Yangiliklar

Markaziy bank «Payment System Platform» toʻlov tashkilotining litsenziyasini bekor qildi. Bu haqda regulyator matbuot xizmati xabar berdi.

Maʼlum qilishishicha, bunga qonunchilikda belgilangan savdo va xizmat koʻrsatilishi taʼqiqlangan xizmatlar uchun toʻlovlarni amalga oshirishga sharoitlar yaratganligi sabab boʻlgan.

«Payment System Platform» aksiyadorlik jamiyatining toʻlov tashkiloti faoliyatini amalga oshirish huquqini beruvchi litsenziyasi chaqirib olindi va toʻlov tashkilotlari reyestridan chiqarildi”, deyiladi regulyator xabarida.

«Kursiv» muxbiri kompaniya litsenziyasining bekor boʻlishiga aynan nima sabab boʻlganini aniqlash maqsadida Markaziy bank va «Payment System Platform» bogʻlandi.

Markaziy bankning maʼlum qilishicha, bunga aynan nima sabab boʻlgani aytilmaydi. «Kursiv» bilan suhbatda boʻlgan kompaniya vakili...

30-iyul kuni Oliy Majlis Qonunchilik palatasi majlisida Sog‘liqni saqlash vaziri vazifasini bajaruvchi Asilbek Xudayarov mamlakatimizda onalar va bolalar o‘limi darajasi pasayganini ta’kidladi. Bu haqda Sog‘liqni saqlash vazirligi matbuot xizmati ma’lum qildi.

Unga ko‘ra, onalar va bolalar orasida uchraydigan kasalliklarini erta aniqlash, oldini olish ishlari natijasida onalar o‘limi darajasi 34 % ga kamaygan. Shuningdek, 5 yoshgacha bo‘lgan bolalar o‘limi darajasida ham pasayish kuzatilgan (26 %).

Ma’lum qilinishicha, tuman yoki shahar tibbiyot birlashmalari tarkibida bolalar uchun anesteziologiya-reanimatsiya bo‘limlari tashkil qilingan, Shu qatorda, poliklinikalar tarkibida ham alohida bolalar uchun mo‘ljallangan bo‘limlar mavjud. Tibbiyot tashkilotlariga 20 ming bolalar hamshiralari, patronaj-doya...

Qashqadaryo viloyatidagi Koʻkdala tumanida IT Park filiali foydalanishga topshirildi. Bu haqda IT Parkning matbuot xizmatida xabar qilindi.

Unga ko‘ra, IT Park 5072 kv.m umumiy maydonga ega uch qavatli binoda o‘rnashadi. Koʻkdala tumani 2022-yilda prezident tashabbusi bilan tashkil qilingan. Ayni vaqtda tuman 180 mingdan ortiq aholiga ega. Tumanning iqtisodiy salohiyatni yaxshilash va bo‘sh ish o‘rinlarini yaratish uchun IT Park Uzbekistan o‘z faoliyatini boshlab yubordi.

IT Park rezidentlari ko‘plab qulayliklar yaratilgan bo‘lib, ular to‘liq jihozlangan ofisda joylashishlari, parkning har bir qavatidagi kovorking-zonalaridan ham  ishlash uchun imkoniyatlar yaratilgan.  

Shuningdek, IT Park sifatli IT-taʼlim va xorijiy tillarini oʻrgatishni kafolatlamoqda. Bu orqali tuman...

«Farhod» bozorida Hyundai va Kia kontrafakt mahsulotlar sotuviga chek qoʻyildi. Bu haqda Adliya vazirligi huzuridagi Intellektual mulk departamenti xabar berdi.

Maʼlum qilinishicha, vazirlikka Hyundai Motor Comapany va Kia Corporation kompaniyalariga tegishli boʻlgan Hyundai va Kia tovar belgilaridan huquq egasining roziligisiz foydalanayotganligi toʻgʻrisidagi murojaat kelib tushgan.

Shunga koʻra, Toshkent shahridagi «Farhod» avtotransport vositalarining ehtiyot qismlari bozorida belgilangan tartibda oʻrganilganda ikki fuqaro tomonidan Hyundai va Kia tovar belgilari bilan bir xil boʻlgan nomidan foydalanganligi aniqlandi.

