Yangiliklar

Eron ommaviy axborot vositalari AQSh Tehronga muzokaralarni qayta boshlash uchun beshta asosiy shart qo‘yganini ma’lum qildi. Bu haqda Anadolu xabar bermoqda.

Fars agentligi xabariga ko‘ra, Vashington talablaridan biri Eronning barcha yadroviy obyektlaridagi faoliyatni to‘xtatishdir. Faqat bitta obyekt bundan mustasno bo‘lishi mumkin. Shuningdek, AQSh Eronga hech qanday kompensatsiya to‘lamaslikni talab qilmoqda. Yana bir shart 400 kg boyitilgan uranni AQShga topshirish bilan bog‘liq.

Vashington muzokaralar doirasida Eronning muzlatilgan aktivlarini ochish masalasini ham rad etgan. Bundan tashqari, AQSh muzokaralarni barcha frontlarda urushni to‘xtatish sharti bilan bog‘lamoqda.

Eron esa avvalroq muzokaralar uchun o‘z shartlarini e’lon qilgan edi. Tehron barcha frontlarda, jumladan, Livanda urushni...

General Motors Braziliya bozorida 2027-yilgi Chevrolet Spin MPV modelining yangi besh o‘rindiqli LTZ versiyasini taqdim etdi. Bu haqda GMAutority nashri xabar bermoqda.

Yangi modifikatsiya avtomobilning 2027-yilgi yangilangan qatori ishga tushirilganidan ko‘p o‘tmay namoyish qilindi. Kompaniya ushbu versiya oilalar, professional haydovchilar va kundalik foydalanishda qulaylikka e’tibor beradigan mijozlar uchun mo‘ljallanganini bildirdi.

GM Janubiy Amerika mahsulot marketingi menejeri Gabriel Alabarsening aytishicha, Spin kenglik, amaliylik va chidamlilikni qadrlaydigan mijozlar orasida mustahkam o‘rin egallagan. Uning so‘zlariga ko‘ra, yangi besh o‘rindiqli LTZ versiyasi model imkoniyatlarini kengaytiradi. Bu avtomobil ko‘proq qulaylik va amaliylik istagan xaridorlar uchun taklif qilinmoqda.

Yangi Chevrolet Spin LTZ Braziliyada ishlab chiqarilgan...

Qozog‘iston prezidenti Qasim-Jomart Toqayev Turkiy davlatlar tashkilotini harbiy ittifoq yoki geosiyosiy blokka aylantirish g‘oyasini qo‘llab-quvvatlamasligini bildirgan. U bu haqda Turkiston shahrida o‘tgan tashkilotning norasmiy sammitida aytgan.

Toqayevga ko‘ra, so‘nggi vaqtlarda Turkiy davlatlar tashkiloti doirasida harbiy ittifoq tuzish bo‘yicha fikrlar bildirilmoqda. Qozog‘iston prezidenti bunday yondashuvni rad etish kerakligini ta’kidladi.

«Yaqinda harbiy ittifoq haqidagi fikrlar ham bildirildi. Ularning salbiy niyatlari bizga aniq. Maqsadlari yarashuv bilan bog‘liq emasligini ham tushunamiz. Qozog‘iston bunday pozitsiyani rad etish kerak deb hisoblaydi», – degan Toqayev.

Qozog‘iston rahbarining aytishicha, Turkiy davlatlar tashkiloti geosiyosiy loyiha yoki harbiy tuzilma emas. U savdo, iqtisodiyot, yuqori...

Samsung Galaxy S26 Ultra kompaniyaning eng kuchli flagman smartfonlaridan biri sifatida taqdim etilmoqda. Model bir qator qulayliklarga ega. Sammobile nashri e’lon qilgan materialda smartfonning qulayliklari va imkoniyatlari haqida so‘z boradi.

Maqolada quyidagilar haqida so‘z boradi:

Galaxy AI kundalik vazifalarni yengillashtiradi

Galaxy S26 Ultra’da Galaxy AI imkoniyatlari yanada kengaytirilgan. Now Brief va...

O‘zbekiston prezidenti Shavkat Mirziyoyev 17 – 18-may kunlari amaliy tashrif bilan Ozarbayjonda bo‘ladi. Bu haqda prezident matbuot xizmati xabar bermoqda.

Tashrif Ozarbayjon prezidenti Ilhom Aliyev taklifiga binoan amalga oshiriladi. Davlat rahbari Boku shahrida Butunjahon urbanizatsiya forumi 13-sessiyasining Yetakchilar sammitida ishtirok etadi.

