Yangiliklar

Toshkentda zargarlik buyumlari, qimmatbaho toshlar va olmoslarni sertifikatlashga ixtisoslashtirilgan «GCI Gemological Centers Uzbekistan» gemmologiya markazi tashkil etildi. Bu haqda «Dunyo» AA ma’lum qildi.

Markaz Isroildagi elchixonaning ko‘magi bilan 2025-yil avgust oyida Tel-Avivda «GCI Gemological Centers Ltd.» va O‘zbekistonning «Expert One» MCHJ o‘rtasida tuzilgan shartnoma asosida tashkil etildi. Bosh ofisi Tel-Avivda joylashgan kompaniya qimmatbaho toshlarni ekspertizadan o‘tkazish, baholash va sertifikatlash bo‘yicha xizmat ko‘rsatadi hamda gemmologiya sohasida mutaxassislar tayyorlaydi.

Toshkent filialining ochilish marosimida Isroil elchisi Gideon Lustig, «New Uzbekistan» O‘zbekiston – Isroil savdo-investitsiya uyi prezidenti Nargiza Qodirova va kompaniya vakillari ishtirok etdi. Markaz gemologik tadqiqotlar o‘tkazish, xalqaro «GCI» sertifikatlarini berish...

AQShning Janubiy va Markaziy Osiyo bo‘yicha maxsus elchisi Serjio Gor 3 – 7-fevral kunlari Qirg‘iziston va O‘zbekistonga tashrif buyuradi. Bu haqda AQSh davlat departamenti ma’lum qildi.

Bishkekdagi tashrif davomida elchi «B5+1» biznes forumida ishtirok etib, Qozog‘iston, Qirg‘iziston, Tojikiston, Turkmaniston va O‘zbekiston (C5) hamda AQShdan kelgan yuqori darajadagi biznes rahbarlari va siyosatchilar bilan muloqot qiladi. Muzokaralarda u biznes hamjamiyatining AQSh – Markaziy Osiyo hamkorligini rivojlantirishdagi muhim rolini ta’kidlashga e’tibor qaratadi.

Shuningdek, Bishkek va Toshkentda Gor yuqori martabali amaldorlar bilan ikki tomonlama hamkorlikni kengaytirish imkoniyatlarini muhokama qiladi. AQSh Qirg‘iziston va O‘zbekiston bilan iqtisodiy aloqalarni mustahkamlash hamda mintaqada barqarorlik va farovonlikni...

Shavkat Mirziyoyev bugun, 3-fevral kuni suv resurslaridan samarali foydalanish va suv tejovchi texnologiyalarni keng joriy etish bo‘yicha taqdimot bilan tanishdi. Bu haqda prezident matbuot xizmati xabar berdi.

O‘zbekistonda bu texnologiyalar joriy qilingan maydonlar 2,6 million gektarga yetib, sug‘oriladigan yerlarning 60 foizini qamrab oldi. Natijada har yili 2,5 milliard kub metr suv tejalmoqda.

Taqdimotda qamrovni yanada kengaytirish rejalari ko‘rib chiqildi. Unga ko‘ra, 2028-yilgacha suv tejovchi texnologiyalar 930 ming gektar maydonda o‘rnatilib, umumiy qamrov 3,5 million gektarga, ya’ni sug‘oriladigan yerlarning 80 foiziga yetkaziladi. Bu yiliga 3,5 milliard kub metr suvni iqtisod qilish, 300 ming gektar yerning suv ta’minotini yaxshilash va takroriy...

Ijtimoiy reyestrga kiritilgan oilalar uchun individual reja tizimi joriy etildi. Bu haqda Adliya vazirligi ma’lum qildi.

Ijtimoiy reyestrga kiritilgan oilalarga individual reja ishlab chiqish tartibi rasman belgilandi. Qarorga ko‘ra, oila Reyestrga kiritilgan kundan boshlab 10 ish kuni ichida individual reja tayyorlanadi.

Oila reyestrga kiritilgandan so‘ng 3 ish kuni ichida mahalla yordamchisi va ijtimoiy xodim tomonidan «Onlayn mahalla» va axborot moduli orqali reja ishlab chiqiladi. Reja oilaning imkoniyatlari, ko‘nikmalari, qiziqishlari, fikri va yashash sharoiti hamda arizada ko‘rsatilgan xizmatlarga bo‘lgan ehtiyojlar asosida tayyorlanadi.

