Yangiliklar

O‘zbekistonga 2030-yilgacha 20 mln xorijiy sayyohni jalb qilish rejalashtirilmoqda. Bu haqda prezident matbuot xizmati xabar bermoqda.

Ma’lumotlarga ko‘ra, joriy yil boshidan O‘zbekistonga qariyb 3 mln sayyoh tashrif buyurdi. Bu o‘tgan yilga nisbatan 37 foiz o‘sishni ko‘rsatdi. Turizm xizmatlari eksporti esa 48 foizga oshib, $1,1 mlrdga yetdi.

Endilikda har bir hududning o‘ziga xosligidan kelib chiqib, turizm salohiyatini oshirish bo‘yicha manzilli dasturlar ishlab chiqiladi. Bu orqali hududlar kesimida aniq natijalarga erishish ko‘zda tutilmoqda.

Shavkat Mirziyoyevga taqdim etilgan taqdimotda turizm infratuzilmasini jadal rivojlantirish masalasi ham muhokama qilindi. 2026–2027-yillarda 31 ta master-rejani amalga oshirish boshlanadi. Natijada 40 mingdan ortiq yangi ish o‘rni yaratiladi.

Netflix aksiyalari chorak hisobotidan so‘ng keskin pasaydi. 16-aprel kuni savdolar yopilgach, qimmatli qog‘ozlar qariyb 10 foizga arzonlab, $97 gacha tushdi.

Kompaniya birinchi chorak natijalarini e’lon qildi. Shu bilan birga, asoschi Rid Xastings iyun oyida direktorlar kengashini tark etishini bildirdi. U qayta saylanishga nomzod qo‘ymasligini va xayriya hamda boshqa loyihalarga e’tibor qaratishini ma’lum qildi.

Moliyaviy ko‘rsatkichlar ijobiy bo‘ldi. Netflix daromadi yiliga 16 foizga oshib, $12,25 mlrdni tashkil etdi. Bu kutilgan natijadan yuqori. Sof foyda deyarli ikki baravar oshib, $5,28 mlrdga yetdi. Har bir aksiya uchun foyda $1,23 bo‘lib, prognozdan ancha yuqori chiqdi.

Bunday natijaga operatsion foydaning oshgani va Warner Bros...

Shavkat Mirziyoyev Samarqandda barpo etiladigan yangi Ipak yo‘li muzeyi loyihasi bilan tanishdi. Bu haqda prezident matbuot xizmati xabar bermoqda.

Muzey 9 gektar hududda quriladi. Unda 6 mingdan ortiq noyob eksponatlar jamlanadi. Ekspozitsiyalar arxeologiya, tasviriy va amaliy san’at yo‘nalishlarini qamrab oladi.

Loyihaga ko‘ra, muzeyda doimiy va vaqtincha ko‘rgazma zallari tashkil etiladi. Shuningdek, 160 o‘rinli auditoriya, bolalar akademiyasi, tadqiqot va konservatsiya markazi ham bo‘ladi. Katta hajmli saqlov xonalari ham qurilishi rejalashtirilgan.

Yig‘ilishda madaniyat muassasalari faoliyatini zamon talablari asosida yangilash zarurligi ta’kidlandi. Aholining ushbu maskanlarga qiziqishini oshirish ustuvor vazifa sifatida belgilandi. Shu doirada respublikadagi 839 ta madaniyat markazini bosqichma-bosqich yangilash rejalashtirilmoqda. Ularning...

Toshkent shahar iqtisodiyoti 12 foizga oshiriladi. Bu haqda Shavkat Mirziyoyev ishtirokidagi Toshkent shahri iqtisodiyotini jadallashtirish bo‘yicha yig‘ilishda ma’lum qilindi.

Joriy yil «Poytaxtda jadal rivojlanish va aholi daromadlari o‘sishi yili» deb e’lon qilindi. Shuningdek, $3,6 mlrd eksport, $9 mlrd investitsiya va 616 ming bandlik ko‘rsatkichlari belgilandi.

