Yangiliklar

Ekologiya qo‘mitasi «Yashil makon» umum milliy loyihasida faol ishtirok etayotgan shaxslar va tadbirkorlarni rag‘batlantirish tartibini belgiladi. Bu haqda Adliya vazirligi ma’lum qildi.

Shu jumladan, kamida 100 ta daraxt ko‘chatlarini ekkan shaxs yoki «Yashil xayriya jamg‘armasi» platformasiga kamida 10 mln so‘m xayriya qilgan fuqaroga «Ekofaol fuqaro» maqomi beriladi. Bu maqom loyihada faol ishtirok etayotgan shaxslarni rag‘batlantirish va ijtimoiy faollikni oshirishga qaratilgan.

Kamida 1 mingta daraxt ko‘chatlarini ekishni tashkil qilgan yoki platformaga kamida 100 mln so‘m hissa qo‘shgan tadbirkorlarga «Ekohamkor» maqomi beriladi. Shu bilan birga, tadbirkorlarga ushbu maqomdan faoliyatini reklama qilishda foydalanish huquqi beriladi. Biroq, Ekologiya qo‘mitasi tasdiqlamagan holda eko-faoliyat...

O‘zbekistonda islomiy moliya faoliyati bilan bog‘liq operatsiyalar soliqlardan ozod qilindi. Bu o‘zgarish Soliq kodeksiga kiritilgan o‘zgartirishlar orqali amalga oshiriladi. Bu haqda 27-mart kuni imzolangan yangi qonunda keltirilgan.

Endi QQS quyidagi holatlarda qo‘llanilmaydi:

Shuningdek, islomiy moliya faoliyati doirasida daromad solig‘i va mol-mulk solig‘i bilan bog‘liq yangi tartiblar ham belgilandi. Masalan, moliyaviy ijara shartnomalari Soliq kodeksi bo‘yicha moliyaviy ijara va lizing...

O‘zbekistonda uch oy muddat ichida «Yashil chipta» tizimi ishga tushiriladi. Bu orqali samolyot, poyezd, metro va taksi yo‘lovchilari marshrutning karbon izini ixtiyoriy kompensatsiya qilishi mumkin.

Mazkur tizim nafaqat transport sohasini, balki ishlab chiqariladigan, saqlanadigan va sotiladigan mahsulotlarni ham qamrab oladi. Xaridorlarga mahsulotning logistika va saqlash jarayonlaridagi tabiatga ta’sirini ixtiyoriy ravishda qoplash imkoniyati yaratiladi.

Karbon izi miqdori Ekologiya qo‘mitasi tomonidan tasdiqlangan maxsus qo‘llanmaga muvofiq avtomatik ravishda aniqlab boriladi.

«Yashil chipta» xarididan tushgan mablag‘lar Umummilliy ekologik muammolarni bartaraf etish davlat maqsadli jamg‘armasiga o‘tkaziladi.

Ushbu moliyaviy resurslar qat’iy ravishda faqat daraxt ko‘chatlarini ekish hamda ularni parvarishlash tadbirlariga yo‘naltirilishi belgilangan.

Avvalroq Kursiv Uzbekistan...

Ispaniya hukumati Eronga qarshi harbiy harakatlarda ishtirok etayotgan AQSh samolyotlari uchun o‘z havo hududini yopdi. Bu haqda Reuters agentligi ma’lum qildi.

Mamlakat Mudofaa vaziri Margarita Roblesning ma’lum qilishicha, Ispaniya nafaqat harbiy bazalardan foydalanishga, balki Eron urushi bilan bog‘liq harakatlar uchun havo hududidan foydalanishga ham ruxsat bermaydi.

