Yangiliklar

Kursiv Uzbekistan 9-may kuni e’lon qilingan yangiliklarning muhimlarini bir joyga jamladi

Mirziyoyev Moskvada harbiy texnikalarsiz bo‘lgan paradda ishtirok etdi — foto

O‘zbekiston prezidenti Shavkat Mirziyoyev 9-may kuni Moskva shahrida Ikkinchi jahon urushidagi G‘alabaning 81 yilligiga bag‘ishlangan tantanali tadbirlarda ishtirok etdi. Bu haqda prezident matbuot xizmati xabar berdi.

Unda Belarus prezidenti Aleksandr Lukashenko, Qozog‘iston pezidenti Qasim-Jomart Toqayev, Laos prezidenti Txonglun Sisulit, Malayziya podshohi Sulton Ibrohim, Slovakiya Hukumati Raisi Robert Fitso va boshqa xorijiy delegatsiyalar rahbarlari ham qatnashdi.

Urushda qariyb 2 million nafar o‘zbekistonlik frontga safarbar etildi. Qonli janglarda 538 mingdan ortiq yurtdoshlarimiz halok bo‘ldi, 158 mingdan...

Oʻzbekistonda 2026-yil oxirigacha jamoat transporti uchun 1800 ta yangi avtobus xarid qilish rejalashtirilmoqda. Bu haqda Transport vaziri Ilhom Mahkamov «Oʻzbekiston 24» telekanaliga bergan intervyusida ma’lum qildi.

Vazirning ta’kidlashicha, bugun aholining qariyb 20 foizi har kuni Toshkent, viloyat markazlari va yirik shaharlarga shaxsiy avtomobil, marshrutka yoki Damasʼda qatnaydi. Kechqurun esa ular oʻz yashash joylariga qaytadi. Vazirlik ushbu muammoni hal qilish uchun shaharlar va ularning 12 km radiusdagi tutash hududlarini yagona transport tizimiga kiritishni taklif qilmoqda. Bu yoʻnalishlarda brutto-shartnoma tizimi joriy etilishi mumkin.

Mahkamovga koʻra, bunday yondashuv tashuvchilar uchun barqaror ishlash imkonini beradi. Yoʻlovchilar esa xavfsiz va muntazam jamoat transportidan foydalanishi...

Buyuk Britaniyaning Jersi orolida Ikkinchi jahon urushi yillarida oʻzbekistonlik askar Boqijon Akramovni fashistlardan yashirgan Le Bretonlar oilasiga Oʻzbekistonning «Doʻstlik» ordeni topshirildi. Bu haqda «Dunyo» axborot agentligi xabar berdi.

Marhum Jon va Fillis Emili Le Bretonlar prezident Shavkat Mirziyoyev tomonidan ushbu mukofot bilan taqdirlangan edi. Orden 6-may kuni Oʻzbekistonning Londondagi elchisi Ravshan Usmonov tomonidan oilaning farzandlari va nabiralariga topshirildi.

Marosim Jersi orolining fashistlardan ozod etilganiga 80 yil toʻlishi arafasida oʻtkazildi. Tadbirda Le Bretonlar oilasining jasorati insonparvarlik va xalqlar oʻrtasidagi doʻstlik namunasi sifatida baholandi.

Oila xotiralariga koʻra, «Tom amaki» deb atalgan Boqijon Akramov Le Bretonlar xonadonida qariyb uch yil yashiringan. U...

Oʻzbekiston milliy terma jamoasi sardori Eldor Shomurodov EA Sports talqiniga koʻra, Turkiya Superligasining mavsum ramziy jamoasidan joy oldi.

«Bashakshehir» klubi hujumchisiga FC26 oʻyinida 93 reytingli maxsus karta berildi. EA Sports mavsum davomida yuqori natija koʻrsatgan futbolchilarni maxsus kartalar orqali e’tirof etadi. Shomurodovning virtual kartasida uning tezligi, zarba aniqligi, paslari, driblingi, himoyadagi harakatlari va jismoniy koʻrsatkichlari baholangan.

Shomurodov 2025-yil yozida «Bashakshehir» safiga qoʻshilgan edi. U qisqa vaqt ichida Istanbul klubining asosiy hujumchilaridan biriga aylandi. Joriy mavsumda oʻzbekistonlik futbolchi Turkiya Superligasida 32 ta uchrashuvda maydonga tushdi. Uning hisobida 20 ta gol va 4 ta golli uzatma bor. Bu natija Shomurodovga toʻpurarlar...

