Yangiliklar

Eron davlat televideniyesi Mojtaba Xomanaiyni «Ramazon oyining Jaanbazi [yarador urush faxriysi]» deb atadi. Iran International xabariga ko‘ra, u davom etayotgan urushda yaralangan bo‘lishi mumkin.

Tehron hozircha voqea tafsilotlarini rasman oshkor qilmadi va mamlakat rahbari qayerda va qanday sharoitda yaralanganini izohlamagan. Uning rafiqasi va otasi mojaroning birinchi kuni, 28-fevral kuni Isroilning Tehronga bergan zarbalari oqibatida halok bo‘lgandi.

Ta’kidlanishicha, Mojtaba Xomanaiy ingliz tilini yaxshi biladi, psixologiyani o‘rgangan, siyosat, zamonaviy texnologiyalar, harbiy fanlar va xavfsizlik masalalarini yaxshi tushunadi.

Eslatib o‘tamiz, 9-mart kuni Eronda 88 nafar yuqori martabali shia ulamolaridan iborat kengash marhum Ali Xomanaiyning o‘g‘li Mojtabani mamlakatning uchinchi oliy rahnamosi etib saylagandi. 

AQSh...

Avstraliya hukumati Osiyo kubogidan chiqib ketgan Eron ayollar futbol terma jamoasining besh a’zosiga gumanitar viza taqdim etdi. Bu haqda BBC xabar bermoqda.

Avstraliya immigratsiya vaziri Toni Burk mazkur ayollar politsiya tomonidan xavfsiz joyga ko‘chirilganini ma’lum qildi. Viza olgan futbolchilar qatorida Fotima Pasandida, Zahro Qanbari, Zahro Sarbali, Otifa Ramazonzoda va Mona Hamudiy bor. Jamoaning qolgan qismi Gold-Kost aeroportiga olib borilgan va tez orada uchib ketishi kutilmoqda.

«Ular siyosiy faol emasliklarini, shunchaki xavfsiz bo‘lishni xohlayotgan sportchilar ekanini aniq aytishdi», — dedi vazir Toni Burk.

Avstraliya bosh vaziri Entoni Albaniz qarorni tasdiqlab, jamoaning boshqa a’zolari uchun ham...

Qishloq xo‘jaligi vazirligi havo haroratining keskin pasayishi va sovuq tushishi sababli qishloq xo‘jaligi ekinlarini himoya qilish bo‘yicha bir qator tavsiyalar e’lon qildi.

Ob-havo haroratining keskin pasayishi munosabati bilan qishloq xo‘jaligi ekinlariga salbiy ta’sirni kamaytirish maqsadida Qishloq xo‘jaligi vazirligi hamda uning tizimidagi ilmiy tadqiqot institutlari olimlari to‘qsonbosti usulida ekilgan piyoz va boshqa ekinlarni sovuqdan himoya qilish bo‘yicha tavsiyalar ishlab chiqdi va dehqon-fermerlarga yetkazdi.

Mutaxassislar sabzavot ekinlarini sovuqqa chidamliligiga qarab bir necha guruhga ajratadi. Masalan, piyoz, sarimsoqpiyoz, shovul, rovoch va yerqalampir sovuqbardosh ekinlar qatoriga kiradi. Ular -10°C dan -15°C gacha, qor ostida esa -20°C dan -25°C gacha bo‘lgan sovuqqa bardosh...

11-mart uchun valyutalar kursi yangilandi. Unga ko‘ra, dollar 33,12 so‘mga tushib, 12 158,13 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

3-mart kuni 18,39 so‘mga oshib, 12 190,57 so‘mni tashkil etdi. 4-mart kuni 19,29 so‘mga oshib, 12 209,86 so‘mga yetdi. 5-mart kuni dollar 30,05 so‘mga tushib, 12 179,81 so‘mni, 6-mart kuni esa 4,28 so‘mga tushib, 12 175,53 so‘mni tashkil qildi. 10-mart kuni dollar 15,72 so‘mga oshib, 12 191,25 so‘mga yetgandi

Markaziy bank ma’lumotlariga ko‘ra, yevro 55,28 so‘mga oshib, 14 166,65 so‘mni, rubl 0,22 so‘mga tushib, 153,98 so‘mni tashkil qildi.

Eslatib o‘tamiz, Kursiv Uzbekistan...

Kia Janubiy Koreyada yangilangan Kia Niro modelini rasman taqdim etdi. Kompaniya The New Niro nomi bilan chiqarilgan yangilangan krossover uchun oldindan buyurtmalarni qabul qilishni boshladi.