Yangi yondashuv asosida Toshkentning 12 tumani alohida yo‘nalishlarga ixtisoslashtiriladi. Bektemir kimyo sanoati va ulgurji savdoga, Mirzo Ulug‘bek kabel sanoati va ITga yo‘naltiriladi. Mirobod oziq-ovqat va turizmga, Uchtepa zargarlik va chakana savdoga ixtisoslashadi. Chilonzor farmatsevtika va xizmat ko‘rsatishga, Shayxontohur mebel va gastroturizmga yo‘naltiriladi. Yunusobod qog‘oz sanoati va turizmga, Yashnobod elektrotexnika va logistika sohasiga ajratiladi.

Yakkasaroy...

AQShda sud Donald Tramp tashabbusi bilan qurilayotgan Oq uy bal zali loyihasining yer usti qismini vaqtincha to‘xtatdi. Bu haqda BBC xabar bermoqda.

Federal sudya Richard Leon qarorida bu loyiha Kongress tomonidan tasdiqlanishi kerakligini ta’kidlagan. Uning fikricha, Tramp bal zal qurilishini milliy xavfsizlik loyihasi sifatida qayta tasniflab, sud qarorlarini chetlab o‘tishga uringan.

AQSh Adliya vazirligi ushbu qaror ustidan shikoyat kiritgani ma’lum bo‘ldi. Tramp esa ijtimoiy tarmoqlarda bal zal hozir zarur ekanini yozgan. U hech bir sudya bu loyihani to‘xtatmasligi kerakligini ta’kidladi. Bu loyiha bo‘yicha bu birinchi to‘siq emas. Mart oyida ham sud qurilish ishlarini vaqtincha to‘xtatgan edi. O‘shanda zarur ruxsatlar...

Jizzax viloyatida Favqulodda vaziyatlar bo‘limi (FVB) mansabdori pora olayotgan vaqtida qo‘lga olindi. Bu Davlat xavfsizlik xizmati (DXX) ma’lum qildi.

Ma’lumotlarga ko‘ra, Mirzacho‘l tumani Favqulodda vaziyatlar bo‘limi boshlig‘i o‘rinbosari xizmat mavqeidan foydalangan. U tuman markazidagi umumiy ovqatlanish maskanida o‘tkazilgan tekshiruv vaqtida aniqlangan yong‘in xavfsizligi kamchiliklari bo‘yicha ma’muriy bayonnoma rasmiylashtirgan.

Mansabdor ushbu hujjatni yopib qo‘ymaslik va ishni sudga yubormaslik evaziga 3 mln so‘m talab qilgan. DXX hamda Bosh prokuratura huzuridagi Departament xodimlari hamkorligida o‘tkazilgan tezkor tadbirda u pulni olayotgan vaqtida qo‘lga olindi.

Holat yuzasidan jinoyat ishi qo‘zg‘atilib, hozirda tergov harakatlari olib borilmoqda.

Eslatib o‘tamiz, Kursiv Uzbekistan nashri Xorazmda salkam 9 kg...

Volkswagen kompaniyasi Xitoyda yangi Volswagen ID. Unyx 08 modelini taqdim etdi. Ushbu krossover Xpeng bilan hamkorlikdagi ilk ommaviy model bo‘ldi.

Avtomobil 3 xil versiyada taklif qilinadi. Narxlar $33,3 mingdan boshlanib, $42 minggacha yetadi. Avvalroq u $34,7 mingdan oldindan buyurtmaga qo‘yilgan edi. Uning dizayni yangi uslubda yaratilgan. Old qismida 400 dan ortiq LED elementlar mavjud. Ular turli yoritish effektlarini qo‘llab-quvvatlaydi. Kuzov uzunligi 5 metrga yaqin bo‘lib, g‘ildirak bazasi 3 030 mmni tashkil etadi.

