Yangiliklar

2-dekabr kuni O‘zbekiston hududida kechasi harorat -3°…+5° atrofida, kunduzi +5°…+18° iliq ob-havo kuzatiladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Nurafshonda hokim yordamchisi pora bilan qo‘lga tushdi, O‘zbekistonda amaldagi BHM va nafaqalar miqdori qancha — 1-dekabrda sodir bo‘lgan muhim hodisalar «Kursiv» dayjestida.

Nurafshonda hokim yordamchisi pora bilan qo‘lga tushdi

Toshkent viloyati Nurafshon shahrida mahallalardan birida faoliyat yuritgan hokim yordamchisi o‘z mavqeyidan foydalanib, fuqarodan pora talab qilgan. Bu haqda DXX matbuot xizmati ma’lum qildi.

Toshkent shahrida yashovchi fuqaro murojaatiga ko‘ra, hokim yordamchisi uni mansabdor tanishlari orqali Ekologiya va iqlim o‘zgarishi milliy qo‘mitasining Toshkent viloyati boshqarmasiga ishga kiritib qo‘yishni va’da qilgan. U bu «xizmat» evaziga $2 ming talab qilgan.

O‘zbekistonda amaldagi BHM va nafaqalar miqdori qancha

O‘zbekiston hududida...

Apple olimlari PARS (PAirwise Relative Shift) nomli yangi mashina o‘rganish texnologiyasini taqdim etdilar. Ushbu usul elektroensefalogramma (EEG) orqali miya signallarini o‘lchash va tahlil qilish imkonini beradi.

Odatiy holda EEG modellarini o‘rgatish uchun ekspertlar tomonidan belgilangan katta hajmdagi ma’lumotlar talab qilinadi. PARS usulining asosiy tamoyili shundaki, model faqat qayta ishlanmagan ma’lumotlarga asoslanib, EEGning turli fragmentlari orasidagi vaqt oralig‘ini bashorat qiladi. Model signaldagi bo‘sh joylarni to‘ldirishni o‘rganmaydi, balki EEGning kengroq tuzilishini tushunadi. Buni EEGning tasodifiy tanlangan juft qismlari orasidagi nisbiy vaqt o‘zgarishlarini tahlil qilish orqali amalga oshiradi.

Tadqiqotda PARS yordamida o‘rgatilgan model to‘rtta test ma’lumotlar to‘plamining uchtasida mavjud usullardan yuqori...

Shavkat Mirziyoyev O‘zbekiston Respublikasining eksport salohiyatini oshirish va tadbirkorlar uchun davlat xizmatlarini soddalashtirish bo‘yicha ishlar bilan tanishdi. Bu haqda davlat rahbari matbuot xizmati ma’lum qildi.

O‘zbekiston 2030-yilga qadar eksport hajmini $45 mlrdga yetkazishni maqsad qilgan. Buning uchun an’anaviy bozorlarga cheklanmay, yuqori marjali yangi bozorlarga chiqish zarur. Tahlillar natijasida qurilish materiallari, yengil sanoat, elektrotexnika, oziq-ovqat, maishiy kimyo, mashinasozlik va metallarga oid yo‘nalishlarda eksportni oshirish imkoniyati mavjudligi aniqlangan.

Taqdimotda istiqbolli bozorlar bilan imtiyozli savdoni yo‘lga qo‘yish, savdo-iqtisodiy aloqalarni faollashtirish va chegara o‘tkazish punktlari infratuzilmasini kengaytirish zarurligi ta’kidlandi. Mutasaddilar mahsulotlarimizning tashqi bozorlardagi o‘rni, talab yuqori tovarlar, xorijiy sheriklar bilan hamkorlik va...

Kasbiy ta’lim tashkilotlarida ta’lim dasturlarini davlat akkreditatsiyasidan o‘tkazish mezonlari tasdiqlanib, amaliy qo‘llanilishi belgilandi. Bu haqda Adliya vazirligi ma’lum qildi.

Adliya vazirligi «Kasbiy ta’lim tashkilotlarining ta’lim dasturlarini maxsus davlat akkreditatsiyasidan o‘tkazishda baholash mezonlari bo‘yicha indikatorlarni tasdiqlash» haqidagi buyruqni davlat ro‘yxatidan o‘tkazdi.

Hujjatga muvofiq, 6 ta yo‘nalishga muvofiq 31 mezon bo‘yicha kasbiy ta’lim tashkilotlaridagi ta’lim dasturlarini akkreditatsiyadan o‘tkazishda foydalaniladigan 163 ta indikator belgilandi.

