Yangiliklar

O‘zbekiston Superligasining 29-turi doirasida «Neftchi» o‘z maydonida «Qizilqum»ni 4:1 hisobida mag‘lub etib, 2025-yilgi mavsum chempionligini muddatidan oldin qo‘lga kiritdi.

Ushbu g‘alaba farg‘onaliklarga 64 ochko to‘plash imkonini berdi va turnir jadvalida peshqadamlikni qo‘ldan chiqarmaslikka xizmat qildi. Eng yaqin ta’qibchi «Paxtakor» hisobida 59 ochko bor.

Farg‘onaliklar gollarini Alisher Odilov (3 va 19-daqiqalar), Jamshid Iskanderov (66-daqiqa) va Ibrohimhalil Yo‘ldoshev (87-daqiqa) kiritdi. «Qizilqum»ning yagona goliga 60-daqiqada Shohruz Norhonov mualliflik qildi.

«Neftchi» O‘zbekiston chempionligi bo‘yicha natijalarini oltiga yetkazdi. Bu ko‘rsatkich bo‘yicha klub «Paxtakor»dan keyin ikkinchi o‘ringa chiqib oldi. Toshkent klubi 16 marta O‘zbekiston chempioni bo‘lgan.

Shuningdek, «Bunyodkor» 5 marta, «Lokomotiv» 3 marta, «Do‘stlik» 2 marta...

Oʻzbekiston aeroportlari 2025-yilning yanvar – oktabr oylarida 12 milliondan ortiq yoʻlovchilarga xizmat koʻrsatdi. Bu haqda Uzbekistan Airports axborot xizmati xabar berdi.

Ta’kidlanishicha, shundan 10,38 millioni xalqaro yoʻnalishlar, 2,2 millioni esa ichki reyslar hissasiga toʻgʻri keladi. Hisobot davrida respublika aeroportlari 105 mingta reysga xizmat koʻrsatdi. Ulardan 30 mingtasi ichki, 75 mingtasi xalqaro yoʻnalishlarda amalga oshirilgan. Bu koʻrsatkich 2024-yilning mos davriga nisbatan 13 foiz yuqori.

Shu bilan birga, yuk va pochta aylanmasi ham ortdi. 2025-yilning dastlabki 10 oyida 78 ming tonna yuk qayta ishlangan. Bu oʻtgan yilga nisbatan 12 foiz koʻproq.

Yoʻlovchi oqimi boʻyicha Toshkent xalqaro aeroporti mutlaq yetakchi boʻlib qoldi...

2025-yilning yanvar – oktabr oylarida Oʻzbekistonda 370 mingdan ortiq yengil avtomobillar ishlab chiqarildi. Bu haqda Milliy statistika qoʻmitasi ma’lum qildi.

Unga koʻra, bu oʻtgan yilning mazkur davriga nisbatan 30,2 ming donaga koʻp. Eng koʻp ishlab chiqarilgan model Cobalt boʻlib, hisobot davrida 131 ming dona yigʻildi. Ishlab chiqarish hajmi boʻyicha 75 ming dona bilan Damas ikkinchi boʻldi. Shuningdek, 40 ming dona Tracker, 25 ming dona Onix ishlab chiqarildi.

Shu bilan birga, mahalliy zavodlarda yigʻilayotgan xorijiy brendlar ham oʻsishni davom ettirdi. Jumladan, KIA – 21 ming dona, Chery – 7,7 ming dona, Haval – 7,6 ming dona, BYD...

AQSh prezidenti Donald Tramp Braziliya qishloq xoʻjaligi mahsulotlari, jumladan, qahva va kakao importiga qoʻyilgan 40 foizlik bojni bekor qilgani ortidan jahon bozorida qahva narxi keskin tushdi. Bu haqda Reuters xabar berdi.

Ta’kidlanishicha, qaror amerikalik iste’molchilar orasida oziq-ovqat mahsulotlari narxlarining oshishidan kelib chiqayotgan norozilik kuchaygani fonida qabul qilingan. AQShda qahvaning chakana narxi sentabr oyida yillik hisobda 40 foizga oshgan. Braziliya esa AQSh iste’mol bozoriga oʻz qahva hosilining uchdan bir qismini yetkazib beradi.