Ichki qismi

Salon ichida zamonaviy texnologiyalar qo‘llangan. 10,25 dyuymli panel va ikkita 14,96 dyuymli ekran mavjud. Tizim Qualcomm chipi asosida ishlaydi. Sun’iy intellekt yordamchisi esa Baidu...

17-aprel sanasi nafaqat avtomobilsozlik inqiloblari, balki koinot kashfiyotlari va kino olamidagi yorqin voqealar bilan ham tarix zarvaraqlaridan joy olgan. Kursiv Uzbekistan kunning eng muhim voqealarini xronologik tartibda taqdim etadi.

1790-yilda AQShning asoschi otalaridan biri, siyosatchi, diplomat va fizik olim Bendjamin Franklin vafot etdi. U nafaqat chaqmoq qaytargich ixtirosi bilan, balki o‘z mamlakati mustaqilligi yo‘lidagi ulkan xizmatlari bilan ham tarixda qolgan. Bugungi kunda uning portreti dunyodagi eng ommabop banknota — 100 dollarlik kupyurada tasvirlangani uchun uni butun dunyoda yaxshi tanishadi.

1924-yili Gollivudning yirik kinostudiyasi hisoblangan Metro-Goldwyn-Mayer (MGM) o‘z ishini boshladi. Ushbu kompaniya Markus Lu, Semyuel Goldvin va Luis Mayer

UEFA Yevropa ligasining chorak final javob uchrashuvida Portugaliyaning «Braga» klubi Ispaniyaning «Betis» jamoasi ustidan 4:2 hisobida g‘alaba qozondi. Ushbu natija evaziga portugaliyaliklar umumiy 5:3 hisobida yarim final bosqichiga yo‘llanmani qo‘lga kiritdi.

Sevilyada bo‘lib o‘tgan bahsning dastlabki daqiqalarida mezbonlar faol harakat qildi. Uchrashuvning 13-daqiqasida Antoni hisobni ochgan bo‘lsa, 26-daqiqada Abde Ezzalzuli jamoasining ikkinchi golini kiritdi. Tanaffusga qadar, 38-daqiqada Pau Viktor mehmonlarning ilk goliga mualliflik qildi.

Ikkinchi bo‘limda «Braga» vakillari ketma-ket uchta gol urishga muvaffaq bo‘ldi. 49-daqiqada Karvalo hisobni tenglashtirdi, 53-daqiqada esa Rikardo Orta penaltidan unumli foydalandi. 74-daqiqada Jan-Batist Gorbi o‘yinga yakuniy nuqtani qo‘ydi.

Kurashlarga boy kechgan baxsda bosh hakam tomonidan...

Angliyaning «Aston Villa» klubi UEFA Yevropa Ligasi chorak finalining javob uchrashuvida Italiyaning «Bolonya» jamoasi ustidan 4:0 hisobida g‘alaba qozondi. Natijada birmingemliklar umumiy 7:1 hisobida yarim finalga yo‘l oldi.

Uchrashuv taqdiri birinchi bo‘limning o‘zidayoq hal bo‘ldi. 16-daqiqada Morgan Rojersning uzatmasidan so‘ng Olli Uotkins hisobni ochgan bo‘lsa, 26-daqiqada Lyuka Dinning hamkorligida Emiliano Buendia jamoasining ikkinchi golini kiritdi.

39-daqiqada Jon Makginning uzatmasidan so‘ng Morgan Rojers uchrashuvdagi uchinchi gol muallifiga aylandi. 89-daqiqada Ezri Konsa o‘yinga nuqta qo‘ydi. Dastlabki o‘yinda ham ingliz klubi 3:1 hisobida zafar quchgan. Italiya klubi safida yagona esda qolarli vaziyat 29-daqiqada Federiko Bernardeskining hakam tomonidan sariq kartochka bilan jazolanishi bo‘ldi.

