Yangiliklar

Jeep kompaniyasi an’anaviy Easter Jeep Safari oldidan oltita yangi konseptni taqdim etdi. Tadbir bu yil 60-marta o‘tkaziladi.

Modelar Mopar Jeep Performance Parts bilan hamkorlikda yaratilgan. Ular brendning 85 yilligiga bag‘ishlangan. Asosiy yangiliklardan biri – Wrangler Anvil 715. U klassik 60-yillar uslubida ishlab chiqilgan. Kapoti ostida 6,4 litrli V8 motor bor.

XJ Pioneer esa eski Cherokee asosida qayta tiklangan. Dizayni saqlangan, lekin texnikasi yangilangan. Gladiator Red Rock off-road uchun mo‘ljallangan pikap. U katta g‘ildiraklar va yuk tizimi bilan ajralib turadi.

Wrangler Buzzcut esa yorqin rang va sport uslubga ega. U qisqartirilgan tom va agressiv dizayn bilan taqdim etildi.

Grand Wagoneer...

O‘zbekistonda ekologiyani yaxshilash va «Yashil makon» umummilliy loyihasini rivojlantirish maqsadida yangi farmon qabul qilindi. Bu haqda Ekologiya va iqlim o‘zgarishi milliy qo‘mitasi xabar berdi.

Unga ko‘ra, fuqarolar va tadbirkorlarni ko‘kalamzorlashtirish ishlariga jalb qilish uchun maxsus rag‘batlantirish tizimi yo‘lga qo‘yiladi.

Hujjatda hududlarda yirik botanika va dendrologiya bog‘larini tashkil etish, ularni muhofaza qilinadigan tabiiy hudud sifatida saqlash belgilangan. Shuningdek, 2030-yilgacha yashil hududlar ulushini oshirish, havodagi zararli moddalarning kamaytirilishi va iqlim sharoitini yaxshilash rejalashtirilgan.

Farmonga muvofiq, yaqin yillarda «yashillik elchilari» faoliyati yo‘lga qo‘yilib, ko‘chatlar holatini monitoring qilish tizimi joriy etiladi. Bundan tashqari, «yashil chipta» orqali fuqarolar atrof-muhitga yetkazilgan zararini qoplash imkoniga ega...

Toshkent viloyatining Bo‘stonliq tumanidagi mehmonxonada mushuklarga nisbatan zo‘ravonlik qilgan 33 yoshli shaxs 15 sutka ma’muriy qamoq jazosiga hukm qilindi. Bu haqda viloyat Ichki ishlar bosh boshqarmasi matbuot kotibi Bobur To‘laganov ma’lum qildi.

Sud uni Ma’muriy javobgarlik to‘g‘risidagi kodeksning 111-moddasi 2-qismiga asosan aybdor deb topdi. Mazkur modda hayvonlarga nisbatan shafqatsiz munosabatda bo‘lib, ularning o‘limiga yoki jarohatlanishiga sabab bo‘lganlik uchun 15 sutkagacha qamoq jazosini nazarda tutadi.

Ikkinchi ayblanuvchi – 30 yoshli shaxs ham mushuklarga nisbatan zo‘ravonlik qilgan va ularga qurol bilan o‘q uzgan. U Ma’muriy javobgarlik to‘g‘risidagi kodeksning 220−1-moddasi (qurolni noqonuniy olib kirish) bo‘yicha 10 sutka qamoq jazosiga hukm qilindi. Ushbu...

27-mart sanasi koinotni zabt etgan ilk insonning fojiali o‘limidan tortib, kino olamidagi kutilmagan boykot va futbol afsonalarining tavalludigacha bo‘lgan davrni qamrab oladi. Kursiv Uzbekistan kunning eng muhim voqealarini xronologik tartibda taqdim etadi.

1886-yili sobiq Ittifoq siyosiy arbobi Sergey Kirov dunyoga keldi. Uning haqiqiy familiyasi Kostrikov bo‘lib, keyinchalik davlatning yuqori lavozimlarida ishlagan. Kirovning nomi O‘zbekistonning deyarli barcha viloyatlaridagi ko‘cha va tumanlarga berilgani uchun bu shaxs yoshi katta avlod vakillariga juda yaxshi tanish. 1934-yilda uning o‘ldirilishi mamlakatda keng miqyosdagi siyosiy qatag‘onlar boshlanishiga sabab bo‘lgan edi.

