Yangiliklar

AQSh hukumati Venesueladan olingan neftni birinchi marta sotib, global bozorga chiqarishni boshladi. Bu haqda AQSh ma’muriyati rasmiylari xabariga tayanib Reuters ma’lum qildi.

Unga ko‘ra, AQSh Venesuelaning birinchi neft savdosini yakunladi, uning qiymati taxminan $500 millionni tashkil etdi. Ushbu sotuv Venesuela bilan $2 milliardlik kelishuv doirasida amalga oshirilgan.

Rasmiylar qo‘shimcha neft savdolari yaqin kunlar va haftalar ichida davom etishini ma’lum qildi. Dastlabki tushum AQSh nazoratidagi bank hisoblarida, asosan Qatarda yuritilmoqda.

AQSh hukumati Venesuela neft resurslari bo‘yicha strategiyani davom ettirib, Chevron kabi kompaniyalarga neft ishlab chiqarish va eksportni kengaytirish uchun imkoniyatlar yaratmoqda.

Ushbu sotuv Venesuelaning energetika sektorini qayta tiklashni maqsad...

Nvidia kompaniyasi barcha GeForce RTX seriyasidagi grafik protsessorlar uchun DLSS 4.5 texnologiyasiga kirish imkoniyatini ochdi. Mazkur ikkinchi avlod modeli original DLSS 4 versiyasiga nisbatan besh barobar ko‘proq hisoblash quvvatidan foydalanadi.

Yangilanish DLSS Override sozlamasi orqali faollashtiriladi. RTX 20 va 30 seriyali videokarta egalari «Sifat» (Quality) rejimida tasvir tiniqligining yomonlashuviga duch kelishlari mumkin. Bu holat nativ renderingga nisbatan ruxsatning potensial kamayishi bilan izohlanadi.

Kompaniya 2026-yilning bahorida kadrlar generatsiyasini yanada takomillashtirishni rejalashtirgan. Rejaga ko‘ra, DLSS Multi Frame Generation texnologiyasiga yangi sun’iy intellekt modeli joriy etiladi hamda 6X Multi Frame Generation va Dynamic Multi Frame Generation funksiyalari qo‘shiladi.

Avvalroq Kursiv Uzbekistan SK...

Samsung kompaniyasi rasmiy ravishda sun’iy intellektning asosiy funksiyalari foydalanuvchilar uchun doimiy ravishda bepul bo‘lishini tasdiqladi. Bu ma’lumot Samsung’ning Galaxy AI bo‘yicha qo‘llab-quvvatlash sahifalarida foydalanish shartlari yangilangach ma’lum bo‘ldi.

Avvalroq Galaxy S24 seriyasi bilan birga Galaxy AI taqdim etilganda, Samsung bu funksiyalar faqat ma’lum muddat 2025-yil oxirigacha bepul bo‘lishini bildirgan edi. Shu sababli keyinchalik ushbu imkoniyatlar pullik obunaga aylanishi mumkinligi haqida xavotirlar paydo bo‘lgan. Hatto 2026-yil yanvar oyigacha Samsung saytida shu mazmundagi ogohlantirish saqlanib qolgan.

Yaqinda kompaniya bu matnni o‘zgartirdi va yangilangan izohda Samsung tomonidan taqdim etilgan Galaxy AI’ning asosiy funksiyalari bepul ekanini aniq ko‘rsatdi. Bu esa foydalanuvchilar ushbu imkoniyatlardan...

Markaziy bank Boshqaruvining 2026-yil 15-yanvardagi qaroriga muvofiq, «Yangi bank» aksiyadorlik jamiyatining bank faoliyatini amalga oshirish huquqini beruvchi litsenziyasi chaqirib olindi. Qaror bank faoliyatida aniqlangan kamchiliklar belgilangan muddatda bartaraf etilmagani sabab qabul qilingan.

Xususan, bankning ustav kapitali qonunchilikda belgilangan eng kam talab darajasiga yetkazilmagan. Amaldagi talablarga ko‘ra, 2025-yil 1-yanvardan banklar ustav kapitalining eng kam miqdori 500 mlrd so‘m bo‘lishi lozim edi. Biroq 2026-yil 1-yanvar holatiga «Yangi bank»ning ustav kapitali 355 mlrd so‘mni tashkil etgan. Markaziy bank tomonidan bir necha bor yozma ogohlantirishlar berilganiga qaramay, bu borada yetarli choralar ko‘rilmagan.

