Yangiliklar

Jahon bozorida oltin narxi ilk bor $5,6 minggacha chiqqandan keyin keskin tushishni qayd etmoqda. 1-fevral kuni Toshkent vaqti bilan soat 15:27 holatiga oltin narxi bir unsiya uchun $4,9 mingdan pasaydi.

Reuters’ga ko‘ra, bunga AQSh Federal rezerv tizimi (FED) rahbari lavozimiga yanada qat’iy (hawkish) qarashlarga ega shaxs tayinlanishi mumkinligi haqidagi mish-mishlar sabab bo‘lmoqda.

Donald Tramp Federal rezerv raisi Jerome Powell o‘rniga yangi nomzodni e’lon qilishini aytgan. Bozorda bu lavozimga sobiq FED rahbari Kevin Uorsh tayinlanishi mumkinligi haqida taxminlar kuchaygan. Aynan shu xabarlar Osiyo bozorlarida oltin narxiga bosim o‘tkazmoqda.

Dollar ko‘p yillik eng past darajalardan biroz tiklandi. Bu ham oltin narxining pasayishiga sabab bo‘ldi, chunki kuchli...

Joriy yil 2-fevraldan boshlab metan «zapravkalar» soat 10:00 dan 16:00 gacha faoliyat yuritadi. Bu haqda Energetika vazirligi ma’lum qildi.

Farg‘ona vodiysida esa metan zapravkalarning ish vaqti mahalliy hokimliklar bilan kelishilgan holda, gaz bosimidan kelib chiqib belgilanadi.

Shu bilan birga, ijtimoiy soha obyektlariga xizmat ko‘rsatuvchi maxsus texnika hamda jamoat transportlari gaz bilan cheklovsiz va barqaror ta’minlanadi.

Eslatib o‘tamiz, avvalroq Farg‘ona, Sirdaryo, Surxondaryo hamda Toshkent viloyatlarida shahar ichi yo‘nalishlarida qatnovchi avtobuslar uzluksiz ishlashi uchun avtomobillarga gaz to‘ldirish kompressor shoxobchalarida jamoat transportiga birinchi galda gaz quyish tartibi joriy etilgandi.

Ko‘rilayotgan choralar natijasida quvurlardagi gaz bosimini oshirish imkoniyati paydo bo‘lib, ayrim hududlarda...

Samsung’ning kutilayotgan flagmani Samsung Galaxy S26 Ultra dasturchilar uchun qulay ish quroliga aylanishi mumkin. Android Authority nashrining xabariga ko‘ra, One UI 8.5 tizimi loglarida Android Virtualization Framework tilga olingan.

Bu texnologiya virtual mashinalarni ishga tushirish va to‘liq Linux-terminaldan foydalanish imkonini beradi. Qayd etilishicha, hozirgi Galaxy S25 Ultra modelida bu imkoniyat yo‘q.

Yangi funksiyaning paydo bo‘lishi Android 16 QPR2 bilan bog‘liq. Ushbu versiyada Google Linux-muhitni rasmiy qo‘llab-quvvatlashni joriy qilgan. Bu esa foydalanuvchilarga maxsus dasturlarni ishga tushirish imkonini beradi.

Avvalroq Samsung Galaxy S26 seriyasining rasmiy taqdimoti 25-fevralga rejalashtirilgan bo‘lsa-da, modellarning taxminiy narxlari e’lon qilingandi.

Ma’lumotlarga ko‘ra, Galaxy S26 Ultra’ning...

Toshkent shahridagi Aviator savdo-ko‘ngilochar markazida sodir bo‘lgan yong‘in oqibatida uch yoshli bola vafot etdi. Bu haqda shahar Favqulodda vaziyatlar bosh boshqarmasi matbuot kotibi Zuhriddin Qurbonov ma’lum qildi.

Uning so‘zlariga ko‘ra, hozircha boshqa jabrlanganlar haqida ma’lumot yo‘q. Yong‘in sababini aniqlash uchun kuzatuv kameralaridagi yozuvlar o‘rganilmoqda.

Ma’lum bo‘lishicha, yong‘in savdo markazining ikkinchi qavatida, oziq-ovqat maydoni va bolalar o‘yin zonasi joylashgan hududda boshlangan.