Oʻzbekiston prezidenti Shavkat Mirziyoyev 9-may kuni Moskva shahrida Ikkinchi jahon urushidagi Gʻalabaning 81 yilligiga bagʻishlangan tantanali tadbirlarda ishtirok etdi. Bu haqda prezident matbuot xizmati xabar berdi.

Unda Belarus prezidenti Aleksandr Lukashenko, Qozogʻiston prezidenti Qasim-Jomart Toqayev, Laos prezidenti Txonglun Sisulit, Malayziya podshohi Sulton Ibrohim, Slovakiya Hukumati Raisi Robert Fitso va boshqa xorijiy delegatsiyalar rahbarlari ham qatnashdi.

Urushda qariyb 2 million nafar oʻzbekistonlik frontga safarbar etildi. Qonli janglarda 538 mingdan ortiq yurtdoshlarimiz halok boʻldi, 158 mingdan ziyodi bedarak yoʻqoldi.

Paraddan soʻng Shavkat Mirziyoyev Rossiya Prezidenti Vladimir Putin va boshqa yetakchilar bilan birga Moskvadagi Aleksandr bogʻida joylashgan Noma’lum askar qabriga gul qoʻydi.

Qozogʻiston – Oʻzbekiston chegarasidagi «Qoplonbek» nazorat-oʻtkazish punktida katta navbat yuzaga keldi. Bu haqda Qozogʻiston Milliy xavfsizlik qoʻmitasi Chegara xizmati xabar berdi.

Ma’lum qilinishicha, holat Oʻzbekiston hududidagi «Navoiy» punktida roʻyxatdan oʻtkazish tizimi ishlashida uzilishlar yuzaga kelgani bilan bogʻliq.

«Qozogʻiston tomondagi punkt odatdagi rejimda ishlamoqda, hech qanday cheklovlar joriy etilmagan», – deyiladi xabarda.

Oʻzbekiston tomoni tizimdagi nosozliklarni bartaraf etish ustida ishlamoqda. Punkt faoliyati yaqin vaqt ichida tiklanishi rejalashtirilgan. Chegara xizmati fuqarolardan safarlarni rejalashtirishda ushbu vaziyatni inobatga olishni soʻradi.

Eslatib o‘tamiz, avvalroq Bojxona qoʻmitasi «S.Najimov» (Mayskiy) chegara posti fuqarolar uchun qachon ochilishi boʻyicha hozircha aniq ma’lumot yoʻqligini...

«Benfika» bosh murabbiyi Joze Mourinyo mavsum yakunida Madridning «Real Madrid» klubiga qaytishga tayyor. Bu haqda taniqli insayder Fabrisio Romano xabar berdi.

Manbaga koʻra, portugaliyalik mutaxassis Madrid klubidan rasmiy taklif kutmoqda. «Benfika» rahbariyati Mourinyoni saqlab qolishni istamoqda, biroq uning ketishiga toʻsqinlik qilmaydi.

Sky Sports xabariga koʻra, «Real» vakillari hafta boshida Mourinyo atrofidagi shaxslar bilan uchrashgan. Shuningdek, murabbiyning oʻzi bilan ham bevosita aloqa boʻlgan.

Muzokaralarda «Real» bosh direktori Xose Anxel Sanches faol rol oʻynamoqda. U Mourinyoning nomzodini qoʻllab-quvvatlayotgani aytilmoqda. Shu bilan birga, 63 yoshli murabbiy Madridga qaytish uchun muhim shartlar qoʻygan. U jamoa boshqaruvida toʻliq nazorat va transfer siyosatida katta taʼsirga...

Rimda Italiyaning O‘zbekistondagi sobiq elchisi Pyergabriyele Papadia de Bottini di Sant-Aneze hibsga olindi. U Rossiya fuqarolariga Shengen vizalarini noqonuniy rasmiylashtirishda gumon qilinmoqda.

Tergov ma’lumotlariga koʻra, sobiq elchi yordamchisi bilan birga uzoq muddatli turistik vizalar berish sxemasini tashkil etgan. Bu vizalar bir yildan uch yilgacha amal qilgan.

Aytilishicha, rasmiy talablarga javob bermagan shaxslar ham ushbu yoʻl bilan Shengen vizasini olgan. Buning uchun ulardan 4 mingdan 16 ming yevrogacha pul olingan. Qonuniy boj esa 45 – 60 yevro atrofida boʻlgan.

