Yangiliklar

UFC’ning yarim o‘rta vazn toifasidagi chempioni, rossiyalik Islom Maxachev vazn toifasidan qat’iy nazar eng yaxshi jangchilar (P4P) reytingida yana birinchi pog‘onani egalladi.

O‘tgan hafta Nyu-Yorkda o‘tkazilgan UFC 322 turnirining asosiy jangida u Jek Della Maddalenani mag‘lub etib, yarim o‘rta vazn toifasidagi titulni qo‘lga kiritdi. Maxachev shu tariqa ikki vaznda chempionlik kamarini qo‘lga kiritgan birinchi rossiyalik jangchi bo‘ldi.

34 yoshli jangchi avval 70 kgda yengil vazn chempioni sifatida to‘rt marta kamarni muvaffaqiyatli himoya qilgan edi. Maxachev yarim o‘rta vaznga o‘tish maqsadida may oyida ushbu unvonni bo‘shatishga majbur bo‘lgan. Yangilangan reytingda Maxachev kelib chiqishi gruzin bo‘lgan ispan jangchisi Iliya Topuriyani ortda...

Uchtepa tumanidagi Kichik halqa avtomobil yo‘lida ta’mirlash ishlari olib borilishi sababli yo‘lning bir qismi yopiladi. Bu haqda Toshkent shahar hokimligi xabar berdi.

Unga ko‘ra, Beshqayrag‘och ko‘chasidan Foziltepa ko‘chasigacha bo‘lgan yo‘l qismida 21-noyabr soat 20:00 dan 24-noyabr soat 06:00 gacha bir tomonlama harakat to‘xtatiladi.

Hokimlik haydovchilarga noqulayliklarni oldini olish uchun yo‘nalishni oldindan rejalashtirib olishni tavsiya etdi.

Avvalroq «Yangi Andijon – Xonobod» yo‘nalishida pullik yo‘l qurilishi xabar qilingandi. Unga ko‘ra, viloyat hokimi xitoylik investorlar bilan loyiha bo‘yicha uchrashuv o‘tkazdi.

«Viloyat rahbarining Xitoyda investorlar bilan uchrashuvidagi kelishuvlarga asosan, «Yangi Andijon — Xonobod» yo‘nalishida pullik yo‘l qurish loyihasi...

AQShning simsiz aloqa operatori Verizon xarajatlarni kamaytirish va operatsiyalarni qayta tuzish maqsadida 13 mingdan ortiq ish o‘rnini qisqartirishini ma’lum qildi. Bu haqda Reuters xabar berdi.

Kompaniya to‘rtinchi chorakda ishdan bo‘shatish to‘lovi 1,6 mlrd dollardan 1,8 mlrd dollargacha bo‘lishini kutmoqda. Ishdan bo‘shatilgan xodimlarning 80 foizdan ortig‘i kelasi oy kompaniyani tark etadi.

Verizon’ning yangi bosh direktori Den Shulman kompaniyaning amaldagi xarajatlari mijozlarga yo‘naltirilgan takliflarga katta sarmoya kiritish imkoniyatini cheklayotganini ta’kidladi. Uning so‘zlariga ko‘ra, operatsiyalarni soddalashtirish kompaniyani sekinlashtirayotgan va mijozlarni ranjitayotgan noqulayliklarni bartaraf etish uchun zarur.

Qisqartirilayotgan 13 mingdan ortiq ish o‘rnining aksariyati AQShdagi xodimlarga ta’sir qiladi. Kompaniya 179 ta korporativ do‘konni...

Denza brendi tomonidan yangi BYD Denza Z9 avtomobili taqdim etildi. Bu haqda 32cars nashri xabar bermoqda. Model BYD va Mercedes-Benz hamkorligida yaratilgan.

Model biznes-klass segmentiga mo‘ljallangan bo‘lib, yevropalik flagmanlarga raqobatchi sifatida ko‘rilmoqda. Katta kuzovi, pastga egilgan tom chizig‘i, yashirin eshik tutqichlari va orqa qismdagi ingichka LED chizig‘i avtomobilning premium ko‘rinishini kuchaytiradi. Kattaroq disklar va keskin yon chiziqlar uning sport xarakterini ko‘rsatadi.

Salonda yorqin ranglar, katta vertikal ekran, raqamli panel va butun old panel bo‘ylab cho‘zilgan dekor elementlari qo‘llangan. Minimalistik arxitektura, yangi rul va aniq chiziqlar Denza Z9’ning yuqori toifadagi avtomobil ekanini bildiradi.