Yangi model 2022-yilda taqdim etilgan ikkinchi avlod Niro’dan to‘rt yil o‘tib yangilangan versiya sifatida taqdim etildi. Facelift model yanada zamonaviy dizayn, yangi texnologiyalar va kengaytirilgan xavfsizlik tizimlari bilan jihozlangan.

Krossover kompaniyaning Opposites United dizayn falsafasi asosida yangilangan. Old qismida Star Map Signature Lighting kunduzgi chiroqlari qo‘llangan bo‘lib, ular avtomobilga futuristik ko‘rinish beradi. Orqa qismida esa diagonal LED chiroqlar va keng gorizontal chiziqlar ishlatilgan.

Salon ham sezilarli darajada yangilangan. Unda 12,3 dyuymli panoramali egri ekran...

Jasur Sanjarovich Tursunov Qarshi tumani hokimi etib tayinlandi. Bu haqda Qashqadaryo viloyati hokimligi matbuot xizmati ma’lum qildi.

Xalq deputatlari Qarshi tumani Kengashining navbatdan tashqari sessiyasida tashkiliy masala ko‘rib chiqilib, tuman hokimi lavozimiga yangi nomzod tasdiqlandi.

Sessiya davomida deputatlar Jasur Sanjarovich Tursunov nomini Qarshi tumani hokimi lavozimiga ma’qulladr. U ushbu lavozimda boshqa ishga o‘tishi munosabati bilan vazifasidan ozod etilgan Zoir Aliqulovning o‘rnini egalladi.

Ma’lumot uchun, Jasur Tursunov 1979-yilda Kasbi tumanida tug‘ilgan bo‘lib, Toshkent davlat yuridik institutini tamomlagan. U tayinlovga qadar Chiroqchi tumani prokurori lavozimida faoliyat yuritib kelayotgan edi. Shuningdek, u o‘z faoliyati davomida Mirishkor va Shahrisabz tumanlari prokurori...

Xitoyning BYD kompaniyasi ride-hailing xizmatlari uchun mo‘ljallangan Linghui e7 elektromobilini namoyish etdi. CarNewsChina’ga ko‘ra, model kompaniyaning yangi flash charging tezkor zaryadlash texnologiyasini qo‘llab-quvvatlaydi.

Linghui e7 elektromobili dastlab taksi va yo‘lovchi tashish xizmatlari uchun ishlab chiqilgan. U BYD’ning ikkinchi avlod Short Blade batareyasi bilan jihozlangan. Avtomobil kompaniya tomonidan yaqinda ishga tushirilgan tezkor zaryadlash stansiyalarida 1500 kVt quvvat bilan zaryad olishi mumkin. Batareya 10 foizdan 70 foizgacha atigi 5 daqiqada zaryadlanadi.

Yangi model tezkor zaryadlash bo‘yicha CATL kompaniyasining batareya almashtirish tizimi bilan ham raqobat qilmoqda. Batareya almashtirish jarayoni taxminan 1,5 daqiqa davom etadi. Biroq bu tizim uchun qimmat infratuzilma va...

«Ezgulik» inson huquqlari jamiyati asoschisi va raisi Abdurahmon Tashanovga ma’muriy ish qo‘zg‘atildi. Bu haqda uning o‘zi ma’lum qildi.

Tashanovning yozishicha, O‘zbekiston harbiy prokurori, polkovnik Otabek Xolboyevning 2026-yil 28-fevraldagi qaroriga ko‘ra, unga nisbatan Ma’muriy javobgarlik to‘g‘risidagi kodeksning 202(2)-moddasi 1-qismi, ya’ni yolg‘on xabar tarqatish moddasi bilan ma’muriy ish qo‘zg‘atilgan. Dastlabki surishtiruv respublika Harbiy prokuraturasining o‘ta og‘ir jinoyatlarni tergov qilish boshqarmasi tergovchisi, podpolkovnik Timur Muhitdinov tomonidan olib borilgan.

Ma’muriy ish materiallariga ko‘ra, Tashanov Facebook sahifasida 2025-yil 11-dekabr kuni «Ikki mulozim davlatga xoinlikda ayblangan», 2026-yil 8-yanvar kuni «Vahshiyona qiynoq, zo‘raki iqrorliklar. Mahkum ahvoli og‘irligini iddao qilmoqda» hamda 2026-yil 3-fevral kuni «Vahshiyona qiynoq, xalqaro...