Sxema Moskvadagi uchta sayyohlik agentligi orqali ishlagan. Tergov kamida 95 nafar rossiyalik shu yoʻl bilan viza olganini aniqlagan. Ayrim hollarda arizachilar...

Oʻzbekiston prezidenti Shavkat Mirziyoyev Moskvaga tashrifi doirasida Rossiya prezidenti Vladimir Putin bilan uchrashdi. Muzokaralarda ikki tomonlama hamkorlik, savdo aloqalari va qoʻshma loyihalarni kengaytirish masalalari muhokama qilindi.

Uchrashuv avvalida davlat rahbarlari Ikkinchi jahon urushida qozonilgan gʻalabaning 81 yilligi munosabati bilan bir-birini tabrikladi. Tomonlar bu sana xalqlar oʻrtasidagi tarixiy xotira va yaqin aloqalarda muhim oʻrin tutishini ta’kidladi.

Oʻzbekiston va Rossiya oʻrtasidagi strategik sheriklik hamda ittifoqchilik munosabatlarini yanada rivojlantirish masalalari ham koʻrib chiqildi. Muzokaralarda oʻzaro savdo hajmi oshib borayotgani qayd etildi. Sanoat, energetika, metallurgiya va boshqa sohalardagi qoʻshma loyihalar muvaffaqiyatli amalga oshirilayotgani bildirildi.

Tomonlar tovar ayirboshlash sur’atini saqlab qolish, ustuvor tarmoqlarda kooperatsiya...

Dollar kursi hafta davomida faqat o‘sish dinamikasini ko‘rsatdi. «Kursiv» nashrining ushbu maqolasida dollar kursining hafta davomidagi o‘zgarishlari haqida so‘z boradi.

Dollarning o‘zgarishi

Hafta boshida, 4-may kuni AQSh dollari 15,13 so‘mga oshib, 11 952,73 so‘mni tashkil etdi. 5-may kuni 40,8 so‘mga ko‘tarilib, 11 993,53 so‘mga, 6-mayda 43,68 so‘mga oshib, 12 037,21 so‘mga, 7-mayda 37,07 so‘mga oshib, 12 074,28 so‘mga va 8-may kuni yana 40,69 so‘mga oshib, 12 114,97 so‘mga yetdi.

Umuman olganda, dollar kursi hafta davomida 162,24 so‘mga ko‘tarildi.

Savdo hajmlari

Valyuta birjasida hafta davomida umumiy 13,52 trln so‘mlik dollar xarid qilingan.

Eslatib o‘tamiz, avvalroq Kursiv Uzbekistan nashri...

9-may sanasi nafaqat insoniyat tarixidagi eng yirik harbiy ixtilofning yakunlanishi, balki siyosiy maydondagi o‘zgarishlar hamda sport olamidagi qayg‘uli va yorqin voqealar bilan ham yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1924-yili 9-mayda mashhur sovet shoiri va xonandasi Bulat Okudjava Moskva shahrida dunyoga kelgan. U o‘zining bard uslubidagi qo‘shiqlari bilan elga tanilgan bo‘lib, ijodida urush fojiasi, tinchlik qadri va insoniy tuyg‘ular chuqur tarannum etilgan. Uning urush haqidagi qo‘shiqlari O‘zbekistondagi katta yoshli avlod vakillari orasida juda mashhur. Okudjava 1942-yilda ko‘ngilli sifatida frontga ketgan va u yerdagi kechinmalari uning asarlariga asos bo‘lgan.

1945-yili 9-may Ikkinchi jahon urushidagi...

Kursiv Uzbekistan 8-may kuni respublikada yuz bergan muhim yangiliklarni bir joyga jamladi.

Chet tilini bilish malaka imtihoni natijalari qachon e’lon qilinadi

O‘zbekistonda joriy yilning 11-aprelidan 4-mayigacha o‘tkazilgan chet tilini bilish darajasini aniqlash malaka imtihoni natijalari 12-may kuni e’lon qilinishi ma’lum bo‘ldi. Bu haqda Ta’lim nazorati Telegram kanali xabar berdi.

Prezidentning 2025-yil 24-dekabrdagi PF-257-son Farmoniga muvofiq, 9-may – Xotira va qadrlash kuni shanba kuniga to‘g‘ri kelgani sababli 11-may dushanba kuni qo‘shimcha dam olish kuni etib belgilangan. Shu sababli imtihon natijalarini e’lon qilish 12-mayga ko‘chirilgan.

