Yangiliklar

Toshkent shahrida jamoat transportida yo‘l haqini to‘lamasdan harakatlanayotgan 20 mingga yaqin yo‘lovchilarga jarima solindi. Bu haqda Transport nazorati inspeksiyasi xabar berdi.

Unga ko‘ra, joriy yilning shu davriga qadar avtobuslarda 19 632 ta yo‘l haqini to‘lamaslik holati aniqlangan. Har bir qoidabuzarlik bo‘yicha Ma’muriy javobgarlik to‘g‘risidagi kodeksning tegishli moddalariga asosan bayonnomalar rasmiylashtirilgan.

Shuningdek, shu yilning oktabr oyidan boshlab monitoring xizmati xodimlari planshetlar bilan ta’minlandi. Endilikda ular yo‘l haqini to‘lamagan fuqarolarga nisbatan mustaqil tarzda ma’muriy bayonnoma tuzish vakolatiga ega.

2025-yil 1-yanvardan boshlab Toshkent avtobuslarida naqd pulda to‘lov qilish amaliyoti to‘liq bekor qilingan bo‘lib, yo‘lovchilar elektron to‘lov yoki bir martalik QR-chiptalar yordamida to‘lovni...

Xitoyning BYD kompaniyasi Yaponiyada o‘zining eng arzon plug-in gibrid SUV modeli Sealion 6’ni sotuvga chiqardi. Nikkei xabariga ko‘ra, uning narxi $25,6 ming.

Model BYD Japan’ning birinchi gibrid modeli bo‘lib, kompaniya 2023-yilda Yaponiyaga kirib kelganidan beri to‘rt xil elektromobil taqdim etgan. Sealion 6 esa dunyoda eng ko‘p sotilgan plug-in gibrid SUV bo‘lib, BYD yanvar – oktabr oylarida global PHV bozorining 30 foizini egalladi. Yevropada ushbu model Seal U nomi bilan iyun oyida eng ko‘p sotilgan PHEV bo‘lgan.

Avtomobil taxminan 100 km faqat elektrda harakatlana oladi, uzoq masofalar uchun esa benzin dvigateli yordam beradi. Yonilg‘i tejamkorligi 22,4 km/l bo‘lib, boshqa gibrid...

Misr prezidenti Abdulfattoh as-Sisi mamlakatga kirish vizasi yig‘imini 20 dollarga oshirilib, 45 dollarga yetkazish to‘g‘risidagi qarorni qabul qildi. Bu haqda TASS agentligi ma’lum qildi.

Vakillar Palatasi qaroriga muvofiq, farmon 30-noyabrda imzolangan bo‘lib, imzolangandan keyingi kunda kuchga kiradi. 1-dekabrgacha kirish vizasi narxi $25 ni tashkil qilgan. Kirish yig‘imlarini oshirish bo‘yicha qonun loyihasi Tashqi ishlar vazirligi tomonidan Vakillar Palatasiga taqdim etilgan va 2-noyabrda parlament a’zolari tomonidan ma’qullangan.

Qonun loyihasi mamlakat ichida tanqidiy munosabatlarga sabab bo‘ldi. 11-noyabrda mamlakat Turizm Palatalari federatsiyasi bosh vazir Mustafa Madbuliy hamda Turizm va qadimiy obidalar vaziri Sherif Fathiga murojaat qilib, vizalar narxining oshishining oldini olish bo‘yicha...

O‘zbekiston Professional futbol ligasi Superliganing 2025-yilgi mavsumi yakunlari bo‘yicha eng yaxshi nominatsiya g‘oliblarini e’lon qildi.

Unga ko‘ra, «Paxtakor» hujumchisi Igor Sergeyev «Yil futbolchisi» va «Eng yaxshi to‘purar» unvonlari bilan asosiy sovrinlarni qo‘lga kiritdi.

«Neftchi»ni chempion qilgan Vitaliy Levchenko esa «Eng yaxshi murabbiy» sovrinini qo‘lga kiritdi.

Boshqa nominatsiyalarda ham yorqin nomlar g‘oliblikni qo‘lga kiritdi. «So‘g‘diyona» jamoasi sharafini himoya qilgan Lyupcho Doriyev Superligada ko‘rsatgan ajoyib o‘yini tufayli «Yil legioneri» deb e’lon qilindi.