Ushbu indikatorlarning 8 tasi (4,9 %) majburiy bo‘lib, mas’ul tarkibiy tuzilmani tashkil etish rejasi, talabalar kontingentiga mos o‘quv xonalari bilan ta’minlanganlik kabi mezonlarni qamrab oladi. Qolgan 155 tasi (95,1 %) umumiy indikatorlar bo‘lib, fan mazmuniga mos adabiyotlardan...

O‘zbekistonda «Samarqand-2028» sun’iy yo‘ldoshi loyihasi doirasida kosmik texnologiyalarni rivojlantirish ishlari olib borilmoqda. Shavkat Mirziyoyev sog‘liqni saqlash, ta’lim, transport va kosmos sohalarida sun’iy intellekt texnologiyalarini joriy etish bo‘yicha olib borilayotgan ishlar taqdimoti bilan tanishdi.

Unga ko‘ra, oktabr oyida qabul qilingan farmon va qarorlar yurtimizda zarur infratuzilma yaratish va kadrlar tayyorlash uchun sharoitlar yaratdi. Shu jumladan, 2030-yilgacha mo‘ljallangan strategiya tasdiqlanib, Raqamli texnologiyalar vazirligi huzurida markaz tashkil etildi. SI texnologiyalaridan foydalanish uchun hisoblash infratuzilmasi barpo qilinmoqda. AQShning Nvidia kompaniyasi bilan hamkorlikda superkompyuter klasteri ishga tushiriladi.

Tibbiyot sohasida beshta loyiha joriy etilgan. Insult va ko‘krak saratonini aniqlashda SI yordamida diagnostika vaqti...

Google hamasoschisi Sergey Brin Alphabet aksiyalari ko‘rinishidagi $1,1 milliarddan ortiq mablag‘ni xayriya ishlariga yo‘naltirdi. Bu haqda Bloomberg nashri ma’lum qildi.

Unga ko‘ra, taxminan $1 mlrd Brin 2021-yilda tashkil etgan Catalyst4 notijorat tashkilotiga yo‘naltiriladi. Ushbu tashkilot markaziy asab tizimi kasalliklari bo‘yicha tadqiqotlarni hamda iqlim o‘zgarishiga qarshi kurashish loyihalarini qo‘llab-quvvatlaydi.

Yana $90 mln milliarderdning o‘z oilaviy jamg‘armasiga, $45 mln esa Parkinson kasalligi bo‘yicha tadqiqotlarni moliyalashtiradigan Maykl J. Foks jamg‘armasiga beriladi. May oyida Brin ushbu uch tashkilotga $700 mlnlik Alphabet aksiyalarini ham taqdim etgan edi.

Ma’lumot uchun, 52 yoshli Brin dunyoning eng boy insonlaridan biri bo‘lib qolmoqda. Bloomberg’ga ko‘ra, uning boyligi...

Jahon shaxmat federatsiyasi (FIDE) noyabr oyi yakuni bo‘yicha e’lon qilgan yangilangan reytingda Javohir Sindorov 3 pog‘ona yuqoriladi.

Reytingda O‘zbekistonning birinchi raqamli shaxmatchisi Nodirbek Abdusattorov 5 pog‘ona pastladi. Ayni paytda u 2732 ochko bilan 17-o‘rinda turibdi. Javohir Sindorov esa 3 pog‘ona yuqoriladi va 22-o‘rindan joy oldi.

Magnus Karlsen 2840 ochko bilan reytingda yetakchilikni saqlab qolgan bo‘lsa, kuchli uchlikni amerikaliklar Hikaru Nakamura (2810) va Fabiano Karuana (2795) yakunladi. Ushbu uchlikning o‘rinlarida o‘tgan oyga nisbatan hech qanday o‘zgarish kuzatilmadi.

Kuchli 100 talik ro‘yxatdan O‘zbekistondan jami 5 nafar grossmeyster joy oldi. Nodirbek Abdusattorov hisobidagi ochkolar 18 taga kamaytirgan. Javohir Sindorov Hindistonning Goa shahrida...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 21-noyabrdan 28-noyabrgacha bo‘lgan davrda ijobiy dinamikani ko‘rsatib, UCI fond indeksi 3,22 foizga oshdi.