Shuningdek, ayrim moliyaviy operatsiyalarni amalga oshirishda qonunchilikda belgilangan cheklovlarga rioya etilmagani...

2026-yil 16 – 19-yanvar kunlari kutilayotgan yog‘ingarchilik hamda havo haroratining o‘zgarishlari sababli respublikaning tog‘li hududlarida qor ko‘chish xavfi mavjud. Bu haqda «O‘zgidromet» ogohlantirdi.

Unga ko‘ra, Qashqadaryo viloyatining Dehqonobod, Kitob, Qamashi, Shahrisabz tumanlarida, Surxondaryo viloyatining Boysun, Qumqo‘rg‘on, Sariosiyo, Uzun tumanlarida, Samarqand viloyatining Nurobod, Qo‘shrabot, Samarqand, Urgut tumanlarida, Jizzax viloyatining Baxmal, Zomin tumanlarida, Toshkent viloyatining Bo‘stonliq, Parkent, Ohangaron tumanlari (Chotqol tizmasi tog‘lari) hamda Namangan viloyati Pop tumanida qor ko‘chishi mumkin.

Shu sababli tog‘li hududlarda istiqomat qiluvchi fuqarolar, dam oluvchilar hamda tog‘li joylarda harakatlanuvchi haydovchilardan ehtiyotkorlik choralarini ko‘rish so‘ralgan.

Avvalroq «Kursiv» O‘zbekistonda yanvar oyida qanday ob-havo kuzatilishi haqida yozgandi.

Saudiya Arabistonida o‘tayotgan U-23 Osiyo kubogining guruh bosqichi yakunlanib, O‘zbekiston olimpiya terma jamoasi chorak finalda Xitoy vakillariga qarshi o‘ynaydigan bo‘ldi.

O‘zbekiston va Xitoy o‘rtasidagi uchrashuv 17-yanvar kuni Jidda shahridagi King Abdullah Sports City stadionida bo‘lib o‘tadi. Mazkur bahs g‘olibi 20-yanvar kuni yarim finalda Vyetnam va BAA juftligi g‘olibi bilan kuch sinashadi.

Chorak finalning boshqa o‘yinlari 16-yanvar kuni Vyetnam – BAA va Yaponiya – Iordaniya o‘rtasida o‘tkaziladi. 17-yanvarda esa Avstraliya va Janubiy Koreya terma jamoalari o‘zaro hisob-kitob qiladi.

Musobaqaning final uchrashuvi 24-yanvar kuniga, uchinchi o‘rin uchun bahs esa 23-yanvarga rejalashtirilgan.

Avvalroq Kursiv Uzbekistan U-23 Osiyo kubogida O‘zbekiston Janubiy Koreyani mag‘lub...

Donald Tramp AQShdan boshqa davlatning Grenlandiyani nazorat qilishini qabul qilib bo‘lmas deb atadi va hududni milliy xavfsizlik hamda NATO strategiyasi nuqtai nazaridan muhim ekanini ta’kidladi.

Unga ko‘ra, Grenlandiya AQSh qo‘lida bo‘lsa, NATO kuchli va samarali bo‘ladi. Prezidentning fikricha, hududni qo‘lga kiritish Pentagon tomonidan ishlab chiqilayotgan raketa mudofaa tizimi uchun ham zarurdir.

14-yanvar kuni vitse-prezident JD Vens Oq uyda Daniya Tashqi ishlar vaziri Lars Løkke Rasmussen, Grenlandiya vakili va davlat kotibi Marko Rubio bilan uchrashuv o‘tkazdi. Uchrashuv ochiq va konstruktiv muloqot tarzida o‘tgan bo‘lsa-da, nuqtai nazarlar hali ham farq qilmoqda. Shu bilan birga, Grenlandiya masalasini kelasi haftalarda muhokama qilish...

Qozog‘iston Xalq partiyasi fraksiyasi deputatlari mamlakatda alkogol mahsulotlarini sotish vaqti va joylarini cheklashni taklif qildi. Bu haqda Zakon.kz xabar berdi.

Parlament so‘rovida Majlis a’zolari alkogol eng og‘ir jinoyatlarning asosiy sababi ekani va uning aylanishi ustidan mavjud nazorat yetarlicha samara bermayotganini ta’kidladi. Ichki ishlar vazirligi ma’lumotlariga ko‘ra, mamlakatdagi har to‘rtta talonchilik va yo‘l-transport hodisalaridan biri mastlik holatiga to‘g‘ri keladi. Shuningdek, oilaviy zo‘ravonlik jinoyatlarining yarmidan ko‘pi ham aynan ichkilik oqibatida kelib chiqadi.

