Yangiliklar

Kursiv Uzbekistan muhim yangiliklarni bir joyga jamladi.

O‘zbekistonda «Haj va Umra yagona portali» ishga tushdi

O‘zbekiston fuqarolari endilikda Haj va Umra safarlariga onlayn tarzda navbatga yozilish imkoniyatiga ega bo‘ldi. Yangi tizim — «Haj va Umra yagona portali» ishga tushirildi. Bu haqda Din ishlari bo‘yicha qo‘mita ma’lumot berdi.

General Motors avtomobillarida yangi texnologiyalarni joriy qiladi

General Motors (GM) Nyu-Yorkdagi GM Forward konferensiyasida yangi avtonom boshqaruv, ovozli sun’iy intellekt va yagona dasturiy platforma texnologiyalarini e’lon qildi. Bu haqda Electriccarsreport xabar bermoqda.

«Paxtakor» akademiyasi dunyoning eng yaxshi 100 ta futbol maktabi ro‘yxatiga kirdi

Xalqaro sport tadqiqotlari markazi (CIES) tomonidan e’lon...

Yevropa Ittifoqi Rossiyaga nisbatan navbatdagi 19-sanksiyalar paketini rasman joriy etdi. Bu haqda Yevroittifoq Kengashi bayonotida ma’lum qilindi.

Yangi sanksiyalar 21 nafar jismoniy va 41 ta yuridik shaxsga qarshi qo‘llanadi. Cheklovlarga Rossiyaning yirik sanoat korxonalari, banklar, logistika kompaniyalari va ayrim xorijiy firmalar kiritilgan.

Asosiy cheklovlar

Yevropa Ittifoqi quyidagilarga sanksiya joriy etdi:

2026-yil 1-yanvardan boshlab O‘zbekistonda quriladigan barcha turarjoy majmualari nomi faqat davlat tilida bo‘ladi. Bu haqda hukumat qarori e’lon qilindi.

Unga ko‘ra, binolardagi barcha yozuvlar – peshlavha, reklama, e’lon va devor yozuvlari ham o‘zbek tilida yozilishi shart.

Qurilish ruxsatnomalari va nazorat hujjatlari endilikda Qurilish va uy-joy kommunal xo‘jaligi inspeksiyalari orqali yuritiladi.

Shuningdek, E-XSUD, «Shaffof qurilish» va ekologiya tizimlari Kadastr agentligining axborot tizimi bilan integratsiya qilinadi. Qaror rasmiy e’lon qilinganidan 3 oy o‘tib kuchga kiradi.

Avvalroq «Kursiv» nashri O‘zbekistondagi 320 ta vokzal va stansiyalar nomi almashtirilishi haqida yozgandi.

2026-yil 1-yanvardan boshlab «Yangi O‘zbekiston qiyofasidagi» 33 ta tuman (shahar) hamda Surxondaryo viloyatining barcha hududlarida yangi boshqaruv tizimi sinov tariqasida joriy etiladi. Bu haqda prezident farmoni qabul qilindi.

Farmon asosida 9 ta vazirlik va idora bo‘linmalari hokimliklar tarkibiga o‘tkaziladi. Hokimlar ushbu bo‘linmalar ustidan bevosita rahbarlik qiladi, xodimlarni tayinlaydi va rag‘batlantiradi.

Shuningdek, viloyat hokimining o‘rinbosarlari soni 6 nafarga, tuman va shahar hokimlarida esa 4 nafarga yetkaziladi. Har bir rahbarga kamida 3 nafar ijrochi xodim biriktiriladi.

Shu bilan birga, KPI ko‘rsatkichlariga to‘liq erishgan hokimlarga ajratiladigan mablag‘ 15 foizga oshiriladi. 2026-yildan boshlab «Hududlararo iqtisodiy hamkorlik forumi» har yili o‘tkaziladi. «Mahalliy davlat hokimiyati...

O‘zbekiston energetika sohasida kelasi o‘n yillikda tub islohotlar amalga oshiriladi. Boston Consulting Group (BCG) xalqaro konsalting kompaniyasi prognoziga ko‘ra, mamlakatda 2035-yilgacha elektr energiyasi iste’moli 123 mlrd kVt·soatgacha, ishlab chiqarish quvvati esa 34 GVtga yetadi.