Individual rejada oilaga taqdim etiladigan qonunchilikda belgilangan xizmatlar, ularni taqdim qilish tartibi, muddati va mas’ul davlat organlari...

Xiaomi kompaniyasi Xiaomi 17, Xiaomi 17 Pro va Xiaomi 17 Pro Max smartfonlari uchun yangi 3.0.44.0.WPCCNXM dasturiy ta’minot yangilanishini taqdim etdi. Bu haqda Mydrivers nashri ma’lum qildi.

Yangilanish hozirda barqaror beta-test bosqichida bo‘lib, foto va video sifatini yaxshilashga qaratilgan. Ayniqsa, olov-shou va sahna chiqishlari kabi murakkab sharoitlarda ham smartfonlar samarali ishlaydi. Xiaomi 17 Ultra modelida ishlatiladigan aqlli sahna aniqlash tizimi asosiy kamerada ham qo‘llab-quvvatlanadi.

Xiaomi 17 Pro va Xiaomi 17 Pro Max modellari uchun videoda LOFIC rejimini qo‘lda yoqish imkoniyati qo‘shilgan. Bu rejim 4K formatida 60 kadr/sekund tezlikda video yozishni ta’minlaydi va yorug‘lik hamda soyalarni aniqroq uzatadi. Shuningdek...

Shavkat Mirziyoyev 3-fevral kuni urbanizatsiya va uy-joy qurilishida yangicha yondashuvlarni joriy etish yuzasidan taqdimot bilan tanishdi. Bu haqda prezident matbuot xizmati ma’lum qildi.

Aholining uy-joyga bo‘lgan talabini qondirish maqsadida so‘nggi 8 yilda mamlakatda 120 mln/kvadrat metr yoki 600 mingdan ziyod xonadonlar qurilib, foydalanishga topshirildi. Shu davr mobaynida 541 ming nafar fuqaroga arzon ipoteka kreditlari va subsidiyalar orqali 103 trillion so‘m mablag‘ ajratildi.

Urbanizatsiya va uy-joy qurilishi hajmlari

Qurilish ishlari kengayishi qurilish materiallari sanoatining rivojiga turtki berib, hududlar rivojida «drayver» vazifasini bajardi. Urbanizatsiya darajasi 1991-yildagi 40,3 foizdan 51 foizga yetdi. Har yili respublikada 200 mingga yaqin yangi oila...

Xiaomi kompaniyasi 28-fevralda xalqaro bozorlarda Xiaomi 17 Ultra Leica Edition smartfonini taqdim etishga tayyorlanmoqda. Bu haqda ITHome nashri ma’lum qildi.

Xiaomi 17 Ultra Leica Edition ikki rangli klassik dizayni va orqa panelida Leica brendining qizil belgilari bilan ajralib turadi. Qurilmada Master Zoom Ring halqasi mavjud bo‘lib, u kameraning mexanik zumini taqlid qiladi va ekspozitsiya, oq rang muvozanati hamda boshqa parametrlarni sozlash imkonini beradi.

Shuningdek, smartfonda Leica Moment eksklyuziv rejimi mavjud bo‘lib, kompaniya ma’lumotiga ko‘ra, u mashhur Leica kameralarining xarakterli teksturasini qayta yaratadi.

Eslatib o‘tamiz, avvalroq Poco X8 Pro va Poco X8 Pro Max qanday texnik xususiyatlarga ega ekanligi...

O‘zbekistonda oilalarni Ijtimoiy reestrga kiritish tartibi rasmiy ravishda belgilandi. Bu haqda Adliya vazirligi ma’lum qildi.

Ariza beruvchi o‘z oilasini reestrga kiritish uchun davlat xizmatlari markazi yoki vakolatli organ orqali, shuningdek, ijtimoiy xodim yordamida murojaat qilishi mumkin. Shu bilan birga, «YAMIH» AT, YAIDXP yoki «Ijtimoiy karta» mobil ilovasi orqali mustaqil ariza berish imkoniyati mavjud. Har bir oila oyiga bir marta ariza topshiradi.

Dastlab oilaning ijtimoiy-iqtisodiy holati baholanadi. Baholash natijasiga ko‘ra, ariza beruvchining oilasini «davlat ta’minotidagi oila» yoki «kambag‘al oila» deb belgilashni rad etish uchun asoslar aniqlanmasa, ariza ijtimoiy xodimning shaxsiy kabinetiga savolnoma to‘ldirish uchun yuboriladi. Ariza beruvchi tasdiqlagan savolnoma...

