Yangiliklar

Prezident farmoni bilan 2027-yil 1-maydan milliy yoki xalqaro akkreditatsiyadan o‘tgan nodavlat tibbiyot tashkilotlariga transplantatsiya amaliyotlarini o‘tkazishga ruxsat beriladi. Bu haqda Adliya vazirligi xabar berdi.

Bunda xususiy klinikalar inson a’zolari va to‘qimalarini transplantatsiya qilish bo‘yicha belgilangan qoidalarga qat’iy rioya qilishi shart bo‘ladi. Ushbu talablar tibbiy faoliyat litsenziyasining asosiy shartlaridan biri etib belgilanadi.

Shuningdek, transplantatsiya bilan shug‘ullanuvchi nodavlat tibbiyot tashkilotlari faoliyati «xavfni tahlil qilish» tizimida yuqori xavfli faoliyat sifatida baholanadi.

Farmonga ko‘ra, transplantatsiya amaliyoti o‘tkazilgan bemorlar va donorlar haqidagi ma’lumotlar muntazam ravishda Sog‘liqni saqlash vazirligiga taqdim etib boriladi.

Bundan tashqari, 2027-yil 1-yanvardan Samarqand viloyatida tajriba tariqasida birlamchi tibbiy-sanitariya muassasalari binolarini qurish...

Poytaxt bo‘ylab jamoat transportlarida sovitish tizimi 7-maydan boshlab bosqichma-bosqich yoqiladi. Bu haqda «Toshshahartransxizmat» kompaniyasi xabar berdi.

Toshkentda havo haroratining keskin ko‘tarilishi ortidan avtobuslardagi konditsionerlar masalasi yana muhokamalarga sabab bo‘ldi. Ijtimoiy tarmoqlarda yo‘lovchilar tomonidan sovitish tizimlari ishlamayotgani yuzasidan ko‘plab e’tirozlar bildirilgach, mas’ullar vaziyat bo‘yicha munosabat bildirdi.

Shahar Transport va yo‘l-transport infratuzilmasini rivojlantirish bosh boshqarmasi ma’lumotiga ko‘ra, tashuvchilarga havo harorati +28 darajadan oshganda avtobuslarda konditsionerlarni doimiy ishlatish talabi qo‘yilgan. Salon ichidagi harorat esa +26 darajadan yuqori bo‘lmasligi kerak.

«Toshshahartransxizmat» kompaniyasi 7-maydan boshlab avtobuslarda konditsionerlar bosqichma-bosqich yoqilishini ma’lum qildi. Shuningdek, sovitish tizimi nosoz bo‘lgan transport vositalari yo‘nalishga chiqarilmasligi ta’kidlandi.

Avvalroq Kursiv...

Futbol bo‘yicha O‘zbekiston milliy terma jamoasi Jahon chempionatiga tayyorgarlik doirasida oxirgi o‘rtoqlik uchrashuvini Niderlandiyaga qarshi o‘tkazadi. Bu haqda O‘zbekiston futbol assotsiatsiyasi ma’lum qildi.

O‘zbekiston va Niderlandiya o‘rtasidagi bahs 8-iyun kuni Nyu-York shahridagi «Icahn Stadium» o‘yingohida bo‘lib o‘tadi. Uchrashuv Toshkent vaqti bilan soat 23:45 da boshlanishi belgilangan. Ushbu o‘yin O‘zbekiston terma jamoasi uchun mundial oldidan so‘nggi sinov vazifasini o‘taydi.

Eslatib o‘tamiz, jamoa tayyorgarlik bosqichi doirasida yana bir o‘rtoqlik uchrashuvida ishtirok etadi. O‘zbekiston vakillari 1-iyun kuni Kanada terma jamoasiga qarshi bahs olib borishi rejalashtirilgan.

Avvalroq «Kursiv» nashri O‘zbekiston xalqaro o‘rtoqlik turnirida Misrni mag‘lubiyatga uchratgani haqida xabar bergan edi.

2026-yilgi Chevrolet Tahoe turli yo‘l va ob-havo sharoitlariga moslashuvchi bir nechta haydash rejimlari bilan taqdim etiladi. Bu haqda GM Authority ma’lumot berdi.

Ushbu tizim dvigatel javobi, uzatmalar qutisi, rul boshqaruvi, osma va tortish nazorati kabi funksiyalarni avtomatik o‘zgartiradi.

