Yangiliklar

Xitoy ijtimoiy tarmoqlarida Leapmotor D16 avtomobilining rasmiy tasvirlari tarqaldi. CarNewsChina nashriga ko‘ra, yangi model narxi 300 ming yuan (taxminan $42,100) atrofida bo‘ladi.

Avvalgi ma’lumotlarga ko‘ra, D seriyasida ikkita yirik model — MPV va SUV ishlab chiqarilishi rejalashtirilgan. D16’ning ommaviy ishlab chiqarilishi 2026-yilning birinchi choragida, mijozlarga yetkazib berilishi esa birinchi yarim yillikda boshlanishi kutilmoqda.

Ayni paytda avtomobilning nomi D16 bo‘ladimi yoki D19 qilib o‘zgartiriladimi — bu rasman tasdiqlanmagan.

Leapmotor asoschisi Chu Jiangmin o‘tgan yil dekabr oyida kompaniya keyingi uch yilda A, B, C va D seriyalarini taqdim etishini, ular 60 mingdan 300 ming yuangacha (8 400 – 42 100 dollar...

Investitsiyalar, sanoat va savdo vaziri Laziz Kudratov Korea District Heating Corporation (KDHC) delegatsiyasi bilan uchrashdi. Bu haqda vazirlik rasmiy sahifasida ma’lum qilindi.

Uchrashuvda Zarafshonda issiqlik tizimini modernizatsiya qilish, Jizzaxda bioenergetika majmuasini qurish va Yangi Toshkent loyihasida zamonaviy yechimlarni joriy etish masalalari muhokama qilindi.

Tomonlar loyihalarni batafsil ishlab chiqishga kelishib oldi. Bu tashabbuslar nafaqat energiya samaradorligini oshirish, balki O‘zbekiston va Koreya Respublikasi o‘rtasidagi investitsiyaviy hamkorlikni mustahkamlashga ham xizmat qilishiga ishonch bildirildi.

Eslatib o‘tamiz, avvalroq Ohangaron suv ombori atrofida turistik loyiha yo‘lga qo‘yilishi haqida yozgan edik.

Samsung Galaxy S26 flagmanlari haqida yangi ma’lumotlar e’lon qilindi. Galaxy S26 Pro, Galaxy S26 Edge va Galaxy S26 Ultra’ning kameralar uchun himoya plyonkalari suratlarini taqdim etildi.

Samsung Galaxy S26 Edge modelining kamera blokini yopadigan plyonka yirik va to‘g‘ri to‘rtburchak shaklda bo‘lib, ilgari tarqalgan renderlardagi kabi katta kamera qopqog‘ini ko‘rsatmoqda. Bunday dizayn deyarli iPhone 17 Pro bilan bir xil, farqi esa faqat modul va datchiklar soni hamda ularning joylashuvidadir.

Samsung Galaxy S26 seriyasining taqdimoti 2026-yil boshida bo‘lib o‘tishi kutilmoqda. Ma’lumotlarga ko‘ra, Galaxy S26 Pro va Galaxy S26 Edge ayrim bozorlarda Exynos 2600 chipseti bilan, eng yuqori darajadagi Galaxy S26 Ultra...

ITHome nashri xabariga ko‘ra, Rockstar kompaniyasi o‘zining rasmiy saytida yangi ish o‘rinlari e’lon qildi. Unda aytilishicha, GTA VI o‘yin sanoati tarixidagi eng katta taqdimot bo‘ladi.

Rockstar muhandislar va ma’lumotlar bo‘yicha yetakchi mutaxassislarni yollamoqda. Nomzodlardan 8 yillik professional tajriba, 3 yildan ortiq muhandislik jamoasiga rahbarlik tajribasi, Python hamda ma’lumotlarni qayta ishlash tizimlari bilan ishlash ko‘nikmalari talab etiladi. Shuningdek, bulutli ma’lumotlar platformalarida amaliy tajribaga ega bo‘lishi kerak.

«GTA Online o‘sishda davom etmoqda, GTA 6 esa tez orada ishga tushadi. Biz ma’lumotlar platformasini boshqarish va rivojlantirish uchun yangi mutaxassislarni yollaymiz. Bu esa o‘yin tarixidagi eng yirik taqdimot bo‘ladi...