Model ikki variantda taqdim etildi. To‘liq elektr...

Indoneziyaning Markaziy Yava provinsiyasidagi ikki hududda kuchli yog‘ingarchiliklar sababli sodir bo‘lgan ko‘chki oqibatida halok bo‘lganlar soni 30 kishiga yetdi. Bu haqda Reuters xabar berdi.

Mamlakat Falokatlarni yumshatish agentligi (BNPB) Cilacap va Banjarnegara viloyatlarida ko‘chkidan so‘ng 21 kishi bedarak yo‘qolganini ma’lum qildi. Agentlik vakili Abdul Muharining 20-noyabr kuni bergan bayonotiga ko‘ra, eng ko‘p talafot ko‘rgan Banjarnegara hududida qurbonlar soni 10 kishiga yetdi, 18 kishi esa bedarak yo‘qolgan.

«Biz qidiruvda bir qancha to‘siqlarga duch kelyapmiz, xususan, doimiy suv oqimi bilan to‘lgan ko‘chki o‘chog‘i va yog‘ingarchiliklar tufayli yangi ko‘chkilar xavfi saqlanib qolmoqda», – dedi Muhari.

Falokat natijasida...

Xpeng kompaniyasi tomonidan 2025-yilgi Guangzhou avtosalonida Xpeng X9 EREV avtomobili rasman taqdim qilindi. Bu haqda CarNewsChina xabar bermoqda.

Yangi model 7 o‘rinli katta MPV bo‘lib, ikki xil komplektatsiyada sotuvga chiqdi. Narxlar 309 800 yuan ($43,4 ming) va 329 800 yuan ($46,2 ming) etib belgilangan.

Model Starship Universe deb nomlangan aqlli salon tizimi bilan jihozlangan. X9 EREV Xpeng‘ning Kunpeng Super EREV platformasiga qurilgan bo‘lib, 800V yuqori voltli arxitekturaga ega. Mashina 452 km toza elektr yurish masofasini beradi. Umumiy masofa 1602 km ga yetadi.

Old dizayn to‘liq yangilangan. Havo kirish panjarasi 30 foizga kattalashgan, ikki tomonida esa uch o‘lchamli sovitish kanallari...

O‘zbekiston yangilangan Global Organized Crime Index 2025 reytingida 193 mamlakat orasida sakkiz pog‘ona pastlab, 108-o‘rinni egalladi.

Jinoyatchilikning umumiy ko‘rsatkichi 4,93 ballni tashkil etib, 2023-yilga nisbatan 0,02 punktga kamaydi. Biroq ballning biroz yaxshilanishi O‘zbekistonning reytingdagi pasayishini to‘xtatib qola olmadi.

Osiyoda respublika 46 ta davlat ichida 31-o‘rinda, Markaziy Osiyo va Kavkaz mintaqasida esa sakkizta davlat ichida to‘rtinchi o‘rinda turibdi.

Davlatning barqarorligi pasaydi

Uyushgan jinoyatchilikka qarshi tura olish qobiliyatini ifodalovchi barqarorlik ko‘rsatkichi 3,83 ballgacha (−0,04) kamaydi.

Shuningdek, barqarorlik bo‘yicha dunyo reytingida O‘zbekiston ikki pog‘ona pastlab, 140-o‘rinni egalladi. Osiyoda 31-o‘rin, mintaqada esa o‘zgarishsiz 5-o‘rin.

Tahlilchilarga ko‘ra, barqarorlikning pasayishiga quyidagi omillar sabab...

Endilikda «prava» uchun o‘quv kurs xarajatlarini qoplash bo’yicha subsidiya haydovchilik guvohnomasining «A», «B», «D» va «DE» toifalarini olish uchun to‘lab beriladi. Bu bo‘yicha «Yoshlar daftari» jamg‘orqali ijtimoiy yordam ko’rsatish tizimini yanada takomillashtirish to‘g‘risida»gi prezident farmoni qabul qilindi.

Unga ko‘ra, farmonning asosiy maqsadlari etib 16 ming nafar «Yoshlar daftari»ga kiritilgan yoshlarning doimiy daromad manbaiga ega bo‘lishiga ko‘maklashish, «Mutolaa» loyihasi doirasida ilmiy-ommabop, badiiy kitoblarni muntazam o‘qib boruvchi yoshlarning ulushini 10 foizga oshirish va «Ibrat farzandlari» loyihasi doirasida xorijiy tillarni o’zlashtirgan yoshlar ulushini 30 foizga oshirish belgilandi.