Havo hududining yopilishi natijasida AQShning harbiy samolyotlari o‘z maqsadlariga yetishda Ispaniyani aylanib o‘tishga majbur bo‘ladi, ammo favqulodda vaziyatlar bundan mustasno. Shu bilan birga, Ispaniya Iqtisodiyot vaziri Karlos Kuerpo qaror Ispaniya hukumati tomonidan xalqaro huquqqa zid urushda ishtirok etmaslik siyosatining bir qismi ekanligini ta’kidladi.

Bosh vazir Pedro Sanchez esa AQSh va Isroilning Eronga...

O‘zbekistonda shu yilning 1-may sanasidan boshlab har oyning 10 va 25-sanalarida «Avtomobilsiz kun» hamda «Avtomobilsiz hafta» aksiyalari o‘tkaziladi. Bu haqda prezident farmoni e’lon qilindi.

Farmonga ko‘ra, davlat fuqarolik xizmatchilari bu kunlarda xizmat avtotransport vositalaridan foydalanishi mumkin emas. Agar aksiya kunlari ish kunlariga to‘g‘ri kelsa, haydovchilarning ish haqi saqlanadi.

Shuningdek, 1-avgustdan trade-in dasturi doirasida eskirgan transport vositalarini topshirgan jismoniy va yuridik shaxslarga yangi avtomobil xaridi uchun avtokredit foizining bir qismi qoplab beriladi.

Ekologik tadbirlar doirasida 2026-yil yakuniga qadar Toshkent shahri «qizil», «sariq» va «yashil» zonalariga ajratiladi, Surxondaryo va Sirdaryo viloyatlarida esa chang bo‘ronlariga qarshi «yashil devor»lar barpo etilishi rejalashtirilgan.

Avvalroq...

O‘zbekistonning har bir hududida yangi botanika va dendrologiya bog‘larini tashkil etish orqali yashil maydonlarni kengaytirish va ekologik muhitni yaxshilash rejalashtirilmoqda. Bu haqda Adliya vazirligi ma’lum qildi.

Unga ko‘ra, 2028-yilga qadar Qoraqalpog‘iston Respublikasi, viloyatlar va Toshkent shahrida qo‘shimcha ravishda jami maydoni 100 gektardan kam bo‘lmagan botanika va den­drologiya bog‘lari tashkil etiladi. Bu bog‘larning ma­qomi botanika bog‘lariga tenglashtiriladi va ular ekologik barqarorlikni ta’minlashda muhim rol o‘ynaydi.

Shuningdek, loyiha doirasida PM2,5 va PM10 kabi zararli zarralarning konsentratsiyasini 20–25 foizga kamaytirish, shuningdek, iqlim sharoiti og‘ir hududlarda havoning o‘rtacha haroratini 1,5–2°C gacha pasaytirish imkoniyatlari yaratiladi.

Bog‘lar uchun ajratiladigan yer maydonlari, istisno tariqasida, qishloq...

Huawei kompaniyasi Pura X2 yig‘iluvchi smartfonining ikkinchi avlodini namoyish etishga tayyorgarlik ko‘rmoqda. Qurilma 2026-yilning aprel oyida taqdim etilishi rejalashtirilgan.

Ma’lumotlarga ko‘ra, yangi Pura X2 modeli oldingi avlodga nisbatan qator qiziqarli yaxshilanishlarga ega bo‘ladi. Xususan, smartfon ultrayupqa ramkali kengroq displey bilan jihozlanishi kutilmoqda.

Qurilmada yuqori va pastki qismlardagi qalin qora ramkalar olib tashlanib, vizual tajriba yangi bosqichga olib chiqilishi kutilmoqda.

Texnik xususiyatlarga kelsak, Pura X2 modeli akkumulyator sig‘imida ham sezilarli yangilanishni taklif etishi mumkin. Avvalgi 4610 mA/soat sig‘imli akkumulyator o‘rniga yangi model 6000 mA/soatlik batareya bilan jihozlanishi taxmin qilinmoqda.

Ichki moslashuvchan displey hajmi 7,5 dyuymgacha kattalashishi, biroq 16:10 tomonlar nisbati...

