Yangiliklar

Yaponiya Immigratsiya xizmatlari agentligi mamlakatda noqonuniy yashab kelgan ikki nafar O‘zbekiston fuqarosini deportatsiya qildi. Bu haqda Yaponiyaning O‘zbekistondagi elchixonasi ma’lum qildi.

Ma’lumotga ko‘ra, deportatsiya 15-may kuni Yaponiya davlat budjeti hisobidan amalga oshirilgan. Har ikki fuqaro Yaponiyaga «talaba» vizasi bilan borgan. Biroq viza muddati tugaganidan keyin ham mamlakatni tark etmay, noqonuniy ravishda qolgan. Shundan so‘ng ular Yaponiya rasmiylari tomonidan hibsga olingan va mamlakatdan chiqarib yuborilgan.

Elchixona «talaba» vizasi ishlash uchun emas, faqat o‘qish maqsadida berilishini eslatgan. Noqonuniy yashash yoki noqonuniy mehnat qilish holatlari aniqlansa, qat’iy choralar ko‘riladi. Bunday choralar qatoriga politsiya tomonidan hibsga olish, immigratsiya muassasalarida ushlab turish yoki deportatsiya...

Etihad Airways va Uzbekistan Airways kodshering kelishuvini imzoladi. Bu haqda kompaniya matbuot xizmati Kursiv Uzbekistan nashri ma’lum qildi.

Ushbu kelishuv Etihad yo‘lovchilariga Toshkent orqali O‘zbekistonning sakkiz shahriga yagona chipta bilan uchish imkonini beradi. Kelishuv 2026-yil 15-maydan kuchga kiradi. Uning doirasidagi ilk parvozlar 2026-yil 9-avgustdan boshlab amalga oshiriladi. Yangi hamkorlik Etihad’ning Abu-Dabi va Toshkent o‘rtasidagi har kunlik reysi ishga tushishi bilan bir vaqtda boshlanadi. Ushbu yo‘nalish bo‘yicha parvozlar yozda yo‘lga qo‘yiladi.

Hamkorlik doirasida Etihad yo‘lovchilari Uzbekistan Airways reyslari orqali Toshkentdan Samarqand, Urganch, Nukus, Termiz, Farg‘ona, Namangan, Andijon va Buxoroga borishi mumkin bo‘ladi. Shuningdek, Uzbekistan Airways yo‘lovchilari Toshkent orqali Etihad’ning yangi...

Jizzax viloyatining Zomin tumanida noqonuniy diniy ta’lim berish holati aniqlandi. Bu haqda «Zamon» ko‘rsatuvida ma’lum qilindi.

Xabar berilishicha, Nihol mahallasida yashovchi, 1983-yilda tug‘ilgan shaxs o‘z xonadonida moddiy manfaat evaziga diniy ta’lim bergan. U Andijon shahridagi Sog‘lom turmush mahallasida yashovchi, 2006-yilda tug‘ilgan fuqaro bilan birga dars o‘tgan. Diniy ta’lim shu yil 20-fevraldan buyon hujra sharoitida olib borilgani aytilmoqda.

Darslarga jami yetti nafar shaxs jalb qilingan. Ularning olti nafari voyaga yetmagan bolalar bo‘lgan. Mashg‘ulotlarda Qur’oni karim, Muallimi soniy va Tajvidli Qur’on kitoblaridan foydalanilgan. Tekshiruv davomida dars o‘tish uchun zarur sharoitlar ham bo‘lmagani aniqlangan.

Qayd etilishicha, dars bergan shaxslar maxsus diniy ma’lumotga ega...

Yer maydoni qaytarib olingan ayrim fermer xo‘jaliklari jarimaga duch kelmoqda. Savdo-sanoat palatasidagi tadbirkorlar bilan o‘tkazilgan uchrashuvda fermerlarning ko‘pi xo‘jalik yeridan ayrilgach, yuridik shaxs ham avtomatik tugatiladi deb o‘ylayotgani bildirildi.

Amaldagi qonunchilikka ko‘ra, yer uchastkasi qaytarib olingani fermer xo‘jaligining avtomatik tugatilishini anglatmaydi. Yuridik shaxsni tugatish alohida tartibda amalga oshiriladi va buning uchun ma’lum vaqt talab etiladi.

