet» ma’lum qildi.

Hududlarda shamol 7–12 m/s tezlikda esadi. Havo harorati kunduzi 13–18 daraja iliq bo‘ladi.

Toshkent shahrida ham yog‘ingarchilik kutilmaydi. Shamol 3–8 m/s tezlikda esadi. Harorat 14–16 daraja iliq atrofida bo‘ladi.

Tog‘li hududlarda ham yog‘ingarchilik kutilmaydi. Biroq qor ko‘chishi xavfi saqlanib qoladi. Shamol 7–12 m/s tezlikda esadi. Harorat 5–10 daraja iliq bo‘ladi.

Eslatib o‘tamiz, avvalroq «O‘zgidromet» dam olish kunlari O‘zbekiston hududiga Turkmaniston tomondan nam va salqin havo massalari kirib kelishini xabar qilgandi. Unga ko‘ra, tog‘oldi va tog‘li hududlarda yomg‘ir va qor yog‘ishi kutilmoqda. Ba’zi joylarda yog‘ingarchilik...

22-fevral sanasi nafaqat yirik siyosiy kelishuvlar, balki mudhish tabiiy ofatlar va san’at olamidagi yorqin shaxslar tavalludi bilan ham tarix sahifalaridan o‘rin olgan. Kursiv Uzbekistan kunning eng muhim voqealarini xronologik tartibda taqdim etadi.

1788-yili polyak zaminidagi Gdansk shahrida mashhur nemis faylasufi Artur Shopengauer dunyoga keldi. U o‘zining «Olam iroda va tasavvur sifatida» asari orqali insondagi iroda hamda motivatsiyani chuqur o‘rgangan. Mutafakkirning pessimizmga asoslangan g‘oyalari keyinchalik psixologiya va falsafa rivojiga, xususan, Fridrix Nitshe qarashlariga katta ta’sir ko‘rsatgan.

1819-yilda Vashingtonda Adams-Onis shartnomasi imzolanib, Ispaniya Florida hududini AQShga rasman topshirishga rozi bo‘ldi. Ushbu kelishuvga ko‘ra, AQSh hukumati ispan fuqarolarining da’volarini qoplash uchun...

22-fevral, yakshanba kuni muborak Ramazon oyining toʻrtinchi kuni boʻlib, Toshkent shahrida saharlikning tugashi soat 5:50 ni tashkil qiladi. Iftorlik esa 18:09 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan:

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi. 

Turkiya Superligasining 23-turi doirasida «Istanbul Bashakshehir» mehmonda «Alanyaspor» ustidan 2:1 hisobida g‘alaba qozondi. Uchrashuvdagi hal qiluvchi gol o‘zbekistonlik hujumchi Eldor Shomurodov tomonidan kiritildi.

O‘yinning 14-daqiqasida Devi Zelke mehmonlarni oldinga olib chiqqan bo‘lsa, 44-daqiqada Abbosbek Fayzullayev ishlagan penaltini Eldor Shomurodov muvaffaqiyatli amalga oshirdi. Bu hujumchining joriy mavsumdagi 16-goli bo‘ldi. Ushbu natija evaziga u to‘purarlar ro‘yxatida «Trabzonspor» vakili Pol Onuachuga yetib oldi. Hozirda aynan shu ikki futbolchi musobaqa to‘purarlari poygasini boshqarmoqda.

Uchrashuvning ikkinchi bo‘limida, aniqrog‘i 67-daqiqada «Alanyaspor» a’zosi Florent Xadergyonay hisobni qisqartirishga erishdi. Ammo bu mezbonlarni mag‘lubiyatdan qutqarib qola olmadi. O‘zbekistonlik legionerlardan Eldor Shomurodov 70-daqiqada Onur Ergyunga, Abbosbek Fayzullayev esa 71-daqiqada...

Turkiya Superligasining 23-turida «Istanbul Bashakshehir» jamoasi o‘z maydonida «Alanyaspor»ga qarshi bahs olib boradi. Eldor Shomurodov va Abbosbek Fayzullayev mazkur uchrashuvni asosiy tarkibda boshlaydi. Uchrashuv soat 18:00 da start oladi.

Turnir jadvalida jamoalar o‘rtasida kichik farq kuzatilmoqda. «Istanbul Bashakshehir» ayni paytda 33 ochko jamg‘argan holda 6-o‘rinni band etib turibdi. Ularning bugungi raqibi «Alanyaspor» esa 26 ochko bilan 10-pog‘onadan joy olgan.