Normal rejimi kundalik foydalanish uchun mo‘ljallangan. U shahar va trassa uchun qulay boshqaruv, yumshoq yurish va yonilg‘i tejamkorligini ta’minlaydi.

Sport rejimi avtomobilni yanada tezkor qiladi. Bu holatda uzatmalar qutisi agressivroq ishlaydi va rul boshqaruvi aniqroq bo‘ladi.

Snow/Ice rejimi qor va muzli yo‘llar uchun ishlab chiqilgan. Tizim g‘ildiraklarning sirpanishini kamaytirish uchun gaz pedalining sezgirligini pasaytiradi.

Off-Road rejimi tuproq, shag‘al va notekis yo‘llarda...

1-iyuldan sud boshqaruvchilariga maosh to‘lash tizimi bazaviy va KPI shakliga o‘tkaziladi. Bu haqda prezident farmonida keltirib o‘tildi.

Farmon bilan sud boshqaruvchilarini tayyorlash huquqi Sud boshqaruvchilari palatasi, Yuridik kadrlarni qayta tayyorlash va malakasini oshirish instituti hamda tegishli ta’lim muassasalariga beriladi.

Palata sud boshqaruvchisining a’zoligini to‘xtatish yoki uni a’zolikdan chiqarish masalasida qaror qabul qilib, uni lavozimidan ozod etish bo‘yicha sudga murojaat qilishi mumkin bo‘ladi.

Shuningdek, sud boshqaruvchisi o‘z vazifasini lozim darajada bajarmasa, unga to‘lanadigan haq miqdori kreditorlar yig‘ilishi qaroriga asosan kamaytiriladi.

Sanatsiya boshqaruvchisi nomzodi taqdim etilmagan hollarda, nomzodlar maxsus elektron tizim orqali tanlanib, sud tomonidan tayinlanadi.

Bundan tashqari, sud boshqaruvchilarining ish...

O‘zbekistonlik 18 yoshli xokkeychi Jasurbek Rustamxonov AQShning eng asosiy o‘smirlar xokkey ligalaridan biri UShL draftida «Dubuque Fighting Saints» klubi tomonidan tanlandi. Jasurbek ushbu natijaga erishgan birinchi o‘zbekistonlikka aylandi. Bu haqda O‘zbekiston xokkey federatsiyasi xabar bermoqda.

2007-yil 16-mayda Toshkent shahrida tug‘ilgan Jasurbek Rustamxonov 2025/2026-yilgi mavsumni Chexiyaning «Karlovy» jamoasida o‘tkazgan. Hujumchi 30 ta o‘yinda muz maydoniga tushib, 13 ta gol va 10 ta golli uzatmani amalga oshirgan hamda jami 23 ochko to‘plashga muvaffaq bo‘lgan.

Klub bosh menejeri Trevor Edvards yosh sportchining xalqaro maydondagi harakatlarini ijobiy baholadi.

«U O‘zbekiston terma jamoasi bilan xalqaro maydonda o‘zini ko‘rsatgan o‘ta dinamik...

Samarqand viloyatining Jomboy tumanida ikkita Damas rusumli avtomobilda jami 52 nafar bolalar noqonuniy shaklda tashib kelinayotgani bilan bog‘liq holat aniqlandi. Bu haqda Yo‘l harakati xavfsizligi xizmati xabar berdi.

Aniqlanishicha, bir holatda Damas rusumli avtomobil haydovchisi transport vositasiga 28 nafar bolani joylashtirib harakatlangan. Boshqa bir holatda esa yana bir Damas’da 24 nafar maktabgacha ta’lim muassasasi tarbiyalanuvchisi olib ketilayotgani qayd etilgan.

«Maktabgacha ta’lim tashkilotlari rahbarlari va haydovchilar diqqatiga: bog‘cha tarbiyalanuvchilarining hayoti va xavfsizligini xavf ostiga qo‘ymang. Ota-onalardan hushyor bo‘lishlarini so‘raymiz», – deyiladi xavfsizlik xizmati bayonotida.

Avvalroq Kursiv Uzbekistan Navoiy viloyatining Nurota tumanida sodir bo‘lgan yo‘l-transport hodisasi...

Chevrolet Performance kompaniyasi ijtimoiy tarmoqlarda yangi dvigatelga oid tizer suratni e’lon qildi. Postga katta yangi narsa kelayotgani haqida izoh yozilgan, deb xabar bermoqda GM Authority.