Bolgariyada yuk mashinasi haydovchilari uchun yangi ish o‘rinlari e’lon qilindi. Bu haqda Migratsiya agentligi xabar berdi.

Unga ko‘ra, ishga joylashtirishni Youth Globe Xususiy Bandlik Agentligi amalga oshiradi. Ish beruvchi sifatida Countryside BG LTD kompaniyasi ko‘rsatilgan.

Nomzodlar bilan 1 yildan 3 yilgacha muddatga rasmiy mehnat shartnomasi tuziladi. Oylik ish haqi 3 ming yevrodan (sof) boshlanadi, sinov muddati esa 1 oy etib belgilangan. Amaliy imtihon 12-aprel kuni o‘tkazilishi rejalashtirilgan.

Ishga qabul qilinish uchun nomzodlardan C+E toifali haydovchilik guvohnomasi, pasport nusxasi hamda sudlanmaganlik to‘g‘risida ma’lumotnoma talab etiladi.

Shuningdek, haydovchilar zamonaviy va xavfsizlik talablariga javob beradigan yuk avtomobillarida ishlaydi. Mehnat shartnomasi sug‘urta bilan...

O‘zbekiston hududida 31-mart hamda 2 – 6-aprel kunlari kutilayotgan yog‘ingarchiliklar sabab bir qator viloyatlarning tog‘oldi va tog‘li hududlarida sel-suv toshqinlari yuzaga kelishi mumkin. Bu haqda «O‘zgidromet» xabar berdi.

Unga ko‘ra, kuchli yomg‘irlar ayniqsa Qashqadaryo, Surxondaryo, Samarqand, Navoiy, Jizzax, Toshkent, Namangan, Farg‘ona va Andijon viloyatining ayrim tumanlarida xavfni kuchaytirishi mumkin.

Shuningdek, ayrim hududlarda yomg‘ir suvlari to‘planib, pastqam joylarni suv bosishi ehtimoli ham mavjud.

Mutasaddi idoralar tog‘li va tog‘oldi hududlarda yashovchi fuqarolarni, dam oluvchilarni hamda haydovchilarni ehtiyot choralarini ko‘rishga chaqirdi. Zarur hollarda xavfsiz joylarga chiqish, suv toshqinlari ehtimoli yuqori bo‘lgan hududlardan uzoqroq bo‘lish tavsiya etilmoqda.

Avvalroq Kursiv Uzbekistan qator hududlarida sel...

O‘zbekiston hukumati 2026-yil 1-iyundan boshlab qurilish sohasida ekologik talablarni kuchaytirishga doir yangi tartiblarni joriy etdi. Bu haqda Adliya vazirligi ma’lum qildi.

Unga ko‘ra, barcha qurilish obyektlari fon monitoring stansiyalari bilan jihozlanishi va ularning ma’lumotlari Ekologiya qo‘mitasining yagona geoaxborot bazasiga integratsiya qilinishi majburiy hisoblanadi. Shu bilan birga, qurilish maydonlari va chiqish nuqtalarida online nazorat kameralarini o‘rnatish va ularni ham yagona geoaxborot bazasiga ulash talab etiladi.

Hujumkor qurilish tashkilotlari uchun «Shaffof qurilish» milliy axborot tizimidagi reyting ballarini kamaytirish amaliyoti joriy qilinadi. Shuningdek, qurilish obyektlari bo‘yicha loyiha-smeta va shaharsozlik hujjatlarini ekspertizadan o‘tkazishda ekologik ekspertiza xulosasini taqdim etish majburiy tartibga kiritildi.

Shuningdek...

Rustam Lutfullin boshchiligidagi o‘zbekistonlik hakamlar brigadasi Rossiya hamda Mali terma jamoalari o‘rtasidagi o‘rtoqlik uchrashuvida ishlaydi. Uchrashuv 31-mart kuni Sankt-Peterburg shahrida bo‘lib o‘tadi. Bu haqda Rossiya futbol ittifoqi xabar bermoqda.