Sammit BMTning Aholi punktlari bo‘yicha dasturi shafeligida o‘tkazilmoqda. Shavkat Mirziyoyev tadbirda nutq so‘zlashi rejalashtirilgan. Forum shaharlarni barqaror rivojlantirish masalalariga bag‘ishlangan. Unda arzon uy-joy bilan ta’minlash, shahar muhiti sifatini oshirish va iqlim barqarorligi muhokama qilinadi.

Shuningdek, uy-joyni moliyalashtirish mexanizmlarini takomillashtirish masalalari ham ko‘rib chiqiladi. Tashrif doirasida xorijiy delegatsiyalar rahbarlari bilan uchrashuv va muzokaralar o‘tkazilishi ko‘zda tutilgan.

Avvalroq Mirziyoyev Qasim-Jomart...

Surxondaryo viloyatida Afg‘onistondan olib kirilgan katta miqdordagi giyohvandlik moddasi aniqlandi. Tezkor tadbir DXX, Chegara qo‘shinlari va Bojxona qo‘mitasi hamkorligida o‘tkazilgan.

Ma’lum qilinishicha, Afg‘oniston fuqarosi boshqaruvidagi Mercedes yuk mashinasi «Termiz-avto» chegara bojxona postiga kirib kelgan. Transport vositasi belgilangan tartibda tekshiruvdan o‘tkazilgan. Tekshiruv davomida yuk mashinasi tirkamasidagi Doosan rusumli ekskavator inspeksion ko‘rik majmuasi orqali skaner qilingan. Shunda texnikaning ko‘targich qismida konstruksiyada ko‘rsatilmagan shubhali predmetlar borligi aniqlangan.

Shundan so‘ng ekskavator maxsus texnik vosita yordamida ko‘zdan kechirilgan. Natijada uning ko‘targich qismiga 593 kg gashish va 3 kg opiy yashirilgani ma’lum bo‘lgan. Huquqni muhofaza qiluvchi organlar ma’lumotiga ko‘ra, jinoiy guruh giyohvandlik moddasini tong saharda...

Prezident Shavkat Mirziyoyev Qozog‘iston prezidenti Qasim-Jomart Toqayevni tug‘ilgan kuni bilan tabrikladi. Bu haqda Qozog‘iston rahbari matbuot xizmati xabar berdi.

Shuningdek, Toqayevni Rossiya prezidenti Vladimir Putin, Xitoy raisi Si Szinpin, Qirg‘iziston prezidenti Sadir Japarov, Tojikiston prezidenti Emomali Rahmon va Turkmaniston prezidenti Serdar Berdimuhamedov tabriklagan.

Tabrik yo‘llaganlar orasida Ozarbayjon prezidenti Ilhom Aliyev, Belarus prezidenti Aleksandr Lukashenko, Armaniston prezidenti Vaagn Xachaturyan va Armaniston bosh vaziri Nikol Pashinyan ham bor. Bundan tashqari, BAA prezidenti shayx Muhammad bin Zoid Ol Nahayon, Dubay hukmdori shayx Muhammad bin Roshid Ol Maktum va Qatar amiri shayx Tamim bin Hamad Ol Soniy ham tabrik yo‘llagan.

Eslatib...

2026-yil 1-may holatiga ko‘ra, soliq qarzi 100 mln so‘mdan yuqori bo‘lgan ishlab chiqarish korxonalari soni 955 tani tashkil etdi. Ularning jami soliq qarzdorligi 1,5 trln so‘mga yetgan.

Ma’lumotlarga ko‘ra, ushbu qarzdorlikning 562,2 mlrd so‘mi soliq qarzi eng ko‘p bo‘lgan 10 ta korxona hissasiga to‘g‘ri keladi. Bu jami qarzdorlikning 37,8 foizini tashkil qiladi.

Hududlar kesimida eng yuqori soliq qarzdorligi Farg‘ona viloyatida qayd etilgan. Bu yerda ishlab chiqarish korxonalarining soliq qarzi 328,3 mlrd so‘mga yetgan. Keyingi o‘rinda Toshkent viloyati turibdi. Viloyatdagi ishlab chiqarish korxonalarining soliq qarzdorligi 295 mlrd so‘mni tashkil qilgan.

Uchinchi o‘rinda Andijon viloyati qayd etilgan. Bu hududda soliq qarzdorligi...