E’lon qilingan suratda yangi dvigatelning yuqori qismi va havo kollektoriga o‘xshash detal ko‘rinadi. Unda Chevrolet logotipi ham joylashtirilgan. Suratdagi quvurlar, ulagichlar va boshqa qismlar bu konsept emas, balki ishlab chiqarishga tayyor dvigatel bo‘lishi mumkinligini ko‘rsatmoqda.

Nashr bu yangi V8 dvigatel bo‘lishi mumkinligini taxmin qilmoqda. Dizayn zamonaviy GM small-block arxitekturasiga o‘xshashi aytilmoqda.

Atlantika okeanida harakatlanayotgan MV Hondius kruiz kemasida hantavirus tarqalishi oqibatida uch kishi halok bo‘ldi va yana bir necha kishi kasallandi. Jahon sog‘liqni saqlash tashkiloti rahbari Tedros Adxanom Gebreyesus mazkur vaziyat dunyo uchun jiddiy xavf tug‘dirmasligini ta’kidladi.

So‘nggi ma’lumotlarga ko‘ra, kemada jami 149 kishi bo‘lgan va hozirgacha sakkizta kasallanish holati kema bilan bog‘liqligi tasdiqlangan. Hantavirus o‘pka va buyraklarning og‘ir shikastlanishiga olib kelishi mumkin bo‘lib, infeksiya oqibatida o‘lim darajasi 40 foizgacha yetishi mumkin.

Aksariyat hantaviruslar kemiruvchilardan yuqadi, ammo kemada aniqlangan Andes shtammi odamdan odamga o‘tish xususiyatiga ega. Janubiy Afrikadagi Milliy yuqumli kasalliklar instituti mutaxassisi Lyusil Blumberg holatni izohladi.

Samarqand viloyati Ishtixon tumanida ikki nafar voyaga yetmagan bolaning sunnat qilinganidan keyin vafot etishi bilan bog‘liq holat yuzasidan tibbiy va huquqiy tekshiruvlar davom etmoqda. Bu haqda Samarqand viloyati sog’liqni saqlash boshqarmasi axborot xizmati rasmiy izoh berdi.

Ijtimoiy tarmoqlarda tarqalgan ma’lumotlarga ko‘ra, 2026-yil 27-mart kuni 5 yoshli Elhan Tursunov jarrohlik amaliyotidan so‘ng vafot etgan. Oradan bir necha kun o‘tib, 2026-yil 8-aprel kuni 2 yoshli Hamidjon To‘xtaev ham hayotdan ko‘z yumgan.

Ma’lumotlarda qayd etilishicha, jarrohlik amaliyotlari davomida bir qator tibbiy tartib-qoidalarga rioya etilmagan bo‘lishi mumkin. Xususan, operatsiya oldidan zarur laborator tekshiruvlar o‘tkazilmagani, ayrim tibbiy hujjatlar esa belgilangan tartibda rasmiylashtirilmagani aytilmoqda.

O‘zbekistonda obunachilar soni uch milliondan ortiq 6 nafar Top-blogerlar budjetga 110 mln so‘mdan ortiq soliq to‘lagan. Bu haqda Soliq qo‘mitasi xabar berdi.

Unga ko‘ra, sohadagi eng faol 110 nafar bloger faoliyati tahlil qilingan. Ularning 55 nafari o‘zini o‘zi band qilgan shaxs, 33 nafari yakka tartibdagi tadbirkor sifatida ro‘yxatdan o‘tgan bo‘lsa, yana 22 nafari oddiy jismoniy shaxs maqomida faoliyat yuritmoqda.

Qo‘mita bu holat blogerlar faoliyatining haqiqiy ko‘lami bilan ularning rasmiy huquqiy maqomi o‘rtasida nomutanosiblik mavjudligini ko‘rsatishini qayd etdi.

Shuningdek, 3 milliondan ortiq obunachilarga ega 6 nafar Top-bloger faoliyati ham alohida o‘rganilgan. Tahlillarga ko‘ra, ular 2025-yil davomida 360 ta storis va...

Rossiyaning yirik aloqa operatorlari Moskva aholisi va mehmonlarini 9-may arafasida mobil internetda vaqtinchalik cheklovlar bo‘lishi mumkinligi haqida ogohlantirdi.

«Kommersant» nashriga ko‘ra, «Bilayn», «MegaFon» va T2 operatorlari yuborgan xabarlarda bu choralar xavfsizlikni ta’minlash bilan bog‘liqligi aytilgan.