Natijada ayrim fermer xo‘jaliklari davlat ro‘yxatidan chiqarilmay qolmoqda. Bu esa soliq hisobotlari topshirilmagan deb hisoblanib, avtomatik tarzda jarimalar yozilishiga olib kelmoqda.

Shu munosabat bilan yig‘ilishda fermerlarni yer qaytarib olingani haqida avtomatik xabardor qilish, xo‘jaliklarni ixtiyoriy tugatish yoki qayta tashkil etish bo‘yicha soddalashtirilgan tizim joriy...

Birlashgan Arab Amirliklaridagi yadro stansiyasiga uyushtirilgan hujumdan so‘ng neft narxi so‘nggi ikki haftadagi eng yuqori ko‘rsatkichga ko‘tarildi. Bu haqda Reuters xabar bermoqda.

18-may kungi savdolarda Brent markali neft fyucherslari narxi 1,86 foizga oshib, barreli uchun $111,29 ni tashkil etdi. Savdolar davomida narx $112 gacha ko‘tarildi. AQShning WTI markali neft fyucherslari esa 2,19 foizga oshib, $107,73 ga yetdi.

O‘tgan haftada AQSh, Isroil va Eron o‘rtasidagi mojarolarni tugatish bo‘yicha umidlar susaygani ortidan ikkala markadagi neft narxi 7 foizdan ko‘proqqa oshgan edi.

Prestige Economics tahlilchisi Jeyson Shenkerning ta’kidlashicha, Eron bilan ziddiyat qanchalik uzoq davom etsa, neft narxiga shunchalik salbiy ta’sir ko‘rsatadi...

Xorazm viloyatining Urganch shahrida fuqaroni Janubiy Koreyaga ishga yuborishni va’da qilgan shaxslar ushlandi. Bu haqda Bosh prokuratura huzuridagi Departament ma’lum qildi.

Departamentning Urganch shahri bo‘limi va boshqa huquqni muhofaza qiluvchi organlar hamkorligida tezkor tadbir o‘tkazilgan. Ma’lum qilinishicha, ikki fuqaro o‘zaro til biriktirib, boshqa bir fuqaroni Janubiy Koreyaga ishga yuborishni va’da qilgan.

Ular Migratsiya agentligida yuqori lavozimlarda ishlovchi tanishlari orqali bu masalani hal qilib berishini aytgan. Buning evaziga fuqarodan $2,4 ming va 1,2 mln so‘mni firibgarlik yo‘li bilan olgani aytilmoqda.

Tezkor tadbir davomida ular ushbu pullarni olayotgan vaqtida ashyoviy dalillar bilan ushlangan. Holat yuzasidan Jinoyat kodeksining 168-moddasi, ya’ni firibgarlik hamda...

Tijorat banklari tomonidan 18-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar hafta davomida qanday o‘zgargani haqida yozgandi.

«Yigitlar» (The Boys) seriali beshinchi mavsumining yakuniy qismi uchun treyler namoyish qilindi, unda qahramonlarning so‘nggi jangga tayyorgarligi aks etgan. Treyler Prime Video platformasida taqdim qilindi.

Treyler asosiy qahramonlarni namoyish etadi. Butcherning superqahramonlarga barham berish istagini ifodalovchi monologi ham qisqa videodan o‘rin olgan.

«Biz bu superqahramonlar degan jinni g‘oyaga chek qo‘yishimiz kerak. Superqahramonlar tugadi», – deydi u videoda.

Avvalroq e’lon qilingan posterga ko‘ra, finalda Oq uyda Butcher va Xoumlender o‘rtasida to‘qnashuv bo‘lishi kutilmoqda. Beshinchi mavsumning oldingi qismlari tomoshabinlar tomonidan turlicha kutib olindi. Serialni to‘ldiruvchi epizodlar va yakunlanmagan syujet liniyalarining ko‘pligi sababli tanqid qilishdi.

IMDb platformasida...

18-may kuni London fond birjasida O‘zbekiston Milliy investitsiya jamg‘armasi aksiyalarining birlamchi ommaviy joylashtirilishi (IPO) bo‘yicha rasmiy marosim bo‘lib o‘tadi. Shu kuni birjada UzNIF GDTlari bilan savdo jarayonlariga start berilishi kutilmoqda. Tadbirda Prezident Administratsiyasi rahbari Saida Mirziyoyeva va iqtisodiy siyosat bo‘yicha maslahatchi Obid Hakimov ishtirok etishi kutilmoqda, deb xabar berdi UzA. Mazkur marosimni ushbu havola orqali bevosita kuzatib borishingiz mumkin.

