Yangiliklar

Vivo kompaniyasi yangi buklanuvchi flagmani X Fold 6 modelini taqdim etishga tayyorlanmoqda. Smartfonning ilk jonli suratlari internetda paydo bo‘ldi.

Ma’lumotlarga ko‘ra, qurilma taxminan 7000 mA/soat sig‘imli batareyaga ega bo‘ladi. Bu buklanuvchi smartfonlar orasida eng katta batareyalardan biri hisoblanadi.

Shunga qaramay, Vivo qurilmaning korpusini nisbatan yupqa va yengil saqlab qolishni rejalashtirmoqda.

Kamera tizimi ham flagman darajasida bo‘lishi kutilmoqda. Smartfon 200 megapikselli asosiy kamera, 50 megapikselli periskop telekamera va 50 megapikselli ultra keng burchakli kamera bilan jihozlanadi.

Qurilmada barmoq izi skaneri yon tomonga joylashtiriladi. Sinovdan o‘tkazilgan variantlar orasida oq rangli model ham borligi aytilmoqda. Vivo X Fold 6 taqdimoti iyun oyida...

Xiaomi yangi Redmi K100 Pro smartfonini taqdim etishga tayyorlanmoqda. Qurilma sentabr oyida namoyish qilinishi kutilmoqda. Bu haqda Gizmochina nashri xabar bermoqda.

Dastlabki ma’lumotlarga ko‘ra, Redmi K100 Pro tekis ekran bilan jihozlanadi. Displey yangilanish chastotasi 185 Hz bo‘lishi aytilmoqda. Smartfon Snapdragon 8 Elite Gen 5 chipi asosida ishlashi kutilmoqda. Bu uni yilning eng kuchli Android flagmanlaridan biriga aylantirishi mumkin.

Qurilmaning asosiy jihatlaridan biri akkumulyatori bo‘ladi. Redmi K100 Pro 8000 mA/soatdan ortiq sig‘imli batareyaga ega bo‘lishi mumkin.

Avvalgi xabarlarda batareya sig‘imi 8500 mA·soatga yetishi aytilgan edi. Bu ko‘rsatkich flagman smartfonlar orasida juda yuqori hisoblanadi. Smartfon 100 wattli simli quvvatlashni qo‘llab-quvvatlaydi. Shuningdek...

Kongo Demokratik Respublikasida Ebola bilan bog‘liq holat 515 kishiga yetdi. Mamlakat hukumati ma’lumotlariga ko‘ra, so‘nggi bir sutkada yana 27 kishida virus aniqlangan.

Mintaqada Ebola oqibatida vafot etganlar soni 91 nafarga yetdi. Avvalroq Jahon sog‘liqni saqlash tashkiloti bosh direktori Tedros Gebreyesus xavfli kontaktlarni aniqlash darajasi yetarli emasligini aytgandi.

Uning so‘zlariga ko‘ra, hozir epidemiologlar xavfli aloqalarning atigi 45 foizini kuzata olmoqda. Virus tarqalishining oldini olish uchun bu ko‘rsatkich qariyb 90 foiz bo‘lishi kerak. Shu bois dunyodagi epidemiologik vaziyat doimiy kuzatib borilmoqda. Avvalroq Kongoda Ebola yangi shtammidan tuzalgan ilk bemorlar shifoxonadan chiqarilgani xabar qilingan edi.

JSST o‘sha vaqtda erta tashxis sabab sog‘ayganlar...

Mazda’ning Mazda CX-5 modeli yana brend ichida eng muvaffaqiyatli krossoverlardan biri sifatida e’tirof etildi. Bu haqda Tarantas News nashri xabar berdi.

Yangi avlod CX-5 yanada kengaytirilgan salon, kattalashtirilgan yukxona hamda yangilangan multimedia tizimi bilan taqdim etilgan. Shuningdek, avtomobil to‘liq g‘ildirakdan tortish tizimi (4WD)ni saqlab qolgan.

Biroq modeldagi asosiy o‘zgarishlardan biri kuchli turbo dvigatel versiyasining bekor qilinishi bo‘ldi. Endilikda avtomobil 2,5 litrli benzin dvigateli (187 ot kuchi) bilan taklif etilmoqda.

CX-5 oilaviy krossover sifatida qulaylik va ishonchlilikni saqlab qolgan, ammo dinamik haydashni afzal ko‘ruvchilar uchun boshqa Mazda modellari ko‘rib chiqilishi mumkin.

