Yangiliklar

Rossiyadagi federal hudud – Siriusda sharqiy va g‘arbiy qismlarni bog‘lovchi ikkita piyodalar uchun mo‘ljallangan ekoyo‘lak qurilishi rejalashtirilmoqda. Bu haqda «Interfaks» xabar berdi.

Asosiy loyiha – «Sirius» nomli marshrut bo‘lib, uning uzunligi 10,8 kilometrni tashkil etadi. U hududning sharqiy qismidagi Ornitologiya bog‘ini g‘arbdagi «Janubiy madaniyatlar» dendroparki bilan bog‘laydi. Yo‘lak ustki piyodalar inshootlari va manzarali kuzatuv nuqtalarini o‘z ichiga oladi. Loyiha haddan tashqari yuklama ostidagi dengiz bo‘yi sayr yo‘lagiga muqobil sifatida ko‘rilmoqda hamda yangi sayyohlik maskaniga aylanishi kutilmoqda.

Dastlabki hisob-kitoblarga ko‘ra, loyiha qiymati qariyb $79 millionni tashkil etadi. Bu uni Yevropadagi eng yirik osma ekoyo‘lak loyihasiga aylantiradi.

Ikkinchi – «Daryo bo‘yi...

Isroil harbiylari G‘azo urushi davomida 70 mingdan ortiq falastinlik halok bo‘lganini tan oldi. Bu haqda Reuters agentligi xabar berdi.

Avvalroq Isroil tomoni G‘azo sog‘liqni saqlash vazirligi e’lon qilgan qurbonlar soniga shubha bildirgan edi. BMT esa uzoq vaqtdan beri G‘azo sog‘liqni saqlash organlari ma’lumotlarini ishonchli deb hisoblab keladi.

G‘azo sog‘liqni saqlash vazirligi halok bo‘lganlarning ismlari va yoshlarini e’lon qilib, qurbonlar soni hozirga kelib 71 mingdan oshganini bildirgan. Shu jumladan, oktyabr oyida AQSh vositachiligida erishilgan sulhdan so‘ng Isroil hujumlari natijasida 480 dan ortiq kishilar halok bo‘lgan. Vazirlik, shuningdek, minglab odamlar hanuz xarobalar ostida qolayotganini qayd etgan. Qurbonlarning aksariyati ayollar va...

Tayvan harbiy-dengiz salohiyatini mustahkamlash yo‘lida mahalliy ishlab chiqilgan birinchi suvosti kemasining ilk dengiz sinovini o‘tkazdi. Bu haqda Reuters agentligi xabar berdi.

CSBC Corp kompaniyasi «Narwhal» nomli suvosti kemasi Kaosyun porti yaqinida sayoz suvda suv osti harakat sinovidan muvaffaqiyatli o‘tganini ma’lum qildi.

Mazkur loyiha Xitoy harbiy-dengiz kuchlariga qarshi turish va urush ehtimolida muhim dengiz yo‘llarini himoya qilishga qaratilgan. Xitoy bilan keskinlashuv fonda Tayvan qurolli kuchlarini modernizatsiya qilmoqda.

Ma’lumot uchun, CSBC Corp jami sakkizta suvosti kemasi qurishni rejalashtirgan. «Narwhal» 2024-yilda topshirilishi kerak edi, biroq loyiha kechikdi.

Tayvan 2027-yilgacha kamida ikkita mahalliy suv osti kemasini safga kiritishni rejalashtirmoqda. Birinchi kema...

Toshkent metropolitenida to‘lov tizimini yanada shaffof va qulay qilish maqsadida kassalarni bosqichma-bosqich yopish jarayoni davom etmoqda. Bu haqda Toshkent metropoliteni xabar berdi.

Unga ko‘ra, mazkur jarayon doirasida yana 19 ta metro bekatidagi kassalar 2026-yil 1-fevraldan boshlab ketma-ket yopiladi. Ularning o‘rniga bir martalik QR-chipta beruvchi infokioskalar o‘rnatilishi rejalashtirilgan.