Ispaniyada bo‘lib o‘tgan Yevropa ligasi chorak finalining javob uchrashuvida Germaniyaning «Frayburg» klubi mahalliy «Selta» jamoasi ustidan 1:3 hisobida g‘alaba qozondi. Ikki o‘yin natijasiga ko‘ra, nemis jamoasi turnirning yarim finaliga yo‘llanmani qo‘lga kiritdi.

O‘yinning 33-daqiqasida Makengoning uzatmasidan so‘ng Igor Matanovich hisobni ochdi. Oradan olti daqiqa o‘tib, 39-daqiqada Yuito Sudzuki oradagi farqni ikkitaga oshirishga erishdi. Ikkinchi bo‘lim boshida, aniqrog‘i 51-daqiqada Sudzuki o‘zining ikkinchi, jamoasining uchinchi golini kiritib, dublini nishonladi.

91-daqiqada mezbonlar hisobni qisqartirdi. Svedberg «Selta»ning yagona goliga mualliflik qildi. Mezbonlar safida Ilaysh Moriba, Matias Vesino, Yago Aspas va Xyugo Alvares ogohlantirilgan bo‘lsa, «Frayburg»dan Igor Matanovich hamda Mattias Ginter sariq kartochkaga loyiq...

Qish qaytdimi: bir nechta hududlarda qor yog‘di — video

16-aprel kuni erta tongdan boshlab Jizzax viloyatining bir nechta hududlarida qor yog‘di. Bu haqda iqlimshunos Erkinjon Abdulahatovning Telegram kanalida ma’lum qilindi.

Ma’lumotlarga ko‘ra, Baxmal tumanining Zartepa qishlog‘ida soat 08:00 atrofida qor yog‘ib o‘tgan. Shuningdek, Zomin tumanidagi Suvfa platosida ham qor yog‘moqda. Ushbu hudud dengiz sathidan 2400 metr balandlikda joylashgan.

Davomi…

Yana Turkiya: maktabdagi otishma oqibatida 9 kishi halok bo‘ldi

Turkiyaning janubida joylashgan Qahramanmarash viloyatidagi maktabda otishma sodir bo‘ldi. Hodisa oqibatida kamida 8 nafar o‘quvchi va 1 nafar o‘qituvchi halok bo‘ldi.

Mamlakat ichki ishlar vaziri Mustafo Chifchining ma’lum qilishicha, yana 13 kishi jarohat olgan...

17-aprel kuni mamlakatning aksariyat hududlarida havo o‘zgaruvchan bo‘ladi. Harorat kechasi 2° dan 13° gacha, kunduzi esa 12° dan 22° gacha bo‘lishi kutilmoqda.

Quyida ob-havo ma’lumoti viloyatlar kesimida:

Eslatib o‘tamiz, O‘zbekistonda 14 – 17-aprel kunlari sel xavfi e’lon qilingan edi.

Poytaxtda issiqlik tarmoqlarida rejali ta’mirlash ishlari sabab ayrim hududlarda issiq suv ta’minotida besh kunlik uzilishlar bo‘ladi. Bu haqda Veolia Energy Tashkent ma’lum qildi.

Ma’lum qilinishicha, 2026-yil 20 – 24-aprel kunlari 1-IM va 5-IM issiqlik markazlari xizmat ko‘rsatish hududlarida 5 kunlik rejali issiq suv o‘chirishlar amalga oshiriladi. Ushbu cheklovlar ko‘rsatilgan ko‘chalar, mahallalar va ularga tutash hududlarga taalluqli bo‘ladi.

1-IM xizmat ko‘rsatish hududida Mustaqillik shohko‘chasi, Mirzo Ulug‘bek, Buyuk ipak yo‘li, Qori Niyoziy, Muhammad Yusuf, Sayram, Tamaraxonim, Oqqo‘rg‘on, Lev Tolstoy, Katta halqa yo‘li, Do‘rmon yo‘li kabi ko‘plab ko‘chalar hamda Yalang‘och, Bo‘z-1, Bo‘z-2, Feruza dahalari va boshqa mavze hamda mahallalarda issiq suv...