Juma kungi savdolarda ICE birjasida arabika fyucherslari dastlab 6 foizga arzonlab, so‘nggi ikki oy ichidagi eng past ko‘rsatkichga tushdi. Keyinchalik pasayish sur’ati sekinlashib, narx –1,6 foiz darajasida barqarorlashdi...

Soʻnggi kunlarda Toshkent shahrida atmosfera havosidagi mayda dispersli zarrachalar (PM10) miqdorining oshishi aholida xavotir uygʻotdi. «OʻzGidromet» direktori Sherzod Habibullayevning rasmiy bayonotiga koʻra, havo sifatining yomonlashuvi bir vaqtning oʻzida namoyon boʻlgan uchta asosiy tabiiy omil bilan bogʻliq.

Birinchi omil — keskin harorat almashishi va inversiya

Joriy hafta havo harorati qisqa muddat ichida keskin oʻzgardi. Issiq kunlardan sovuq kunlarga oʻtishda inversiya deb ataluvchi jarayon yuzaga keladi: sovuq havo pastda, issiq havo yuqorida qoladi va havo qatlamlari aralashmaydi. Natijada mayda zarrachalar past qatlamda toʻplanib, ularning konsentratsiyasi tez koʻtariladi. Bu holat Toshkent, Olmaota, Bishkek va Dushanbe kabi shaharlarda har yili kuz-qish oylarida...

Rossiya Davlat dumasi chet ellik ishchilar tomonidan majburiy tibbiy sugʻurta (MTS) polisini olish tartibini keskin qattiqlashtiruvchi qonunni ma’qulladi. Bu haqda Davlat dumasi matbuot xizmati xabar berdi.

Qonunga ko‘ra, endilikda bepul tibbiy yordam olish uchun muhojir kamida besh yil davomida Rossiya hududida qonuniy ishlagan boʻlishi shart. Davlat dumasi raisi Vyacheslav Volodinning ta’kidlashicha, bepul tibbiy xizmat faqat Rossiyada uzoq muddat mehnat qilgan shaxslarga taalluqli boʻladi.

«Mamlakatimizga ishlash uchun kelib, yuqori standartdagi ijtimoiy kafolatlardan foydalanmoqchi boʻlgan fuqarolar bunga halol va qonuniy mehnat orqali oʻz huquqini tasdiqlashi kerak. Faqat favqulodda holatlar bundan mustasno», – dedi Volodin.

Hozirda MTS polisini...

Oʻzbekistonda 22 – 23-noyabr kunlari 20 ta tijorat banki oʻzining ayrim filiallarida valyuta ayirboshlash xizmatlarini davom ettiradi. Bu haqda Markaziy bank axborot xizmati ma’lum qildi.

Markaziy bank dam olish kunlari ishlaydigan bank boʻlimlari roʻyxatini e’lon qildi. Ularda nafaqat valyuta ayirboshlash, balki pul oʻtkazmalari xizmatlari ham koʻrsatiladi.

Аgrobank;

Аpexbank;

Asia Alliance bank ;

BRB;

Ipoteka bank;

Milliy bank;

Tenge bank;

Trastbank;

Hamkorbank;

Anor bank;

Asaka bank;

Garant bank;

Hayot bank;

InFin bank;

Saderot bank;

Universalbank;

Turon bank;

SQB;

Kapital bank;

Toshkentda boʻlajak kelinning uyini aldov yoʻli bilan sotib yuborgan fuqaroga hukm oʻqildi. Jinoyat ishlari boʻyicha Mirzo Ulugʻbek tumani sudining 21-noyabr kuni boʻlib oʻtgan ochiq majlisida u 9 yilga ozodlikdan mahrum qilindi. Bu haqda jabrlanuvchining vakillari ma’lum qildi.