Dastlabki baholarga ko‘ra, yong‘in savdo markazining qariyb 800 kvadrat metr maydoniga zarar yetkazgan.

Eslatib o‘tamiz, yong‘in to‘g‘risidagi xabar Toshkent shahar FVBB’ga soat 15:47 da kelib tushgan. Qutqaruv ekipajlari voqea joyiga 6 daqiqa ichida, ya’ni soat 15:53 da...

2026-yil 1-fevraldan «Ochiq budjet» portali orqali «Tashabbusli budjet» jarayonlarining 1-mavsumi doirasida loyiha kiritish bosqichi boshlandi. Bu haqda Iqtisodiyot va moliya vazirligi xabar berdi.

Fuqarolar ushbu platforma orqali o‘z hududidagi muammolarni hal etishga qaratilgan taklif va loyihalarni taqdim qiliishi mumkin.

Jarayonga ko‘ra,

Eslatib o‘tamiz, avvalroq 2026-yilgi 1-mavsumida ishtirok etmaydigan mahallalar ma’lum qilingandi. Unga ko‘ra, avvalgi mavsumlarda ketma-ket g‘olib bo‘lgan va 2026-yil 1-mavsumda loyiha...

Apple’ning ilk buklanadigan smartfoni iPhone Fold 2026-yil kuzida iPhone 18 seriyasi bilan birga taqdim etilishi rejalashtirilgan. Mydrivers nashriga ko‘ra, qurilma kompaniya tarixidagi eng premium va texnologik iPhone sifatida taqdim etiladi.

Manbalarga ko‘ra, iPhone Fold 5 500 mA/soat sig‘imli batareyaga ega bo‘ladi. Bu Apple smartfonlari orasida eng katta ko‘rsatkich hisoblanadi. Avtonomlikni oshirish uchun kompaniya kremniy – uglerod anodli batareya texnologiyasidan foydalanadi. Bu yechim qurilma hajmini kattalashtirmasdan energiya zichligini oshirish imkonini beradi.

Buklanadigan iPhone ichki tomonda 7,8 dyuymli LTPO OLED displey bilan jihozlanadi. Ekran Samsung tomonidan ishlab chiqariladi va 120 Hz gacha moslashuvchan yangilanish chastotasini qo‘llab-quvvatlaydi. Tashqi ekran esa 5,3 dyuym...

Banklar 1-fevral kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 2-fevral uchun valyutalar kursi e’lon qilingani haqida xabar bergandi.

Samarqand viloyatida umumiy qiymati $10 mln bo‘lgan chiqindilarni qayta ishlash loyihalari amalga oshiriladi. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi.

Unga ko‘ra, agentlik direktori Sharifbek Hasanov boshchiligidagi delegatsiya Turkiyaning MT Makina kompaniyasi bilan hamkorlik masalalarini ko‘rib chiqdi. Tomonlar chiqindilarni saralash va qayta ishlash uskunalarini ishlab chiqarish hamda obyektlar tashkil etish bo‘yicha kelishuvga erishdi.

Kelishuvga ko‘ra, Samarqand viloyatida umumiy qiymati $10 mln bo‘lgan loyihalar amalga oshirilishi kutilmoqda. Asosiy loyihalar 2026 – 2027-yillarga mo‘ljallangan bo‘lib, kuniga 500 tonna quvvatga ega chiqindilarni saralash stansiyasini qurish, shuningdek, yiliga 1000 dona maxsus texnika va konteyner ishlab chiqaruvchi zavod mahalliylashtirilishi ko‘zlanmoqda.

CoinMarketCap ma’lumotlariga ko‘ra, Toshkent vaqti bilan soat 08:50 holatida bitkoin narxi $78,8 mingni tashkil etdi.

Bitkoin bu kabi narx oxirgi marta 2025-yilning aprelida kuzatilgan edi, o‘shanda uning narxi $77 mingdan pastlagan.

Juma kuni, 30-yanvarda bitkoin bir sutka ichida qariyb 7 foizga arzonlagan. Narx pasayishi fonida butun kriptovalyuta bozori noyabr oyidan beri eng past ko‘rsatkichlarga tushib ketdi. Ayrim paytlarda u $81 ming atrofida savdo qilindi.

