Yangiliklar

Raqobat qo‘mitasi birja savdolarida propan narxlarini barqarorlashtirish maqsadida korreksiyalovchi choralar ko‘rilayotganini bildirdi. Xususan, bozor ishtirokchilariga mahsulotlarni birja savdolariga to‘liq hajmda va uzluksiz chiqarish bo‘yicha ko‘rsatmalar yuborilgan.

Qo‘mitaga ko‘ra, 2025-yil noyabr – dekabr oylarida bozorda yuzaga kelgan vaziyat sabab sanksiyalarsiz, profilaktik maqsadda tadbirkorlarga ogohlantirishlar yuborilgan. Unda metan gaziga kiritilgan vaqtinchalik cheklovlardan foydalanib, suyultirilgan gaz narxlarini asossiz oshirmaslik talab qilingan.

Shunga qaramay, ayrim xo‘jalik yurituvchi subyektlar tomonidan bozorda adolatli raqobat tamoyillariga zid holatlar kuzatilmoqda. Jumladan, narxlarni sun’iy ravishda oshirishga olib keluvchi manipulyatsiya va kelishilgan harakatlar alomatlari aniqlangan.

«Aniqlangan holatlar yuzasidan Qo‘mita tomonidan o‘rnatilgan tartibda qonunbuzilishi holatlari...

Xitoyda BYD kompaniyasining yangilangan BYD Seagull va BYD Dolphin modellari sertifikatlandi. Eng muhim yangilik shundaki, hatto eng arzon BYD elektromobillari ham endi 350 metr masofagacha lidar bilan ta’minlanmoqda.

Lidar va sun’iy intellekt

Yangi versiyalar Robosense lidariga ega bo‘lib, yo‘l holatini tahlil qilish Nvidia Orin platformasi orqali amalga oshiriladi. Ushbu chip 254 TOPS unumdorlikni taklif etadi. Texnologiyalar BYD’ning «Xudo nigohi» (God’s Eye) deb ataluvchi haydovchiga yordam berish tizimining B darajali, ya’ni o‘rta toifasiga kiradi.

BYD Dolphin: texnika va o‘lchamlar

Lidar bilan jihozlangan BYD Dolphin Xitoyda bitta elektromotorli talqinda sertifikatlandi. Uning quvvati 136 ot kuchiga teng, maksimal tezligi...

O‘zbekiston Qurolli Kuchlari tashkil etilganining 34 yilligi hamda Vatan himoyachilari kuni munosabati bilan 12-yanvar kuni poytaxt Toshkentda tantanali harbiy piyoda yurish marosimi o‘tkaziladi. Bu haqda Mudofaa vazirligi xabar berdi.

Jumladan, harbiy bo‘linmalarning yurishi soat 11:00 da O‘zbekiston Respublikasi Harbiy xavfsizlik va mudofaa universitetidan (mo‘ljal — Pushkin metro bekati) boshlanib, 13:00 ga qadar davom etadi. Bo‘linmalar Parkent va Mustaqillik ko‘chalari orqali harakatlanib, Amir Temur xiyobonida to‘xtaydi. Bu yerda faxriy qorovul jamoasi va qo‘l jangi ustalarining ko‘rgazmali chiqishlari, harbiy orkestrning defile namoyishlari hamda bo‘linmalarning jangovar chaqiriqlari namoyish etiladi.

Shundan so‘ng harbiylar Mahtumquli va Temiryo‘l ko‘chalari orqali boshlang‘ich manzilga qaytadi. Mazkur tadbir...

Saudiya Arabistonida bo‘lib o‘tgan Ispaniya Superkubogi finalida «Barselona» «Real Madrid» ustidan 3:2 hisobida g‘alaba qozondi.