IKEA noodatiy dizayndagi yangi bluetooth-kolonkani taqdim etdi. Mebel ishlab chiqaruvchi kompaniya Grejsimojs kolleksiyasi doirasida sichqoncha shaklidagi ko‘chma binafsha rang kolonkani sotuvga chiqardi. Bu haqda kompaniya rasmiy sahifasida ma’lum qilindi.

Unga ko‘ra, mazkur qurilma «yoqimli ko‘rinishi bilan kayfiyatni ko‘taradi, raqsga chorlaydi va uyga iliqlik bag‘ishlaydi». U oshxonadagi jo‘shqin ritmlardan tortib, uxlash oldi ertaklarigacha bo‘lgan turli holatlar uchun mos keladi. Kolonkaning narxi taxminan $13 ni tashkil etadi.

Sichqoncha shaklidagi kolonkaga qulay ko‘tarib yurish uchun arqonli remeshok o‘rnatilgan. Zaryadlash porti esa o‘yinchoqning qorin qismida yashirilgan. Qurilma Multi-Speaker funksiyasini ham qo‘llab-quvvatlaydi — bu orqali bir nechta IKEA bluetooth-kolonkalari birlashtirilib, musiqa sinxron tarzda ijro...

O‘zbekistonda xorijdagi qurolli mojarolarda ishtirok etishni targ‘ib qilish uchun ma’muriy javobgarlik joriy etilishi rejalashtirilmoqda. Bu boradagi qonun loyihasi Qonunchilik palatasi tomonidan birinchi o‘qishda ma’qullandi.

Bundan tashqari, hukumat tomonidan boshqa davlat hududida urushda qatnashishga chaqiruvchi mahsulotlarni sotish yoki namoyish qilish uchun ham ma’muriy jazo joriy etiadi.

Qonunchilik palatasi matbuot xizmatining ma’lum qilishicha, mazkur hujjat jamiyatda xavfsizlikni oshirish, yangi huquqbuzarliklarning oldini olish va aholiga salbiy ta’sirni kamaytirishga qaratilgan.

Eslatib o‘tamiz, avvalroq Oliy Majlis Qonunchilik palatasi deputatlari o‘zboshimchalik bilan egallab olingan yerlarga nisbatan huquqlarni e’tirof etishni tezlashtirishga qaratilgan qonunni qabul qilgan edi.

Arzon narxdagi Tecno Spark 50 smartfoni regulyatorlar bazasida paydo bo‘ldi va uning asosiy texnik xususiyatlari ma’lum qilindi. Bu haqda The Techoutlook xabar berdi.

Unga ko‘ra, smartfon ikki turdagi akkumulyator bilan ta’minlanadi – 5990 va 6340 mA/s. Bu esa turli bozorlarga mo‘ljallangan ikki versiya mavjudligini ko‘rsatadi.

Xotira bo‘yicha bazaviy variant 4/128 GB, shuningdek, 6/128 va 8/256 GB variantlari ham taqdim etiladi. Hozircha smartfon narxi ma’lum emas, lekin uning narxi arzon bo‘lishini ushbu xotira variantlari orqali bilish mumkin.

Ma’lumot uchun, oldingi model Tecno Spark 40 mintaqaga qarab Helio G81 yoki G91 protsessori bilan jihozlangan edi.

Eslatib o‘tamiz, avvalroq 220 dollarlik...

Oliy ta’lim tashkilotlari milliy reytingini yuritish tartibi to‘g‘risidagi nizom loyihasi jamoatchilik muhokamasiga joylashtirildi. Hujjatga ko‘ra, milliy reyting 2026-yil 1-yanvardan boshlab joriy etiladi.

Yangi tizimda tashkiliy-huquqiy shaklidan qat’i nazar, tashkil qilinganiga kamida uch yil bo‘lgan va bitiruvchilarga ega oliy ta’lim tashkilotlari ishtirok etadi. Bunda oliy harbiy, harbiylashtirilgan, ixtisoslashtirilgan oliy ta’lim hamda ilmiy-tadqiqot muassasalari reytingdan mustasno qilinadi.

