Yangiliklar

Labubu va Pop Mart kompaniyasi asoschisi Van Ning Bloomberg Billionaires Index ma’lumotiga ko‘ra dunyoning eng boy 100 kishisi ro‘yxatida 85-o‘rinni egalladi.

38 yoshli tadbirkor bir yil ichida o‘z aktivlarini deyarli $20 mlrdga oshirib, umumiy boyligini $26,6 mlrdga yetkazdi. Bu o‘sish uni jahondagi eng nufuzli milliarderlar reytingiga olib kirdi.

Van Ningning asosiy daromad manbai Xitoyning blind box segmentida yetakchi bo‘lgan Pop Mart kompaniyasi hisoblanadi. Kompaniya kolleksion figuralar ishlab chiqaradi va xaridor qaysi versiyani olishini oldindan bilmaydi. Aynan Labubu qahramoni Pop Martni butun dunyoga mashhur qildi.

Bloomberg ta’kidlashicha, Pop Mart aksiyalarining keskin o‘sishi Van Ning boyligining asosiy drayveriga aylandi. Shu orqali...

Xalqaro reyting agentligi Fitch Ratings «Uzbekistan Airports» AJ kompaniyasiga ilk bor uzoq muddatli kredit reytingini berdi. Kompaniya «BB» darajasi, prognozi barqaror sifatida baholandi. Bu haqda agentlik rasmiy sahifasida e’lon qildi.

Fitch ma’lumotiga ko‘ra, UzAirports’ning uzoq muddatli reytingi O‘zbekiston Respublikasining suveren reytingi bilan tenglashtirilgan. Bu kompaniyaning davlatga to‘liq tegishli ekani va strategik ahamiyati bilan izohlanadi.

Uzairports’ning mustaqil kredit profili (SCP) «bb» darajasida baholangan. Bu monopol mavqe, qarzning pastligi va xususiy-davlat sheriklik (PPP) loyihalaridan olinadigan barqaror daromadlarni o‘z ichiga oladi.

Aksiyalarning 75 foizi Iqtisodiyot va moliya vazirligiga, 25 foizi Milliy investitsiya jamg‘armasiga tegishli. Hukumat strategik rejalashtirish, moliyalashtirish va tarif belgilashda...

Prezident Shavkat Mirziyoyev Toshkent shahridagi Yangi O‘zbekiston ko‘chasida qurilgan yangi yerosti avtomobil yo‘lini ko‘zdan kechirdi.

Ushbu tunnel uzunligi 468 metr, kengligi 25 metr bo‘lib, bir soatda 10 mingdan ortiq avtomobil o‘tishi mumkin. Tunnel usti yashil hududga aylantirilib, «Yangi O‘zbekiston» bog‘i bilan Olimpiya shaharchasi o‘rtasida piyodalar uchun xavfsiz yo‘lak tashkil etildi.

Shuningdek, bu yo‘nalishda loyihalashtirilgan metro yo‘li uchun ham tunnel va bekat qurilgan.

Mazkur loyiha tufayli avtomobillar harakat vaqti ikki barobarga qisqaradi, kuniga bir tonna yonilg‘i tejaladi va atmosferaga chiqariladigan zararli gazlar miqdori ikki tonnaga kamayadi.

Shavkat Mirziyoyev bundan oldin Shahidlar xiyoboni va «Yangi O‘zbekiston» bog‘iga tashrif buyurgandi.

Shahidlar...

Geely’ning premium brendi Zeekr Chendu avtosaloni arafasida yangi Zeekr 9X modelining tasvirlarini taqdim qildi. Uning narxi taxminan $80 ming bo‘lishi kutilmoqda.

Mashina saloni hashamatli darajada jihozlangan. Ikkinchi qatorda nol tortishish (zero-gravity) o‘rindiqlari bor. Ular isitish, ventilyatsiya, massaj va oyoq tayanchi funksiyalarini taklif qiladi. O‘rindiqlar 180 daraja aylantirilishi mumkin, orqa yo‘lovchilar uchun katta ekran ham o‘rnatilgan.

Infotainment tizimi Qualcomm Snapdragon 8295 chipida ishlaydi. Markaziy panelda yog‘och tayanch, simsiz quvvatlash joyi va kristalli boshqaruv tugmalari mavjud. Avtomobilga ilk bor Xitoy mashinasida qo‘llanayotgan Naim audio tizimi o‘rnatilgan. U 32 karnay, 8 ta «seat shaker» va 40 ta mustaqil sozlash kanali bilan 3868 Vt...

