Yangiliklar

Bugun, 5-aprel kuni O‘zbekistonning ko‘plab hududlarida qisqa muddatli yomg‘ir va momaqaldiroq kuzatilishi mumkin, ayrim joylarda shamol kuchayib, chang-to‘zonlar yuzaga keladi. Bu haqda «O‘zgidromet» xabar berdi.

Kunduzi respublikaning ayrim hududlarida yomg‘ir yog‘ib, momaqaldiroq bo‘lishi ehtimoli bor. Qoraqalpog‘iston Respublikasi va Xorazm viloyatida kechga tomon yog‘ingarchilik kuzatiladi. Sirdaryo viloyati hamda Surxondaryo viloyatida esa yog‘ingarchilik kutilmaydi.

Ba’zi hududlarda ertalab tuman tushishi mumkin. Shamol tezligi odatda 7–12 m/s atrofida bo‘ladi, ayrim joylarda 13–18 m/s gacha kuchayib, chang-to‘zonlar bilan kechishi ehtimoli bor. Havo harorati kunduzi 22–27 daraja iliq bo‘ladi.

Toshkentda ertalab qisqa muddatli yomg‘ir yog‘ishi mumkin, kun davomida esa yog‘ingarchilik kutilmaydi. Shamol 3–8 m/s tezlikda...

Kursiv Uzbekistan 4-aprel kuni e’lon qilingan muhim yangiliklarni bir joyga jamladi.

Toshkentda bank eksperti 10 ming dollar pora bilan ushlandi

Toshkent shahridagi yirik tijorat banklaridan birida ishlovchi xodim $10 ming miqdoridagi noqonuniy mablagʻni olayotgan vaqtida qoʻlga olindi. Tezkor tadbir Davlat xavfsizlik xizmati hamda Bosh prokuratura huzuridagi Departament xodimlari hamkorligida oʻtkazilgan.

Ma’lum qilinishicha, bankning katta eksperti xizmat koʻrsatish sohasida faoliyat yurituvchi MChJ rahbaridan pul talab qilgan. U oʻzining tanishlari orqali Samarqand viloyatidagi banklardan biridan 1,2 mlrd soʻm kredit olib berishni va’da qilgan.

MobiUz xususiylashtirilishida yangi muddat belgilandi

MobiUzʼni xususiylashtirish boʻyicha investorlar uchun takliflar qabul qilish muddati uzaytirildi. Bu haqda...

Pavel Durov Telegram messenjerini yanada rivojlantirish va uning trafigini aniqlash hamda bloklashni qiyinlashtirish ustida ishlashini bildirdi. Bu haqda oʻz sahifasida ma’lum qildi.

Uning soʻzlariga koʻra, Rossiyada 65 mln foydalanuvchi hanuz Telegramʼdan har kuni foydalanadi, shundan 50 mln kishi muntazam xabar almashadi. Bu esa cheklovlarga qaramay platforma ommabopligini saqlab qolayotganini koʻrsatadi.

Durov hukumatlarning messenjerlar va VPN xizmatlarini bloklashga urinishlari aks ta’sir berayotganini ta’kidladi. Uning aytishicha, bunday choralar texnik nosozliklarga olib kelib, hatto ayrim hollarda toʻlov tizimlarida uzilishlar yuzaga kelgan.

U Eron tajribasini ham misol keltirdi. Durovga koʻra, u yerda Telegram taqiqlangach, aksincha VPNʼdan foydalanish keskin oshgan. Shunga oʻxshash...

Angliya kubogi chorak finalida «Manchester Siti» o‘z maydonida «Liverpul»ni 4:0 hisobida mag‘lub etdi.

Mezbonlar o‘yinni faol boshladi va hisob 39-daqiqada ochildi. Erling Haland penaltidan uchrashuvda hisobni ochdi. Birinchi bo‘limga qo‘shib berilgan vaqtda u dublni rasmiylashtirdi.

Ikkinchi bo‘limda Antoine Semenyo hisobni yiriklashtirdi. Oradan ko‘p o‘tmay, Haland yana gol urib, xet-trik qayd etdi. 57-daqiqadan keyin hisob o‘zgarmadi. 64-daqiqada Muhammad Salah penaltini golga aylantira olmadi. Zarbani darvozabon qaytardi.

O‘zbekistonlik himoyachi Abduqodir Husanov uchrashuvni asosiy tarkibda boshlab, 90 daqiqa maydonda harakat qildi.