Shuningdek, 2026-yil 1-fevraldan belgilangan ijtimoiy yordam turlari Kambag‘al oilalar reyestriga kiritilgan oilalardagi yoshlarga ijtimoiy shartnoma...

Sirdaryo tumanida o‘tkazilgan tezkor tadbir davomida to‘xtatilgan Gentra rusumli avtomobil salonida ming dona noqonuniy tamaki mahsulotlari topildi. Bu haqda Bosh prokuratura departamenti ma’lum qildi.

Ma’lum bo‘lishicha, avtomobil egasi tamaki mahsulotlarini noqonuniy savdoga chiqarib kelgan. Ularning umumiy qiymati 78,1 mln so‘m bo‘lib, barcha mahsulotlar ashyoviy dalil sifatida olingan.

Mazkur holat yuzasidan Jinoyat kodeksining 186-1-moddasi (tamaki mahsulotlarini qonunga xilof ravishda muomalaga kiritish yoki ishlab chiqarish) bo‘yicha jinoyat ishi qo‘zg‘atilgan. Hozirda tergov harakatlari davom etmoqda.

Eslatib o‘tamiz, avvalroq departament tomonidan Xorazmda 1,6 mlrd so‘mlik noqonuniy elektron tamaki mahsulotlari fosh etilgan edi.

Raqobat qo‘mitasi ayrim restoran va kafelarda taom narxidan tashqari 10 – 20 foizgacha qo‘shimcha xizmat haqi undirilayotgani va oldindan depozit talab qilinayotgani bo‘yicha murojaatlar ko‘payganini ma’lum qildi.

Qo‘mita umumiy ovqatlanish korxonalari faoliyatida belgilangan tartibga rioya qilishni eslatmoqda. «Iste’molchilar huquqlarini himoya qilish to‘g‘risida»gi qonunga ko‘ra, iste’molchi tovar va xizmatlar haqida to‘liq ma’lumot olishga, sifatli xizmat talab qilishga haqli. Korxonalar esa qo‘shimcha xizmatni majburan taklif qilish yoki ko‘rsatilmagan xizmat uchun haq olishga haqli emas.

Shu sababli Raqobat qo‘mitasi barcha ovqatlanish korxonalarini mijozlarga oldindan to‘liq ma’lumot berish, qo‘shimcha to‘lovlarga majburlamaslik va xizmat shaffofligini ta’minlash bo‘yicha ogohlantirdi.

Avvalroq qo‘mita mobil aloqa operatorlarining xizmat...

Yaqin kunlarda bozorga chiqarilishi kutilayotgan Samsung aqlli ko‘zoynaklari haqida yangi ma’lumotlar tarqaldi. Bu haqda Gizmochina xabar bermoqda.

Yangilikka ko‘ra, ushbu gadjet odatiy ko‘zoynaklardan deyarli farq qilmaydi va juda yengil bo‘ladi.

Ko‘zoynaklar fotoxrom linzalar bilan jihozlanadi. Ular atrof yorug‘ligiga qarab avtomatik ravishda qorayadi yoki ochiladi. Qurilmada kamera ham bo‘ladi. Oldingi ma’lumotlarga ko‘ra, kompaniya 12 megapikselli Sony IMX681 datchigini sinovdan o‘tkazgan, u asosan qo‘l harakatlarini aniqlash uchun mo‘ljallangan.

Qurilma imkon qadar yengil bo‘lishi uchun asosiy hisoblash jarayonlarini ko‘zoynakning o‘zi emas, balki unga ulangan smartfon bajaradi. Bu esa batareya hajmi ham katta bo‘lmasligini anglatadi. Hozircha 155 mA/soat sig‘imga ega akkumulyator haqida ma’lumot...

Braziliyaning Belem shahrida o‘tayotgan BMT’ning COP30 iqlim o‘zgarishi bo‘yicha muzokaralari paytida yong‘in chiqqani sababli odamlar evakuatsiya qilindi. Bu haqda BBC xabar berdi.

Hodisa muzokaralarning yakuniy bosqichiga to‘g‘ri kelib, kelishuvga erishish jarayonini to‘xtatdi. Tadbir binosi vaqtincha yopildi. Yong‘indan keyin katta vahima yuzaga kelgan va BMT xavfsizlik xodimlari barchani binoni tark etishga chaqirgan. Olov 6 daqiqada o‘chirilgan, biroq 13 kishi tutundan zaharlangan bo‘lishi mumkin.