OnLeaks taxallusi bilan tanilgan insayder Steve Hemmerstoffer tomonidan Samsung Galaxy A27 smartfonining sifatli renderlari e’lon qilindi. Ularga ko‘ra, yangi model tashqi ko‘rinishi jihatidan avvalgi avloddan sezilarli darajada farq qiladi.

Xususan, qurilma Samsung Galaxy A26 dagi «Infinity-U» tomchisimon kesimdan voz kechib, old kamera uchun markaziy dumaloq kesimga ega bo‘ladi. Bu esa smartfonni dizayn jihatidan Samsung Galaxy A37, Samsung Galaxy A57 hamda flagman Samsung Galaxy S26 modellariga yaqinlashtiradi.

Ma’lumotlarga ko‘ra, Galaxy A27 6,7 dyuymli tekis ekran, yangilangan uch kamerali modul va yupqaroq korpus bilan jihozlanadi. Qurilma o‘lchamlari 162,3 × 78,6 × 7,9 mm ni tashkil etib, u avvalgi modelga nisbatan...

Urush qatnashchilari va nogironlarining har biriga 30 mln so‘mdan pul mukofoti beriladi. Shavkat Mirziyoyevga harbiy xizmatchilarni ijtimoiy qo‘llab-quvvatlash, rezerv va zaxiradagi ofitserlar tayyorlash tizimini takomillashtirish hamda 9-may – Xotira va qadrlash kuniga tayyorgarlik ko‘rish yuzasidan axborot berildi.

Unda armiyaning jangovar shayligini oshirish, shaxsiy tarkibni yangi tizim asosida o‘qitish va kasbiy tayyorlash ishlari muhokama qilindi.

Qayd etilishicha, qo‘shinlarda strategik va qo‘mondonlik-shtab o‘quvlari, yig‘inlar hamda dala mashg‘ulotlari tizimli ravishda o‘tkazilmoqda. Bunda harbiylarning axloqiy-ruhiy tayyorgarligi, real jangovar vaziyatlarda to‘g‘ri qaror qabul qilish, qo‘rquv va emotsiyalarni boshqarish kabi muhim ko‘nikmalarni shakllantirishga alohida e’tibor qaratilmoqda. Zamonaviy jangovar harakatlar tahlili asosida yangi usul va...

Samarqand viloyatining Paxtachi tumanida noqonuniy oltin qazib olish bilan bog‘liq holat aniqlandi. Bu haqda Bosh prokuratura departamenti ma’lum qildi.

Departamentning Narpay tumani bo‘limi tomonidan o‘tkazilgan tergovga qadar tekshiruvda bir necha fuqarolar o‘zaro til biriktirib, Paxtachi tumani hududida noqonuniy faoliyat yuritgani aniqlandi.

Ma’lumotlarga ko‘ra, ular tarkibida oltin bo‘lishi mumkin bo‘lgan 5 tonna ma’danli toshlarni tegishli ruxsatnomasiz qazib olib, qo‘lbola uskunalar yordamida oltin ajratib olish bilan shug‘ullangan.

Mazkur holat yuzasidan Jinoyat kodeksining 196-2-moddasi (foydali qazilmalarni «oltin izlovchilar» usulida ruxsatnomasiz qazib olish) bilan jinoyat ishi qo‘zg‘atilgan bo‘lib, hozirda tergov harakatlari olib borilmoqda.

Eslatib o‘tamiz, avvalroq Samarqanddagi uyning yerto‘lasida yashirin mayning ferma...

O‘zbekistonda kripto-aktivlardan to‘lov vositasi sifatida foydalanish imkoniyati joriy etiladi. Bu haqda Adliya vazirligi ma’lum qildi.