Deputatlar chakana savdo do‘konlarining ko‘pligi sababli voyaga yetmaganlarga spirtli ichimliklar sotishni nazorat qilish jismonan imkonsiz ekanini urg‘uladi. Parlament a’zolari hukumatga bir qator qat’iy choralar ko‘rishni taklif qildi. Masalan...

Ispaniya Kubogining 1/16 final bosqichida ikkinchi divizion vakili «Albasete» «Real Madrid»ni 3:2 hisobida mag‘lub etib, musobaqadan chiqarib yubordi. Bu uchrashuv madridliklarning yangi ustozi Alvaro Arbeloa uchun ilk rasmiy o‘yin edi.

Zaxiradan maydonga tushgan Jefte Betankor o‘z hisobiga ikkita gol yozdirib qo‘yib, mezbonlarga dramatik g‘alabani taqdim etdi. Uchrashuvdagi hisobni 42-daqiqada «Albasete» himoyachisi Xavi Vilyar burchak zarbasidan so‘ng bosh bilan yo‘llagan zarbasi orqali ochdi. «Real Madrid» tanaffusga qadar Franko Mastantuononing goli evaziga muvozanatni tiklashga muvaffaq bo‘ldi.

Yaqinda iste’foga chiqarilgan Xabi Alonsoning o‘rnini egallagan Alvaro Arbeloa ushbu bahsga, asosan, ikkinchi tarkibni tushirdi. Kilian Mbappe, Jud Bellingem, Rodrigo va Tibo Kurtua kabi asosiy...

SK Hynix kompaniyasi dunyo bo‘yicha xotira chiplariga talab keskin oshgani sabab yangi zavodlarini rejalashtirilganidan tezroq ishga tushirishni rejalashtirmoqda. Bu haqda Gizmochina xabar berdi.

Kompaniya Janubiy Koreyaning Yongin shahrida qurilayotgan birinchi chip ishlab chiqarish zavodini belgilangan muddatdan uch oy oldin, taxminan, 2027-yil fevralida ishga tushirishini tasdiqladi. Shuningdek, kelasi oy Chxondju shahrida yuqori o‘tkazuvchanlikka ega xotira mikrosxemalari HBM ishlab chiqarishga mo‘ljallangan yangi M15X zavodi faoliyat boshlaydi.

Bu qaror sun’iy intellekt tizimlarida qo‘llaniladigan HBM xotiralariga bo‘lgan talabning keskin ortishi bilan bog‘liq. Bunday texnologiyalardan Nvidia va AMD kabi yirik kompaniyalar foydalanmoqda. SK Hynix hozirda HBM bo‘yicha yetakchi yetkazib beruvchilardan biri bo‘lib, OpenAI’ning Stargate...

Windows 11 operatsion tizimining yangi versiyasi muhim funksiyalarni, jumladan, Copilot neyron tarmoq yordamchisini o‘chirib qo‘yish imkoniyatini o‘z ichiga oladi. Bu haqda Neowin xabar berdi.

26H1 versiyasi 2026-yilning birinchi choragida chiqariladi. U yangi platformaga asoslangani sababli 25H1’dan sezilarli darajada farq qiladi.

26H1 uchun asosiy yo‘nalishlardan biri operatsion tizim ichida sun’iy intellekt (SI) imkoniyatlarini kengaytirish bo‘ladi. Word va Outlook o‘rtasida tezkor ma’lumotlar almashinuvi mavjud bo‘ladi. Qayta ishlangan Ishga tushirish dialog oynasi kengaytirilgan sozlamalar va yangi tezkor buyruqlar imkonini beradi.

Nashr manbalariga ko‘ra, Copilot operatsion tizimda birinchi marta o‘chiriladi. Ushbu funksiya Windows 11 uchun hajm litsenziyasiga ega boshqariladigan kompyuterlardagi administratorlar uchun...

SAIC Audi qo‘shma korxonasi Audi Q6 2026 krossoverini Xitoy bozorida rasman namoyish etdi. Avtomobil 14 ta komplektatsiyada sotuvga chiqarilgan. Narxlar 467 600 yuandan 610 600 yuangacha, bu taxminan $65 mingdan $85 minggacha degani.

