Yangiliklar

«Parij – 2024» yozgi Olimpiya o‘yinlarida medallar jamg‘arish bo‘yicha jadvalda o‘zgarish bo‘ldi. Bu haqda Xalqaro olimpiya qo‘mitasi xabar bermoqda.

9-avgust kuni Toshkent vaqti bilan soat 11:35 holatiga ko‘ra, AQSh turnir peshqadami, Xitoy ikkinchi o‘rinda, Avstraliya va Fransiya uchinchi hamda to‘rtinchi o‘rinlarni band qilib turibdi.

Mamlakat sportchilari Ulug‘bek Rashitov (taekvondo), Hasanboy Do‘smatov (boks) O‘zbekistonning medallar jamlanmasiga ikkita oltin medalni qo‘shdi. Shu tariqa O‘zbekiston jadvalda Qozog‘istonni ortda qoldirib, Markaziy Osiyo bo‘yicha yetakchilikni qo‘lga oldi.

Avvalroq «Kursiv» Hasanboy Do‘smatov Olimpiadadagi g‘alabasi haqida fikr bildirgani haqida xabar beran edi.

Shu yilning 7-avgustda Naibobod temir yo‘l stansiyasi qayta ochilishiga bag‘ishlangan ochilish marosimi o‘tkazildi. Bu haqda O‘zbekiston temir yo‘llari media markazi xabar qildi.

Unga ko‘ra, qayta tiklanish «O‘zbekiston temir yo‘llari» AJ va Afg‘oniston temir yo‘l boshqarmasi hamkorligida tuzilgan bitimga muvofiq yo‘lga qo‘yildi. Unda O‘zbekistondan maxsus vakil Ismatulla Irgashev va «O‘zbekiston temir yo‘llari» AJ raisining birinchi o‘rinbosari Xikmatulla Rahmetov ishtirok etdi.

Afg‘oniston delegatsiyasida Bosh vazir o‘rinbosari Mulla Abdul G‘ani, Balx viloyati gubernatori Muhammad Yusef Vafo, jamoat ishlari vaziri Al-Haj Muhammad Iso «Soniy», jamoat ishlari vazirining temir yo‘llar bo‘yicha o‘rinbosari Alhaj Baxtulrahmon Sharafat va boshqa rasmiylar ishtirok etdi.

Afg‘oniston 75 km...

Hasanboy Do‘smatov Olimpiadadagi g‘alabasi haqida fikr bildirdi, deya xabar beradi Milliy olimpiya qo‘mitasi.

Uning ikki karra Olimpiada chempioni bo‘lishida ko‘maklashgan barcha o‘zbek xalqiga, prezidentga, murabbiylariga minnatdorchilik bildirgan.

«Hammasiga rahmat aytaman, Allohga shukur, men nima sababdan boksdan ketmadim? Sababi men ikki karra Olimpiada chempioni bo‘lish uchun boksda edim va men buni uddaladim. Barchaga rahmat», deb qo‘shimcha qildi Hasanboy.

Eslatib o‘tamiz, Hasanboy Do‘smatov 2016-yil Rioda o‘tkazilgan olimpiada o‘yinlarida ham oltin medalni qo‘lga kiritgan edi.

Avvalroq «Kursiv» Hasanboy Do‘smatov Olimpiada oltin medalini qo‘lga kiritgani haqida xabar bergan edi.

«Toshshahartransxizmat»ning 1062 ishonch raqamiga yo‘lovchilardan tushgan shikoyatlarga binoan avtobuslar harakatlanishi ustida nazorat kuchaytirildi. Bu haqda regulyator o‘z matbuot xizmati orqali xabar berdi.

Unga ko‘ra, «Toshshahartransxizmat» AJga avtobuslarning metropoliten stansiyalariga yaqin avtobus oraliq bekatlarida ko‘p vaqt kutib qolishlari haqida murojaatlar kelib tushgan. Shunga binoan, Harakat xavfsizligini nazorat qilish boshqarmasi xodimlari muammoli bekatlar ro‘yxatini shakllantirdi.