Tehronda Hindiston, Eron va O‘zbekiston Tashqi ishlar vazirliklari darajasida ilk uch tomonlama uchrashuv bo‘lib o‘tdi.

Unda ekstremizm va terrorizmga qarshi hamkorlikni kuchaytirish hamda O‘zbekistonning Hindiston bilan savdoda Chobahor portidan samarali foydalanishini qo‘llab-quvvatlash masalalari muhokama qilindi.

Uchrashuvda, xususan, transport va logistika yo‘nalishlarida hamkorlikni kengaytirish, portlarning strategik o‘rnidan foydalanish va Xalqaro Shimol – Janub transport koridori (INSTC) imkoniyatlarini rivojlantirishga alohida e’tibor qaratildi.

Mazkur uchrashuv oldidan Hindiston – Eron – Armaniston uch tomonlama yig‘ilishi ham o‘tkazilgan bo‘lib, unda INSTC va Armanistonning Chobahor portidan foydalanishi masalasi ko‘rilgandi.

O‘zbekistondan tashqari Qozog‘iston va Tojikiston ham Hindiston bilan savdoni oshirish hamda Hind okeani mintaqasiga chiqish...

Realme tomonidan Hindistonda yangi arzon Realme P3 Lite smartfoni taqdim etildi. Bu haqda Gizmochina xabar bermoqda.

Qurilma asosiy versiyasi (4/128 GB) atigi $120, kuchliroq 6/128 GB versiyasi esa $130 narxda baholandi.

Smartfon 6,67 dyuymli IPS HD+ displeyga ega bo‘lib, 120 Hz yangilanish tezligini qo‘llab-quvvatlaydi. Uning yuragi sifatida Dimensity 6300 protsessori ishlaydi. Asosiy kamerasi 32 MP, old kamerasi esa 8 MP.

Qurilmada 6000 mA/soat sig‘imli katta batareya o‘rnatilgan bo‘lsa-da, qalinligi atigi 7,94 mm, og‘irligi esa 197 grammni tashkil etadi. Tezkor quvvatlash quvvati 45 Vtga teng.

Himoya jihatidan Realme P3 Lite IP64 standartiga mos keladi va MIL-STD 810H harbiy standart talablariga...

Ijtimoiy tarmoqlarda maktab o‘quvchilari o‘rtasida janjal yuz bergani haqidagi xabarlar tarqaldi. Toshkent shahar Ichki ishlar bosh boshqarmasi mazkur holat yuzasidan rasmiy ma’lumot berdi.

Unga ko‘ra, voqea 11-sentabr kuni kech soat 22:30 larda Mirobod tumani Qo‘yliq mavzesida sodir bo‘lgan. 2005-yilda tug‘ilgan yigit va uning tanishi notanish yigitlar bilan og‘zaki tortishuvga kirishgan. Mojaro davomida ikkala yigit notanish yigitlardan biri — 2008-yilda tug‘ilgan bola bilan janjallashib qolgan.

To‘qnashuv chog‘ida voyaga yetmagan bolaga o‘tkir tig‘li jism bilan tan jarohati yetkazgan. Natijada jabrlanuvchi shifoxonaga yotqizilib, hozirda shifokorlar nazoratida davolanmoqda.

Mazkur holat yuzasidan ularga nisbatan jinoyat ishi qo‘zg‘atilgan. Hozirda tergov harakatlari olib borilmoqda, yakuni bo‘yicha...

Toshkent shahrining Yashnobod, Mirobod, Yakkasaroy, Chilonzor, Yunusobod, Shayxontohur, Sergeli va Mirzo Ulug‘bek tumanlarida issiq suv vaqtincha o‘chiriladi. Bu haqda «Veolia Energy Tashkent» MChJ XK ma’lum qildi.

Ma’lum qilinishicha, 15 – 19-sentabr kunlari profilaktika ishlari sababli issiq suv ta’minoti Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Cho‘lpon, Alimkent, Amir Temur, Mustaqillik, Sharof Rashidov, Navoiy, Bobur, Shota Rustaveli, Katta Chilonzor, Muqimiy, Seul, Nurafshon, Afrosiyob va boshqa ko‘chalarda vaqtincha to‘xtatiladi.