Sud hukmida aytilishicha, Rismatov Jinoyat kodeksining 168-moddasi 4-qismi (juda koʻp miqdorda firibgarlik) boʻyicha aybli deb topilgan. U tayinlangan jazo muddatini umumiy tartibli koloniyada oʻtaydi. Shuningdek, sudlanuvchidan uch nafar jabrlanuvchi foydasiga jami 4 mlrd 879 mln so‘m miqdorida zarar undirilishi belgilandi.

Shayxontohur tumani, Katta Oqtepa mahallasidagi uy yuzasidan tuzilgan oldi-sotdi shartnomalarini bekor qilish masalasi fuqarolik ishlari boʻyicha sudda koʻrib chiqilishi belgilangan. Jabrlanuvchilar advokati Qodirjon Rahimov suddan aynan...

Avtomobil olamida modellar kun sayin ko‘payib bormoqda. Kursiv Uzbekistan nashrining ushbu maqolasida dunyodagi eng noodatiy avtomobillar va ularning tarixi haqida so‘z boradi.

Mundarija:

Peel P50 – dunyodagi eng kichik avtomobil afsonasi

1960-yillarda Britaniyaning Peel Engineering kompaniyasi yaratgan Peel P50 Ginnes rekordlar kitobiga...

22-noyabr kuni O‘zbekiston hududida havo o‘zgaruvchan bo‘ladi, yog‘ingarchilik kutilmaydi. Harorat kechasi 0–7° iliqdan 4–6°, kunduzi esa 8–21° atrofida iliq bo‘ladi, deya prognoz qilmoqda «O‘zgidromet» agentligi.

Quyida ob-havo ma’lumoti viloyatlar keismida:

Saudiya Arabistonining Ar-Riyod shahrida o‘tkazilgan VI Islom birdamligi o‘yinlarida o‘zbekistonlik atletlar jami 96 medal — 29 ta oltin, 35 ta kumush va 32 ta bronza bilan umumjamoa hisobida ikkinchi o‘rinni egalladi. Bu haqda Sport vazirligi ma’lum qildi.

O‘yinda jami 155 ta medal bilan Turkiya birinchi o‘rinni egalladi. Eron esa 81 ta medal jamg‘argan holda kuchli uchlikni yakunlab berdi. To‘rtinchi va beshinchi o‘rinlarni musobaqaga mezbonlik qilgan Saudiya Arabistoni (56 ta medal) va Misr (45 ta medal) band etdi.

Shuningdek, Qozog‘iston 56 ta, Bahrayn 33 ta, Nigeriya 30 ta, Marokash 26 ta hamda Ozarbayjon 55 ta medallar shodasi bilan VI...

Digital Chat Station insayderi Oppo K15 Turbo Pro smartfonining prototipi bilan tanishdi. Bu haqda Gizmochina ma’lum qildi.

Unga ko‘ra, modelda miniatur suvga chidamli ventilyator mavjud. Odatda bunday ventilyatorlar yuqori darajadagi o‘yin modellari uchun mo‘ljallangan, ammo Oppo K15 Turbo ular qatoriga kirmaydi, chunki prototip asosida Snapdragon 8 Gen 5 chipi yotibdi. Bunday ventilyator Oppo K13 Turbo Pro modelida ham joylangan.

Oppo K15 Turbo Pro 6,78 dyuymli, 1,5K OLED ekranga ega bo‘lib, batareya sig‘imi taxminan 8000 mA·soatni tashkil qiladi. Kameralar QR-kodlarni skanerlash uchun yetarlicha yaxshi darajada bo‘lib, fotosurat imkoniyatlariga urg‘u berilmagan.

Asosiy element Snapdragon 8 Gen 5 chipi va u Oppo...

FIFA 2026-yilgi futbol bo‘yicha Jahon chempionatining birinchi rasmiy posterini muxlislar e’tirozidan so‘ng ijtimoiy tarmoqlardan olib tashladi. Bu haqda SportBible xabar bermoqda.

Tanqidga sabab bo‘lgan ushbu rasmda Portugaliya jamoasi Krishtianu Ronaldu emas, balki yarim himoyachi Bruno Fernandesh bilan tasvirlangan. Olib tashlangan posterda Jahon chempionatiga allaqachon yo‘llanma olgan 42 ta jamoaning bittadan futbolchisi ko‘rsatilgan.