Bu haqda BCG boshqaruvchi direktori va hamkori Igor Alekseev 23-oktabr kuni Toshkentda bo‘lib o‘tgan «Investorlar kuni» doirasida Kursiv’ga ma’lum qildi.

Islohotlarning yangi bosqichi

Alekseevning aytishicha, so‘nggi besh yilda O‘zbekiston energetika sektori chuqur o‘zgarishlarni boshdan kechirdi.

2019-yilda «O‘zbekenergo» qayta tashkil etilib, elektr ishlab chiqarish, uzatish va taqsimlash bo‘yicha alohida kompaniyalar tuzildi.

2023-yilda esa «Uzenergosotish» kompaniyasi yagona xaridor sifatida faoliyat boshladi, «Milliy elektr tarmoqlari» esa uzatish uchun...

2026-yil 1-yanvardan boshlab 5 yil davomida o‘rta va past orbitali yo‘ldosh aloqa tarmoqlarini O‘zbekiston hududida markaziy yer stansiyalari orqali tashkil etuvchi operatorlar bir qator soliq imtiyozlariga ega bo‘ladi. Bu haqda prezident qarori e’lon qilindi.

Unga ko‘ra, imtiyozlar quyidagicha:

Ushbu imtiyozlar Soliq kodeksiga tegishli o‘zgartirishlar kiritilgach kuchga kiradi.

Avvalroq Kursiv Uzbekistan elektrotexnika korxonalariga aylanma mablag...

Qozog‘iston Mudofaa vazirligi ma’lumotiga ko‘ra, Burli tumanida noma’lum dron portlashi qayd etildi. Hodisa aholi yashaydigan hududdan tashqarida sodir bo‘lgan, hech kim jabr ko‘rmagan, moddiy zarar ham qayd etilmagan.

Dronning qaysi davlatga mansubligi hozircha aniqlanmagan, biroq uning ayrim qismlarida ukrain tilidagi yozuvlar topilgani sababli u Ukrainada ishlab chiqarilgan bo‘lishi mumkinligi taxmin qilinmoqda.

Vazirlik ma’lumotiga ko‘ra, tekshiruv davomida dron katta quvvatga ega jangovar zaryad olib yurgani aniqlangan. Hozirda hodisa joyida tuman hokimligi, favqulodda vaziyatlar departamenti va politsiya vakillari faoliyat yuritmoqda.

Mudofaa vazirligi mamlakat havo hududi ustidan nazorat kuchaytirilganini ma’lum qildi. Davlat chegarasini ruxsatsiz kesib o‘tishning oldini olish maqsadida qo‘shimcha choralar ko‘rilgan...

21-oktabr kuni Yangi Zelandiyada 100 mingga yaqin davlat sektoridagi xodimlar – o‘qituvchilar, hamshiralar va davlat xizmatchilari ish tashlab, hukumatni ta’lim va sog‘liqni saqlash tizimlarini moliyalashtirishga chaqirdi. Bu haqda The Guardian nashri xabar bermoqda.

Bu mamlakat tarixidagi eng yirik noroziliklardan biri bo‘ldi. Tashkilotchilarning ma’lumotiga ko‘ra, 60 mingdan ortiq maktab o‘qituvchisi, 40 mingga yaqin hamshira va shifokor, shuningdek, 15 ming davlat xizmatchisi namoyishlarda qatnashdi.

Kuchli yomg‘ir va shamollarga qaramay minglab odamlar Oklend, Vellington va boshqa shaharlar ko‘chalarida yig‘ilib, plakatlar bilan hukumatni ta’lim va sog‘liqni saqlashni qutqarishga chaqirdi.

«Bemorlar vaziyat yaxshilanishini kutib azob chekishlari yoki hayotdan ko‘z yumishlari...

«Taksi» filmidagi avtomobil, afsonaviy retromobillar, katta qiziqishlarga sabab bo‘lgan sariq Lamborghini: CAEx Uzbekistan xalqaro ko‘rgazma markazida Toshkent xalqaro avtomobillar ko’rgazmasi bo‘lib o’tmoqda. Kursiv Uzbekistan avtomobil ixlosmandlari uchun ko‘rgazmadan fotoreportaj tayyorladi.

