Yangiliklar

O‘zbekistonda xotin-qizlar va bolalarning huquq hamda erkinliklarini himoya qilishni kuchaytirishga qaratilgan qonun loyihasi jamoatchilik muhokamasiga qo‘yildi. Bu haqda Adliya vazirligi xabar berdi.

Qonun loyihasiga ko‘ra, yon shajara bo‘yicha ikkinchi, uchinchi va to‘rtinchi darajadagi qarindoshlar – tog‘a va amaki, amma va xola hamda ularning jiyanlari, shuningdek, tog‘avachcha, amakivachcha, ammavachcha va xolavachchalar o‘rtasida nikoh tuzish taqiqlanishi belgilanmoqda. Shu bilan birga, farzandlikka olingan yoki o‘gay farzand bilan bog‘liq holatlar mustasno etilib, agar nikohlanuvchilar o‘rtasida haqiqatda qarindoshlik darajasi mavjud bo‘lmasa, bunday nikohga ruxsat berilishi mumkin.

Loyihada nikoh yoshini kamaytirish masalasi ham qayta ko‘rib chiqilgan. Homiladorlik yoki bola tug‘ilishi bilan bog‘liq holatlarda nikohga kirishni...

Istiqbolli loyihalar milliy agentligi Avstriyaning Raiffeisen Bank International AG bankini kapital bozori sohasida «Tartibga solish qumdoni» maxsus huquqiy rejimi ishtirokchisi sifatida ro‘yxatdan o‘tkazdi. Shu tariqa bank ushbu mexanizm doirasidagi oltinchi ishtirokchi bo‘ldi. Bu haqda agentlik rasmiy sahifasida ma’lum qilindi.

Unga ko‘ra, Raiffeisen Bank O‘zbekistonda xorijiy nominal saqlovchi sifatida faoliyat yuritishni rejalashtirmoqda. Bank o‘z mijozlariga O‘zbekiston valyuta birjasi hamda «Toshkent» Respublika fond birjasi orqali sotib olingan qimmatli qog‘ozlarni saqlash va ular bo‘yicha hisob-kitoblarni amalga oshirish xizmatlarini taqdim etishni maqsad qilgan.

Raiffeisen Bank International AG Raiffeisen Banking Group tarkibidagi markaziy moliya instituti hisoblanadi. Bank Avstriya moliya bozorlarini nazorat qilish boshqarmasi (FMA...

AQSh valyutasi hafta davomida turlicha dinamikani ko‘rsatdi. Kursiv Uzbekistan nashrining ushbu maqolasida dollar kursi hafta davomida qanchaga o‘zgargani haqida so‘z boradi.

22-dekabr kuni dollar 11 996,14 so‘mni tashkil etdi. Bu ko‘rsatkich avvalgi kunga nisbatan 25,47 so‘mga pasaydi. 23-dekabrda vaziyat o‘zgardi va dollar 12 010,43 so‘mga ko‘tarildi. Kunlik o‘sish 14,29 so‘m bo‘ldi.

24-dekabrda dollar kursi yana tezlashdi. Rasmiy kurs 12 052,33 so‘m etib belgilandi. Bu bir kunda 41,9 so‘mlik o‘sishni anglatdi.

25-dekabr kuni dollar 12 067,60 so‘mga yetdi. O‘sish sur’ati 15,27 so‘mni tashkil qildi. 26-dekabrda esa dollar 12 078,47 so‘m etib belgilandi. Bu ko‘rsatkich...

Bugungi sana insoniyat tamadduni uchun muhim bo‘lgan me’moriy yodgorliklar, global iqtisodiy kelishuvlar hamda ilm-fan yutuqlari bilan tarixda qolgan. Shuningdek, bu kun jahon kinematografiyasining yorqin yulduzlari dunyoga kelgani bilan ham ahamiyatlidir. Kursiv Uzbekistan kunning eng muhim voqealari xronologik tartibda taqdim etadi.

537-yili Konstantinopolda (hozirgi Istanbul) imperator Yustinian I tashabbusi bilan bunyod etilgan Ayasofya ibodatxonasi (Hagia Sophia) tantanali ravishda ochildi. Me’morlar Antimios va Isidor tomonidan loyihalashtirilgan ushbu inshoot deyarli ming yil davomida dunyodagi eng katta xristian ibodatxonasi bo‘lib kelgan va bugungi kunda Turkiyaning eng mashhur masjidi hamda madaniy merosi sifatida faoliyat yuritmoqda.

