Yangiliklar

21-mart Navro‘z bayrami munosabati bilan O‘zbekistonda aholi va sayyohlar uchun turli chegirmalar joriy etildi. Bu haqda Turizm qo‘mitasi ma’lum qildi.

Bayram kunlari davomida «Vaqf» xayriya jamoat fondiga qarashli ziyoratgohlarda kirish chiptalariga 10 foizlik chegirma berilishi rejalashtirilgan. Shuningdek, Madaniy meros agentligi tasarrufidagi davlat muzeylari va madaniy meros obyektlarida ham chegirmalar e’lon qilinishi hamda ular bayram kunlari ochiq bo‘lishi tavsiya etilgan.

Turizm sohasida faoliyat yuritayotgan tadbirkorlar esa mehmonxonalar, mehmon uylari va boshqa joylashtirish xizmatlarida ixtiyoriy ravishda 20 foizgacha bayram chegirmalarini taklif qilmoqda. Ro‘yxat bilan ushbu portal.gov.uz havola orqali tanishishingiz mumkin.

Bundan tashqari, Qoraqalpog‘iston Respublikasi, viloyatlar va Toshkent shahridagi davlat teatrlarida...

«Toshkent» respublika fond birjasida «Kapital sug‘urta» AJning imtiyozli aksiyalari bo‘yicha savdolar qayta tiklandi. Bu haqda birja rasmiy ma’lumot berdi.

Ma’lum qilinishicha, 2026-yil 16 – 27-fevral kunlari ushbu aksiyalar narxi sezilarli darajada oshgan. Shu sababli birja qoidalariga muvofiq 2-martdan boshlab savdolar vaqtincha to‘xtatilgan edi.

Birjaning nazorat komissiyasi bozor vaziyatini har tomonlama o‘rgandi. Tahlil davomida kompaniya tomonidan e’lon qilingan muhim ma’lumotlar, yangiliklar, moliyaviy ko‘rsatkichlar, aksiyalar narxining oxirgi ikki yildagi o‘zgarishi hamda savdolarda ishtirok etgan investitsiya vositachilari faoliyati tekshirildi.

O‘rganish natijasida bozor manipulyatsiyasi alomatlari aniqlanmagan. Shundan so‘ng birja «Kapital sug‘urta» AJ aksiyalari bo‘yicha savdolarni 2026-yil 11-martdan boshlab qayta tiklashga qaror qildi...

10-martdan boshlab, O‘zbekiston hududidan Saudiya Arabistoni va BAAga ikki tomonlama yo‘lovchi tashish, ya’ni olib borish va qaytarish parvozlarini tashkil etishga ruxsat berildi. Bu haqda Transport vazirligi xabar berdi. Shu bilan birga, avval qo‘yilgan yo‘lovchi turi va fuqaroligi bo‘yicha cheklovlar bekor qilindi.

Umra ziyoratchilari uchun maxsus tartiblar

Saudiya Arabistoni parvozlarida, ayniqsa, «Umra» mavsumi nihoyasiga yetayotgani va Haj – 2026 mavsumidan oldin barcha Umra ziyoratchilari Saudiya Arabistoni qonunchiligiga muvofiq mamlakatdan chiqib ketishi sharti inobatga olingan. Shu sababli:

General Motors Hindiston bozoriga qaytishini e’lon qildi. Ammo bu safar kompaniya avtomobil sotishni rejalashtirmayapti, deb yozmoqda Tarantas News nashri.

GM tez rivojlanayotgan xizmat va ehtiyot qismlar segmentiga yo‘naltiriladi va global ACDelco brendini qayta ishga tushiradi.

ACDelco mahsulotlari Assurance International Limited kompaniyasi bilan litsenziya shartnomasi asosida ishlab chiqariladi va tarqatiladi. Dastlab motor yog‘lari va batareyalar ishlab chiqarilib, kelgusi uch yil ichida yangi batareya ishlab chiqarish zavodi qurilishi rejalashtirilgan.

Bu strategiya GM’ga Hindistondagi 300 milliondan ortiq avtomobil egalari bozorida avtomobil ishlab chiqarish yoki sotishsiz ishtirok etish imkonini beradi. Shu bilan birga, arzon va tejamkor avtomobillarga ega bo‘lganlar uchun xizmat ko‘rsatish va...