Tashqi ko‘rinish va texnik jihatlar deyarli o‘zgarmagan. Asosiy yangiliklar orasida Sandalwood Brown nomli yangi jigarrang rang paydo bo‘ldi. Far yuvish tizimi esa olib tashlandi.

Dizayn avvalgidek qoldi. Xaridorlar old qism uchun ikkita uslubni tanlashi mumkin. Feathered varianti ko‘p xromli va vertikal radiator panjarasiga ega. Flying Rider varianti esa qora dekor bilan ajralib turadi.

Audi Q6 o‘lchamlari 5099 × 2014 × 1784 mm. G‘ildirak bazasi...

AQSh Yaqin Sharqdagi ayrim harbiy bazalardan xodimlarini ehtiyot chorasi sifatida olib chiqmoqda. Eron rasmiylari AQSh hujum qilsa, javob zarbalari berilishi bilan ogohlantirdi, deya yozmoqda Reuters.

AQSh rasmiysiga ko‘ra, xodimlarni olib chiqish hududdagi keskinlik kuchaygani bilan bog‘liq. G‘arbiy harbiy manba AQSh harbiy aralashuvi ehtimoli borligini, biroq vaqt va ko‘lami aniq emasligini bildirgan. Donald Tramp esa hozircha vaziyatni kuzatib borayotganini aytgan.

Eron tashqi ishlar vaziri Abbas Araqchi namoyishchilar bo‘yicha qatl yoki osish rejalari yo‘qligini ma’lum qildi. Biroq huquq tashkilotlari Eron qamoqxonalarda bunday holatlar mavjudligini qayd etmoqda.

BMT Xavfsizlik Kengashi AQSh tashabbusi bilan Eron masalasini muhokama qiladi. Qatar Al Udeid bazasida...

Bugun, 15-yanvar kuni soat 00:00 dan O‘zbekistonda aholi va qishloq xo‘jaligini ro‘yxatga olish tadbirining birinchi bosqichi rasman boshlandi. Bu haqda Milliy statistika qo‘mitasi xabar berdi.

Mazkur bosqich doirasida 17 kun davomida fuqarolar census.stat.uz rasmiy veb-sayti orqali OneID yagona identifikatsiya tizimi yordamida onlayn ro‘yxatdan o‘tishlari mumkin.

Onlayn ro‘yxatdan o‘tish jarayoni nafaqat O‘zbekiston fuqarolari, balki xorijda vaqtincha bo‘lib turgan vatandoshlar uchun ham ochiq. Ular istalgan joydan yagona identifikatsiya tizimi orqali ro‘yxatdan o‘tish imkoniyatiga ega.

Onlayn ro‘yxatdan o‘tish tartibi bo‘yicha videoyo‘riqnoma maxsus havola orqali taqdim etilgan. Shuningdek, onlayn ro‘yxatdan o‘tgan fuqarolar orasida tasodifiy tanlov asosida qimmatbaho sovg‘alar ham berilishi rejalashtirilgan.

O‘zbekiston milliy terma jamoasi sardori Eldor Shomurodov 2026-yilgi Jahon chempionatida O‘zbekistonning debyuti va jamoadagi muhit haqida gapirdi. Futbolchi FIFA saytiga bergan intervyusida jamoaning guruh bosqichidan o‘tishni maqsad qilganini ta’kidladi.

«His-tuyg‘ularimizni so‘z bilan ifodalash juda qiyin. Nafaqat biz futbolchilar, balki butun O‘zbekiston ushbu Jahon chempionatini orzu qilgan edi. Yakunda hamma natijadan juda xursand bo‘ldi, chunki barchamiz bu xalqimiz va muxlislarimiz uchun nimani anglatishini tushunib turgandik», – dedi Eldor Shomurodov.

Turkiya Superligasining «Bashakshehir» klubi hujumchisi Jahon chempionati nafaqat O‘zbekiston, balki butun Markaziy Osiyo uchun ulkan ahamiyatga ega ekanini qayd etdi. Shomurodovning so‘zlariga ko‘ra, saralash bosqichidagi muvaffaqiyat...

Global ishsizlik darajasi 2026-yilda 4,9 foiz darajasida saqlanib qoladi, bu 186 million kishini tashkil etadi. Bu haqda Xalqaro mehnat tashkilotining yangi Jahon bandlik va ijtimoiy istiqbollari hisobotida keltirilgan.