Ispaniyalik mutaxassis Xose Mariya Mendes O‘zbekiston futzal bo‘yicha milliy terma jamoasining yangi bosh murabbiyi etib tayinlandi va ikki yillik shartnoma imzoladi. Bu haqda O‘zbekiston futzal federatsiyasi xabar bermoqda.

52 yoshli mutaxassis 2011 – 2012 hamda 2014 – 2017-yillarda ham O‘zbekiston terma jamoasiga ustozlik qilgan. Uning rahbarligida jamoa Osiyo chempionatida 2014-yili bronza, 2016-yili esa kumush medallarni qo‘lga kiritgan. Shuningdek, u mamlakat chempioni «Ardus» klubida ham faoliyat yuritib, yoshlar terma jamoasiga asos solgan.

Mendes 1974-yil 28-martda Ispaniyaning Lugo shahrida tug‘ilgan bo‘lib, 22 yoshida darvozabonlikni yakunlab, murabbiylikni boshlagan. Faoliyati davomida Ispaniya va Xorvatiya klublari, shuningdek, Tailand hamda Vyetnam milliy terma jamoalarini boshqargan.

Geely EX2 elektromobili Braziliyada narxi oshirilgan holda sotila boshladi. Bu haqda Motor1 portali xabar bermoqda.

Modelning boshlang‘ich narxi 123 ming braziliya reali (taxminan $24,5 ming) etib belgilandi. Avvalroq avtomobil taqdimot davrida 119 ming real (taxminan $23,8 ming) narxda taklif qilingan edi.

2025-yil oxirida Braziliyada taqdim etilgan EX2 qisqa vaqt ichida bozordagi eng arzon elektromobillardan biri sifatida e’tibor qozondi. Model narx bo‘yicha BYD Dolphin Mini bilan raqobat qilmoqda. Avtomobilga bo‘lgan talab yuqori bo‘lgani sababli ayrim dilerlik markazlarida yetkazib berish muammolari kuzatilgan. Ba’zi hollarda avtomobillar uchun kutish navbatlari ham paydo bo‘lgan. Bu esa oxirgi oylar statistikalarida sotuv ko‘rsatkichlariga ta’sir qilgan.

Geely...

Tarkibida kuchli ta’sir qiluvchi moddalar mavjud bo‘lgan dori vositalarini retsept bo‘yicha chakana realizatsiya qilish tartibini buzganlik uchun jazo choralari kuchaytirildi. Bu haqda Adliya vazirligi ma’lum qildi.

Ma’muriy javobgarlik to‘g‘risidagi kodeksga ko‘ra, ushbu huquqbuzarlik uchun jarima miqdori bazaviy hisoblash miqdorining (BHM) 100 baravaridan 200 baravarigacha etib belgilandi (ilgari BHMning 50 baravaridan 100 baravarigacha edi).

Agar ushbu qoidabuzarlik ma’muriy jazo qo‘llanilganidan keyin takroran yoki ko‘p marta sodir etilsa, aybdorlar BHMning 200 baravaridan 300 baravarigacha miqdorda jarima, 3 yilgacha axloq tuzatish ishlari, 2 yildan 5 yilgacha ozodlikni cheklash yoki 5 yilgacha ozodlikdan mahrum qilish bilan jazolanishi belgilandi.

Yer ijarasi va...

Andijon viloyatida Nigoraxon Yunusova hokim o‘rinbosari — oila va xotin-qizlar boshqarmasi boshlig‘i, Adhamjon Mirzayev esa viloyat sudi raisi lavozimiga tayinlandi. Bu haqda Andijon viloyati hokimligi xabar bermoqda.

Nigoraxon Yunusova 1981-yilda Farg‘ona viloyatining Oltiariq tumanida tug‘ilgan bo‘lib, 2003-yilda Farg‘ona davlat universitetini tamomlagan. Ushbu tayinlovga qadar u Muhammad al-Xorazmiy nomidagi ixtisoslashtirilgan maktabning Andijon filiali direktori vazifasida faoliyat olib borgan.

O‘zbekiston Respublikasi prezidentining 2026-yil 3-martdagi farmoyishiga muvofiq, Adhamjon Mirzayev besh yil muddatga Andijon viloyati sudining raisi lavozimini egalladi. 1981-yilda Oltiariq tumanida tug‘ilgan Mirzayev, bungacha Namangan viloyati sudi raisining o‘rinbosari — jinoyat ishlari bo‘yicha sudlov hay’ati raisi lavozimida ishlagan.