«Olov devorlarga va shiftga ko‘tarilayotgan edi. Odamlar baqirishardi», – dedi yong‘in sodir bo‘lgan joyda bo‘lgan doktor Harshita Umesh.

Yong‘in sababi hozircha noma’lum. Guvohlardan biri voqeaga elektr nosozligi sabab bo‘lgan deb taxmin qilmoqda...

Chexiyada huquqiy va moliyaviy muammolar tufayli og‘ir vaziyatga tushib qolgan O‘zbekiston fuqarosi diplomatik vakolatxona ko‘magida vatanga qaytarildi. Bu haqda «Dunyo» axborot agentligi xabar berdi.

Unga ko‘ra, fuqaro 2017-yilda Polsha orqali Chexiyaga ishlash maqsadida borgan, biroq vaqt o‘tishi bilan uning biometrik pasporti amal qilish muddati tugab qolgan. Hujjat o‘z vaqtida yangilanmagani sababli u mamlakatda huquqiy maqomsiz qolib, jiddiy noqulayliklarga duch kelgan.

Keyinchalik u O‘zbekiston elchixonasining konsullik bo‘limiga murojaat qilgan va diplomatik idora xodimlari zarur huquqiy yordamni ko‘rsatgan. Xalqaro mehnat tashkiloti bilan hamkorlikda fuqaroni vatanga qaytarish bo‘yicha barcha jarayonlar tezkor amalga oshirilgan.

Avvalroq Kursiv Uzbekistan Rossiyaning «Maxsus hibsxona»laridagi ikki ming o‘zbekistonlik...

Globalhr xususiy bandlik agentligi Bolgariyada qurilish yo‘nalishida ishlashni istaganlar uchun bo‘sh ish o‘rinlarini taklif qildi. Bu haqda Migratsiya agentligi rasmiy sahifasida ma’lumot berdi.

Unga ko‘ra, ishchilar burg‘ilash, elektrik-elektronika va payvandlash yo‘nalishlari bo‘yicha tanlanadi. Nomzodlarda shu sohada ish tajribasi va rus tilini muloqot darajasida bilish talabi qo‘yilgan. Suhbatlar noyabr-dekabr oylarida onlayn tarzda o‘tkaziladi.

Ish joyi Bolgariyaning Sofiya shahrida joylashgan bo‘lib, 45 yoshgacha bo‘lgan, qurilish tajribasiga ega erkaklar tanlovda qatnashishi mumkin. Oylik maosh $1000 dan boshlanadi va malakaga qarab oshadi. Ish haftada 5 kun, 8 soat davom etadi. Ishchilarga turarjoy, aviachipta, ishchi vizasi, tibbiy va ijtimoiy sug‘urta ish beruvchi tomonidan ta’minlanadi.

Xujanov Aziz Majidovich «Toshshahartransxizmat» aksiyadorlik jamiyati boshqaruv raisi vazifasini bajaruvchi lavozimiga tayinlandi. Bu haqda poytaxt transport xizmati ma’lum qildi.

Aziz Xujanov 1985-yilda tug‘ilgan. 2008-yilda Plekhanov nomidagi Rossiya iqtisodiyot universitetini, 2012-yilda esa O‘zbekiston Respublikasi prezidenti huzuridagi Davlat va jamiyat qurilishi akademiyasini tamomlagan. Ushbu lavozimga tayinlanishdan oldin Xujanov Transport vazirligi Ijro intizomi va nazorat boshqarmasi boshlig‘i sifatida faoliyat yuritgan.

Xujanov 2005-yilda Toshkent shahar Binolarni ta’mirlash boshqarmasida o‘z mehnat faoliyatini boshlagan. Shu vaqtgacha u turli davlat va korporativ lavozimlarda, jumladan, «O‘zkommunxizmat» agentligi va Toshkent shahar Uchtepa tumani hokimligi tizimida ishlagan.

Ma’lumot uchun, «Тoshshahartransxizmat» aksiyadorlik jamiyati boshqaruv raisi vazifasini bajaruvchi lavozimida Sanjar...

Vyetnamda tinimsiz davom etayotgan yomg‘irlar va kuchli toshqinlar sabab kamida 41 kishi halok bo‘ldi. Bu haqda BBC xabar berdi.