Shu tariqa Pep Gvardiola jamoasi yarimfinal yo‘llanmasini qo‘lga kiritdi.

Avvalroq Kursiv Uzbekistan Husanov mart oyining eng yaxshi futbolchisi bo‘lgani haqida xabar bergan...

AQShda Xitoy avtomobillarini bozordan butunlay siqib chiqarish ehtimoli muhokama qilinmoqda. Bir guruh senatorlar prezident Donald Trampga murojaat etib, Xitoy avtokompaniyalariga nisbatan yanada qat’iy choralar koʻrishni soʻradi.

Taklifga koʻra, nafaqat Xitoydan toʻgʻridan toʻgʻri import, balki Shimoliy Amerikada ishlab chiqarilgan avtomobillarga ham cheklov joriy etilishi mumkin. Bu esa Meksika va Kanada orqali kirib kelayotgan modellarni ham qamrab oladi.

Hozirda AQShda Xitoy avtomobillariga qariyb 100 foizlik bojlar amal qilmoqda. Bundan tashqari, Xitoy dasturiy ta’minotiga ega mashinalarga nisbatan ham cheklovlar mavjud.

Shunga qaramay, texnologik va arzon modellari bilan ajralib turuvchi BYD kabi brendlarga qiziqish ortmoqda. Bu esa mahalliy ishlab chiqaruvchilar uchun raqobat bosimini...

Oʻzbekistonda dori vositalarini davlat roʻyxatidan oʻtkazish tartibiga oʻzgartirish kiritildi. Adliya vazirligi tegishli hujjatni 3-aprel kuni roʻyxatdan oʻtkazdi.

Yangi tartibga koʻra, dorilarning samaradorligi 12 ta xalqaro ilmiy manba asosida baholanadi. Bu orqali bozorga chiqayotgan preparatlarning haqiqiy ta’siri aniqroq tekshiriladi. Baholash jarayoni mustaqil ilmiy ekspertlardan iborat komissiyalar tomonidan amalga oshiriladi. Ular dorilarni uch toifaga ajratadi.

Birinchi toifa – samaradorligi xalqaro tadqiqotlarda tasdiqlangan dorilar. Ikkinchi toifa – samaradorligi isbotlanmagan vositalar. Uchinchi toifa esa samaradorligi hali oʻrganilmagan preparatlarni oʻz ichiga oladi.

Oʻrganish natijalari Sogʻliqni saqlash vazirligi huzuridagi Farmatsevtika mahsulotlari xavfsizligi markazining rasmiy saytida e’lon qilib boriladi.

Avvalroq Kursiv Uzbekistan Navoiy viloyatida salkam...

Yaqin Sharqdagi keskinlik fonida tez orada neft narxi $120 – 130 gacha koʻtarilishi mumkin. Bu haqda JPMorgan Chase tahlilchilari oʻz prognozlarini bildirdi.

Ta’kidlanishicha, agar Hormuz boʻgʻozi orqali yetkazib berishdagi uzilishlar davom etsa, narxlar $150 dan ham oshishi ehtimoli bor. Bankning asosiy ssenariysiga koʻra, boʻgʻozdagi harakat muzokaralar orqali tiklanadi. Shunda ikkinchi chorak davomida neft $100 dan yuqori darajada saqlanadi. Yilning ikkinchi yarmida esa narxlar asta-sekin pasayishi mumkin.

Tahlilchilarga koʻra, narxlarning qanchalik yuqori va uzoq muddat saqlanishi global iqtisodiyotga bosimni belgilaydi. Agar neft uzoq vaqt qimmat boʻlib qolsa, talab pasayishi va hatto retsessiya xavfi kuchayadi. Savdolarda keskin oʻsish ham kuzatildi. Brent...

Toshkentda «Buyuk ipak yoʻli» metro bekati yaqinidagi chorraha qayta qurilishi rejalashtirilmoqda. Loyiha Yoʻl harakatini tashkil etish markazi tomonidan jamoatchilikka taqdim qilindi, deya xabar bermoqda shahar hokimligi.

Rejaga koʻra, Mustaqillik shohkoʻchasi, Mirzo Ulugʻbek va Buyuk ipak yoʻli kesishmasida ikki qavatli yoʻl oʻtkazgich barpo etiladi. Ushbu hudud poytaxtdagi eng tirband nuqtalardan biri boʻlib, harakat koʻpincha qoʻlda boshqariladi.