Tijorat banklari tomonidan 11-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Xitoyning Great Wall Motor kompaniyasi yangi Tank 700 Hi4-Z plug-in gibrid yo‘ltanlamasining salonini rasman namoyish qildi. Bu haqda CarNewsChina nashri xabar bermoqda.

Avtomobil yetkazib berilishi 2026-yilning ikkinchi choragida boshlanishi rejalashtirilgan. Model flagman darajasidagi 715 kVt quvvatga ega. U Xitoy bozorida 528 ming yuan, ya’ni taxminan $76,8 ming narxda taklif qilinadi.

Tank 700 Hi4-Z salonida hashamatli ikki rangli dizayn qo‘llangan. Old panel noodatiy uslubida yaratilgan bo‘lib, haydovchini o‘rab turuvchi shaklga ega.

Kokpit uch spokali rul, to‘liq raqamli asboblar paneli va 16,2 dyuymli markaziy ekran bilan jihozlangan.

Markaziy konsolda katta metall aylantiriladigan boshqaruv tugmasi joylashgan. U yo‘l rejimlarini tanlash uchun...

2026-yilgi Haval H3 modelining eng ko‘p sotilishi kutilayotgan komplektatsiyasi Elite bo‘lib, u ham oldi g‘ildirakli, ham to‘liq g‘ildirakli variantlarda taklif etiladi. Bu haqda Motor1.ru nashri xabar berdi.

Unga ko‘ra, avtomobilning mashhurligi narx va qulaylik uyg‘unligi bilan izohlanadi. Asosiy raqobatchisi esa Haval Jolion hisoblanadi.

Haval H3’ning asosiy texnik yangiligi – 177 ot kuchiga ega, 1,5 litrli turbo dvigateldan iborat. To‘liq g‘ildirakli variantlar uchun bu dvigatel 7 pog‘onali robot uzatmalar qutisi va Torque-On-Demand tizimi bilan birga ishlaydi.

Avtomobil dizayni saqlanib qolgan, ammo orqa qismi yangilangan: raqamlar uchun joy beshinchi eshikka ko‘chirilgan, orqa oynani kattalashtirilgan va o‘chirish moslamasi qo‘shilgan. Salonda ergonomika yaxshilangan...

2026-yil 1-apreldan Adliya vazirligi, Energetika vazirligi hamda Soliq qo‘mitasida kiberxavfsizlikni ta’minlash bo‘limlari tashkil etiladi. Bunga doir prezident farmoni qabul qilindi.

Hujjat bilan 2026 – 2030-yillarga mo‘ljallangan kiberxavfsizlik strategiyasi tasdiqlandi.

Unga ko‘ra, 2026-yil 1-apreldan boshlab davlat organlari va tashkilotlari kiberxavfsizlikni ta’minlash uchun zarur mablag‘larni budjet parametrlari doirasida hamda budjetdan tashqari jamg‘armalar hisobidan yo‘naltiradi.

Davlat xavfsizlik xizmati milliy axborot tizimlari va resurslarining zamonaviy kiberxavflarga bardosh berish darajasini oshirish maqsadida ularning kamchiliklarini aniqlash bo‘yicha mustaqil ekspertlar ishtirokida tanlovlar o‘tkazadi. Bu tanlovlar Davlat xavfsizlik xizmati tomonidan belgilangan maxsus elektron platforma orqali tashkil etiladi.

Bundan oldin ijtimoiy tarmoqlarda ayrim davlat axborot tizimlaridan O‘zbekiston fuqarolarining...

MG kompaniyasi MG4 oilasidagi birinchi to‘liq elektr krossover – MG 4X modelini taqdim etdi. Bu haqda CarNewsChina nashri xabar bermoqda.

Yangi avtomobil mashhur MG4 platformasi asosida yaratilgan bo‘lib, tez rivojlanayotgan elektr SUV segmentida raqobatlashishga mo‘ljallangan. Kompaniya ma’lumotiga ko‘ra, model nomidagi «X» belgisi «cheksiz imkoniyatlar» ma’nosini anglatadi. Bu avtomobil, ayniqsa, yosh xaridorlar uchun mo‘ljallangan.