Milliy reyting oliy ta’lim tashkilotlari kontingenti va yo‘nalishiga qarab toifalarga ajratilgan holda yuritiladi. Ular ijtimoiy-gumanitar fanlar, amaliy fanlar, tibbiyot fanlari hamda ijod va sport yo‘nalishlari bo‘yicha baholanadi.

Nizom loyihasiga ko‘ra, oliy ta’lim tashkilotlari reyting uchun zarur ma’lumotlarni har yili maxsus platformaga 1-fevralga qadar kiritishi...

Fly One Asia aviakompaniyasi Yekaterinburgdan Toshkentga to‘g‘ridan to‘g‘ri aviareyslarni yo‘lga qo‘yishini Kolsovo aeroporti matbuot xizmati ma’lum qildi.

Parvozlar dasturi 6-apreldan boshlanadi. Samolyotlar Yekaterinburgdan haftasiga ikki marta – dushanba va juma kunlari mahalliy vaqt bilan soat 20:00 da uchadi.

Aviareyslar Airbus A320 samolyotlarida amalga oshiriladi. Chipta narxi 12 ming rubldan (taxminan 1,9 mln so‘m) boshlanadi.

Ma’lumot uchun, hozirgi kunda Yekaterinburgdan O‘zbekistonga Ural aviakompaniyasi va Uzbekistan Airways reyslar amalga oshirmoqda.

Eslatib o‘tamiz, avvalroq Iroq O‘zbekiston bilan to‘g‘ridan to‘g‘ri aviaqatnovlarni yo‘lga qo‘yishni rejalashtirayotgani haqida yozgan edik.

O‘zbekistonda bolalar nafaqasi va moddiy yordamni tayinlash hamda to‘lash tartibi belgilandi. Bu haqda Adliya vazirligi ma’lum qildi.

Unga ko‘ra, ariza beruvchi bolalar nafaqasi yoki moddiy yordam tayinlashni so‘rab davlat xizmatlari markazi yoki ijtimoiy xodim orqali murojaat qiladi. Shuningdek, «YAMIH» AT, YAIDXP yoki «Ijtimoiy karta» mobil ilovasi orqali mustaqil ravishda ham ariza topshirish mumkin. Har bir oila bolalar nafaqasi va moddiy yordam uchun oyiga bir marta murojaat qilishi belgilangan.

Oyning 16-sanasiga qadar taqdim etilgan arizalar murojaat qilingan oyda, 16-sanadan keyin berilgan arizalar esa keyingi oyda ko‘rib chiqiladi. Agar tayinlashni rad etish uchun asoslar aniqlanmasa, bolalar nafaqasi yoki moddiy yordam...

Prezident tomonidan Jizzax viloyatini 2026 – 2027 yillarda ijtimoiy-iqtisodiy rivojlantirishni jadallashtirishga qaratilgan qaror qabul qilindi. Bu haqda Adliya vazirligi ma’lum qildi.

Qarorga muvofiq, viloyatda barqaror rivojlanishni ta’minlash asosiy maqsad etib belgilandi. Xususan, yalpi hududiy mahsulot hajmini yiliga o‘rtacha 8,5 foizga, sanoat ishlab chiqarishini 7,8 foizga, bozor xizmatlarini 13,2 foizga hamda qishloq xo‘jaligi mahsulotlari yetishtirishni 4,6 foizga oshirish rejalashtirilgan.

Shuningdek, 2026-yilda ishsizlik darajasini 3 foizga, kambag‘allik darajasini esa 2,8 foizga tushirish ko‘zda tutilgan. Jizzax shahri, Sharof Rashidov, Baxmal, G‘allaorol, Do‘stlik, Zomin va Zafarobod tumanlarini kambag‘allik va ishsizlikdan xoli hududlarga aylantirish vazifasi belgilangan.

Qarorga muvofiq, Baxmal, G‘allaorol, Zomin, Forish va...

3-fevral kuni Qashqadaryo viloyatining Shahrisabz shahrida yo‘l-patrul xizmatiga tegishli Tracker yonib ketdi. Bu haqda viloyat Ichki ishlar boshqarmasi ma’lumot berdi.

IIBga ko‘ra, soat 13:40 da Shahrisabz shahar hududida Tracker rusumli 70/809VSF davlat raqam belgili avtomashinaning dvigatel qismidan yong‘in kelib chiqqan va qisqa muddatda bartaraf etilgan. Hodisa oqibatida hech kim jarohat olmagan.

