Yangiliklar

Honor kompaniyasi Honor Magic 8 va Magic 8 Pro smartfonlari taqdimotini o‘tkazadi. Bu haqda Gizmochina xabar bermoqda.

Brend vakillari Pro versiya 7200 mA/soat sig‘imli katta batareyaga ega bo‘lishini rasman tasdiqladi. Oddiy Magic 8 modelida esa bu ko‘rsatkich 7000 mA/soatni tashkil etadi.

Model texnologiyalari

Honor ma’lumotiga ko‘ra, yangi Magic 8 seriyasi sun’iy intellekt asosidagi OTA yangilanishlarini qo‘llab-quvvatlaydi. Bu tizim tarmoq qamrovini yaxshilaydi va energiya sarfini 13 foizgacha kamaytiradi.

Magic 8 texnik xususiyatlari Smartfon qalinligi 7,9 mm, og‘irligi 205 g bo‘ladi. U 90 Vt simli va 80 Vt simsiz zaryadlashni qo‘llab-quvvatlaydi.

Orqa panelda 50 MP asosiy, 200 MP telefoto va...

«Imtiyozli shartlarda pensiyaga chiqish huquqini beruvchi ishlab chiqarishlar, muassasalar, ishlar, kasblar va lavozimlar ro‘yxatiga o‘zgartirish va qo‘shimchalar kiritish tartibi to‘g‘risida»gi nizom tasdiqlandi. Bu haqda Adliya vazirligi ma’lum qildi.

Ushbu nizom zararli yoki xavfli ish sharoitiga ega ish joylarini imtiyozli pensiya ro‘yxatiga kiritish bo‘yicha yagona talablarni belgilaydi.

Xodimlardan kelib tushgan takliflar ikki nusxada tayyorlanib, ish beruvchi hamda kasaba uyushmasi qo‘mitasiga yuboriladi.

Komissiya takliflarni ko‘rib chiqish jarayonida ish joyining rejasi, texnologik jarayonlarga rioya etilishi, uskunalar holati va himoya vositalarining mavjudligini tekshiradi. Aniqlangan kamchiliklar attestatsiya o‘tkazilishidan oldin bartaraf etilishi shart qilib belgilandi.

Eslatib o‘tamiz, avvalroq yoshlarning «yashil tashabbuslari»ni qo‘llab-quvvatlash jamg‘armasi tashkil etilishi...

Isroil hukumati 13-oktabr kuni G‘azoda tuzilgan sulh kelishuvi doirasida o‘z qamoqxonalaridan ikki mingga yaqin falastinlikni ozod qildi. Bu haqda CNN agentligi ma’lum qildi.

Ozod etilganlarning 1,7 mingdan ortig‘i 2023-yil 7-oktabrdan beri hibsda saqlanayotgan shaxslar bo‘lgan. Yana 250 nafar mahbus og‘ir jinoyatlar, jumladan, qotillik uchun uzoq muddatga qamalgan edi.

Ozodlikka chiqqanlar orasida Hamas, Fath va boshqa siyosiy harakatlar vakillari mavjud. Shu bilan birga, Isroil mashhur Fath yetakchisi Marvon Barg‘utini ozod etishdan bosh tortgani ma’lum qilindi.

Falastin Qizil Yarim Oy Jamiyati ayrim mahbuslarning ozodlikka chiqish jarayonida zo‘ravonlikka uchragani haqida ma’lumot berdi.

Biroq G‘azoda ozodlikka chiqqan fuqarolarni murakkab ijtimoiy-iqtisodiy vaziyat kutmoqda...

14-oktabr kuni oltin quymalar narxi rekordni yana bir bor yangiladi. Bu haqda Markaziy bank axborot xizmati xabar berdi.

Regulyator xabariga ko‘ra, narxlar barcha toifadagi quymalar bo‘yicha o‘sdi. Xususan, 5 grammli quyma 8,103 mln so‘mdan 8,314 mln so‘mga, 10 grammli quyma 16,207 mln so‘mdan 16,628 mln so‘mga, 20 grammli quyma 32,414 mln so‘mdan 33,255 mln so‘mga ko‘tarildi.

Shuningdek, 50 grammli quyma 83,138 mln so‘m, 100 grammli esa 166,276 mln so‘mni tashkil etdi.