Yangi MG 4X dizayni MG4 oilasining umumiy uslubini saqlab qolgan. Old qismida yoritiladigan MG logotipi va butun kenglik bo‘ylab cho‘zilgan LED chiroq paneli joylashgan. Old bamper esa sport uslubini ta’kidlash uchun agressiv shaklda ishlab chiqilgan. Yon tomondan avtomobil keskin chiziqli dizaynga ega. Kuzov balandroq klirens bilan...

UEFA Chempionlar ligasining 1/8 final bosqichi ilk uchrashuvida Angliyaning «Nyukasl» hamda Ispaniyaning «Barselona» klublari 1:1 hisobida durang o‘ynadi.

Sent-Jeyms Park stadionida bo‘lib o‘tgan uchrashuvning asosiy voqealari ikkinchi bo‘limning so‘nggi daqiqalariga to‘g‘ri keldi. 86-daqiqada Jeykob Merfining uzatmasidan so‘ng Xarvi Barns raqib darvozasini ishg‘ol qilib, mezbonlarni hisobda oldinga olib chiqdi.

Biroq o‘yin tugashiga bir necha daqiqa qolganda jarima maydonchasiga yorib kirgan Dani Olmo chalib yiqitildi. Hakam o‘n bir metrlik jarima zarbasini belgiladi. Lamine Yamal penaltini aniq amalga oshirib, muvozanatni tikladi va jamoasini mag‘lubiyatdan qutqarib qoldi.

Birinchi bo‘limning 34-daqiqasida Sandro Tonali ogohlantirilgan bo‘lsa, ikkinchi bo‘limda Joao Kanselo (68′) va Jo Uillok...

Range Rover Velar modelining ikkinchi avlodi sinovdan o‘tkazilmoqda. Internetda tarqalgan yangi suratlar model dizaynida jiddiy o‘zgarishlar bo‘lishini ko‘rsatadi.

Velar’ning birinchi avlodi 2017-yil bahorida taqdim etilgan edi. Model kompaniya tarixidagi eng aerodinamik avtomobillardan biri bo‘lib, uning aerodinamik qarshilik koeffitsiyenti 0,32 ni tashkil qilgan. So‘nggi to‘qqiz yil davomida krossover bir necha bor yangilandi. Eng katta restayling 2023-yilda amalga oshirilgan.

2025-yilda esa ikkinchi avlod Velar prototiplari sinovlarga chiqarildi. Dastlabki suratlarda avtomobil kuzovi krossover va universal aralashmasiga o‘xshashi taxmin qilingan edi. Yangi suratlar esa model dizayni yanada noodatiy bo‘lishini ko‘rsatmoqda. Kuzov shakli sedan va liftbek aralashmasini eslatadi.

Hozirgi Velar’ga xos tor yon oynalar...

AvtoVAZ Lada Largus CNG modelining gaz va benzin bilan ishlaydigan yangi bazaviy komplektatsiyalarini taqdim etdi. Yangilik tufayli avtomobilning boshlang‘ich narxi ancha arzonlashdi, deya yozmqoda Tarantas News nashri.

Endilikda Largus universali Classic, furgon versiyasi esa Comfort komplektatsiyasida taklif qilinadi. Ularning narxi mos ravishda taxminan $17,3 ming va $17,7 mingni tashkil etadi.

Yo‘lovchi tashishga mo‘ljallangan universal versiya ABS tizimi, old xavfsizlik yostiqchasi, konditsioner, to‘rtta elektr oynalar va masofadan boshqariladigan kalit bilan jihozlangan. Furgon esa ABS, konditsioner, old yo‘lovchi xavfsizlik yostiqchasi, elektr oynalar, yon oynalarni elektr boshqarish va uch bosqichli o‘rindiq isitish tizimiga ega.

Avval taqdim etilgan Drive komplektatsiyasi universali uchun...

Rossiyada Jetour kompaniyasi Jetour X90+ modelining to‘liq privodli yangi modifikatsiyasini taqdim etdi. Bu versiya kompaniyaning rasmiy saytida e’lon qilingan narxlar ro‘yxatiga kiritildi.