Huawei va Seres hamkorligida ishlab chiqilgan yangi Aito M7 avtomobili Chendu avtosaloni taqdimotidan oldin ichki dizayni bilan namoyish qilindi. Bu haqda CarNewsChina xabar bermoqda.

Model Xitoy bozoriga 23-sentabr kuni chiqadi. Yangi Aito M7 markaziy konsolda uchta displeyga ega. U 16,1 dyuymli asosiy ekran, old yo‘lovchi uchun qo‘shimcha displey va boshqaruv uchun HUD-proyeksiyaga ega. Infotainment tizimi Huawei’ning Harmony OS platformasida ishlaydi.

Mashina salonida deyarli jismoniy tugmalar yo‘q, boshqaruv asosan ovozli buyruqlar va katta ekranlar orqali amalga oshiriladi. Shuningdek, uch spoke rul, yog‘och bezaklar, ambient yoritish va Huawei Sound audio tizimi mavjud. Old o‘rindiqlar «nol tortishish» (zero-gravity) funksiyasini qo‘llab-quvvatlaydi.

Orqa...

Rossiya va O‘zbekiston o‘rtasida yangi transchegaraviy elektron hujjat almashinuvi tizimi ishga tushirildi. Bu haqda Press Release nashri ma’lum qildi.

Loyiha Federal soliq xizmati, O‘zbekiston Respublikasi Soliq qo‘mitasi hamda ikki davlatning texnologik operatorlari — Rossiyadan «Tenzor» (Saby tizimi), «Gazinformservice» va O‘zbekistondan «Yangi texnologiyalar» markazi hamda Unicon.uz hamkorligida amalga oshirildi.

Tomonlar o‘zaro elektron imzolarni tan olish mexanizmini joriy etdi. Bu esa biznes subyektlariga hujjatlarni haftalab kutmasdan, qisqa vaqt ichida – bir necha daqiqada – raqamli shaklda imzolash va almashish imkoniyatini yaratdi.

Yangi tizim savdo-sotiq jarayonlarini tezlashtirib, yuklarni jo‘natish va moliyaviy hisob-kitoblarni osonlashtiradi. Shuningdek, operatsion samaradorlik va kapital aylanishini oshiradi.

Eslatib o‘tamiz...

Oʻzbekiston milliy terma jamoasi bosh murabbiyi Temur Kapadze CAFA Nations Cup doirasidagi Oʻmonga qarshi oʻyin oldidan oʻtkazilgan matbuot anjumanida oʻz fikrlarini bildirib oʻtdi.

«Biz mashgʻulotdamiz, murabbiy kelganini koʻrdik. Kelishuv haqida rasmiy xabar berilmagan. Bu terma jamoa, biz uchun eng muhimi — Oʻzbekistonning yaxshi natija koʻrsatishi. Xayrli boʻlsin. Jamoani kim boshqarishidan qat’i nazar, biz milliy terma jamoaga muxlislik qilamiz», dedi Kapadze.

Uning soʻzlariga koʻra, rahbariyat tajribali va jahon chempionatida ishlagan mutaxassisni jalb qilish niyatida.

«Oʻylaymanki, bu yaxshilikka. Biz ham doim vatanimiz termasi uchun yordamga tayyormiz. Rahbariyat qanday qaror qabul qilsa, qoʻllab-quvvatlaymiz...

Bugun, 29-avgust kuni Shavkat Mirziyoyev Shahidlar xotirasi xiyoboni va «Yangi O‘zbekiston» bog‘idagi Mustaqillik monumentiga tashrif buyurdi. Bu haqda prezident matbuot xizmati xabar berdi.

Ikkala tadbirda Oliy Majlis palatalari, Prezident Administratsiyasi, Vazirlar Mahkamasi va Toshkent shahri jamoatchiligi vakillari, davlat va jamoat tashkilotlari vakillari, nuroniylar, ziyolilar ishtirok etdi.

Shahidlar xotirasi xiyobonida Qur’on tilovati qilinib, Vatan ozodligi yo‘lida jonini fido etgan ajdodlar xotirasi yodga olindi. Ulamolar va ziyolilar bilan suhbatda tarixni o‘rganish, uni yoshlarga yetkazish hamda mustaqillik va tinchlikning qadrini anglatish masalalari muhokama qilindi.

Davlat rahbari o‘z nutqida qatag‘on qurbonlarining fidoiyligi va jasorati hech qachon unutilmasligini ta’kidladi. So‘nggi yillarda mingdan ortiq...