Portugaliya vakili sifatida 5 karra «Oltin to‘p» sohibi bo‘lgan Ronaldu o‘rniga «Manchester Yunayted» klubi yarim himoyachisi Bruno Fernandesh kiritilgani muxlislarning noroziligiga sabab bo‘ldi. Posterda O‘zbekiston vakili sifatida Eldor Shomurodov tanlangan.

Hozirda 40 yoshda bo‘lgan va Saudiya Arabistonining «An-Nasr» klubida to‘p surayotgan Ronaldu «JCh – 2026» o‘zining so‘nggi...

Prezident qarori bilan O‘zbekiston Respublikasi Turizm qo‘mitasi faoliyati rasman tashkil etildi. Bu haqda Adliya vazirligi ma’lum qildi.

Unga ko‘ra, qo‘mita turizm sohasini tartibga solish va uni jadallik bilan rivojlantirish bo‘yicha davlat siyosatini amalga oshiradigan ijro etuvchi organ sifatida belgilandi. 2030 yilga qadar turizm sohasining yalpi ichki mahsulotdagi ulushi 3,5 foizdan 7 foizga yetkazilishi, shuningdek, chet ellik turistlar soni yiliga 10 mlndan 20 mlngacha oshirilishi rejalashtirilgan.

2026 – 2028-yillarda bir qator yirik loyihalar amalga oshiriladi. Jumladan, Samarqand shahridagi eng muhim tarixiy obyektlarni bog‘laydigan 6,6 km uzunlikdagi «Meros yo‘li» turistik marshruti tashkil etiladi. Shu bilan birga, Xiva shahridagi «Ichan-qal’a» majmuasi dunyoda...

Davlat xavfsizlik xizmati va chegara qo‘shinlari hamkorligida tezkor tadbirda Rossiyadan noqonuniy olib kelingan tibbiy buyum va dori vositalari to‘xtatib qolindi. Bu haqda DXX matbuot xizmati ma’lum qildi.

Unga ko‘ra, «Volgograd – Toshkent» yo‘nalishida harakatlanayotgan poyezdlardan ikki vagonda yashirincha olib kirilgan qimmatbaho tibbiy anjom va dorilar aniqlandi. 7-vagon kuzatuvchisi, Samarqand shahrida yashovchi 1981-yilda tug‘ilgan shaxs tomonidan vagonga yashirilgan 2742 dona turli turdagi stomatologik buyumlar va implantlar, taxminan 913 mln so‘m qiymatida rasmiylashtirib olindi.

Shuningdek, 12-vagon kuzatuvchisi, Toshkent shahrida yashovchi 1976-yilda tug‘ilgan shaxs tomonidan yashirincha olib kelingan 894 dona dori vositalari va tibbiy anjomlar, taxminan 1,5 mlrd so‘m qiymatida, dalil sifatida...

Hukumat qaroriga muvofiq, vafot etgan shaxslarni dafn etish va ro‘yxatga olish jarayoni raqamlashtiriladi. Bu haqda Adliya vazirligi ma’lum qildi.

Unga ko‘ra, yangi elektron xizmatlar orqali ushbu jarayonlar monitoring qilinadi va «FHDYOning yagona elektron arxivi» tizimida «Dafn etish ishlarini ro‘yxatga olish yagona elektron daftari» moduli hamda uning mobil ilovasi ishlab chiqiladi.

2026-yil 1-martdan vafot etgan shaxsning ota-onasi, eri yoki xotini va farzandlari shaxsiy kabinetlari orqali QR-kodli ma’lumotnoma bepul olishlari mumkin. Bu ma’lumotnoma gerbli guvohnomaga tenglashtiriladi.

2026-yil 1-iyuldan 31-dekabrgacha Toshkent shahrida eksperiment sifatida qabriston mudirlari va nazoratchilari dafn etish ishlarini faqat elektron modul yoki mobil ilova orqali amalga oshirishadi; qog‘oz shaklida...