Ushbu davr mobaynida «Qashqadaryo texnologik transport» aksiyalari eng katta o‘sishga erishib, 9,86 foizga qimmatlashdi. Shuningdek, «O‘zmetkombinat» (+6,67%) va «Hamkorbank» (+6,37%) aksiyalarida ham o‘sish qayd etildi.

O‘z navbatida, «Trastbank» aksiyalari 19,83 foizga arzonlashib, haftaning eng katta pasayishini qayd etdi. Bundan tashqari, «O‘zbektelekom» (-7,86%) va «Qizilqumsement» (-5,29%) aksiyalari ham pasayish bilan ajralib turdi. Faqatgina «Dori-Darmon» aksiyalari narxida o‘zgarish kuzatilmadi.

Ushbu davrda bitimlar soni bo‘yicha «Kapital sug‘urta» (435 ta bitim), «Hamkorbank» (386 ta) va «O‘zRTXB» (334 ta) peshqadam bo‘ldi.

Fitch Ratings xalqaro reyting agentligi TBC Uzbekistan bankining uzoq muddatli majburiyatlar bo‘yicha defolt reytinglari prognozini «Salbiy»dan «Barqaror»ga ko‘tardi. Bu haqda agentlikning rasmiy sahifasida ma’lum qilindi.

Bankning xorijiy va milliy valyutadagi reytinglari «BB-» darajasida tasdiqlandi. Bankning mustaqil barqarorligini aks ettiruvchi Viability Rating esa «b» darajasida o‘zgarishsiz qoldi.

Agentlikning ushbu qarori Gruziyada ro‘yxatdan o‘tgan TBC BANK JSC bo‘yicha prognozning ham «Barqaror»ga o‘zgartirilgani bilan bog‘liq bo‘ldi. TBC — TBC Bank Group PLC tarkibidagi asosiy moliyaviy institut bo‘lib, u TBC Uzbekistan’ning bosh aksiyadori hisoblanadi.

Fitch ta’kidlashicha, TBC Uzbekistan reytingining asosiy tayanchlaridan biri bu — asosiy filial tomonidan potensial qo‘llab-quvvatlash ehtimoli hisoblanadi. Shu sababli...

Rossiya prezidenti Vladimir Putin Xitoy fuqarolarining mamlakatga vizasiz kirishini ta’minlovchi farmonni imzoladi.

Farmonga ko‘ra, yengillashtirilgan tartib sayyohlar, mehmonlar, turli tadbirlarda qatnashish yoki tranzit maqsadda kelganlar uchun amal qiladi. Biroq ishlash, o‘qish, doimiy yashash yoki xalqaro yuk tashuvlar bilan shug‘ullanuvchi shaxslarga nisbatan tatbiq etilmaydi.

Pekin 15-sentabrdan boshlab rossiyaliklar uchun tajriba tariqasida vizasiz rejim joriy qilgan edi. Rossiya tomoni ham Xitoy belgilagan muddatni, ya’ni 2026-yil 14-sentabrni asos qilib olgan. Rossiyaliklar ham Xitoyda 30 kun davomida vizasiz yurish huquqiga ega.

Avvlroq Kursiv Uzbekistan Rossiyada chet ellik ishchilar uchun tibbiy sug‘urta olish tartibi qiyinlashishi haqida xabar bergan edi.

O‘zbekistonda jamoat transportidagi tartibni saqlash va tibbiyot xodimlarining xavfsizligini ta’minlash maqsadida avtobuslar va tez yordam avtomobillariga bosqichma-bosqich tashvish tugmasi o‘rnatiladi.

Qarorga muvofiq, 2026-yil 1-yanvardan boshlab qo‘riqlanadigan banklar, yirik korxonalar, mahalliy hokimiyatlar va boshqa obyektlarning kirish va chiqish joylariga yuzni tanib olish funksiyasiga ega zamonaviy qurilmalar o‘rnatiladi.

Ushbu qurilmalar axborot bazalari bilan integratsiyalashtiriladi. Qo‘riqlanuvchi obyektlardan keladigan barcha «xavotir signallari» IIVning yagona tezkor boshqaruv markazlariga va patrul-post xizmati (PPX) xodimlariga zudlik bilan yuboriladi.

Shuningdek, muhim obyektlarni himoya qilish uchun dronlarga qarshi tizimlar va dronlarning o‘zi bilan jihozlash rejalashtirilgan. 2026-yil 1-martga qadar esa «E-Qo‘riqlash» elektron platformasi ishga tushiriladi.