Mehnat kodeksining 187-moddasiga ko‘ra, ishlanmaydigan bayram kunlari arafasida har kunlik ishning (smenaning) davomiyligi barcha xodimlar uchun kamida bir soatga qisqartiriladi.

Bunda bayram kunlari arafasi tushunchasi kodeksga asosan bayramdan bir kun oldin degan ma’noni anglatadi.

Shundan kelib chiqib, ertaga, 30-avgust – oddiy shanba kuni. Bayram kuni emas. O‘zbekiston mustaqillik bayrami esa 1-sentabrda belgilanadi. Shu sababli faqat 31-avgust kuni ish vaqti bir soatga qisqarishi kerak edi. Ammo joriy yilda 31-avgust yakshanbaga to‘g‘ri kelmoqda.

Shuning uchun bugun, 29-avgust kuni barcha uchun to‘liq ish kuni hisoblanadi.

Bundan tashqari, 1-sentabr – Mustaqillik kuni munosabati bilan besh kunlik ish haftasida ishlovchilar 30-avgust (shanba...

Transport vazirining birinchi o‘rinbosari Mamanbiy Omarov va China Shandong Huada Group raisi Fensyuan Go uchrashuvida loyiha istiqbollari muhokama qilindi. Bu haqda vazirlik matbuot xizmati ma’lum qildi.

Unga ko‘ra, Xitoy kompaniyasi mamlakatimiz hududida zamonaviy logistika majmuasi barpo etish tashabbusini ilgari surdi.

Fensyuan Go bu markaz transport tashuvlari bilan cheklanib qolmasligini, balki yuklarni saqlash, taqsimlash hamda tegishli infratuzilmani qamrab oluvchi to‘liq xizmatlar spektriga ega innovatsion tizim bo‘lishini alohida ta’kidladi.

Tomonlar loyiha bo‘yicha texnik va tashkiliy jihatlarni batafsil o‘rganishga, keyingi bosqichlar uchun «Yo‘l xaritasi» ishlab chiqishga kelishib oldi.

Eslatib o‘tamiz, avvalroq Rossiyaning Xakasiya respublikasida O‘zbekiston meva-sabzavotlarini qabul qiladigan yirik transport-logistika markaz tashkil...

Bugun, 29-avgust kuni O‘zbekiston mustaqilligining 34 yilligiga bag‘ishlangan bayram tadbiri o‘tkaziladi. Tadbirda prezident Shavkat Mirziyoyev ishtirok etadi.

Shuningdek, davlat rahbari Shahidlar xotirasi xiyobonida qatag‘on qurbonlarini yod etish marosimida ishtirok etadi hamda «Yangi O‘zbekiston» bog‘ida Mustaqillik monumenti poyiga gul qo‘yadi.

Kun davomida davlat rahbari Toshkent shahridagi bunyodkorlik ishlari bilan ham tanishadi.

Bayram tadbiri munosabati bilan «Yangi O‘zbekiston» bog‘i 1 kunga yopiladi.

Bayramoldi qanday yangiliklar yuz berdi

Vashingtonda O‘zbekiston mustaqilligi kuni e’lon qilindi.

Shuningdek, bayram munosabati bilan barcha davlat teatrlari 1-sentabrda «Ochiq eshiklar kuni»ni o‘tkazadi.

Shu bilan birga, bir guruh harbiy va huquq-tartibot xodimlari, davlat xizmatchilari, ishlab...

Xitoydagi Chendu avtosalonida ertaga yangi Volkswagen Lamando L 2025 rasman taqdim etiladi. Tarmoqlarda mashinaning tasvirlari tarqaldi.

Modelning tashqi ko‘rinishi yangilangan. Uning old qismi qayta ishlangan, orqa qismida esa yangi bamper, chiroqlarni birlashtiruvchi LED chiziq va yoritiladigan logotip o‘rnatilgan. Avtomobil o‘lchamlari 4791×1831×1469 mm. Uning g‘ildirak bazasi 2731 mmni tashkil etadi.

Salon zamonaviy uskunalar bilan jihozlangan: 10,25 dyuymli raqamli panel, 12,9 dyuymli multimedia ekrani, Snapdragon 8155 chipi, DeepSeek sun’iy intellekti, CarPlay, CarLife va Huawei HiCar tizimlari qo‘llab-quvvatlanadi. Haydovchi yordamchi tizimlari orasida chiziqda ushlab turish, ilg‘or adaptiv kruiz-kontrol va avtomatik parkovka bor.