Hozirda Mazkur holat boʻyicha fuqarolarga nisbatan MJtKning tegishli moddalari bilan maʼmuriy huquqbuzarlik toʻgʻrisidagi bayonnomalar rasmiylashtirilib, 5,1 mln soʻm jarima jazolari tayinlandi.

Avvalroq «Kursiv» Sirdaryoda Hyundai avtomobillarini...

Trading economics portali maʼlumotlariga koʻra, xalqaro bozorlarda soʻnggi 24 soat ichida oltin ham, kumush ham narxi oshdi.

Shunday qilib, oltin narxi 31-iyul ertalabki holatiga koʻra 0,27 foizga oshib, bir unsiya uchun $2,4 mingni tashkil qildi. Shu bilan birga, bir kun avval bozor ishtirokchilari dunyoning eng yirik markaziy banklarining boʻlajak qarorlariga tayyorgarlik koʻrayotgani sababli, qimmatbaho metallning narxi pasaygan edi.

Kumush narxi 0,84 foizga oshib, unsiya uchun $28 tashkil qildi. Ushbu qimmatbaho metallning narx holatiga pul-kredit siyosatidagi oʻzgarishlar boʻyicha investorlarning kutishlari ham taʼsir qiladi.

Birjalarda Microsoft (-3,68 foizg), Tesla (-2,86 foizga), Nvidia (-2,23 foizga) kompaniyalari aksiyalari pasaymoqda. JPMorgan (+2,04 foizga...

 «Toshkent» xalqaro aeroportida QR-kodlar o‘rnatildi, ular yordamida yo‘lovchilar aeroport xodimlarining ishini baholay oladi, deb xabar berdi Uzbekistan Airports.

Bu boshqaruv kompaniyasiga yo’lovchilarning ehtiyojlarini yaxshiroq tushunishga va xizmat ko’rsatish, navigatsiya va noaviatsiya xizmatlari sifatini yaxshilashga yordam beradi”, deyiladi xabarda.

QR kodlari «ketish va kelish zallaridagi ko’zga ko’ringan joylarda» joylashtirilgan. Tasvirni skanerdan o’tkazgandan so’ng, yo’lovchi kompaniya xizmatlarining sifati haqida so’rovnomasi bo’lgan sahifaga o’tishi mumkin. U uch tilda (o‘zbek, rus va ingliz) mavjud.

Bunday kodlarni yaqin kelajakda O‘zbekistonning barcha xalqaro aeroportlariga joylashtirish rejalashtirilgan.

Eslatib o‘tamiz, Toshkent aeroportida biznes-zal savdoga qo‘yilgan.

Falastin qarshilik harakati Hamasning siyosiy byurosi rahbari Ismoil Haniya chorshanba kuni tongda Tehronda o‘ldirildi. Bu haqda Mehr news agentligi xabar berdi.

E’lon qilingan bayonotga ko‘ra, Ismoil Haniya va uning qo’riqchilaridan biri Tehrondagi qarorgohi nishonga olingani oqibatida vafot etgan.

«Qahramon Falastin xalqi va islom xalqi hamda Qarshilik jabhasi jangchilari, Eronning olijanob xalqiga hamdardlik bildirgan holda, bugun ertalab (chorshanba) Hamas qarshilik harakati siyosiy idora rahbari janob doktor Ismoil Haniya qarorgohi Tehronda hujumga uchradi. Voqea oqibatida Ismoil Haniya va uning tansoqchilaridan biri dunyodan ko‘z yumdi», — deyiladi bayonotda.

Voqea yuzasidan qo‘shimcha tergov harakatlari olib borilmoqda.

Eslatib o‘tamiz...

30-iyul, seshanba kuni boks bo‘yicha o‘zbekistonlik sportchi Sitora Turdibekova  Kongo Demokratik Respublikasidan Marselat Sakobi o‘rtasida bo‘lib o‘tgan boks uchrashuvi bokschimizning g‘alabasi bilan yakunlandi, deb xabar berdi O‘zbekiston Milliy olimpiya qo‘mitasi.