Uchrashuvdagi hisobni 36-daqiqada «Barselona» vingeri Rafinya ochdi. Birinchi bo‘limga qo‘shib berilgan vaqt haqiqiy gollar shousiga aylanib ketdi. 45+2-daqiqada Vinisius Junior muvozanatni tikladi, biroq oradan ikki daqiqa o‘tib, 45+4-daqiqada Robert Levandovski kataloniyaliklarni yana oldinga olib chiqdi. Bo‘lim tugashi arafasida, 45+7-daqiqada «Real»ning yosh iqtidori Gonsalo Garsiya hisobni yana tenglashtirdi – 2:2.

G‘alaba goli ikkinchi bo‘limda kiritildi. 73-daqiqada Rafinya o‘zining ikkinchi golini urib, dubl qayd etdi va jamoasiga muhim ustunlikni taqdim etdi. O‘yinning so‘nggi daqiqalari o‘ta asabiy ruhda o‘tdi. 90+1-daqiqada «Barselona...

Buyuk Britaniyaning nufuzli Autocar nashri 2025-yilning eng yaxshi elektromobillari reytingini yangiladi. Mutaxassislar qayd etishicha, elektromobillar endi tor auditoriyaga mo‘ljallangan texnologiya emas, balki ichki yonuv dvigatelli avtomobillarga to‘liq alternativa bo‘lib bormoqda. Reytingga kontseptlar emas, balki hozir xarid qilib, kundalik hayotda foydalanish mumkin bo‘lgan real modellar kiritilgan.

Kia EV3 – eng yaxshi muvozanat

Kia EV3 reytingdagi asosiy kashfiyotlardan biri bo‘ldi. Ixcham krossover 600 kilometrdan ortiq yurish zaxirasi, shahar sharoitidagi qulayligi va trassadagi barqarorligi bilan ajralib turadi. Autocar mutaxassislari uni bozordagi eng universallardan biri deb atadi. Model nufuzli World Car Awards mukofotida «Yil avtomobili» deb topilgani ham buning tasdig‘idir.

Hyundai...

AQSh prezidenti Donald Tramp Venesuela nefti va moliyaviy resurslari Kubaga yetkazilmasligini e’lon qildi va orolni Vashington bilan kelishuvga kelishga chaqirdi. Bu haqda Reuters agentligi ma’lum qildi.

Venesuela Kubaning eng katta neft yetkazib beruvchisi bo‘lishiga qaramay, yanvar boshida AQSh kuchlari Venesuela prezidenti Nikolas Maduroning o‘g‘irlab ketilganidan so‘ng, mamlakat portlaridan Kubaga hech qanday neft yuklari yetkazilmagan.

Karakas va Vashington Venesuela neftini AQShga yetkazish bo‘yicha $2 mlrdlik kelishuvni muhokama qilmoqda. Rejaga ko‘ra, 50 mln barrelgacha neft AQShga yetkaziladi va tushumlar AQSh Moliya vazirligi nazoratidagi hisobvaraqlarga kiritiladi.

«Kuba erkin, mustaqil va suveren davlatdir. Kuba hujum qilmaydi; u ona...

Venesuela muxolifati yetakchisi Mariya Korina Machadoning 2025-yilgi mukofotni Donald Trampga berishi mumkinligi haqidagi fikrlaridan so‘ng, Norvegiya Nobel instituti Nobel Tinchlik mukofotini boshqa shaxsga o‘tkazish yoki bekor qilish mumkin emasligini rasman ma’lum qildi. Bu haqda CNN xabar berdi.

Institutning ta’kidlashicha, Nobel mukofotini topshirish haqidagi qaror Nobel jamg‘armasi nizomlariga muvofiq yakuniy va doimiy hisoblanadi. Mazkur nizomlarda qaror ustidan shikoyat qilish yoki uni qayta ko‘rib chiqish tartibi ko‘zda tutilmagan. Bir marta e’lon qilingan Nobel mukofoti hech qanday holatda bekor qilinmasligi, bo‘linmasligi yoki boshqa shaxsga topshirilmasligini qayd etdi.