Mazkur voqea mamlakat kapital bozorini xalqaro moliya maydoniga olib chiqish yo‘lidagi muhim qadam sifatida baholanmoqda. Jamg‘armaning London birjasiga chiqishi O‘zbekistondagi iqtisodiy islohotlar, ochiqlik va shaffoflik tamoyillarini kengaytirish hamda investitsiyaviy muhitni yaxshilash borasidagi sa’y-harakatlarning amaliy ifodasi ekani ta’kidlandi.

Kutilayotgan IPO...

Namanganda an’anaviy xalqaro gullar festivalining 65-mavsumi 24-may kuni Bobur nomidagi madaniyat va istirohat bog‘ida tantanali ochiladi. Bu haqda «Dunyo» axborot agentligi xabar berdi.

Festival 12-iyulga qadar davom etadi. Tashkilotchilar ma’lumotiga ko‘ra, bu yilgi tadbirda 50 dan ortiq davlatlardan qariyb 1 mln xorijiy sayyoh va 7 mln dan ziyod mahalliy mehmonlar ishtirok etishi kutilmoqda.

Festival doirasida 150 dan ortiq madaniy, sport va ko‘ngilochar tadbirlar o‘tkaziladi. Dron-shou, gala-konsertlar, avtoparad, moda haftaligi, simfonik konsertlar, xalqaro forumlar va sport musobaqalari shular jumlasidan.

24-may kuni festival ochilishi munosabati bilan Namangan ko‘chalarida gullar bilan bezatilgan avtomobillar paradi tashkil etiladi. Kechki payt esa «Yangi O‘zbekiston» bog‘ida...

Xiaomi kompaniyasi tomonidan yangi Xiaomi YU7 GT avtomobili 21-may kuni Xitoyda taqdim etiladi. Bu haqda CarNewsChina nashri xabar bermoqda.

Model yuqori unumdorlikka ega SUV sifatida ishlab chiqilgan. Taqdimot Pekin vaqti bilan 19:00 da boshlanadi. Unda Xiaomi YU7 GT bilan birga kompaniyaning boshqa ekotizim mahsulotlari ham namoyish qilinadi. Kompaniya tadbirda Xiaomi 17 Max smartfoni, ilk clip-on quloqchinlari, Xiaomi Band 10 Pro va yangi aqlli uy qurilmalarini ham taqdim etishi kutilmoqda.

Xiaomi YU7 GT avvalroq rasmiy suratlarda Crimson Red rangida ko‘rsatilgan edi. Model Nürburgring trassasi uchun sozlangan yo‘nalishga ega sport SUV sifatida ta’riflanmoqda. Xiaomi Auto ma’lumotiga ko‘ra, YU7 GT ikki motorli...

Ijtimoiy himoya milliy agentligi yetim va ota-ona qaramog‘idan mahrum bo‘lgan shaxslarga berilgan uy-joylarni xususiylashtirish masalasiga izoh berdi. Bu haqda agentlik matbuot xizmati ma’lum qildi.

Qayd etilishicha, 2021-yil 25-oktabrgacha yetim va ota-ona qaramog‘idan mahrum bo‘lgan bolalarga turarjoylar Vazirlar Mahkamasining 2010-yil 2-avgustdagi 164-son qarori asosida berilgan. Ushbu tartibga ko‘ra, uylar davlat uy-joy fondidan ijara shartlari asosida foydalanish huquqi bilan ajratilgan.

Uy-joy kodeksining 8-moddasiga muvofiq, maqsadli kommunal uy-joy fondiga kiruvchi turarjoylar ijtimoiy himoyaga muhtoj va kam ta’minlangan fuqarolarga xususiylashtirish huquqisiz ijara asosida beriladi. Mazkur fondni boshqarish hokimliklar vakolatiga kiradi.

Agentlik ma’lumotiga ko‘ra, maqsadli kommunal uy-joy fondiga kiruvchi turar joylar Ijtimoiy himoya milliy...

AQSh Senatining qoidalar bo‘yicha mas’ul rasmiysi prezident Donald Trampning Oq uyda bal zali qurish loyihasi uchun ajratilishi ko‘zda tutilgan federal xavfsizlik mablag‘ini xarajatlar paketidan chiqarib tashladi. Bu haqda BBC xabar bermoqda.

