Yangiliklar

Namanganda chet elga ishga yuborishni va’da qilib, firibgarlikda ayblangan ikki nafar shaxs qo‘lga olindi. Bu haqda DXX matbuot xizmati ma’lum qildi.

Ma’lumotlarga ko‘ra, shahardagi xususiy bandlik agentligining norasmiy xodimi To‘raqo‘rg‘on tumanida yashovchi to‘rt nafar fuqaroning ishonchiga kirib, ularni Janubiy Koreyaga ishga yuborish evaziga har biridan $2 ming talab qilgan. Gumonlanuvchi oldindan $1 ming olgan vaqtda Davlat xavfsizlik xizmati hamda Iqtisodiy jinoyatlarga qarshi kurashish departamenti xodimlari tomonidan ashyoviy dalillar bilan ushlandi.

Ikkinchi holatda esa Namangandagi turistik firma rahbari tanishlari orqali hamshaharini Slovakiyaga ishga yuborishni va’da qilib, 40 mln so‘m talab qilgan. U viza olish jarayonini uyushtirish bahonasida oldindan $600 va...

Luvr muzeyidagi o‘g‘irlik, Jahon chempioniga aylangan Marokash yoshlari — haftaning muhim yangiliklari Kursiv Uzbekistan dayjestida.

Parijdagi Luvr muzeyida o‘g‘irlik sodir bo‘ldi

Foto: IGoto.world.com

Parijdagi Luvr muzeyida o‘g‘rilik sodir bo‘ldi. Bu haqda Reuters nashri xabar berdi.

Jinoyatchilar kran yordamida ikkinchi qavat oynasini sindirib, toj javohirlaridan iborat noyob kolleksiyani o‘g‘irlab qochgan.

Marokash yoshlari Jahon chempioniga aylandi

Futbol bo‘yicha Chilida o‘tkazilgan «U-20» Jahon chempionati finalida Marokash terma jamoasi 2:0 hisobida argentinalik tengqurlaridan ustun keldi.

O‘zbekistondagi 320 ta vokzal va stansiyalar nomi almashtiriladi

Foto: Sodikjon Akhmedov / Unsplash

O‘zbekistondagi vokzal, stansiya hamda razyezdlarning nomlari davlat tili qoida va me’yorlariga muvofiqlashtiriladi. Bu...

«Aston Villa» o‘z maydonida «Manchester Siti»ni 1:0 hisobida mag‘lub etdi. O‘yinning so‘nggi daqiqalari nihoyatda keskin kechdi, biroq «shaharliklar» hisobni tenglashtira olmadi.

Uchrashuvning 90+3-daqiqasida Foden va Niko tomonidan xavfli zarbalar yo‘llandi, ammo «Villa» himoyachilari to‘siq bo‘lishdi. Nunes esa ustun ustidan zarba yo‘llab, imkoniyatni boy berdi.

89-daqiqada Haaland to‘pni darvozaga yo‘lladi, ammo ofsayd sababli gol bekor qilindi. Norvegiyalik hujumchi bu epizodda ustunga urilib, og‘riq sezdi.

«Manchester Siti» safida Doku, Cherki va Marmush kabi o‘yinchilar hujumni jonlantirishga harakat qildi, biroq «Villa» himoyasi bardosh berdi.

Natijada «Aston Villa» uch ochkoni saqlab qoldi, «Siti» esa bu mavsumdagi navbatdagi mag‘lubiyatini qayd etdi.

Eslatib o‘tamiz, Kursiv Uzbekistan...

O‘zbekistonlik himoyachi Abduqodir Husanov oyoq jarohatidan keyin «Manchester Siti» jamoasi bilan mashg‘ulotlarga qaytdi. Bu haqda klubning rasmiy sayti xabar berdi.

Husanov «Arsenal»ga qarshi o‘yinda oyoq panjasi jarohatini olgandi va bir necha hafta davomida shifokorlar nazoratida tiklanish jarayonini o‘tkazdi. Endilikda u jamoadoshlar bilan birgalikda mashg‘ulotlarda ishtirok etmoqda.

Biroq bosh murabbiy Pep Gvardiola futbolchi hali to‘liq tayyor emasligini ma’lum qilib, u «Aston Villa»ga qarshi o‘yinda maydonga tushmasligini tasdiqladi.