Prezident qaroriga muvofiq, BMTning Butunjahon turizm tashkiloti huzurida Xalqaro turizm akademiyasi Samarqand kampusi faoliyati yo‘lga qo‘yiladi. Bu haqda Adliya vazirligi ma’lum qildi.

Unga ko‘ra, akademiya «Ipak yo‘li» turizm va madaniy meros xalqaro universiteti tarkibida faoliyat yuritadi hamda o‘zbek, rus va ingliz tillarida ta’lim beradi. Yangi markaz dunyodagi eng nufuzli TOP – 10 ta’lim tashkilotlaridan biri bilan hamkorlik o‘rnatib, shu asosda malakali mutaxassislar tayyorlashni yo‘lga qo‘yadi.

Shuningdek, 1 oygacha bo‘lgan malaka oshirish kurslari va 8 oygacha mo‘ljallangan qayta tayyorlash dasturlarini tashkil etish ham Akademiyaning muhim vazifalaridan biri hisoblanadi.

2025-yil 1-dekabrdan boshlab turizm sohasi xodimlari shartnoma asosida qayta tayyorlanadi va malakasini...

«O‘zgidromet»ning ma’lum qilishicha, joriy yilning dekabr oyida havo normadan biroz issiqroq bo‘lishi kutilmoqda.

O‘rtacha oylik harorat normaga nisbatan 1-1,5° baland bo‘ladi. Birinchi o‘n kunlikda havo asosan iliq: kechasi 0…+5°, kunduzi +10…+15°. Ikkinchi va uchinchi o‘n kunliklarda harorat keskin o‘zgarib turadi: kechasi +2…+7° dan 0…–5° gacha, kunduzi +12…+17° dan +2…+7° gacha. Oylik yog‘ingarchilik miqdori norma atrofida yoki undan kam bo‘lishi kutilmoqda.

Yanvarda anomal sovuq kutiladi

Yanvar oyi umumiy holatda normaga yaqin, ayrim hududlarda biroz sovuqroq bo‘ladi. Birinchi va ikkinchi o‘n kunliklarda harorat katta diapazonda o‘zgarib turadi: kechasi +3…+8° dan –3…–8° gacha, kunduzi +10…+15° dan –2…+3° gacha. Uchinchi o‘n...

Bangladeshda 5,7 magnitudali zilzila sodir bo‘ldi. Zilzila natijasida besh kishi, shu jumladan, bir bola halok bo‘lgan va 100 ga yaqin kishilar jarohatlangan. Bu haqda Reuters xabar berdi.

Zilzila epitsentri Narsingdi shahrida, Dakkadan taxminan 40 km sharqda joylashgan. Tabiiy ofat oqibatida Dakka universiteti talabalari, Gazipur shahridagi zavod ishchilari va Narsingdi aholisi jarohat olgan. Politsiya zilzila vaqtida olti qavatli bino panjarasining qulashi oqibatida uch kishi halok bo‘lganini ma’lum qildi.

Sog‘liqni saqlash bo‘yicha maslahatchi Nurjaxon Begum Narsingdidan kasalxonaga olib kelingan bir necha jarohatlanganlarning ahvoli og‘ir ekanini bildirdi. Dakka aholisi kuchli silkinishlarni sezganida, binolar silkinib, ayrim inshootlar qulab tushgan.

Tailandda o‘tkazilgan «Koinot go‘zali – 2025» tanlovida Meksika vakili Fotima Bosh g‘olib bo‘ldi, deb xabar bermoqda CNN. Uning g‘alabasi mazkur mavsumdagi eng shov-shuvli janjallardan biriga aylandi.

Final arafasida shou direktori Navat Itsaragrisil meksikalik ishtirokchini omma oldida haqorat qildi. U qizga baqirib, tadbirni o‘tkazib yuborgani uchun «ahmoq» deb atadi va uni zaldan chiqarib yuborishni talab qildi. Bosh «o‘zi bilan bunday gaplashishga yo‘l qo‘ymasligini» aytib, yig‘ilishni tark etdi.