1963-yilda dunyoga mashhur Gollivud rejissyori va ssenariynavisi Kventin Tarantino tavallud topdi. Ikki karra «Oskar» hamda...

Bugun kuningiz faol va samarali o‘tadi, ertalab yangi g‘oyalar va imkoniyatlar paydo bo‘ladi. Odamlar bilan muloqot va hamkorlik muvaffaqiyat keltiradi, ishdagi murakkab vazifalar osonlik bilan hal bo‘ladi. Moliyaviy va shaxsiy sohalarda ijobiy o‘zgarishlar yuz beradi, kutilmagan uchrashuvlar va romantik hodisalar kunni boyitadi. Kechqurun esa do‘stlar bilan dam olish yoki sayr qilish tavsiya etiladi. Quyida burjlar bo‘yicha 27-mart uchun munajjimlar bashoratini taqdim etamiz.

Qo‘y (21.03 – 20.04)

Bugun sizni omadli kun kutmoqda – ertalabdan o‘zingizni ishonchli va faol his qilasiz. Ish faoliyatida hammasi yaxshi kechib, odamlar bilan til topish qobiliyatingiz katta rol o‘ynaydi. Moliyaviy jihatdan ham kun qulay bo‘lib, pul...

Toshkentda Tojikiston elchixonasining yangi binosi ochildi — foto

Tojikiston Respublikasi prezidentining davlat tashrifi doirasida Toshkent shahrida Tojikiston elchixonasining yangi binosi ochilish marosimi bo‘lib o‘tdi. Bu haqda prezident matbuot xizmati ma’lum qildi.

Toshkentdagi qurilish mollari do‘konida yong‘in sodir bo‘ldi — video

26-mart kuni Toshkent shahri Yunusobod tumanida joylashgan qurilish mollari sotiladigan do‘konda yong‘in kelib chiqdi. Bu haqda Favqulodda vaziyatlar vazirligi ma’lum qildi.

Bangladeshda avtobus daryoga qulab tushdi, qurbonlar bor — video

Markaziy Bangladeshning Rajbari tumanida avtobus paromga chiqayotgan paytda Padma daryosiga qulab tushdi. Hodisa oqibatida kamida 18 kishi halok bo‘ldi, deya xabar berdi Daily Star nashri.

Uganda Isroil tomonida...

27-mart kuni O‘zbekistonning aksariyat hududlarida yog‘ingarchilik kutilmaydi. Harorat kechasi 5–17° iliq, kunduzi 13–32° iliq bo‘ladi, deya prognoz qilmoqda «O‘zgidromet».

Quyida ob-havo ma’lumoti viloyatlar kesimida:

Chevrolet Equinox modelining 2027-yilgi versiyasida RS komplektatsiyasi ichki dizaynida kichik, ammo sezilarli o‘zgarish kiritiladi. Bu haqda GMAuthority nashri xabar berdi.

Yangi modelda salon tikuvlaridagi rang uyg‘unligi soddalashtiriladi: avval qo‘llangan Santorini Blue va Torch Red kombinatsiyasi o‘rniga endi faqat Torch Red (qizil) tikuvlar ishlatiladi. Bu esa interyerga yanada yaxlit va sportiv ko‘rinish beradi.

Texnologik jihatdan ham yangiliklar bor. Avtomobil Connected Cameras tizimi bilan jihozlanadi – u ichki va tashqi kameralar orqali real vaqt rejimida tasvirni ko‘rsatadi va uni MyChevy ilovasi orqali masofadan kuzatish imkonini beradi.

Shuningdek, uzatma tizimi ham soddalashtiriladi: 2027-yildan boshlab barcha versiyalar bir xil – 8 pog‘onali avtomat...

Sirdaryo viloyatida 112,5 mln so‘mlik dori vositalarining noqonuniy savdosi fosh etildi. Bu haqda Bosh prokuratura departamenti ma’lum qildi.

Departamentning Sirdaryo viloyati boshqarmasi xodimlari tomonidan o‘tkazilgan tezkor tadbirda fuqaro va boshqalar 1,5 ming konvalyutadagi 7,5 ming dona sifati kafolatlanmagan «Mesopril Kit» nomli dori vositasini dorixonalardan tashqarida fuqaroga sotgan vaqtda ashyoviy dalillar bilan ushlandi.