Avvalroq Kursiv Uzbekisan Sharof...

Xitoyda yangi Audi A6L modeli uchun oldindan buyurtmalar qabul qilinishi boshlandi va uning narxi oldingi avlodga nisbatan 122,9 ming yuanga ($17,7 ming) pasaytirildi. Bu haqda CarNewsChina nashri xabar bermoqda.

Yangi model FAW-Audi qo‘shma korxonasi tomonidan ishlab chiqarilmoqda. Xitoy bozori talablariga moslashish maqsadida, avtomobil xalqaro versiyaga qaraganda 210 mmga uzaytirilgan va uning umumiy uzunligi 5,1 metrga yetgan. Mashina yangi Premium Platform Combustion (PPC) arxitekturasiga asoslangan bo‘lib, to‘rt kishi uchun qulay qilib ishlangan.

Xaridorlarga to‘rt xil quvvat tizimi, jumladan, 150 kVt quvvatli 2 litrli dvigateldan tortib, 270 kVt quvvatga ega 3 litrli V6 gibrid variantigacha taklif etilmoqda. Avtomobil ichki qismida...

General Motors (GM) kompaniyasi yangi Buick Electra E7 modelining salon dizaynini rasman taqdim etdi. Bu haqda GMAutority nashri xabar bermoqda.

Yangi Electra E7 saloni kompaniyaning Aquatic Aesthetics deb nomlangan dizaynga asoslangan. Ushbu uslub ilgari Buick Electra L7 va Buick Electra Encasa modellarida ham qo‘llangan. Dizayn konsepsiyasi tog‘lar va daryolar manzarasidan ilhomlangan bo‘lib, keng, yorug‘ va qulay interyer yaratishga qaratilgan.

Salon ikki rangli gorizontal panel bilan ajralib turadi. Markaziy qismda katta multimedia ekrani joylashgan, uning yonida alohida raqamli instrument panel mavjud. Minimalistik uslub yuqori sifatli materiallar bilan uyg‘unlashtirilgan. O‘rindiqlar, panel va eshik qoplamalari yumshoq charm bilan qoplangan. Interyer metall bezak...

Geely va Zeekr kompaniyasi 1 500 kVt quvvatli supertez zaryadlash tarmog‘ini kengaytirdi. Bu haqda CarNewsChina nashri xabar bermoqda.

Ma’lumotlarga ko‘ra, Geely’ning zaryadlash tarmog‘i hozirda 2,1 mingta stansiyani qamrab olgan. Ular Xitoyning 215 shahrida joylashgan. Avtomagistrallar bo‘yidagi servis hududlarida esa 6,2 mingta zaryadlash nuqtasi mavjud.

1 500 kVt quvvatli zaryadlash tizimi 2026-yilgi Zeekr 001 modeli bilan o‘tkazilgan sinovlarda tasdiqlangan. Ushbu elektromobil kompaniyaning Golden Battery deb nomlangan batareyasi bilan jihozlangan. Sinovlar davomida avtomobil batareyasi 10 foizdan 80 foizgacha taxminan 7 daqiqada zaryadlangan.

Bunday tez zaryadlash 900 voltli yuqori kuchlanish arxitekturasi orqali amalga oshiriladi. Maksimal tok kuchi deyarli 1 488 amperga yetadi...

10-mart kuni soat 07:00 holatiga ko‘ra, Yaqin Sharqdan O‘zbekistonga jami 25 ming nafar fuqaro qaytarildi. Bu haqda Tashqi ishlar vazirligi matbuot xizmati ma’lum qildi.

Ma’lumotlarga ko‘ra, eng ko‘p fuqaro Saudiya Arabistonidan qaytarilgan. Ushbu davlatdan 21 ming nafar o‘zbekistonlik vatanga olib kelingan. Shuningdek, Birlashgan Arab Amirliklaridan 3,5 ming nafar, Erondan 47 nafar, Qatardan 394 nafar, Bahrayndan 27 nafar hamda O‘mondan 7 nafar fuqaro O‘zbekistonga qaytarilgan.

Qayd etilishicha, vatandoshlarni mamlakatga qaytarish ishlari tizimli va bosqichma-bosqich davom ettirilmoqda. Hozirda qaytarish jarayonlari asosan fuqarolik aviatsiyasi uchun havo hududi ochiq bo‘lgan mamlakatlar orqali amalga oshirilmoqda.