11-may kuni maktablarda dars bo‘ladi, bog‘chalar esa ishlamaydi

O‘zbekistonda 9-may — Xotira va qadrlash kuni dam...

9-may — Xotira va qadrlash kuni O‘zbekistonda Ikkinchi jahon urushi qatnashchilari, mehnat faxriylari hamda yurt tinchligi va osoyishtaligi yo‘lida xizmat qilgan insonlarni yod etish kuni sifatida nishonlanadi. Kursiv Uzbekistan nashri ushbu kun munosabati bilan maxsus dizayndagi tabriknomalarni taqdim etdi.

Tabriknomalarda xotira, o‘tganlarni yod etish, tinch-osuda zamon uchun minnatdorlik va bugungi kunni qadrlash g‘oyalari aks etgan.

Eslatib o‘tamiz, avvalroq 9-may munosabati bilan o‘zbekistonliklar necha kun dam olishi haqida yozgan edik.

Endilikda mijozlar banklardan $500 gacha bo‘lgan naqd valyutani pasport, ID-karta yoki shaxsni tasdiqlovchi boshqa hujjatlarsiz olishi mumkin. Bu haqda Adliya vazirligi ma’lum qildi.

Adliya vazirligi tashabbusi bilan ishlab chiqilgan tegishli idoraviy hujjat 2026-yil 8-may kuni davlat ro‘yxatidan o‘tkazildi. Unga ko‘ra, O‘zbekistonda bank xizmatlarini soddalashtirish maqsadida naqd xorijiy valyuta olish tartibiga o‘zgartirish kiritildi.

Ma’lum qilinishicha, yangi tartib 3 oy o‘tgach kuchga kiradi. Hozir amalda bo‘lgan tartibga ko‘ra esa hujjatlarsiz olinishi mumkin bo‘lgan naqd xorijiy valyuta miqdori $100 ni tashkil qiladi.

Mazkur o‘zgarish bank xizmatlaridan foydalanish jarayonini qulaylashtirish va ayrim operatsiyalarni soddalashtirishga qaratilgani qayd etilmoqda.

Eslatib o‘tamiz, avvalroq Ozarbayjonning ABB...

Haftaning dam olish kunlari 23 ta tijorat banklari tomonidan valyuta ayirboshlash va xalqaro pul oʻtkazmalari xizmatlari koʻrsatiladi. Bu haqda Markaziy bank matbuot xizmati ma’lum qildi.

Unga ko‘ra, dam olish kunlari ham quyidagi banklar valyuta ayirboshlash va pul o‘tkazmalari shoxobchalari faoliyatini yo‘lga qo‘ymoqda:

Tesla ma’lumotlarni belgilash (data labeling) bo‘yicha mutaxassislar izlamoqda. Ushbu lavozimda ishlovchilar sun’iy intellekt va mashinaviy o‘qitish tizimlarini o‘rgatish uchun rasm, video, matn va audio kabi xom ma’lumotlarni tayyorlaydi.

Kompaniya ma’lumotlariga ko‘ra, bonuslar va aksiyalar hisobga olinganda yillik ish haqi $150 minggacha yetishi mumkin. E’tiborlisi, ushbu lavozim uchun sun’iy intellekt sohasida ish tajribasi talab qilinmaydi.

Tesla yangi xodimlarga ish joyida o‘qitish dasturini taqdim etadi. Rahbarlik lavozimlarida esa soat 9:00 dan 17:00 gacha ish rejimi, to‘liq ijtimoiy paket, tibbiy sug‘urta, pensiya ta’minoti hamda kompaniya aksiyalarida ishtirok etish imkoniyati mavjud.

Kompaniyaning sun’iy intellekt bo‘yicha direktori Duan Penfey real ma’lumotlarni qayta ishlash...

O‘zbekistonda ma’muriy javobgarlik tizimini yanada takomillashtirish, huquqiy normalarni tartibga solish va zamonaviy talablar asosida yangilash bo‘yicha yangi chora-tadbirlar belgilandi. Bu haqda Adliya vazirligi ma’lum qildi.

«Ma’muriy javobgarlik to‘g‘risidagi qonunchilikni takomillashtirish chora-tadbirlari haqida»gi prezident farmoyishiga muvofiq, ushbu sohadagi qonunchilikni modernizatsiya qilishning asosiy yo‘nalishlari belgilandi.