Oldinroq Mariya Korina Machado bunday qaror qabul qilinsa, mukofotni Donald Trampga topshirish Venesuela xalqi...

Eronda so‘nggi haftalarda davom etayotgan norozilik namoyishlari oqibatida qurbonlar soni 500 nafardan oshgan. Bu haqda Reuters agentligi ma’lum qildi.

AQShda joylashgan HRANA tashkiloti bergan ma’lumotlarga ko‘ra, ikki hafta davom etgan tartibsizliklar vaqtida 490 nafar namoyishchi va 48 nafar xavfsizlik xodimi halok bo‘lgan, 10600 nafardan ortiq shaxs hibsga olingan. Eron rasmiylari qurbonlar bo‘yicha hozircha rasmiy statistikani e’lon qilmagan, keltirilgan raqamlar ham mustaqil tasdiqlanmagan.

Ma’lumot uchun, noroziliklar 2025-yil 28-dekabr kuni narx-navoning oshishiga javoban boshlangan va keyinchalik siyosiy tus olgan. Rasmiy Tehron tartibsizliklarni AQSh va Isroil bilan bog‘lamoqda.

AQSh prezidenti Donald Tramp namoyishchilarga nisbatan kuch ishlatilsa, AQSh aralashuvi ehtimoli borligini bildirgan...

12-yanvar sanasi fan-texnika yutuqlari, adabiyot durdonalari va sport olamidagi yorqin voqealar bilan tarixga kirgan. Kursiv Uzbekistan kunning eng muhim voqealarini xronologik tartibda taqdim etadi.

1876-yili amerikalik mashhur yozuvchi Jek London dunyoga keldi. U sarguzasht janrida qalam tebratib, «Oq so‘yloq», «Dengiz bo‘risi» va «Martin Iden» kabi o‘lmas asarlar yaratgan. Yozuvchi o‘z asarlarida inson irodasining tabiat kuchlari va ijtimoiy qiyinchiliklar bilan kurashini mahorat bilan tasvirlab bergan bo‘lib, uning ijodi XX asr adabiyotiga kuchli ta’sir ko‘rsatgan.

1908-yilda Parij ramzi sanalgan Eyfel minorasidan ilk bor uzoq masofaga radioxabar uzatildi. Amerikalik ixtirochi Li de Forest tomonidan amalga oshirilgan ushbu tajriba minoraning shunchaki temir...

O‘zbekiston va jahonda ortda qolayotgan haftada bir qancha voqealar yuz berdi. Kursiv Uzbekistan ularni bir joyga jamladi.

2026-yilda sayohat uchun eng arzon uchta davlat aniqlandi

«Tutu» sayyohlik xizmati ma’lumotlariga ko‘ra, O‘zbekiston, Belarus va Qirg‘iziston bu yil eng arzon xalqaro sayohat yo‘nalishlari uchligiga kirdi. Ushbu uch mamlakat orasida Belarus eng arzon yo‘nalish bo‘ldi, bu yerda ikki kishilik bir haftalik ta’til o‘rtacha $995 ni tashkil qiladi. Keyingi o‘rinda O‘zbekiston qayd etilgan, bu yerda taxminan $1156 ketadi. Qirg‘izistonda esa $1306 kerak bo‘ladi.

O‘zbekistonning JSTga a’zo bo‘lishi uchun faqat bitta davlat bilan muzokara qoldi

Prezidentning Jahon savdo tashkiloti bo‘yicha vakili Azizbek Urunovning ma’lum qilishicha...

AQSh Davlat departamenti Venesueladagi xavfsizlik vaziyati keskinlashgani sababli mamlakatda bo‘lgan Amerika fuqarolarini darhol chiqib ketishga chaqirdi, deb xabar bermoqda The Guardian nashri.

Rasmiylarga ko‘ra, hukumat tarafdori bo‘lgan qurolli guruhlar yo‘llarda nazorat postlari o‘rnatib, avtomobillarni to‘xtatib tekshirayotgani haqida xabarlar bor.