Klub ma’lumotiga ko‘ra, Husanovning sog‘ligi ijobiy tomonga o‘zgarmoqda va u yaqin haftalarda Angliya Premer-ligasining keyingi turlarida jamoa safida maydonga qaytishi kutilmoqda.

Eslatib o‘tamiz, Kursiv Uzbekistan nashri Hollandning dubli «shaharlik»larga g‘alaba keltirgani haqida...

AQSh va Malayziya Tailand hamda Kambodja o‘rtasida tuzilgan sulh kelishuvini kengaytirish bo‘yicha muzokaralarni faol davom ettirmoqda. Bu haqda Malayziya tashqi ishlar vaziri Mohamad Hasan ma’lum qildi, deb xabar bermoqda Associated Press.

Malayziya tomonining umid bildirishicha, yangilangan kelishuv bu oy oxirida bo‘lib o‘tadigan Janubi-Sharqiy Osiyo davlatlari assotsiatsiyasi (ASEAN) sammitida imzolanishi mumkin.

Iyul oyi oxirida Tailand va Kambodja chegarasida besh kun davom etgan qurolli to‘qnashuvlarda o‘nlab odamlar halok bo‘lgan. 260 mingdan ortiq aholi esa evakuatsiya qilingan edi. Urush harakatlarini to‘xtatish Malayziya bosh vaziri Anvar Ibrohim vositachiligida va AQSh prezidenti Donald Tramp bosimi ostida amalga oshgan. Tramp Bangkok va Phnompenhni savdo imtiyozlaridan...

Xitoyda Motorola Moto X70 Air smartfonining oldindan buyurtmalari boshlandi. Bu haqda ITHome xabar qilmoqda. Qurilma ikki talqinda taqdim etilgan.

Smartfonning asosiy afzalligi – uning 5,99 mm qalinlikdagi alyuminiy korpusi va 159 grammli yengil og‘irligida. Qurilma IP69 darajasidagi chang va suvdan himoya bilan jihozlangan.

Moto X70 Air 6,7 dyuymli 1,5K OLED displey bilan ta’minlangan. Asosiy hamda old kameralar – har ikkalasi ham 50 MP aniqlikka ega.

Texnik jihatdan smartfon Snapdragon 7 Gen 4 protsessorida ishlaydi, 4800 mA·soatli batareyaga ega va 68 Vt tezkor zaryadlash hamda 15 Vt simsiz zaryadlashni qo‘llab-quvvatlaydi.

Moto X70 Air yuqori darajadagi dizayn, himoya va unumdorlikni nisbatan...

Irlandiyada bo‘lib o‘tgan prezidentlik saylovlarida mustaqil nomzod Ketlin Konnolli ishonchli g‘alabaga erishdi. U 63,4 foiz ovoz to‘plab, raqiblardan katta ustunlik bilan oldinga chiqdi. Bu haqda Reuters axborot agentligi xabar berdi.

Konnollining asosiy raqibi – sobiq bosh vazir, «Fine Gael» partiyasi vakili Xizer Xamfris 29,5 foiz ovoz bilan ikkinchi o‘rinni egalladi va o‘z mag‘lubiyatini tan olgan.

Saylov natijalariga ko‘ra, 13 foiz byulletenlar haqiqiy emas deb topilgan. Ba’zi saylovchilar ularni ataylab buzgan – bu amaliyotga ilgari saylovning asosiy bosqichidan chiqib keta olmagan konservativ siyosatchilar chaqirgan edi.

Ketlin Konnolli haqida

Ketlin Konnolli 1957-yilda Galway shahrida tug‘ilgan. Siyosatga kirishdan oldin u psixolog...

AQSHning Janubiy va Markaziy Osiyo bo‘yicha maxsus vakili Serjio Gor hamda Davlat kotibi o‘rinbosari Kristofer Landau Toshkentga yetib keldi.

AQSh Davlat departamenti ma’lumotiga ko‘ra, Janubiy va Markaziy Osiyo bo‘yicha maxsus vakil Serxio Gor hamda Davlat kotibi o‘rinbosari Kristofer Landau 26 – 30-oktabr kunlari Qozog‘iston va O‘zbekistonda bo‘ladi.

Tashrif davomida AQSh delegatsiyasi ikki davlat hukumati vakillari bilan iqtisodiy hamkorlik, xavfsizlik masalalari va mintaqaviy barqarorlik yuzasidan muzokaralar olib boradi.