Jang 2024-yilda Parijda bo’lib o’tayotgan Olimpiya  o’yinlari doirasida bo’lib o’tdi. G‘alaba Turdibekovaga musobaqaning ikkinchi bosqichiga yo‘l olish imkonini berdi. Uning navbatdagi raqibi ikki karra jahon chempioniga aylangan xitoy taipeyilik Yu-Ting Lin bo’ladi.

Avvalroq «Kursiv» o‘zbekistonlik dzyudochi Sharofiddin Boltaboev Parij Olimpiadasining bronza medali uchun kechgan jangda tojikistonlik raqibi Somon Mahmadbekovga yutqazib qo‘ygani haqida e’lon qilgan edi.

Bugun, 31-iyul kungi Olimpiada bahslarida Oʻzbekiston delegatsiyasi toʻrtta sport turida sakkiz nafar atlet bilan ishtirok etadi. Bu haqda Milliy olimpiya qoʻmitasi (MOQ) xabar berdi.

Unga koʻra, oʻzbekistonlik sportchilarning bugungi chiqishlarini akademik eshkak eshish boʻyicha sportchilar boshlab beradi.

Kamondan otish

Amirxon Sodiqov — 16:15

Ziyodaxon Abdusattorov — 18:00

Boks

Abdumalik Xalokov — 14:00 (-57Kg)

Asadxoʻja Moʻydinxoʻjayev — 19:15 (-71kg)

Dzyudo

Davlat Bobonov — 13:00 (-90kg)

Gulnoza Matniyazova — 13:00 (-70kg)

Akademik eshkak eshish

Shahzod Nurmatov va Sobir Safaraliyev — 12:30 (Juftlik)

Avvalroq «Kursiv» Oʻzbekiston futbol jamoasi bir ochko bilan Olimpiya oʻyinlaridagi ishtirokini yakunlagani haqida xabar bergan edi.

Bugun, 31- iyul kuni O‘zbekistonda yomg‘ir yog‘maydi, aksincha quruq va issiq ob-havo kuzatiladi. Buxoro, Navoiy, Qashqadaryo va Surxondaryo viloyatlarida chang-to‘zonlar bo‘lishi mumkin. O‘rtacha havo harorati 41 daraja issiq bo‘ladi. Bu haqda Gidrometeorologiya xizmati agentligi xabar beradi.

Poytaxtda havo biroz bulutli bo‘lishi mumkin. Kunduzi havo harorati 40- darajagacha ko‘tarilishi mumkin, kechasi esa 25 daraja issiq bo‘ladi.

Tog‘li hududlarda havo o‘zgaruvchan bo‘lishi mumkin. Toshkent viloyati va Farg‘ona vodiysi tog‘larida yomg‘ir yog‘ishi ehtimoli bor. Kunduzi 33-daraja isishi mumkin, kechasi 21-daraja iliq bo‘ladi.

Futbol bo‘yicha O‘zbekiston olimpiya terma jamoasi Olimpiya o‘yinlari guruh bosqichi 3-turida Dominikan Respublikasi bilan durang o‘ynadi.

Birinchi taymda jamoalar hujumkor futbol namoyish etishdi, biroq g‘olib aniqlanmadi.

Ikkinchi taymda jarima maydonchasi ichida Abduqodir Husanov raqib futbolchisiga qarshi qo‘pollik ishlatdi va darvoza tomon penalti belgilandi. Rafael Nunez 51-daqiqada Dominikan Respublikasi foydasiga hisobni o‘zgartirdi. 58-daqiqada endi maydonga tushgan Alisher Odilov hisobni tenglashtirdi (1:1).

Eslatib o‘tamiz, milliy jamoa 1-turda Ispaniyaga 2:1 hisobida mag’lub bo‘lgan edi. Ikkinchi turda Misr terma jamoasiga qarshi 1:0 yutqazgan edi. Temur Kapadze jamoasi guruh bosqichida 1-ochko jamg‘arib, musobaqa bilan xayrlashadi.

Tadbirkor ayol va Alisher Usmonov jiyanining sobiq xotini Diyora Usmonova yetti yasharlik o‘g‘liga Mersedes-Benz avtomobilini sovg‘a qildi.