Unga ko‘ra, ma’muriy javobgarlik to‘g‘risidagi normalarni tizimlashtirish va unifikatsiya qilish, ularning barqarorligini ta’minlash hamda amaldagi huquqiy bazani tartibga solish asosiy vazifalardan biri sifatida ko‘rsatildi. Shuningdek, ma’muriy huquqbuzarliklar zamonaviy sharoitlardan kelib chiqib qayta ko‘rib chiqilishi belgilandi.

Farmoyishda, shuningdek, huquqbuzarliklarning ijtimoiy xavflilik darajasi va jazolarning profilaktik ta’sirini inobatga olgan holda ma’muriy javobgarlik choralarining mutanosibligini ta’minlash, shuningdek, muqobil...

Toshkent shahar Mirzo Ulug‘bek tumani sudi «Real Sanjik» nomi bilan tanilgan Sanjar Karimovga 5 yillik ozodlikdan mahrum qilish jazosi va BHMning 410 baravar miqdorida (salkam 169 mln so‘m) jarima tayinladi. Bu haqda sud jarayonida ishtirok etgan Kursiv Uzbekistan muxbiri ma’lum qildi.

Karimovga Jinoyat kodeksining 112-modda 1-qismi (o‘ldirish yoki zo‘ravonlik bilan tahdid qilish), 168-modda 4-qismi (firibgarlik) hamda 273-modda 2-qismi (giyohvandlik vositalari bilan bog‘liq noqonuniy harakatlar va ularni sotish maqsadida tayyorlash va saqlash) kabi bir nechta moddalari bo‘yicha ayblovlar qo‘yilgan.

Ma’lumot uchun, Sanjar Karimov 2025-yil 28-noyabr kuni u qamoqqa olingan va unga yuqoridagi ayblovlar qo‘yilgan. Sud jarayoni davomida himoya tomoni...

Shavkat Mirziyoyev Ikkinchi jahon urushidagi g‘alabaning 81 yilligiga bag‘ishlangan tantanali tadbirlarda ishtirok etish maqsadida Rossiya Federatsiyasiga amaliy tashrif bilan yo‘l oldi. Bu haqda davlat rahbari matbuot xizmati ma’lum qildi.

Unga ko‘ra, Mirziyoyev 8-may kuni amaliy tashrif bilan Moskva shahriga jo‘nab ketdi. Tashrif dasturiga muvofiq, davlat rahbari Rossiyada o‘tkazilayotgan Ikkinchi jahon urushidagi g‘alabaning 81 yilligiga bag‘ishlangan tantanali tadbirlarda qatnashadi.

Eslatib o‘tamiz, avvalroq davlat yetakchisi Ikkinchi jahon urushi qatnashchilari va mehnat fronti faxriylarini ziyorat qilib, ularni bayram bilan tabriklagan edi.

Ozarbayjonning yirik banklaridan biri ABB O‘zbekistondagi Davr Bank’ni sotib olishni rejalashtirmoqda. Yangi bank «ABB Davr Bank» brendi ostida faoliyat yuritadi, deya xabar qilmoqda Trend nashri.

Xalqaro Ozarbayjon banki (IBA) boshqaruvi raisi Abbas Ibrohimovning ma’lum qilishicha, ABB joriy yilning ikkinchi yarmida O‘zbekistonning xususiy banklaridan biri – Davr Bank’ni sotib olish va mamlakat bozorida faoliyat boshlashni rejalashtirmoqda.

Uning bildirishicha, Davr Bank’ning nazorat paketi (51 foiz ulushi)ni sotib olish bo‘yicha muzokaralar yakunlangan. Hozirda ruxsatnomalarni olish va hujjatlarni rasmiylashtirish jarayonini tez yakunlash bo‘yicha ishlar olib borilmoqda. Rejaga ko‘ra, yangi bank «ABB Davr Bank» brendi ostida O‘zbekiston moliya bozorida faoliyat yuritishi mumkin.

Xalqaro...

Jizzax, Buxoro va Samarqand viloyatlarida fuqarolarni xorijiy davlatlarga ishga yuborish hamda viza rasmiylashtirish va’dasi bilan bog‘liq bir nechta firibgarlik holatlari fosh etildi. Bu haqda Bosh prokuratura departamenti ma’lum qildi.