Avvalroq Kursiv Uzbekistan Ichki...

Farg‘onada beshta sanoat va issiqxona xo‘jaligi faoliyati to‘xtatildi. Bu haqda Maxsus komissiyaning rasmiy kanalida ma’lum qilindi.

Viloyatda atmosfera havosiga zarar yetkazayotgan manbalarni aniqlash va bartaraf etish bo‘yicha kuchaytirilgan ekoreydlar davom etmoqda. Ishchi guruh tomonidan 48 ta sanoat va issiqxona xo‘jaligi o‘rganildi va talablarga javob bermagan beshta xo‘jalikning faoliyati vaqtincha to‘xtatildi.

Shuningdek, ekologik qoidalarni buzgan 15 nafar shaxsga ma’muriy bayonnomalar rasmiylashtirildi. O‘rganilgan 15 ta qurilish obyektida esa chang tarqalishini kamaytirish maqsadida suv purkagich o‘rnatish bo‘yicha majburiy ko‘rsatmalar berildi.

Farg‘ona viloyatida 1-dekabr holatiga ko‘ra, РМ2,5 mayda dispersli zarrachalar miqdori 189,8 mkg/m3 ni tashkil etib, me’yordan (60 mkg/m3) 3,2 marta oshgan...

2026-yildan boshlab O‘zbekistonda ishchilar oylik maoshlarini qaysi bank orqali olishni o‘zlari tanlaydi. Bu Prezident Shavkat Mirziyoyev 27-noyabr kuni imzolagan moliyaviy texnologiyalarni rivojlantirishga oid qarorda belgilandi.

Bugunga qadar ko‘plab tashkilotlar xodimlarga faqat o‘zi bilan shartnoma tuzgan bankdan karta ochishni majburiy qilgan. Yangi tartib bilan bu amaliyot bosqichma-bosqich bekor qilinadi.

Qarorga ko‘ra, Markaziy bank raisi Timur Ishmetovga fuqarolarni maosh kartasini ochishda biror bankka majburiy bog‘lashni yakunlash vazifasi yuklatilgan. Endilikda fuqaro oylik, stipendiya yoki boshqa to‘lovlarni istalgan tijorat banki yoki elektron hamyon orqali qabul qilish imkoniga ega bo‘ladi.

Markaziy bank dekabr oyida ushbu tartibni amaliyotga joriy etish bo‘yicha chora-tadbirlar paketini ishlab chiqadi...

2-dekabr uchun valyuta kurslari e’lon qilindi. Shu kun uchun AQSh valyutasi 11 895,57 so‘m (-45,38 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

24-noyabr uchun 11 971,40 so‘m (+56,73 so‘m), 25-noyabr kuni esa 11 988,32 so‘m (+16,92 so‘m) etib belgilandi. 26-noyabr kuni AQSh valyutasi 11 936,89 so‘mga (-51,43 so‘m), 27-noyabr kuni 11 881,60 so‘mga (-55,29 so‘m), 28-noyabr kuni  AQSh valyutasi 11 902,30 so‘mga (+20,7 so‘m) tenglashgan. 1-dekabr kuni dollar 11 940,95 so‘m (+38,65 so‘m) etib belgilandi.

Markaziy bank ma’lumotlariga ko‘ra, yevro 11,73 so‘mga oshib, 13 826,22 so‘mni, rubl esa 0,3 so‘mga oshib, 152,98 so‘mni tashkil qildi.

Eslatib o‘tamiz, Kursiv Uzbekistan hafta...

Namanganning «Navbahor» klubi O‘zbekiston milliy terma jamoasning sobiq bosh murabbiyi Timur Kapadzeni jamoaning yangi bosh murabbiyi etib rasman tanishtirdi.

Tajribali mutaxassis klub rahbariyati bilan kelgusidagi maqsadlar yuzasidan barcha masalalarni muhokama qilib, o‘zaro shartnoma imzoladi. Timur Kapadze murabbiylik faoliyati davomida yoshlar jamoalaridan tortib milliy terma jamoagacha bo‘lgan turli darajadagi jamoalarni muvaffaqiyatli boshqargan.

«Navbahor» rahbariyati Kapadzening boy tajribasi, professional qarashlari va zamonaviy futbolga oid yondashuvi klub oldiga qo‘yilgan maqsadlarni amalga oshirishda muhim o‘rin tutishiga ishonch bildirmoqda. Klub yangi bosh murabbiy faoliyatiga ulkan omad tiladi.