AQSh Davlat departamenti bayonotida qayd etilishicha, Vashington Markaziy Osiyo mamlakatlari bilan hamkorlikni mustahkamlash va savdo hamda investitsiya aloqalarini kengaytirishga intiladi.

Shuningdek, bu tashrif orqali tomonlar AQSh va Markaziy Osiyo o‘rtasidagi «C5+1» diplomatik...

Namangan viloyati Chust tumanining Birlik mahallasida joylashgan, faoliyati to‘xtatilgan avtomobillarga yoqilg‘i quyish shoxobchasida chaqnash hodisasi sodir bo‘ldi. Bu haqda Favqulodda vaziyatlar vazirligi ma’lum qildi.

Xabar berilishicha, hodisa 2025-yil 25-oktabr kuni soat 18:47 da sodir bo‘lgan. Voqea joyiga uchta yong‘in-qutqaruv bo‘linmasi yetib borgan. Yong‘in kelib chiqmagan.

Aniqlanishicha, 10 tonnalik yoqilg‘i saqlash sisternasini boshqa joyga ko‘chirish jarayonida yong‘in xavfsizligi qoidalari buzilgani sabab chaqnash yuz bergan.

Natijada, payvandlash ishlarini olib borayotgan ishchi halok bo‘lgan. Hozirda hodisa sabablari va yetkazilgan moddiy zarar miqdori o‘rganilmoqda.

Eslatib o‘tamiz, Kursiv Uzbekistan nashri Buxoroda sifatsiz yoqilg‘i sotgan «zapravka»larga iqtisodiy sanksiya qo‘llanilgani haqida yozgan edi.

Chery kompaniyasining Exeed brendi tomonidan ishlab chiqilgan Chery Exlantix ET5 modeli Xitoydagi dilerlik markazlariga yetkazildi. Bu haqda CarNewsChina xabar bermoqda. Avtomobilning rasmiy taqdimoti 2025-yil noyabr oyida bo‘lib o‘tadigan Guanchjou avtosalonida o‘tkazilishi kutilmoqda.

Exlantix ET5 – oila uchun mo‘ljallangan o‘rta o‘lchamdagi SUV bo‘lib, ilgari E05 nomi bilan tanilgan. Model Chery’ning E0X platformasida qurilgan va 1,3 ming km masofani bosib o‘tish imkoniyatiga ega.

Avtomobil 1,5 litrli turbo dvigatelga ega bo‘lib, u generator sifatida ishlaydi (115 kVt). Asosiy harakatni esa 195 kVt quvvatli orqa elektr motor ta’minlaydi. 32,66 kVt/soatlik LFP batareya to‘liq elektr rejimida 205 km yurish imkonini beradi.

Model Falcon...

Xitoyning China Energy kompaniyasi Qozog‘istonda umumiy qiymati $1 mlrd bo‘lgan ikki yirik qayta tiklanuvchi energiya loyihasini amalga oshiradi. Bu kelishuv Qozog‘iston energetika vaziri Erlan Akkenjenov va China Energy prezidenti Qiao Xubin o‘rtasidagi uchrashuvda imzolandi.

Loyihalar doirasida Turkiston viloyatida 300 MVt quvvatli quyosh elektr stansiyasi hamda Qarag‘anda viloyatida 500 MVt quvvatli shamol elektr stansiyasi quriladi. Ushbu inshootlar Qozog‘istonning qayta tiklanuvchi energiya ishlab chiqarish salohiyatini sezilarli darajada oshirishi kutilmoqda.

Shuningdek, tomonlar Kazakhtelecom bilan hamkorlikda ma’lumotlarni qayta ishlash markazi (DPC) qurish masalasini ham muhokama qildi. Ushbu markaz to‘liq qayta tiklanuvchi manbalardan quvvat oladi va Qozog‘istonning yashil iqtisodiyot hamda raqamli rivojlanish strategiyasi doirasida...

Toshkent shahrining «Suzuk ota» hunarmandlar mahallasida kashtachilik ustasi Madina Qosimboyeva nomidagi maktab-ustaxona o‘z faoliyatini boshladi. Bu haqda Prezident Administratsiyasi rahbari Saida Mirziyoyeva telegram kanalida ma’lum qildi.