Eslatib o‘tamiz, Kursiv Uzbekistan nashri Toshkent — Dubay yo‘nalishidagi...

Uzum kompaniyasi Oʻmon suveren tuzilmalaridan $130 mlndan ortiq investitsiya jalb qildi. Bu haqda kompaniya matbuot xizmati Kursiv Uzbekistanʼga maʼlum qildi.

Kompaniyaning taʼkidlashicha, mablagʻ strategik investitsiya raundi doirasida jalb etilib, yetakchi investor Oʻmon Sultonligi suveren investitsiya fondi boʻldi. Bu bilan birga, moliyalashtirish raundida kompaniyaning joriy investorlari hisoblangan VR Capital, Tencent va FinSight Ventures ham ishtirok etdi. Bitim kompaniyaning aksiyadorlik kapitaliga investitsiyalar va tizimli moliyalashtirishni oʻz ichiga oladi.

Jalb etilgan mablagʻlar ekotizimning asosiy yoʻnalishlari — elektron tijorat, fintex servislarini yanada rivojlantirishga qaratilgan. Shuningdek, texnologik infratuzilmani kengaytirish va hududlar aholisi uchun zamonaviy raqamli servislardan foydalanish imkoniyatini oshirishga yoʻnaltiriladi.

Kompaniya bosh direktori Jasur Jumayevning...

Realme kompaniyasi o‘zining yangi budjet toifasidagi Realme Note 80 smartfonini rasman taqdim etdi va u 13-mart kunidan Tailand bozorida sotuvga chiqadi.

Yangi model 6,74 dyuymli IPS-displey bilan jihozlangan bo‘lib, uning ruxsati 1600×720 pikselni, yangilanish tezligi esa 90 Hts ni tashkil etadi. Smartfon ishlashi uchun sakkiz yadroli Unisoc T7250 protsessori javob beradi. Qurilma 4 GB tezkor xotira hamda 64 yoki 128 GB doimiy xotira variantlarida taklif etiladi.

Smartfonning asosiy kamerasi 8 megapiksel, old kamerasi esa 5 megapiksel aniqligida ishlaydi. Avtonom ishlash uchun 15 vattli tezkor quvvatlanishni qo‘llab-quvvatlovchi 6300 mAs sig‘imli akkumulyator o‘rnatilgan. Ishlab chiqaruvchining ta’kidlashicha, batareya to‘rt yillik kundalik foydalanishdan...

Porsche kompaniyasi rivojlanish xarajatlarini qisqartirish maqsadida o‘zining Panamera va Taycan sedanlarini yagona model qatoriga birlashtirish imkoniyatini ko‘rib chiqmoqda. Bu haqda Carscoops nashri xabar bermoqda.

Ushbu ehtimoliy qaror platformalarni ishlab chiqishdagi kechikishlar sababli ko‘rilgan 1,8 mlrd yevro miqdoridagi zarar bilan bog‘liq. O‘tgan yili ichki yonuv dvigatelli Panamera 27,7 ming nusxada sotilgan bo‘lib, bu Taycan ko‘rsatkichidan (16,3 mingta) qariyb 70 foizga ko‘pdir. Taycan savdosi so‘nggi ikki yilda keskin pasaygan.

Yangi avlod sedani yoqilg‘i turiga qarab ikkita arxitekturaga asoslanadi. Ichki yonuv dvigateli va gibrid versiyalar PPC arxitekturasida, to‘liq elektr modellari esa yangi SSP Sport platformasida qurilishi rejalashtirilmoqda. Ushbu yondashuv hozirda Macan va...

2025-yilda 37,4 ming dona Chevrolet Cobalt avtomobili tashqi bozorlarga eksport qilindi. Bu haqda «O‘zavtosanoat» AJ «Kursiv»ga ma’lum qildi.

Kompaniya ma’lumotiga ko‘ra, O‘zbekistonda ishlab chiqarilgan Chevrolet brendi ostidagi 43,3 mingta avtomobil xorijga eksport qilingan. Shuningdek, 3,7 ming dona Onix, 1,2 ming dona Tracker, 382 dona Captiva, 162 dona Damas, 153 dona Labo hamda 136 dona Tahoe sotilgan.

Jadval:

Hozirgi kunda O‘zbekistonda ishlab chiqarilgan Chevrolet avtomobillari uchun asosiy eksport bozorlari Ozarbayjon, Qozog‘iston va Qirg‘iziston hisoblanadi.