Eng katta yangilik sifatida avtomobil 1,5 litrli EVO II motorga...

O‘zbekiston fuqarolari 25-sentabrdan boshlab Iordaniyada 30 kungacha vizasiz qolish huquqiga ega bo‘ladi. Bu haqda Tashqi ishlar vazirligi matbuot kotibi Ahror Burxonov Kursiv’ga ma’lum qildi.

Mazkur kelishuv 26-avgust kuni Samarqandda bo‘lib o‘tgan Shavkat Mirziyoyev va Iordaniya podshohi Abdulla II ibn al-Husayn uchrashuvi chog‘ida imzolangan.

Vazirlik xabariga ko‘ra, vizasiz rejim bitimi imzolanganidan 30 kun o‘tib, ya’ni 25-sentabrdan kuchga kiradi. Shuningdek, tomonlar turizm sohasida hamkorlik va Toshkent – Ummon yo‘nalishi bo‘yicha aviaqatnovlarni yo‘lga qo‘yish bo‘yicha kelishuvlarga ham erishgan.

Avvalroq «Kursiv» nashri O‘zbekiston va Iordaniya hamda Bahrayn o‘rtasida diplomatik pasport egalari uchun vizasiz tartib joriy etilishi bo‘yicha bitim imzolangani haqida yozgandi.

2025-yilning yanvar – iyun oylarida mamlakatda 1,9 million tonna kartoshka yetishtirildi. Bu haqda Milliy statistika qo‘mitasi xabar berdi.

2024-yilning yanvar – iyun oylarida respublika boʻyicha barcha toifadagi xoʻjaliklar tomonidan 1,7 million tonna kartoshka yetishtirilgan. Kartoshka yetishtirish umumiy hajmining eng yuqori ulushi o‘tgan yilning aynan shu davrida ham Samarqand viloyati (18,6 %) hissasiga toʻgʻri kelgan.

Keyingi o‘rinlarda Surxondaryo (13,3 %), Fargʻona (12%) va Andijon (11%) viloyatlari yuqori koʻrsatkichlarni qayd etgan. Joriy yilda Andijon viloyati kartoshka yetishtirish bo‘yicha Farg‘onani ortda qoldirib bir pog‘ona yuqoriladi.

Prezident topshirig‘i bilan endilikda Qashqadaryo viloyatida kartoshka yetishtirish uchun 10 foizlik imtiyozli kreditlar ajratiladi...

Meksika Senatida AQShning ehtimoliy harbiy aralashuvi yuzasidan muhokama keskin janjal bilan yakunlandi. Bu haqda CNN agentligi ma’lum qildi.

Muxolifatdagi PRI partiyasi rahbari, senator Alejandro Moreno so‘zga chiqish imkoniyati berilmaganidan norozi bo‘lib, hukmron Morena partiyasi vakili va Senat raisi Gerardo Fernandes Noroña bilan tortishib qoldi. Tortishuv qisqa fursatda jismoniy to‘qnashuvga aylanib ketdi.

Jarayon Senatdagi jonli efirda namoyish etildi. Kadrda bir kishining Noroñaga musht ko‘tarayotgani, Moreno esa boshqa bir odamni yerga yiqitgani aks etdi. Noroña keyinchalik bu odam uning jamoasiga mansubligini aytdi.

Senator Moreno esa ijtimoiy tarmoqlarda hukmron partiyani muxolifat so‘zini to‘sishda aybladi. U birinchi jismoniy hujumni Noroña boshlaganini ta’kidlab, parlament...

Realme yaqin kunlarda Realme 15T smartfonini bozorga chiqaradi. Internetda tarqalgan promo-materiallarda model o‘z sinfidagi eng yupqa va eng yengil sifatida taqdim etilgan.

Realme 15T modelining qalinligi 7,79 mm, og‘irligi esa 181 gramm. U 6,57 dyuymli AMOLED ekranga ega bo‘ladi. Qurilma 6-nanometrlik MediaTek Dimensity 6400 Max chipi asosida ishlaydi.

Smartfonning asosiy afzalligi 7000 mA/soat sig‘imli batareya va 60 vattli tezkor quvvatlash (komplektda 80 vattlik adapter bo‘ladi). Old kamera 50 MP, asosiy kamera esa 50 + 2 MP bo‘ladi.

Eslatib o‘tamiz, Kursiv Uzbekistan Realme 15 000 mA/soat sig‘imli batareyali smartfonini taqdim etgani haqida yozgan edi.