Yangi yechim transport oqimini tezlashtiradi. S1 massivdan Kichik halqa yoʻligacha boʻlgan 8 km yoʻlni bosib oʻtish vaqti tigʻiz paytda 25 foizga qisqaradi. Avtomobillar oʻtkazuvchanligi esa kuniga qariyb 120 mingtaga yetadi.

Shuningdek, loyiha doirasida umumiy uzunligi 16,2 kilometr bo‘lgan BRT tizimi bosqichma-bosqich joriy etiladi. Bundan...

Fransiyaning CMA CGM kompaniyasiga tegishli CMA CGM KRIB konteyner kemasi Hormuz boʻgʻozidan oʻtib, Ummon sohillariga yetib bordi. Bu haqda kemalar harakatini kuzatuvchi Marine Traffic ma’lumotlariga tayanib xabar berildi.

Bloomberg ma’lumotiga koʻra, bu Eron tomonidan joriy etilgan blokadadan beri Gʻarbiy Yevropaga aloqador ilk kema boʻlishi mumkin. Kema Malta bayrogʻi ostida harakatlangan va Fransiyaning CMA CGM kompaniyasiga tegishli boʻlgan. U 28-mart kuni Dubaydagi Gantut portidan yoʻlga chiqqan. 2-aprel kuni esa Hormuz boʻgʻozida ekani haqida signal bergan.

3-aprel kuni konteyner kema Ummon qoʻltigʻidagi Maskat shahri yaqiniga yetib kelgan. Uning yakuniy manzili hozircha noma’lum. Ma’lumotlarga koʻra, kema taxminan 5 mingta standart konteyner tashish...

MobiUzʼni xususiylashtirish boʻyicha investorlar uchun takliflar qabul qilish muddati uzaytirildi. Bu haqda Davlat aktivlarini boshqarish agentligi (DABA) ma’lum qildi.

Agentlikning ta’kidlashicha, endi savdo ishtirokchilar yaxshilangan majburiy takliflarini 20-aprel kuni soat 23:59 gacha (Toshkent vaqti bilan) qayta taqdim etishi mumkin. Bu qaror savdo jarayonida maksimal iqtisodiy samaraga erishish hamda raqobat muhitida eng maqbul natijani ta’minlash maqsadida qabul qilingan. Shu doirada ayrim parametrlar takomillashtirilishi mumkinligi qayd etildi.

Jarayon boʻyicha qoʻshimcha ma’lumotlar ishtirokchilarga xalqaro maslahatchilar – KPMG va Rothschild & Co orqali individual tartibda yetkaziladi. Agentlik xususiylashtirish jarayonining shaffofligini ta’minlash va jamoatchilikni muntazam xabardor qilib borishini ma’lum qildi.

Eslatib oʻtamiz, MobiUzʼni...

4 − 5-aprel, shanba va yakshanba kunlari 20 ta tijorat banki tomonidan valyuta ayirboshlash va xalqaro pul oʻtkazmalari xizmatlari koʻrsatiladi. Bu haqda Markaziy bank matbuot xizmati ma’lum qildi.

Dam olish kunlari valyuta ayirboshlash va pul oʻtkazmalari shoxobchalari quyidagi banklarda faoliyat yuritadi:

Toshkent shahridagi yirik tijorat banklaridan birida ishlovchi xodim $10 ming miqdoridagi noqonuniy mablagʻni olayotgan vaqtida qoʻlga olindi. Tezkor tadbir Davlat xavfsizlik xizmati hamda Bosh prokuratura huzuridagi Departament xodimlari hamkorligida oʻtkazilgan.

Ma’lum qilinishicha, bankning katta eksperti xizmat koʻrsatish sohasida faoliyat yurituvchi MChJ rahbaridan pul talab qilgan. U oʻzining tanishlari orqali Samarqand viloyatidagi banklardan biridan 1,2 mlrd soʻm kredit olib berishni va’da qilgan.

Huquqni muhofaza qiluvchi organlar tomonidan oʻtkazilgan tezkor tadbir davomida u pulni olayotgan vaqtida ashyoviy dalillar bilan ushlandi.

Mazkur holat yuzasidan jinoyat ishi qoʻzgʻatilgan. Hozirda tergov harakatlari olib borilmoqda.

Avvalroq Kursiv Uzbekistan Qashqadaryoda bozor rahbari pora bilan ushlangani haqida...