Ayni paytda Toshkent metrosida elektron to‘lov tizimlari faol ravishda kengaytirilmoqda. Hozir yo‘lovchilar 10 dan ortiq zamonaviy to‘lov usullaridan foydalanishlari mumkin. Jumladan, bank va transport kartalari, mobil ilovalar, yuzni tanib olish (Face ID), kaft orqali to‘lov (Palm Pay) va boshqa raqamli yechimlar joriy etilgan.

Shuningdek, dekabr oyida Toshkent metropoliteni to‘lov tizimini raqamlashtirish...

Realme Hindiston bozorida yangi P4 Power smartfonini namoyish qildi. Bu haqda Rozetked nashri xabar berdi.

Qurilmaning asosiy ustunligi – rekord darajadagi avtonomlik: u Hindiston uchun 10 000 mA/soatdan ortiq akkumulyatorga ega ilk smartfon bo‘ldi. Model orqa qopqog‘ining noodatiy dizayni bilan ham ajralib turadi.

Texnik xususiyatlar

Smartfon 162,3 × 76,2 × 9,1 mm o‘lchamlarga ega bo‘lib, og‘irligi 219 gramm. Old panelda 6,8 dyuymli AMOLED displey joylashgan: 2800 × 1280 piksel aniqlik, 144 Gts yangilanish chastotasi va 6500 nitgacha yorqinlikni qo‘llab-quvvatlaydi. Ekran Gorilla Glass 7i bilan himoyalangan.

Qurilma MediaTek Dimensity 7400 Ultra sakkiz yadroli protsessori (Mali-G615 grafik yadrosi) asosida...

Bugun NEV (New Energy Vehicles) atamasi, amalda, tashqi zaryadlash imkoniyatiga ega elektrlashgan avtomobillarni anglatadi. Bu toifaga BEV (to‘liq elektr) va PHEV (zaryadlanadigan gibrid) modellari kiradi. Xalqaro tahliliy hisobotlarning aksariyatida ushbu ikki segment birgalikda «EV» ya’ni elektromobil sifatida ko’rsatiladi. Ushbu avtomobillar bozorida yildan yilga o’sish raqamlarda ham yaqqol ko‘rinmoqda. IEA ma’lumotlariga ko‘ra, 2024 yilda dunyo bo‘yicha elektromobil savdosi 17 million donadan oshdi, ularning ulushi esa yangi avtomobillar umumiy savdosida 20 foizdan yuqori bo‘ldi. 2025 yilda ham o‘sish sur’ati saqlanib qoldi: Rho Motion manbasi global EV (BEV+PHEV) savdosini yil yakunida 20,7 million dona deya baholadi. Bu ko‘rsatkich undan oldingi yilga nisbatan...

So‘nggi sutka davomida sport olami vakillari nafaqat maydondagi harakatlari, balki shaxsiy hayotidagi qiziqarli lahzalar bilan ham bo‘lishdi: Kimdir YChL havosidan bahra olgan bo‘lsa, yana kimdir san’at olamiga sayohat qildi.

Javohir Sindorov san’at og‘ushida

O‘zbekistonlik shaxmat yulduzi Javohir Sindorov ayni damda Niderlandiyada bo‘lib turibdi va vaqtini mazmunli o‘tkazishga harakat qilmoqda. Yosh grossmeysterimiz mashhur «Van Gog» muzeyiga tashrif buyurib, dunyo san’ati durdonalari bilan yaqindan tanishdi. Shaxmat taxtasidagi murakkab kombinatsiyalardan biroz tin olgan Javohir, buyuk rassom ijodidan ilhomlanayotganini ko‘rish mumkin.

Abduqodir Husanovdan YChL taassurotlari

Fransiyaning «Lans» klubi sharafini himoya qilayotgan hamyurtimiz Abduqodir Husanov Yevropa Chempionlar Ligasi doirasida Turkiyaning «Galatasaroy» jamoasiga...