Shuningdek, bunday muammoni bartaraf etish maqsadida boshqarma xodimlari bir qator nazorat tadbirlari doirasida haydovchilarga tushuntirish ishlari amalga oshirildi.

Eslatib o‘tamiz, avvalroq Toshkentda 1700 ta avtobus smartlashtirilishi haqida yozgan edik.

Qozog‘iston poytaxti Ostona shahrida shoir va davlat arbobi Alisher Navoiy haykali ochildi, deb xabar berdi O‘zbekiston prezidenti Shavkat Mirziyoyev matbuot xizmati.

Bir kun avval davlat rahbari Qozog‘iston prezidenti Qosim-Jomart Toqayev bilan birgalikda haykalni ochdi.

«Ishonchim komilki, Alisher Navoiy haykali ikki xalq o‘rtasidagi do‘stlik va qardoshlik rishtalarining yana bir yorqin ramziga aylanadi, uning merosi esa yana ko‘plab avlodlarni buyuk yutuqlarga ilhomlantiradi» dedi so‘zining yakunida O‘zbekiston prezidenti.

Xabarda, shuningdek, Toshkentda qozoq adabiyoti klassikasi Abay Qo‘nonboyev haykali o‘rnatilgani qayd etilgan.

Eslatib o‘tamiz, bir kun avval Mirziyoyev va Toqayev 10 yillik strategik sheriklik haqidagi qarorni imzolagan.

Joriy yilning dastlabki 6 oyida O‘zbekistonga to‘qqiz mingdan ziyod Buyuk Britaniya aholisi turistik maqsadlarda kirib kelgan. Bu haqda Statistika agentligi xabar beradi.

Ushbu ko‘rsatkichlar o‘tgan yilning ushbu davrida 6,7 ming nafarni tashkil etgan. 2024-yilda Britaniyalik sayyohlar soni 2023-yilga mos davriga nisbatan 2,3 ming nafarga, ya’ni 34,5 foziga ko‘proq.  

Buyuk Britaniya fuqarolarining 7,4 ming nafari dam olish, 862 nafari qarindoshlarini ko‘rish, 679 nafari xizmat maqsadida, 32 nafari tijorat, 31 nafari o‘qish va ikki nafari davolanish uchun kelgan.

Avvalroq «Kursiv» davolanish maqsadida Oʻzbekistonga kelayotgan chet el fuqarolarining soni ortganligi haqida xabar bergan edi.

2024-yil 8-avgust kuni Gruziyaning Georgian Airlines aviakompaniyasi Xaykou – Navoiy – Tbilisi yo‘nalishi bo‘yicha birinchi charter yuk reysini amalga oshirdi. Bu haqda Uzbekistan Airports xabar berdi.

Gruziya samolyoti mahalliy vaqt bilan soat 16:43 da Navoiyga qo‘ndi. An’anaga ko‘ra yuk tashuvchi samolyot suv arkasi bilan tantanali ravishda kutib olindi.

Xitoydan Gruziyaga uchuvchi reyslar haftasiga ikki marta Navoiyda texnik toʻxtash bilan amalga oshirilishi rejalashtirilgan. Parvozlar Boeing 767-300 yuk tashuvchi samolyotlari orqali amalga oshiriladi.

Georgian Airlines Gruziyaning xususiy aviatashuvchisi boʻlib, shtab-kvartirasi Tbilisida joylashgan yirik aviakompaniyadir.

Eslatib o‘tamiz, sal avvalroq Fransiya aviakompaniyasi Navoiyga parvozlarni yo‘lga qo‘ygan edi.

Noyabrdan boshlab Rossiyada kriptovalyutani mayning qonuniylashtiriladi. Tegishli qonunni mamlakat prezidenti Vladimir Putin imzoladi.

Hujjat Rossiya hukumatiga jismoniy va yuridik shaxslar tomonidan kriptovalyuta mayningi uchun talablarni belgilash huquqini beradi. Vazirlar Mahkamasi ushbu faoliyatni ayrim hududlarda taqiqlashi mumkin.

Rossiyada mayning faoliyatini amalga oshiruvchi yakka tartibdagi tadbirkorlar va kompaniyalar reyestri yaratiladi. Unga fuqarolar kiritilmaydi.