Jahon bozorida ham oltin narxi bir troya unsiyasi uchun $4,1 mingdan oshdi. Xususan, 14-oktabr kuni Toshkent vaqti bilan soat 09:34 holatiga ko‘ra, jahon bozorida oltinning spot narxi bir troya...

Banklar 14-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi. 

Vivo kompaniyasi tomonidan Xitoyda Vivo X300 smartfoni rasman taqdim etildi. Bu haqda kompaniyaning o‘zi ma’lum qildi.

Ushbu qurilma Dimensity 9500 protsessorida ishlovchi birinchi ixcham flagmani bo‘lib, iPhone 17 Pro va Samsung Galaxy S26 Pro modellari bilan raqobat qiladi.

Ekran va dizayn

Smartfon 6,31 dyuymli OLED displeyga ega. Uning aniqligi 2640×1216 piksel, maksimal yorqinligi 4500 nit, yangilanish tezligi esa 120 Hz’ga teng. Ekran 2160 Hz PWM chastotasi bilan ko‘zni himoya qiladi. Qurilmaning qalinligi atigi 7,95 mm, og‘irligi esa 190 g.

Kamera tizimi

Vivo X300 uch kamerali tizim bilan jihozlangan bo‘lib, u 200 megapikselli Samsung S5KHPB asosiy sensoriga ega...

Chery kompaniyasi Chery Fulwin T11 avtomobili uchun oldindan buyurtmalar qabul qilishni boshladi. Bu haqda Autohome nashri xabar bermoqda.

Avtomobil Li Auto L9 modeli bilan o‘lcham va ichki dizayn jihatidan raqobat qilishi aytilmoqda. Model to‘rtta komplektatsiyada taqdim etiladi. Uning narxi 200 ming yuandan ($28 ming) boshlanadi.

Texnik ko‘rsatkichlar

Avtomobilning uzunligi 5205 mm, eni 1998 mm, balandligi 1800 mm, g‘ildirak bazasi esa 3120 mm. Disklar 21 dyuymli.

Salon va texnologiyalar

Ichki qismi Li Auto uslubida yaratilgan. Old panelda kichik raqamli displey va 30 dyuymli multimedia ekrani joylashgan. Har bir modelda 11 ta xavfsizlik yostiqchasi standart tarzda mavjud...

Shavkat Mirziyoyev Birlashgan kurash dunyosi rahbari Nenad Lalovichni qabul qildi. Uchrashuvda O‘zbekistonda yakkakurash turlarini yanada rivojlantirish, xalqaro hamkorlikni kengaytirish masalalari muhokama qilindi, deya xabar bermoqda davlat rahbari matbuot xizmati.

So‘nggi yillarda o‘zbekistonlik sportchilar yirik musobaqalarda 45 ta sovrin, jumladan, Olimpiya o‘yinlari va jahon chempionatida oltin medallarni qo‘lga kiritdi. Nenad Lalovich mamlakatimizda ommaviy sportni rivojlantirish, infratuzilmani kengaytirish va yoshlarni sportga jalb etish bo‘yicha olib borilayotgan islohotlarni yuqori baholadi.

Suhbat chog‘ida yirik xalqaro musobaqalarni o‘tkazish, Mintaqaviy kurash akademiyasini tashkil etish, sport tibbiyoti va psixologiyasi yo‘nalishlarida hamkorlik qilish masalalari muhokama etildi.

Uchrashuv yakunida Mirziyoyev Nenad Lalovichni O‘zbekistonning «Do‘stlik» ordeni bilan taqdirladi.

Eslatib...

Ilon Mask asos solgan SpaceX kompaniyasi 13-oktyabr kuni Texas shtatidagi Starbase markazidan Starship raketasining 11-parvozini muvaffaqiyatli amalga oshirdi. Raketani orbitaga olib chiqqanidan so‘ng, Super Heavy kuchaytirgich yetti daqiqa o‘tib Meksika qo‘ltig‘iga yumshoq tarzda qo‘ndi.

Bu parvoz kompaniyaning Oy va Mars missiyalari uchun mo‘ljallangan yangi, modernizatsiyalangan Starship prototipini uchirishdan avvalgi so‘nggi sinov bo‘ldi. Uchish davomida dvigatel tizimi va issiqlikka chidamli plitalar sinovdan o‘tkazildi.