Foto: Ahmad Muhammadov / Kursiv Uzbekistan

Ko‘rgazmada bir qator brendlar o‘z avtomobillarini taqdim qilishdi. Tashrif buyurganlar orasida noyob avtomobillarga qiziqish yuqori bo‘ldi.

Foto: Ahmad Muhammadov / Kursiv Uzbekistan

Bundan tashqari, bir qator ko‘rinishi qayta ishlangan avtomobillar ham kelgan mehmonlarni o‘ziga jalb qildi.

Pavilionlar orasida sariq rangli avtomobillar ham tomoshabinlarning diqqatini tortdi. Dunyoning bir qator nufuzli brendlari bo‘lgan Lamborghini, Xiaomi, Hammer, Mercedec va Zeekr brendiga tegishli bo‘lgan avtomobillarni ushbu ko‘rgazmada ajoyib ranglarda...

Yevropa Ittifoqi e’lon qilgan yangi sanksiyalar ro‘yxatiga Qozog‘iston, Qirg‘iziston va Tojikistondagi jami beshta bank kiritildi.

Yevroittifoqning 19-sanksiyalar paketi quyidagi moliya tashkilotlarini o‘z ichiga oladi:

Mazkur banklarga nisbatan sanksiyalar 2025-yil 12-noyabrda kuchga kiradi. Ular Yevropa Ittifoqi hududida aktivlarni muzlatish va moliyaviy operatsiyalarni taqiqlashni nazarda tutadi.

Sentabr oyida Markaziy bankda bo‘lib o‘tgan yig‘ilishda regulyator raisi Timur Ishmetov sanksiyaga tushgan banklarga oid savollarga javob bergandi.

Uning ta’kidlashicha, Markaziy bank bu masalaga jiddiy yondashadi va hozircha xavotirli vaziyat yo‘q. Agar sanksiyaga tushgan tashkilotlar bo‘lsa, avval...

Cobalt avtomobili o‘zbek avtobozorida hanuz eng ommabop modellardan biridir. Yanvar – sentabr oylarida 95 ming dona Cobalt xarid qilingan. Kursiv Uzbekistan nashrining ushbu maqolasida Chevrolet Cobalt avtomobilidagi eng ko‘p uchraydigan muammolar haqida so‘z boradi.

Maqoladan quyidagilarni bilib olasiz:

Dvigatel va mexanik muammolar

Ba’zi Cobalt avtomobillarida (asosan eski modellarda) dvigatel zanjiri cho‘zilib ketishi yoki yeyilishi kuzatiladi. Natijada motor ishlaganda g‘ayrioddiy shovqin eshitiladi va avtomobilning yurish holati beqarorlashadi. Bu muammoni e’tiborsiz qoldirish esa keyinchalik ancha qimmat ta’mirlashga...

Xiaomi kompaniyasi tomonidan yangi Redmi K90 Standard Edition smartfoni taqdim etildi. Bu haqda ITHome xabar bermoqda.

Ishlab chiqaruvchi uni K seriyasidagi eng mukammal bazaviy model deb atadi. Qurilma kuchli Snapdragon 8 Elite protsessorida ishlaydi va 7100 mA/soat sig‘imli akkumulyator bilan jihozlangan. Batareya 100 vattli tez zaryadlashni qo‘llab-quvvatlaydi.

Ekran va dizayn

Redmi K90’da 6,59 dyuymli Super Pixel Full RGB displey o‘rnatilgan. Ekran 2510×1156 piksel aniqlikka ega va Xiaomi Qingshan Eye Protection 3.0 texnologiyasi orqali ko‘zlarni himoya qiladi. Wet Touch 2.0 texnologiyasi esa qurilmadan nam qo‘l bilan ham foydalanish imkonini beradi.

Batareya va funksiyalar

Smartfonda Xiaomi Jinshajiang akkumulyatori qo‘llanilgan bo‘lib...

AQShning davlat qarzi tarixda ilk bor $38 trln darajadan oshdi. Bu haqda Amerika Moliya vazirligi ma’lumotlariga tayanib, «RBK» xabar berdi.