Nigeriyaning shimoli-sharqidagi Borno shtatida qurollangan shaxslar 50 dan ziyod bolalarni o‘g‘irlab ketdi. Hodisa Mussa shahridagi uchta maktabda yuz bergan.

BBC ma’lumotiga ko‘ra, yo‘qolgan bolalarning aksariyati ikki yoshdan besh yoshgacha bo‘lgan. Guvohlarning aytishicha, hujum juma kuni ertalab sodir etilgan. Qurollangan shaxslar bolalarni olib qochish vaqtida ulardan «tirik qalqon» sifatida foydalangan. Shu sababli xavfsizlik kuchlari ularga qarata o‘q uza olmagan.

O‘g‘irlash holatlari Mussa shahridagi Government Day Secondary School, Mussa Central Primary School va State Universal Basis Education Board Secondary School’da qayd etilgan. Borno janubi senatori Ali Ndume shanba kuni bergan bayonotida kamida 42 bola ikki maktabdan o‘g‘irlab ketilganini bildirgan. Biroq o‘qituvchilar...

Xiaomi prezidenti Lu Veybin Xitoyda ayrim yuqori toifadagi smartfonlar narxi 10 ming yuan ($1,5 ming)dan oshishi mumkinligini aytdi. Bu haqda Gizmochina nashri xabar bermoqda.

Uning so‘zlariga ko‘ra, bunday narxlar 2026-yil oxirigacha kuzatilishi mumkin. Bunga xotira komponentlari qimmatlashayotgani sabab bo‘lmoqda. Taqqoslash uchun, Xiaomi 17 Ultra’ning 12 GB tezkor va 512 GB doimiy xotirali versiyasi Xitoyda 7 ming yuandan sotuvga chiqqan edi. Bu qariyb $980 ga teng.

Lu Veybinning aytishicha, DRAM va NAND flesh xotira narxlari keskin oshgan. Shu sababli smartfon ishlab chiqaruvchilar xarajatlarni qoplashda qiynalmoqda. Xiaomi kelajakdagi qurilmalar narxini hali muhokama etmoqda. Jumladan, Xiaomi 17 Max kabi modellar bo‘yicha yakuniy...

OpenAI va Malta hukumati AI for All dasturini ishga tushirmoqda. Kompaniyaga ko‘ra, loyiha doirasida Malta aholisi ChatGPT Plus obunasidan bir yil davomida bepul foydalanadi.

Buning uchun fuqarolar avval sun’iy intellekt savodxonligi bo‘yicha maxsus kursni tamomlashi kerak. Kurs Malta universiteti tomonidan ishlab chiqilgan. Dastur keng auditoriya uchun mo‘ljallangan. Unda sun’iy intellekt nima ekani, uning imkoniyatlari va cheklovlari tushuntiriladi.

Shuningdek, kursda ChatGPT’dan uyda, ishda va o‘qishda mas’uliyat bilan foydalanish bo‘yicha ko‘nikmalar beriladi. Kursni yakunlagan ishtirokchilarga ChatGPT Plus obunasi bir yilga bepul taqdim etiladi. Dasturning birinchi bosqichi may oyida boshlanadi. Keyinchalik u xorijda yashayotgan Malta fuqarolariga ham tatbiq etiladi.

OpenAI ushbu loyihani...

17-may kuni O‘zbekiston hududining katta qismida yog‘ingarchilik kutilmaydi. Faqat Qoraqalpog‘iston Respublikasi va Xorazm viloyatining ayrim joylarida qisqa muddatli yomg‘ir yog‘ishi mumkin.

Ushbu hududlarda momaqaldiroq kuzatilishi ehtimoli bor. Shamol 7–12 m/s tezlikda esadi. Ba’zi joylarda uning tezligi 13–18 m/s gacha kuchayadi. Ayrim hududlarda shamol 20–22 m/s gacha yetishi mumkin. Shu sababli chang-to‘zonlar kuzatilishi ehtimoli bor.

Kunduzi havo harorati 32–37 daraja atrofida bo‘ladi. Toshkent shahrida yog‘ingarchilik kutilmaydi. Shamol 3–8 m/s tezlikda esadi. Poytaxtda harorat 34–36 darajagacha ko‘tariladi.

Tog‘oldi va tog‘li hududlarda ayrim joylarda qisqa muddatli yomg‘ir yog‘ishi mumkin. Momaqaldiroq ham kuzatiladi. Ushbu hududlarda sel va suv toshqinlari xavfi bor. Shamol...