«Navbahor» futbolchisi Abbos G‘ulomov esa «Yil kashfiyoti» deb topildi. Bu mukofot uning mavsum davomida erishgan keskin o‘sishi va jamoasi uchun muhim o‘yinchiga aylanganini anglatadi. «Dinamo» klubining...

Google 2-dekabr kuni Pixel qurilmalari uchun an’anaviy December Update Bulletin’ni e’lon qildi. Yangilanish bir hafta davomida bosqichma-bosqich tarqatiladi.

U Pixel 6’dan boshlab Pixel 10 seriyasigacha, shuningdek, Pixel Fold, Pixel Tablet va Pixel 9 Pro Fold qurilmalarini ham qamrab oladi. Bu oygi paketning eng muhim jihati – 33 ta xatolikni bartaraf etuvchi yangilanishlar, jumladan, batareya ishlashi va quvvat ko‘rsatkichlari bilan bog‘liq ikkita muhim muammo hal etildi.

Batareya belgisi bilan bog‘liq noaniqliklar tugatildi

Oldinroq ba’zi foydalanuvchilar, xususan, Pixel 10 Pro Fold egalari status qatorda batareya foizining o‘rniga bo‘sh joy yoki «?» belgisi chiqayotgani haqida shikoyat qilgandi.

Natijada dekabr yangilanishi...

2-dekabr kuni Yevropa diplomatiyasining sobiq rahbari Federika Mogerini Belgiyada qo‘lga olindi. U Yevropa kolleji doirasida tashkil etilgan diplomatlarni tayyorlash dasturi bilan bog‘liq ehtimoliy firibgarlik ishi bo‘yicha tergov qilinmoqda.

Tergov doirasida Yevropa tashqi aloqalar xizmati sobiq bosh kotibi Stefano Sannino hamda Yevropa kolleji xodimlaridan biri ham ushlangan. Ushbu xodimning shaxsi hozircha oshkor etilmagan.

Euractiv ma’lumotiga ko‘ra, 2-dekabr tongida politsiya Bryusseldagi Yevropa tashqi aloqalar xizmati idorasida tintuv o‘tkazgan.

Yevropa prokuraturasi so‘roviga ko‘ra, sud yuqori martabali amaldorlarni ham o‘z ichiga olgan ayrim gumondorlardan daxlsizlik huquqini bekor qildi.

Ish 2021 – 2022-yillarda Yevropa Ittifoqi mablag‘laridan noqonuniy foydalanilgan bo‘lishi mumkinligi bilan bog‘liq. Gap yevropalik...

Namangan viloyati hokimi Shavkatjon Abdurazzoqov boshchiligidagi delegatsiya Yaponiyada bir qator muhim uchrashuvlar o‘tkazib, ikki tomonlama hamkorlik bo‘yicha yirik kelishuvlarga erishdi. Bu haqda «Dunyo» axborot agentligi xabar berdi.

Tashrif davomida viloyatdagi «Ideal», «Fazman», «D.Maretti», «Vizzano» va «Saodat Sanoat Servis» kabi to‘qimachilik korxonalari Yaponiyaning «Konaka Co. Ltd» kompaniyasi bilan uchrashdi. Ular hamkorlikni kengaytirish, tayyor mahsulot eksportini yo‘lga qo‘yish va yapon standartlarini joriy etish masalalarini muhokama qildi.

Shuningdek, «Nammotors» va «Eco Basalt» korxonalari energiya tejamkor texnologiyalar va zamonaviy qurilish materiallari bo‘yicha yaponiyalik hamkorlar bilan muzokaralar olib bordi. Natijada Yaponiya korxonalari bilan umumiy qiymati $50 millionga teng bo‘lgan uzoq muddatli eksport va hamkorlik...

Premium Voyah brendi yangi Voyah Passion L gibrid sedanini 10-dekabr kuni rasmiy ravishda bozorga chiqaradi. Bu haqda ITHome xabar bermoqda.