Yangi modifikatsiya 2 litrli 245 ot kuchiga ega dvigatel va 8 pog‘onali avtomatik uzatmalar qutisi bilan jihozlangan. To‘liq privodli versiya faqat Lux komplektatsiyasida taklif qilinadi va uning narxi taxminan $46 mingni tashkil etadi.

Taqqoslash uchun, shunga o‘xshash komplektatsiyadagi old g‘ildirakdan tortuvchi Jetour X90+ robotlashtirilgan uzatmalar qutisi bilan taxminan $43,5 mingga sotiladi. Ya’ni to‘liq privodli versiya qariyb 229 ming rublga qimmatroq.

Yangi krossover 7 o‘rindiqli salon bilan taqdim etiladi. Uning texnik jihozlari, asosan, old privodli yuqori komplektatsiya bilan...

Neft va gaz sohasida geologiya-qidiruv ishlarini kengaytirish, yangi konlarni aniqlash hamda qazib chiqarish hajmini barqarorlashtirish bo‘yicha amalga oshirilayotgan ishlar ko‘rib chiqildi. Bu haqda prezident matbuot xizmati xabar berdi.

Ma’lum qilinishicha, yil boshidan buyon 471 kvadrat kilometr maydonda 3D seysmik qidiruv ishlari olib borilgan. Shuningdek, 11 ta yangi quduq ishga tushirilgan, 20 ta quduqda ta’mirlash ishlari bajarilgan hamda 5 ta texnologik tadbir amalga oshirilgan.

Yig‘ilishda sohada operatsion samaradorlikni oshirish, korxonalarning xarajatlarini optimallashtirish va moliyaviy barqarorligini mustahkamlash masalalariga ham alohida e’tibor qaratildi.

Avvalroq Kursiv Uzbekistan Qashqadaryoda «G‘elon» xalqaro kurorti va yangi tog‘ turizm markazlari barpo etilishi haqida yozgandi.

Shuningdek, «O‘zbekneftgaz...

O‘zbekistonda «Tashabbusli budjet» dasturining 2026-yilgi birinchi mavsumi doirasida loyihalar uchun ovoz berish bosqichi boshlandi. Bu haqda Iqtisodiyot va moliya vazirligi xabar berdi.

Ovoz berish jarayoni 20-mart kuni soat 23:59 gacha davom etadi.

Fuqarolar loyihalarni qo‘llab-quvvatlash uchun «Ochiq budjet» portali veb-sahifasi, uning mobil ilovasi yoki Telegramdagi rasmiy bot orqali ovoz berishlari mumkin.

Avvalroq Kursiv Uzbekistan «Open budjet»da sheriklik loyihalarining ilk g‘oliblari aniqlangani haqida yozgandi.

Unga ko‘ra, joriy mavsumda sheriklik loyihalarining 50 foizi fuqarolar tomonidan moliyalashtirilmoqda.

Shuningdek, 1-fevraldan «Ochiq budjet» portali orqali «Tashabbusli budjet» jarayonlarining 1-mavsumi doirasida loyiha kiritish bosqichi o‘tkazilgandi.

Shayx Nuriddin Xoliqnazar hazratlari «Ramazondagi saharlik yoki iftorliklarda tuxum yeyish mumkinmi?» degan savolga quyidagicha javob berdi:

«Albatta, saharlik, iftorlikda tuxum yeyish joiz. Chunki iftordan keyin ro‘zador xohlagan halol taomini yeyishlikka haqqi bor. Tuxum yeb bo‘lmaydi, degan birorta ko‘rsatma yo‘q», – deydi Shayx Nuriddin Xoliqnazar hazratlari.

Eslatib o‘tamiz, avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi. Unga ko‘ra, saharlikdan keyin 250 – 300 ml suv ichish tavsiya etiladi. Bu organizmga ro‘za davomida zarur bo‘lgan zaxira suyuqlikni beradi.

Hududlar kesimida saharlik va iftorlik vaqtlaridagi farqni @fatvouz_taqvim_bot telegram boti orqali aniqlash mumkin. Bot orqali yashash hududingizni tanlab...

10-mart oqshomida UEFA Chempionlar ligasining 1/8 final bosqichida Ispaniyaning «Atletiko Madrid» va Angliyaning «Tottenhem» klublari to‘qnash keldi. Uchrashuv madridliklarning 5:2 hisobidagi ishonchli g‘alabasi bilan yakunlandi.