«Vslux news» Telegram kanali xabariga ko‘ra, bunday avtomobilning narxi $100 mingga baholanmoqda.

Aytish joizki, bunday avtomashina faqat buyurtma asosida sotiladi va ochiq savdoda mavjud emas.

Avvalroq «Kursiv» rossiyalik tadbirkor Alisher Usmonov 2023-yil uchun dividendlar daromadi bo‘yicha Rossiyaning eng boy odamlari reytingida to‘rtinchi o‘rinni egallagani haqida yozgan edi.

Iqtisodiyot va moliya vaziri Jamshid Qo‘chqorovga yuborilgan Qonunchilik palatasining parlament so‘roviga ko‘ra «Tashabbusli budjet»da ba’zi o‘zgarishlar kutilmoqda. Bu haqda parlament quyi palatasi matbuot xizmati xabar berdi.

Aholisi kam bo‘lgan mahallalarning g‘alaba qozonishi uchun imkoniyat yaratish maqsadida doimiy g‘alaba qozonayotgan mahallalar (tashkilotlar) uchun tanaffus e’lon qilish amaliyotini joriy etish rejalashtirilmoqda.

Qo‘l ostidagi ishchilarni majburlab ovoz yig‘ishning oldini olish uchun shu yo‘l bilan yutgan hududlar g‘oliblar ro‘yxatidan chiqariladi. Bundan tashqari, ovoz yig‘ish uchun muddat 10 kunga qisqartiriladi.

Shuningdek, xalq deputatlarining hududiy kengashlari ega bo‘lgan vakolatlarni kengaytirish uchun tuman yoki shahar budjeti hisobidan g‘olib bo‘lmagan loyihalar moliyalashtirish nazarda tutilmoqda. Ushbu o‘zgarishlarni...

Hali uylanmagan va yolg‘izlikni tanlagan Telegram asoschisi 100 dan ortiq biologik farzandlari borligini aytdi. Bu haqda Pavel Durov o‘zining Telegram kanalida e’lon qildi.

«2024-yilda mening donor materialim 12 mamlakatdagi yuzdan ortiq oilalarga farzandli bo‘lishga yordam berdi», dedi biznesmen.

Durov aytishicha, 15 yil avval do‘sti unga g‘alati iltimos bilan kelgan edi. U turmush o‘rtog‘i bilan farzand ko‘ra olmasligini aytib, farzandli bo‘lishlari uchun donor bo‘lishini so‘ragan edi.

Pavel Durovning so‘zlariga ko‘ra, u biologik farzandlarining bir-birini topishi osonroq bo‘lishi uchun DNK ma’lumotlarini hammaga ochishni rejalashtirgan.

Avvalroq «Kursiv» Durov O‘zbekistonga kelgani haqida xabar bergan edi. Tashrifi chog‘ida Toshkent, Samarqand va Buxoro shaharlarini...

30-iyul kuni O‘zbekiston Respublika valyuta birjasida dollarning o‘rtacha tortilgan qiymati 33,34 so‘mga pasaydi va 12 541,04 so‘mni tashkil qildi.

O‘zbekistondagi moliya institutlari dollarni 12 480 – 12 570 so‘mdan xarid qilishmoqda va 12 600 – 12 630 so‘mdan sotishmoqda.

Eslatib o‘tamiz, 29-iyul kuni AQSh valyutasining o‘rtacha narxi 25,45 so‘mga pasaygan edi.  

2024-yilning ikkinchi choragi yakunlariga ko‘ra, O‘zbekiston Milliy bankining (O‘zmilliybank) sof foydasi 944,9 milliard so‘mga yetdi. O‘tgan yilning shu davriga nisbatan bu ko‘rsatkich 248,7 milliard so‘mga kamaygan.

Bu davrda bankning o‘z kapitali 5,7 foizga oshib, 18,6 trln so‘mni, aktivlar esa 11,5 foizga oshib, 130,1 trln so‘mni tashkil etdi.