4-aprel kuni O‘zbekistonning turli hududlarida havo o‘zgaruvchan bo‘lib, ayrim joylarda yomg‘ir va momaqaldiroq kuzatiladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Eslatib o‘tamiz, avvalroq 4 – 8-aprel kunlari kutilayotgan ob-havo o‘zgarishlari sabab respublikaning ayrim tog‘li hududlarida qor ko‘chish xavfi yuzaga kelishi mumkinligi haqida yozgan edik.

Apple kompaniyasi tomonidan chiqarilgan iOS 26.4 yangilanishi avtomobilda sun’iy intellekt bilan muloqot qilish imkoniyatlarini kengaytirdi. Bu haqda ArenaEV nashri ma’lum qildi.

Apple o‘tgan hafta iOS 26.4 yangilanishini taqdim etdi va ushbu versiya orqali CarPlay tizimida uchinchi tomon sun’iy intellekt chatbotlarini qo‘llab-quvvatlash imkoniyati joriy etildi. Mazkur funksiyadan foydalanish uchun chatbot ishlab chiquvchilari o‘z ilovalarini moslashtirishi talab etildi.

Hozircha ushbu imkoniyat ChatGPT ilovasida ishlay boshlagan. Bu esa foydalanuvchilarga avtomobil ichida CarPlay orqali sun’iy intellekt bilan bevosita muloqot qilish imkonini beradi. Boshqa chatbotlar ham yaqin vaqt ichida ushbu tizimga moslashishi kutilmoqda.

Xavfsizlik talablaridan kelib chiqib, avtomobilda ChatGPT bilan faqat ovozli muloqot...

3-aprel kuni Javohir Sindarov 2026-yilgi FIDE Nomzodlar turnirining 5-turida AQShlik kuchli raqibi Hikaru Nakamurani ortda qoldirib, dunyoning eng kuchli besh shaxmatchisidan biriga aylandi.

Qora donalarda oʻynagan Sindarov debyutda muvaffaqiyatli harakat qilib, raqibni qiyin ahvolga tushirdi. Nakamura 13-yurishni oʻylash uchun 67 daqiqadan ortiq vaqt sarfladi va bu Sindarovga vaqt boʻyicha katta ustunlik berdi. Natijada AQShlik shaxmatchi taslim boʻlishga majbur boʻldi.

Bu Sindarovning turnirdagi to‘rtinchi g‘alabasi boʻlib, ketma-ket uchinchi bor gʻalaba qozondi. U 5 imkoniyatdan 4,5 ochko jamg‘arib, turnir jadvalida yetakchilik qilmoqda. Shuningdek, u turnirning ikki asosiy favoriti, jumladan, AQShlik Fabiya Karuanani ham mag‘lub etdi.

Turnir doirasida Sindarovning...

Oʻzbekistondagi venchur investitsiyalari bozori soʻnggi uch yil ichida 11 barobar o‘sishni qayd etdi. Bu haqda RISE Research tahlil agentligining 2025-yil uchun Oʻrta Osiyo venchur bozoriga oid hisobotida ma’lum qilindi.

Unga ko‘ra, tadqiqot Oʻzbekiston, Qozogʻiston, Qirgʻiziston va Tojikistonga qaratilgan. Hisobot 5-Central Eurasian Venture Forum’da Toshkentda taqdim etilib, taxminan 800 nafar investor, tadbirkor, yuqori darajali menejer va venchur fondlar vakillari qatnashdi.

2025-yilda Oʻzbekistondagi venchur bozor hajmi $99,3 mlnni tashkil etdi, jumladan, Uzum mega-raundi hisobga olinsa $65,5 mln. Agar mega-raundni chiqarib tashlasak, bozor hajmi $33,8 mlnni tashkil qilib, 2022-yildagiga nisbatan 11,3 barobar o‘sishni ko‘rsatadi. RISE Research direktori Ainur Janturina ta’kidlaganidek, Oʻrta Osiyodagi deyarli...

Afg‘oniston hududida sodir boʻlgan zilzila Oʻzbekistonning bir qator viloyatlarida ham sezildi. Bu haqda Seysmoprognostik monitoring markazi ma’lum qildi.

Zilzila 2026-yil 3-aprel kuni soat 21:12 da sodir boʻlib, uning magnitudasi 6.0 va chuqurligi 207 kmni tashkil etdi. Episentr Badaxshon, Afg‘oniston hududida joylashgan boʻlib, Toshkent shahridan 526 km janubiy-sharqda joylashgan. Koordinatalari 36,69 N, 70,76 E sifatida qayd etilgan.