Fit Service servislar tarmog‘ining avtomobil eksperti Konstantin Yershovga ko‘ra, to‘liq uzatma qishda xavfsizlik kafolati emas, balki faqat ayrim sharoitlarda yordam beruvchi mexanizmdir. Kursiv Uzbekistan ekspert fikrlari asosida maqola tayyorladi.

To‘liq uzatma haqidagi noto‘g‘ri tushuncha

Eng keng tarqalgan xato — qishda ham yozgi haydash uslubini saqlab qolishdir. Ko‘pchilik haydovchilar to‘liq uzatmali avtomobil muzli yo‘lda ham barqaror bo‘ladi, deb hisoblaydi. Aslida esa barcha avtomobillar, uzatma turidan qat’i nazar, deyarli bir xil tormozlanadi. Muzlagan yo‘lda shinalarning ilashish darajasi keskin pasayadi va bu holatda nechta g‘ildirak yetakchi ekani muhim bo‘lmay qoladi.

To‘liq uzatma faqat aylantiruvchi momentni g‘ildiraklar o‘rtasida taqsimlaydi. Bu esa qorli...

2026-yil 31-yanvar va 1–3-fevral kunlari kutilayotgan yog‘ingarchilik hamda havo haroratining o‘zgarishlari sababli respublikaning tog‘li hududlarida qor ko‘chish xavfi mavjud. Bu haqda «O‘zgidromet» ogohlantirdi.

Unga ko‘ra, Qashqadaryo viloyatining Dehqonobod, Kitob, Qamashi, Shahrisabz tumanlarida, Surxondaryo viloyatining Boysun, Qumqo‘rg‘on, Sariosiyo, Uzun tumanlarida, Samarqand viloyatining Nurobod, Qo‘shrabot, Samarqand, Urgut tumanlarida, Jizzax viloyatining Baxmal, Zomin tumanlarida, Toshkent viloyatining Bo‘stonliq, Parkent, Ohangaron tumanlari (Chotqol tizmasi tog‘lari) hamda Namangan viloyatining Pop tumanida qor ko‘chish xavfi e’lon qilinadi.

Shu sababli tog‘li hududlarda istiqomat qiluvchi fuqarolar, dam oluvchilar hamda tog‘li joylarda harakatlanuvchi haydovchilardan ehtiyotkorlik choralarini ko‘rish so‘ralgan.

Avvalroq «Kursiv» joriy yilning fevral oyida qanday ob-havo bo‘lishi haqida...

Shveytsariyaning Nyon shahrida Yevropa Chempionlar Ligasining hal qiluvchi bosqichlari uchun qur’a tashlash marosimi bo‘lib o‘tdi. Unda 1/8 final yo‘llanmasi uchun kurashadigan juftliklar hamda musobaqaning keyingi bosqichidagi potensial raqiblar nomi ma’lum bo‘ldi.

Qur’a natijalariga ko‘ra, 1/8 finalga chiqish uchun o‘tkaziladigan o‘tish o‘yinlarida bir qator markaziy to‘qnashuvlar yuzaga keldi. Xususan, Fransiya ichki chempionatidagi raqiblar «Monako» va «PSJ» endi xalqaro maydonda o‘zaro bahs olib boradi.

Musobaqaning eng titulli jamoasi «Real Madrid» Portugaliyaning «Benfika» klubiga qarshi maydonga tushsa, Italiyaning «Yuventus» klubi Istanbulda «Galatasaroy» bilan kuch sinashadi. Hujumkor o‘yin uslubi bilan tanilgan «Borussiya Dortmund» va «Atalanta» jamoalari ham o‘zaro raqib bo‘ldi.

O‘tish bosqichidagi boshqa...