Iqtisodiy tadqiqotlar va islohotlar markazi (ITIM) ma’lumotlariga koʻra, Oʻzbekiston yirik banklarining 2024-yil ikkinchi choragi uchun reytingida Milliy bank 17 ta bank ichida 12-oʻrinni egallagan.

Avvalroq «Kursiv» Milliy bank London fond birjasiga 400 million dollarlik obligatsiyalarni joylashtirgani haqida yozgan edi.

«Ipak Yo‘li» banki 2024-yil II choragida 445,9 mlrd so‘m sof foyda oldi. Bu haqda bankning veb-saytida ma’lum qilindi.

Unga ko‘ra, ushbu sof foyda o‘tgan yilgi mos davrga nisbatan 60,2% ga ko‘p hisoblanadi. Bankning umumiy daromadi esa 2,7 trln so‘mni tashkil etib, 91,6% ga oshgan.

«Ipak Yo‘li» banki kredit portfeli 13 trln so‘mni (1-iyul holatiga ko‘ra) tashkil qildi. Bankning muammoli kreditlar (NPL) ulushi 2,8% dan 1,4% ga tushgan.

Eslatib o‘tamiz, avvalroq bankning birinchi chorakdagi sof foydasi haqida yozgan edik.

2024-yilning birinchi yarmida «O‘zbektelekom» sof foydasi yillik o‘sish sur’ati 2,9 barobar bo‘lib, 203,6 milliard so‘mga yetdi. Bu ma’lumot korxona moliyaviy hisobotida e’lon qilindi.

Yil davomida kompaniya sof tushumi 19,2 foizga oshib, 4,3 trillion so‘mni tashkil etdi. Yalpi foyda 1,3 trillion so‘mni tashkil etib, o‘tgan yilga nisbatan 11,9 foizga ko‘pdir.

Avvalroq «Kursiv» «O‘zbektelekom» tashqi internet-kanaldagi monopoliyasini yo‘qotishi haqida yozgan edi.

Yangiyo‘l tumani hokimligi xitoylik investor bilan elektroskuterlar yig‘uvchi korxona tashkil etish bo‘yicha memorandum imzoladi, deb xabar bermoqda Toshkent viloyati hokimligi matbuot xizmati.

Korxonani 2025-yilning aprel-iyun oylarida ishga tushirish rejalashtirilgan.

Statistika agentligi maʼlumotlariga koʻra, Oʻzbekistonga 2024-yilning birinchi choragida 107 trln soʻmlik investitsiyalar jalb qilingan. Xitoy O‘zbekiston iqtisodiyotiga sarmoya kiritish bo‘yicha yetakchiga aylandi.

Avvalroq «Kursiv» joriy yilning iyul oyida Xitoyning Da Fu kompaniyasi ko‘magida Yangiyo‘lda metall konstruksiyalarni ishlab chiqarish zavodi ochilganini e’lon qilgan edi.

Isroil tashqi ishlar vaziri Turkiyani NATOdan chiqarib yuborishni taklif qildi. Bu haqda Reuters Isroil TIVga tayanib xabar bermoqda.

Isroil tashqi ishlar vaziri Isroil Katz 29-iyul kuni Turkiya prezidenti Rajab Toyyib Erdoʻgʻon Turkiya Liviya va Togʻli Qorabogʻga kirib kelgani kabi Isroilga ham hujum qilishi mumkinligi haqida gapirganidan soʻng, NATOni Turkiyani tashkilotdan chiqarib yuborishga chaqirdi.

«Turkiya prezidenti Erdoʻgʻonning Isroilga bostirib kirish tahdidi va uning xavfli ritorikasidan kelib chiqqan holda Tashqi ishlar vaziri Israel Katz diplomatlarga NATOning barcha aʼzolari bilan zudlik bilan hamkorlik qilishga koʻrsatma berdi. Turkiyani qoralashga chaqirdi va uni mintaqaviy ittifoqdan chiqarib yuborishni talab qildi...

O‘zbekistondan AQShga noqonuniy migratsiyaning asosiy yo‘li Nikaragua va Gonduras orqali o‘tadi. Buni La Prensa nashri o‘zbekistonlik muhojirlarga yordam berish uchun yaratilgan Telegram kanallari tarkibini o‘rganish orqali aniqladi.