Kelgusida CX-5 uchun gibrid versiya ham chiqarilishi rejalashtirilmoqda, biroq...

O‘zbekistonning oltin-valyuta zaxiralari 2026-yil 1-iyun holatiga $70,6 mlrdni tashkil qildi. Bu ko‘rsatkich 1-mayga nisbatan $307 mlnga oshganini ko‘rsatadi.

«Oʻzbekistonning yalpi xalqaro zaxiralari hajmi 2026-yil may oyida $307,3 mlnga kamaydi. Xususan, oy davomida oltin narxining $4,6 mingdan $4,5 minggacha tushishining ta’siri — $1,5 mlrdni tashkil etdi», – deyiladi regulyator izohida.

Tushish xorijiy valyutadagi aktivlar hisobiga ham yuz berdi. Ularning hajmi may oyidagi $8,7 mlrddan $8,6 mlrdga pasaydi. Naqd valyuta va depozitlar hajmi ham tushib, $7,2 mlrddan $5,7 mlrdga yetdi.

Shu bilan birga, oltin zaxiralari ham pasaydi. May oyida $61,6 mlrd bo‘lgan oltin qiymati iyun boshida...

Xitoyning Hongqi brendi o‘zining ilk yo‘ltanlamas SUV modeliga rasman G919 nomini berdi. Bu haqda CarNewsChina nashri xabar bermoqda.

Yangi model to‘rt motorli EREV, ya’ni yurish zaxirasi uzaytirilgan elektromobil sifatida ishlab chiqilgan. U ilk bor 2026-yilgi Pekin avtosalonida ommaga ko‘rsatilgan edi. FAW Hongqi bu nomni 6-iyun kuni rasman e’lon qildi. Avtomobil avval kompaniya ichida P567 indeksi bilan yuritilgan.

Kompaniya izohiga ko‘ra, nomdagi «G» harfi Xitoy milliy avtomobil an’analarining tayanchini anglatadi. Ikkita «9» raqami flagman maqomi va uzoq muddatli xizmat ko‘rsatishni bildiradi. «1» raqami esa yuqori darajadagi texnik imkoniyatlarga ishora qiladi.

Hongqi G919 kuzovi ramali konstruksiya asosida qurilgan. Bu yechim og‘ir...

2026-yil 1-yanvar holatida O‘zbekiston aholisi o‘rtacha yoshi 29,5 yoshni tashkil etgan. Bu ko‘rsatkich 2025-yilning mos davrida 29,3 yosh bo‘lgan bo‘lib, bir yil ichida 0,2 yoshga oshganini anglatadi. Bu haqda Milliy statistika qo‘mitasi ma’lumotlari e’lon qilindi.

Hududlar kesimida eng yuqori o‘rtacha yosh Toshkent shahrida qayd etilgan – 32,7 yosh. Poytaxtda nisbatan katta yoshdagi aholining ulushi yuqoriroq ekani bu ko‘rsatkichga ta’sir qilmoqda. Shuningdek, Buxoro viloyatida 31,1 yosh, Toshkent viloyatida esa 31 yosh qayd etilgan bo‘lib, bu hududlar ham respublika bo‘yicha yuqori ko‘rsatkichlarga ega.

Navoiy viloyatida o‘rtacha yosh 30,1 yoshni, Farg‘ona viloyatida esa 30 yoshni tashkil etgan. Qoraqalpog‘iston Respublikasi, Andijon va Xorazm...

O‘zbekistonda 2026-yil 1-may holatiga jismoniy shaxslarning kredit qarzdorligi 230,8 trillion so‘mga yetgan. Bu haqda Markaziy bank ma’lumotlari e’lon qilindi.

Bir yil avval bu ko‘rsatkich 220,3 trillion so‘mni tashkil etgan bo‘lsa, so‘nggi 12 oyda qarzdorlik hajmi 10,5 trillion so‘mga oshgan.

Tahlillarga ko‘ra, aholi eng ko‘p mablag‘ni uy-joy xaridi uchun jalb qilmoqda. Ipoteka kreditlari portfeli 83,9 trillion so‘mga yetib, jismoniy shaxslar kreditlarining eng katta qismini tashkil etgan. Bir yil davomida ushbu yo‘nalishdagi kreditlar hajmi 4,5 trillion so‘mga ko‘paygan.