So‘nggi bir hafta davomida dollar kursi O‘zbekistonda notekis, ammo umumiy hisobda o‘sish yo‘nalishida harakat qildi. Haftaning boshida dollar pasayish bilan boshlangan bo‘lsa, keyingi kunlarda ketma-ket ko‘tarilish qayd etildi.

26-yanvar kuni dollar kursi keskin tushib, 51,97 so‘mga pasaydi va 12 084,95 so‘mni tashkil etdi. Oradan bir kun o‘tib, 27-yanvar kuni dollar 13,17 so‘mga oshib, 12 098,12 so‘m darajasida shakllandi.

28-yanvardan boshlab vaziyat o‘zgardi. Dollar kursi yana o‘sish bosqichiga o‘tdi va 29,90 so‘mga ko‘tarilib, 12 128,02 so‘mni tashkil etdi. 29-yanvarda o‘sish yanada tezlashib, dollar birdaniga 40,96 so‘mga mustahkamlandi va 12 168,98 so‘mga yetdi.

Haftaning oxirgi ish kuni 30-yanvarda ham...

Uzbekistan Airways kompaniyasi 22 ta Boeing 787-9 Dreamliner samolyotini sotib olish uchun kredit mablag‘larini jalb qilishni rejalashtirmoqda. Bu haqda 28-yanvar kuni milliy aviakompaniya boshqaruvi raisi Shuxrat Xudaykulov matbuot anjumanida ma’lum qildi.

Samolyotlarni yetkazib berish 2030-yilning oxirida boshlanadi va 3–4 yil davom etadi. Dastlabki rejaga ko‘ra, har yili aviakompaniya parkiga 4–5 ta yangi samolyot qo‘shib boriladi.

«Parvozlar geografiyasiga, respublika ichidagi va xalqaro qatnovlar faolligiga qarasak, bunday qaror qabul qilishga to‘g‘ri keldi. Hozir Uzbekistan Airways asosan Boeing 767 samolyotlaridan foydalanmoqda. Boeing 787 esa kelajak samolyoti. Parkni yangilash vaqti keldi», — dedi u.

Mutaxassislarni tayyorlash uchun 2025-yilda o‘quv-trening...

Rossiyada yangi Atom elektromobili taqdim etildi. Avtomobil endi Moskvich zavodida seriyali ishlab chiqariladi va bahor oylarida sotuvga chiqishi kutilmoqda.

«Кama» kompaniyasi rahbariyatining ma’lum qilishicha, Atom narxi Xitoy analoglaridan arzonroq bo‘ladi. Yakuniy narx 2025-yil fevral oyida jamoatchilikka e’lon qilinadi. Taxminlarga ko‘ra, avtomobil narxi 3,9 million rubl (629 mln so‘m) atrofida bo‘lishi mumkin. Bu O‘zbekiston sharoitida yangi Chevrolet Traverse narxiga yaqin.

Elektromobilning o‘lchamlari 3995 × 1780 × 1615 mm. Dvigatel quvvati 204 ot kuchiga teng. Batareya sig‘imi 77 kVt/soat bo‘lib, bir zaryad bilan 500 km gacha yo‘l bosishi mumkin (WLTC). Klirensi 170 mm, maksimal tezligi esa 170 km/soat.

Atom avtomobiliga...

Farg‘ona shahriga «Vodiy Imkon Trans UBD» MCHJ tomonidan Xitoyda ishlab chiqarilgan 24 dona yangi Yutong rusumli avtobus olib kelindi. Mazkur transport vositalari tez orada shahar ichki yo‘nalishlariga chiqarilib, aholiga xizmat ko‘rsatishni boshlaydi. Bu haqda Farg‘ona viloyat Transport boshqarmasi xabar bermoqda.