Ta’kidlanishicha, model Xitoyda sotuvga chiqadi. Voyah Passion L ilk bor 26-sentabr kuni Fashion Night tadbirida namoyish etilgan edi. Tortuvchi batareya, elektromotorlar va boshqaruv elektronikasi uchun umrbod kafolat beriladi.

Sedan 63 kVt/soatli tortuvchi batareya bilan jihozlangan. U sof elektr rejimida 410 kmgacha masofa bosib o‘ta oladi. 800V 5C tezkor zaryadlash tizimi 20 foizdan 80 foizgacha quvvatni 12 daqiqada to‘ldiradi.

Barcha komplektatsiyalar ikki elektromotorli va to‘liq haydov tizimiga ega. 100 km/soat tezlikka 4,8 soniyada chiqadi.

Model Huawei Qiankun ADS 4 avtopiloting...

Samsung uch marta buklanadigan birinchi smartfoni – Galaxy Z TriFold yig‘ilishi va mustahkamlik sinovlarini ko‘rsatdi. Kompaniyaning ta’kidlashicha, yangi model tajriba emas, butunlay tayyor va sinovlardan to‘liq o‘tgan mahsulot hisoblanadi.

Shuningdek, Samsung e’lon qilgan videoda qurilma qanday yig‘ilishi, lazerlar yordamida tekshirilishi va robotlar tomonidan sinovdan o‘tkazilishi batafsil ko‘rsatilgan.

Galaxy Z TriFold qanday yig‘iladi

Model korpusi uchta bo‘limdan iborat bo‘lib, ular Samsung’ning maxsus Armor FlexHinge ilmaklari bilan biriktiriladi. Butun jarayon avtomatlashtirilgan, ya’ni:

Shundan so‘ng 10 dyuymli buklanadigan OLED-panel korpusga...

Angliya Premer ligasining 14-turida «Manchester Siti» «Fulhem»ga qarshi mehmondagi bahsda ishtirok etdi. Umumiy hisobda to‘qqizta gol kiritilgan dramatik o‘yinda 4:5 hisobida «shaharliklar» g‘alabaga erishdi.

Birinchi taymda katta ustunlikka ega bo‘lgan «Manchester Siti» bo‘limni 1:3 hisobida yakunladi. Gollarga Erling Holand, Reynders va Fil Foden mualliflik qildi. «Fulhem» tarkibida esa Smit-Rou bitta gol bilan javob berdi. Ikkinchi taymni Gvardiola shogirdlari gol bilan boshladi. Foden dublni rasmiylashtirdi.

Mezbonlar futbolchisi Berge o‘z darvozasiga gol kiritib qo‘ygandan keyin hisob 1:5 ko‘rinishiga keldi. Bu goldan keyin «Fulhem» kutilmaganda o‘yin tizgini o‘z qo‘liga olib ketma-ket hujumlar uyushtira boshladi. Dastlab Ivobi uzoq masofadan chiroyli gol kiritgan bo‘lsa...

3-dekabr kuni soat 09:00 holatiga ko‘ra, Toshkent shahridagi avtomatik monitoring stansiyalari atmosfera havosi holati bo‘yicha navbatdagi ma’lumotlarni e’lon qildi.

Unga ko‘ra, havodagi PM10 zarrachalari miqdori me’yordan oshmagan, PM2.5 mayda zarrachalar ko‘rsatkichi esa me’yordan faqat 1,2 baravar yuqorini qayd etdi.

IQAir xalqaro monitoring platformasi ma’lumotlariga ko‘ra, poytaxt havo sifati bo‘yicha reytingda 24-o‘ringa tushgan. 2-dekabr kuni reytingda poytaxt havosi ifloslanish darajasi bo‘yicha dunyoning eng iflos shaharlar ro‘yxatida 9-o‘rinda turgandi.

Avvalroq «Oʻzgidromet» respublika hududida sovuq antisiklon ta’siri 5-dekabrga qadar saqlanishini ma’lum qilgandi. Yangilangan tahlillar sovuq antisiklon fonida inversiya yanada uzoqroq davom etishini ko‘rsatmoqda. Uzoq muddatli inversiya natijasida havoda chang...

Tijorat banklari 3-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi.