Fransiyada 1822-yili zamonaviy mikrobiologiya va immunologiya fanlari asoschisi Lui...

Kursiv Uzbekistan 26-dekabr kuni yuz bergan muhim yangiliklarni bir joyga jamladi.

Yangi yil munosabati bilan o‘zbekistonliklar necha kun dam oladi

Yangi yil bayrami munosabati bilan O‘zbekistonda bir necha kunlik dam olish kunlari belgilandi. Bu haqda Adliya vazirligi ma’lum qildi.

Unga ko‘ra, 31-dekabr chorshanba kuni qo‘shimcha dam olish kuni hisoblanadi. 1-yanvar payshanba kuni Yangi yil bayrami sifatida nishonlanadi. 2-yanvar juma kuni ham qo‘shimcha dam olish kuni etib belgilangan.

O‘zbekistonda kontaktsiz to‘lovlar hajmi 3,85 trln so‘mga yetdi

Markaziy bank bank kartalari bozoriga oid tahlilini chop etdi. Hisobotda (kontaktsiz) NFC orqali amalga oshirilgan tranzaksiyalar qiymati 3,85 trln so‘mga yetgani ma’lum qilindi.

Ma’lumotlarga ko‘ra...

Hukumati tomonidan O‘zbekistonda umumxalq bayramlarining g‘oyaviy-ma’naviy mazmunini kuchaytirish konsepsiyasi tasdiqlandi. Bu haqda Adliya vazirligi ma’lum qildi.

Unga ko‘ra, hozirda O‘zbekistonda 50 dan ortiq umumxalq bayramlari, muhim sanalar, kasb bayramlari va xalqaro kunlar turli darajada nishonlanmoqda. Har bir bayramning o‘ziga xosligini hisobga olib, bayramlarga ta’sirchan va jozibador musiqiy atributlar, o‘ziga xos taronalar va turli bezaklar ishlab chiqiladi.

Shuningdek, har bir umumxalq bayramining g‘oyaviy-ma’naviy mazmuni, tarixiy shakllanishi va jamiyat taraqqiyotidagi ahamiyatini ochib beruvchi qo‘llanmalar tayyorlanadi va keng jamoatchilikka tarqatiladi. Bayram kunlariga oid ommabop adabiyotlar, jumladan, «O‘zbekiston bayramlari» kitobi tayyorlanib, chop etiladi.

Bayramlar doirasida «Eng iqtidorli yosh» aksiyasi va interaktiv tadbirlar...

Oliy Majlisi Senati «Tashabbusli budjet» jarayonlariga o‘zgarish va qo‘shimchalar kiritdi. Bu haqda Iqtisodiyot va moliya vazirligi ma’lum qildi.

Unga ko‘ra, endilikda loyihalar g‘olib deb topilishi uchun minimal ovoz soni 50 taga yetishi kerak (avval 10 ta edi), jihozlash loyihalari uchun esa eng yuqori qiymat bazaviy hisoblash miqdorining 2 ming barobariga belgilandi (avval 4 ming barobar edi).

Tanaffus amaliyoti quyidagi holatlarga qo‘llanilmaydi: mahalla soni 15 va undan kam bo‘lgan tuman/shaharlar, «TOP – 100» ro‘yxatiga kirgan eng yaxshi soliq to‘lovchi mahallalar, shuningdek, loyiha sheriklik asosida amalga oshirilgan mahallalarga. Shu bilan birga, cheklangan imkoniyatga ega mahallalarga sheriklik asosida loyihalarni amalga oshirishga...

25-noyabrdan 24-dekabrgacha bo‘lgan davrda Toshkent shahri va viloyatida o‘tkazilgan ekoreydlar davomida 1128 ta huquqbuzarlik aniqlandi. Bu haqda Ekologiya va iqlim o‘zgarishi milliy qo‘mitasi ma’lum qildi.