Ma’lum qilinishicha, o‘tgan yil davomida AQShning davlat qarzi qariyb $2,18 trlnga oshgan. Qarz hajmi o‘tgan yil avgustida $37 trln.dan oshgan edi. Kongressning Qo‘shma iqtisodiy qo‘mitasi hisob-kitoblariga ko‘ra, davlat qarzi 2026-yil fevraligacha yana $1 trln.ga ko‘payadi deb kutilgan, ammo bu jarayon rejalashtirilganidan ancha erta yuz berdi.

Tahlilchilarning fikricha, qarzning bunday tez o‘sishi federal hukumat faoliyatining vaqtinchalik to‘xtab qolishi bilan bog‘liq. Associated Press yozishicha, bu pandemiyadan keyingi eng tez o‘sish sur’ati sifatida qayd etilgan.

Avvalroq Kursiv Uzbekistan AQSh sanksiyalaridan so‘ng neft...

«UzAuto Motors» AJ mijozlarga qulay va ishonchli xizmat ko‘rsatish maqsadida avtomobil xarid shartnomalarini raqamlashtirmoqda. Kompaniyaning ma’lum qilishicha, endi har bir shartnomaga maxsus QR-kod qo‘yiladi.

Bu tizim qalbaki shartnomalarning oldini olish va iste’molchilarga xavfsiz xizmat ko‘rsatish uchun joriy etilgan.

Rasmiy diler bergan shartnomadagi QR-kodni skanerlaganda undagi ma’lumotlar shartnomadagi ma’lumotlarga aynan mos bo‘lishi kerak. Faqat shunda u haqiqiy hisoblanadi.

QR-kod orqali xaridor o‘z ism-sharifi, shartnoma raqami, avtomobil narxi, to‘lov tafsilotlari, diler nomi va manzili hamda shartnoma holatini onlayn tekshira oladi.

Avvalroq UzAuto Motors Chevrolet Cobalt va Damas ishlab chiqarishni kamaytirgani xabar qilingandi. 2025-yil yanvar – sentabr oylarida Chevrolet Cobalt va Damas ishlab...

Shvetsiyaning 1,5 ming aholiga ega Xallevik qishlog‘ida joylashgan «Myellybyu» futbol klubi mamlakat oliy divizionida ilk bor chempionlikni qo‘lga kiritdi.

Jamoa 27-turda safarda «Gyoteborg»ni 2:0 hisobida magʻlub etib, ochkolari sonini 66 taga yetkazdi. Natijada klub ikkinchi oʻrindagi «Hammarbyu»dan 11 ochko oldinga chiqib, uch tur oldin chempionlikni kafolatladi. Jamoa mavsum davomida atigi bitta magʻlubiyatga uchradi.

Muxlislar bu yutuqni «Xallevik moʻjizasi» deb atamoqda. Chunki «Myellybyu» Shvetsiyadagi eng kam budjetli jamoalardan biri. Uning moliyaviy imkoniyatlari «Malmyo» klubining atigi 15 foizini tashkil etadi. Shunga qaramay ular moliyaviy imkoniyatlari katta raqiblarini ortda qoldirib, chempionlikka erishdi.

Klubni 59 yoshli murabbiy Anders Torstensson boshqaradi. U 2023-yilda surunkali...

Xitoyning Xpeng kompaniyasi tomonidan yangi Xpeng X9 avtomobili taqdim etildi. Bu haqda CarNewsChina xabar bermoqda.

Model 7 o‘rindiqli katta MPV yilning to‘rtinchi choragida savdoga chiqadi. U Xpeng’ning ilg‘or Kunpeng Super Range Extension texnologiyasi asosida ishlab chiqilgan.

Avtomobil 1,5 litrli turbomotorli range extender (DAM15NTE) bilan jihozlangan bo‘lib, 110 kVt quvvatga ega. 800V yuqori kuchlanishli platforma va 5C tezkor zaryadlash tizimi orqali mashina faqat elektrda 452 km, umumiy hisobda esa 1602 km masofani bosib o‘tadi.

Tashqi ko‘rinishda X9 EREV oldingi elektr versiyaga o‘xshaydi, biroq ba’zi dizayn o‘zgarishlari bilan farq qiladi. Split faralar, uch bo‘lakli LED kunduzgi chiroqlar va yopiq panjara old...

Shavkat Mirziyoyev 23-oktabr kuni Yevropa kengashi prezidenti Antoniu Koshta va Yevropa komissiyasi prezidenti Ursula fon der Lyayenning taklifiga binoan Bryussel shahriga rasmiy tashrif bilan jo‘nab ketdi. Bu haqda prezident matbuot xizmati xabar berdi.