O‘yin Moskva vaqt bilan soat 20:00 da boshlanishi rejalashtirilgan. Bosh hakam Rustam Lutfullinga qanotlarda hakamlar Sanjar Shayusupov va Akmal G‘iyosov yordam beradi. Zaxira hakami vazifasini rossiyalik Aleksey Suxoy bajarishi belgilangan.

34 yoshli Lutfullin O‘zbekiston chempionati va kubogi, shuningdek, xalqaro maydondagi uchrashuvlarda ishlab keladi. Ma’lumotlarga ko‘ra, u 2025-yili 17 yoshgacha bo‘lgan o‘smirlar o‘rtasidagi Jahon chempionatining guruh bosqichida uchta uchrashuvni boshqargan. 2024-yilda esa Jahon chempionati Osiyo saralash bosqichining to‘rtta o‘yinida ishlagan.

Eslatib...

Tez orada Quick Share funksiyasi keng ko‘lamli yangilanishi va smartfonlarni bir-biriga tekkizish orqali ma’lumotlarni uzatish imkoniyatiga ega bo‘lishi mumkin.

Android Authority ma’lumotlariga ko‘ra, One UI 9’ning sizdirilgan versiyalarida Tap to Share funksiyasi aniqlangan. Uning tavsifida «Telefoningizning yuqori qismini qurilmaga yaqin tuting va fayllar yuboriladi», deyiladi.

Ayni shu nomdagi va o‘xshash funksiya Google Play xizmatlarida hamda Android 17’ning beta-versiyalarida ham topilgan. Nashr xulosasiga ko‘ra, Tap to Share faqat Samsung smartfonlari uchun eksklyuziv bo‘lmaydi va barcha Android qurilmalari uchun taqdim etiladi.

Faqat kontaktlarni uzatishga imkon beruvchi NameDrop’dan farqli o‘laroq, Tap to Share fayllarni uzatish uchun ham ishlaydi. Katta ehtimol bilan...

Mercedes-Benz kompaniyasining eng hashamatli Mercedes Maybach S-Class avtomobili ham restaylingdan o‘tdi. Bu haqda Kolesa.kz nashri xabar bermoqda.

Maybach versiyasi oddiy S-Class’dan 290 mm uzunroq g‘ildirak bazasi bilan ajralib turadi. Old qismida yirik radiator panjarasi va yoritiladigan konturlar qo‘llangan. Orqa ustunlarda ham yoritiladigan logotiplar paydo bo‘lgan.

Model uchun 150 dan ortiq kuzov ranglari taklif etiladi. Shuningdek, yangi disk dizaynlari va keng moslashtirish imkoniyatlari mavjud.

Salon yanada hashamatli materiallar bilan bezatilgan. Oldin qo‘shimcha opsiya bo‘lgan ko‘plab funksiyalar endi bazaviy jihozga kiritilgan.

Orqa o‘rindiqlar alohida va to‘liq elektr sozlamalarga ega. Yo‘lovchilar uchun muzlatkich, ichimlik stakanlari va eshiklarni avtomatik yopish tizimi mavjud. Shuningdek...

31-mart uchun valyutalar kursi yangilandi. Unga ko‘ra, dollar 15,21 so‘mga oshib, 12 210,71 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

19-martda 49,84 so‘mga oshib, 12 178,85 so‘mni tashkil etdi. 24-mart kuni 13,21 so‘mga oshib, 12 192,06 so‘mga, 25-mart kuni esa 3,94 so‘mga oshib, 12 196,00 so‘mga, 26-mart kuni esa 24,39 so‘mga pasayib, 12 171,61 so‘mga yetdi. 27-mart kuni dollar 8,26 so‘mga oshib, 12 179,87 so‘mni, 30-mart kuni esa 15,63 so‘mga oshib, 12 195,50 so‘mni tashkil qilgan edi.