Avvalroq Kursiv Uzbekistan Timur Kapadze Indoneziya termasini boshqarishi mumkinligi haqida xabar bergan edi.

Dunyo mamlakatlarining iqlim o‘zgarishiga qarshi kurashdagi natijalarini baholovchi Climate Change Performance Index (CCPI 2026) reytingi e’lon qilindi. Hisobot Germanwatch va NewClimate institute tomonidan COP30 doirasida taqdim etildi.

CCPI mamlakatlarni to‘rtta asosiy ko‘rsatkich bo‘yicha baholaydi: issiqxona gazlari emissiyasi, qayta tiklanuvchi energiya ulushi, energiya samaradorligi va iqlim siyosati.

Joriy reytingda ilk uch pog‘ona bo‘sh qoldi, chunki biror mamlakat hali eng yuqori talablarga to‘liq javob bermagan. To‘rtinchi o‘rindan reyting boshlanadi: unda Daniya, undan keyingi o‘rinlarda Buyuk Britaniya, Marokash, Chili va boshqa davlatlar joy oldi.

O‘zbekiston 53-o‘rinni egalladi. Indeksga ko‘ra, mamlakat hali «juda past ko‘rsatkichli» davlatlar guruhida qolmoqda. Bunga, asosan, yuqori uglerodli...

O‘zbekistonda so‘nggi kunlarda kuzatilayotgan sovuq antisiklon ta’siri yanada kuchayib bormoqda. Gidrometeorologiya xizmati markazi ma’lumotiga ko‘ra, bu jarayon 5-dekabrga qadar saqlanib turishi prognoz qilingan.

29-noyabrdan boshlab antisiklon yanada faollashib, atmosfera bosimini oshirmoqda. Natijada kechalari havo ancha sovuq, kunduzi esa nisbatan iliq, ammo baribir salqin ob-havo kuzatilmoqda.

Shuningdek, bunday ob-havo sharoitlari ertalabki tumanlar ehtimolini oshiradi. Antisiklonlar bilan bog‘liq uzoq muddatli inversiya esa havodagi chang, tutun va boshqa mayda zarrachalar miqdorining ko‘payishiga sabab bo‘ladi.

Shu bois zarrachalar yuqoriga ko‘tarilmasdan, past qatlamlarda to‘planib qoladi. Bu esa yirik shaharlarda tumanli kunlar sonining ko‘payishi va havo sifatining yomonlashishiga olib kelishi mumkin.

Avvalroq Kursiv Uzbekistan payshanba...

Prezident farmoniga muvofiq, Raqobat qo‘mitasi tomonidan «Iste’molchi murojaati» nomli yangi elektron tizim yaratildi. Bu haqda qo‘mita axborot xizmati xabar berdi.

Unga ko‘ra, mazkur tizim 1-dekabrdan ishga tushdi. Endi jismoniy va yuridik shaxslar murojaatlarni onlayn tarzda yuborishi, ularning ko‘rib chiqilish jarayonini real vaqt rejimida kuzatishi va yakuniy natija bilan tanishishi mumkin.

Murojaatlarni Fair tech yagona axborot tizimi orqali, shuningdek, Play Market va App Store’da joylashgan ilovalar orqali yuborish mumkin.

Avvalroq Raqobat qo‘mitasi Xorazmda tibbiyot birlashmalari pullik xizmatlar ko‘rsatishda fuqarolardan 230 mln so‘mdan ortiq asossiz mablag‘ undirganini aniqlagandi. Umumiy hisobda 160 mingga yaqin iste’molchilardan 230 million so‘mdan ortiq mablag‘ asossiz undirilgani...

Vivo kompaniyasining eng kuchli flagmani bo‘lishi kutilayotgan Vivo X300 Ultra smartfoni haqidagi dastlabki muhim tafsilotlar ma’lum bo‘ldi. Bu haqda GSMArena xabar bermoqda.

Yangi smartfon 7 000 mA/soat sig‘imli batareya bilan jihozlanadi. Taqqoslash uchun, avvalgi Vivo X200 Ultra modelida batareya 6 000 mA/soat, yaqinda taqdim etilgan Vivo X300 Pro qurilmasida esa 6 510 mA/soat bo‘lgan. Shu sababli, X300 Ultra yanada uzoq ishlash vaqtini ta’minlashi kutilmoqda. Biroq kuchli akkumulyator tufayli smartfon vazni biroz ortishi ehtimoldan xoli emas.