Hozirda mas’ullar tomonidan xizmat tekshiruvi olib borilayotgani, holat yuzasidan qo‘shimcha axborot berilishi ta’kidlangan.

Avvalroq «Kursiv» Janubiy Koreyada o‘tkazilgan rejalangan test-drayv vaqtida yangilangan Hyundai Santa Fe prototipi birdaniga yonib ketgani haqida yozgandi.

Rossiyada AvtoVAZ tomonidan ishlab chiqarilgan Lada Vesta CNG avtomobilining savdo uchun mo‘ljallangan versiyasi jonli suratlarda namoyish etildi. Model 3-fevraldan rasman sotuvga chiqarilgan.

Benzin va gazda ishlaydigan sedan siqilgan tabiiy gaz metan bilan harakatlana oladi. Avtomobil gazda 320 km gacha, umumiy hisobda esa 1 000 km masofani yoqilg‘i quymasdan bosib o‘ta oladi.

Biroq bunday imkoniyatlar evaziga amaliylikdan voz kechilgan. Sig‘imi 90 litr bo‘lgan gaz balloni bagaj qismiga o‘rnatilgan. U zapas g‘ildirak joyiga emas, bevosita yukxona ichiga joylashtirilgani sababli foydali hajm sezilarli darajada qisqargan.

Lada Vesta CNG narxi davlat qo‘llovi bilan $19 mingdan boshlanadi. Avtomobil allaqachon dilerlarda sotuvda mavjud.

Eslatib o‘tamiz...

PGYTech kompaniyasi iPhone egalari uchun smartfonni vintage uslubidagi to‘laqonli kameraga aylantiruvchi maxsus qurilmani namoyish qildi. RetroVa Vintage Imaging Kit deb nomlangan ushbu loyiha qisqa muddat ichida Kickstarter platformasida ommalashdi.

Kompaniya dastlab ishlab chiqarishni yo‘lga qo‘yish uchun $10 ming yig‘ishni rejalashtirgan edi, biroq loyiha foydalanuvchilarga shu qadar manzur bo‘ldiki, bor-yo‘g‘i, besh kun ichida yig‘ilgan summa $93 mingdan oshib ketdi. Yangi gadjet shunchaki oddiy g‘ilof emas, balki mobilografiya ixlosmandlari uchun mukammal yechim sifatida taqdim etilmoqda.

Qurilma o‘ziga xos konstruksiyaga ega bo‘lib, u qulay ushlash dastagi va o‘z ichiga o‘rnatilgan qo‘shimcha akkumulyatorga ega maxsus korpusni o‘z ichiga oladi. Uning eng muhim jihati...

3-fevral kuni soat 15:38 da O‘zbekistonda zilzila yuz berdi. Bu haqda Seysmoprognostik monitoring markazi ma’lum qildi.

Ta’kidlanishicha, zilzilaning magnitudasi 3,7, chuqurligi 10 km bo‘lgan. Yer silkinishining episentri Jizzax viloyatining Baxmal tumani hududida, Toshkentdan 230 km janubi-g‘arbda joylashgan.

Markaz ma’lumotiga ko‘ra, zilzila Samarqand viloyatining Bulung‘ur (2-3 ball, 23 km), Toyloq (2 ball, 36 km), Urgut (2 ball, 44 km), Jomboy tumanlarida (2 ball, 45 km), shuningdek, Jizzax viloyatining Baxmal (2-3 ball, 26 km) hamda G‘allaorol tumanlarida (2 ball, 48 km) qayd etilgan. Zilzila koordinatalari: 39,62 daraja shimoliy kenglik, 67,56 sharqiy uzunlik.

Eslatib o‘tamiz, avvalroq Qirg‘izistonda sodir bo‘lgan zilzila O‘zbekistonda...

O‘zbekiston Respublikasi Prezidenti Administratsiyasi rahbari farmoyishiga muvofiq, Akramjon Fozilov Prezident Administratsiyasi Kommunikatsiyalar departamenti boshlig‘ining birinchi o‘rinbosari lavozimiga tayinlandi. Bu haqda prezident matbuot xizmati xabar berdi.

Akramjon Fozilov bunga qadar Milliy mass-mediani qo‘llab-quvvatlash va rivojlantirish jamoat fondi vasiylik kengashi raisi lavozimida faoliyat olib borgan.

Eslatib o‘tamiz, Kursiv Uzbekistan nashri Ichki ishlar vaziriga yangi o‘rinbosarlar tayinlangani haqida yozgan edi.