Ushbu ijodiy makon o‘quv markazi, ustaxona va galereyani o‘z ichiga olgan bo‘lib, u nafaqat san’atni rivojlantirish, balki yosh qizlarga o‘qish, ijod qilish va mustaqil bo‘lish imkonini yaratadi.

Maktab uchun yer O‘zbekiston prezidentining topshirig‘iga binoan ajratilgan. Loyihaning asosiy maqsadi — qadimiy kashtachilik an’analarini saqlab qolish va uni yangi avlodga yetkazishdan iborat.

Eslatib o‘tamiz, Kursiv Uzbekistan nashri Saida Mirziyoyeva Buyuk Britaniyada baronessa Ariel de Rotshild bilan uchrashgani haqida yozgan edi.

Samsung kompaniyasi Samsung Galaxy S24 smartfonlari va Galaxy S24 FE modeli uchun yangi tizim yangilanishini tarqata boshladi. Bu haqda Sammobile xabar bermoqda.

One UI 8.0 chiqishidan keyingi birinchi yangilanish bo‘lib, u 2025-yil oktabr xavfsizlik patchini o‘z ichiga oladi.

Yangilanish hozircha Janubiy Koreyada foydalanuvchilarga taqdim etilgan, yaqin kunlarda esa boshqa mintaqalarda ham tarqatilishi kutilmoqda.

Bu safargi versiya yangi funksiyalar qo‘shmaydi va dizaynda o‘zgarishlar yo‘q. Yangilanish asosan tizim xavfsizligini mustahkamlashga qaratilgan. Oktabr patchi Android tizimidagi 14 ta yuqori xavfli zaiflikni va Samsung kompaniyasiga xos 12 ta ichki xatolikni bartaraf etadi.

Avvalroq Samsung qisqa muddatga One UI 8.0 tarqatilishini to‘xtatgan edi. Kompaniya...

Parijda mashhur rassom Pablo Pikassoning uzoq yillar davomida omma e’tiboridan chetda qolgan «Gul naqshli shlyapadagi ayol byusti» nomli asari 32 mln yevroga (taxminan $37 mln) sotildi. Bu haqda Associated Press (AP) xabar berdi.

Asar 1943-yil iyul oyida fotograf Dora Maar tasviri asosida chizilgan. Dora Maar bilan Pikassoning munosabatlari o‘sha paytda so‘nggi bosqichga kirgan bo‘lib, bu holat rasmda aks etgan hissiyotlarda ham seziladi. Kartina 1944-yilda xarid qilingan va shu kundan beri bir oilaning xususiy kolleksiyasida saqlanib kelgan.

Rasm «Ayol shlyapada» seriyasiga kiradi va Parijdagi Drouot auksion uyida sotuvga qo‘yilgan. Auksion yetakchisi Kristof Lyusyen savdoni yilning eng hissiy va muhim san’at...

Banklar 26-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi. 

GWM kompaniyasi tomonidan Haval H6L avtomobili haqida ma’lumotlar e’lon qilindi. Bu haqda CarNewsChina xabar bermoqda. Yangi model noyabr oyida taqdim etilishi rejalashtirilgan.

Texnik xususiyatlar

Haval H6L asosan Xiaolong Max modeliga asoslangan. Tashqi dizaynida bir qator o‘zgarishlar mavjud. Old panjarasi qayta ishlangan, yon havo kirish teshiklari kattalashtirilgan va korpus nisbatlarida kichik o‘zgarishlar kiritilgan. Ekranli «HAVAL» yozuviga ega LED chiroqlar old va orqa tomonlarda uzluksiz shaklda joylashgan.

Avtomobilning uzunligi 4800 mm, eni 1895 mm, balandligi 1730 mm. G‘ildirak bazasi esa 2810 mm.ni tashkil etadi. Bu ko‘rsatkichlar Xiaolong Max’dan biroz kattaroq, ammo salon hajmi deyarli o‘zgarmagan.

Salon qismi

Ichki qism...

Toshkent viloyatida Davlat xavfsizlik xizmati va Bojxona organlari hamkorligida o‘tkazilgan tezkor tadbir davomida katta miqdordagi valyuta Tojikistonga noqonuniy olib chiqilishining oldi olindi. Bu haqda DXX xabar bermoqda.