So‘nggi yillarda viloyat markazida jamoat transportini yangilash bo‘yicha keng ko‘lamli ishlar amalga oshirilmoqda. 2024–2025-yillar davomida to‘rtta tashuvchi korxona tomonidan jami 124 ta zamonaviy avtobus keltirilgan. Ular orasida Asia Star, Yutong va Zhong Tong kabi rusumlar mavjud bo‘lib, hozirda 10 ta yo‘nalishda brutto-shartnoma asosida yo‘lovchilarni tashimoqda.

Transport infratuzilmasini rivojlantirish rejasiga ko‘ra, parkni kengaytirish ishlari davom etadi. Yil yakuniga qadar tashuvchi...

2-fevral uchun valyutalar kursi yangilandi. Unga ko‘ra, dollar 26,06 so‘mga oshib, 12 225,16 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

23-yanvarda 14,85 so‘mga oshib, 12 136,92 so‘mga yetdi. 26-yanvarda 51,97 so‘mga tushib, 12 084,95 so‘mni tashkil etdi. 27-yanvar esa dollar 13,17 so‘mga tushib, 12 098,12 so‘mga yetdi. 28-yanvarda 29,90 so‘mga oshib, 12 128,02 so‘mni tashkil etgan edi. 29-yanvarda dollar 40,96 so‘mga oshib, 12 168,98 so‘mni, 30-yanvarda esa 32,13 so‘mga oshib, 12 199,10 so‘mni  tashkil etdi.

Jadval:

Markaziy bank ma’lumotlariga ko‘ra, yevro 25,07 so‘mga pasayib...

Amazon korporatsiyasi ChatGPT yaratuvchisi OpenAI kompaniyasiga $50 mlrd sarmoya kiritish bo‘yicha muzokaralar olib bormoqda. Bu haqda Reuters agentli xabar bermoqda.

Manbalarning ta’kidlashicha, muzokaralar ayni damda dastlabki bosqichda va yakuniy raqamlar hali to‘liq tasdiqlanmagan. Ma’lumotlarga ko‘ra, ushbu yirik jarayonni Amazon bosh direktori Endi Jessi va OpenAI rahbari Sem Altman shaxsan muhokama qilmoqda.

Agar kelishuv amalga oshsa, Amazon sun’iy intellekt kompaniyasining joriy moliyalashtirish raundidagi eng yirik investorga aylanishi mumkin. OpenAI ayni paytda $100 mlrdgacha mablag‘ jalb qilishni ko‘zlamoqda, bu esa kompaniyaning umumiy qiymatini $830 mlrdga yetkazadi. Kelajakda kompaniya IPO’ga chiqishga tayyorgarlik ko‘rmoqda, bu jarayonda uning bahosi $1 trlngacha ko‘tarilishi kutilmoqda.

Bozordagi...

Xitoyda sun’iy intellekt asosida faoliyat yurituvchi birinchi restoran ish boshladi. Bu haqda Global Times xabar berdi.

Mazkur restoran ikki qavatdan iborat bo‘lib, u yagona texnologik tizim sifatida ishlab chiqilgan. Robotlashtirilgan mexanik qo‘llar taomlarga issiqlik ishlovi berish, ugra hamda ichimliklar tayyorlash bilan shug‘ullanadi. Harakatlanuvchi platformalar esa buyurtmalarni mehmonlar stoliga yetkazish va zaldagi sanitariya holatini saqlash vazifasini bajaradi.

Restoran boshqaruvchisi Tsay Xaytonning ma’lum qilishicha, hozirda sakkizta robotdan iborat texnik park umumiy ishlarning 60 foizdan ortig‘ini amalga oshirmoqda. Inson omili juda kam darajada ishtirok etadi. Atigi besh nafar xodim to‘lovlarni qabul qilish va mahsulotlarni dastlabki tayyorlash jarayoniga jalb qilingan.

Loyihaning eng...

Futzal bo‘yicha Osiyo kubogi–2026 musobaqasining «C» guruhi 2-turi doirasida O‘zbekiston terma jamoasi Avstraliya bilan bahs olib bordi. O‘yin boshida raqibga ustunlikni boy bergan o‘zbekistonliklar uchrashuv davomida vaziyatni o‘z foydasiga o‘zgartirib, yakunda 4:2 hisobida g‘alabaga erishdi.