Shundan so‘ng hodisa katta norozilik to‘lqinini keltirib chiqardi. Ko‘plab ishtirokchilar Fotima bilan birdamlik belgisi sifatida chiqib ketdi. Keyinchalik uni haqorat qilgan tashkilotchi omma oldida kechirim so‘radi.

Nashrga ko‘ra, janjalga «Koinot go‘zali...

O‘zbekistonning barcha viloyatlarida piyodalar harakati uchun qulay, xavfsiz va sayyohlar uchun jozibador muhit yaratish maqsadida avtomobildan xoli hududlar tashkil etiladi. Bu haqda Turizm qo‘mitasi xabar berdi.

Ushbu hududlarda avtomobillarsiz zonalar kengaytirilmoqda:

Rossiyada migrantlar uchun tibbiy sug‘urta polisini olish tartibi o‘zgardi. Davlat dumasi raisi Vyacheslav Volodinning ma’lum qilishicha, yangi qonun migrantlarning bepul tibbiy xizmatdan foydalanish imkoniyatini cheklaydi.

Yangi tartibga ko‘ra, Rossiyada kamida besh yil davomida qonuniy mehnat qilgan migrantlargina bepul tibbiy yordam olish huquqiga ega bo‘ladi. Faqat favqulodda holatlar bundan mustasno, bunday vaziyatlarda tibbiy sug‘urta bor-yo‘qligidan qat’i nazar yordam ko‘rsatiladi.

Volodinning fikricha, Rossiyaning ijtimoiy kafolatlaridan foydalanmoqchi bo‘lgan xorijliklar bu huquqni halol mehnat bilan isbotlashi kerak.

Qonunga kiritilgan o‘zgartirishlar 2025-yil sentyabr oyida hukumat tomonidan kelgusi uch yillik budjet paketi doirasida ishlab chiqilgan.

Avvalroq Kursiv Uzbekistan migrantlar uchun imtiyozli sugʻurta tariflari joriy etilishi...

Apple OLED LTPO o‘rniga yangi HMO displeylarini sinovdan o‘tkazmoqda. Bu haqda WCCF Tech xabar bermoqda. Texnologiya High Mobility Oxide deb ataladi. U energiyani kam iste’mol qiladi.

Samsung HMO displeylarini ommaviy ishlab chiqarishga tayyor. Shuning uchun Apple bu texnologiyani kutganidan ham erta qo‘llashi mumkin.

Axborotlarga ko‘ra, Apple Samsung bilan eksklyuziv kelishuv tuzgan.

HMO displeylari elektr signallarini tezroq qayta ishlaydi. Bu telefonning javob berish tezligini oshiradi. Energiya sarfi ham kamayadi. Ishlab chiqarish narxi arzonroq bo‘lishi kutilmoqda. Shu bois Apple uchun ham, boshqa ishlab chiqaruvchilar uchun ham foydali.

Yangi HMO ekranlar iPhone 18 Pro va iPhone Fold modellarida paydo bo‘lishi mumkin.

Eslatib...

O‘zbekiston terma jamoasining sobiq bosh murabbiyi Timur Kapadze Indoneziyada bo‘lib turgani haqidagi videolar ijtimoiy tarmoqlarda paydo bo‘ldi.

Kapadze terma jamoadan iste’foga chiqqanidan keyin bir nechta klublar va terma jamoalardan tushgan takliflarni ko‘rib chiqayotganini ma’lum qilgan edi. Mutaxassisning aynan shu vaqtda mamlakatda ekanligi uning Indoneziya terma jamoasi bosh murabbiyi lavozimiga asosiy nomzodlardan biri ekanligi haqidagi taxminlarni yanada kuchaytiradi.

Indoneziya terma jamoasiga 2025-yilning yanvar oyida niderlandiyalik sobiq futbolchi Patrik Klyuvert bosh murabbiy etib tayinlagan edi. Klyuvert qo‘l ostida terma jamoa 8 ta o‘yin o‘tkazib, 3 g‘alaba, 1 durang va 4 mag‘lubiyat qayd etdi. Jahon chempionatiga chiqish maqsadi bajarilmagach Klyuvert istefoga...