Rossiyaliklarga mayning jarayonida valyutadan mamlakat ichidagi to‘lovlar uchun foydalanishga ruxsat beriladi.

Qonun bir qator cheklovlarni kiritadi. Shunday qilib, raqamli valyutalarni reklama qilish va sotish taqiqlanadi.

Avvalroq «Kursiv» O‘zbekistonda 20-apreldan respublika jinoiy va ma’muriy qonunchiligiga kripto-aktivlarni noqonuniy sotib olish yoki sotish, shuningdek, mayning uchun javobgarlik to‘g‘risidagi o‘zgartirishlar kuchga kirgani...

Amerikalik qo‘shiqchi Teylor Svift terakt xavfi tufayli Avstriya poytaxti Vena shahridagi konsertini bekor qildi, deb xabar berdi Die Zeit nashri.

Konsert Ernst Happel stadionida uch kun davomida (10-avgustgacha) bo‘lib o‘tishi kerak edi.

Avstriya huquq-tartibot idoralari chorshanba kuni terrorizmda gumon qilingan ikki kishini hibsga oldi. Ular «Islom davlati» askarlari edi. Politsiya ma’lumotlariga ko‘ra, 17 va 19 yoshli yigitlar Svift kontsertida pichoq, machetelar, portlovchi moddalar va mashina yordamida terakt uyushtirishni rejalashtirgan.

Xonandaning Venadagi har bir konsertiga kamida 65 ming kishi tashrif buyurishi mumkin edi.

Avvalroq «Kursiv» bu yil Svift Grammy musiqa mukofotlari soni bo‘yicha rekordchi bo‘lganini e’lon qilgan edi.

Yana bir o‘zbekistonlik bokschi Abdumalik Xalokov PariJ-2024 Olimpiada finaliga chiqdi, deb xabar berdi respublika Milliy Olimpiya qo‘mitasi (MOQ).

Yarim finalda Xalokov avstraliyalik Charli Seniorni mag’lub etdi. Bokschilar -57 kg bo‘lgan vazn toifasida bahs olib borishdi.

Final uchrashuvi 10-avgust, shanba kuni bo‘lib o‘tadi.

Avvalroq «Kursiv» o‘zbekistonlik bokschi Hasanboy Do‘smatovning Parij-2024 Olimpiadadagi g‘alabasi haqida e’lon qilgan edi.

O‘zbekistonlik bokschi Hasanboy Do‘smatov 9-avgust, jumaga o‘tar kechasi fransiyalik Bilal Bennama ustidan g‘alaba qozonib, Olimpiada chempioni bo‘ldi, deb xabar berdi Milliy olimpiya qo‘mitasi (MOQ).

Do‘smatov ushbu Olimpiya o‘yinlarida -51 kg vazn toifasida O‘zbekiston terma jamoasiga uchinchi oltin medalni taqdim etdi.

Shu tariqa sportchi O‘zbekiston tarixida ilk bor ikki karra Olimpiya oltin medali sohibiga aylandi. Bokschi ilk sovrinini «Rio – 2016» bo‘lib o‘tgan Olimpiadada qo‘lga kiritgan edi.

Medallar reytingida O‘zbekiston jamoasi juma kuni ertalab beshta medal (uchta oltin va ikkita bronza) bilan 18-o‘rinni egallab turibdi.

Avvalroq «Kursiv» o‘zbekistonlik taekvondochi Ulug‘bek Rashitov «Parij – 2024» oltin medali haqida e’lon qilgan edi.

O‘zbekistonlik taekvondochi Ulug‘bek Rashitov  «Parij – 2024» Olimpiya o‘yinlarida oltin medalni qo‘lga kiritdi, deb xabar berdi O‘zR Milliy olimpiya qo‘mitasi.

-68 kg vazn toifasidagi final bahsida Rashitov iordaniyalik Zaid Karimni 2:0 hisobida mag‘lub etdi.

Bu Rashitov uchun ikkinchi Olimpiada oltinidir. U birinchi oliy mukofotini «Tokio – 2020» yozgi Olimpiya o‘yinlarida olgan edi.