Mazkur holat yuzasidan Jinoyat kodeksining 186-3-moddasi bo‘yicha jinoyat ishi qo‘zg‘atilgan bo‘lib, hozirda tergov harakatlari olib borilmoqda.

Eslatib o‘tamiz, avvalroq Surxondaryoda 126 mln so‘mlik noqonuniy dori savdosi fosh etilgan edi.

Microsoft Windows 11 tizimini o‘rnatishda internet va akkaunt talabini bekor qilishi mumkin. Bu haqda kompaniya rahbariyati xabar berdi.

Hozirda Windows 11’ni o‘rnatish uchun majburiy ravishda internetga ulanish va Microsoft akkauntiga kirish talab etiladi. Bu esa ko‘plab foydalanuvchilar noroziligiga sabab bo‘lib kelayotgan edi.

Kompaniyaning dasturchilar bilan ishlash bo‘yicha vitse-prezidenti Scott Hanselman ushbu talabni o‘zi ham qo‘llab-quvvatlamasligini bildirib, bu borada o‘zgarishlar ustida ishlayotganini ma’lum qildi.

Hali rasmiy qaror e’lon qilinmagan bo‘lsa-da, agar bu cheklov olib tashlansa, Windows tizimini o‘rnatish jarayoni yana oddiylashadi. Bu holat ilgari internet va akkaunt talab qilmagan Windows 10 davridagi qulaylikni qaytarishi mumkin.

Shuningdek, kompaniya Windows 11’ni tezroq...

2026-yil 30-martdan boshlab Asiana Airlines aviakompaniyasi Seul — Toshkent — Seul yo‘nalishida muntazam aviaqatnovlarni qayta boshlaydi. Bu haqda Uzbekistan Airports ma’lum qildi.

Parvozlar bahor faslida dushanba, chorshanba va juma kunlari, yoz va kuz faslida esa shanba kunlari yo‘lga qo‘yiladi. Reyslar keng fyuzelyajli Airbus A330-300 samolyotlarida amalga oshiriladi.

Ma’lumot uchun, mazkur yo‘nalishdagi parvozlar o‘tgan yilning oxirida vaqtincha to‘xtatilgan edi.

Eslatib o‘tamiz, avvalroq O‘zbekiston 2030-yilgacha aviatsiyaga 3,5 milliard dollargacha sarmoya kiritishi haqida yozgan edik.

Tojikiston Respublikasi prezidentining davlat tashrifi doirasida Toshkent shahrida Tojikiston elchixonasining yangi binosi ochilish marosimi bo‘lib o‘tdi. Bu haqda prezident matbuot xizmati ma’lum qildi.

Marosimda Shavkat Mirziyoyev va Tojikiston Respublikasi prezidenti Emomali Rahmon ishtirok etib, ramziy tasmani kesish orqali diplomatik vakolatxonaning yangi binosini rasman ochdilar.

Shundan so‘ng yetakchilar elchixona va konsullik bo‘limining ma’muriy binolari, elchi qarorgohi hamda diplomatlar va ularning oila a’zolari uchun mo‘ljallangan turarjoylardan iborat majmua bilan tanishdilar.

Tadbir yakunida prezidentlar Faxriy mehmonlar kitobida qayd yozib, elchixona hududiga daraxt ekdilar. Ushbu marosim ikki davlat o‘rtasidagi do‘stlik, yaxshi qo‘shnichilik, strategik sheriklik va ittifoqchilik munosabatlarini yanada mustahkamlashga bo‘lgan intilish qat’iy...

Yaqin Sharqdagi davom etayotgan mojaro Osiyo va Tinch okeani mintaqasida iqtisodiy o‘sishga jiddiy zarba berishi mumkin. Bu haqda Asian Development Bank (ADB) yangi tadqiqotini e’lon qildi.

Hisobotda qayd etilishicha, agar energiya bozori uzilishlari bir yildan ortiq davom etsa, 2026 – 2027-yillarda mintaqa iqtisodiy o‘sishi 1,3 foiz punktgacha pasayishi, inflyatsiya esa 3,2 foiz punktgacha oshishi mumkin.