Ma’lumotlarga ko‘ra, «colectivos» deb ataladigan bu qurolli tuzilmalar AQSh fuqarolari yoki ularni qo‘llab-quvvatlovchilarni aniqlashga urinmoqda. Shu sababli amerikaliklardan yo‘llarda harakatlanishda juda ehtiyot bo‘lish va imkon qadar tezroq mamlakatni tark etish so‘ralgan. Xalqaro reyslar qisman tiklangani ham ta’kidlangan.

Vaziyat Venesuela sobiq prezidenti Nikolas Maduro qo‘lga olinganidan bir hafta o‘tib keskinlashgan. AQSh prezidenti Donald Tramp bu voqeani izohlar ekan, kelajakda Venesuelaga borish...

2025-yil 20-dekabrdan 2026-yil 10-yanvargacha o‘tkazilgan «Dolzarb 20 kunlik» doirasida hududlardan jami 335 ming tonna qattiq maishiy chiqindi olib chiqildi. Bu haqda Ekologiya qo‘mitasi xabar berdi.

Tozalik ishlari davomida barcha mahalla va aholi yashash hududlarida qattiq maishiy chiqindilarni o‘z vaqtida olib chiqish va bayram kunlari chiqindilar to‘planib qolishining oldini olishga alohida e’tibor qaratildi.

20 kun ichida 106 ta sanitar tozalash korxonasi ishga jalb qilinib, respublika bo‘yicha 54,4 mingta mahalla hududi tozalandi. Jarayonlarda 134,5 ming nafar xodim va 39,3 mingta maxsus texnika ishtirok etdi. Natijada hududlardan jami 334,9 ming tonna qattiq maishiy chiqindi olib chiqildi.

Eslatib o‘tamiz, avvalroq chiqindi bo‘yicha aholi...

2025-yilda 103 ming nogironligi bo‘lgan bola ta’lim va ijtimoiy xizmatlar bilan qamrab olindi. Bu haqda Ijtimoiy himoya milliy agentligi xabar berdi.

Unga ko‘ra, yil davomida 60 mingta ariza ko‘rib chiqilib, 37,1 ming nafar bolaga xulosa berildi. Bu ko‘rsatkich 2024-yilga nisbatan ikki baravar ko‘p bo‘ldi. Umumta’lim maktablaridagi inklyuziv sinflarga berilgan xulosalar soni 1,7 mingdan 6,4 mingtagacha oshdi.

Birinchi marta 1,8 ming nafar bola bog‘chalardagi inklyuziv guruhlarga, 5,4 ming nafar bola esa davlat-xususiy sheriklik asosidagi «kunduzgi parvarish» xizmatlariga yo‘naltirildi. Natijada Muruvvat internat-uylariga yuborilgan bolalar soni 40 foizga kamayib, 254 taga tushdi.

«Kunduzgi parvarish» xizmati doirasida 313 nafar tadbirkor 4,1 ming nafar...

2025-yil yakunlariga ko‘ra, Xitoyning BYD kompaniyasi Tesla’ni ortda qoldirib, dunyoda eng ko‘p elektromobil sotgan ishlab chiqaruvchiga aylandi. Sotuvlar bo‘yicha yangi hisobotlar BYD’ning jiddiy ustunlikka erishganini ko‘rsatdi.

2025-yilda BYD 2,25 milliondan ortiq to‘liq elektr avtomobil sotdi. Bu ko‘rsatkich 2024-yilga nisbatan qariyb 28 foizga oshgan. Tesla esa 2025-yilda 1,6 mln dona elektromobil sotgan va bu 2024-yilga nisbatan 9 foizga kam.

Natijada BYD Tesla’dan 600 mingdan ortiq elektromobil ko‘proq sotdi. Bunga asosiy sabab sifatida narx siyosati ko‘rsatilmoqda. Masalan, Xitoyda BYD Qin L modeli taxminan $16,5 ming turadi, Tesla Model 3 esa $33 ming atrofida baholanadi. Ya’ni BYD deyarli ikki barobar arzon.