«Istanbul Bashakshehir»ning uchrashuv uchun tanlagan asosiy tarkibi e’lon qilindi. Darvozani Muhammed qo‘riqlaydi, himoyada Omer Ali, Duarte, Opoku va Operi harakat qiladi. Markaziy yarim himoyani Kemen hamda Umut nazorat qilsa, hujum ortida Fayzullayev, Shomurodov hamda Harit joylashgan. Hujum chizig‘ida esa Zelke

Tojikiston inson organlari va to‘qimalarini transplantatsiya qilish milliy ilmiy markazi o‘zbekistonliklar ishtirokidagi noqonuniy organ ko‘chirib o‘tkazish operatsiyalariga aloqadorligini rad etdi. Bu haqda Aziya-Plyus nashri xabar bermoqda.

Eslatib o‘tamiz, O‘zbekiston Ichki ishlar vazirligi Dushanbedagi Istiqlol klinikasida noqonuniy amaliyotlar o‘tkazishni tashkil etganlikda gumon qilingan er-xotinni qo‘lga olganini va jinoyat ishi qo‘zg‘atilganini xabar qilgan edi.

Istiqlol muassasasi binosida joylashgan markaz vakillari ularning muassasasida hech qachon noqonuniy transplantatsiya operatsiyalari o‘tkazilmaganini ta’kidladi. Markaz direktori Saidmahmud Ismoilzodaning qayd etishicha, fuqaroligidan qat’i nazar, barcha bemorlar va ularning qarindoshlari Tojikiston qonunchiligiga qat’iy rioya qilishi shart.

Bemorlarning barcha hujjatlari maxsus komissiya tomonidan ko‘rib chiqilishi majburiydir. Mutaxassislar materiallarning...

Samsung Electronics kompaniyasining aksiyalari rekord darajaga yetdi. Bunga yangi avlod sun’iy intellekt xotira chiplari narxi avvalgisidan 30 foizga qimmatroq bo‘lishi haqidagi xabarlar sabab bo‘ldi. Bu haqda Bloomberg nashri xabar bermoqda.

Uch kunlik dam olishdan so‘ng ochilgan Janubiy Koreya birjasida kompaniya aksiyalari 5,4 foizga o‘sdi. Xabarlarga ko‘ra, Samsung o‘zining HBM4 chiplarini donasi uchun $700 atrofida baholamoqda. Kompaniya mazkur ma’lumotlarga rasmiy izoh berishdan bosh tortgan.

Avgust oyida raqobatchi SK Hynix kompaniyasi Nvidia uchun HBM4 narxini $500 dollar atrofida belgilagan edi, ammo endi ular ham o‘z narxlarini oshirishi taxmin qilinmoqda.

«Bu holat sun’iy intellekt xotira bozorida talab hamon...

Navoiy viloyatida o‘tkazilgan tezkor tadbirda jami 1100 dona noqonuniy saqlanayotgan o‘q-dori musodara qilindi.

Davlat xavfsizlik xizmatining Navoiy viloyati bo‘yicha boshqarmasi va Ichki ishlar organlari xodimlari hamkorligida o‘tkazilgan tadbirda Buxoro viloyatining G‘ijduvon tumanida yashovchi, 1989-yilda tug‘ilgan shaxsga tegishli Oniks rusumli avtotransport vositasi to‘xtatib tekshirilgan. Avtomashina yukxonasidan otish uchun yaroqli bo‘lgan 500 dona 5,6 mm kalibrli patronlar topilgan.

Tadbir davomida gumonlanuvchining yashash xonadoni ham ko‘zdan kechirilgan va u yerdan qo‘shimcha 600 dona xuddi shunday kalibrdagi patronlar ashyoviy dalil sifatida olingan. Jami 1100 dona o‘q-dori tegishli tartibda rasmiylashtirilgan.

Hozirda mazkur holat yuzasidan Jinoyat kodeksining 248-moddasi (O‘qotar qurolning, o‘q-dorilarning, o‘qotar qurol asosiy qismlarining...

O‘zbekistonda 661 mingdan ortiq rezident kriptoaktivlar aylanmasi sohasidagi rasmiy xizmat ko‘rsatuvchi provayderlar ro‘yxatidan o‘tdi. Bu haqda Istiqbolli loyihalar milliy agentligi xabar bermoqda.

Taqdim etilgan ma’lumotlarga ko‘ra, bugungi kunda mamlakatda 21 ta litsenziyalangan provayder ishlamoqda. Ulardan uchtasi kriptobirja, 12 tasi kriptodo‘kon va oltitasi kriptodepozitariy hisoblanadi.

Xizmat ko‘rsatuvchi provayderlar orqali ro‘yxatdan o‘tgan mijozlarning umumiy soni 663 691 nafarga yetgan. Ulardan 661,8 ming nafari O‘zbekiston rezidentlari bo‘lsa, yana 1,8 ming nafari norezidentlardir.

Raqamli aktivlarni chiqarish qismida ikkita emitentning faoliyati qayd etilgan. Chiqarilgan tokenlarning umumiy soni 2,1 mlndan oshgan. Shundan 16,97 mlni ta’minlangan tokenlar va 4,1 mlni utilitar tokenlardir. 2022 – 2025 yillarda...