Oʻzbekiston hududida zilzila sezilish darajalari viloyatlar boʻyicha farq qildi. Surxondaryo viloyatida 3 ball kuchida sezilgan zilzila 314 km uzoqlikdan his qilindi. Farg‘ona, Sirdaryo, Jizzax, Samarqand, Andijon, Namangan, Qashqadaryo va Toshkent viloyatlarida 2-3 ball kuchida kuzatildi. Toshkent shahrida esa 2-3 ball sezildi.

Mutaxassislar...

28-fevral kuni AQSh va Isroilning Eronga berilgan zarbalaridan keyin boshlangan Yaqin Sharqdagi urush oqibatida jami 5 mingdan ziyod odamning umriga zomin bo‘ldi. Bu haqda Reuters agentligi ma’lum qildi.

Unga ko‘ra, urush boshlanganidan beri Eronda 3527 kishi halok bo‘lgan. Ularning 1606 nafari tinch aholi, jumladan, kamida 244 nafari bolalardir. Xalqaro Qizil Xoch va Qizil Yarim Oy jamiyatlari federatsiyasi esa hozirgacha Eron hududida kamida 1900 kishi halok bo‘lgani va 20 ming kishi jarohat olganini bildirdi.

Livanning bayonot berishicha, 2-martdan buyon Isroil zarbalari oqibatida mamlakatda kamida 1345 kishi halok bo‘lgan, ularning 124 nafar yosh bolalar bo‘lgan. «Hizbulloh» guruhining 400 dan ortiq...

O‘zbekistonda iqtidorli yoshlarni xorijiy oliy ta’lim muassasalarida o‘qitishni qo‘llab-quvvatlash maqsadida navbatdagi stipendiya tanlovi boshlandi. Bu haqda jamg‘arma matbuot xizmati ma’lum qildi.

O‘zbekiston Respublikasi prezidenti huzuridagi Istiqbolli kadrlarni tayyorlash bo‘yicha «El-yurt umidi» jamg‘armasi Boshqaruv kengashining tegishli qaroriga muvofiq, 2026-yil uchun 1-ochiq stipendiya tanlovi e’lon qilindi. Tanlov nufuzli xorijiy universitetlarda bakalavriat, magistratura va doktorantura dasturlari bo‘yicha ta’lim olish imkonini beradi.

Hujjatlar 2026-yil 3-apreldan 24-aprelga qadar (shu kuni soat 23:59 gacha) maxsus onlayn platforma orqali qabul qilinadi. Arizalar barcha talabgorlar uchun yagona tartib va teng imkoniyatlar asosida 24/7 rejimida qabul qilinadi.

2026/2027-o‘quv yili uchun jami 500 ta kvota ajratilgan. Shundan...

«Toshkent irrigatsiya va qishloq xo‘jaligini mexanizatsiyalash muhandislari instituti» Milliy tadqiqot universiteti tarkibida yangi Umummuhandislik fakulteti tashkil etilishi belgilandi. Bu haqda Adliya vazirligi ma’lum qildi.

Qarorga muvofiq, 2026/2027-o‘quv yilidan boshlab universitetda mahalliy va xorijiy talabalar uchun akademik fanlar bo‘yicha maxsus tayyorlov kursi ochiladi. Ushbu kurs STEAM fanlari, til bilimlari, akademik yozish va milliy strategik mezonlarga asoslangan bo‘lib, bir yil davomida to‘lov-kontrakt asosida xalqaro standartlarga muvofiq o‘qitiladi. 2027/2028-o‘quv yilidan maxsus tayyorlov kursini muvaffaqiyatli tamomlagan talabalar universitetga imtihon asosida to‘lov-kontrakt bilan qabul qilinadi.

Shuningdek, universitetga «texnikum – oliygoh» tamoyili asosida Toshkent geodeziya va kartografiya texnikumi biriktiriladi. Texnikum binosida Umummuhandislik fakulteti faoliyat...

Shavkat Mirziyoyev qishloq va suv xo‘jaligi muhandislarini tayyorlash tizimini takomillashtirish bo‘yicha yangi choralarni belgilovchi qarorni tasdiqladi. Bu haqda Adliya vazirligi ma’lum qildi.