28-avgustda Chempionlar ligasi guruh bosqichiga qur’a tashlash marosimi bo‘lib o‘tdi. Barcha jamoalar oldinda turgan 8 turdagi raqiblarini bilib olishdi.

Chempionlar ligasi guruh bosqichi o‘yinlari qachon o‘tkaziladi

1-tur: 2025-yil 16 – 18-sentabr
2-tur: 2025-yil 30-sentabr – 1-oktabr
3-tur: 2025-yil 21/22-oktabr
4-tur: 2025-yil 4/5-noyabr
5-tur: 2025-yil 25/26-noyabr
6-tur: 2025-yil 9/10-dekabr
7-tur: 2026-yil 20/21-yanvar
8-tur: 2026-yil 28-yanvar

Pley-off bosqichi qur’asi: 2026-yil 30-yanvar
1/8 final, chorak final, yarim final va final qur’asi: 2026-yil 27-fevral

Avvalroq Kursiv Uzbekistan «PSJ» YChL finalida «Inter»ni mag‘lub etib, ilk marta chempion bo‘lgani haqida xabar bergan edi.

Samsung kompaniyasi 4-sentabrda katta taqdimot o‘tkazishini e’lon qildi. Bu tadbir Apple’ning iPhone 17’ni namoyish qilishi kutilayotgan sanadan 5 kun oldin bo‘lib o‘tadi.

Taqdimotda asosiy e’tibor Galaxy S25 FE smartfoniga qaratiladi. Qurilma 6,7 dyuymli AMOLED ekranga, 120 Hz yangilanish tezligiga va Full HD+ aniqlikka ega. Batareyasi 4900 mA/soat bo‘lib, 45 vattli tezkor quvvatlashni qo‘llab-quvvatlaydi. Orqa panelida uchta kamera bo‘ladi. 50, 12 va 8 MP.

Shuningdek, kompaniya Galaxy Tab S11 va Galaxy Tab S11 Ultra planshetlarini ham taqdim etishi kutilmoqda. Flagman darajadagi S11 Ultra 14,6 dyuymli Dynamic AMOLED 2X ekranga, MediaTek Dimensity 9400+ protsessoriga, 16 GB tezkor xotira va 1 TB...

Samarqand viloyatining bir nechta tumanida elektr energiyasidan noqonuniy foydalanish holatlari aniqlanib, katta miqdorda moddiy zarar yetkazilgani fosh etildi. Bu haqda Bosh prokuratura departamenti ma’lum qildi.

Unga ko‘ra, Tayloq tumanida «K.A.» fermer xo‘jaligi rahbari suv nasoslarini elektr tarmog‘iga ruxsatsiz ulab, 267 mln so‘mlik elektrni ishlatgan.

Shuningdek, Jomboy tumanida «S.G.» MChJ rahbari savdo do‘konini noqonuniy ulab, 134,1 mln so‘mlik elektrdan foydalangan.

Urgut tumanida esa bir guruh fuqarolar suv nasosini noqonuniy ulash orqali 127,4 mln so‘mlik zarar yetkazgan.

Mazkur holatlar yuzasidan Jinoyat kodeksing 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari olib borilmoqda.

Eslatib o‘tamiz, avvalroq O‘zbekistonda quyosh va shamol elektr stansiyalari...

27-avgust kuni Navoiy xalqaro aeroporti MIAT Mongolian Airlines Cargo aviakompaniyasining birinchi reysini qabul qildi. Bu haqda Uzbekistan Airports xabar berdi.

Samolyot orqali Mo‘g‘ulistondan O‘zbekistonga umumiy og‘irligi 26,8 tonna bo‘lgan nasldor qo‘ylar olib kelindi.

Yil oxirigacha MIAT Cargo 106 ta reys amalga oshirishi rejalashtirilgan. Ular orqali Mo‘g‘ulistondan tirik hayvonlar, O‘zbekistondan esa qishloq xo‘jaligi mahsulotlari tashiladi.

Bundan avval Mo‘g‘uliston ming bosh «Bayad» zotli qo‘y aviatransport orqali O‘zbekistonga olib kelinib, ular Navoiy viloyatida ko‘paytirilishi rejalashtirilgandi.

Rejaga ko‘ra, 2025-yil oxirigacha jami 100 ming bosh qo‘y respublikaga olib kelinadi:

Jetour tomonidan Chendu avtosalonida Jetour G700 avtomobili namoyish qildi. Bu haqda Autohome xabar bermoqda.