Ma’lumotlarga ko‘ra, Vivo X300 Ultra’ning rasmiy taqdimoti 2026-yilning birinchi choragiga rejalashtirilgan. Qurilma foto imkoniyatlari bilan ham e’tibor markazida bo‘ladi. U 200 MP asosiy...

Milliy statistika qo‘mitasi noyabr oyidagi inflyatsiya ko‘rsatkichlarini e’lon qildi. Ma’lumotlarga ko‘ra, oylik inflyatsiya oktabrga nisbatan tezlashgan bo‘lib, bir oyda 0,7 foizni tashkil etdi.

Oziq-ovqat mahsulotlari: tuxum yetakchi, bodring narxi keskin oshdi

Noyabr oyida oziq-ovqat mahsulotlari 1 foizga qimmatlagan. Eng sezilarli o‘sish:

Arzonlashgan mahsulotlar:

Go‘sht narxi bir oyda yana 1-1,5 ming so‘mga oshdi.

Meva-sabzavotlar bozorida eng katta o‘sish qayd etildi:

«Andijon» futbol klubi rahbariyati jamoaning yangi bosh murabbiyi lavozimiga Samvel Babayanni tayinladi. Bu haqda klub matbuot xizmati rasmiy xabar berdi.

Samvel Babayan O‘zbekiston milliy terma jamoasini 25 uchrashuvda maydonga boshlab tushgan. U, shuningdek, faoliyati davomida «Paxtakor», «Navbahor», «Lokomotiv» hamda Latviyaning «Spartak» va Xitoyning «Chanchun Yatay» klublarida ishlagan.

Klub matbuot xizmati ma’lumotlariga ko‘ra, Babayan «Paxtakor» bilan murabbiy va rahbar sifatida 9 marta O‘zbekiston chempioni va 8 marta mamlakat kubogi sohibi bo‘lgan.

«Navbahor»dagi faoliyati davomida esa jamoa O‘zbekiston kubogini qo‘lga kiritgan va OChL nimchorak finalida ishtirok etgan. «Andijon» jamoasi yangi murabbiyning tajribasi klubni yangi darajaga olib chiqishiga ishonch bildirgan.

Avvalroq...

4 – 6-dekabr oralig‘ida respublikaning bir qator hududlarida yog‘ingarchilik (qor) bo‘lishi kutilmoqda. «O‘zgidromet» 3 – 6-dekabr kunlariga ob-havo prognozini e’lon qildi.

Quyida ob-havo ma’lumoti viloyatlar kesimida:

Avvalroq Toshkent tumanida filtrsiz ishlayotgan issiqxonalarga chora ko‘rilgani xabar berilgandi. Unga ko‘ra, tekshiruv davomida 2 ta issiqxonaning butunlay filtrsiz ishlayotgani, yana bir nechta xo‘jaliklarda esa nosoz filtrlardan foydalanilayotgani aniqlangan. Umumiy hisobda 4 ta issiqxonada filtrlarning nosozligi qayd etildi.

Mazkur holatlar bo‘yicha obyekt egalari bilan tushuntirish ishlari olib borildi. Ularga filtr o‘rnatish majburiy ekani, filtrsiz faoliyat yuritish noqonuniy hisoblanishi hamda bu atmosferaga jiddiy zarar yetkazishi haqida ogohlantirish berildi.

Samsung Hindiston bozorida yangi Samsung Galaxy Tab A11+ modelini sotuvga chiqardi. Bu haqda Gizchina xabar bermoqda.

Qurilma avvalroq Buyuk Britaniya va Ukraina bozorida taqdim etilgan edi. «Plus» versiya oddiy Galaxy Tab A11’dan yuqori o‘rinni egallaydi va silliq ekran, kuchliroq ishlash hamda uzoq muddatli dasturiy ta’minot yangilanishlari bilan farq qiladi.

Galaxy Tab A11+ 11 dyuymli WUXGA (1920×1200) LCD displey bilan jihozlangan bo‘lib, 90 Hz yangilanish chastotasi navigatsiya, o‘yin va video tomoshasini yanada ravon qiladi. Planshet MediaTek Dimensity 7300 protsessori asosida ishlaydi. Bu standart A11’dagi Unisoc chipiga nisbatan ancha kuchli yechim hisoblanadi. Qurilma 6 GB yoki 8 GB operativ xotira...