Yoz fasli kirib kelishi bilan bozor va dalalarda mevalar mo‘l-ko‘l bo‘ladi. Aynan shu davrda ko‘plab xonadonlarda qishga zaxira tayyorlash, kompot va turli konservalar yopish ishlari avjiga chiqadi.
Bir qarashda oddiy ko‘ringan bu mashg‘ulot ayrimlar uchun nafaqat oilaviy an’ana, balki daromad manbaiga ham aylangan. Kursiv Uzbekistan tajribali konservalovchilar bilan suhbatlashib, yozgi mavsumning eng talabgir mahsulotlari va xaridorlar didi haqida ma’lumot oldi.
Brent markali neft narxi $76 dan pastga tushdi. Bu so‘nggi to‘rt oy ichidagi eng past ko‘rsatkich hisoblanadi.
CNBC ma’lumotiga ko‘ra, Brent nefti 27-fevraldan beri eng past darajaga tushgan. O‘sha sana AQSh va Isroilning Eronga qarshi ilk zarbalaridan oldingi kun bo‘lgan.
Amerikaning WTI nefti ham arzonlashdi. Uning narxi 1,7 foizga pasayib, bir barrel uchun $71,97 ni tashkil etdi.
Neft narxining pasayishiga Hormuz bo‘g‘ozida qolib ketgan tankerlar harakatlana boshlashi mumkinligi haqidagi xabarlar ta’sir qilmoqda.
Reuters ma’lumotiga ko‘ra, Yaqin Sharqdagi urush sabab to‘xtab qolgan ko‘plab neft tankerlari Hormuz bo‘g‘ozidan...
O‘zbekistonda ro‘yxatdan o‘tgan elektromobillar soni bir yil ichida 44 mingtaga ko‘payib, 67,5 foizlik o‘sish qayd etdi. Bu haqda Milliy statistika qo‘mitasi ma’lum qildi.
Unga ko‘ra, 2025-yil 1-aprel holatida bu ko‘rsatkich 65,2 mingta bo‘lgan bo‘lsa, 2026-yilning shu davriga kelib 109,2 mingtaga yetgan.
Hududlar kesimida eng katta ulush Toshkent shahri hissasiga to‘g‘ri keladi. Poytaxtda 79 851 ta elektromobil ro‘yxatdan o‘tgan. Keyingi o‘rinlarda Toshkent viloyati 8 194 ta, Samarqand viloyati 4 525 ta va Xorazm viloyati 3 042 ta elektromobil bilan qayd etilgan.
Shuningdek, Qashqadaryo viloyatida 2 611 ta, Farg‘ona viloyatida 2 231 ta, Navoiy viloyatida 1 756 ta, Buxoro viloyatida...
Qirg‘iziston va O‘zbekiston o‘rtasida davlat chegaralarini aniq belgilash jarayoni doirasida ikki mamlakat hududlar almashinuvi bo‘yicha muhim kelishuvni amalga oshirdi. Bu haqda 24kg nashri xabar berdi.
Natijada avval O‘zbekistonning Farg‘ona viloyati tarkibida bo‘lgan Chongara va Tosh-Tobo qishloqlari Qirg‘iziston tasarrufiga o‘tdi.
Qirg‘iziston prezidenti matbuot kotibi Asqat Alag‘ozovning ma’lum qilishicha, ushbu qishloqlarda yashovchi qariyb 2,5 ming nafar aholi etnik qirg‘izlardan iborat. Endilikda ular Qirg‘iziston fuqaroligini olish huquqiga ega bo‘ladi.
Kelishuvga ko‘ra, Qirg‘iziston ham O‘zbekistonga chegara hududidagi maydoni teng bo‘lgan yer uchastkalarini topshirdi. Tomonlar hududlar almashinuvi prinsipiga amal qilgan holda, har ikki davlat manfaatlarini inobatga olgan.
Shuningdek, Say va Tayan qishloqlari o‘rtasida yangi...
2026-yil 1-sentabrdan boshlab O‘zbekistonda texnik ko‘rikdan o‘tmagan avtomobillarga gaz to‘ldirish shoxobchalarida gaz quyish taqiqlanadi.