Shuningdek, mikroqarzlar va mikrokreditlarga talab ham yuqori bo‘lib qolmoqda. Ularning hajmi mos ravishda 50,1 trillion va 44,3 trillion so‘mga yetgan.

Avtomobil xaridi uchun...

Xorazm viloyatining Bog‘ot tumanida qalbaki aksiz markali alkogol mahsulotlarini savdoga qo‘ygan MCHJ rahbari fosh etildi. Bu haqda Bosh prokuratura huzuridagi Departament ma’lum qildi.

Departamentning Bog‘ot tumani bo‘limi va boshqa huquqni muhofaza qiluvchi organlar hamkorligida tezkor tadbir o‘tkazildi. Tadbir davomida «B.G.» MCHJ rahbari «Yangiobod» MFY hududidagi savdo do‘konida qalbaki aksiz markali alkogol mahsulotlarini sotuvga qo‘ygani aniqlangan.

Ma’lumotlarga ko‘ra, do‘konda 32 turdagi 312 dona alkogol mahsuloti qalbaki aksiz markasi bilan savdoga chiqarilgan. Ushbu mahsulotlar ashyoviy dalil sifatida rasmiylashtirib olingan.

Holat yuzasidan Jinoyat kodeksining 176-moddasi bilan jinoyat ishi qo‘zg‘atildi. Hozirda tergov harakatlari olib borilmoqda.

Eslatib o‘tamiz, Kursiv Uzbekistan nashri Toshkent va Xorazmda...

Toshkent shahri va Xorazm viloyatida giyohvandlik vositalari savdosi bilan bog‘liq holatlar aniqlandi. Bu haqda Davlat xavfsizlik xizmati (DXX) ma’lum qildi.

O‘tkazilgan tadbirlar davomida uy sharoitida gidroponika usulida giyohvandlik o‘simliklarini yetishtirib, ularni internet orqali sotish bilan shug‘ullangan shaxs faoliyatiga chek qo‘yildi. Ma’lum qilinishicha, 1996-yilda Toshkent shahrida tug‘ilgan, muqaddam sudlangan fuqaroning Mirzo Ulug‘bek tumanidagi vaqtinchalik yashash xonadoni ko‘zdan kechirilgan.

Tekshiruvda plastik idishda saqlanayotgan giyohvandlik vositasi, 300 dona zip-paket, izolentalar va elektron tarozi borligi aniqlangan. Dastlabki surishtiruv davomida ushbu shaxs onasiga tegishli Toshkent tumanidagi xonadonda giyohvandlik o‘simliklarini yetishtirayotgani ma’lum bo‘lgan.

Mazkur manzil ko‘zdan kechirilganda 10 tup kannabis o‘simligi va 1 tup quritilgan...

OnePlus kompaniyasi Turbo 6X smartfonlari taqdimot sanasini e’lon qildi. Gizmochina xabariga ko‘ra, yangi liniya 10-iyun kuni Xitoyda namoyish etiladi.

Seriyadan ikki model, Turbo 6X va Turbo 6X Pro o‘rin oladi.

Turbo 6X Pro Samsung ishlab chiqargan 1,5K AMOLED ekran bilan jihozlanadi. Ekran quyosh ostida yaxshi ko‘rinishi va DC dimming texnologiyasini qo‘llab-quvvatlashi aytilmoqda.

Smartfon Dimensity 7400 Super chipi, 8000 mA/soat batareya va 80 Vt tezkor quvvatlashga ega bo‘ladi.

Model IP66, IP68 va IP69 himoya darajalariga ega. Shuningdek, u harbiy talablar bo‘yicha yettita chidamlilik sinovidan o‘tgan.

Turbo 6X Pro 8/128 GB, 8/256 GB va 12/256 GB xotira variantlarida chiqariladi. Ranglar orasida...

Namangan viloyatining Chust tumanida tabiiy gazdan noqonuniy foydalangan umumiy ovqatlanish shoxobchasi aniqlandi. Bu haqda «O‘zenergoinspeksiya» xabar berdi.

Bosh prokuratura shtabi tomonidan o‘tkazilgan nazorat tadbirida fuqaroga qarashli oshxona tarmoqqa o‘zboshimchalik bilan ulangani ma’lum bo‘ldi.

Holat oqibatida gaz ta’minoti korxonasiga 1,9 mlrd so‘mlik zarar yetkazilgani aytilmoqda. Mazkur qoidabuzarlik yuzasidan tegishli choralar ko‘rilmoqda.