Operatorlarga ko‘ra, yaqin kunlarda nafaqat mobil internet, balki SMS yuborishda ham uzilishlar kuzatilishi mumkin. Foydalanuvchilarga Wi-Fi tarmoqlaridan foydalanish va ovozli qo‘ng‘iroqlar uchun VoLTE xizmatini yoqish tavsiya etilgan.

T2 kompaniyasi cheklovlar operator tarmog‘idagi texnik nosozlik bilan bog‘liq emasligini alohida ta’kidladi.

Shunga o‘xshash ogohlantirishlar 4-may kuni ham yuborilgan edi. 5-may tongida Moskvada mobil internet vaqtincha o‘chirilgan, kunning ikkinchi yarmida esa aloqa tiklangan. Rossiya Raqamli rivojlanish...

Endilikda bank rahbarlari ham qoidabuzarliklar uchun shaxsan javobgarlikka tortilishi va jarimaga olinishi mumkin bo‘ladi. Bu tartib Markaziy bank tomonidan qabul qilingan yangi o‘zgartirishlarda keltirilgan.

Unga ko‘ra, mazkur tartib mikromoliya banklari, faktoring va kafillik tashkilotlari hamda kredit byurolariga ham tatbiq etiladi. Jarimalar miqdori esa tashkilotning moliyaviy holati va faoliyat ko‘lamidan kelib chiqib belgilanadi.

Shuningdek, Markaziy bank moliyaviy xizmat iste’molchilari huquqlarini tiklash bo‘yicha qo‘shimcha vakolatlarga ega bo‘ladi. Jumladan, regulyator noqonuniy yoki ortiqcha undirilgan mablag‘larni mijozlarga qaytarish va qayta hisob-kitob qilish bo‘yicha ko‘rsatma berishi mumkin.

Qoidabuzarliklar qatoriga risklarni boshqarish tizimini ta’minlamaslik, noqonuniy qarorlar qabul qilish, manfaatlar to‘qnashuviga yo‘l qo‘yish hamda qoidabuzarliklarni yashirish...

Fransiyaning sobiq prezidenti Nikolya Sarkozi saylov kampaniyasini moliyalashtirishga oid «Bigmalion» ishi doirasida muddatidan avval shartli ravishda ozod qilindi. Bu haqda RTL radiostansiyasi xabar bermoqda.

Siyosatchining o‘zi jazo muddatini o‘tash tartibini yumshatishni so‘ragan edi. Parij sudi 5-may kungi qarori bilan mazkur so‘rovni qanoatlantirdi. Natijada sobiq prezident avval belgilanganidek elektron bilaguzuk taqishdan ozod etildi.

«Bigmalion» Sarkozining 2012-yildagi saylov kampaniyasiga xizmat ko‘rsatgan PR-agentlik hisoblanadi. 2021-yilning kuzida siyosatchi o‘z kampaniyasini mazkur agentlik ishtirokida noqonuniy moliyalashtirganlikda aybdor deb topilgan edi.

Dastlab Sarkozi bir yillik qamoq jazosiga hukm qilingan, keyinroq esa u yarim yillik qamoq jazosiga qisqartirilib, ozodlikdan mahrum qilishni elektron bilaguzuk taqish bilan almashtirish...

O‘zbekiston prezidenti Shavkat Mirziyoyev Xitoyning Xunan provinsiyasidagi sanoat korxonasida sodir bo‘lgan halokat munosabati bilan davlat rahbariga rasmiy hamdardlik bildirdi. Bu haqda prezident matbuot xizmati xabar berdi.

Davlat rahbari Xitoy yetakchisi Si Szinpinga yo‘llagan murojaatida fojia oqibatida ko‘plab insonlar halok bo‘lgani va jarohat olganidan chuqur taassufdaligini qayd etdi. Prezident marhumlarning oila a’zolari va yaqinlariga sabr-toqat tilab, jabrlanganlarning tezroq sog‘ayib ketishini tiladi.

Xinhua nashri ma’lumotlariga ko‘ra, Xunan provinsiyasidagi pirotexnika zavodida sodir bo‘lgan kuchli portlash oqibatida kamida 26 kishi halok bo‘lgan, yana 61 kishi turli darajadagi tan jarohati olgan. Hodisa Liuyan shahridagi Huasheng Fireworks korxonasida yuz bergan.