«Qishloq va suv xo‘jaligi muhandislarini tayyorlash tizimini yana takomillashtirish choralarini belgilash» to‘g‘risidagi prezident qaroriga muvofiq, 2026-yil 1-maydan boshlab «Toshkent irrigatsiya va qishloq xo‘jaligini mexanizatsiyalash muhandislari instituti» milliy tadqiqot universitetida o‘qish yangi tartibda tashkil etiladi.

Talabalar uchun amaliyot ikki shaklda o‘tadi: birinchi – 6 oy davomida nazariy ta’limdan ajratilgan va hududga chiqib tashkil etiladigan malakaviy amaliyot; ikkinchi – «4+2» shaklida, ya’ni nazariy ta’lim bilan birlashtirilgan to‘liq uyushgan amaliyot.

Shuningdek, universitetning yetakchi professor-o‘qituvchilari va ilmiy xodimlari viloyatlarga biriktiriladi...

Toshkent shahrida yagona dizayn-kod joriy etilishi doirasida noqonuniy o‘rnatilgan peshlavha va reklamalar uchun kompensatsiya to‘lanmaydi, faqat qonuniy ruxsatnomasi bor obyektlargagina xarajatlar qoplab beriladi. Bu haqda shahar hokimligida soha mutasaddilari ishtirokida o‘tkazilgan maxsus matbuot anjumanida qurilish boshqarmasi boshlig‘i Yodgorbek Ikramov ma’lum qildi.

Tadbirda strategik rivojlanish bo‘yicha boshqaruv raisi o‘rinbosari Rustam Qodirov, shahar hokimining transport masalalari bo‘yicha o‘rinbosari Abdurahmon Baxtiyev, shahar bosh arxitektori – qurilish boshqarmasi boshlig‘i Yodgorbek Ikramov qatnashdi.

Yig‘ilishda shahar muhitini yaxshilash, peshlavhalar, reklama elementlari, yoritish va yo‘l infratuzilmasini yagona standartlar asosida tartibga solish, trotuarlarda xavfsiz makon yaratish masalalari ko‘rib chiqildi.

Dizayn-kod talablariga moslashtirish ishlarini tadbirkorlar my.gov.uz portali orqali arizalar...

O‘zbekistonda Adliya vazirligi huzurida To‘lovga qobiliyatsizlik ishlari bo‘yicha yagona agentlik tashkil etiladi. Shavkat Mirziyoyev tadbirkorlikni qo‘llab-quvvatlash va moliyaviy qiyinchiliklarga duch kelgan korxonalarni sog‘lomlashtirish bo‘yicha yangi tizim va yondashuvlar bilan tanishdi.

Unga ko‘ra, mamlakatda 300 mingdan ortiq yakka tartibdagi tadbirkor va 5,5 mln nafar o‘zini o‘zi band qilgan shaxs faoliyat yuritmoqda. Xususiy biznesning iqtisodiyotdagi ulushi so‘nggi besh yilda 45 foizdan 58 foizga oshdi. Joriy yilda kichik va o‘rta biznesga 140 trln so‘m kredit ajratish, banklar orqali jalb qilinayotgan $8 mlrd tashqi resurslarni mahalliy tadbirkorlikka yo‘naltirish hamda hududlarga 20 trln so‘m ajratish rejalashtirilgan.

Biroq moliyaviy ahvoli og‘ir tadbirkorlik subyektlarini qo‘llab-quvvatlash...

O‘zbekistonda «U10» dasturi doirasida 10 ta oliy ta’lim muassasasi tanlab olinib, ularga milliy tadqiqot universiteti maqomi beriladi hamda ilmiy klasterlar yaratish uchun katta miqdorda moliyaviy qo‘llab-quvvatlash ajratiladi. Bu haqda Shavkat Mirziyoyevga taqdim etilgan oliy ta’lim, fan va innovatsiyalar tizimini yanada rivojlantirishga qaratilgan yangi takliflar taqdimotida ma’lum qilindi.

So‘nggi yillarda mamlakatda oliy ta’lim qamrovini kengaytirish, sifatni oshirish va ilmiy salohiyatni mustahkamlash bo‘yicha keng ko‘lamli islohotlar olib borilmoqda. Endilikda ushbu jarayonni yangi bosqichga olib chiqish maqsadida ta’lim va ilm-fan integratsiyasini kuchaytirishga alohida e’tibor qaratilmoqda.

Taqdimotda ko‘rib chiqilgan asosiy tashabbuslardan biri — «U10 – O‘zbekistonning global darajadagi ilg‘or universitetlari» dasturidir. Unga ko‘ra...