Eslatib o‘tamiz, avvalroq Oracle kompaniyasining kutilganidan past moliya natijalari texnologik aksiyalarga bosim o‘tkazib, bozor kayfiyatini buzgandi. Ushbu fonda bitkoin ham 3 foizdan ko‘proq arzonlashdi.

Osiyoda texnologik sektordagi pasayish natijasida mintaqaviy indekslar o‘sishni yo‘qotdi. Bu...

31-yanvar kuni Toshkent shahrining Yashnobod tumanida joylashgan Aviator savdo majmuasida yirik yong‘in yuz berdi. Hodisa oqibatida bir nafar fuqaro qurbon bo‘lgan. Bu haqda Toshkent shahar Favqulodda vaziyatlar boshqarmasi xabar bermoqda.

Yong‘in to‘g‘risidagi xabar Toshkent shahar FVBB’ga soat 15:47 da kelib tushgan. Qutqaruv ekipajlari voqea joyiga 6 daqiqa ichida, ya’ni soat 15:53 da yetib borgan. O‘t o‘chiruvchilar dastlab bino ichidagi barcha fuqarolarni evakuatsiya qilish choralarini ko‘rgan.

Yong‘inni bartaraf etish ishlari Favqulodda vaziyatlar vaziri rahbarligida amalga oshirilgan. Olov soat 16:50 da qurshab olinib, 17:17 da to‘liq o‘chirilgan. Yong‘indan so‘ng olib borilgan dastlabki o‘rganish ishlari davomida vayronalar ostidan bir nafar fuqaroning jasadi...

Turkiya Superligasining 20-turi doirasida «Istanbul Bashakshehir» o‘z maydonida «Rizespor» klubini qabul qildi. Gollarga boy kechgan va O‘zbekiston milliy jamoasi yetakchilari ishtirok etgan uchrashuvda 2:2 hisobidagi jangovar durang qayd etildi.

«Istanbul Bashakshehir» safida o‘zbekistonlik futbolchilar Eldor Shomurodov va Abbosbek Fayzullayev uchrashuvni asosiy tarkibda boshlashdi. O‘yinning 19-daqiqasida Eldor Shomurodov jamoadoshi Operining uzatmasidan unumli foydalanib, hisobni ochdi. Bu hujumchimiz uchun joriy mavsumdagi 14-gol bo‘ldi va u chempionat to‘purarlari qatoridagi o‘rnini yanada mustahkamladi.

Uchrashuv ssenariysi dramatik tus oldi. Birinchi bo‘lim yakunida mehmonlar Shahinning goli evaziga hisobni tenglashtirishdi. Ikkinchi bo‘limda Valentin Mixayla «Rizespor»ni oldinga olib chiqdi. Biroq mezbonlar taslim bo‘lishmadi. 74-daqiqada Bertug Yildirim muvozanatni...

Amerika va Kanada kinematografiyasi afsonasi Ketrin Oxara 71 yoshida olamdan o‘tdi. U o‘zining betakror komedik rollari va dramatik iste’dodi bilan millionlab tomoshabinlar qalbidan joy olgan edi.

Ketrin Oxara keng jamoatchilikka, eng avvalo, Rojdestvo ramziga aylangan «Uyda yolg‘iz» (Home Alone) va uning davomi «Uyda yolg‘iz 2: Nyu-Yorkda yo‘qolgan» filmlaridagi bosh qahramon Kevinning onasi Keyt Makkallister roli orqali yaxshi tanish. Ushbu filmlar yillar o‘tib ham dolzarbligini yo‘qotmagan.

«Uyda yolg‘iz» filmida Kevin rolini ijro etgan Makoley Kalkin ijtimoiy tarmoqdagi sahifasida «Oyijon. Vaqtimiz bor deb o‘ylagandim. Yana aytadigan gaplarim juda ko‘p edi. Sizni yaxshi ko‘raman. Keyinroq ko‘rishguncha» deya vidolashdi.

Aktrisa 2010-yillarning o‘rtalarida...

HAVAL kompaniyasi H9 ramali yo‘ltanlamasining yangilangan 2026-yilgi versiyasini taqdim etdi. Yangi model tashqi ko‘rinishdagi o‘zgarishlar, masofaviy yangilanish imkoniyati va kengaytirilgan raqamli xizmatlar bilan ajralib turadi.