BMT Yangiliklar xizmati ma’lumotlariga ko‘ra, qariyb 300 million ishchi o‘ta qashshoqlikda yashashda davom etmoqda va kuniga $3 dan kam daromad oladi. Shu bilan birga, norasmiy bandlik o‘sib bormoqda: 2026-yilga kelib, 2,1 milliard kishi ijtimoiy himoya, mehnat huquqlari yoki ishdagi xavfsizligi bo‘lmagan holda ishlaydi.

Ayniqsa, eng yomon mehnat sharoitlariga ega ishchilar yanada noqulay ahvolda qolgan kam daromadli mamlakatlarda taraqqiyot sekinlashdi. Hisobot mualliflari iqtisodiyotlarning yuqori texnologiyali sanoat va xizmatlarga o‘tish jarayonining sekinlashishi unumdorlik...

Tijorat banklari 15-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi. 

Eron havo hududi vaqtincha yopilgani sababli bir qator xalqaro aviareyslar belgilangan manzillariga yetib bora olmadi va jo‘nab ketgan aeroportlariga qaytishga majbur bo‘ldi. Bu haqda Uzbekistan Airport matbuot xizmati xabar berdi.

Xususan, Fly One Asia aviakompaniyasining Madina – Toshkent yo‘nalishidagi 7Q7742 reysi Madina aeroportiga qaytdi. Shu aviakompaniyaning Madina – Farg‘ona yo‘nalishidagi 7Q4442 reysi ham parvozni davom ettira olmay, Madina aeroportiga qaytib kelgan.

Shuningdek, Jazeera Airways aviakompaniyasining Toshkent – Quvayt yo‘nalishidagi J9650 reysi Toshkentdan mahalliy vaqt bilan soat 02:01 da havoga ko‘tarilganiga qaramay, yana Toshkent xalqaro aeroportiga qaytgan.

Sam Air aviakompaniyasining Samarqand – Jidda yo‘nalishidagi 9S3303 reysi esa Samarqanddan soat...

Geely kompaniyasi Xitoyda avtomobillarining narxini keskin tushirdi. Bu haqda Autohome xabar bermoqda.

Unga ko‘ra, aksiya doirasida Coolray va Emgrand modellarining narxlari keskin pasaytirilgan. Xitoy bozorida Geely Binyue nomi bilan sotiladigan Coolray Super Edition 58,8 ming yuan narxda taklif qilinmoqda. Bu taxminan $8,2 mingga teng. Emgrand sedani esa 48,8 ming yuan bo‘lib, qariyb $6,8 ming atrofida baholanmoqda.

Yuqoridagi narxlar ham yakuniy emas. Trade-in dasturi orqali yana 4 ming yuan chegirma olish mumkin. Bundan tashqari, xaridorlarga noma’lum kafolatlangan sovg‘a va’da qilinmoqda.

Geely kompaniyasi shuningdek, avtomobillarni 7 yilgacha bo‘lgan muddatga boshlang‘ich badalsiz kredit asosida xarid qilish imkoniyatini ham taklif etmoqda. Kafolat...

O‘zbekiston Tashqi ishlar vaziri Baxtiyor Saidov Falastinning O‘zbekistondagi yangi tayinlangan elchisi Vaill Ahmed Battrexidan ishonch yorliqlari nusxalarini qabul qildi.

Uchrashuv davomida O‘zbekiston va Falastin o‘rtasidagi munosabatlarni ikki tomonlama va ko‘p tomonlama formatlarda rivojlantirish masalalari muhokama etildi.

Tomonlar davlatlar o‘rtasidagi do‘stona aloqalar hamda konstruktiv muloqotni yanada mustahkamlash muhimligini ta’kidladi.

Shuningdek, O‘zbekiston Tashqi ishlar vazirligi Falastin elchisini mamlakatdagi diplomatik faoliyati davomida har tomonlama qo‘llab-quvvatlashga tayyor ekanini bildirdi.

Eslatib o‘tamiz, avvalroq Belgiya va Italiyaning yangi elchilari O‘zbekistonda faoliyatini boshlagandi. Belgiya elchisi Erik De Mayer hamda Italiya elchisi Gvido De Sanktis O‘zbekistonda o‘z diplomatik faoliyatlarini boshladi. O‘zbekiston Tashqi ishlar vaziri Baxtiyor Saidov ulardan ishonch yorliqlari nusxalarini qabul qilib...