Kongo Demokratik Respublikasida Ebola virusi bilan bog‘liq yangi o‘choq qayd etildi. Kasallanish holatlari mamlakatning chekka Ituri provinsiyasida aniqlangan.

Associated Press ma’lumotiga ko‘ra, hozirgacha 246 ta ehtimoliy kasallanish holati ro‘yxatga olingan. Shundan 65 tasi o‘lim bilan yakunlangan. Ebola virusi juda yuqumli hisoblanadi. U inson organizmidagi biologik suyuqliklar orqali yuqadi. Kasallik kam uchraydi, ammo og‘ir kechadi va ko‘p hollarda o‘limga olib kelishi mumkin.

Jahon sog‘liqni saqlash tashkiloti (JSST) o‘tgan yili Kongoda Ebola virusiga qarshi davolash vositalari zaxirasi borligini bildirgan edi. Shuningdek, mamlakatda Ervebo vaksinasi bo‘yicha qariyb 2 ming doza mavjudligi aytilgan.

Biroq ushbu vaksina aynan Ebola Zaire shtammiga qarshi samarali hisoblanadi...

Bolgariyalik pop xonanda Dara «Bangaranga» qo‘shig‘i bilan Eurovision tanlovida g‘olib bo‘ldi. BBC xabar berishicha, final Vena shahrida o‘tkazilgan.

Dara hakamlar hay’ati va tomoshabinlar ovozida yuqori natija qayd etdi. U jami 516 ball to‘plagan. Ikkinchi o‘rinni Isroil vakili Noam Bettan egalladi. U «Michelle» qo‘shig‘i bilan 343 ball olgan. Uchinchi o‘rin Ruminiya vakili Aleksandra Kepiteneskuga nasib qildi. Uning «Choke Me» qo‘shig‘i 296 ball bilan baholandi.

Beshtalikka Avstraliya vakili Delta Gudrem va Italiya vakili Sal Da Vinchi ham kirdi.

Bolgariya uchun bu Eurovision tarixidagi ilk g‘alaba bo‘ldi. Dara tanlov oldidan asosiy favoritlar qatorida ko‘rilmagan edi. Ammo uning sahnadagi raqsi va esda qolarli...

Toshkent viloyatida 5 kgdan ortiq «opiy» giyohvandlik vositasini noqonuniy olib ketayotgan ikki shaxs ushlandi. Bu haqda Davlat xavfsizlik xizmati (DXX) xabar berdi.

Ma’lum qilinishicha, Samarqand shahrida yashovchi, 2001 va 2002-yillarda tug‘ilgan ikki fuqaro oldindan kuzatuvga olingan. Ular qo‘shni davlatdan kontrabanda yo‘li bilan olib kirilgan 5 kg 160 gramm «opiy» moddasini Toshkent viloyatining Bo‘ka tumanidan olib ketayotgan vaqtda qo‘lga olingan.

Tezkor tadbir Davlat xavfsizlik xizmati va bojxona idoralari xodimlari hamkorligida o‘tkazilgan. Holat yuzasidan jinoyat ishi qo‘zg‘atilgan. Gumonlanuvchilarga nisbatan «qamoq» ehtiyot chorasi qo‘llanilgan. Ayni paytda tergov harakatlari davom etmoqda.

Eslatib o‘tamiz, Kursiv Uzbekistan nashri Buxoro va Surxondaryoda salkam 13 kg «opiy...

Ispaniyalik mutaxassis Xabi Alonso Londonning «Chelsi» klubi yangi bosh murabbiyi etib tayinlanadi. Tomonlar barcha shartlar bo‘yicha to‘liq kelishuvga erishgan. Bu haqda taniqli insayder Fabritsio Romano ma’lum qildi.

Fabritsio Romano mazkur transferni o‘zining mashhur «Here we go» iborasi bilan tasdiqladi. Uning ta’kidlashicha, London klubi rahbariyati yangi murabbiyni Jahon chempionati boshlanishidan ancha avval ishga kirishishini xohlagan. Mutaxassis kelasi hafta Londonga uchib boradi va uning ishtirokida rasmiy tanishtiruv marosimi bo‘lib o‘tadi.

Yangi murabbiyga nafaqat maydondagi natijalar, balki transfer bozorida ham keng vakolatlar berilishi kutilmoqda. Alonso klub kengashi bilan doimiy muloqotda bo‘lib, jamoa tarkibini shakllantirishda bevosita qatnashadi.

Xabi Alonso avvalroq «Real Sosyedad» B...