Portlashdan keyin hududda keng...

7-maydan boshlab O‘zbekiston Milliy investitsiya jamg‘armasi (UzNIF)ning oddiy aksiyalari «Toshkent» respublika fond birjasi (RFB)ning Stock Market maydonchasidagi Premium kategoriyasiga kiritildi. Bu haqda birja rasmiy sahifasida ma’lum qildi.

Aksiyalarning kodi UZ7058980010, birjadagi tikeri esa UZNF etib belgilandi.

Joylashtirish jamg‘arma aksiyalarining mahalliy IPO jarayoni doirasida amalga oshirilmoqda. Bu investorlar uchun milliy fond bozori orqali ommaviy savdolarda qatnashish imkoniyatini kengaytiradi.

UzNIF aksiyalariga obuna jarayoni London fond birjasi hamda «Toshkent» RFBda 2026-yil 12-mayga qadar davom etadi. Arizalar Buyuk Britaniya vaqti bilan soat 12:00 da, Toshkent vaqti bilan esa 17:00 da qabul qilish to‘xtatiladi.

Mahalliy taklif Alkes Research, Avesta Investment Group va Bluestone Financial...

Tijorat banklari tomonidan 7-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 7-may uchun valyutalar kursi e’lon qilingani haqida yozgandi.

2026-yilning yanvar – mart oylarida O‘zbekistonda jami 191,9 ming nafar chaqaloq sog‘lom tug‘ildi. Bu haqda Milliy statistika qo‘mitasi xabar bermoqda.

Qo‘mita ma’lumotlariga ko‘ra, jami tug‘ilishlar taqsimotida o‘g‘il bolalar ulushi biroz ustunlik qildi. Xususan, joriy yilning dastlabki choragida 98,5 ming nafar o‘g‘il bola va 92,6 ming nafar qiz bola dunyoga kelgan.

Sog‘liqni saqlash vazirligi maxsus koll-markaz va Feedback tizimini ishga tushiradi. Prezident farmoni bilan O‘zbekistonda tibbiy xizmatlar sifatini nazorat qilish maqsadida Sog‘liqni saqlash vazirligi huzurida Klinik audit inspeksiyasi hamda uning hududiy bo‘linmalari tashkil etiladi.

Mazkur tuzilma davlat va nodavlat tibbiyot muassasalari tomonidan aholiga ko‘rsatilayotgan tibbiy xizmatlarni nazorat qiluvchi vakolatli organ sifatida faoliyat yuritadi. Inspeksiya tibbiy yordamni tashkil etish sifati va xizmatlarning amaldagi talablarga mosligini monitoring qiladi.

Farmonga ko‘ra, inspeksiya rahbari sog‘liqni saqlash vaziri tomonidan Prezident administratsiyasi bilan kelishilgan holda tayinlanadi va lavozimidan ozod etiladi.

Shuningdek, Sog‘liqni saqlash loyihalari markazi loyiha ofisi faoliyati tugatiladi. Uning o‘rniga vazirlik autsorsing asosida yangi...

To‘lovga qobiliyatsizlik ishlari agentligi tashkil etiladi. 2026-yil 6-may kuni prezidentning «To‘lovga qobiliyatsizlik institutini yanada takomillashtirish chora-tadbirlari to‘g‘risida»gi farmoni qabul qilindi.

Farmonga ko‘ra, Adliya vazirligi huzurida To‘lovga qobiliyatsizlik ishlari agentligi hamda uning hududiy bo‘limlari tashkil etiladi. U to‘lovga qobiliyatsizlik sohasida yagona davlat siyosatini yurituvchi maxsus vakolatli organ bo‘ladi.

Agentlik ushbu yo‘nalishda davlat siyosatini amalga oshirish, nazorat va tartibga solishni olib boradi. Shuningdek, davlat organlari va tashkilotlari faoliyatini muvofiqlashtiradi.

Farmonda to‘lovga qobiliyatsizlik jarayonlarini to‘liq raqamlashtirish va ortiqcha byurokratik tartiblarni soddalashtirish ham belgilangan.

Bundan tashqari, O‘zbekiston sud boshqaruvchilari assotsiatsiyasi negizida O‘zbekiston Sud boshqaruvchilari palatasi tashkil etiladi.

Palata Qoraqalpog‘iston Respublikasi, viloyatlar va Toshkent...