Departamentning Mirzacho‘l tumani bo‘limi va boshqa huquqni muhofaza qiluvchi organlar hamkorligida fuqaro $10 ming evaziga boshqa fuqaroni go‘yoki yuqori lavozimdagi tanishlari orqali Isroilga ishga yuborishni va’da qilib, oldindan $4 ming olgan vaqtida ashyoviy dalillar bilan ushlandi.

Shuningdek, Departamentning Buxoro shahar bo‘limi o‘tkazgan tezkor tadbirda fuqaro boshqa ikki fuqaroga ishonch bildirib, ularni xorijda yashovchi tanishlari orqali ishga joylashtirish hamda Bolgariya va Litvaga yuborish uchun viza rasmiylashtirib berish evaziga $3,4 ming...

O‘zbekistonda dam olish kunlari ob-havo o‘zgarib, ayrim hududlarda yomg‘ir va momaqaldiroq kuzatiladi. Bu haqda «O‘zgidromet» xabar berdi.

9-may kuni hududlarning katta qismida yog‘ingarchilik kutilmaydi. Biroq Buxoro, Navoiy, Samarqand va Jizzax viloyatlarida kunning ikkinchi yarmida qisqa muddatli yomg‘ir yog‘ishi va momaqaldiroq bo‘lishi mumkin. Havo harorati 28-33 darajagacha pasayadi.

10-may kuni esa respublikaning ko‘p hududlarida yomg‘ir yog‘adi, ayrim joylarda kuchli yomg‘ir va momaqaldiroq kuzatiladi. Havo keskin salqinlashib, kunduzgi harorat 20-25 darajadan oshmaydi.

11-may kuni Toshkent viloyati va Farg‘ona vodiysida, shuningdek, Samarqand, Jizzax va Sirdaryo viloyatlarining ayrim hududlarida qisqa muddatli yomg‘ir yog‘ishi mumkin. Harorat yana biroz ko‘tariladi.

9 – 11 may kunlari...

«Toshkent» respublika fond birjasi qaroriga ko‘ra, «Gem Stone Capital» MChJ 2026-yil 8-maydan boshlab birja a’zolari tarkibidan chiqarildi.

Ma’lum qilinishicha, bu qaror kompaniyaning o‘z murojaati asosida qabul qilingan. Shuningdek, 2021-yil 4-oktabrda tuzilgan birja a’zoligi shartnomasi ham bekor qilingan.

Qarorga muvofiq, Gem Stone Capital va uning treyderlarining savdo tizimiga kirish huquqi to‘xtatildi.

Bundan tashqari, o‘zaro hisob-kitob ishlari belgilangan tartibda amalga oshirilishi va kafolat jamg‘armasidagi mablag‘larni qaytarish jarayoni boshlangan.

Ma’lumotlarga ko‘ra, mazkur kompaniya 2021-yilda 3,1 mlrd so‘m ustav fondi bilan ro‘yxatdan o‘tgan. U qimmatli qog‘ozlar va tovarlarga oid brokerlik xizmatlari bilan shug‘ullanadi.

Eslatib o‘tamiz, avvalroq UzNIF «Toshkent» respublika fond birjasida...

Gruziya Ichki ishlar vazirligi migratsiya departamenti mamlakatda noqonuniy yashab kelgan 45 nafar xorijlikni qo‘lga oldi. Rasmiy ma’lumotlarga ko‘ra, ushlanganlar orasida O‘zbekiston fuqarolari ham bor.

Qayd etilishicha, huquq-tartibot organlari mamlakatning turli hududlarida reyd va tintuv tadbirlarini o‘tkazgan. Tekshiruv davomida ayrim xorijliklar Gruziyada migratsiya qonunchiligini buzgan holda yashab kelayotgani aniqlangan. Shundan so‘ng ular deportatsiya qilish uchun ushlangan.

Gruziya IIV ma’lumotiga ko‘ra, qo‘lga olinganlar orasida O‘zbekiston fuqarolaridan tashqari Rossiya, Qozog‘iston, Qirg‘iziston, Hindiston, Pokiston, Turkiya, Bangladesh, Nigeriya, Sudan, Tanzaniya va boshqa davlat fuqarolari ham mavjud.

Hozirda barcha ushlangan migrantlar vaqtinchalik joylashtirish markaziga olib ketilgan. Vakolatli organlar ularni mamlakatdan chiqarish bo‘yicha huquqiy jarayonlarni boshlagan.