25-noyabrdan 24-dekabrgacha o‘tkazilgan tekshiruvlar natijasida 1128 ta huquqbuzarlik aniqlanib, ular bo‘yicha ma’muriy hujjatlar rasmiylashtirildi. Atrof-muhitga salbiy ta’sir ko‘rsatgan 110 ta obyektning faoliyati (99 tasi Toshkent viloyatida, 11 tasi Toshkent shahrida) 10 ish kunigacha vaqtincha to‘xtatildi.

Shuningdek, 94 ta issiqxona obyektida chang-gaz tozalash uskunalari (filtrlar) o‘rnatildi, 6 ta obyekt gaz tarmoqlariga ulandi va yana 7 ta obekt gazlashtirish uchun texnik shartlar olishga ariza topshirdi.

24-dekabr holatiga ko‘ra, Maxsus komissiya Toshkent shahri hamda Toshkent viloyatining...

2025-yil 29-dekabrdan 2026-yil 5-yanvargacha mahalliy yo‘nalishlardagi yo‘lovchi poyezdlari chiptalariga 10 foizlik chegirma joriy etiladi. Bu haqda «O‘ztemiryo‘lyo‘lovchi» matbuot xizmati ma’lum qildi.

Chegirma guruhiy sayohat qiluvchi fuqarolar, shuningdek, O‘zbekiston kasaba uyushmalari federatsiyasi, davlat budjet korxonalari va sayyohlik agentliklari tomonidan taqdim etilgan buyurtmalarga (to‘rt va undan ortiq kishilik guruhlar) nisbatan qo‘llanadi va 10 foizni tashkil etadi. Buyurtmalarda yuridik shaxs nomi, o‘rinlar soni, yo‘lovchi poyezd raqami, jo‘nash sanasi va temir yo‘l stansiyalari ko‘rsatiladi. To‘lovlar korporativ bank kartalari yoki to‘lov topshiriqlari orqali amalga oshiriladi.

Chiptalar faqat rasmiy agentliklar orqali rasmiylashtiriladi, elektron chiptalarda chegirma qo‘llanilmaydi. «Afrosiyob» va tezyurar poyezdlarning M-Lyuks vagonlari bundan mustasno...

Yaponiya bosh vaziri Sanae Takaiti yetakchiligida keyingi moliyaviy yil uchun rekord darajadagi byudjetni tasdiqladi – 122,3 trln yen ($784,6 mlrd).

Shu bilan birga, $182,9 mlrd dan $189,4 mlrd gacha yangi davlat obligatsiyalarini chiqarish biroz oshadi. Budjetning qarzga bo‘lgan bog‘liqligi esa 24,2 foizga tushadi. Bu 1998-yildan buyon eng past ko‘rsatkich hisoblanadi.

Soliq tushumlari 7,6 foizga oshib, rekord darajaga – 83,7 trln yen ($536 mlrd) ga yetadi. Bu daromad ijtimoiy nafaqalar va mudofaa xarajatlarini moliyalashtirishga ishlatiladi, ammo qarz xizmatiga ketadigan ortib borayotgan xarajatlarni to‘liq qoplamaydi. Qarz xarajatlari esa 10,8 foizga oshadi. Bu so‘nggi 29 yil ichidagi eng yuqori ko‘rsatkich bo‘lib...

2025-yilning III choragida O‘zbekistonda mehnat bozorida bo‘sh ish o‘rinlari, ish haqi va pul o‘tkazmalari o‘sdi, mehnat migratsiyasi yo‘nalishlari kengaydi. Bu haqda Markaziy bank matbuot xizmati ma’lum qildi.

Unga ko‘ra, III chorakda e’lon qilingan bo‘sh ish o‘rinlari o‘tgan yilning mos davriga nisbatan 3,3 foizga oshdi. Vakansiyalarning asosiy qismi savdo (17,9 foiz), umumiy ovqatlanish (17,1 foiz) va ishlab chiqarish (17,0 foiz) sohalariga to‘g‘ri keldi. Ish qidirish faolligi biroz pasaygan bo‘lsa-da, faol rezyumelar soni yuqori darajada saqlanib qoldi.

So‘rovnomalar natijalariga ko‘ra, kelgusi uch oyda ish o‘rinlarini ko‘paytirishni rejalashtirayotgan tadbirkorlar ulushi III chorakda o‘rtacha 33,9 foizni tashkil etdi, sentabr oyida esa mavsumiy...