Mazkur ishlar tizimni qishki mavsumga tayyorlash uchun zarur bo‘lib, kompaniya aholining tushunishi uchun minnatdorchilik bildirdi.

Eslatib o‘tamiz, avvalroq Toshkentda issiq suv ta’minoti reja bo‘yicha o‘chirilishi haqida batafsil xabar bergan edik.

ITHome nashri xabariga ko‘ra, Xiaomi kompaniyasi yangi Xiaomi 17 seriyali smartfonlarini shu oy taqdim etadi. Bu safar avval mish-mish qilinganidek 16 emas, balki to‘g‘ridan to‘g‘ri Mi 17 seriyasi chiqarilishi kutilmagan yangilik bo‘ldi.

Kompaniya asoschisi va rahbari Lei Junning ta’kidlashicha, Xiaomi 17 seriyasi avlodlar o‘rtasidagi katta sakrash bo‘ladi.

«Biz mahsulot kuchi bo‘yicha iPhone’ni to‘liq nishonga olyapmiz va yuzma-yuz raqobat qilamiz», deydi u.

Xiaomi prezidenti va brend rahbari Lu Veybin ham kompaniyaning premium strategiyasi haqida gapirdi.

«Besh yil avval biz eng katta raqibimizdan — iPhone’dan o‘rganib, yuqori segmentda raqobat qilishni...

Saudiya Arabistoni Pro ligasining 2-turidan o‘rin olgan bahsda «An Nasr» o‘z maydonida «Al Holud»ni qabul qildi va yakunda 2:0 hisobida ishonchli g‘alabani qo‘lga kiritdi.

Uchrashuvdan oldin «An Nasr»ning portugaliyalik hujumchisi Krishtianu Ronaldu o‘tgan mavsum Saudiya chempionatining eng yaxshi to‘purari sifatida «Oltin butsa» bilan taqdirlandi. 40 yoshli futbolchi ushbu mukofotga ketma-ket ikkinchi bor sazovor bo‘ldi.

Klub matbuot xizmati xabariga ko‘ra, mukofotni Ronalduga jamoaning sobiq sardori va tarixdagi eng yaxshi to‘purari Majid Abdulloh topshirdi.

Ma’lumot uchun, Ronaldu o‘tgan mavsum Saudiya Pro ligasida 30 ta o‘yinda maydonga tushib, 25 ta gol urdi va 3 ta golli uzatmani amalga oshirdi. Uning «An Nasr» bilan...

Tijorat banklari 15-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi.    

Ijtimoiy tarmoqlarda e’lon qilingan talabalarni yotoqxona bilan ta’minlash jarayonidagi kechikishlar haqidagi maqolaga Oliy ta’lim, fan va innovatsiyalar vazirligi rasmiy izoh berdi. Bu haqda vazirlik matbuot kotibi xabar berdi.

Unga ko‘ra, talabalar yotoqxonasi uchun 1-avgustdan o‘quv yili yakunigacha Davlat xizmatlari markazlari yoki Yagona interaktiv davlat xizmatlari portali orqali ariza topshirish imkoni bor.

Shuningdek, 2025-yil 12-sentabr holatiga qadar 2025/2026-o‘quv yili 1-bosqichiga tavsiya etilganlardan jami 63,8 mingta ariza kelib tushgan. Shundan 40,3 ming nafar talaba uchun yo‘llanmalar avtomatik tarzda shakllantirilgan, yana 21,8 ming nafar talabani arizasi navbatda turibdi. Ularning 15,8 ming nafari kunduzgi ta’lim shaklida, 5,5 ming nafari esa oliy ta’lim muassasasi...

Nepalda o‘tgan haftada bo‘lib o‘tgan korrupsiyaga qarshi norozilik namoyishlari qonli to‘qnashuvlarga sabab bo‘ldi. Bu haqda Reuters agentligi ma’lum qildi.