Turkiya Superligasining so‘nggi, 34-turi doirasida Istanbulning «Bashakshehir» klubi safarda «Gaziantep»ni 2:1 hisobida mag‘lub etdi. Bu g‘alaba evaziga «Bashakshehir» mavsumni 5-o‘rinda yakunladi.

Uchrashuv mehmonlar uchun juda omadli boshlandi. O‘yinning 6-daqiqasidayoq Abbosbek Fayzullayevning faol harakatlari natijasida Deve Zelke hisobni ochdi. Oradan ko‘p o‘tmay, 22-daqiqada O‘zbekiston milliy terma jamoasi sardori Eldor Shomurodov belgilangan penaltini aniq amalga oshirib, hisobni ishonchli ko‘rinishga keltirdi.

Ikkinchi bo‘limda mezbonlar vaziyatni o‘nglashga urindilar. 59-daqiqada Kristofer Lungoyi kiritgan gol hisobdagi farqni qisqartirdi, biroq «Gaziantep» bundan ortig‘iga erisha olmadi. O‘yin yakuniga qadar 1:2 hisobi o‘zgarmadi.

Ushbu uchrashuvda Eldor Shomurodov to‘liq harakat qilgan bo‘lsa, Abbosbek Fayzullayev 81-daqiqada zaxiraga olindi. Nuri Shahin

17 yoshgacha bo‘lgan futbolchilar o‘rtasidagi Osiyo kubogining chorak finalida O‘zbekiston terma jamoasi Janubiy Koreyani penaltilar seriyasida mag‘lub etib, yarim final yo‘llanmasini qo‘lga kiritdi.

Uchrashuvning asosiy vaqti 2:2 hisobida yakunlandi. Dastlab 22-daqiqada koreyalik futbolchilar hisobni ochishga muvaffaq bo‘lishdi. Biroq O‘zbekiston terma jamoasi tezda javob qaytardi. Birinchi taym yakuniga yaqinlashganda, aniqrog‘i 41 va 44-daqiqalarda Ahror Ravshanbekov dubl qayd etib, jamoasini oldinga olib chiqdi.

Ravshanbekovning birinchi goli raqib darvozabonining xatosi natijasida kiritilgan bo‘lsa, ikkinchisi uzoq masofadan yo‘llangan chiroyli zarba evaziga amalga oshirildi. O‘yinning ikkinchi bo‘limi oxirlarida koreyaliklar hisobni tenglashtirishga erishdi. Natijada g‘olibni aniqlash uchun penaltilar seriyasiga murojaat qilindi.

Penaltilar seriyasida O‘zbekiston terma...

Yulduz Rajabova va Emre Kiviljimning nikoh to‘yi, Qurbon hayiti uchun dam olish kunlari — 16-may kuni e’lon qilingan yangiliklar Kursiv Uzbekistan dayjestida.

Dollar hafta davomida qanday o‘zgardi

Dollar kursi hafta davomida ham o‘sish, ham pasayish dinamikalarini ko‘rsatdi. «Kursiv» nashrining ushbu maqolasida dollar kursining hafta davomidagi o‘zgarishlari haqida so‘z boradi.

Hafta boshida, 12-may kuni AQSh dollari 26,97 so‘mga oshib, 12 141,94 so‘mni, 13-mayda 3,71 so‘mga oshib, 12 145,65 so‘mni tashkil qildi. Ammo 14-may kuni dollar 72,23 so‘mga tushib, 12 073,42 so‘mni va 15-may kuni yana 98,06 so‘mga tushib, 11 975,36 so‘mni qayd etdi.

Ehtiyojmand oilalar uchun gaz va elektr kompensatsiyasi...

Angliya kubogi finalida «Manchester Siti» Londonning «Chelsi» klubini qabul qilib, minimal hisobda g‘alaba qozondi. Abduqodir Husanov «shaharliklar» tarkibida ikkinchi sovrinini qo‘lga kiritdi.

Uchrashuv, asosan, teng kurashlarga boy kechdi. Pep Gvardiola birinchi taymda noodatiy tarzda ikkita hujumchi bilan harakat qildi. Erling Holand va Umar Marmush asosiy tarkibda maydonga tushishdi. Ushbu tajriba ish bermagach, ikkinchi taymda boshida super formada bo‘lib turgan Rayan Sherki o‘yinga qo‘shildi.