NASA rahbari vazifasini bajaruvchi Shon Daffi ushbu missiyani «amerikaliklarni Oy janubiy qutbiga qo‘ndirish sari katta qadam» deb atadi.

Yaqin kelajakda SpaceX orbital yoqilg‘i quyish tizimi va boshqa texnik yangiliklarga ega bo‘lgan yangi Starship versiyasini uchirishni rejalashtirgan. SpaceX prezidenti...

Shavkat Mirziyoyev suv xo‘jaligi tizimini raqamlashtirish, quyi bo‘g‘inda boshqaruv samaradorligini oshirish va xususiy sektor uchun jozibadorlikni kuchaytirish bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

O‘zbekistonda 50 ming kilometr sug‘orish tarmoqlari, 1,6 ming nasos stansiyasi va 10 mingdan ortiq suv obyektlari faoliyat yuritmoqda.

Yangi yondashuv asosida suv hisobini yuritish to‘liq elektron shaklga o‘tkaziladi. «Suv hisobi» axborot platformasi orqali foydalanilgan suv miqdori aniq hisoblanib, iste’molchilarga elektron tarzda yetkaziladi.

«Raqamli qishloq xo‘jaligi» platformasi bilan integratsiya yo‘lga qo‘yiladi. Suv xo‘jaligi vazirligi huzurida «Raqamlashtirish va monitoring markazi» tashkil etilib, u suv balansi va nasos stansiyalari faoliyatini tahlil qiladi.

Sohada...

Yangilangan Chevrolet Damas va Cobalt, Janubiy Koreyadagi O‘zbekiston elchixonasida rasmiylashtirilgan 100-nikoh — 13-oktabrning muhim hodisalari Kursiv Uzbekistan materialida.

Andijonda hokim o‘rinbosari pora bilan qo‘lga tushdi

Andijon viloyati Marhamat tumani hokimining o‘rinbosari pora ustida qo‘lga olindi. Bu haqda DXX matbuot xizmati ma’lum qildi.

U mansab vakolatidan foydalanib, tuman hududidan o‘tgan katta yo‘l bo‘yidagi 400 metr uzunlikdagi zovurni yopiq tizimga o‘tkazish evaziga hosil bo‘ladigan 60 sotix yer maydonidan 8 ta savdo do‘koni qurish uchun yer ajratib berishni va hujjatlarni rasmiylashtirishni va’da qilgan. Buning evaziga u fuqaro­dan $15 ming talab qilib, avval $200 olgan.

O‘zbekiston Misrdagi qatarlik diplomatlar halok bo‘lgan...

14-oktabr kuni Respublika bo‘yicha havo harorati kechasi 8–15°, kunduzi 23–30° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Toshkent shahrining Mirzo Ulug‘bek tumanida joylashgan 208-maktabda yong‘in sodir bo‘ldi. Bu haqda tuman hokimligi matbuot xizmati ma’lum qildi.

Hodisa 13-oktabr kuni soat 17:20 da ta’mirlash ishlari vaqtida yuz bergan. Yong‘in binoning tom qismida boshlangan. O‘t o‘chiruvchilar voqea joyiga sakkiz daqiqada yetib kelishgan, yong‘in soat 17:39 da nazoratga olingan va 17:42 da to‘liq bartaraf etilgan.

Hokimlik ma’lumotiga ko‘ra, mazkur ta’lim muassasasi 7-iyuldan boshlab kapital ta’mir uchun yopilgan, o‘quvchilar esa yangi o‘quv yilida boshqa maktablarda tahsil olishmoqda.

Yong‘in vaqtida maktabda o‘qituvchilar ham, o‘quvchilar ham bo‘lmagan.

Eslatib o‘tamiz, avvalroq Toshkentning Yangihayot tumanida xususiy uylardan biri yonib ketgani haqida xabar bergan edik.

Urugvay terma jamoasi jahon chempionatiga tayyorgarlik doirasida o‘tkazilgan o‘rtoqlik uchrashuvida O‘zbekistonni 2:1 hisobida mag‘lub etdi. Bu haqda O‘FA ma’lum qildi.