Tahlilchilarga ko‘ra, mojaroning asosiy ta’siri energiya narxlarining oshishi, ta’minot zanjirlarining uzilishi, savdo hajmining qisqarishi hamda moliyaviy sharoitlarning keskinlashuvi orqali seziladi. Bundan tashqari, turizm va pul o‘tkazmalari ham salbiy ta’sir ko‘rishi mumkin.

Eng katta zarba Janubi-Sharqiy Osiyo va Tinch okeani hududidagi rivojlanayotgan davlatlarga to‘g‘ri kelishi...

26-mart kuni Toshkent shahrining Yunusobod tumanida joylashgan qurilish mollari sotiladigan do‘konda yong‘in kelib chiqdi. Bu haqda Favqulodda vaziyatlar vazirligi ma’lum qildi.

Unga ko‘ra, yong‘in haqida soat 18:15 da xabar kelib tushgan. Voqea joyiga qutqaruv ekipajlari soat 18:24 da yetib bordi va soat 18:36 da yong‘in qurshab olingan. Hodisa oqibatida hech kim jabrlanmagan. Yong‘inni o‘chirish ishlari davom ettirildi va soat 18:42 da to‘liq o‘chirilgan. Vaziyat butunlay nazoratga olingan.

Eslatib o‘tamiz, avvalroq Toshkent shahrining Shayxontohur tumanida joylashgan Park in Mall oilaviy ko‘ngilochar savdo markazida yong‘in sodir bo‘lgan edi.

Adliya organlari tomonidan o‘tkazilgan tekshiruv natijasida A.P. MChJ tomonidan kontrafakt mahsulot ishlab chiqarilgani aniqlandi. Holat Imudon tovar belgisi egasi hisoblangan xalqaro kompaniya murojaati asosida ko‘rib chiqilgan.

Tekshiruv davomida korxona tomonidan Imudon nomiga fonetik jihatdan o‘xshash Imudon Nest belgisi ostida 31 mingdan ortiq mahsulotlar noqonuniy ishlab chiqarilgani ma’lum bo‘ldi.

Mazkur qonunbuzarlik yuzasidan korxonaga nisbatan 82 million so‘m miqdorida jarima qo‘llanildi. Shuningdek, tovar belgisiga bo‘lgan huquqlarni buzuvchi barcha harakatlarni to‘xtatish majburiyati yuklatildi.

Kontrafakt mahsulotlar, ayniqsa, oziq-ovqat va farmatsevtika kabi sohalarda inson salomatligiga jiddiy xavf tug‘diradi. Shu bois tadbirkorlarga o‘z brendlarini rasmiy ro‘yxatdan o‘tkazish va noqonuniy foydalanish holatlari yuzasidan tegishli organlarga murojaat...

O‘zbekiston va Tojikiston Oliy davlatlararo kengashining birinchi yig‘ilishidan so‘ng ikki tomonlama hujjatlarni imzolash va almashish marosimi bo‘lib o‘tdi. Bu haqda prezident matbuot xizmati ma’lum qildi.

Tadbirda Shavkat Mirziyoyev va Tojikiston Respublikasi prezidenti Emomali Rahmon Strategik sheriklik va ittifoqchilik munosabatlarini kengaytirish to‘g‘risida qo‘shma bayonotni imzoladilar. Shuningdek, hukumatlar, vazirliklar va idoralar darajasida ko‘p qirrali hamkorlikni rivojlantirishga qaratilgan bir qator hujjatlar imzolandi.

Ushbu hujjatlar to‘plamiga tovar ayirboshlashni oshirish dasturi, sanoat kooperatsiyasi dasturi, tovarlarning kelib chiqishini sertifikatlashtirish elektron tizimlarini o‘zaro qo‘llash to‘g‘risida bitim, sog‘liqni saqlash sohasidagi hamkorlik to‘g‘risida bitim, chegaraoldi hududlarda radiochastotalarni muvofiqlashtirish to‘g‘risida bitim va «O‘zbekiston – Tojikiston investitsiya kompaniyasi»ni tashkil...

Markaziy Bangladeshning Rajbari tumanida avtobus paromga chiqayotgan paytda Padma daryosiga qulab tushdi. Hodisa oqibatida kamida 18 kishi halok bo‘ldi, deya xabar berdi Daily Star nashri.