Markaziy bank ma’lumotlariga ko‘ra, yevro 13,01 so‘mga tushib, 14 036,21 so‘mni, rubl esa 0,65 so‘mga...

«Toza havo» umummilliy loyihasi doirasida Toshkentda yangi sanoat zonalarini tashkil qilishga moratoriy joriy qilindi. Bu haqda Adliya vazirligi ma’lum qildi.

Unga ko‘ra, 2026–2030-yillarda amalga oshiriladigan «Toza havo» loyihasining asosiy maqsadlari belgilandi. Jumladan, atmosferaga chiqarilayotgan ifloslantiruvchi moddalar miqdorini 10,5 foizga kamaytirish ko‘zda tutilgan. Shuningdek, I va II toifaga kiruvchi korxonalarda avtomatik monitoring stansiyalari va chang-gaz tozalash uskunalari o‘rnatilishi ta’minlanadi.

Loyihada PM2,5 bo‘yicha milliy me’yorlardan oshish kuzatilgan kunlar sonini kamaytirish ham asosiy vazifa sifatida belgilanmoqda. Bu orqali shaharlar va sanoat zonalarida havo sifati yaxshilanishi ko‘zlangan.

Farmon bilan Toshkent shahrida ekologik vaziyatni yaxshilash yuzasidan kechiktirib bo‘lmaydigan choralarni amalga oshirish bo‘yicha maxsus...

Namangan viloyati Yangiqo‘rg‘on tumanida 53 yoshli erkak pedagog voyaga yetmagan o‘quvchiga nisbatan jinsiy zo‘ravonlik sodir etganlikda gumon qilinmoqda. Bolalar ombudsmani idorasi nazoratiga olinganini xabar qildi.

Unga ko‘ra, 13 yoshli qizning yaqinlari holat yuzasidan ichki ishlar organlariga murojaat qilganidan so‘ng, tezkor surishtiruv ishlari olib borilgan. Natijada gumonlanuvchi ushlanib, sud qarori bilan qamoqqa olish ehtiyot chorasi qo‘llangan.

Mazkur ish bo‘yicha Jinoyat kodeksining tegishli moddasi asosida jinoyat ishi qo‘zg‘atilgan va hozirda tergov harakatlari davom etmoqda. Jabrlanuvchining huquqlari va manfaatlarini himoya qilish masalasi Bolalar ombudsmani tomonidan ham nazoratga olingan.

Avvalroq Kursiv Uzbekistan Andijonda ayolni sochini qirqib tashlagan 5 kishiga jinoyat ishi...

Samarqand shahrida 907,2 mln so‘mlik tabiiy gazdan noqonuniy foydalanish holatlari fosh etildi. Bu haqda Energetika vazirligi ma’lum qildi.

Unga ko‘ra, «Hududgaz Samarqand» GTF kompleans nazorat tuzilmalari, gaz ta’minoti boʻlimi va huquq-tartibot organlari hamkorligida o‘tkazilgan tekshiruvlarda shahar hududidagi tabiiy gaz tarmoqlaridan noqonuniy foydalanish holatlari aniqlandi.

Xususan, «Shodiyona» MFYda joylashgan umumiy oʻrta ta’lim maktabida iste’molchi loyiha-texnik hujjatlarisiz va hisoblagichsiz tarmoqqa ulangan holda gazdan noqonuniy foydalanayotganligi aniqlangan.

Holat bo‘yicha dalolatnoma tuzilib, 907,2 mln soʻmlik tabiiy gaz hajmlari qayta hisob-kitob qilindi. Shu bilan birga, barcha hujjatlar huquqni muhofaza qiluvchi organlarga yuborildi.

Eslatib o‘tamiz, avvalroq Samarqandda 402 million so‘mlik tabiiy gazdan noqonuniy...