Tramp avvalroq $400 mlnlik bal zali xususiy donorlar hisobidan moliyalashtirilishini aytgan edi. Biroq respublikachilar Maxfiy xizmat xavfsizlik infratuzilmasini yangilash uchun ko‘zda tutilgan $1 mlrdlik mablag‘ning bir qismini Oq uyning Sharqiy qanotidagi ta’mirlash ishlariga yo‘naltirmoqchi bo‘lgan.

Respublikachilar bu mablag‘ prezident xavfsizligini kuchaytirish uchun zarurligini bildirgan. Aprel oyida Tramp qatnashgan gala tadbirda otishma sodir bo‘lganidan keyin xavfsizlik masalasi yana kun tartibiga chiqqan.

Senat parlamentariysi Elizabet Makdono shanba kuni ushbu band...

Isroil bosh vaziri Binyamin Netanyahu va AQSh prezidenti Donald Tramp telefon orqali muloqotida Eron bilan urush qayta boshlanishi ehtimolini muhokama qildi. Bu haqda The Times of Israel nashri xabar bermoqda.

Ma’lumotlarga ko‘ra, telefon suhbati Isroilda xavfsizlik masalalari bo‘yicha yopiq yig‘ilish arafasida bo‘lib o‘tgan. Tomonlar Eron bilan mojaro qanday rivojlanishi mumkinligini muhokama qilgan. Shuningdek, suhbat davomida Trampning Xitoyga qilgan so‘nggi tashrifi yakunlari ham ko‘rib chiqilgan.

Netanyahu avvalroq hukumat yig‘ilishida Tramp bilan gaplashishini ma’lum qilgan edi. Yig‘ilish Quddus kuni munosabati bilan o‘tkazilgan.

«Men, albatta, uning Xitoy safaridan olgan taassurotlarini eshitaman. Shuningdek, boshqa masalalar bo‘yicha fikrini ham bilishim...

Toshkentdagi Islom sivilizatsiyasi markazida o‘tkazilgan Ilmiy kengash yig‘ilishida mamlakatga qaytarib olib kelingan noyob tarixiy osori atiqalar namoyish etildi. Bu haqda markaz axborot xizmati ma’lum qildi.

Ushbu amaliyot Yevropa xavfsizlik va hamkorlik tashkiloti huzuridagi Heritage Crime Task Force, London politsiyasining san’at va antikvar jinoyatlar bo‘limi, Art Loss Register hamda O‘zbekistondagi Islom sivilizatsiyasi markazi hamkorligida amalga oshirilgan.

Loyihada O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyati, ya’ni WOSCU ham ishtirok etgan. Taqdim qilingan artefaktlar Markaziy Osiyo sivilizatsiyasining ko‘p asrlik tarixini aks ettiradi. Ular buddaviy, sug‘diy va islomiy madaniy qatlamlarga oid namunalardan iborat.

Eksponatlar orasida Kushon davriga mansub haykal boshlari...

Jahon sog‘liqni saqlash tashkiloti Kongo Demokratik Respublikasi hamda Ugandada qayd etilgan, o‘nlab qurbonlarga sabab bo‘lgan Ebola epidemiyasini favqulodda holat deb e’lon qildi. Bu haqda Reuters xabar berdi.

Kasallik Ebolaning Bundibugyo virusi shtammi tomonidan keltirib chiqarilgan bo‘lib, hozirgacha 80 kishining o‘limiga sabab bo‘lgan. Kongoning Ituri provinsiyasida 246 ta gumon qilingan va 8 ta tasdiqlangan holat ro‘yxatga olingan. Shuningdek, Uganda poytaxti Kampalada ham Kongodan kelgan sayohatchilarda ikkita holat tasdiqlangan va ulardan biri vafot etgan.

JSST xabariga ko‘ra, epidemiya hozircha pandemiya mezonlariga javob bermasa-da, quruqlikdagi chegaralar orqali boshqa davlatlarga tarqalish ehtimoli yuqori. Tashkilot xavotirini oshirayotgan asosiy omil shundaki, Ebolaning Zaire shtammidan farqli...

Toyota RAV4 bazasida ixcham pikap ishlab chiqarish imkoniyatini ko‘rib chiqmoqda. Bunday model AQSh bozorida mashhur bo‘lgan Ford Maverick’ka raqobatchi bo‘lishi mumkin.