Eslatib o‘tamiz, avvalroq 855,9 mln so‘mlik gazdan noqonuniy foydalanish holatlari aniqlangandi. Toshkent shahrida o‘tkazilgan tergovga qadar tekshiruvda MChJ rahbari noturar binoda tabiiy gaz tarmog‘iga tijorat maqsadida o‘zboshimchalik bilan ulangani aniqlangan. Ushbu holatda 334,9 mln so‘mlik tabiiy gazdan noqonuniy foydalanilgani qayd etilgan.

O‘zbekistonda ilk bor yetim va ota-ona qaramog‘idan mahrum bo‘lgan bolalarning yozgi ta’tilini mazmunli tashkil etishga qaratilgan yangi ijtimoiy loyiha boshlandi. Bu haqda Ijtimoiy himoya milliy agentligi xabar berdi.

Tashabbus doirasida mamlakatning barcha hududlaridan 7 – 14 yoshdagi 1 295 nafar bola yozgi oromgohlarda dam oladi.

Loyihaga ko‘ra, bolalar kasaba uyushmalari tizimidagi oromgohlarda 12 kun davomida hordiq chiqarib, sog‘lomlashtirish va madaniy-ma’rifiy tadbirlarda ishtirok etadi. Ular boshqa tengdoshlari bilan bir xil sharoitlarda dam olishi orqali jamiyatga moslashish, yangi do‘stlar orttirish va ijtimoiy ko‘nikmalarini rivojlantirish imkoniyatiga ega bo‘ladi.

Tashabbus ishtirokchilari uchun yo‘llanmalar, transport va dam olish bilan bog‘liq barcha xarajatlar davlat tomonidan...

Tijorat banklari tomonidan 8-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 8-iyun uchun valyutalar kursi e’lon qilingani haqida yozgan edi.

Filippinning Mindanao oroli yaqinida 8,1 magnitudali zilzila qayd etildi. Bu haqda Bloomberg nashri xabar berdi.

Yer silkinishi epitsentri General Santos shahridan taxminan 58 kilometr uzoqlikda joylashgan bo‘lib, o‘choq 57 kilometr chuqurlikda yuzaga kelgan.

Kuchli zilziladan so‘ng mintaqada sunami xavfi e’lon qilindi. Shuningdek, General Santos xalqaro aeroporti faoliyati vaqtincha to‘xtatildi.

So‘nggi ma’lumotlarga ko‘ra, tabiiy ofat oqibatida kamida bir kishi halok bo‘lgan, yana to‘rt kishi jarohat olgan. Yer silkinishi natijasida General Santos shahridagi ayrim binolarga zarar yetgan va qisman qulash holatlari qayd etilgan. Hozirda qutqaruv xizmatlari voqea joylarida ishlamoqda.

Filippin prezidenti Ferdinand Marcos qirg‘oqbo‘yi hududlarida yashovchi aholini ehtiyot chorasi sifatida balandroq...

Toshkent metropoliteni metro bekatlarida o‘rnatilayotgan elektron ko‘targich (pandus)lar bo‘yicha ijtimoiy tarmoqlarda tarqalgan xabarlarga munosabat bildirdi.

Metropoliten ma’lumotiga ko‘ra, imkoniyati cheklangan shaxslar va keksalar uchun metro bekatlarining kirish-chiqish qismlariga zamonaviy elektron ko‘targich (pandus)lari o‘rnatilmoqda.

Loyiha Toshkent shahar hokimligining «Yagona buyurtmachi xizmati» injiniring kompaniyasi buyurtmasi asosida amalga oshirilmoqda. Qurilish va montaj ishlari esa «Texnopark» MChJ tomonidan bajarilmoqda.

Hozirda qurilmalarni o‘rnatish, sozlash va sinovdan o‘tkazish ishlari davom etmoqda. Shu sababli «panduslar» bo‘yicha ishlar hali to‘liq yakunlanmagan.

Metropoliten mutasaddilarining ta’kidlashicha, qurilmalarni tezroq va sifatli foydalanishga topshirish bo‘yicha mas’ul tashkilotlarga bir necha bor rasmiy murojaatlar yuborilgan. Yaqinda Toshkent shahar hokimligida o‘tkazilgan yig‘ilishda ham ishlarni...