Avtobus ichida taxminan 40 nafar yo‘lovchi bo‘lgan, ulardan 18 kishining jasadi suvdan chiqarildi – ular orasida 4 erkak, 10 ayol va 2 bola bor edi. Politsiya va mahalliy manbalarga ko‘ra, 11 yo‘lovchi o‘z kuchi bilan qirg‘oqqa chiqa olgan.

Hodisa soat 17:15 da sodir bo‘lib, kichik Hasna Hena nomli parom pontonga kuchli zarba berishi natijasida avtobus nazoratni yo‘qotib, daryoga qulab tushgan. Ba’zi yo‘lovchilar suvga tushib qutulishga muvaffaq bo‘lgan bo‘lsa, aksariyati avtobus ichida qolib ketgan...

Shavkat Mirziyoyev va Emomali Rahmon yirik qo‘shma kooperatsiya loyihalarini ishga tushirish marosimida ishtirok etdi. Uchrashuv doirasida ikki davlat rahbarlari jami 10 ta qo‘shma loyihani boshlab berdi.

Loyihalar doirasida Tojikistonda mebel va charm mahsulotlari korxonalari tashkil etilishi, maishiy texnika ishlab chiqarish quvvatlarini kengaytirish, to‘qimachilik korxonalarini barpo qilish ko‘zda tutilgan. Shu bilan birga, Toshkent shahrida turar joy majmuasi va savdo obyektlarini qurish, Farg‘ona viloyatida konserva mahsulotlari ishlab chiqarishni yo‘lga qo‘yish rejalashtirilgan.

Bundan tashqari, Andijon viloyatida sut mahsulotlari ishlab chiqarish quvvati ishga tushirildi, Surxondaryo viloyatida esa meva sharbatlari va metall briketlar ishlab chiqarish loyihalari amalga oshirildi. Shuningdek, Yangi Toshkentdagi ko‘chalardan biriga...

26-mart kuni Ko‘ksaroy qarorgohida Shavkat Mirziyoyev va Tojikiston Respublikasi prezidenti Emomali Rahmon tor doirada muzokara o‘tkazib, Oliy davlatlararo kengashning birinchi yig‘ilishini boshqardilar. Bu haqda prezident matbuot xizmati ma’lum qildi.

«Bugun biz Oliy davlatlararo kengashning birinchi yigʻilishini boshlab bermoqdamiz. Ushbu format, shubhasiz, ikki tomonlama hamkorlikni sifat jihatidan yangi bosqichga koʻtaradi, Oʻzbekiston – Tojikiston strategik sheriklik va ittifoqchilik munosabatlarini amaliy mazmun va ilgʻor tashabbuslar bilan boyitishga xizmat qiladi», – dedi Mirziyoyev.

Davlat rahbarlari yig‘ilishda hukumatlar, parlamentlar va idoralar darajasidagi faol aloqalarni qayd etib, o‘zaro savdo hajmini oshirish, sanoat kooperatsiyasini rag‘batlantirish, transport, suv va energetika xavfsizligini mustahkamlash...

2025-yilda O‘zbekiston davlat OTMlarining daromad va zarar ko‘rsatkichlari ma’lum qilindi. Jami daromad bo‘yicha Toshkent davlat iqtisodiyot universiteti yetakchilik qilgan holda 909,5 mlrd so‘m tushumga erishdi.

Mirzo Ulug‘bek nomidagi O‘zbekiston Milliy universiteti 649,95 mlrd so‘m bilan ikkinchi o‘rinni egalladi, Berdaq nomidagi Qoraqalpoq davlat universiteti esa 571,17 mlrd so‘m bilan uchinchi pog‘onaga chiqdi.

Sof foyda ko‘rsatkichida esa Berdaq nomidagi Qoraqalpoq davlat universiteti 77,72 mlrd so‘m bilan eng yuqori natijaga erishdi. Qarshi davlat texnika universiteti va Andijon davlat texnika instituti mos ravishda 57,8 va 33,77 mlrd so‘m sof foyda bilan yetakchi o‘rinlarda bo‘ldi.

Shu bilan birga, Navoiy davlat pedagogika instituti...

General Motors Janubiy Koreyadagi ishlab chiqarish bazasini kengaytirish uchun qo‘shimcha $300 mln investitsiya kiritishini e’lon qildi. Kompaniyaning Koreya sanoatidagi umumiy sarmoyasi $600 mlnga yetdi.