Adliya vazirligi tomonidan «Barqaror tokenlar aylanasini tartibga solishning maxsus huquqiy rejimini taqdim etish tartibi to‘g‘risida»gi idoraviy hujjat davlat ro‘yxatidan o‘tkazildi. Ushbu hujjat O‘zbekiston kripto-aktivlar bo‘yicha tartibga solish hujjati doirasida maxsus tartiblarni belgilaydi.

Barqaror token (stablecoin) – qiymati milliy yoki xorijiy valyutaning nominal qiymatiga teng bo‘lgan kripto-aktiv turi ekani qayd etilgan. Mazkur maxsus rejim doirasida O‘zbekiston Respublikasi rezidenti bo‘lgan yuridik shaxslar barqaror tokenlarni emissiya qilish imkoniga ega bo‘ladi.

Shuningdek, tajriba-sinov loyihalari doirasida milliy yoki xorijiy valyuta bilan ta’minlangan barqaror tokenlarni chiqarish, ularni mamlakat hududida...

Xorazm viloyatida qariyb 9 kg «Opiy» giyohvandlik moddasining savdosi bilan bog‘liq ikki holat fosh etildi. Bu haqda DXX matbuot xizmati ma’lum qildi.

Birinchi holatda, Xorazm viloyatining Qo‘shko‘pir tumanida yashovchi, 1985-yilda tug‘ilgan, ilgari giyohvandlik vositalari savdosi uchun sudlangan shaxs Urganch tumani hududida to‘xtatilib tekshirilgan. Uning yonidan 4,4 kgdan ziyod «opiy» moddasi topilib, protsessual tartibda rasmiylashtirilgan.

Ikkinchi holatda esa «Berlniy – Urganch» yo‘nalishida harakatlanayotgan «Lasetti» avtomobili Urganch tumanidagi «Cholish» yo‘l-patrul xizmati maskanida to‘xtatilib, ko‘zdan kechirilgan. Natijada, avtomashinada bo‘lgan 2002-yilda tug‘ilgan, ilgari narkojinoyat uchun sudlangan shaxsga tegishli 4,5 kgdan ziyod «opiy» moddasi aniqlanib, ashyoviy dalil sifatida olingan.

Ma’lumot uchun, har ikki...

O‘zbekistonda QR-kod orqali to‘lovlarni amalga oshirishni tartibga soluvchi yagona tizim joriy etildi. Bu haqda Adliya vazirligi ma’lum qildi.

Prezident farmoniga muvofiq, savdo va xizmat ko‘rsatish sohasidagi barcha yuridik shaxslar uchun bosqichma-bosqich yagona QR-kod orqali to‘lovlarni qabul qilish tizimi joriy etilishi belgilangan. Yangi tartib QR-kod orqali to‘lovlarni amalga oshirishning yagona mexanizmini va tizim ishtirokchilarining vazifalarini belgilab beradi.

Qoidalarga ko‘ra, yagona QR-kod foydalanuvchilarga istalgan bank yoki to‘lov tashkilotining mobil ilovasi orqali to‘lovlarni amalga oshirish imkonini beradi. Shuningdek, QR-kodlar statik va dinamik turlarga ajratiladi hamda barcha to‘lov tizimlari yagona platforma orqali integratsiya qilinadi.

Bundan tashqari, tizim operatori tomonidan to‘lovlar haqidagi ma’lumotlar...

O‘zbekistonlik fuqarolar uchun Germaniyada turli texnik va qurilish yo‘nalishlarida ishga jalb etilmoqda. Bu haqda Migratsiya agentligi xabar berdi.

Ma’lum qilinishicha, ish beruvchi Germaniyada faoliyat yurituvchi Atrium kompaniyasi bo‘lib, nomzodlar bilan uzoq muddatli mehnat shartnomasi tuziladi. Taklif etilayotgan oylik maosh $2 250 – 2 600 atrofida bo‘lib, bu summa xodim qo‘liga tegadigan daromad sifatida ko‘rsatilgan.