Florentino Peres Madridning «Real» klubi prezidenti lavozimiga qayta saylandi. El Chiringuito nashri ma’lumotiga ko‘ra, 79 yoshli Peres saylovda 64,1 foiz ovoz to‘plagan.

U asosiy raqibi Enrike Rikelmeni ortda qoldirdi. Shu tariqa Peres 2030-yilgacha «Real»ni boshqarishda davom etadi. U klub prezidentligiga qatorasiga sakkizinchi bor saylandi.

Peresning qayta saylanishi klubdagi keyingi sport loyihalari uchun muhim ahamiyatga ega bo‘lishi mumkin. Avvalroq uning g‘alabasi Joze Mourinyoning «Real» bosh murabbiyi etib tayinlanishiga yo‘l ochishi mumkinligi haqida xabarlar tarqalgandi.

Shuningdek, qayta saylangan prezident jamoa tarkibini kuchaytirish rejalari haqida ham gapirgan. Ma’lumotlarga ko‘ra, «Liverpul» himoyachisi Ibrohim Konate va «Inter» futbolchisi Denzel Dumfris Madrid klubiga olib kelinishi...

Jahon sog‘liqni saqlash tashkiloti (JSST) xavfli oziq-ovqat sabab yiliga 1,5 mln kishi vafot etishini ma’lum qildi. Bu haqda Euronews xabar bermoqda.

Tashkilotga ko‘ra, har yili dunyoda 860 mln nafardan ortiq odamlar sifatsiz yoki noto‘g‘ri qayta ishlangan mahsulotlar sabab kasallanadi. Bunday oziq-ovqatlar oqibatida yiliga 1,5 mln kishi vafot etadi.

Bu haqda JSST 7-iyun kuni nishonlanadigan Butunjahon oziq-ovqat xavfsizligi kuni arafasida e’lon qilgan yangi hisobotida bildirdi. Hisobotda ifloslangan yoki sanitariya talablariga rioya qilinmagan holda tayyorlangan mahsulotlar aholi salomatligi uchun katta xavf tug‘dirishi qayd etilgan.

Bu masala nafaqat inson salomatligi, balki mamlakatlar iqtisodiyotiga ham katta zarar yetkazadi. JSST ma’lumotlariga ko‘ra, faqat 2021-yilda...

Samsung Galaxy S26 FE smartfoni rasmiy taqdimotdan oldin yana internetda ko‘rinish berdi. Bu haqda Gizmochina nashri xabar bermoqda.

Tarmoqda qurilmaning shaffof g‘ilof bilan tushirilgan suratlari paydo bo‘ldi. Rasmlar model dizayni Galaxy S26 uslubida bo‘lishini ko‘rsatmoqda. Ma’lumotlarga ko‘ra, Galaxy S26 FE taniqli kamera blokiga ega bo‘ladi. Bu dizayn Samsung‘ning yangi S26 liniyasi konsepsiyasiga mos keladi.

Avvalroq smartfon Geekbench bazasida ham ko‘ringan edi. U yerda qurilma Exynos 2 500 protsessori bilan sinovdan o‘tkazilgan. Sinovda Galaxy S26 FE 8 GB tezkor xotira bilan qayd etilgan. Smartfon bir yadroli rejimda 2426 ball to‘plagan.

Ko‘p yadroli rejimdagi natija esa 8 004 ballni tashkil...

Chevrolet Chevrolet Bolt 2027 elektromobili uchun ranglar palitrasini kengaytirdi. Model endi Habanero Orange nomli yorqin to‘q sariq rangda ham taklif etiladi.

Yangi rang LT va RS versiyalari uchun mavjud bo‘ladi. Eng muhimi, bu rang uchun xaridorlardan qo‘shimcha haq olinmaydi. Habanero Orange rangining zavod kodi GAG deb ko‘rsatilgan. Ta’mirlash bo‘yog‘i raqami esa WA-221K hisoblanadi.

Bu rang yangi avlod Bolt uchun tayyorlangan to‘rtta yangi tusdan biridir. Chevrolet, shuningdek, Atomic Yellow, Marina Blue Metallic va Relic Green Metallic ranglarini ham taqdim etdi.

Nimalar ma’lum

Atomic Yellow faqat RS versiyasi uchun mo‘ljallangan. Relic Green Metallic esa faqat LT komplektatsiyasida taklif qilinadi. Avvalgi...