Tojikistonga noqonuniy olib chiqilayotgan 1 mlrd so‘mlik dori vositalari to‘xtatildi. Davlat xavfsizlik xizmati Bekobod shahridagi «Farhod» chegara bojxona postida noqonuniy holat aniqlanganini bildirdi.

Unga ko‘ra, postdagi tekshiruv vaqtida Tojikistonga chiqib ketayotgan mahalliy fuqaro boshqaruvidagi «Lochin» rusumli mototransport vositasi ko‘rikdan o‘tkazildi. Natijada tirkamada oziq-ovqat mahsulotlari orasiga yashirilgan, bojxona deklaratsiyasida ko‘rsatilmagan dori vositalari borligi ma’lum bo‘ldi.

Ularning umumiy qiymati taxminan 1,05 mlrd so‘mni tashkil etadi. Tekshiruvda, xususan, «Immunoglobulin», «Ferritin» va yana 21 turdagi dori vositalari aniqlanib, belgilangan tartibda rasmiylashtirib olindi.

Hozirda ushbu dori vositalari bo‘yicha ekspertiza tayinlangan. Holat yuzasidan surishtiruv ishlari olib borilmoqda.

Eslatib o‘tamiz, avvalroq O‘zbekistonda «Telsartan H» dori vositasining...

Xitoy va O‘zbekiston arxeologlari Farg‘ona vodiysida joylashgan Quva shahar xarobasidan qadimiy devorlar bo‘laklarini topdi. Topilmaning yoshi miloddan avvalgi III asrdan milodiy X asrgacha bo‘lgan davrni qamrab oladi.

Kashfiyot «Loyan – Farg‘ona» qo‘shma arxeologik ekspeditsiyasi tomonidan amalga oshirildi. Mutaxassislarning ta’kidlashicha, bu topilma Buyuk Ipak yo‘li bo‘ylab joylashgan shaharlardan birining rivojlanish tarixi va Sharq bilan G‘arb o‘rtasidagi aloqalarni tasdiqlovchi muhim dalildir.

Quva shahar xarobasi taxminan 110 ming kvadrat metr maydonni egallaydi va O‘zbekistonning sharqida joylashgan. Qadimda bu hudud Ipak yo‘lining muhim markazlaridan biri bo‘lib, Xitoy bilan ikki ming yildan ortiq vaqt davomida aloqada bo‘lgan.

Dastlabki tadqiqotlar shuni ko‘rsatdiki, shahar devorlari turli...

BYD kompaniyasi o‘zining yangi flagman modellari, Han va Tang 9-seriyasini rasman e’lon qildi, deb xabar berdi Tarantas News. Ushbu avtomobillar brendning premium yo‘nalishidagi asosiy yangiliklari bo‘lishi kutilmoqda.

Yangi Han va Tang 9-seriyasi Dynasty Festival tadbiri doirasida taqdim etilgan. Kompaniya ularning rasmiy debyuti yaqin vaqt ichida bo‘lishini ma’lum qildi. Modellar elektromobil va gibrid segmentidagi pozitsiyalarni yanada kuchaytirishga xizmat qiladi.

Hozircha texnik xususiyatlar, komplektatsiyalar va aniq sotuv sanalari ochiqlanmadi. Biroq yangi avlod modellari yanada kuchli dvigatellar, zamonaviy texnologiyalar va premium interyer bilan taqdim etilishi kutilmoqda.

Han va Tang nomlari BYD model qatorida mashhur. 9-seriya esa ularni yangi bosqichga olib chiqishi mumkin...

Raqobat qo‘mitasi ichki bozorda suyultirilgan gaz, ya’ni propan savdosida yuzaga kelgan vaziyat bo‘yicha izoh berdi. Ma’lum qilinishicha, 2025-yilda birja savdolarida jami 358 ming tonna propan sotilgan. Shundan 61 foizi mahalliy, 39 foizi import mahsulotiga to‘g‘ri kelgan.