O‘zbekiston fuqarolari Nikaragua poytaxti Managuaga samolyotda sayyoh sifatida yetib kelishdi. Manauguadan ular quruqlik orqali Gonduras bilan chegaraga borishadi.

Gonduras migratsiya instituti maʼlumotlariga koʻra, joriy yilda Oʻzbekistonning 464 nafar fuqarosi chegarani kesib oʻtgan. Gondurasdan migrantlar Gvatemala orqali Meksikaga borishlari mumkin.

Iyun oyida Meksikaning La Razón nashri chegaradan odam olib o‘tishda Meksika kartellaridan tashqari o‘zbeklar ham ishtirok etgani haqida xabar bergan edi.

Gazetaning yozishicha, oʻzbek «koyotlari» xizmatlari uchun $40 ming olishadi.

Avvalroq «Kursiv» O‘zbekistondan...

Akademik eshkak eshish boʻyicha Oʻzbekiston terma jamoasi a’zosi Anna Prakaten Olimpiya oʻyinlarida yarim finalga yoʻl oldi. Bu haqda Milliy olimpiya qoʻmitasi (MOQ) xabar berdi.

Oʻzbekistonlik sportchi chorak final startida oʻz guruhida 2-boʻlib marraga yetib keldi. Bu natija orqali u 1-avgust kuniga belgilangan yarim final bosqichiga toʻgʻridan-toʻgʻri yoʻl oldi.

Eslatib oʻtamiz, bugun, 30-iyul kuni Oʻzbekiston delegatsiyasi Olimpiadada 4 ta sport turi boʻyicha ishtirok etmoqda.

Avvalroq «Kursiv» Oʻzbekistonlik bokschi Ruslan Abdullayev chorak finalga yoʻl olgani haqida xabar bergan edi.

Seshanba kuni Brent markali neft fyucherslari barreliga $78,8 ga tushib, iyun boshidan beri eng past darajaga yetdi. Bu dunyodagi eng yirik neft iste’molchisi bo‘lgan Xitoyning talabiga nisbatan davom etayotgan xavotirlar fonida sodir bo‘ldi. Oxirgi ma’lumotlarga ko‘ra, Xitoyning jami yoqilg‘i moyi importi 2024-yilning birinchi yarmida 11 foizga kamaydi.

Xitoyning iqtisodiy prognozi kutilganidan past YaIM ko‘rsatkichlari va Xitoy Xalq bankining o‘tgan hafta o‘sish sur’atlarini oshirishga qaratilgan kutilmagan foiz stavkasini pasaytirganidan keyin yana xavotirlarni kuchaytirdi. Bu neft bozoriga salbiy ta’sir ko‘rsatdi.

Qolaversa, Yaqin Sharqdagi geosiyosiy taranglik haqidagi xavotirlar ham biroz yumshagan. Xabar qilinishicha, Hizbulloh aniq boshqariladigan raketalarni yuborgan, biroq Isroil bilan keng...

Toshkent xalqaro aeroportdagi zal ijaraga berish uchun kimoshdi savdosiga qo‘yildi. Bu haqda «Uzbekistan Airports» matbuot xizmati ma’lum qildi.

Savdoga qo‘yilgan zal xalqaro aeroportining jo‘nab ketish terminalidagi «steril» hududi bo‘lib, 427 kv.m maydonga ega. Zal hamma kommunikatsiyalar bilan jihozlangan. Doira shaklidagi balkonni yig‘ish uchun tayanchlar ham mavjud. Zal interyeri va ta’mirida qilinishi lozim bo‘lgan tayyor dizayn loyihasi taqdim etiladi.

Ijara uchun boshlang‘ich narx 1 kv.mga 880 ming so‘m miqdorida belgilangan.

Shuningdek, texnik topshiriqqa binoan, ijara to‘lovidan tashqari zalda xizmat ko‘rsatilgan har bir yo‘lovchi uchun AJ hisobiga yilning har choragida 39 ming so‘m o‘tkazib boriladi.

Shartnoma tuzish uchun yillik ijara to‘lovi...