Shuningdek, gaz ballonining foydalanish muddati tugagan yoki transport vositasi egasida tegishli ruxsat beruvchi hujjatlar mavjud bo‘lmagan avtomobillar ham ushbu cheklovlarga duch keladi. Talablarning bajarilishi U-Gas va Eco-Himoya axborot tizimlari orqali avtomatik tarzda nazorat qilinadi.
Bundan tashqari, hukumat yuqori xavf tug‘diruvchi avtomobillarga yonilg‘i va gaz quyish shoxobchalarining alohida reyestrini shakllantirishni rejalashtirmoqda. Xavfsizlik talablariga javob bermaydigan obyektlarni esa boshqa, xavfsizroq hududlarga ko‘chirish ko‘zda tutilgan.
Hujjatda qayd etilishicha, 6,1 mingdan ortiq avtomobillarga yonilg‘i va gaz quyish shoxobchalari tekshirilganda 46 mingta qoidabuzarlik aniqlangan. Inventarizatsiya yakunlariga ko‘ra, respublika bo‘ylab...
O‘zbekistonda 2026-yilning yanvar – may oylarida yuridik va jismoniy shaxslarning chet el valyutasiga bo‘lgan jami talabi 25,7 mlrd dollarni tashkil etdi.
Markaziy bank ma’lumotlariga ko‘ra, bu 2025-yilning mos davriga nisbatan 20,1 foizga ko‘p. O‘tgan yilning yanvar – may oylarida valyutaga talab $21,4 mlrd bo‘lgan.
Hisobot davrida yuridik shaxslar tomonidan $20,2 mlrd miqdorida chet el valyutasi xarid qilingan. Jismoniy shaxslarning valyuta xaridi esa $5,5 mlrdni tashkil etgan.
2026-yil yanvar – may oylarida yuridik va jismoniy shaxslar tomonidan taklif qilingan chet el valyutasi hajmi $22,3 mlrdga yetdi. Bu 2025-yilning...
25-iyun uchun valyutalar kursi yangilandi. Unga ko‘ra, dollar kursi 7,36 so‘mga oshib, 12 024,40 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.
18-iyun kuni 39,93 so‘mga oshib, 12 052,05 so‘mni tashkil etdi. 19-iyun kuni 33,51 so‘mga oshib, 12 085,56 so‘m, 22-iyun kuni 27,11 so‘mga tushib, 12 058,45 so‘m, 23-iyun kuni esa 68,19 so‘mga tushib, 11 990,26 so‘m bo‘ldi. 24-iyun kuni 26,78 so‘mga oshib, 12 017,04 so‘mni tashkil etdi.
Markaziy bank ma’lumotlariga ko‘ra, yevro 69,76 so‘mga tushib, 13 642,88 so‘mni, rubl esa 0,22 so‘mga tushib, 160,41 so‘mni tashkil qildi.
Avvalroq Kursiv Uzbekistan...
Rossiya Federatsiyasi 2026-yil sentabr oyidan xorijiy avtotransport vositalarining jarima va yo‘l to‘lovlari bo‘yicha qarzdorliklarini avtomatlashtirilgan tartibda nazorat qilishni boshlaydi. Bu haqda Transport vazirligi ma’lum qildi.
Joriy yilning 1-sentabrdan boshlab Rossiya hududiga kirayotgan xorijiy avtotransport vositalari bo‘yicha jarimalar, «Platon» davlat tizimidagi qarzdorliklar hamda pullik avtomobil yo‘llaridan foydalanish bilan bog‘liq to‘lanmagan majburiyatlar avtomatlashtirilgan tartibda tekshiriladi.
Yangi tartibga ko‘ra, aniqlangan qarzdorliklar to‘liq bartaraf etilmaguniga qadar mazkur transport vositalarining Rossiya hududida harakatlanishiga ruxsat berilmaydi.
Mazkur talab Rossiya Federatsiyasi hududi orqali tranzit yuk tashuvlarini amalga oshirayotgan xorijiy tashuvchilarga ham tatbiq etiladi. Shu bois xalqaro yuk tashuvlari bilan shug‘ullanuvchi kompaniyalar va haydovchilarga moliyaviy majburiyatlarini...