O‘yin Malayziyaning Malakka shahrida, «Jang Jebat» stadionida, sun’iy yoritish ostida bo‘lib o‘tdi. Bu bahs O‘zbekiston terma jamoasi bosh murabbiyi Fabio Kannavaro uchun ilk mag‘lubiyat bo‘ldi.

Dastlabki bo‘limda jamoalar teng kurash olib bordi, ammo gol urishning iloji bo‘lmadi. Eldor Shomurodov bir necha xavfli hujumlarni uyushtirgan bo‘lsa-da, hisob ochilmadi.

Ikkinchi bo‘limda Urugvay o‘yinga jon kiritdi. 50-daqiqada Facundo Torres Viñasning uzatmasidan so‘ng darvozani ishg‘ol etdi. Oradan ko‘p o‘tmay, yana Viñasning pasidan so‘ng Xuan Manuel Sanabriya farqni ikki barobarga oshirdi. O‘zbekiston esa 82-daqiqada...

2025-yil 26-oktabrdan boshlab Centrum Air aviakompaniyasi Toshkent va Rossiyaning Sankt-Peterburg shaharlari o‘rtasida to‘g‘ridan to‘g‘ri aviaqatnovlarni yo‘lga qo‘yadi, deb xabar bermoqda «Dunyo» axborot agentligi.

Aviakompaniya ma’lumotiga ko‘ra, parvozlar haftada uch marta – dushanba, seshanba va juma kunlari amalga oshiriladi. Ushbu yo‘nalishning ochilishi ikki davlat o‘rtasidagi sayyohlik, ishbilarmonlik va madaniy aloqalarni yanada rivojlantirishga xizmat qiladi.

Centrum Air 2023-yilda tashkil etilgan bo‘lib, shtab-kvartirasi Toshkent shahrida joylashgan. Kompaniya qisqa muddat ichida O‘zbekistonning faol rivojlanayotgan xususiy aviatashuvchilaridan biriga aylandi. 2025-yil avgust holatiga ko‘ra, aviakompaniya parkida 11 ta zamonaviy samolyot mavjud.

Eslatib o‘tamiz, avvalroq Centrum Air 2-oktabrdan Toshkent — Dehli yo‘nalishida muntazam parvozlarni boshlagan...

TBC Uzbekistan 2019-yilda O‘zbekiston bozoriga kirib kelgan bo‘lib, qisqa vaqt ichida mamlakatdagi yetakchi raqamli moliya ekotizimlaridan biriga aylandi. Bu haqda TBC vakillari Kursiv Uzbekistan’ga ma’lum qildi.

2020-yilda TBC Bank ishga tushirilganidan so‘ng kompaniya faoliyatini kengaytirib, TBC Nasiya, TBC Sug‘urta va BILLZ xizmatlarini o‘z ichiga olgan yagona ekotizimni shakllantirdi.

2025-yilning ikkinchi choragi yakuniga ko‘ra, 21 mln noyob foydalanuvchi o‘z moliyasini TBC Uzbekistan ekotizimiga ishonib topshirgan — bu esa mamlakat aholining yarmidan ko‘prog‘ini tashkil etadi. Besh yil ichida 5,6 mln bank kartasi chiqarildi, TBC Uzbekistan mijozlari esa 2,3 mln omonat hisob raqamlarini ochib, jami 2,9 mlrd AQSh dollari miqdorida mablag‘ jamg‘arishgan. Bugungi...

Bekobod shahrida DXX va IIB xodimlari hamkorligida o‘tkazilgan tezkor tadbirda noqonuniy tamaki savdosi bilan shug‘ullanib kelgan fuqaro ushlandi. Bu haqda Bosh prokuratura departamenti ma’lum qildi.

U Bekobod shahri 14-dahasidagi uyida umumiy qiymati 154,8 mln so‘mlik aksiz markasiz 6,7 ming quti tamaki va 236 quti elektron tamaki mahsulotlarini sotish maqsadida saqlab kelgani aniqlangan.

Shuningdek, Departamentning Farg‘ona viloyatining Bag‘dod tumani bo‘limi tomonidan o‘tkazilgan tadbirda bir fuqaro va uning sheriklari fuqaroga xorijda ishlab chiqarilgan, sifati va kelib chiqishini tasdiqlovchi hujjatlarsiz besh ming quti aksiz markasiz tamakini 60 mln so‘mga sotayotgan vaqtida qo‘lga olingan.