2026-yilning 1-yanvar holatiga Oʻzbekistonning doimiy aholisi soni 38 million 236 mingdan ortiq kishilarni tashkil etib, oʻtgan yilning mos davriga nisbatan 1,8 foizga koʻpaydi. Bu haqda Milliy statistika qo‘mitasi ma’lumotlarida keltirilgan.

2025-yil yanvar – dekabr oylarida tugʻilganlar soni 879,6 ming nafarni, vafot etganlar 177,1 ming nafarni tashkil etib, tabiiy oʻsish 702,5 ming kishiga teng boʻldi. Mamlakatga xorijiy davlatlardan ko‘chib kelganlar soni 1159 kishini va mamlakatdan xorijga koʻchib ketganlar soni 10 ming 117 kishini, qayd etilgan nikohlar 267,1 mingtani, nikohdan ajralishlar 46,9 mingtani tashkil qilgan.

Respublikada o‘tgan yili qayd etilgan tirik tugʻilganlar soni 879,6 ming kishini, har ming aholiga nisbatan...

4-fevral uchun valyutalar kursi yangilandi. Unga ko‘ra, dollar 16,21 so‘mga oshib, 12 258, 38 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

26-yanvarda 51,97 so‘mga tushib, 12 084,95 so‘mni tashkil etdi. 27-yanvar esa dollar 13,17 so‘mga tushib, 12 098,12 so‘mga yetdi. 28-yanvarda 29,90 so‘mga oshib, 12 128,02 so‘mni tashkil etgan edi. 29-yanvarda dollar 40,96 so‘mga oshib, 12 168,98 so‘mni, 30-yanvarda esa 32,13 so‘mga oshib, 12 199,10 so‘mni  tashkil etdi. 2-fevral kuni dollar 26,06 so‘mga oshib, 12 225,16 so‘mga yetgandi. 3-fevral kuni 17,01 so‘mga oshib...

O‘zbekistonda 2025-yil davomida ta’lim sohasidagi xizmatlar hajmi 39,6 trln so‘mni tashkil etdi. Bu 2024-yilgi ko‘rsatkichga nisbatan 10,4 foizga ko‘pdir. Bu haqda Milliy statistika qo‘mitasi xabar bermoqda.

Hududlar kesimida ta’lim xizmatlari hajmi bo‘yicha eng yuqori ko‘rsatkich Toshkent shahriga to‘g‘ri kelmoqda – 18,8 trln so‘m. Bu umumiy hajmining salmoqli qismini tashkil etadi. Keyingi o‘rinlarda Samarqand (3,1 trln so‘m), Farg‘ona va Namangan viloyatlari (har biri 2,4 trln so‘m) bormoqda.

Nisbatan pastroq ko‘rsatkichlar Sirdaryo (390,3 mlrd so‘m), Navoiy (501,4 mlrd so‘m) va Jizzax viloyatlarida (604,2 mlrd so‘m) qayd etilgan. Qoraqalpog‘iston Respublikasida esa bu raqam 1,2 trln so‘mni tashkil qildi. Toshkent viloyati (2,2 trln...

Iroq poytaxtida bo‘lib o‘tgan biznes muloqotda O‘zbekistonga to‘g‘ridan to‘g‘ri reyslarni ochish va viza tartibini yengillashtirish ustida ish olib borilayotgani ma’lum qilindi.

Iroq iqtisodiyot konsulligi tomonidan tashkil etilgan norasmiy formatdagi uchrashuvda ikki davlatning rasmiy vakillari hamda yetakchi ishbilarmonlari ishtirok etdi. Tadbir Baghdad International Fair ko‘rgazmasi doirasida o‘tkazilib, eksportyorlar uchun muhim hamkorlik platformasiga aylandi.

Muzokaralar davomida asosiy e’tibor transport logistikasi va turistlar hamda tadbirkorlar uchun qulaylik yaratishga qaratildi. Xususan, Iroq tomoni viza olish jarayonlarini soddalashtirish bo‘yicha amaliy harakatlar boshlanganini qayd etgan. To‘g‘ridan to‘g‘ri aviaqatnovlarning yo‘lga qo‘yilishi esa o‘zaro savdo aylanmasini oshirishga xizmat qilishi kutilmoqda.

Avvalroq Kursiv Uzbekistan viloyatlar o‘rtasida to‘g‘ridan to‘g‘ri...