Nvidia haydovchisiz transport vositalarining xavfsizligini oshirishga qaratilgan yangi SI modeli Alpamayo-R1’ni taqdim etdi. Bu haqda TechCrunch nashri xabar berdi.

Ushbu tizim yo‘l vaziyatini matn va tasvirlar orqali bir vaqtning o‘zida tahlil qilib, mashinalarga insondek fikrlash va kontekstni chuqurroq anglash imkonini beradi. Model Kaliforniyaning San-Diyego shahrida o‘tgan NeurIPS AI konferensiyasida namoyish etildi.

Alpamayo-R1 – kompaniya tarixida avtonom haydovchilik uchun maxsus yaratilgan birinchi SI modeli hisoblanadi. U kompaniyaning oldingi aqliy tahlilga ega Cosmos-Reason modeli asosida ishlab chiqilgan bo‘lib, qarorlarni oldindan baholash qobiliyatiga ega.

Mutaxassislar fikriga ko‘ra, yangi model haydovchisiz avtomobillarga murakkab yo‘l vaziyatlarini anglash, xavfni baholash va sog‘lom fikr bilan qaror...

O‘zbekiston tashqi ishlar vaziri o‘rinbosari Muzaffar Madrahimov Finlyandiyaning O‘zbekistondagi elchisi Ilkka Ryaysyanen bilan uning diplomatik missiyasi yakunlanishi munosabati bilan uchrashdi. Bu haqda «Dunyo» axborot agentligi xabar berdi.

Uchrashuvda ikki davlat o‘rtasidagi aloqalarning bugungi holati va kelajakdagi rivojlanish yo‘nalishlari muhokama qilindi. Shuningdek, elchi O‘zbekistondagi faoliyati davrida ko‘rsatilgan qo‘llab-quvvatlash uchun minnatdorlik bildirdi.

Eslatib o‘tamiz, Ilkka Ryaysyanen 2022-yildan buyon Finlyandiyaning O‘zbekistondagi elchisi sifatida faoliyat yuritib kelayotgandi.

Avvalroq O‘zbekiston elchisi Avstraliya general-gubernatoriga ishonch yorliqlarini topshirgani xabar qilingandi. Rasmiy marosim Kanberra shahridagi «Government House» rezidensiyasida bo‘lib o‘tdi. Unda O‘zbekiston elchisi Alisher Qayumov Avstraliya general-gubernatori Samanta Mostinga ishonch yorliqlarini topshirdi.

Ford Avstraliya bozori uchun Ford Ranger Super Duty pikapining premium XLT talqinini namoyish qildi. Model maksimal yuklama va og‘ir sharoitlarda ishlashga mo‘ljallangan.

XLT versiyasi yuqori darajadagi qulaylik bilan jihozlangan. Unga 18 dyuymli yengil qotishmali disklar, charm salon, old o‘rindiqlarni isitish va shamollatish tizimi kiritilgan. Salon gilam qoplamasi bilan to‘ldirilgan.

Ranger Super Duty ikki xil kuzovda taklif qilinadi. Birinchisi Double Cab chassis bo‘lib, orqa qismi ustki qo‘shimcha konstruksiyalar uchun mos. Ikkinchisi esa to‘rt eshikli kabinadan keyin zavod yuk platformasi o‘rnatilgan Pick-Up versiyasidir.

Qo‘shimcha opsiyalar orasida Traction Green maxsus yashil rang, raqamli orqa ko‘rish oynasi, Aeroklas Twin tortma tortmali tizimi va...

AvtoVAZ yangi Lada B-Van miniveni ustidagi ishni davom ettirmoqda. Bu haqda TASS xabar bermoqda.

Model faqat bozor barqarorlashib, to‘lovga qodir talab paydo bo‘lgandagina rasman namoyish etiladi. Kompaniya rahbari Maksim Sokolov 2025-yilda avtomobil bozori sust bo‘lganini aytgan. Unga ko‘ra, tor segmentdagi loyiha faqat yetarli talab bo‘lganda o‘zini oqlaydi.

«Bu ommaviy model emas, sedan yoki krossover darajasidagi mahsulot ham emas. Shu sababli bozor jonlanib, real va to‘lovga qodir talab shakllangach, yangilikni taqdim etamiz», – degan Sokolov.