Tashrif davomida O‘zbekiston rahbari Yevropa Ittifoqi (YI) yetakchilari bilan uchrashib, O‘zbekiston va YI o‘rtasidagi hamkorlikni rivojlantirish masalalarini muhokama qiladi. Shuningdek, Kengaytirilgan sheriklik va hamkorlik to‘g‘risidagi bitim imzolanishi ham kutilmoqda.

Bundan tashqari, Mirziyoyev Belgiya qiroli Filipp hamda Yevropaning yirik kompaniyalari va moliyaviy tashkilotlari vakillari bilan ham uchrashuvlar o‘tkazadi.

Avvalroq «Kursiv» nashri Finlyandiya prezidenti Aleksandr Stubb 30 – 31-oktabr kunlari O‘zbekistonga tashrif buyurishi haqida yozgandi. Tashrif doirasida ikki davlat o‘rtasidagi...

AQSh Rossiya kompaniyalari «Rosneft» va «Lukoyl»ga qarshi sanksiya joriy qilganidan soʻng neft narxi 4 foizga oshdi. Bu haqda Reuters xabar berdi.

Ta’kidlanishicha, Brent markali neft fyucherslari 4,3 foizga qimmatlab, barreli $65,30 ga yetdi. West Texas Intermediate (WTI) esa 4,4 foizga oshib, $61,06 ni tashkil etdi.

AQSh Moliya vazirligi bayonotida qayd etilishicha, bu choralar Rossiyani Ukrainadagi urushni toʻxtatishga undash maqsadida kiritilgan. Prezident Donald Tramp avval Rossiyaga bu masalada sanksiya qoʻllamagan edi, biroq endi Rossiyaning ikki yirik neft eksportchisi Kremlning urush mashinasini moliyalashtirayotgani bois cheklovlarga uchradi.

Shuningdek, Buyuk Britaniya oʻtgan haftada shunga oʻxshash sanksiyalarni e’lon qilgan, Yevropa Ittifoqi esa 19-paket doirasida...

24-oktabr uchun valyuta kurslari e’lon qilindi. Shu kun uchun AQSh valyutasi 12 129,33 so‘m (+28,04 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 16-oktabr uchun 12 233,67 so‘m (+48,56 so‘m) etib belgilandi. 17-oktabr kuni AQSh valyutasi 12 160,99 so‘mga (-72,68 so‘m) tenglashdi. 20-oktabr kuni dollar 12 108,24 so‘m (-52,75 so‘m) etib belgilangan edi. 21-oktabr kuni dollar 2 060,15 so‘mga (-48,09 so‘m) tenglashgan edi. 22-oktabr kuni dollar 12 011.02 so‘m (-49,13 so‘m) etib belgilangandi. 23-oktabr kuni dollar 12 101,29 so‘mga (+90,27 so‘m) tenglashdi.

Markaziy bank ma’lumotlariga ko‘ra, yevro 30,08 so‘mga...

2025-yil yanvar – sentabr oylarida O‘zbekistonda 177 mingta nikoh qayd etilgan. Bu o‘tgan yilning shu davriga nisbatan 1,3 foizga kam (179,4 mingta). Shu bilan birga, ajrimlar soni 34 mingdan 35,4 mingtagacha oshgan, ya’ni 4,1 foizga ko‘paygan. Bu haqda Milliy statistika qo‘mitasi ma’lum qildi.

Ma’lumotlarga ko‘ra, nikohlar sonining kamayishi ketma-ket beshinchi yil davom etmoqda. Agar 2021-yilda mamlakatda 206,8 mingta nikoh tuzilgan bo‘lsa, 2025-yilda bu ko‘rsatkich 29,8 mingtaga (-14,4 foiz) kamaygan.

Shu davr mobaynida ajrimlar soni esa 29,1 mingdan 35,4 mingtagacha oshgan, bu esa 21,6 foiz o‘sishni anglatadi.

Natijada ajrimlarning nikohlarga nisbati 14 foizdan 20 foizgacha oshdi – deyarli har beshinchi...