Uchrashuvdagi yagona gol ikkinchi bo‘limning 72-daqiqasida kiritildi. Erling Holandning uzatmasidan so‘ng Antuan Semenyo tovoni bilan «Chelsi» darvozasini ishg‘ol qildi. Abduqodir Husanov bir necha bor jamoasi joniga oro kirdi. Londonliklarning braziliyalik hujumchisi Joau Pedru yakkama-yakka vaziyatlarda o‘zbekistonlik...

Avvalroq 15-may kuni Toshkentda o‘zbek aktrisasi Yulduz Rajabova va turk aktyori Emre Kiviljimning nikoh to‘yi bo‘lib o‘tgani xabar qilingandi.

To‘y marosimida Madaniyat vaziri Ozodbek Nazarbekov ham ishtirok etdi. U yangi oila qurayotgan juftlikni tabriklar ekan, hazil aralash iliq tilak bildirdi.

«Bu bir necha yillar oldin mana shu kunlarni niyat qiluvdik, yetkazdi Xudo. Yana bir niyat qilamiz, Jaloliddin tug‘ib beradi, Xudo xohlasa», – dedi vazir.

Bu yil Qurbon hayiti 27-may, chorshanba kuniga to‘g‘ri kelishi kutilmoqda. Shu munosabat bilan o‘zbekistonliklar ketma-ket 5 kun dam olishi mumkin.

Dam olish kunlari quyidagicha bo‘lishi kutilmoqda:

27-may — Qurbon hayiti bayrami;
28-may — qo‘shimcha dam olish kuni;
29-may — qo‘shimcha dam olish kuni;
30-may — 6 kunlik ish haftasi uchun dam olish kuni;
31-may — yakshanba.

Shu tariqa ish haftasi turidan qat’iy nazar, fuqarolar ketma-ket 5 kun dam oladi.

Eslatib o‘tamiz, o‘tgan yili dekabrda qabul qilingan prezident farmonida (PF-257-son) qo‘shimcha dam olish kunlari tasdiqlangandi.

Unga ko‘ra, 28 − 29-may kunlari barcha xodimlar uchun qo‘shimcha dam olish kuni hisoblanadi. Haftasiga...

Toshkent shahar hokimligi Oliy ta’lim, fan va innovatsiyalar vazirligi bilan hamkorlikda bitiruvchilar uchun yirik shou-kecha tashkil etadi.

Tadbir 25-may kuni soat 18:00 da Olimpiya shaharchasida bo‘lib o‘tadi. Kirish bepul.

Tashkilotchilar ma’lumotiga ko‘ra, konsert dasturida 20 dan ziyod san’atkorlar qatnashadi. Tadbir davomida mashhur qo‘shiqlar, shou dasturlar va bayramona muhit bitiruvchilar uchun taqdim etiladi.

Eslatib o‘tamiz, avvalroq 25-maydan Prezident maktablariga qabul boshlanishi xabar qilingandi. Qabul 25-maydan 14-iyungacha davom etadi va arizalar to‘liq onlayn tarzda my.gov.uz hamda ariza.piima.uz orqali qabul qilinadi.

Tizimga ko‘ra, Prezident maktablariga ariza topshirish uchun bir qator hujjatlar talab etiladi. Jumladan, o‘quvchining so‘nggi 2 oyda olingan fotosurati, tug‘ilganlik haqidagi guvohnoma...

Tadbirkorlar ishlab chiqaruvchi korxonalar uchun elektr energiyasi bo‘yicha 100 foiz oldindan to‘lov tizimini qayta ko‘rib chiqishni so‘ramoqda. Bu masala Savdo-sanoat palatasida tadbirkorlar bilan o‘tkazilgan uchrashuvda ko‘tarildi.

Ularning ta’kidlashicha, hozir elektr hisob-kitob tizimi avtomatlashtirilgan va hisobdagi mablag‘ tugashi bilan elektr ta’minoti avtomatik tarzda o‘chirilmoqda. Shu sababli tadbirkorlar faqat amalda iste’mol qilingan elektr uchun to‘lov qilish tizimiga o‘tishni taklif qilmoqda.

Tadbirkorlar fikricha, amaldagi tartib korxonalarning aylanma mablag‘larini band qilib qo‘ymoqda va ishlab chiqarishga salbiy ta’sir ko‘rsatmoqda.

Shuningdek, ayrim korxonalar elektr energiyasi ogohlantirishsiz o‘chirib qo‘yilayotgani sabab ishlab chiqarish to‘xtab qolayotganini bildirdi. Xususan, 540 nafar xotin-qiz ishlaydigan korxonada elektr uzilishi ishlab...