Avval Lada B-Van’ni 2026-yilda Sankt-Peterburg iqtisodiy forumida ko‘rsatish rejalashtirilgan, seriyali ishlab chiqarish esa 2027-yilga mo‘ljallangan edi.

Hozirda kompaniya rahbari so‘zlariga...

Apple kompaniyasi bir nechta Apple Watch aqlli soatlarini eskirgan va ishlatilmaydigan toifaga kiritdi. Bu haqda WCCF Tech ma’lum qildi.

Unga ko‘ra, foydalanish muddati tugagan soatlar qatoriga Apple Watch Series 4 Hermes 40 va 44 mm, shuningdek, Apple Watch Series 4 Nike 40 va 44 mm variantlari kirdi.

Oddiy Apple Watch Series 4 modellarining po‘lat yoki alyuminiy korpusli versiyalari hozircha faqat eskirgan toifasida qoladi. Shu bilan birga, birinchi avlod iPhone SE va 12,9 dyuymli iPad Pro ikkinchi avlodi ham ishlatilmaydigan qurilmalar qatoridan o‘rin oldi.

Apple izohiga ko‘ra, mahsulot 5 yildan ortiq, lekin 7 yildan kam vaqt oldin sotuvdan chiqarilgan...

3-dekabr soat 01:18:06 da Qirg‘iziston Respublikasining Jalolobod viloyatida zilzila sodir bo‘ldi. Bu haqda Seysmoprognostik monitoring markazi ma’lum qildi.

Unga ko‘ra, hodisaning magnitudasi 3,7, chuqurligi 5 km, episentrda sezilish kuchi 5 ballni tashkil etdi.

O‘zbekiston hududida zilzila Namangan viloyatida 2 ball bilan sezildi. Zilzila episentri Toshkentdan 229 km janubiy-sharqda joylashgan bo‘lib, koordinatalari 41,23 N, 71,96 E ni tashkil qiladi.

Hozircha jiddiy talafot yoki zarar haqida ma’lumot berilmagan.

Avvalroq Kursiv Uzbekistan Bangladeshda zilzila oqibatida 5 kishi halok bo‘lgani haqida yozgandi.

Google 2027-yildan kosmosda ma’lumot markazlari qurishni rejalashtirmoqda. Bu haqda Fortune nashri ma’lum qildi.

Kompaniya bosh direktori Sundar Pichai ma’lum qilishicha, Suncatcher loyihasi orqali quyosh energiyasidan samarali foydalanish ko‘zda tutilgan. Bu katta energiya sarflaydigan ma’lumot markazlari uchun muhim hisoblanadi.

Kosmosdagi quyosh energiyasi Yerdagidan 100 trln baravar kuchli. Loyihaning birinchi bosqichi 2027-yil boshida amalga oshiriladi va Google Planet kompaniyasi bilan hamkorlikda Yer orbitasida ikkita test sun’iy yo‘ldoshi ishga tushiradi. Bu yo‘ldoshlar ma’lumot markazlari texnologiyasini sinovdan o‘tkazadi. Pichai yaqin o‘n yil ichida kosmosdagi ma’lumot markazlarini qurishni odatiy amaliyotga aylantirmoqchi.

Boshqa kompaniyalar ham kosmosni ma’lumot markazlarini energiya bilan ta’minlash vositasi sifatida ko‘rib...

Prezident administratsiyasi rahbari Saida Mirziyoyeva ekologik nazoratni kuchaytirish bo‘yicha hududlarda olib borilayotgan reydlardan birida shaxsan ishtirok etdi. Bu haqda u o‘zining Telegram sahifasida ma’lum qildi.

Maxsus komissiya topshirig‘iga asosan ekologlar va huquqni muhofaza qilish organlari xodimlari har kecha tekshiruv o‘tkazib, ekologiya talablarini buzayotgan holatlarni aniqlamoqda. Muammoni chuqurroq o‘rganish maqsadida Mirziyoyeva navbatdagi reydda shaxsan o‘zi ham ishtirok etdi.