Markaziy bank dam olish kunlari aholiga qulaylik yaratish maqsadida bir qator tijorat banklarida valyuta ayirboshlash va xalqaro pul o‘tkazmalari xizmatlari davom etishini ma’lum qildi.

27 – 28-dekabr — shanba va yakshanba kunlari quyidagi banklarning ayrim shoxobchalari faoliyat yuritadi:

2025 yilning yanvar – noyabr oylarida O‘zbekistonning tashqi savdosida import hajmi $41,9 mlrdni tashkil etdi. Bu haqda Milliy statistika qo‘mitasi ma’lumotlarida keltirilgan.

Import hajmi o‘tgan yilning mos davriga nisbatan 18,7 foizga o‘sgan. 2024- yilning yanvar – noyabr oylarida import hajmi $35,1 mln edi.

Bu vaqt davomida respublika 180 ta davlatdan tovar va xizmatlar importini amalga oshirgan.

Xitoy

Import miqdorining katta qismi Xitoy ulushiga to‘g‘ri keladi ($12,8 mlrd). Xitoydan narsa sotib olish joriy yilning 11 oyida 2024-yilning mos davriga qaraganda ancha oshgan. Negaki o‘tgan yili xitoyliklarning hissasi hozirgidan kam edi ( $9,3 mlrd). Bu yil ushbu davlatdan narsa...

«O‘zgidromet» 26 – 28-dekabr kunlari uchun ob-havo prognozini e’lon qildi. Unga ko‘ra, 27-dekabr, shanba kuni faqat Qoraqalpogʻiston Respublikasining ayrim joylarida yog‘ingarchilik (yomg‘ir, qor) bo‘lishi mumkin. Respublikaning boshqa hududlarida yogʻingarchilik kutilmaydi.

28-dekabr, yakshanba kuni esa Buxoro, Navoiy, Toshkent, Samarqand, Jizzax, Sirdaryo va Qashqadaryo viloyatlarida ba’zi joylarda yomgʻir yogʻadi. Togʻli hududlarda yomgʻir va qor aralash yogʻishi mumkin. Qolgan hududlarda esa ob-havo asosan yogʻingarchiliksiz boʻladi.

Dam olish kunlari havo harorati asta-sekin koʻtariladi. Shanba kuni kunduzi 7–12 daraja iliq, yakshanba kuni esa 10–13 daraja iliqqacha yetadi. Kechalari harorat 2 daraja sovuqdan 3 daraja iliqqacha boʻladi. Shamol 7–12 m/s tezlikda esadi, ayrim hududlarda tuman...

Toshkentda soxta treyderga ishonib, katta qarzga botgan yigit bankomatni buzib, pul o‘g‘irlamoqchi bo‘ldi. Hodisa Chilonzor tumanida sodir bo‘lganini poytaxt IIBB axborot xizmati ma’lum qildi.

Unga ko‘ra, voqea tungi soat 2:30 lar atrofida yuz bergan. Noma’lum shaxs bankomat oldiga kelib, bir muddat atrofni kuzatgan va hech kim yo‘qligiga ishonch hosil qilgach, uni buzishga uringan. Yigit yerdan tosh olib, bankomatning temir qutisini urib ochishga harakat qilgan. Natijada tashqi quti shikastlangan, biroq ichidagi seyfni ochishning uddasidan chiqa olmagan. Shundan so‘ng u voqea joyidan yashiringan.

Tezkor-qidiruv tadbirlari davomida gumonlanuvchi qisqa fursatda qo‘lga olingan. U so‘roq davomida soxta treyderning «pulni ko‘paytirib beraman» degan va’dalariga...

Yandex Yangi yil arafasida «Alisa» ovozli yordamchisi va aqlli qurilmalari uchun navbatdagi yirik yangilanishni e’lon qildi. Yangi paket o‘ndan ortiq kutilgan funksiyalarni, jumladan, ovoz va kontent boshqaruvidagi o‘zgarishlarni o‘z ichiga oladi.

«Dom s Alisoy» ilovasida foydalanuvchining yillik faolligi, jumladan, musiqa tinglash vaqti va aqlli uy ssenariylari statistikasi paydo bo‘ldi. Shuningdek, «Alisa» endi murakkab so‘rovlarni tushunadi. Masalan, oddiy prognoz o‘rniga «1-yanvarda qor yog‘adimi?» yoki «Soyabon olishim kerakmi?» kabi savollarga aniq javob bera oladi.