Qutqaruvchilar to‘qqiz kishini qidirishda davom etmoqda. So‘nggi uch kun ichida ayrim hududlarda yog‘ingarchilik miqdori 1,5 metrdan oshib, ba’zi joylarda suv sathi 1993-yilgi rekord ko‘rsatkich (5,2 metr)dan ham yuqorilagan. Tabiiy ofat oqibatida 52 mingdan ortiq turarjoy binosi suvostida qoldi, 500 mingga yaqin xonadon va korxona elektr ta’minotisiz qolgan.

Eng ko‘p zarar ko‘rgan hududlar qatoriga sayyohlik markazlari bo‘lgan Hoy An va Nha Trang shaharlari, shuningdek, qahva yetishtirishga ixtisoslashgan markaziy tog‘li hududlar kiradi. Suv toshqinlari infratuzilmaga ham jiddiy zarar yetkazmoqda.

Lamdong provinsiyasida...

«UzAuto Motors» AJ Chevrolet Cobalt avtomobillarini dilerlar orqali sotganini tasdiqladi. Bu haqda kompaniya matbuot xizmati xabar berdi.

UzAuto Motors 3-noyabr kuni Cobalt modelidan 100 ming dona hajmni onlayn sotuvga qo‘ygandi. 7 kunlik to‘lov muddatidan keyin shartnoma tuzgan mijozlarning 20 833 tasi avtomobil uchun to‘lovni amalga oshirdi. To‘lov qilinmagan shartnomalar bekor qilindi.

Onlayn-kontraktatsiya yakunlangach kompaniyaga shartnoma tuzish bo‘yicha ko‘plab murojaatlar tushdi. 3-noyabr kuni rasmiylashtirilgan ba’zi shartnomalar avtomobilga haqiqiy ehtiyojsiz tuzilgan bo‘lgani sabab, UzAuto Motors Cobalt avtomobillarini to‘lov muddati tugagach dilerlik markazlari orqali sotishni boshlashga qaror qildi.

Endi onlayn xarid qilolmagan mijozlar istalgan Chevrolet dileridan Cobalt avtomobilini sotib olishi mumkin. Xaridorlar...

Xorazm viloyatiga Qozog‘istondan 10 ta yangi elektrobus olib kelindi. Bu haqda Transport vazirligi xabar berdi.

Vazirlikka ko‘ra, «Yangiariq trans» MChJ tomonidan Qozog‘istonda ishlab chiqarilgan Falcon Murat Adilkhan rusumidagi 10 dona elektrobus viloyatga keltirildi.

Hozirda elektrobuslar bo‘yicha hujjatlarni rasmiylashtirish ishlari yakunlanmoqda. Shundan so‘ng ular belgilangan yo‘nalishlarda aholiga xizmat ko‘rsatishni boshlaydi.

Bugungi kunda Urganch shahrida oltita yo‘nalishda «Bunyod yo‘lovchi tashish» MChJ tomonidan Xitoyda ishlab chiqarilgan 80 dona avtobus yo‘lovchilarga xizmat ko‘rsatmoqda.

Bundan oldin Toshkentdagi 12 ta yo‘nalish bo‘yicha yangi elektrobuslar harakat boshlagani xabar qilingandi. Unga ko‘ra, Xitoyda ishlab chiqarilgan 202 dona Yutong rusumli elektrobuslar poytaxtda ikkita bosqichda harakatlanmoqda.

Tijorat banklari 21-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 19-noyabr uchun valyuta kurslari qanday o‘zgargani haqida yozgan edi.

Kia kompaniyasi Kia Sportage 2026 modelining yangilangan versiyasini Guanchjou avtosalonida taqdim etdi. Bu haqda Autohome xabar bermoqda.

Rasmiy taqdimot ko‘rgazma davomida bo‘ladi. Sotuvlar 2026-yilning birinchi choragida boshlanishi kutilmoqda.

Ilk suratlarga ko‘ra krossoverning yangi Kia dizayn konsepsiyasiga moslashgani ko‘rinadi. Avtomobilning o‘lchamlari 4695 × 1678 × 1680 mm bo‘lib, bazasi 2755 mm. Salon ham to‘liq yangilangan.

Model kapoti ostida ikkita turbomotor taklif etiladi. Bazaviy 1,5 litrli dvigatel 200 ot kuchi beradi. Kuchliroq 2,0 litrli variant esa 244 ot kuchiga ega. Har ikkala motor 8 pog‘onali avtomat uzatma bilan juftlikda ishlaydi.

Kia Sportage 2026 bo‘yicha batafsil ma’lumotlar yaqin kunlarda e’lon qilinadi.

Eslatib...