Kia kompaniyasi eng arzon elektromobilini ishlab chiqish imkoniyatini ko‘rib chiqmoqda. Yangi model EV1 nomi bilan chiqishi mumkin. U brendning batareyali avtomobillar qatoridagi eng hamyonbop variantga aylanishi kutilmoqda.

Hozircha Kia elektromobillari orasidagi eng oddiy model EV2 hisoblanadi. Ushbu avtomobil uzunligi taxminan 4 metr bo‘lib, 2026-yilda taqdim etilishi rejalashtirilgan. EV2’ning boshlang‘ich narxi qariyb 30 ming yevro bo‘lishi kutilmoqda.

Kompaniya rahbari Ho Son Son ilgari ham yanada kichik va arzon elektromobil zarurligini ta’kidlagan. Kia EV1 shu ehtiyojdan kelib chiqib yaratilishi mumkin. Model bozorga chiqsa, u Volkswagen ID.1 va yangi Renault Twingo bilan raqobat qilishi kutilmoqda.

Kia dizayn guruhi vakili Yo‘hen Pessan Bryusseldagi...

AQSh Davlat departamenti 75 mamlakat, jumladan, O‘zbekiston uchun ham immigratsiya vizalarini vaqtincha to‘xtatishga qaror qildi. Bu haqda Foxnews ma’lum qildi.

2025-yil noyabrida Davlat departamenti konsulliklarga ommaviy yordamga muhtoj bo‘lish sharti asosida yangi tekshiruv qoidalarini qo‘llashni buyurdi. Konsullar sog‘liq, yosh, moliyaviy holat va uzoq muddatli tibbiy yordamga ehtiyoj kabi omillarni hisobga olib, yordamga muhtoj bo‘lishi mumkin deb baholangan arizachilarga vizani rad etadi. Yosh, ortiqcha vaznga ega, ilgari davlat nafaqasi olgan shaxslar ham rad etilishi mumkin.

Ma’lumot uchun, jarayon 2026-yil 21-yanvardan boshlanadi va departament immigrant vizalarini qayta ko‘rib chiqmaguncha davom etadi. Mazkur qaror immigrantlarning kirishini nazorat qilish va amerikaliklarning saxiyligini...

2026-yilgi Chevrolet Tracker narxi AQSh bozorida oshirildi. Bu haqda GMAutority xabar bermoqda.

General Motors 2025-yil dekabr oyidan boshlab barcha komplektatsiyalar uchun $500 miqdorida qo‘shimcha kiritdi. Narx oshishiga asosiy sabab yetkazib berish xarajatlarining $400 ga ko‘tarilib, $1,7 mingga yetgani bo‘ldi. Modelning bazaviy narxi ham $100 ga oshdi.

Endilikda Tracker LS versiyasi yetkazib berish bilan birga $23,4 ming turadi. 1RS va LT komplektatsiyalari $25 mingdan boshlanadi. 2RS va Activ variantlari esa $27,1 ming narxda taklif etilmoqda. Shunga qaramay, Tracker AQShdagi yangi avtomobillar orasida ikkinchi eng arzon model maqomini saqlab qoldi.

Сhevrolet Tracker Nissan Sentra, Toyota Corolla va Chevrolet Trailblazer kabi raqiblaridan...

Shavkat Mirziyoyev turizm, transport va ijtimoiy infratuzilmani rivojlantirishga qaratilgan qurilish loyihalari taqdimoti bilan tanishdi. Bu haqda prezident matbuot xizmati ma’lum qildi.

Taqdimotda mamlakatda iqtisodiy o‘sish sur’atlari va xalqaro hamkorlik kengayib borayotgani infratuzilmani zamonaviy talablar asosida rivojlantirishni taqozo etayotgani qayd etildi. Shu munosabat bilan turli hududlarda transport tarmoqlari, xizmat ko‘rsatish obyektlari va ijtimoiy binolarni barpo etish bo‘yicha rejalashtirilgan loyihalar muhokama qilindi.

Xiva shahrida Kongress markazi hamda tarixiy-etnografik bog‘ barpo etish rejalari taqdim etildi. Ushbu inshootlar yirik xalqaro anjumanlarni o‘tkazish va turistlar oqimini oshirishga xizmat qilishi ta’kidlandi. Shuningdek, Konfutsiy instituti va Lu Ban ustaxonasini tashkil etish orqali madaniy-ma’rifiy tadbirlar o‘tkazish...