Eslatib o‘tamiz, Kursiv Uzbekistan nashri Chevrolet Cobalt avtomobili yana qaysi davlatlarda sotilishi haqida yozgan edi.

Chevrolet nomi avtomobil tarixida eng mashhur va ommabop brendlardan biri hisoblanadi. Kompaniya 1911-yilda tashkil etilgan va keyinchalik global avtomobil sanoatining muhim o‘yinchilaridan biriga aylangan. U ko‘pincha qulay narx, keng model qatori va ommaviy ishlab chiqarish bilan bog‘lanadi. «Kursiv» nashrining ushbu maqolasida brendning eng «omadsiz» yoki kutilgan natijani bermagan modellari haqida so‘z yuritiladi.

Chevrolet Vega

1970-yillarda ishlab chiqarilgan Chevrolet Vega modeli dastlab tejamkor va arzon avtomobil sifatida bozorga chiqarilgan. Kompaniya uni kichik avtomobillar segmentida katta muvaffaqiyat qozonadi deb hisoblagan. Ammo model tez orada sifat muammolari bilan tanildi. Dvigatelning qizib ketishi, korroziya va material sifati bilan bog‘liq kamchiliklar tez-tez uchray...

O‘zbekistonda ipakchilik sohasining ozuqa bazasini mustahkamlash maqsadida yangi qonunchilik hujjatlari qabul qilindi. Unga ko‘ra, tutzorlarni sug‘orish tizimlari uchun davlat tomonidan moliyaviy yordam ko‘rsatiladi va mavjud maydonlarni olib qo‘yish qat’iyan man etiladi.

Qarorga muvofiq, yangi tashkil qilingan tutzorlarda tomchilatib sug‘orish tizimini joriy etish xarajatlari uchun gektariga 8 mln so‘mgacha subsidiya ajratiladi. Maydoni 2 va undan ortiq gektar bo‘lgan tutzorlarga suv chiqarish infratuzilmasini qurish va ishga tushirish xarajatlarining 100 foizi, biroq 150 mln so‘mdan oshmagan miqdorda subsidiya beriladi.

Qoraqalpog‘iston Respublikasi Vazirlar Kengashi hamda mahalliy hokimliklarga mavjud tutzorlarni olib qo‘yish va ularning yer fondi toifasini o‘zgartirish qat’iyan taqiqlandi. Shuningdek, 2026-yil 1-sentabrga qadar...

AQShda mart oyida Chevrolet Tahoe modeli uchun cheklangan chegirma aksiyasi e’lon qilindi. Bu haqda GMAutority nashri xabar bermoqda.

Ma’lumotlarga ko‘ra, 2025-yilgi Tahoe ayrim konfiguratsiyalarida $1 ming miqdorida chegirma taqdim etilmoqda. Chegirma faqat Premier va High Country komplektatsiyalariga taalluqli. Biroq panoramali lyuk bilan jihozlangan versiyalar ushbu taklifga kirmaydi. Aksiya 2026-yil 31-martgacha amal qiladi.

2026-yilgi Tahoe uchun hozircha hech qanday moliyaviy rag‘bat yoki chegirma dasturi e’lon qilinmagan. Model bir qator yangilanishlar bilan taqdim etilgan. Model uchun yangi RST Dark Essentials paketi paydo bo‘ldi. Bu paket qora rangli tashqi bezak elementlari va 24 dyuymli qora disklarni o‘z ichiga oladi.

Shuningdek...

Transfermarkt portali Angliya Premyer ligasida harakat qilayotgan futbolchilarning transfer narxlarini yangiladi.

O‘zbekiston milliy terma jamoasi va Angliyaning «Manchester Siti» klubi himoyachisi Abduqodir Husanovning transfer qiymati o‘zgarishsiz qolib, 35 mln yevroni tashkil etmoqda. 22 yoshli futbolchi joriy mavsumda «Manchester Siti» safida barcha musobaqalar doirasida 25 ta o‘yinda qatnashdi. U maydonda jami 1,7 ming daqiqa harakat qilgan.

Portal ma’lumotlariga ko‘ra, Premyer liganing eng qimmat futbolchisi maqomini 200 mln yevro narx bilan «Manchester Siti»ning norvegiyalik hujumchisi Erling Holand saqlab qolgan. Ikkinchi o‘rinni «Arsenal»ning 27 yoshli a’zosi Deklan Rays 120 mln yevro qiymat bilan band etgan bo‘lsa, kuchli uchlikni narxi 10 mln yevroga...