Dastur doirasida yer osti qurilish ishlari, texnika boshqaruvi, payvandlash, mexanika, elektrotexnika, logistika hamda sanoat montaji kabi ko‘plab yo‘nalishlarda mutaxassislar qabul qilinadi. Ishga qabul qilinadigan nomzodlar kamida 2 yillik texnik ma’lumotga yoki so‘nggi 5 yil ichida kamida 2 yillik ish tajribasiga ega bo‘lishi kerak. Yosh chegarasi...

YouTube platformasining Android va iOS ilovalarida shorts videolari uchun vaqt limitini nol daqiqaga belgilash imkoniyati yaratildi. Ushbu sozlama qisqa videolarni dasturdan to‘liq olib tashlash imkonini beradi.

Shorts taymeri funksiyasi dastlab oktabr oyida e’lon qilingan bo‘lib, undagi eng qisqa muddat 15 daqiqa etib belgilangan edi. Yanvar oyida ota-onalar nazorati doirasida kengaytirilgan tizim endilikda barcha foydalanuvchilar, jumladan, oddiy kattalar akkauntlari uchun ham ommaviy tarzda ishga tushirilmoqda.

Foydalanuvchi nol daqiqalik limitni o‘rnatgach, Shorts bo‘limida videolar umuman ko‘rsatilmaydi. Buning o‘rniga ekranda «Shorts tasmasi limitiga yetdingiz» mazmunidagi bildirishnoma paydo bo‘ladi. Sinovlarga ko‘ra, bu sozlama qisqa videolarni ilovaning asosiy ekranidan ham butunlay yashiradi.

Mazkur imkoniyatni...

Apple kelgusi yillarda iPad Air modelini OLED displey bilan jihozlashni rejalashtirgan. Ushbu model 2027-yilda taqdim etilishi mumkin.

Manbalarga ko‘ra, yangi iPad Air uchun mo‘ljallangan OLED panellarni Samsung Display yetkazib beradi. Shuningdek, kompaniya ushbu panellarni ommaviy ishlab chiqarishni joriy yil oxirida yoki 2027-yil boshida yo‘lga qo‘yishi mumkinligi aytilmoqda.

Ma’lumotlarga ko‘ra, keyingi avlod iPad Air LTPS OLED texnologiyasiga asoslangan ekran bilan chiqadi. Apple ushbu qurilmani kelasi yil mart oyida taqdim etishi mumkinligi ham bildirilmoqda. Bu hozirgi M4 chipli iPad Air taqdimot vaqtiga yaqin davrga to‘g‘ri keladi.

Hozirda Apple faqat iPad Pro modelida OLED displeydan foydalanmoqda. Shuningdek, iPad mini ham yaqin...

Shaxmat bo‘yicha sportchilar va ularning murabbiylariga xalqaro musobaqalarda erishilgan natijalar uchun bir martalik pul mukofotlari tayinlandi. Bu haqda Adliya vazirligi ma’lum qildi.

Hozirgi kundagi BHM miqdoriga binoan mukofot pullari miqdori quyidagicha:

Qabul qilingan tartibga ko‘ra, Butunjahon shaxmat olimpiadasi (kattalar o‘rtasida) g‘olib va sovrindorlarga bazaviy hisoblash miqdoriga nisbatan mukofotlar beriladi. Oltin medal uchun shaxmatchiga 2 ming barobar miqdorda, murabbiyga 1 ming; kumush medal uchun shaxmatchiga 1 ming, murabbiyga 500; bronza medal uchun esa shaxmatchiga 500, murabbiyga 250 barobar miqdorida to‘lov belgilangan.

FIDE tasnifiga ko‘ra jahon miqyosidagi musobaqalarda ham mukofot tizimi amal qiladi. Ushbu toifada oltin medal uchun shaxmatchiga...