O‘zbekistonda yoshlar orasida ekologik madaniyatni oshirish maqsadida «Yosh ekolog» ko‘krak nishoni ta’sis etiladi. Bu haqda Adliya vazirligi xabar berdi.

Unga ko‘ra, shu yildan boshlab oliy ta’lim muassasalari «yashil kampus» loyihalarini ishlab chiqadi. Ushbu loyihalar Ekologiya qo‘mitasi bilan kelishilgan holda amalga oshiriladi va ta’lim muassasalarida ekologik muhitni yaxshilashga xizmat qiladi.

Shuningdek, 1-maydan boshlab sog‘lom turmush tarzini targ‘ib qilishga qaratilgan «10 ming qadam piyoda» tashabbusi yana yo‘lga qo‘yiladi. Shu bilan birga, aholining jismoniy faolligini oshirish uchun «Sog‘lom turmush tarzi» platformasi ham ishga tushiriladi.

«Yosh ekolog» ko‘krak nishoni uch darajada beriladi:

Jizzax viloyatining Zarbdor tumanida fuqarolarni xorijga ishga yuborish bilan bog‘liq firibgarlik holati fosh etildi. Bu haqda Bosh prokuratura departamenti ma’lum qildi.

Unga ko‘ra, departamentning Zarbdor tumani bo‘limi tomonidan fuqarolarning huquqlarini himoya qilish yuzasidan o‘tkazilgan tergovga qadar tekshiruv davomida noqonuniy holatlar aniqlangan. Fuqaro boshqa fuqaroning ishonchiga kirib, uning o‘g‘lini Janubiy Koreyaga ishga yuborishni va’da qilgan.

Ma’lum bo‘lishicha, fuqaro ushbu va’dasi evaziga 65 mln so‘m pul mablag‘ini firibgarlik yo‘li bilan qo‘lga kiritgan. Holat yuzasidan tegishli huquqni muhofaza qiluvchi organlar tomonidan jinoyat ishi qo‘zg‘atilgan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, hozirda tergov harakatlari olib borilmoqda.

Eslatib...

O‘zbekistonda qator mahsulotlarni ishlab chiqarish uchun zarur bo‘lgan xomashyolarni import qilishda bojxona to‘lovlari olib tashlanadi. Bu o‘zgarishlar jami 15 turdagi yo‘nalishni qamrab oladi, deya ma’lum qildi 28-mart kuni bosh vazir o‘rinbosari Jamshid Xodjayev Idoralararo komissiyaning Jahon savdo tashkiloti (JST) bilan hamkorlik bo‘yicha tadbirkorlar bilan o‘tkazilgan ilk ochiq muloqotida.

Ma’lum qilinishicha, bunday qaror tadbirkorlarning ko‘plab murojaatlari asosida ishlab chiqilgan. Ishlab chiqaruvchilar uzoq vaqtdan beri bir muammoga e’tibor qaratib kelayotgan edi. Tayyor mahsulotlarni chetdan olib kirish arzonroq, ammo o‘sha mahsulotni mamlakat ichida ishlab chiqarish uchun zarur xomashyo va butlovchi qismlarga yuqori bojlar qo‘llanilardi.

Bu holat tarif inversiyasi deb baholamoqda, ya’ni tayyor...

Skoda kompaniyasi tarixidagi eng yirik elektromobil – yangi Skoda Peaq krossoverini ishlab chiqmoqda. Model 2027-yilda Yevropa bozorida taqdim etiladi.

Yangi flagman model brend tarixida eng katta avtomobil bo‘ladi. U hozirgi Skoda Enyaq modelidan ham yuqoriroq segmentga joylashadi. Peaq uzunligi qariyb 4,9 metrni tashkil etadi. Bu esa uni Skoda Kodiaq dan ham kattaroq qiladi. Uzaytirilgan baza hisobiga salon keng bo‘ladi. Xaridorlar 5 yoki 7 o‘rindiqli variantni tanlay oladi.