Yanvar – iyul oylarida mahalliy mahsulot ulushi o‘rtacha 80 foiz bo‘lgan. Avgustdan boshlab bu ko‘rsatkich pasaya boshlagan. 2025-yil dekabrda 35 foizga tushgan. 2026-yil yanvar oyining o‘tgan davrida esa 10 foizgacha kamaygan. Bunga mahalliy propanning asosan aholi va ijtimoiy soha obyektlariga yo‘naltirilgani sabab bo‘lgan.

Mahalliy propan boshlang‘ich narxi yil davomida deyarli oshmagan. Qo‘mita tomonidan 20 foizlik spred va bir savdoda 5 tonna limit joriy...

«Ochiq budjet» portalida «Mening maktabim» loyihasi bo‘yicha ovoz berish jarayonida ayrim qulayliklar joriy etildi. Bu haqda Iqtisodiyot va moliya vazirligi xabar berdi.

Unga ko‘ra, endilikda ota-onaning «E-Maktab» tizimiga ulangan telefon raqami o‘zgargan yoki SMS xabarlari kelmayotgan holatlarda muammoni hal qilish mumkin.

Portalda «Qayta kalit so‘z yuborish» va «Telefon raqamni qayta biriktirish» funksiyalari ishga tushirildi. Ushbu imkoniyatlar orqali ovoz berishda ishtirok etishdagi texnik muammolarni tez va oson bartaraf qilish mumkin.

Eslatib o‘tamiz, «Mening maktabim» loyihasining ikkinchi bosqichi bo‘yicha ovoz berish jarayonlari 11-yanvardan amalga oshiriladi. Saralashdan muvaffaqiyatli o‘tgan loyihalar uchun ovoz berish 20-yanvar kuni soat 23:59 ga qadar davom etadi.

11-yanvar sanasi qandli diabet davosining topilishi, tabiatni muhofaza qilishdagi muhim qadamlar va futbol yulduzlarining tug‘ilgan kunlari bilan tarixga kirgan. Kursiv Uzbekistan kunning eng muhim voqealari xronologik tartibda taqdim etadi.

1693-yili Italiyaning Sitsiliya orolida kuchli zilzila sodir bo‘ldi. Tarixda «Val-di-Noto zilzilasi» nomi bilan qolgan ushbu tabiiy ofat oqibatida taxminan 60 ming kishi halok bo‘lgan va 70 dan ortiq shahar hamda qishloqlar vayronaga aylangan. Bu hodisa Italiya tarixidagi eng halokatli zilzilalardan biri hisoblanib, keyinchalik mintaqa arxitekturasining qayta tiklanishiga va barokko uslubining rivojlanishiga sabab bo‘ldi.

1908-yilda AQSh prezidenti Teodor Ruzvelt Grand Kanyonni milliy yodgorlik deb e’lon qildi. Prezident ushbu tabiat mo‘jizasini...

Testsiz beriladigan nomdor stipendiya, BMTning iqtisodiy hisoboti — 10-yanvarda yuz bergan muhim hodisalar «Kursiv» dayjestida.

Qashqadaryoda yashirin aroq sexidan 1 813 dona qalbaki aksiz markasi topildi

Qashqadaryoda yashirin tarzda ishlagan aroq sexi fosh etildi. Bu haqda Bosh prokuratura huzuridagi Departament xabar berdi.

O‘tkazilgan tadbir davomida fuqaro O.N. «Istiqlol» MFY hududidagi xonadonida qo‘lbola usulda alkogol mahsuloti ishlab chiqarayotgani aniqlandi.

O‘zbekistonda ichimliklar ishlab chiqarish hajmi 4 foizga o‘sdi

2025-yil yanvar – noyabr oylarida O‘zbekistonda ichimliklar ishlab chiqarish hajmi 26,9 trln so‘mni tashkil etdi. Bu ko‘rsatkich o‘tgan yilning mos davridagiga nisbatan 4 foizga oshdi. Bu haqda Statistika qo‘mitasi ma’lum qildi.