Ma’lum qilinishicha, Bekobod shahrida yashovchi 1991-yilda tug‘ilgan fuqaro 18,68 mln rubl, 140,7 ming tojik somoni va 180 mln so‘mni qismlarga bo‘lib, 34 nafar tashuvchilar orqali qo‘shni davlatga o‘tkazmoqchi bo‘lgan. Ular moddiy manfaat evaziga «Farhod» chegara bojxona postidan o‘tishga uringan paytda to‘xtatib qolingan.

Shuningdek, tezkor tadbir chog‘ida bekobodlik fuqaroning «Tracker» rusumli avtomobili ko‘zdan kechirilganda, mashinada 13,5 mln rubl, 24 ming tojik somoni, 885 yevro, 300 dollar, 300 yuan, 6840 qirg‘iz so‘mi va...

OnePlus 15 smartfoni taqdimotiga ikki kun qolganda uning to‘liq texnik ma’lumotlari oshkor bo‘ldi. ITHome nashri ma’lumotiga ko‘ra, yangi flagman 27-oktabr kuni rasman namoyish etiladi.

Model BOE X3 ekraniga ega bo‘lib, uning diagonali 6,78 dyuymni, ruxsati esa 1,5K ni tashkil etadi. Ekran yangilanish tezligi 165 Hz, ramkasi esa atigi 1,15 mm bo‘ladi. Displey tekis shaklda ishlab chiqilgan.

Smartfonning old kamerasi 32 MP bo‘lib, asosiy kamerasi uch modulli. Ularning har biri 50 MP o‘lchamida. Periskop linzasi 85 mm masofali bo‘lib, 3,5 barobargacha optik zumni ta’minlaydi.

Batareya sig‘imi 7300 mA/soat, simli zaryadlash quvvati 120 Vt, simsiz zaryadlash esa 50 Vt bo‘ladi. Qurilmada...

O‘zbekiston Yevropa Ittifoqi bilan JSTga a’zolik bo‘yicha muzokaralarni yakunladi, TIV Rossiyadagi o‘zbekistonliklarni soxta hujjatlar bo‘yicha ogohlantirdi — 25-oktabrning muhim hodisalari Kursiv Uzbekistan materialida.

O‘zbekiston Yevropa Ittifoqi bilan JSTga a’zolik bo‘yicha muzokaralarni yakunladi

Shavkat Mirziyoyevning  Belgiya poytaxti Bryusselga rasmiy tashrifi davomida O‘zbekistonning Jahon savdo tashkilotiga a’zo bo‘lishi bo‘yicha Yevropa Ittifoqi bilan ikki tomonlama muzokaralar yakunlandi. Bu haqda prezident matbuot xizmati xabar berdi.

Tashqi ishlar vazirligi Rossiyadagi o‘zbekistonliklarni soxta hujjatlar bo‘yicha ogohlantirdi

Tashqi ishlar vazirligi Rossiyada joylashgan konsullik muassasalari faoliyati davomida ayrim o‘zbekistonliklar tomonidan qalbaki hujjatlar taqdim etish holatlari aniqlanayotganini ma’lum qildi. Vazirlik fuqarolarga ijtimoiy tarmoqlarda tarqatilayotgan «hujjat tayyorlab berish...

Apple va Samsung’ning yupqa smartfonlari — iPhone Air va Galaxy S25 Edge — kutilganidek sotilmagan bo‘lsa-da, xitoylik ishlab chiqaruvchilar bu yo‘nalishni davom ettirmoqda. Gizmochina xabariga ko‘ra, ayni paytda besh Xitoy kompaniyasi shunday yupqa smartfonlar ustida ishlamoqda.

Ularning hammasi bozorda paydo bo‘ladimi, hozircha noma’lum. Masalan, Xiaomi o‘z modelini Xiaomi 17 Air deb atashi mumkin. Unga 6,6 dyuymli ekran, 200 megapiksellik kamera va eSIM texnologiyasi berilishi taxmin qilinmoqda.

Qolgan kompaniyalar nomi aytilmagan, ammo bu ro‘yxatga Vivo, Oppo, Realme va OnePlus kirishi ehtimolga yaqin. Hatto Samsung va Apple’ning muvaffaqiyatsiz tajribasiga qaramay, bu kompaniyalar loyihani davom ettirib, o‘z modellarini chiqarishi mumkin.

Bundan tashqari, ushbu...