O‘zbekistonning Efiopiyadagi elchisi Ashraf Xo‘jayev poytaxt Addis-Abebadagi faoliyatini rasman boshladi. Bu haqda «Dunyo» AA ma’lum qildi.
Unga ko‘ra, yangi elchi Efiopiya Federativ Demokratik Respublikasi prezidenti Tayye Atske-Selassiyega ishonch yorliqlarini topshirdi. Marosim doirasida bo‘lib o‘tgan suhbat chog‘ida tomonlar O‘zbekiston va Efiopiya o‘rtasidagi hamkorlik istiqbollari yuzasidan fikr almashdi.
Efiopiya rahbari O‘zbekiston elchisining mamlakatdagi faoliyatiga muvaffaqiyat tilab, ikki davlat o‘rtasidagi munosabatlar izchil rivojlanishiga va amaliy hamkorlik yanada kengayishiga ishonch bildirdi.
Ashraf Xo‘jayev Efiopiya rahbariga Shavkat Mirziyoyevning samimiy salomi va ezgu tilaklarini yetkazdi. Shuningdek, O‘zbekiston tomoni o‘zaro manfaatli iqtisodiy hamkorlikni kengaytirishga tayyor ekanini ta’kidladi.
Ma’lumot uchun, O‘zbekiston va Efiopiya o‘rtasida diplomatik...
Bekobod shahri va Qorao‘zak tumanida kuchli ta’sir qiluvchi dori vositalari savdosi bilan shug‘ullanib kelgan shaxslar ushlandi. Bu haqda Bosh prokuratura huzuridagi Departament xabar berdi.
Departamentning Bekobod shahri bo‘limi va boshqa huquqni muhofaza qiluvchi organlar hamkorligida o‘tkazilgan tezkor tadbirda fuqaroning «Nurli yo‘l» MFY hududidagi xonadonida umumiy qiymati 181 mln so‘mlik 3 873 quti kuchli ta’sir qiluvchi dori vositalari saqlanayotgani aniqlangan.
Ma’lum qilinishicha, fuqaro ushbu dori vositalarini o‘tkazish maqsadida saqlab kelgan. Dorilar ashyoviy dalil sifatida rasmiylashtirib olingan. Qayd etilishicha, ushbu shaxs avval ham Jinoyat kodeksining tegishli moddasi bilan sudlangan.
Shuningdek, Qorao‘zak tumanida o‘tkazilgan tezkor tadbirda kuchli ta’sir qiluvchi dori vositalari savdosi...
Skoda kompaniyasi yangi Skoda Peaq elektromobilini rasman namoyish qildi. Uch qatorli krossover brendning yangi elektr flagmani bo‘lib, o‘lchamlari bo‘yicha Kodiaq’dan kattaroq, biroq Hyundai Ioniq 9’dan ixchamroq hisoblanadi.
Model Vision 7S konsepti asosida yaratilgan va Modern Solid dizayn uslubiga ega. Unda T-shaklidagi optika, yaltiroq qora Tech-Deck Face paneli, kuzovga yashirilgan eshik tutqichlari hamda panoramali tom qo‘llangan. Panoramik tom Dynamic Shade Control texnologiyasiga ega bo‘lib, uning shaffofligini elektr orqali boshqarish mumkin.
Skoda Peaq uzunligi 4874 mm, g‘ildirak bazasi esa 2965 mmni tashkil etadi. Aerodinamik qarshilik koeffitsiyenti 0,249 gacha tushirilgan. Salon besh yoki yetti o‘rindiqli konfiguratsiyada taklif qilinadi. Ichkarida raqamli asboblar paneli...
Nothing kompaniyasi Dream Phone nomli konsept smartfonni taqdim etdi. Gizmochinaga ko‘ra, qurilma muxlislar fikri va hamjamiyatdan olingan takliflar asosida ishlab chiqilgan.
Smartfonning uzunligi 15 santimetrdan oshmaydi, shu sababli telefon cho‘ntakka bemalol sig‘adi. Dream Phone’da ko‘pchilik ishlab chiqaruvchilar allaqachon voz kechgan ikki eski, ammo foydali funksiya qaytarilgan.
Bular 3,5 mm naushnik uyasi va xotirani kengaytirish uchun microSD karta qo‘llab-quvvatlash.