Internetda «Mortal Kombat 2» filmi uchun dastlabki taqrizlar e’lon qilindi. Sikvel birinchi qismga qaraganda yaxshiroq baholandi. Kino kartina 8-may kuni AQShda prokatga chiqadi.

Film Metacritic tizimida 50 ball, Rotten Tomatoes bo‘yicha esa 75 foiz ijobiy baho oldi. Tanqidchilar, asosan, asarning syujetini salbiy baholab, voqealar rivoji bir joyda qotib qolganini ta’kidlashmoqda.

Biroq ba’zi taqrizchilarga Karl Urban ijrosidagi yangi qahramon – Jonni Keyj manzur kelgan. The Wrap nashri xabariga ko‘ra, u film davomida bosqichma-bosqich ochilib boradigan sanoqli personajlardan biridir. Jang sahnalarining sahnalashtirilishi kuzatuvchilarda asosan ijobiy taassurot qoldirdi.

Mutaxassislar filmning qonli sahnalarga boy ekanini, janglarning xilma-xilligi va xoreografiyasi yuqori darajada ishlanganini qayd...

Samsung kompaniyasi navbatdagi Galaxy Ring 2 aqlli uzugining taqdimotini joriy yilda emas, balki kelasi yilning boshida o‘tkazishni rejalashtirmoqda. Bu haqda Etnews nashri xabar bermoqda.

Aslida ushbu texnologik yangilik joriy yilning ikkinchi yarmida namoyish etilishi kutilgan edi. Dastlabki reja o‘zgarganiga qaramay, ishlab chiqaruvchilar mahsulot sifatiga e’tiborni kuchaytirmoqda.

Yangi avlod modelining ichki qismlari optimallashtirilib, qalinligi va vazni qisqartiriladi. Shu bilan birga, batareyaning ishlash muddati oldingi 7 kundan 9-10 kungacha uzaytirilishi kutilmoqda. Shuningdek, tana harorati datchigi, uyqu tahlili va yurak-qon tomir tizimi ko‘rsatkichlarini o‘lchash aniqligi ham sezilarli darajada yaxshilanadi.

Shu bilan birga, qon tarkibidagi qand miqdorini invaziv bo‘lmagan usulda o‘lchash texnologiyasini zudlik...

Parijning PSJ klubi Yevropa Chempionlar ligasi yarim final javob bahsida «Bavariya» bilan 1:1 hisobida durang o‘ynab, finalga yo‘llanma oldi. Umumiy natijaga ko‘ra parijliklar 6:5 hisobida ustunlik qildi.

Uchrashuvning 3-daqiqasidayoq Xvicha Kvaratsxeliyaning uzatmasidan so‘ng Usmon Dembele hisobni ochdi – 0:1. Mezbonlar o‘yin oxirida muvozanatni tiklashga erishdi. 90+4-daqiqada Alfonso Devisning pasini Harri Keyn golga aylantirdi – 1:1. Biroq bu natija myunxenliklarga o‘yinni qo‘shimcha bo‘limlarga o‘tkazish uchun yetarli bo‘lmadi.

Eslatib o‘tamiz, Parijdagi dastlabki bahsda 5:4 hisobida «PSJ» g‘alaba qozongan edi. Hal qiluvchi final uchrashuvida Parij klubi Angliyaning «Arsenal» jamoasiga qarshi maydonga tushadi. Yevropaning eng nufuzli klublar turniri g‘olibini aniqlab beruvchi bahs 30-may...

7-may sanasi jahon texnologiya sanoati, klassik musiqa olami va zamonaviy media makonida o‘chmas iz qoldirgan. Kursiv Uzbekistan kunning eng muhim voqealarini xronologik tartibda taqdim etadi.

1840-yili dunyoga mashhur rus kompozitori Pyotr Chaykovskiy tavallud topdi. U o‘zining «Oqqush ko‘li» va «Schelkunchik» kabi o‘lmas baletlari bilan klassik musiqa xazinasiga ulkan hissa qo‘shgan. Chaykovskiy ijodi jahon madaniyatining ajralmas qismi hisoblanadi va uning asarlari O‘zbekiston opera va balet teatrlari sahnalarida hamisha yuqori e’zoz bilan ijro etib kelinadi.

1946-yili Yaponiyada Masaru Ibuka va Akio Morita tomonidan Tokyo Telecommunications Engineering kompaniyasiga asos solindi. Atigi 20 nafar xodim bilan ish boshlagan ushbu kichik korxona keyinchalik...