AQSh valyutasi hafta davomida turlicha o‘zgarishlarni ko‘rsatdi. Kursiv Uzbekistan nashrining ushbu maqolasida hafta davomida dollar kursining o‘zgarishi haqida so‘z boradi.

Markaziy bank ma’lumotlariga ko‘ra, bu hafta davomida AQSh dollarining kursi biroz tebranishlarni ko‘rsatdi.

20-oktabrda esa kurs 12 108,24 so‘m bo‘lib, 52,75 so‘mga tushdi. 21-oktabrda dollar 12 060,15 so‘mni tashkil etib, 48,09 so‘mga arzonlashdi.

22-oktabrda kurs 12 011,02 so‘mga tenglashib, 49,13 so‘mga kamaygan bo‘lsa, 23-oktabr kuni esa 12 101,29 so‘mgacha ko‘tarilib, 90,27 so‘mga oshdi. 24-oktabrda esa 12 129,33 so‘m (+28,04 so‘m) etib belgilandi.

Hafta davomida AQSh dollari 21,09 so‘mga oshdi.

Jadval:

«Kam ta’minlangan oilalar reyestri»ga kiritilgan oilalarning farzandlari nodavlat oilaviy bog‘chalarga qatnasa, ularning ota-onasi to‘laydigan to‘lovning bir qismi Davlat budjeti hisobidan qoplanadi. Bu tartib Adliya vazirligida ro‘yxatdan o‘tgan yangi nizomga muvofiq amalga oshiriladi.

Nizomga ko‘ra, to‘lovning bir qismini qoplashga haqli bo‘lgan oilalar ro‘yxati axborot tizimi orqali avtomatik shakllantiriladi.

Oilaviy nodavlat bog‘chalarga ajratiladigan kompensatsiya – 9 soatlik ish rejimidagi davlat bog‘chalari uchun belgilangan ota-onalar to‘lovining 40 foizini tashkil etadi.

Mazkur kompensatsiya faqat, haqiqatan ham, qatnayotgan bolalar soniga qarab ajratiladi. Biroq bu summa bog‘cha hamda Maktabgacha va maktab ta’limi vazirligi o‘rtasida tuzilgan shartnomada belgilangan o‘rinlarning 15 foizidan oshmasligi kerak.

Avvalroq prezident maktablari...

Prezident Shavkat Mirziyoyev 25-oktabr – Ichki ishlar organlari xodimlari kuni munosabati bilan tizim xodimlari, ofitserlar, generallar, serjantlar va faxriylarga samimiy tabrik yo‘lladi.

Davlat rahbari ichki ishlar organlarining yurt tinchligi, xalq farovonligi va xavfsizligini ta’minlashdagi xizmatlarini yuqori baholab, so‘nggi yillarda tizimda amalga oshirilgan islohotlar natijasida ichki ishlar organlari chinakam xalqchil tuzilmaga aylanganini ta’kidladi.

Prezident 2025-yilda jinoyatlarning oldini olish va mahallalarda xavfsiz muhit yaratish eng ustuvor vazifa qilib belgilanganini qayd etdi. Shu maqsadda og‘ir vaziyatdagi mahallalarda huquq-tartibot maskanlari tashkil etilgani, «mahalla yettiligi» tizimi samarali ishlayotgani aytib o‘tildi.

Shuningdek, sohada raqamli texnologiyalar keng joriy qilinayotgani, «Xavfsiz shahar» platformasi ishga tushirilgani va kiberjinoyatlarga...

Toshkent shahar hokimligi poytaxtda qish mavsumi va yog‘ingarchilik davrlariga tayyorgarlik ko‘rish maqsadida yo‘llarda asfalt-beton qoplamasini yangilash jadvalini e’lon qildi. Xabarga ko‘ra, ishlar davomida harakat to‘xtatilmaydi.

Ishlar jadvali quyidagicha:

Hokimlikning ma’lum qilishicha, poytaxta jami maydoni 19 012 m² bo‘lgan yo‘l qoplamalari yangilanadi.

Avvalroq Shota Rustaveli ko‘chasida uchta avtobus harakati qayta tiklanishi xabar qilingandi. Unga ko‘ra, 2025-yil 26-oktabrdan boshlab Shota Rustaveli ko‘chasidagi markaziy avtobus yo‘lagi (BRT) orqali 80, 114 va 127-sonli avtobuslar harakatni boshlaydi.