Kompaniyaning Shimoliy Amerikadagi bo‘linmasi rahbariyati RAV4 asosidagi pikap istiqbolli yo‘nalish sifatida ko‘rilayotganini bildirgan. Toyota dilerlari ham bunday model paydo bo‘lishini kutmoqda. Ixcham pikaplar segmentiga qiziqish Ford Maverick muvaffaqiyati bilan bog‘liq. Ushbu model AQShda bir yil ichida 155 mingdan ortiq dona sotilgan.

Maverick savdosi hatto undan yirikroq Ford Ranger ko‘rsatkichlaridan ham yuqori bo‘lgan. Shu sababli boshqa ishlab chiqaruvchilar ham ushbu segmentga e’tibor qaratmoqda.

Biroq hozircha raqobatchilar Ford Maverick muvaffaqiyatini takrorlay olgani yo‘q. Masalan, Hyundai Santa Cruz savdosi ancha sust...

18-may kuni O‘zbekistonning ayrim hududlarida qisqa muddatli yomg‘ir yog‘adi. Ba’zi joylarda momaqaldiroq bo‘lishi mumkin. Bu haqda Gidrometeorologiya xizmati agentligi ma’lum qildi.

Farg‘ona vodiysida yog‘ingarchilik kutilmaydi. Respublika bo‘yicha shamol 7–12 m/s tezlikda esadi. Ba’zi joylarda uning tezligi 13–18 m/s gacha kuchayadi. Ayrim hududlarda shamol 20–22 m/s gacha yetishi mumkin. Shamol chang-to‘zonlar bilan kuzatilishi ehtimoli bor. Kunduzi havo harorati 30–35 daraja bo‘ladi.

Toshkent shahrida kechga yaqin qisqa muddatli yomg‘ir yog‘ishi mumkin. Poytaxtda momaqaldiroq ehtimoli ham bor. Shamol 3–8 m/s tezlikda esadi. Ayrim vaqtlarda u 10–12 m/s gacha kuchayishi, chang-to‘zonlar kuzatilishi mumkin. Toshkentda havo harorati 33–35 darajani tashkil etadi.

Tog‘oldi va tog‘li...

Turkiya Superligasida mavsum yakunlariga ko‘ra, Eldor Shomurodov nigeriyalik Pol Onuachu bilan birgalikda eng ko‘p – 22 tadan gol urib, mavsum to‘purari nomiga sazovor bo‘ldi.

So‘nggi o‘yinda «Trabzonspor» hujumchisi Pol Onuachu gol ura olmadi. Nigeriyalik futbolchi oxirgi besh uchrashuvda o‘z hisobiga bittayam gol yozdirib qo‘ya olmagan bir paytda, Eldor Shomurodov so‘nggi 6 ta o‘yinda 6 ta gol urishga muvaffaq bo‘ldi.

Eldor penaltisiz urilgan gollar va gol+pas tizimi bo‘yicha ham eng yaxshi ko‘rsatkichga ega bo‘ldi. Asosiy raqobatchisi Onuachu hisobida 6 ta penaltidan urilgan gol mavjud bo‘lsa, o‘zbekistonlik hujumchida bu ko‘rsatkich 4 tani tashkil etadi.

Statistik tahlillarga ko‘ra, Eldor xG (kutilgan gollar...

Counterpoint Research hisobotiga ko‘ra, yangi Galaxy S26 savdosi dastlabki olti haftada Galaxy S25 seriyasiga nisbatan 15 foizga yuqori bo‘lgan.

Hisobotda aytilishicha, Galaxy S26 qatori taqdim etilganidan keyin qisqa vaqt ichida kuchli talabga ega bo‘ldi. Shu davrda Samsung kompaniyasining umumiy smartfon savdosi ham o‘tgan yilning mos davridagiga nisbatan 5 foizga oshgan.

Bu ko‘rsatkich kompaniya brendiga talab barqaror saqlanayotganini ko‘rsatadi. Ayniqsa, Xitoy ishlab chiqaruvchilari ayrim bozorlarda bosimga duch kelayotgan bir paytda Samsung o‘z pozitsiyasini mustahkamlab bormoqda.

Galaxy S26 seriyasi AQSh va Janubiy Koreya kabi rivojlangan bozorlarda yaxshi sotilgan. Ushbu mamlakatlarda yangi flagmanlar savdosi ikki xonali foizlarda o‘sgan. Biroq Xitoy va Yaponiyada...