O‘yin kutilmaganda shiddatli boshlanib, «Atletiko» futbolchilari dastlabki 22 daqiqa ichida raqib darvozasiga 4 ta to‘p kiritishga erishdi. Hisob 6-daqiqada Xulian Alvaresning uzatmasidan so‘ng Markos Lorente tomonidan ochildi. Oradan sakkiz daqiqa o‘tib, 14-daqiqada Lorentening pasidan so‘ng Antuan Grizmann hisobni oshirdi.

«Tottenhem» o‘ziga kelib ulgurmasdan, 15-daqiqada Xulian Alvares uchinchi golni urdi. 22-daqiqada esa Grizmanning uzatmasidan so‘ng Robin Le Norman hisobni 4:0 ko‘rinishiga keltirdi. Ingliz klubi 26-daqiqada Risharlisonning uzatmasidan so‘ng Pedro Porro orqali birinchi golni urib, tanaffusga...

UEFA Chempionlar ligasining 1/8 final bosqichi doirasida Italiyaning «Atalanta» hamda Germaniyaning «Bavariya» jamoalari to‘qnash keldi. Uchrashuvda «Bavariya» yirik hisobda g‘alaba qozondi.

O‘yinning dastlabki daqiqalaridanoq «Bavariya» o‘zining hujumkor salohiyatini namoyish etdi. Uchrashuvning 12-daqiqasida Yosip Stanishich Serj Gnabrining uzatmasidan so‘ng hisobni ochdi. Oradan 10 daqiqa o‘tib, 22-daqiqada Dayo Upamekanoning uzatmasini Maykl Olise golga aylantirdi. 25-daqiqada Serj Gnabri jamoasining uchinchi golini kiritdi. 39-daqiqada «Bavariya» yarim himoyachisi Konrad Laymer hakam tomonidan sariq kartochka bilan jazolandi.

Tanaffusdan keyin ham vaziyat myunxenliklar foydasiga ishlashda davom etdi. 52-daqiqada Nikolas Jekson Luis Diasning pasini yakunlab, hisobni 0:4 ko‘rinishiga keltirdi. 64-daqiqada esa Maykl Olise Alfonso Devisning uzatmasidan so‘ng...

UEFA Chempionlar ligasi 1/8 final bosqichi doirasida Turkiyaning «Galatasaroy» klubi o‘z maydonida Angliyaning «Liverpul» jamoasi ustidan 1:0 hisobida g‘alaba qozondi. Uchrashuvdagi yagona va hal qiluvchi gol o‘yinning 7-daqiqasida kiritildi.

Viktor Osimxenning uzatmasidan so‘ng Mario Lemina darvozani aniq nishonga olib, hisobni ochdi. «Liverpul» tezkor goldan so‘ng tashabbusni o‘z qo‘liga olishga harakat qilgan bo‘lsa-da, hisobni tenglashtira olmadi. O‘yin davomida keskinlik yuqori bo‘lib, hakam bir necha bor ogohlantirishlar berishga majbur bo‘ldi.

Ingliz klubi safida 34-daqiqada Milosh Kerkez, 55-daqiqada esa Virdjil van Deyk sariq kartochka bilan jazolandi. O‘yin so‘ngida, 88-daqiqada «Liverpul» yarim himoyachisi Rayan Gravenberx, 90-daqiqada esa «Galatasaroy» himoyachisi Davinson Sanches qo‘polligi uchun...

11-mart sanasi butun dunyoni o‘zgartirib yuborgan global o‘zgarishlar, mudhish tabiat ofatlari hamda sport olamidagi yorqin yulduzlarning tug‘ilgan kuni bilan tarix sahifalaridan o‘rin olgan. Kursiv Uzbekistan kunning eng muhim voqealarini xronologik tartibda taqdim etadi.

1978-yili Kot-d’Ivuar davlatida afrikalik afsonaviy futbolchi Didye Drogba dunyoga keldi. U Angliyaning «Chelsi» klubi tarkibida 2012-yili Chempionlar ligasi g‘olibi bo‘lgan va ikki marta Afrikaning eng yaxshi futbolchisi deb topilgan. O‘zbekistondagi millionlab futbol muxlislari uni chiroyli gollari va maydondagi yetakchilik qobiliyati bilan yaxshi eslashadi.