Mazkur holatlar yuzasidan Jinoyat kodeksining 25 va 186-1-moddalari bo‘yicha...

Uzum kompaniyasi «O‘zbekiston pochtasi» AJ bilan hamkorlikni kengaytirib, uning infratuzilmasini modernizatsiya qilishga sarmoya kiritishga tayyorligini ma’lum qildi. Bu orqali mamlakat aholisi, jumladan, chekka hududlardagi fuqarolar ham onlayn buyurtmalarni qulay tarzda amalga oshira oladi.

Uzum Market hozirgacha 650 dan ortiq buyurtma topshirish punktlarini ochgan va «O‘zbekiston pochtasi»ning IT hamda logistika tizimlarini rivojlantirishda faol ishtirok etmoqda. Kompaniya 2026-yilgacha buyurtma topshirish punktlari sonini 1000 dan oshirishni, pochta orqali yetkaziladigan buyurtmalar ulushini esa 10 foizgacha ko‘tarishni rejalashtirmoqda.

«Kelgusi 3-4 yil ichida biz mamlakatga $1,5 milliarddan ortiq sarmoya kiritishni rejalashtirmoqdamiz va logistika infratuzilmasini rivojlantirish, shu jumladan, «O‘zbekiston pochtasi» AJ bilan hamkorlikda...

Toshkent shahridagi 300-umumta’lim maktabi o‘quvchilari o‘rtasida sodir bo‘lgan janjal aks etgan video ijtimoiy tarmoqlarda tarqaldi. Maktabgacha va maktab ta’limi vazirligi mazkur holatni o‘z nazoratiga olib, maxsus ishchi guruh orqali o‘rganish o‘tkazdi.

O‘rganish natijalariga ko‘ra, voqea 20-sentabr kuni darsdan so‘ng yuz bergan. 4-sinf o‘quvchisi sinfdoshlari bilan og‘zaki tortishuvdan keyin janjal kelib chiqqan. Maktab ma’muriyati bu holat haqida profilaktika inspektori va maktab psixologlariga darhol xabar bergan.

Holat bo‘yicha o‘quvchilarning ota-onalari Ma’muriy javobgarlik to‘g‘risidagi kodeksga asosan javobgarlikka tortilgan. Bundan tashqari, maktab direktori va mas’ul xodimlarga intizomiy chora qo‘llanildi.

Avvalroq Mirobod tumanida o‘smirlar o‘rtasidagi mojaro jinoyat ishi bilan yakunlangandi. Unga ko‘ra, voqea...

Samarqandda Agroinspeksiya xodimi pora sabab qamoqqa olindi. Bu haqda Davlat xavfsizlik xizmati xabar berdi.

Unga ko‘ra, viloyatdagi Agroinspeksiya boshqarmasining yetakchi mutaxassisi fermer xo‘jaligida tekshiruv o‘tkazganida qonunbuzarlikni aniqlagan. U bu holat bo‘yicha choralar ko‘rmaslik evaziga $3 ming pora talab qilib, oldindan $500 olgan.

Davlat xavfsizlik xizmati va viloyat prokuraturasi xodimlari o‘tkazgan tezkor tadbir davomida mutaxassis qolgan $2,5 mingni olayotgan vaqtda qo‘lga olindi.

Unga nisbatan jinoyat ishi qo‘zg‘atilib, «qamoqqa olish» ehtiyot chorasi qo‘llanildi. Hozirda tergov harakatlari davom etmoqda.

Avvalroq Andijonda hokim o‘rinbosari pora bilan qo‘lga tushgandi. U mansab vakolatidan foydalanib, tuman hududidan o‘tgan katta yo‘l bo‘yidagi 400 metr uzunlikdagi...

O‘zbekistonda garov reyestrining ishi takomillashtiriladi. Bu haqda 13-oktabr kuni Markaziy bankda investorlar ishtirokida bo‘lib o‘tgan davra suhbatida ma’lum qilindi.

Mazkur uchrashuvdan so‘ng Markaziy bank huzuridagi «Garov reyestri» DUK rahbari Alimardon Adilov garov reyestrida kutilayotgan o‘zgarishlar haqida Kursiv Uzbekistan muxbiriga ma’lumot berdi.