O‘zbekistondagi yonilg‘i quyish shoxobchalarida iste’molchilarga neft mahsulotlari sifatini mustaqil tekshirish imkonini beruvchi maxsus uskunalar o‘rnatiladi. Ushbu chora «O‘zbekiston – 2030» strategiyasi doirasida amalga oshirilishi ko‘zda tutilgan.

Shoxobchalarni tegishli uskunalar bilan jihozlash jarayoni 2026-yildan boshlanadi. Rejaga ko‘ra, dastlabki yil yakuniga qadar mamlakatdagi obyektlarning 10 foizini qamrab olish maqsad qilingan.

Keyingi yillarda uskunalar o‘rnatish ko‘rsatkichi bosqichma-bosqich oshirib boriladi. Xususan, jihozlanish darajasi 2027-yilda 25 foizga, 2028-yilda 50 foizga hamda 2029-yilda 75 foizga yetkazilishi belgilangan.

2030-yilga kelib esa barcha yoqilg‘i quyish shoxobchalarida sifatni tekshiruvchi qurilmalar mavjud bo‘ladi. Rasmiy ma’lumotlarga ko‘ra, ushbu ishlarni to‘liq xususiy sektor mablag‘lari hisobidan amalga oshirish rejalashtirilgan.

Avvalroq Kursiv Uzbekistan...

O‘zbekiston Respublikasi Markaziy banki dam olish kunlari ayrim tijorat banklarida valyuta ayirboshlash hamda xalqaro pul o‘tkazmalari shoxobchalari faoliyat yuritishini ma’lum qildi. Bu haqda regulyatorning Telegram-kanali xabar berilmoqda.

Markaziy bank tomonidan e’lon qilingan ro‘yxatga ko‘ra, jami 19 ta moliya muassasasi haftaning dam olish kunlari ham aholiga xizmat ko‘rsatishni davom ettiradi. Ular qatoriga «Agrobank», «Milliybank», «SQB», «Asakabank», «Kapitalbank» va «Ipoteka-bank» kabi banklar kiritilgan.

Shuningdek, aholi faqatgina bank filiallari orqali emas, balki muqobil usullardan foydalangan holda ham valyuta operatsiyalarini bajarishi mumkin. Jumladan, 24/7 rejimida uzluksiz ishlovchi avtomatlashtirilgan bankomatlar tarmog‘i faoliyati yo‘lga qo‘yilgan.

Bundan tashqari, bank binosiga tashrif buyurmagan holda, kunning istalgan vaqtida...

Istiqbolli loyihalar milliy agentligi (ILMA) O‘zbekiston tarixida birinchi marta NexaGrid kompaniyasiga kriptovalyuta mayningi bilan shug‘ullanish huquqini berdi.

NexaGrid kompaniyasi 600 mln so‘m ustav fondiga ega bo‘lib, kompyuter uskunalarini boshqarish faoliyati bilan shug‘ullanadi. Uning ta’sischilari Toymurod Sultonov (63%) va Mahmudjon Rozimurodov (37%) hisoblanadi.

ILMA tasdiqlagan nizomga ko‘ra, mayning faqat yuridik shaxslar tomonidan va asosan, quyosh elektr stansiyalari energiyasi yordamida amalga oshirilishi kerak. Yagona elektr tarmog‘iga ulangan taqdirda, energiya to‘lovlari ikki baravar tarif asosida undiriladi va qo‘shimcha ustamalar qo‘llanadi. Arizalar asosida beriladigan ruxsatnoma besh yil muddatga bepul rasmiylashtiriladi.

Avvalroq Kursiv Uzbekistan Bitkoin 15 oylik minimum 64,8 ming dollarga tushgani haqida xabar...

OpenAI kompaniyasi iste’molchilar uchun mo‘ljallangan ilk sun’iy intellekt qurilmalarini yaratish maqsadida 200 kishilik tadqiqot guruhini shakllantirdi. Ularning birinchi mahsuloti ekransiz, ammo kamerali aqlli kalonka bo‘lishi rejalashtirilgan.

Yangi qurilmaning narxi $200 dan $300 gacha bo‘lishi mo‘ljallangan. Uning yetkazib berilish muddati eng kamida 2027-yilning fevral oyiga to‘g‘ri kelishi taxmin qilinmoqda. Bu qadam OpenAI uchun faqat dasturiy ta’minotdan apparat ishlab chiqarishga o‘tishdagi muhim bosqich sanaladi.

Avvalroq 2025-yilning sentabrida kompaniya Apple’ning sobiq dizayn rahbari Jonatan Ayv bilan hamkorlikni boshlagan edi. Tomonlar 2026-yil oxiriga qadar sun’iy intellektli ko‘zoynak, quloqchin, stilus va aqlli chiroqlar kabi ko‘p modalli qurilmalarni ishlab chiqarishni kelishib olgan.

An’anaviy kalonkalardan farqli...