Yangi imkoniyatlar qatorida «Sputnik» domofonlarini aqlli uy tizimiga ulash va eshikni ovozli buyruq bilan ochish funksiyasi yo‘lga qo‘yildi. Sovg‘a sifatida xarid qilingan stansiyalar uchun endi xaridor tomonidan...

Rossiya Federatsiyasi Markaziy banki zamonaviy dizayndagi 1000 rubllik banknotani taqdim etdi. Kuchaytirilgan himoya tizimiga ega bo‘lgan ushbu yangi pul belgisi eski namunadagi kupyuralar bilan parallel ravishda muomalada bo‘ladi.

Banknotaning old tomonida Nijniy Novgorod kremlining Nikolskaya minorasi, orqa tomonida esa Saratov avtomobil ko‘prigi, «Meteor-120R» kemasi hamda Qozon shahridagi Dehqonlar saroyi tasvirlangan. Shuningdek, kupyurada uning badiiy bezagi va haqiqiylik belgilarini tekshirish imkonini beruvchi maxsus QR-kod joylashtirilgan.

Bu Markaziy bankning 1000 rubllik kupyura dizaynini yangilash bo‘yicha ikkinchi urinishidir. 2023-yilda taqdim qilingan dastlabki versiya sababli janjal yuzaga kelgan edi. Rus pravoslav cherkovi vakillarining tanqididan so‘ng dizayn qayta ishlashga yuborilgan. Yangi banknota 1997-yilgi namunadagi...

Jahon bozorida oltin narxi yuqori o‘sishni qayd etmoqda. Xususan, 26-dekabr kuni Toshkent vaqti bilan soat 15:55 holatiga ko‘ra, jahon bozorida oltinning spot narxi bir troya unsiyasi uchun $4513,59 ga yetdi.

Shu bilan birga O‘zbekistonda ham oltin quymalar narxi yana bir bor rekordni yangiladi. Markaziy bank xabariga ko‘ra, 26-dekabr kuni narxlar barcha toifadagi quymalar bo‘yicha yana o‘sdi. Bunda 5 grammli quyma 8,913 mln so‘mdan 8,953 mln so‘mga, 10 grammli quyma 17,826 mln so‘mdan 17,906 mln so‘mga, 20 grammli quyma 35,651 mln so‘mdan 35,812 mln so‘mga ko‘tarildi.

Shuningdek, 50 grammli quyma 89,531 mln so‘m, 100 grammli esa 179,062 mln so‘mni tashkil qildi.

Eslatib...

29-dekabr uchun valyutalar kursi yangilandi. Unga ko‘ra, dollar 21,15 so‘mga pasayib, 12 057,32 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil qildi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m...

Geely’ga tegishli SiEngine kompaniyasi 2 048 TOPS quvvatli ADAS chiplarini ommaviy ishlab chiqara boshladi. Bu haqda CarNewsChina xabar bermoqda.

Kompaniya ma’lumotiga ko‘ra, AD1000 chipi 512 TOPS hisoblash quvvatiga ega. Bir nechta chipni birgalikda ishlatish orqali umumiy quvvat 2 048 TOPS’gacha yetadi. Bu yechim L2’dan L4’gacha avtonom haydash tizimlarini qo‘llab-quvvatlaydi.

AD1000 7 nm ko‘p yadroli arxitekturaga ega. Xotira o‘tkazuvchanligi 204 GB/s’ni tashkil qiladi. Chip EVITA xavfsizlik standartlarini qo‘llaydi va apparat darajasidagi kriptografik himoyaga ega.

SiEngine chiplarini Geely Galaxy, Lynk & Co, Volvo, Hongqi, Changan Nevo va Volkswagen modellarida uchratish mumkin. Kompaniya Xitoyda 7 nm cockpit SoC ishlab chiqarayotgan yagona mahalliy...

Xitoy Tashqi ishlar vazirligi AQShning Tayvanga qurol yetkazib berishi sababli 10 nafar shaxs va 20 ta mudofaa kompaniyasiga nisbatan sanksiyalar joriy qildi. Bu haqda The Economic Times xabar bermoqda.