AvtoVAZ Lada Iskra sedanining poyga uchun mo‘ljallangan yangi versiyasini namoyish qildi. Model Sankt-Peterburg xalqaro iqtisodiy forumi doirasida taqdim etilgan.

Poyga avtomobili «TMS Motorsport» kompaniyasi tomonidan tayyorlangan. Loyihada Lada Sport mutaxassislari ham qatnashgan. Yangi sedan 2027-yilda start olishi rejalashtirilgan maxsus monokubok uchun qurilgan. Musobaqaning ilk mavsumi besh bosqichdan iborat bo‘ladi.

Har bir bosqichda ikkitadan poyga o‘tkaziladi. Poygalar davomiyligi 40 daqiqadan 60 daqiqagacha bo‘lishi kutilmoqda. Sport Lada Iskra tashqi ko‘rinishi bilan oddiy versiyadan keskin farq qiladi. Avtomobil keng aerodinamik kuzov to‘plamiga ega bo‘ldi.

Orqa qismda yirik diffuzor va yukxona qopqog‘ida ixcham antikril o‘rnatilgan. Model 17 dyuymli disklar va past profilli shinalar...

AQSh prezidenti Donald Tramp Isroil bosh vaziri Binyamin Netanyahuga Eronga javob zarbasi bermaslikni aytdi. Axios nashriga ko‘ra, Tramp yakshanba kuni Netanyahu bilan telefon orqali gaplashgan. U Isroil rahbaridan diplomatiyaga ko‘proq vaqt berishni so‘ragan.

Manbalarga ko‘ra, Tramp Eronning raketa hujumidan keyin Isroil javob qaytarmasligi kerakligini bildirgan. Tehron bu hujumni yakshanba kuni Bayrutdagi Isroil zarbasiga javob deb atagan.

AQSh rasmiysining aytishicha, Tramp ma’muriyati Isroilning Bayrutdagi zarbasiga «yashil chiroq» bermagan. Suhbat davomida Tramp Netanyahuga hozircha harbiy javobdan tiyilish kerakligini aytgan.

«Biz Eron bilan kelishuv bo‘yicha yaxshi natijaga yaqinmiz», – dedi Donald Tramp.

Axios manbasiga ko‘ra, Netanyahu bunga...

Surxondaryo viloyatining Denov tumanida giyohvandlik vositasi (gashish)ni sotishga uringan 24 yoshli yigitga sud hukmi o‘qildi. Bu haqda MY5 telekanalida ma’lum qilindi.

Ma’lum qilinishicha, yigit avval bir marta bezorilik uchun sudlangan. Yana ikki marta giyohvandlik va psixotrop moddalarni qonunga xilof muomalaga kiritganlik uchun javobgarlikka tortilgan.

U navbatdagi jinoyatida 366,93 gramm gashish moddasini sotishga uringan. Giyohvandlik vositasi 100 mln so‘mga baholangan. Tezkor tadbir vaqtida yigit o‘ziga nisbatan kuzatuv olib borilayotganini sezib qolgan. Shundan so‘ng u giyohvandlik vositasini voqea joyiga tashlab, pul mablag‘lari bilan qochib ketgan.

Biroq u qo‘lga olingan va ish Jinoyat ishlari bo‘yicha Denov tumani sudida ko‘rib chiqilgan. Sudlanuvchi sud...

General Motors Braziliyada Chevrolet Onix 2027 model qatorini kengaytirdi. Yangilangan qatorga Log, Pro, Eco va Activ versiyalari qo‘shildi. Bu haqda GMAutority xabar bermoqda.

Bu Chevrolet’ning Braziliyadagi eng ommabop modeli uchun muhim yangilanishlardan biri bo‘ldi. Endi Onix xetchbek kuzovida jami to‘qqizta, sedan kuzovida esa beshta komplektatsiyada taklif etiladi.

Kompaniya ma’lumotiga ko‘ra, 2027-yilgi Onix qatori turli xaridorlar ehtiyojiga moslashtirilgan. Log versiyasi yengil logistika ishlari uchun mo‘ljallangan. Pro esa bazaviy, ammo yaxshiroq jihozlangan variant sifatida taqdim etildi.

Eco versiyasi etanol yoqilg‘isida ishlaydigan model hisoblanadi. Chevrolet bu orqali karbon chiqindilarini kamaytirish strategiyasini qo‘llab-quvvatlamoqchi. Activ esa utilitar uslubdagi versiya sifatida ishlab chiqilgan.

Yangi versiyalardan...