Sog‘liqni saqlash vazirligi yakshanba kuni halok bo‘lganlar soni 72 nafarga yetganini ma’lum qildi.

Namoyishchilar davlat binolari, jumladan, Oliy sud, parlament va politsiya bo‘limlariga o‘t qo‘ydi. Xavfsizlik kuchlari esa ko‘zdan yosh oqizuvchi gaz va rezina o‘qlar bilan tartibni tiklashga urindi. Rasmiylarga ko‘ra, ikki mingdan ortiq kishilar jarohat olgan.

Bosh vazir K.P. Sharma Oli iste’fo bergach, sobiq Oliy sud raisi Sushila Karki vaqtincha bosh vazir etib tayinlandi. U Nepal tarixida hukumatni boshqargan ilk ayol bo‘lib, 5-martga belgilangan yangi parlament saylovlarini tashkil etishi...

4 – 14 sentabr kunlari Angliyaning Liverpul shahrida o‘tkazilgan boks bo‘yicha Jahon chempionatida O‘zbekiston bokschilari umumjamoa hisobida ikkinchi o‘rinni oldi. Bu haqda Sport vazirligi ma’lum qildi.

Sportchilarimiz jami 11 ta medal — 6 ta oltin, 2 ta kumush va 3 ta bronza bilan umumjamoa hisobida ikkinchi o‘rinni qo‘lga kiritishdi.

Oltin medal: Fazliddin Erkinboyev (75 kg), Abdumalik Xalokov (60 kg), Asadxo‘ja Mo‘ydinxo‘jayev (65 kg), Javohir Ummataliyev (80 kg), Akmaljon Isroilov (86 kg), To‘rabek Xabibullayev (90 kg).

Kumush medal: Navbahor Hamidova (65 kg), Jahongir Zokirov (+90 kg).

Bronza medal: Sabina Boboqulova (48 kg), Feruza Kazakova (51 kg), Aziza Zokirova (70 kg).

15-sentabr kuni mamlakatda havo harorati kechasi 10-20°, kunduzi 20-35° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Manchester derbisi kutilganidek shiddatli tus oldi. «Etihad» stadionida bo‘lib o‘tgan bahsda «Manchester Siti» raqibi «Manchester Yunayted»ni 3:0 hisobida mag‘lub etdi. Bu haqda The Guardian nashri ma’lum qildi.

Hisobni birinchi bo‘limda Fil Foden ochdi. Ikkinchi bo‘limda esa Foden ikkinchi golini urib, dublga erishdi, so‘ng Erling Holand uchinchi golni kiritib, yirik g‘alabani mustahkamladi. United hujumchilari bir necha marta xavf tug‘dirdi, ammo Donnarummaning aniq harakatlari ularning urinishlarini bekor qildi.

Diqqat markazida bo‘lgan futbolchilardan yana biri — Abduqodir Husanov. O‘zbekistonlik himoyachi jarohatdan keyin safga qaytdi va derbida asosiy tarkibda maydonga tushdi.

Mazkur g‘alaba Cityga jadvalda muhim uch ochko olib keldi va chempionlik poygasida...

Prezidentning 2025-yil 19-martdagi farmoniga muvofiq, «1-oktabr — O‘qituvchi va murabbiylar kuni» munosabati bilan xodimlarni mukofotlash miqdori mehnatga haq to‘lash eng kam miqdorining 75 foizigacha etib belgilangan. Bu haqda huquqshunos Xushnudbek Xudoyberdiyev xabar berdi.

Unga ko‘ra, avval bu ko‘rsatkich 50 foiz edi. Demak, endi ustozlar va boshqa xodimlar ko‘proq mukofot olish imkoniyatiga ega.

Shu bilan birga, bu degani hamma joyda bir xil summada beriladi, degani emas. Direktor jamg‘armasidagi mavjud mablag‘ga qarab, kimdadir 50, kimdadir 60, kimdadir esa 75 foizgacha bo‘lishi mumkin. Maksimal miqdor – 953 ming 250 so‘m.

Muhim jihati shundaki, mukofot faqat o‘qituvchilarga emas, balki maktabning barcha xodimlariga...