Avvalroq «Kursiv» Rashitov Parij Olimpiadasi finaliga chiqqani haqida e’lon qilgan edi.

Bugun, 9-avgust kuni respublikaning Qoraqalpog‘iston Respublikasi va Xorazm viloyatidan tashqari har bir viloyatda havo harorati +40-darajadan yuqori bo‘ladi. Janubiy hududlarda chang-to‘zonlar yuzaga keladi. Bu haqda «Gidrometeorologiya» xizmati agentligi xabar beradi.

Poytaxtda havo bulutli bo‘lishi mumkin. Yog‘ingarchilik kuzatilmaydi. Kunduzi havo harorati 41-daraja issiq, kechasi esa 26-darajagacha issiq bo‘ladi.

Tog‘li hududlarda quruq va issiq havo bo‘ladi. Kunduzi havo harorati 32 darajagacha ko‘tariladi, kechga kelib 22 darajagacha pasayadi.

Iqtisodiy tadqiqotlar va islohotlar markazi tomonidan o‘tkazilgan tahlillarga ko‘ra, iyul oyida ko‘chmas mulk savdosi bo‘yicha 23 mingta bitim amalga oshirilgan. Bu iyun oyiga nisbatan 13,6 foizga ko‘p, iyunda bitimlar soni 20,2 mingtani tashkil etgan edi. Biroq 2023-yilning iyuliga nisbatan shartnomalar soni 7,4 foizga kamaydi.

Iyul oyida ko‘chmas mulk bilan bog‘liq bitimlarning eng katta o‘sishi Sirdaryo (53 foiz), Jizzax (31,5 foiz) va Andijon (27 foiz) viloyatlarida kuzatildi. Ayrim hududlarda uy-joy sotuvini umumiy oshishiga qaramasdan, yillik hisobda  faollikning pasayishi kuzatildi. Eng sezilarli pasayish Buxoro (27,4 foiz), Toshkent (21 foiz) va Navoiy viloyatlarida (18 foizdan ortiq) qayd etildi.

2023-yilning iyuliga nisbatan ijara haqi...

2024-yilning 1-iyul holatiga ko‘ra, O‘zbekistonda 13,9 ming qo‘shma hamda xorijiy korxonalar faoliyat ko‘rsatmoqda. Shundan 4,22 mingtasi qo‘shma korxonalar bo‘lsa, 9,66 mingtasi esa xorijiy korxona hisoblanadi. Bu haqda Statistika agentligi xabar bermoqda.

2023-yil 1-iyul holatiga ko‘ra, O‘zbekistonda umumiy hisobda 12,7 mingta qo‘shma hamda xorijiy korxonalar faoliyat yuritgan bo‘lsa, bundan 4,85 mingtasi qo‘shma, 7,88 mingtasini esa xorijiy korxonalar tashkil qilgan.

Joriy yilning 1-iyul holatiga ko‘ra, o‘tgan yilning mos davriga nisbatan qo‘shma hamda chet el investitsiyalari ishtirokidagi korxonalar 1,14 mingtaga (deyarli 9 foizga) ko‘paygan.

Avvalroq «Kursiv» Oʻzbekistonga tijorat maqsadida qaysi davlatdan ko‘proq odamlar tashrif buyurgani haqida xabar bergan edi.

2024-yilning yanvar–iyul oylarida O‘zbekistonda «Soliq biznes» ilovasi orqali 191,5 milliard so‘m soliq to‘landi, deya xabar berdi Soliq qo‘mitasi matbuot kotibi Dildora Hoshimova.

2023-yilda ushbu ilova yordamida O‘zbekiston fuqarolari 134 milliard so‘mdan ortiq soliq to‘lagan.

«Soliq biznes» foydalanuvchilari soni joriy yilning 1-avgust holatiga ko‘ra 7,5 million kishidan oshdi.

Soliq qo‘mitasi ilovani App Store va GooglePlay’da eng ko‘p yuklab olingan 10 talik qatoridan joy olganini qo‘shimcha qildi.

Avvalroq «Kursiv» O‘zbekistondagi yirik riteylerlar olti oyda qancha soliq to‘lagani haqida yozgan edi.