Joriy etilgan choralar sanksiyaga tushgan kompaniyalar va shaxslarning Xitoydagi aktivlarini muzlatish hamda mahalliy tashkilotlarga ular bilan biznes qilishni taqiqlashni o‘z ichiga oladi. Ro‘yxatga kiritilgan jismoniy shaxslarga, jumladan, Anduril Industries asoschisi va to‘qqiz nafar yuqori martabali rahbarga Xitoy hududiga kirish man etildi.

Sanksiyalar nishoniga aylangan kompaniyalar orasida Boeing kompaniyasining Sent-Luis filiali, Northrop Grumman Systems Corporation va L3Harris Maritime Services kabi yirik korxonalar bor. Xitoy Tashqi ishlar vazirligi matbuot kotibi Tayvan masalasini...

Hyundai IONIQ 3 avtomobilining rasmiy tasvirlari paydo bo‘ldi. Bu haqda Electrek xabar berdi. Modelning taqdimoti keyingi yil boshiga rejalashtirilgan.

IONIQ 3 dizayni Aero Hatch uslubida ishlab chiqilgan. Korpus pastroq, osmalar qisqa va umumiy siluet klassik sport xetchbeklarga yaqin. Shu bilan birga, IONIQ oilasiga xos pixel uslubidagi yoritish elementlari saqlab qolingan, biroq avtomobil tashqi ko‘rinishda ancha agressivroq bo‘ladi.

N-Line versiyasida yangilangan bamperlar, sport disklar, orqa spoyler va «N» logotipi ko‘zga tashlanadi. Odatda Hyundai’da N-Line versiyalari to‘liq N-modifikatsiyalardan oldin paydo bo‘ladi. Shu sabab IONIQ 3’ning yanada kuchli sport talqini ham vaqt masalasi bo‘lishi mumkin.

O‘lchamlari bo‘yicha IONIQ 3 mashhur ixcham segmentga...

Arzon smartfon tanlashda doim muayyan murosalarga tayyor bo‘lishga to‘g‘ri keladi. Kam narx evaziga mukammal qurilma topish qiyin. Shuning uchun eng muhim jihatlarni to‘g‘ri baholash zarur. Quyida budjet smartfon tanlashda e’tibor berish kerak bo‘lgan asosiy mezonlar bir qator modellar misolida sodda tarzda tushuntiriladi.

Korpus sifati va qulaylik

Arzon smartfonlarda ko‘pincha e’tibordan chetda qoladigan, ammo juda muhim jihat bu korpus sifati hisoblanadi. Aynan u qurilmaning uzoq vaqt davomida qanday holatda saqlanishini belgilaydi. Smartfonni qo‘lga olib ko‘rganda bo‘shliqlar, g‘ichirlash yoki egilishlar yo‘qligini tekshirish muhim.

Masalan, budjet narxdagi HUAWEI nova 14i mustahkam plastikdan yasalgan bo‘lib, yig‘ilishi zich va ishonchli. Tugmalar qulay joylashgan...

Yevroosiyo taraqqiyot bankining 25-dekabr kuni e’lon qilingan «Xitoy va Yevroosiyo mintaqasi: Investitsiya oqimlari tahlili» hisobotiga ko‘ra, Xitoydan Markaziy Osiyoga to‘g‘ridan to‘g‘ri xorijiy investitsiyalar o‘sishda davom etmoqda va Pekin har yili mintaqa iqtisodiyotidagi ulushini oshirib bormoqda.

Ta’kidlanishicha, ushbu investitsiyalar bilan Xitoy energetika, infratuzilma va ishlab chiqarish kabi muhim iqtisodiy sohalardagi mavqeyini mustahkamlamoqda.

Shu bilan birga, ushbu investitsiyalar mintaqaning iqtisodiy o‘sishiga, ekologik vaziyatni yaxshilashga va infratuzilmani modernizatsiya qilishga hissa qo‘shadi.

Hisobotda aytilishicha, Xitoyning Markaziy Osiyodagi to‘g‘idan to‘g‘ri xorijiy investitsiyalari hajmi 2016-yildagi $19,6 milliarddan 2025-yilning o‘rtalariga kelib $35,9 milliardga oshgan. Xususan, ushbu investitsiyalarning 32 foizi Qozog‘iston iqtisodiyotiga, 30 foizi O‘zbekistonga, 27 foizi...