Bagaj hajmi, ayniqsa, katta bo‘ladi. 5 o‘rindiqli versiyada u 1000 litrdan oshadi. Bu modelni oilaviy safarlar uchun qulay qiladi. Texnik jihatdan avtomobil ikki xil batareya bilan taklif qilinadi. Ularning sig‘imi 63 va...

Geely kompaniyasi Geely EX5 PHEV gibrid krossoverini Braziliya bozoriga olib chiqishga tayyorlanmoqda. Model allaqachon kompaniyaning rasmiy saytida paydo bo‘ldi.

Yangi avtomobil 2026-yilda sotuvga chiqadi. U Geely’ning Braziliyada ishlab chiqariladigan ilk modeli bo‘ladi. Dastlab avtomobil import qilinadi. Keyinchalik esa Renault bilan hamkorlikda Parana shtatidagi zavodda ishlab chiqarish yo‘lga qo‘yiladi.

Model plug-in gibrid tizimga ega bo‘ladi. Unda 1,5 litrli benzin dvigatel va elektromotor ishlaydi. Umumiy tizim yaxshi tejamkorlik va samaradorlikni ta’minlaydi. Ma’lumotlarga ko‘ra, avtomobil elektr rejimida 200 km gacha yurishi mumkin. Batareya bo‘sh holatda ham o‘rtacha 26,6 km/l yonilg‘i sarfini ko‘rsatadi.

EX5 PHEV o‘lchamlari bo‘yicha ham yirik krossover hisoblanadi. Uning uzunligi...

Raqobat qo‘mitasi tomonidan o‘tkazilgan tekshiruvlar natijasida propan bozorida sun’iy narx oshirish holatlari aniqlanib, qoidabuzarlikka yo‘l qo‘ygan bir nechta korxonalarga nisbatan moliyaviy choralar qo‘llanildi. Bu haqda qo‘mita matbuot xizmati xabar berdi.

Shuningdek, ushbu tezkor tadbirlar natijasida propan narxi 21 foizgacha pasaytirildi.

Nazorat jarayonida va korxonalar bilan o‘tkazilgan suhbatlar asosida 31 ta tadbirkorlik subyekti raqobat qonunchiligi talablarini buzganligi aniqlangan. Shu jumladan, ayrim korxonalar birja savdolarida narxlarni uyg‘unlashtirish va mahsulotni shartnomalar orqali noqonuniy sotish holatlarini sodir etgan.

Jumladan, 12 ta korxona birja savdolarida raqobatga zid muvofiqlashtirilgan harakatlar amalga oshirgani qayd etilgan.

Shu asosda barcha aniqlangan qonunbuzilishlar bo‘yicha 28,9 milliard so‘m miqdorida moliyaviy...

O‘zbekiston prezidentining 2026-yil 25-martdagi qaroriga muvofiq, aholini kuz-qish mavsumida qishloq xo‘jaligi mahsulotlari bilan uzluksiz ta’minlash maqsadida Surxondaryo viloyatining Sherobod tumanida Surxon-Agro erkin iqtisodiy zonasi tashkil etiladi.

2026 – 2027-yillarda mazkur hududda kamida 940 gektar maydonda zamonaviy issiqxona majmualarini joylashtirish rejalashtirilgan. Shuningdek, energiya tejamkor va muqobil energiya manbalariga asoslangan isitish tizimlari ulushini kamida 50 foizga yetkazish ko‘zda tutilgan.

Surxon-Agro zonasi doirasida faoliyat yuritadigan issiqxona xo‘jaliklariga bir qator yengilliklar beriladi. Xususan, yer uchastkalari elektron auksion orqali ijaraga olinganda, 5 yil davomida ijara to‘lovi nol stavkada hisoblanadi. Bundan tashqari, sug‘orish hamda texnologik jarayonlar uchun ishlatiladigan yerosti va oqova suvlari to‘lovlaridan 3 yil...