Smartfon old paneli juda silliq ko‘rinishga ega. Bunga ekrandagi teshikdan voz kechib, yashirin selfi-kamera qo‘llangani sabab bo‘lgan. Selfi-kamera korpus ichidan chiqadigan mexanizm orqali ishlaydi.
Orqa tomonda kamera moduli korpus bilan deyarli bir tekis joylashgan. Bu telefon...
Samsung Galaxy S26 FE smartfonining xalqaro versiyasi Geekbench ma’lumotlar bazasida paydo bo‘ldi. SM-S741B indeksiga ega qurilma test natijalariga ko‘ra, koreys bozori uchun mo‘ljallangan talqindan biroz pastroq natija ko‘rsatgan.
Geekbench’dagi ma’lumotlarga ko‘ra, Galaxy S26 FE kompaniyaning Exynos 2500 chipi bilan jihozlangan. Qurilmada 8 GB tezkor xotira mavjud bo‘lib, u Android 17 asosidagi One UI 9 interfeysida ishlaydi.
Geekbench 6.7.1 testida smartfon bir yadroli rejimda 2104 ball, ko‘p yadroli rejimda esa 7148 ball to‘plagan. Avvalroq Janubiy Koreya bozori uchun mo‘ljallangan versiya bir yadroli sinovda 2255 ball, ko‘p yadroli sinovda esa 7450 ball qayd etgani xabar qilingandi.
Bundan tashqari...
Telegram messenjeri Hindistonda vaqtinchalik cheklovlardan so‘ng yana Google Play’ga qaytdi. Ilova deyarli bir hafta davomida mamlakatdagi foydalanuvchilar uchun cheklangan edi.
Telegram’ga qo‘yilgan vaqtinchalik cheklovlar 22-iyunda yakunlanishi kerak edi. Biroq 23-iyun yarim tundan keyin ayrim foydalanuvchilar messenjerga kirishda muammolar saqlanib qolayotganini bildirgan.
Hindistonda Telegram’ga kirish 16-iyundan boshlab cheklangan edi. Bunga tibbiyot oliygohlariga kirish uchun o‘tkaziladigan milliy malaka imtihoni savollari sizib chiqishi bilan bog‘liq mojaro sabab bo‘lgan. Ushbu holatdan keyin imtihon bekor qilinib, qayta topshirish 21-iyunga belgilangan.
17-iyun kuni Telegram vaqtincha Google Play va App Store’dan olib tashlangan. 19-iyunda esa Dehli oliy sudi hukumatning bu qarorini qonuniy deb topgan va servisni...
O‘zbekistonlik professorlar Xitoyda malaka oshiradi. O‘zbekiston va Xitoy hududlari o‘rtasidagi hamkorlikni kengaytirish bo‘yicha yangi kelishuvlarga erishildi. Bu haqda «Dunyo» axborot agentligi xabar berdi.
O‘zbekiston Bosh konsulxonasi Xitoyning Nannin shahrida O‘zbekiston – Xitoy hududlararo hamkorligini rivojlantirishga qaratilgan qator tadbirlar tashkil etdi.
Guansi – Chjuan avtonom rayoni Tashqi ishlar idorasi rahbariyati bilan muzokaralarda ikki davlat o‘rtasidagi hamkorlik muhim yo‘nalishlarda faol rivojlanayotgani qayd etildi.
Tomonlar Guansi va O‘zbekiston hududlari o‘rtasida do‘stona aloqalarni yo‘lga qo‘yish bo‘yicha memorandum tayyorlashga kelishib oldi.
Tashrif doirasida Guansi Xalqaro savdoga ko‘maklashish qo‘mitasi raisi bilan muzokaralar o‘tkazildi. Shuningdek, Xitoyning 20 dan...
Xorazm viloyatida jamoat transportida yo‘lkira haqini naqd pulsiz to‘lash tizimi joriy etiladi. Viloyat hokimining qaroriga ko‘ra, 2026-yil 1-iyuldan ayrim avtobus yo‘nalishlari hamda T1-sonli Urganch — Xiva trolleybus yo‘nalishida to‘lovlar faqat elektron tarzda qabul qilinadi.