Model ertaga rasman taqdim etiladi va narxlar ham e’lon qilinishi kutilmoqda, biroq asosiy texnik ko‘rsatkichlari allaqachon taqdim etilgan.

Jetour G700 5198×2050×1956 mm o‘lcham va 2870 mm g‘ildirak bazasiga ega. U ko‘rinishi jihatidan BYD Leopard 5’ga o‘xshaydi, hajmi esa Land Cruiser 300’dan ham katta. Salon 5 yoki 6 o‘rindiqli bo‘lishi mumkin.

Mashina 2,0 litrli dvigatel asosidagi gibrid kuch qurilmasi bilan jihozlangan. Umumiy quvvati 761 ot kuchi, yo‘l zaxirasi esa 1400 km’dan ortiq. Avtomobil to‘liq uzatmaga ega bo‘lib, uchta blokirovkani o‘z ichiga oladi.

Qiziq jihati shundaki, Jetour...

Malayziya kompaniyasi O‘zbekistonda quruqlik portlarini qurishga qiziqmoqda. Bu haqda «Dunyo» axborot agentligi xabar berdi.

O‘zbekiston elchisi Karomiddin Gadoyev Malayziyaning Mutiara Perlis Sdn Bhd kompaniyasi ijrochi raisi Shabaruddin Ibraxim bilan uchrashdi.

Mazkur kompaniya 2018-yilda tashkil etilgan bo‘lib, Malayziyada infratuzilma loyihalarini amalga oshirishda faol. Shu paytgacha kompaniya Perlis quruqlik porti, dengiz yo‘li va energetika markazi kabi yirik loyihalarni amalga oshirgan.

Ikki tomonlama suhbatda O‘zbekistonni Janubi-Sharqiy Osiyo davlatlari bilan bog‘laydigan yangi transport yo‘laklarini yaratish va mavjudlarini rivojlantirish masalalari muhokama qilingan.

Xususan, Xitoydan O‘zbekistonga olib keluvchi yangi temir yo‘l loyihasi va O‘zbekiston – Afg‘oniston – Pokiston o‘rtasidagi Transafg‘on temir yo‘li mintaqaviy savdoga...

«Ochiq budjet» portalida Oltinko‘l tumani bo‘yicha loyihalarga ovoz berish jarayoni 29-avgustdan start oladi. Bu haqda Iqtisodiyot va moliya vazirligi ma’lum qildi.

«Tashabbusli budjet» doirasida Oltinko‘l tumanida loyihalarni qayta ko‘rib chiqish yakuniga yetdi. Natijada 116 ta loyiha ichidan 93 tasi ovoz berish bosqichiga o‘tkazilib, 23 tasi belgilangan mezonlarga zid bo‘lgani sabab rad etildi.

Oldinroq loyihalarning asossiz rad etilgani uchun tumanda ovoz berish jarayoni kechiktirilgani haqida xabar berilgandi. Endilikda yuzaga kelgan noqulayliklar bartaraf etilib, jarayon qayta yo‘lga qo‘yildi.

Shu munosabat bilan «Ochiq budjet» portalida Oltinko‘l tumani bo‘yicha loyihalarga ovoz berish jarayoni 29-avgustdan boshlanib, 31-avgust soat 23:59 gacha davom etadi.

Eslatib...

Yevropa Konferensiyalar ligasi saralashining so‘nggi bosqichida Turkiyaning «Istanbul Bashakshehir» klubi safarda Ruminiyaning «Universitatya Krayova» jamoasiga mag‘lub bo‘lib, musobaqani tark etdi.

Dastlabki uchrashuvda o‘z maydonida 1:2 hisobida imkoniyatni boy bergan turk jamoasi javob o‘yinida ham muvaffaqiyat qozona olmadi. Davi Zelke 7-daqiqada hisobni ochgan bo‘lsa-da, mezbonlar Aleksandru Chikildau, Stefan Bayram va Stiven Nsimba kiritgan gollar evaziga 3:1 hisobida ustunlikni qo‘lga kiritdi.

Natijada «Istanbul Bashakshehir» ikki o‘yinda umumiy 2:5 hisobida mag‘lub bo‘ldi va guruh bosqichiga chiqish imkoniyatidan ayrildi.

O‘zbekiston terma jamoasi sardori Eldor Shomurodov uchrashuvni asosiy tarkibda boshlab, 70 daqiqa faol harakat qildi va sariq kartochka oldi. 63-daqiqada zaxiradan maydonga tushgan Abbosbek Fayzullayev