Saudiya Arabistonining Ar-Riyod shahrida bo‘lib o‘tayotgan VI Islom birdamligi o‘yinlarining navbatdagi kunida O‘zbekiston delegatsiyasi jami 11 ta medalni qo‘lga kiritdi. Sportchilar 3 ta oltin, 4 ta kumush va 4 ta bronza medallarga sazovor bo‘ldi.

20-noyabr kungi bahslarda yengil atletikachi Anvar Anvarov uzunlikka sakrash bahslarida eng yaxshi natijani qayd etib, oltin medal sohibiga aylandi. Qilichbozlik dasturida ham muvaffaqiyatli ishtirok etgan erkaklar va ayollar terma jamoasi delegatsiya hisobiga yana ikkita oltin medalni qo‘shib qo‘yishdi.

Kumush medallar ayollar kurashi vakilasi Svetlana Oqnazarova (-68 kg) va yengil atletika bo‘yicha ko‘pkurash ustasi O‘g‘iloy Norboyevaga nasib etdi. Qilichbozlik bo‘yicha bahslarda ham o‘zbekistonlik atletlar finalgacha yetib...

Xitoyda GAC Toyota qo‘shma korxonasi tomonidan yangi avlod Toyota Wildlander avtomobili taqdim etildi. Bu haqda Autohome xabar bermoqda.

Model aslida joriy yilda yangilangan Toyota RAV4’ning to‘liq o‘xshash versiyasi bo‘lib, 9 ta komplektatsiyada sotuvga chiqqan. Narxlar $23 mingdan boshlanadi.

Yangi Wildlander Toyota’ning aqlli transformatsiya strategiyasi asosida yaratilgan birinchi benzinli modeli hisoblanadi. Mashinaga yangilangan Toyota multimedia platformasi va haydovchiga yordam beruvchi TSS 4.0 tizimi o‘rnatilgan.

Yangi model tashqi ko‘rinishda xalqaro versiyadagi RAV4 bilan deyarli bir xil. O‘lchamlari 4600×1855×1680 mm, g‘ildirak bazasi esa 2690 mmni tashkil etadi. Avvalgi Wildlander bilan solishtirganda uzunlik 65 mm qisqargan.

Salon ham RAV4 uslubida yaratilgan. Asosiy o‘zgarish...

Navoiy, Xorazm viloyatlari va Toshkent shahrida kuchli ta’sir qiluvchi moddalarga ega dori vositalarning noqonuniy savdosi ustida bir necha shaxslar qo‘lga tushdi. Bu haqda Bosh prokuratura departamenti matbuot xizmati ma’lum qildi.

Unga ko‘ra, Zarafshon shahrida bir fuqaro to‘rt quti «Reduksin Layt» dorisini 2,4 mln so‘mga sotayotgan vaqtida dalillar bilan ushlandi. Xorazm viloyatida esa dorixona sotuvchisi 150 dona «Benzonal» dorisini shifokor retseptsiz sotgan.

Shuningdek, poytaxtning Chilonzor tumanida yana bir dorixona sotuvchisi 140 dona «Benzonal» dori vositasini hech qanday retseptsiz sotganligi aniqlangan.

Mazkur holatlar yuzasidan Jinoyat kodeksining tegishli moddalari bo‘yicha jinoyat ishlari qo‘zg‘atilgan va tergov harakatlari olib borilmoqda. Mutasaddilar aholiga dorilarni...

O‘zbekistonda chet ellik fuqarolar mamlakatda sotib olingan tovarlar uchun QQSni naqd pulda, bevosita mamlakatni tark etayotganda qaytarib olish imkoniga ega bo‘ladilar. Bu haqda davlat rahbari qarorida qayd etildi.

2026-yil 1-martdan boshlab Turizmni qo‘llab-quvvatlash jamg‘armasi bir qator yo‘nalishlarni moliyalashtira boshlaydi. Har yili eng yaxshi 10 turizm startapiga yangi xizmatlarni ishlab chiqish va joriy etish bo‘yicha xarajatlarning 50% gacha subsidiya ajratiladi. Biroq loyiha uchun maksimal summa 1 mlrd so‘mni tashkil etadi. Mehmonxonalar ham xalqaro «yashil» sertifikatlarni olish xarajatlarining yarmiga kompensatsiya oladi.

2026-yil 1-apreldan boshlab, xalqaro konferensiyalarni tashkil qiladigan va unda kamida 100 nafar chet ellik mehmonni jalb qiladigan tadbirkorlar to‘langan QQSning...