1991-yilda Italiya terma jamoasi va «Milan» klubining sobiq himoyachisi Alesandro Florensi tavallud topdi. U, asosan, o‘ng qanot himoyasida harakat qilib, o‘zining tezligi...

11-mart, chorshanba kuni muborak Ramazon oyining yigirma birinchi kuni bo‘lib, Toshkent shahrida saharlikning tugashi soat 5:24 ni tashkil qiladi. Iftorlik esa 18:29 da boshlanadi.

O‘zbekistondagi qolgan shaharlardagi vaqtlar quyidagi jadvalda keltirilgan:

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ’ala rizqika aftartu, fag‘firli, ya G‘offaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi.

Tashanovga ma’muriy ish ochildi, APL futbolchilarining narxlari yangilandi — Kursiv Uzbekistan 10-mart kuni e’lon qilingan yangiliklarning muhimlarini bir joyga jamladi.

Surxondaryoda o‘qituvchi 180 ming dollarlik narkotikni sotayotganda qo‘lga olindi

Surxondaryo viloyatining Sariosiyo tumanida aniqlangan. Tezkor tadbir davomida tumandagi umumiy o‘rta ta’lim maktablaridan birida o‘qituvchi bo‘lib ishlovchi, 1984-yilda tug‘ilgan fuqaro avvaldan tojikistonlik narkokuryerlar tomonidan olib kelingan 14 kg 680 gramm opiyni shartli xaridorga $180 mingga sotayotgan vaqtida ashyoviy dalillar bilan qo‘lga olingan.

O‘zbekistonda bu yilgi Navro‘z bayrami qanday nishonlanadi

2026-yilgi Navro‘z umumxalq bayramiga tayyorgarlik ko‘rish va uni o‘tkazish tartibi belgilandi. Bayram Ramazon hayiti bilan hamohang tarzda o‘tkazilib, Mehribonlik...

Belarusda BelGee kompaniyasi 8-Mart munosabati bilan pushti rangdagi Geely EX2 elektromobilining cheklangan seriyasini taqdim etdi. Maxsus versiya atigi 89 dona ishlab chiqariladi, deb yozmoqda Tarantas News nashri.

Avtomobilning narxi o‘zgarmagan – 39,9 ming Belarus rubli (taxminan $12,2 ming). Kompaniya maxsus dizaynga qaramay, modelni bazaviy narxda taklif qilmoqda.

Texnik jihatdan elektromobil o‘zgarishsiz qolgan. U 395 kmgacha yurish zaxirasiga ega, orqa g‘ildirakdan tortuvchi tizim va mustaqil osma bilan jihozlangan. 1.66C tezkor zaryadlash texnologiyasi yordamida batareya 30 foizdan 80 foizgacha 21 daqiqada to‘ldiriladi.

Salonida Flyme Auto multimedia tizimi, ikkita HD ekran hamda sovuq iqlim uchun mo‘ljallangan qo‘shimcha qulayliklar mavjud. Bagaj hajmi esa...

Qashqadaryoda turizmni rivojlantirish maqsadida yangi tog‘ turizm markazlari va xalqaro kurortlar barpo etilib, mehmonxonalar soni ham sezilarli darajada oshiriladi. Bu haqda prezident ishtirokidagi yig‘ilishda muhokama qilindi.

Yiliga 1 mln sayyohni jalb etayotgan Miraki shaharchasi tajribasi asosida turizm loyihalarini boshqa tumanlarda ham kengaytirish zarurligi ta’kidlandi. Jumladan, Qamashi tumanida «Maydanak» baland tog‘ turizm markazini tashkil etish, Shahrisabz tumanida bir vaqtning o‘zida 13 ming sayyohga xizmat ko‘rsata oladigan «G‘elon» xalqaro umummavsumiy kurortini barpo qilish, Yakkabog‘ tumani Tatar qishlog‘ida turizmni rivojlantirish hamda Hazrati Sulton cho‘qqisi hududida treking yo‘nalishlari va chodirli uylar oromgohini tashkil etish rejalashtirilgan.

Shuningdek, joriy yilda viloyatda 45 ta mehmonxona va...