Angliya Kubogi uchinchi turida «Manchester Siti» «Ekseter Siti» ustidan ishonchli g‘alabaga erishdi. Uchrashuvda Abduqodir Husanov ham asosiy tarkibda o‘ynadi va o‘yin 10:1 hisobida yakunlandi.

«Manchester Siti» safida Maks Alen 12-daqiqada hisobni ochdi. 24-daqiqada Rodrining goli ustunlikni oshirdi. 42-daqiqada Jek Doyl-Xeys o‘z darvozasiga to‘p kiritdi. Birinchi bo‘lim oxirida Jek Fitsvoter ham avtogol muallifiga aylandi.

Ikkinchi bo‘limda Riko Lyuis 49-daqiqada gol urdi. 54-daqiqada Antuan Semenyo hisobni yiriklashtirdi. 71-daqiqada Tijani Reynders, 79-daqiqada esa Niko O‘Rayli gol muallifi bo‘ldi. Shuningdek, Ryan MakAido 86-daqiqada to‘qqizinchi gol muallifi bo‘ldi.

«Ekseter Siti» uchrashuvning so‘nggi daqiqalarida faollashdi va jamoa o‘yinchisi Jorj Berch jamoaning ilk golini kiritdi: 9:1. Uchrashuvning...

Ar-Riyod shahridagi «Prince Faisal Bin Fahd» stadionida U-23 Osiyo kubogi guruh bosqichi 2-tur uchrashuvi bo‘lib o‘tdi. Unda O‘zbekiston va Eron terma jamoalari o‘zaro bahs olib bordi.

Uchrashuv tomonlarning ehtiyotkor o‘yini ostida o‘tdi. Birinchi bo‘limda ustunlik ko‘proq eronliklar tomonida bo‘ldi. Ular bir necha xavfli vaziyatlar yaratdi. 4-daqiqada Muratbayev xavfli zarbani qaytardi. 34-daqiqada esa Reza Gandi Pur deyarli birga bir holatdan foydalana olmadi.

O‘zbekistonliklar birinchi bo‘lim oxiriga yaqin faollashdi. 41-daqiqada Asilbek Jumayev raqiblarni aldab jarima maydonchasiga kirib bordi, ammo uzatmasi samara bermadi. 43-daqiqada Xayrullayevning zarbasini Eron darvozaboni qaytardi.

Ikkinchi bo‘limda terma jamoamiz bosimni oshirdi. 55-daqiqada Amirbek Saidovning zarbasidan keyin to‘p darvozaga kirmadi...

Fransiyaning chap qanotdagi «La France Insoumise» partiyasi mamlakatni NATOdan chiqarish masalasini ko‘tardi. Partiya Milliy Assambleyaga maxsus rezolyutsiya loyihasini kiritdi.

Hujjat deputat Klemans Gette tomonidan taqdim etildi. U Milliy assambleya vitse-prezidenti hisoblanadi. Rezolyutsiyada Fransiyaning NATOdagi integratsiyalashgan harbiy qo‘mondonlikdan chiqishi taklif etilgan.

Gettening aytishicha, tashabbus AQSh tashqi siyosatiga javob sifatida ilgari surilgan. U Donald Tramp prezidentligi davridagi qarorlarni tanqid qildi, deb xabar berdi Telegraph.

Deputat AQShni Venesuelaga aralashuvda aybladi. Shuningdek, Falastindagi zo‘ravonliklarning qo‘llab-quvvatlanishini tanqid qildi. Grenlandiya bilan bog‘liq tahdidlar va xalqaro huquqni buzgan bombardimonlar ham tilga olingan.

Klemans Gette Fransiya NATOdagi rolini qayta ko‘rib chiqishi kerakligini aytdi. Uning fikricha, integratsiyalashgan...