Andijon viloyatida tadbirkordan $5 ming talab qilgan «Energosavdo» yuriskonsulti qo‘lga olindi. Bu haqda Davlat xavfsizlik xizmati (DXX) xabar bermoqda.

Ma’lum qilinishicha, «Hududiy elektr tarmoqlari» AJning «Energosavdo» filiali Andijon bo‘linmasi yetakchi yuriskonsulti pishloq ishlab chiqaruvchi MCHJdan $5 ming talab etgan. U korxonaga nisbatan rasmiylashtirilgan dalolatnoma bo‘yicha hisoblangan 788,4 mln so‘mlik moddiy zararni bartaraf etib berishini aytgan.

Ushbu zarar elektr energiyasidan noto‘g‘ri foydalanish holati bo‘yicha hisoblangan. Joriy yil 1-may kuni yuriskonsult so‘ralgan pulning $500 qismini olgani aytilmoqda. Keyinroq DXX va Iqtisodiy jinoyatlarga qarshi kurashish departamenti xodimlari hamkorligida tezkor tadbir o‘tkazilgan.

Tadbir davomida u qolgan $4,5 mingni olayotgan vaqtida ashyoviy dalillar bilan...

Mirziyoyevning Turkistonga tashrifi, 35 mlrd dollarga yetgan energetika sarmoyasi — hafta davomida e’lon qilingan muhim yangiliklar Kursiv Uzbekistan dayjestida.

Toshkentda kuchli yomg‘ir sabab 23 ta manzilda suv to‘plandi

Foto: Toshkent shahar hokimligi

10-may kuni Toshkent shahrida kuzatilgan kuchli yog‘ingarchilik natijasida poytaxtning sakkizta tumanidagi 23 ta manzilda suv to‘planish holatlari qayd etildi. Bu haqda Toshkent shahar hokimligi ma’lum qildi.

Dua Lipa Samsung kompaniyasini sudga berdi

Foto: Reuters

Xonanda Dua Lipa o‘z suratidan Samsung kompaniyasi ruxsatsiz televizor qutilarida foydalangani uchun sudga murojaat qildi. Bu haqda Reuters agentligi xabar berdi.

Dua Lipa $15 mlnlik da’vo arizasi kiritgan...

Eron janubidagi Bushehr viloyatida avtobus ishtirokida yo‘l-transport hodisasi yuz berdi. Dastlabki ma’lumotlarga ko‘ra, hodisa oqibatida 8 kishi halok bo‘lgan.

Eron davlat televideniyesi xabariga ko‘ra, Asaluyeh – Kongon yo‘nalishida harakatlanayotgan avtobus Sirof ko‘prigi yaqinida ag‘darilib ketgan. Hodisa oqibatida yana bir necha kishi turli darajada jarohat olgan. Jabrlanganlarga voqea joyida birinchi tibbiy yordam ko‘rsatilgan.

Shundan so‘ng ular yaqin atrofdagi shifoxonalarga yetkazilgan. Avariya sabablari hozircha aniqlanmoqda. Ma’lumotlarga ko‘ra, Eronda har yili yo‘l-transport hodisalari oqibatida qariyb 20 ming kishi halok bo‘ladi.

Eslatib o‘tamiz, Kursiv Uzbekistan nashri AQSh Eronga muzokara uchun beshta shart qo‘ygani haqida yozgan edi.

O‘zbekistonda uy-joy savdosi yil boshidan buyon 34,8 foizga oshdi. Bu haqda Iqtisodiy tadqiqotlar va islohotlar markazi (CERR) 2026-yil aprel oyi yakunlari bo‘yicha O‘zbekiston ko‘chmas mulk bozori sharhida ma’lum qilindi.

Ma’lumotlarga ko‘ra, aprel oyida uy-joy bo‘yicha 23,3 mingta oldi-sotdi bitimi rasmiylashtirilgan. Bu 2025-yil aprel oyidagiga nisbatan 4,7 foizga kam.

Shu bilan birga, yil boshidan buyon uy-joy oldi-sotdi bitimlari soni 125 mingtadan oshgan. Bu o‘tgan yilning mos davriga nisbatan qariyb 34,8 foizga ko‘p.

Hududlarda savdo faolligi

Yanvar – aprel oylarida uy-joy savdosi eng yuqori sur’atda Sirdaryo viloyatida oshgan. Bu hududda bitimlar soni 50 foizga ko‘paygan. Andijon viloyatida o‘sish 42 foizni...