Ijtimoiy tarmoqlarda O‘zbekiston davlat san’at muzeyi kolleksiyasiga aloqador deyilgan san’at buyumlarining onlayn sotuvga chiqarilgani haqidagi muhokamalari yuzasidan Madaniy meros agentligi rasmiy munosabat bildirdi.

Unga ko‘ra, muzey mutasaddilari holat yuzasidan tekshiruv ishlarini olib bordi. Kuratorlar va eksponatlar xavfsizligiga mas’ul xodimlar bilan birgalikda har bir buyum sinchkovlik bilan ko‘zdan kechirilgan.

Muzey rahbariyatining ta’kidlashicha, Olx platformasida «onlayn sotuvga qo‘yilgan» mazkur eksponatlar o‘z o‘rnida. Ushbu holat va muzeyning ta’mir jarayonidaligi orasida hech qanday bog‘liqlik yo‘q.

Eslatib o‘tamiz, avvalroq Surxondaryoda Oʻzbekiston va xitoylik arxeologlar shahar xarobalarini topgani haqida yozgan edik.

Davlat aktivlarini boshqarish agentligi Tashkent City hududidagi uchta davlat bankining koʻp qavatli biznes markazlari sotilmoqda. Bu haqda Davaktiv ma’lum qildi.

Unga ko‘ra, binolar uch qismga ajratilgan holda sotuvga qo‘yilgan.

Birinchi bino «Oʻzsanoatqurilishbank»ga tegishli bo‘lib, umumiy maydoni 82,284 kv.mni tashkil etadi. Bino 33 qavatdan iborat.

Ikkinchi biznes market «Asakabank» tasarrufida. Bino umumiy maydoni 66,202 kv.m bo‘lib, 26 qavatdan iborat.

Uchinchi «Aloqabank»ga tegishli 26 qavatli bino 81,439 kv.m maydonga ega.

Binolar savdosi haqida may oyida e’lon qilingan. Jarayon shu yilning 9-sentabr (18:00) sanasiga qadar davom etadi. Arizalar ssandykbayeva@kpmg.com, ztokanov@kpmg.com, nshuxratov@kpmg.co.uz manzillarida qabul qilinadi. Talab va shartlar bilan...

Toshkent shahri mezbonlik qilgan o‘smirlar o‘rtasidagi rapid va blits bo‘yicha jahon chempionatida O‘zbekiston terma jamoasi umumiy hisobda 1-o‘rinni egalladi. Bu haqda Shaxmat federatsiyasi raisi Alisher Sa’dullayev o‘z Telegram sahifasida xabar berdi.

Unga ko‘ra, o‘zbekistonlik yosh shaxmatchilar jami 30 ta medalni qo‘lga kiritgan. Undan 8 tasi oltin, 11 tasi kumush va qolgan 11 tasi bronza medallaridir.

Ma’lumot uchun, 2-o‘rinni 13 ta medal bilan Qozog‘iston, 3-o‘rinni esa 8 ta medal bilan Fide terma jamoalari egallagan.

Eslatib o‘tamiz, avvalroq shaxmatning rapid yo‘nalishidagi U-17 jahon chempionlari haqida yozgan edik.

8-avgust kuni O‘zbekiston Respublika valyuta birjasida dollarning o‘rtacha tortilgan qiymati 11,97 so‘mga ko‘tarildi va 12 651,98 so‘mni tashkil qildi.

Moliya institutlari dollarni 12 580 – 12 640 so‘mdan xarid qilishmoqda va 12 670 – 12 710 so‘mdan sotilmoqda.

Eslatib o‘tamiz, dollarning qiymati 31-iyuldan beri o‘sib kelmoqda. 7-avgust kuni AQSh valyutasi 24,04 so‘mga qimmatlashgan edi.

Qozog‘istonda «Toshkent irrigatsiya va qishloq xo‘jaligini mexanizatsiyalash muhandislari instituti» milliy tadqiqot universitetining filiali ochildi. Bu haqda prezident matbuot xizmati ma’lum qildi.