Avtomobil dizaynida amaliy yechimlarga urg‘u berilgan. Radiator panjarasi avvalgi kumushrang o‘rniga bosiq kulrang tusga o‘zgardi, g‘ildirak arkalari kengaytirgichlari esa bo‘yalmagan qora plastikdan ishlangan. Bu detallar mashinani mayda shikastlanishlardan himoya qiladi. Kuzov ranglari qatoriga yangi kulrang tus Atlas Sellenit qo‘shildi.

Texnologik jihatdan model Yandex Auto platformasi bilan integratsiya qilingan. 14,6 dyuymli markaziy displey orqali haydovchilar Yandex Xaritalar, Musiqa va Kitoblar xizmatlaridan to‘g‘ridan to‘g‘ri foydalanishlari mumkin. Tizim foydalanuvchi hisobi bilan sinxronlashadi va oflayn rejimda ham navigatsiyani...

NASA agentligi o‘zining eng yangi va kuchli superkompyuteri Athenani foydalanishga topshirilganini e’lon qildi. Kaliforniyadagi Ames tadqiqot markazida joylashgan ushbu tizim fan va aeronavtika sohasidagi murakkab muammolarni hal etishga mo‘ljallangan.

Athena yanvar oyida beta-sinovlardan so‘ng to‘liq ishga tushirildi va u agentlikning avvalgi Aitken hamda Pleiades tizimlaridan ham kuchliroqdir. Uning eng yuqori ishlash ko‘rsatkichi 20 petaflopsdan oshadi, bu esa soniyasiga shuncha miqdordagi hisob-kitoblarni amalga oshirish imkonini beradi. Shuningdek, yangi qurilma elektr energiyasi sarfini kamaytirishga yordam beradi.

«Tadqiqotlar NASA’ni har doim hisoblash imkoniyatlari chegarasiga undagan», – dedi NASA bosh ofisi vakili Kevin Merfi.

Superkompyuter raketa parvozlarini simulyatsiya...

Janubiy Koreyaning Shimoliy Chungchong provinsiyasida joylashgan maishiy mahsulotlar ishlab chiqaruvchi zavodda kuchli yong‘in yuz berdi. Binodan evakuatsiya qilinganlar ro‘yxatida ikki nafar xodim O‘zbekiston va Nepal fuqarolari mavjud emas.

Hodisa 30-yanvar kuni Eumseong-gun hududidagi zavodda boshlangan. Dastlabki ma’lumotlarga ko‘ra, korxona nam salfetkalar va tagliklar ishlab chiqarishga ixtisoslashtirilgan bo‘lib, u yerda xavfli kimyoviy moddalar saqlanmagan.

Yong‘in boshlangach, zavodda bo‘lgan 83 nafar xodimdan 81 nafari xavfsiz joyga olib chiqilgan. Biroq ikki nafar ishchi 50 yoshlar atrofidagi O‘zbekiston fuqarosi hamda 20 yoshli Nepal fuqarosi bilan bog‘lanishning imkoni bo‘lmayapti. Ular binoda qolib ketgan bo‘lishi mumkinligi taxmin qilinmoqda.

Olov tezda kuchayib, yaqin atrofdagi elektr uzgichlar...

29-yanvar kuni Tojikiston va Afg‘oniston chegarasidagi Shamsiddin Shohin tumanida qurolli to‘qnashuv yuz berdi. Tojikiston Davlat milliy xavfsizlik qo‘mitasi Chegara qo‘shinlari xabariga ko‘ra, chegarani noqonuniy kesib o‘tgan kontrabandachilar qarshilik ko‘rsatgan, natijada ulardan uch nafari otishma paytida halok bo‘lgan.

Rasmiy ma’lumotlarga ko‘ra, voqea soat 19:30 atrofida «Bahorak» chegara posti hududida sodir bo‘lgan. Afg‘oniston tomonidan 5 nafar qurollangan shaxs chegarani buzib o‘tib, Tojikiston hududiga kirgan. Chegarachilarning to‘xtash haqidagi buyrug‘iga bo‘ysunmagan qoidabuzarlar o‘t ochgan va ortga qochishga uringan.

Afg‘onistonning Taxar viloyatida istiqomat qilgan Jovid Davlatmand, Rashid Davlatmand va Sobir Zohir voqea joyida zararsizlantirilgan. Guruhning qolgan ikki a’zosi qorong‘ilikdan foydalanib, ortga qochishga muvaffaq bo‘lgan.