Keyingi bosqichda ushbu tartib qolgan avtobus va trolleybus yo‘nalishlarida ham joriy etiladi. Qarorga ko‘ra, trolleybus yo‘nalishlarida yo‘lkira haqi bir yo‘lovchi uchun QQS bilan 3 ming so‘m etib belgilandi. Og‘irligi 20 kilogrammdan ortiq bagajni tashish uchun bir martalik to‘lov 4 ming so‘mni tashkil etadi.
Shuningdek, bekatlarda chipta olishga mo‘ljallangan infokiosklar o‘rnatilishi va transport vositalarida validatorlar ishlashi ta’minlanadi.
Eslatib o‘tamiz, Kursiv Uzbekistan nashri O‘zbekistondagi transport vositalarining...
Prezident xavfsizlik xizmati boshlig‘ining o‘rinbosari, Osiyo Olimpiya kengashining Markaziy Osiyo mintaqasi bo‘yicha vitse-prezidenti Otabek Umarov O‘zbekiston milliy terma jamoasi futbolchilarini qo‘llab-quvvatlab, ularni tushkunlikka tushmaslikka chaqirdi. U oldinda Kongo DRga qarshi muhim o‘yin borligini ta’kidladi.
Portugaliyaga qarshi o‘yindan keyin Otabek Umarov va Shahnоza Mirziyoyeva milliy terma jamoaning kiyinish xonasiga kirib, futbolchilar bilan uchrashdi.
Shahnоza Mirziyoyeva futbolchilarga minnatdorlik bildirib, ular dunyoning eng kuchli terma jamoalaridan biriga qarshi maydonga tushganini ta’kidladi. U futbolchilar O‘zbekistonning yangi tarixini yaratishda ishtirok etayotganini qayd etdi va terma jamoaga ishonch bildirdi.
Bosh prokuratura huzuridagi Departament tomonidan Janubiy Koreyaga ishga yuborishni va’da qilib, fuqarolarning pullarini firibgarlik yo‘li bilan qo‘lga kiritish holatlari aniqlandi.
Departamentning Toshkent viloyati boshqarmasi tomonidan o‘tkazilgan tergovga qadar tekshiruvda fuqaro 12 nafar shaxsning ishonchiga kirib, ularni Janubiy Koreyaga ishga yuborishini aytgani aniqlangan. U fuqarolardan jami $38 mingni firibgarlik yo‘li bilan qo‘lga kiritib, ushbu pullarni avval Migratsiya agentligida ishlagan shaxsga bergani ma’lum bo‘lgan. Qayd etilishicha, mazkur shaxs ilgari Jinoyat kodeksining 168 va 211-moddalari bilan sudlangan.
Shuningdek, Departamentning Marg‘ilon shahri bo‘limi tomonidan o‘tkazilgan tekshiruvda fuqaro ikki nafar shaxsni Janubiy Koreyaga ishga yuborishni va’da qilib, ulardan jami $3,5 mingni olgani aniqlangan. Ushbu...
Yevropa komissiyasi Yevropa va Markaziy Osiyo o‘rtasidagi transport, energetika, raqamli aloqa va savdo yo‘nalishlarini rivojlantirish uchun Connectivity Agenda Platform nomli yangi platformani ishga tushirdi.
Platforma Janubiy Kavkaz va Qora dengiz mintaqasi orqali Yevropa Ittifoqi va Markaziy Osiyoni yanada yaqin bog‘lashga xizmat qiladi.
Tashabbus doirasida Yevropa komissiyasi xalqaro moliya institutlari bilan kelishuvlar tuzdi. Ushbu kelishuvlar Qora dengiz mintaqasi va Janubiy Kavkazdagi strategik infratuzilma loyihalari uchun 2 mlrd yevrogacha investitsiya jalb qilishga yordam berishi kutilmoqda.
Platforma Yevrokomissiyaning kengayish masalalari bo‘yicha komissari Marta Kos, xalqaro hamkorlik bo‘yicha komissar Yozef Sikela va barqaror transport bo‘yicha komissar Apostolos Tzitsikostas mezbonligida o‘tkazilgan yuqori darajadagi vazirlar...
Xitoyning Li Auto kompaniyasi tomonidan 2026-yilgi L8 avtomobili rasman taqdim etildi. Bu haqda CarNewsChina nashri xabar bermoqda.