Kompaniya ma’lumotiga ko‘ra, yangi mablag‘ ishlab chiqarish quvvatlarini modernizatsiya qilishga yo‘naltiriladi. Jumladan, zavodlarga yangi press uskunalari o‘rnatiladi va ishlab chiqarish jarayonlari yangilanadi. Shuningdek, investitsiya ishchilar uchun xavfsizlik sharoitlarini yaxshilash va ishlab chiqarish samaradorligini oshirishga xizmat qiladi. Bu esa Chevrolet va Buick brendlari uchun kichik krossoverlar ishlab chiqarishni kuchaytiradi.

GM Koreya rahbariyati ushbu qaror kompaniyaning mamlakatdagi faoliyatiga uzoq muddatli ishonchini ko‘rsatishini ta’kidladi. So‘nggi uch yil davomida barqaror foyda qayd etilgani bu qarorga asos bo‘lgan.

Eslatib o‘tamiz...

Shavkat Mirziyoyev Tojikiston Respublikasi So‘g‘d viloyati «Nuri niyogon» shashmaqom ansambli rahbari Nabiyev Shuhratjon Jurabekovichni davlat mukofoti bilan taqdirladi. Bu haqda prezident matbuot xizmati ma’lum qildi.

Farmonga muvofiq, Shuhratjon Nabiyev o‘zining uzoq yillik samarali ijodiy faoliyati, maqom san’atini rivojlantirish va ommalashtirishdagi hissasi, shuningdek, o‘zbek xalqining boy madaniy va ma’naviy merosini xalqaro hamjamiyatga targ‘ib etishdagi faol ishtiroki uchun O‘zbekiston Respublikasining «Do‘stlik» ordeni bilan mukofotlandi.

Mirziyoyev ta’kidlaganidek, ushbu mukofot ansambl rahbarining mushtarak qadriyat va an’analarni asrab-avaylash, madaniy-gumanitar aloqalarni rivojlantirish yo‘lidagi ibratli faoliyatini e’tirof etish maqsadida berildi.

Eslatib o‘tamiz, avvalroq Serena Pharma ta’sischisi «Do‘stlik» ordeni bilan mukofotlangan edi.

FIFA Series xalqaro turniri oldidan tashkil etilgan matbuot anjumanida O‘zbekiston milliy terma jamoasi bosh murabbiyi Fabio Kannavaro raqib jamoa yulduzi Pyer-Emerik Obameyangning tarkibda yo‘qligiga munosabat bildirdi. Bu haqda Kursiv Uzbekistan muxbiri xabar bermoqda.

Kannavaro Gabon terma jamoasiga qarshi kechadigan bahs oldidan raqibning asosiy yulduzlari, xususan, Obameyang va Leminaning ishtirok etmasligi masalasiga to‘xtalib o‘tdi.

«Gabon safida Obameyangning yo‘qligi biz uchun muhim emas. Men faqat jamoamga e’tibor qarataman va g‘alaba qozonishni istayman. Obameyangni esa dunyodagi eng yaxshi hujumchilardan biri deb bilaman», – dedi bosh murabbiy.

Bosh murabbiy Erondagi murakkab vaziyat sababli o‘yin amaliyotisiz qolgan futbolchilarga yordam berishga...

27-mart uchun valyutalar kursi yangilandi. Unga ko‘ra, dollar 8,26 so‘mga oshib, 12 179,87 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

17-martdan 19-martga qadar o‘sish qayd etildi. Asosan, 17-mart kuni dollar 9,59 so‘mga oshib, 12 091,22 so‘mni, 18-martda 37,79 so‘mga oshib, 12 129,01 so‘mni va 19-martda 49,84 so‘mga oshib, 12 178,85 so‘mni tashkil etdi. 24-mart kuni 13,21 so‘mga oshib, 12 192,06 so‘mga, 25-mart kuni esa 3,94 so‘mga oshib, 12 196,00 so‘mga, 26-mart kuni esa 24,39 so‘mga pasayib, 12 171,61 so‘mga yetdi.

Markaziy bank ma’lumotlariga ko‘ra, yevro 32,97 so‘mga tushib, 14 079,93 so‘mni, rubl...