Endi O‘zbekistonda savdo do‘konlari mahsulot narxini avval sun’iy oshirib, keyin «chegirma» deb tushirish orqali xaridorlarni chalg‘ita olmaydi. Hukumat qarori bilan chakana savdo qoidalariga o‘zgartirishlar kiritildi.

Qarorga ko‘ra, endi chegirma e’lon qilinganda avvalgi narx oxirgi 30 kun ichidagi eng past narx bo‘lishi shart. Sotuvchi aksiya yoki chegirma o‘tkazmoqchi bo‘lsa:

Shuningdek, aksiyadagi narx odatdagi narxdan katta shriftda yozilmasligi belgilangan. Alkogol, tamaki va nikotin mahsulotlariga esa bunday aksiyalar qo‘llanilmaydi.
Qoidalarni buzgan sotuvchilarga javobgarlik choralari qo‘llanadi.

Avvalroq O‘zbekistonda muddati...

Iqtisodiyot va moliya vaziri Jamshid Qo‘chqorov mamlakat iqtisodiyoti 2025-yilda 7 foizga o‘sishini ma’lum qildi. Bu haqda Kursiv Uzbekistan muxbiri xabar bermoqda.

Qo‘chqorovning aytishicha, O‘zbekiston global iqtisodiy qiyinchiliklarga qaramay, ishonchli o‘sish sur’atlarini saqlab qolmoqda.

«Yil yakuni bo‘yicha konsolidatsiyalashgan budjet taqchilligi maqsadli ko‘rsatkich – YIMning 3 foizi darajasida bo‘ladi. Inklyuziv o‘sish va iqtisodiy barqarorlikni qo‘llab-quvvatlash uchun bizning fiskal strategiyamiz intizom, samaradorlik va barqarorlik tamoyillariga asoslanadi», – deya qayd etdi u.

Tadbir Franklin Templeton investitsion kompaniyasi tomonidan tashkil etilgan bo‘lib, u O‘zbekiston Milliy investitsiya jamg‘armasini boshqaradi. Vazir ma’lumotiga ko‘ra, 2025-yilning birinchi yarmida YIM 7,2 foizga o‘sdi.

Uning so‘zlariga ko‘ra, O‘zbekistonning...

O‘zbekiston Markaziy banki mamlakatni yaqin yillarda investitsiyalar, savdo va moliya uchun mintaqaviy xab sifatida pozitsiyalashni hal qiluvchi davr deb bilmoqda. Bu haqda 2025-yil 23-oktabr kuni Franklin Templeton tomonidan boshqariladigan Milliy investitsiya jamg‘armasi (O‘zMIJ) tashkil etgan «Investorlar kuni» tadbirida Markaziy bank raisi Timur Ishmetov ma’lum qildi. O‘z nutqida u so‘m dollarga nisbatan yil boshidan beri 7 foizga mustahkamlanganini aytdi.

O‘zbekiston biznes uchun ochiq

Markaziy bank rahbari ta’kidlashicha, Markaziy bank o‘zining narxlar va moliyaviy barqarorlikni ta’minlash bo‘yicha mandatiga qat’iy sodiq.

«Inflyatsiya pasaymoqda va yil oxiriga borib 8% atrofida bo‘ladi, bu esa bizning o‘rta muddatli 5 foizlik...

OnePlus kompaniyasi 27-oktabr kuni Xitoyda yangi OnePlus 15 va Ace 6 smartfonlarini taqdim etadi. Rasmiy posterdagi ma’lumotlarga ko‘ra, OnePlus Ace 6 kompaniya tarixidagi eng ilg‘or Ace modeli bo‘ladi.

Yangi smartfon 165 Hz chastotali tekis OLED ekran, ultratovushli barmoq izi skaneri va metall korpusga ega. Qurilma IP66/68/69/69K himoya darajalariga javob beradi.

Asosiy e’tibor 7800 mA/soat sig‘imli akkumulyator va 120 Vt tezkor quvvatlash tizimiga qaratilgan. Bu OnePlus smartfonlari orasida eng katta batareya hisoblanadi. Hatto flagman OnePlus 15 ham 7300 mA/soat quvvatga ega bo‘ladi.

OnePlus Ace 6 Snapdragon 8 Elite protsessori bilan ishlaydi. Qurilmada 16 GB RAM va 1 TB xotira bo‘ladi...