14-sentabr kuni Yaponiyaning Tokio shahrida yaponiyalik mutlaq chempion Naoya Inoue (30-0, 27 KO) O‘zbekiston vakili Murodjon Ahmadaliyev (14-1, 11 KO)ga qarshi ringga ko‘tarildi. Jang 12 raund davom etdi va hakamlarning yakdil qarori bilan Inoue g‘alaba qozondi.

Shu tariqa Naoya o‘zining barcha kamarlarini — WBC, WBA, WBO va IBF super bantamweight chempionlik unvonlarini himoya qildi. Hisob quyidagicha qayd etildi: 117-111, 118-110, 118-110.

Murodjon jang davomida faol qarshilik ko‘rsatdi, bir nechta xavfli zarbalar bilan raqibini sinovdan o‘tkazdi. Ammo Inouening tajribasi, tezligi va aniq zarbalari natijani belgilab berdi.

Mazkur natijadan so‘ng Inoue mutlaq chempion sifatida faoliyatini davom ettiradi. Murodjon Ahmadaliyev esa mag‘lubiyatga qaramay...

AQSh rasmiylari Kobulda Tolibon vakillari bilan Afg‘onistonda hibsda saqlanayotgan amerikalik fuqarolar taqdiri yuzasidan muzokara olib bordi. Bu haqda Reuters agentligi ma’lum qildi.

Unga ko‘ra, uchrashuvda AQShning sobiq maxsus elchisi Zalmay Halilzad va Tolibon tashqi ishlar vaziri Amirxon Muttaqiy ishtirok etdi.

Tolibon tashqi ishlar vazirligi ma’lumotiga ko‘ra, tomonlar muzokaralarni davom ettirishga kelishdi, jumladan, bir-birining fuqarolari bo‘yicha hamkorlik masalalari ham muhokama qilinadi. Eng ko‘p e’tibor qaratilayotgan mojaro amerikalik fuqarosi Mahmud Habibi atrofida bo‘lib, AQSh uni noqonuniy ushlab turilayotganini ta’kidlasa, Tolibon uning qayerdaligidan bexabar ekanini bildirmoqda.

Tolibon vakillari, shuningdek, AQSh sanksiyalarini tanqid qildi va investitsiya imkoniyatlari, jumladan, noyob yer metallari sohasida hamkorlikni...

Namangan viloyatining Namangan shahri va Uychi tumanidagi 5 manzilda uch nafar fuqaroga tegishli yashirin dori omborlari aniqlandi. Bu haqda DXX matbuot xizmati ma’lum qildi.

Unga ko‘ra, o‘tkazilgan tekshiruvlarda Xitoy, Rossiya, Hindiston, Turkiya, Germaniya va boshqa davlatlarda ishlab chiqarilgan, hujjatlarsiz 7,2 mlrd so‘mlik 102 mingdan ortiq «Geparin», «Aktovegin», «Hilak forte» va «Ursofalk» kabi kontrafakt dorilar topildi. Shuningdek, kuchli ta’sir qiluvchi «Testosteron» va «Retabolil» ham borligi ma’lum bo‘ldi.

Dori vositalari noqonuniy ravishda Qirg‘izistondan olib kirilgani aniqlangan. Holat yuzasidan JKning tegishli moddalariga asosan jinoyat ishi qo‘zg‘atilib, tergovga qadar surishtiruv ishlari olib borilmoqda.

Eslatib o‘tamiz, avvalroq Toshkent viloyatida «Zardeks» psixotrop dorisi savdosining oldi...

Shimoliy Koreya rahbari Kim Jong Unning singlisi Kim Yo Jong AQSh, Janubiy Koreya va Yaponiya o‘tkazayotgan qo‘shma «Freedom Edge» mashg‘ulotlari o‘zlariga «salbiy oqibatlar» keltirishi mumkinligini ogohlantirdi. Bu haqda Reuters agentligi ma’lum qildi.

Unga ko‘ra, mashg‘ulotlar 15-sentabrdan boshlanib, havo, dengiz va kiber sohalarda mudofaa salohiyatini oshirishga qaratilgan.