Unga ko‘ra, Olmaota shahrida «Toshkent irrigatsiya va qishloq xo‘jaligini mexanizatsiyalash muhandislari instituti» milliy tadqiqot universitetining filiali ochildi. Ikki davlat o‘rtasidagi muzokaralardan so‘ng Shavkat Mirziyoyev va Qosim-Jomart Toqayev muassasani tantanali ravishda ochib berdi.

«Bugungi kunda Qozog‘istonda 6 ming nafar o‘zbekistonlik talaba ta’lim olmoqda. O‘z navbatida, qozog‘istonlik yoshlar ham O‘zbekistondagi oliy o‘quv yurtlarida o‘qimoqda», dedi Qozog‘iston prezidenti Qosim-Jomart Toqayev.

Eslatib o‘tamiz, bitim doirasida Chirchiq shahrida Muxtor Avezov nomidagi Janubiy Qozog‘iston universitetining filiali ochilgan.

2024-yilning olti oyi davomida Uzum ekotizimining e-commerce yo‘nalishi aylanmasi o‘tgan yilning shu davriga nisbatan to‘rt baravar, ekotizimning fintex xizmatlarining kredit portfeli esa ikki barobardan ziyod o‘sdi. Bugungi kunda O‘zbekistonning har uchinchi fuqarosi Uzum xizmatlaridan foydalanmoqda, deb xabar berdi «Kursiv»ga ekotizim matbuot xizmati.

Uzum marketpleysida buyurtmalar soni 2023-yilning birinchi yarmiga nisbatan uch baravar ko‘paydi. Buyurtmalarni qabul qilish punktlari sonida ham ikki baravar o‘sish qayd etildi. Bugungi kunda milliy savdo maydonchasini yetkazib berish savdo shoxobchalari butun mamlakat bo‘ylab 139 ta aholi punktida joylashgan.

«Mamlakat boʻylab oʻzimizning jismoniy va IT infratuzilmasini faol rivojlantirish, shuningdek, xizmatlarning ekotizim doirasidagi integratsiyasi oʻz oʻsish sur’atlarini saqlab qolish imkonini...

Shavkat Mirziyoyev Qozogʻistonga tashrifi doirasida mamlakatning «Oltin Qiron» («Oltin burgut») ordeni bilan taqdirlandi, deya xabar bermoqda prezident matbuot xizmati.

Qozogʻistonning oliy davlat mukofotini Oʻzbekiston prezidentiga Qosim-Jomart Toqayev tantanali ravishda topshirdi.

Shavkat Mirziyoyev Oʻzbekiston xalqi nomidan samimiy minnatdorlik bildirib, bunday yuksak mukofot ikki mamlakatning koʻp davrlik chinakam doʻstlik va yaxshi qoʻshnichilik rishtalarini birlashtirish boʻyicha birgalikdagi sa’y-harakatlarga berilgan baho ekanini ta’kidladi.

Orden 1995-yilda ta’sis etilgan bo‘lib, Qozog‘iston oldidagi alohida xizmatlari uchun beriladi.

Avvalroq «Kursiv» Shavkat Mirziyoyev Qozogʻistonda qanday kutib olingani haqida xabar bergan edi.

Birinchi yarim yillik natijalariga ko‘ra ta’lim kreditini berish qariyb 40 foizga qisqardi. Bu haqdagi maʼlumot Markaziy bank tomonidan Statistik byulletenda eʼlon qilingan.

2023-yilning dastlabki 6 oyi davomida ta’lim kreditlarini berish 636,6 mlrd so‘mga yetgan. Joriy yilning mos davriga kelib ushbu ko‘rsatkich 398,6 mlrd so‘mni tashkil qildi, ya’ni 37,4% ga pasaydi.

Eslatib o‘tamiz, davlat rahbari tomonidan 2024-yil may oyida imzolangan farmonga asosan, 2024/2025 o‘quv yilidan boshlab ta’lim krediti faqatgina kunduzgi ta’limda tahsil olayotgan talabalar uchun beriladi.

Ma’lumot uchun, oliy ta’lim tashkilotlarida ta’lim olayotgan ikkinchi hamda undan yuqori kurs talabaning fanlarni o‘zlashtirish foizi «3» dan past bo‘lgan taqdirda, to‘lov-kontrakt...