Uchrashuv kutilmagan ssenariy ostida boshlandi. O‘yinning 8 va 9-daqiqalarida avstraliyalik futzalchi Jyden Jakob Harb dubl qayd etib, jamoasini 2:0 hisobida oldinga olib chiqdi. Biroq O‘zbekiston vakillari tezda vaziyatni o‘nglashga kirishdi. O‘tkazib yuborilgan gollardan so‘ng, 9-daqiqada Anasxon Raxmatov hisobni qisqartirdi, 11-daqiqada esa Ixtiyor Ropiyev muvozanatni tikladi.

Birinchi bo‘lim yakunlanishi arafasida 19-daqiqada Ilhom Hamroyev O‘zbekistonni hisobda oldinga olib chiqdi. Ikkinchi bo‘limda ham ustunlikni saqlab qolgan...

Vivo kompaniyasi Hindistonda V70 smartfonlar turkumini rasman tanishtirishga tayyorlanmoqda. Fevral oyida taqdim etilishi kutilayotgan V70 va V70 Elite modellari dizayni va asosiy texnik xususiyatlari rasman ma’lum qilindi.

Har ikki model 1,5K aniqlikdagi OLED displeyga ega bo‘ladi. Ekran 120 Gs yangilanish chastotasi va 5000 nitgacha yorqinlikni qo‘llab-quvvatlaydi. Smartfonlar Android 16 asosidagi OriginOS 6 tizimida ishlaydi. Vivo 4 yil davomida tizim yangilanishlari va 6 yil xavfsizlik yangilanishlarini va’da qilmoqda.

Boshlang‘ich konfiguratsiya 8 GB LPDDR5x tezkor xotira va 256 GB UFS 4.1 ichki xotiradan iborat bo‘ladi. Qurilmalar alyuminiy korpusda ishlab chiqilgan bo‘lib, IP68/69 darajasida suv va changdan himoyalangan. Batareya sig‘imi 6500 mA/soat...

2025-yilda O‘zbekistonda elektron xizmatlar ko‘rsatuvchi xorijiy IT-kompaniyalar tomonidan to‘langan soliqlar hajmi keskin oshdi. Soliq qo‘mitasi ma’lumotiga ko‘ra, yil davomida 78 ta xorijiy kompaniya jami 181,3 mlrd so‘m soliq to‘lagan.

Ta’kidlanishicha, bu ko‘rsatkich 2024-yilga nisbatan qariyb 50 foizga ko‘pdir. Eng yirik soliq to‘lovchilar orasida Apple yetakchi bo‘lib, kompaniya budjetga 49,5 mlrd so‘m yo‘naltirgan. Shundan keyin Meta 49 mlrd so‘m, Google esa 44,4 mlrd so‘m soliq to‘lagan. So‘nggi yillarda faoliyati keskin kengaygan OpenAI O‘zbekistonda 11,7 mlrd so‘m soliq to‘lagan.

Shuningdek, xalqaro onlayn platformalar va xizmatlar ham yirik to‘lovchilar qatoridan joy olgan. Booking.com 4,3 mlrd so‘m, TikTok 3,5 mlrd so‘m, Netflix...

Rossiyada Changan avtomobil brendining premium yo‘nalishi hisoblangan Changan Deepal modellari ishlab chiqarilishi yo‘lga qo‘yildi. Bu haqda «RG» nashri ma’lum qildi.

Kaliningraddagi Avtotor zavodida Deepal G318 yo‘ltanlamasi va Deepal S07 krossoveri yig‘ilmoqda. Yirik gabaritli Deepal G318 va o‘rta o‘lchamli Deepal S07 modellari yig‘ilishi 2025-yil oktabr oyida boshlangan. Dastlab avtomobillar yirik uzelli usulda yig‘ilmoqda. Keyingi bosqichlarda lokalizatsiya darajasini oshirish, jumladan, payvandlash va bo‘yash jarayonlarini ham Rossiya hududida yo‘lga qo‘yish rejalashtirilgan.