Bundan tashqari, Janubiy Koreya va AQSh «Iron Mace» mashg‘ulotlarini ham rejalashtirmoqda. Shimoliy Koreya rasmiylari, jumladan, Pak Jong Chon agar «dushman kuchlar» kuch namoyishida davom etsa, ular yanada kuchliroq qarshi choralar ko‘rishini bildirdi.

Seul va Vashington esa mashg‘ulotlarni mintaqada xavfsizlikni ta’minlash uchun zarur deb ta’kidladi.

Eslatib o‘tamiz, avvalroq Xitoy harbiylari Janubiy Xitoy dengizida muntazam...

Toshkent viloyatida kuchli ta’sir qiluvchi dori vositalari savdosi bilan shug‘ullanib kelgan shaxslar ushlandi. Bu haqda Bosh prokuratura departamenti ma’lum qildi.

Bosh prokuratura huzuridagi Departamentning Ohangaron bo‘limi, DXX va Bojxona xodimlari hamkorligida o‘tkazilgan tezkor tadbirda fuqarolar qo‘lga olindi. Ular xorijda ishlab chiqarilgan 1,4 ming dona «Zardeks» nomli psixotrop dorini Toshkent shahrida sotmoqchi bo‘lganida ushlangan. Dori vositalari daliliy ashyo sifatida olib qo‘yildi.

Hozirda mazkur holat yuzasidan Jinoyat kodeksining 251-1-moddasi asosida jinoyat ishi qo‘zg‘atilib, tergov harakatlari olib borilmoqda. Mutasaddi idoralar noqonuniy dori savdosiga qarshi kurash davom ettirilishini ta’kidladi.

Eslatib o‘tamiz, avvalroq Qirg‘izistondan «Regapen» dori vositasini olib kirgan shaxslar ushlangan edi.

Xitoy harbiylari Janubiy Xitoy dengizida muntazam patrul o‘tkazib, Filippin tomonini provokatsiya va keskinlikni oshirishdan ogohlantirdi. Bu haqda Reuters agentligi ma’lum qildi.

Bu hudud strategik ahamiyatga ega bo‘lib, yillik $3 trln ortiq savdo oqimi o‘tadi. Xitoy deyarli butun hududga da’vo qilsa-da, Filippin, Bruney, Malayziya va Vyetnam ham o‘z da’volarini bildiradi.

Xitoyning ogohlantirishi hududiy tortishuvlar va provokatsiyalarning oldini olishga qaratilgan. Matbuot kotibi ta’kidlashicha, Filippin tomonidan hududga kirish, harbiy mashg‘ulotlar yoki tashqi kuchlarni jalb qilish orqali vaziyatni kuchaytirishga urinishlar muvaffaqiyatsiz bo‘ladi. Shu bilan birga, AQSh, Yaponiya va Filippin birgalikda dengiz mashg‘ulotlarini o‘tkazib, mintaqaviy hamkorlikni mustahkamlash va Hind-Tinch okeani mintaqasini erkin va ochiq...

O‘zbekistonning «Do‘stlik» va «Eski Tuyatortar» kanallari Jahon irrigatsiya merosi obyekti sifatida e’tirof etildi. Bu haqda «Dunyo» AA ma’lum qildi.

Ushbu tanlov Xalqaro irrigatsiya va drenaj komissiyasi 76-Xalqaro ijroiya kengashi majlisi doirasida bo‘lib o‘tdi va kanallarga «WHIS Award – 2025» sertifikatlari topshirildi.

Malayziyaning Kuala-Lumpur shahrida o‘tkazilgan 4-Butunjahon irrigatsiya forumida 70 dan ortiq davlatlar rasmiylari, yetakchi mutaxassislar va 120 ga yaqin xalqaro tashkilotlar vakillari ishtirok etdi. Forum doirasida suv resurslarini tejash, transchegaraviy suvdan samarali foydalanish va zamonaviy sug‘orish texnologiyalarini joriy etish masalalari muhokama qilindi.

Komissiya bosh kotibi Kumar Gupta kanallarni nafaqat mintaqaviy, balki jahon miqyosida qimmatli meros ekanini ta’kidladi va O‘zbekistonning...