Unga ko‘ra, investorlar hozirgi garov reyestri tizimini zamon talablari asosida modernizatsiya qilish, moliyaviy xizmatlar, jumladan, faktoring va muddatli to‘lov operatsiyalarini yanada rivojlantirish lozimligini ta’kidlagan.

Shuningdek, notariuslar bilan bog‘liq masalalar, xususan, banklarga garovga qo‘yilgan mol-mulk bo‘yicha taqiq qo‘yish huquqini berish va birlamchi hamda ikkilamchi bozorlarda operatsiyalarni tartibga solish masalalari muhokama qilindi.

Bundan tashqari, uchrashuvda xorijiy mamlakatlar tajribasi ham tahlil qilinib...

Xitoyda Hyundai Elexio EO elektromobili uchun oldindan buyurtmalar ochildi. Bu haqda CarNewsChina xabar bermoqda.

Elexio EO Hyundai’ning E-GMP (Electric Global Modular Platform) platformasida yaratilgan birinchi sof elektromobildir. Model Qualcomm Snapdragon SA8295P chipi bilan jihozlanadi va CLTC bo‘yicha maksimal 722 km masofaga ega.

Avtomobil dizayni «H» harfining Mors kodi (to‘rtta nuqta) ilhomidan olingan bo‘lib, 152 ta LED elementdan iborat kvadrat shaklli faralar va ularni birlashtiruvchi yorug‘lik chizig‘i bilan ajralib turadi. Yon tomondan esa tom chizig‘i B-ustundan keyin pastga egilib boradi, eshik tutqichlari yashirilgan, D-ustun esa orqa tomondagi rangli element bilan uyg‘unlashgan.

Orqa qismda yuqoriga o‘rnatilgan segmentli tormoz chirog‘i va tomga...

Yevroittifoq mamlakatlari boshqa davlat fuqarolari uchun yangi kirish-chiqish tizimini (Entry/Exit System – EES) bosqichma-bosqich ishga tushira boshladi. Bu haqda Reuters xabar berdi.

EES tizimiga ko‘ra, sayohatchilar chegaradan o‘tishda pasportlarini skanerdan o‘tkazib, barmoq izlari va yuz suratlarini topshirishlari kerak bo‘ladi.

Yangi tizimning asosiy maqsadi — vizasi tugagan bo‘lsa ham mamlakatda qolayotganlarni aniqlash, shaxsni soxtalashtirish holatlarining oldini olish va noqonuniy migratsiyani kamaytirishdan iborat.

Endilikda Yevropa Ittifoqiga kirmaydigan davlat fuqarolari birinchi marta Schengen hududiga kirishda shaxsiy ma’lumotlarini ro‘yxatdan o‘tkazishlari kerak. Keyingi safarlarda esa faqat yuzni skanerlash orqali kirishadi.

Tizim to‘liq 2026-yil 10-aprelgacha ishga tushiriladi. Shu vaqtdan boshlab pasportga muhr bosish...

O‘zbekistonlik ikki karra Olimpiya chempioni Bahodir Jalolov 14-noyabr kuni Toshkentdagi «Humo Arena» majmuasida boʻlib oʻtadigan boks oqshomida ringga koʻtariladi.

Manbada ta’kidlanishicha, hozircha Jalolovning raqibi kim boʻlishi noma’lum. Shuningdek, mazkur oqshomda bir qator taniqli oʻzbekistonlik bokschilar ham ishtirok etadi. Jumladan, Shahram Gʻiyosov, Lazizbek Mullajonov, A’loxon Abdullayev, Ozodbek Aliyev va Suhrob Qayumov ringga chiqishadi.

Kechaning asosiy jangida Mullajonov qatnashib, u WBC kamari uchun bahs olib borishi kutilmoqda.

Eslatib oʻtamiz, Bahodir Jalolov soʻnggi jangini 6-oktabr kuni Sankt-Peterburgda bo‘lib oʻtgan «IBA Pro 10» turnirida mahalliy bokschi Vitaliy Kuduxovni hakamlar qaroriga koʻra magʻlub etgan edi.

Ma’lumot uchun, Jalolov professional boksda 16 ta jang...