Ultra versiyasi narxi 359,8 ming yuan, ya’ni taxminan $52,9 ming etib belgilangan. Livis komplektatsiyasi esa 419,8 ming yuan yoki $61,7 mingdan sotuvga chiqariladi.
2026-yilgi Li L8 besh o‘rindiqli alohida konfiguratsiyaga ega bo‘lib, qisqa old osma va uzun orqa osma qismi bilan ajralib turadi. Model tashqi ko‘rinishida fastbek uslubidagi dinamik siluet, old va orqa qism bo‘ylab cho‘zilgan yoritish chiziqlari hamda yaltiroq qora orqa diffuzor qo‘llangan.
Avtomobil uzunligi 5135 mm, eni 2000 mm, balandligi esa 1800 mmni tashkil qiladi. G‘ildirak...
O‘zbekiston milliy terma jamoasi bosh murabbiyi Fabio Kannavaro Portugaliyaga qarshi o‘yindan keyin raqib jamoa va Krishtianu Ronalduni tabrikladi. U ijtimoiy tarmoqdagi sahifasida Portugaliya juda kuchli raqib ekanini ta’kidladi.
Kannavaroning yozishicha, bunday o‘yinlar xalqaro darajada kuchli bo‘lish uchun tajriba zarurligini ko‘rsatadi.
«Portugaliyaga o‘xshagan juda kuchli raqibga qarshi o‘yinlar bizga xalqaro darajada kuchli bo‘lish uchun tajriba kerakligini o‘rgatadi. Tajriba esa faqat maydonda, o‘yin orqali orttiriladi», – deb yozdi u.
Migratsiya agentligi Germaniyaning «Askania Future GmbH» rekrut kompaniyasi bilan hamkorlikda o‘zbekistonliklar uchun 140 ta ish o‘rni ochilganini ma’lum qildi.
Ish joyi Germaniyaning Muldestausee OT Pouch hududida joylashgan bo‘lib, jami 140 ta ish o‘rni taklif etilmoqda. Nomzodlar ish beruvchi tashkilot tomonidan onlayn suhbat asosida tanlab olinadi.
Ish haqi soliqdan keyin taxminan 1,8 ming yevrodan 2,5 ming yevrogacha bo‘lishi ko‘zda tutilgan. Miqdor ish tajribasi va nomzod profiliga qarab belgilanadi.
Qurilish sohasi bo‘yicha 21 yoshdan 45 yoshgacha bo‘lgan, tegishli yo‘nalishda bakalavr diplomiga ega hamda nemis tilidan kamida A2 darajadagi xalqaro sertifikati bor nomzodlar ariza topshirishi mumkin. Ular qurilish loyihalarini rejalashtirish, loyihalash va...
O‘zbekiston milliy terma jamoasi bosh murabbiyi Fabio Kannavaro 5:0 hisobidagi mag‘lubiyatdan keyin javobgarlikni o‘z zimmasiga oldi. Bu haqda u uchrashuvdan keyingi matbuot anjumanida ma’lum qilgan.
Uning aytishicha, ushbu mag‘lubiyatda futbolchilarning aybi yo‘q, xatoga murabbiy sifatida o‘zi yo‘l qo‘ygan.
Matbuot anjumanida huquqshunos Xushnudbek Xudoyberdiyev Kannavarodan asosiy tarkibdagi o‘zgarishlar, taktik qarorlar va mag‘lubiyat uchun javobgarlik haqida so‘radi.
Uning savolida murabbiy Kolumbiyaga qarshi o‘yindan keyin asosiy tarkibda uchta o‘zgarish qilgani, shundan ikkitasi muvaffaqiyatsiz chiqqani ta’kidlandi.
Kannavaro bunga javoban murabbiy sifatida maydonga kimni yaxshi formada deb hisoblasa, o‘shani tushirishga harakat qilishini aytdi.
«O‘zimni oqlash niyatim yo‘q. Shogirdlarimni himoya qilish uchun...
Tijorat banklari tomonidan 24-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.
Avvalroq Kursiv Uzbekistan 22-iyun uchun valyutalar kursi e’lon qilingani haqida yozgan edi.