Tekshiruv chog‘ida Qibray tumanidagi issiqxonalardan biri ko‘rib chiqildi. Aniqlanishicha, ushbu issiqxonada har kuni qariyb 150 kg ko‘mir yoqiladi. Mutaxassislar buning atrof-muhitga jiddiy zarar yetkazayotganini qayd etdi.

Tadbirkor bilan uchrashuvda ishlab chiqarish iqtisodiy foyda keltirishi mumkinligi, biroq uning aholining sog‘lig‘iga yetkazishi mumkin...

3-dekabr kuni O‘zbekistonda havo o‘zgaruvchan bo‘ladi. Kechasi -4° dan +5° gacha, kunduzi esa +5° dan +18° gacha iliq harorat kuzatiladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

Shavkat Mirziyoyev Jizzax shahrida joylashgan «Ko‘k saroy» savdo va xizmat ko‘rsatish majmuasi faoliyati bilan tanishdi. Bu haqda davlat rahbari matbuot xizmati ma’lum qildi.

Mamlakatimizda savdo sohasida zamonaviy xizmatlar ko‘rsatish va tadbirkorlik faoliyati uchun qulay sharoit yaratish bo‘yicha keng ko‘lamli ishlar amalga oshirilmoqda.

Jizzax shahridagi 3,5 gektar maydonda faoliyat yuritayotgan «Ko‘k saroy» majmuasi viloyatdagi eng yirik savdo obyektlaridan biri hisoblanadi. Bu yerda 300 dan ortiq yangi tadbirkorlik subyektlari ish boshlagan bo‘lib, natijada 800 dan ortiq yangi ish o‘rinlari yaratildi. Shu jumladan, ehtiyojmand toifadagi 100 nafar fuqaro ish bilan ta’minlandi.

Majmuada yirik savdo tarmoqlarining filiallari, 10 ta mahalliy va xorijiy...

Dekabrdagi dam olish kunlari e’lon qilindi, Islombek Ismoilov «Neftchi» klubi bosh murabbiyi bo’ldi, Samsung Galaxy Z TriFold 12-dekabrdan sotuvga chiqadi — Kursiv Uzbekistan tomonidan 2-dekabrning muhim hodisalari jamlandi.

2030-yilgacha maishiy chiqindi poligonlari 50 foizga qisqartiriladi

Shavkat Mirziyoyev huzurida o‘tkazilgan yig‘ilishda ekologik barqarorlik, chiqindilarni qayta ishlash va qishga tayyorgarlik masalalari muhokama qilindi. Bunda maishiy chiqindilardan elektr energiyasi ishlab chiqarish bo‘yicha 933 million dollarlik loyihalar Andijon, Namangan, Farg‘ona, Samarqand, Qashqadaryo va Toshkent viloyatlarida boshlangan. 2030-yilgacha maishiy chiqindi poligonlarini 50 foizga qisqartirish rejalashtirilgan.

Aqtau shahridagi Bosh konsulxona o‘zbekistonliklarni chegaradan o‘tish bo‘yicha ogohlantirdi

O‘zbekistonning Aqtau shahridagi Bosh konsulligi O‘zbekiston – Qozog‘iston – Rossiya yo‘nalishida...

Oppo kompaniyasi A6 seriyasini yangi A6x 4G va A6x 5G smartfon modeli bilan kengaytirdi. Bu haqda GSM Arena ma’lum qildi.

Modellar faqat protsessor jihatidan farq qiladi. Oppo A6x 4G Snapdragon 685 protsessori, A6x 5G esa Dimensity 6300 SoC bilan jihozlangan. Ikkala model ham ColorOS 15 interfeysi bilan ishlaydi.

Smartfonlar 6,75 dyuymli IPS ekranlarga ega bo‘lib, HD+ ruxsat va 120 Hz kadr tezligini ta’minlaydi. Asosiy kamera 13 MP, old kamera esa 5 MP. Avtonomlik uchun 6500 mAh batareya o‘rnatilgan, u 5 Vt quvvat bilan teskari simli zaryadlashni qo‘llab-quvvatlaydi. A6x 5G versiyasi esa 45 Vt quvvat bilan zaryadlashni amalga oshiradi.