Deepal G318 o‘lchamlari bo‘yicha Toyota Land Cruiser’ga yaqin bo‘lgan yirik gibrid yo‘ltanlamas hisoblanadi. Rossiya bozori uchun texnik xususiyatlar hozircha oshkor qilinmagan. Biroq Xitoyda mazkur model 252 yoki 430 ot kuchiga...

«O‘zbekiston – 2030» strategiyasi loyihasiga ko‘ra, 2026-yilda ipoteka kreditlari hajmini oshirish rejalashtirilmoqda. Hujjat hozirda jamoatchilik muhokamasiga qo‘yilgan.

Dastur doirasida jami 23 trln so‘m ipoteka kreditlari ajratiladi. Shundan 12,2 trln so‘m Davlat budjeti hisobidan, 7,8 trln so‘m tijorat banklarining o‘z mablag‘lari hisobidan, 3 trln so‘m esa O‘zbekiston ipotekani qayta moliyalashtirish kompaniyasi tomonidan yo‘naltiriladi.

Yangi tartibga ko‘ra, bitta kvartira uchun beriladigan ipoteka krediti miqdori Toshkent shahrida 480 mln so‘mgacha, hududlarda esa 380 mln so‘mgacha yetkaziladi. Bundan tashqari, ipoteka kreditlari bo‘yicha boshlang‘ich badal va foiz xarajatlarini qoplash uchun 2,7 trln so‘m subsidiya ajratilishi ko‘zda tutilgan.

Dastur ijrosi 2026-yil 1-martdan boshlanib, yil davomida...

Rossiyada smartfonlar narxi yaqin oylar ichida sezilarli oshishi kutilmoqda. Xitoylik ishlab chiqaruvchilar fevral oyidan boshlab smartfonlar uchun xarid narxlarini 15 – 30 foizga oshirishini ma’lum qilgan. Bu haqda Izvestiya xabar berdi.

Yangi narxlar bo‘yicha xarid qilingan qurilmalar do‘kon peshtaxtalarida mart va aprel oylarida paydo bo‘lishi kutilmoqda. Buni yirik savdo tarmoqlari va elektronika distribyutorlari vakillari tasdiqlamoqda. Narxlar oshishi turli brend va modellarni qamrab oladi. Bu turli hajmdagi tezkor va doimiy xotiraga ega ommabop smartfonlarga ham taalluqli bo‘ladi.

Asosiy sabab sifatida smartfonlarda qo‘llaniladigan xotira chiplarining global tanqisligi ko‘rsatilmoqda. Mutaxassislar eng avvalo nisbatan arzon qurilmalar segmenti ko‘proq zarar ko‘rishini kutmoqda. Chunki aynan...

Indoneziya fond birjasi rahbari Iman Rachman 30-yanvar kuni o‘z lavozimini tark etdi. Bu qaror bozor kapitallashuvi $80 mlrddan ko‘proqqa kamayganidan so‘ng qabul qilindi.

Jakarta Composite Index chorshanba va payshanba kunlari 8 foizdan ko‘proqqa tushib, aprel oyidan beri eng keskin ikki kunlik pasayishni qayd etdi. Indoneziya rupiyasi kursi ham tushdi. Iman Rachman televideniye orqali chiqish qilib, vaziyat uchun mas’uliyatni o‘z zimmasiga olishini ma’lum qildi.

«Umid qilamanki, bu kapital bozori uchun eng to‘g‘ri qaror va mening iste’fom ijobiy o‘zgarishlarga olib keladi», – dedi sobiq rahbar.

Keskin pasayishga chorshanba kuni MSCI tashkilotining aksiyalar egaligi va savdo shaffofligi...