Janubiy Afrika mintaqasida bir necha hafta davom etgan kuchli yog‘ingarchiliklar keng ko‘lamli suv toshqinlarini keltirib chiqardi. Tabiiy ofat oqibatida Mozambik, Janubiy Afrika Respublikasi va qo‘shni davlatlarda jami 1,3 mln aholi jabr ko‘rgan. Bu haqda DW xabar bermoqda.

Rasmiy ma’lumotlarga ko‘ra, ofatdan eng ko‘p zarar ko‘rgan davlat Mozambik hisoblanadi. Mamlakat bo‘ylab 645 mingdan ziyod kishilar toshqin ta’sirida qolgan va kamida 112 kishi halok bo‘lgan. Hozirda 91 ming nafar fuqaro 68 ta vaqtinchalik joylashtirish markazlariga ko‘chirilgan, 99 kishi turli darajada tan jarohati olgan.

Infratuzilma va iqtisodiy zararlar tinimsiz yomg‘irlar oqibatida daryolar o‘zanidan toshib, to‘g‘onlarni yuvib ketgan. Ayrim hududlarda bir sutka ichida...

O‘zbekistonda 2025-yilning yanvar – dekabr oylarida savdo xizmatlari hajmi 187 trln so‘mni tashkil etdi. Mazkur ko‘rsatkich 2024-yilning mos davriga nisbatan 13,8 foizga oshgan. Bu haqda Milliy statistika qo‘mitasi xabar bermoqda.

Hududlar kesimida eng yuqori natija Toshkent shahrida qayd etilib, poytaxtda savdo xizmatlari hajmi 68,3 trln so‘mga yetgan. Keyingi o‘rinlarni Toshkent viloyati (17,4 trln so‘m) va Farg‘ona viloyati (14,1 trln so‘m) egallagan. Samarqand, Namangan, Andijon va Qashqadaryo viloyatlarida ham ko‘rsatkichlar 10 trln so‘mdan yuqori bo‘lib, mos ravishda 12,8 trln, 10,6 trln, 10,3 trln va 10,2 trln so‘mni tashkil etdi.

Mamlakatning boshqa hududlarida savdo hajmi nisbatan pastroq shakllangan. Xususan, Buxoro viloyatida...

Nissan kompaniyasi o‘zining mashhur Ariya elektromobili negizida quyosh energiyasidan quvvat oluvchi konseptni taqdim etdi. Dubay va Barselona muhandislari hamkorligida ishlab chiqilgan ushbu loyiha haydovchilarni quvvatlash stansiyalariga bo‘lgan bog‘liqlikdan sezilarli darajada xalos etishni maqsad qilgan.

Yapon avtomobilsozlik giganti taqdim etgan ma’lumotlarga ko‘ra, yangi Ariya modeli umumiy maydoni 3,8 kvadrat metrni tashkil etuvchi quyosh panellari bilan jihozlangan. Ushbu panellar avtomobilning kapoti, tomi va orqa eshigiga integratsiya qilingan bo‘lib, ular maxsus polimer va shisha asosida tayyorlangan. Tizim quyosh nurini to‘g‘ridan-to‘g‘ri elektr energiyasiga aylantirib, uni boshqaruvchi kontroller orqali batareyalarga yo‘naltiradi.

Sinov natijalari shuni ko‘rsatdiki, ideal ob-havo sharoitida ushbu tizim avtomobilga kuniga 23 km...

31-yanvar kuni ertalab Buxoro viloyatining Qorako‘l tumanidagi xonadonlardan birida gaz-havo aralashmasining chaqnashi yuz berdi. Favqulodda vaziyatlar vazirligi matbuot xizmati hodisa tafsilotlarini ochiqladi.

Favqulodda xabar 112 tizimiga soat 08:23 da kelib tushgan. Hodisa «Tinchlik» MFY, Sho‘robod ko‘chasida joylashgan ikki qavatli uyda sodir bo‘lgan. Voqea joyiga zudlik bilan FVV qutqaruvchilari va tegishli maxsus xizmat vakillari yetib borib, vaziyatni nazoratga olgan.

Dastlabki xulosalarga ko‘ra, ko‘ngilsiz hodisaga gaz plitasidan foydalanish jarayonida gaz sizib chiqishi va uning xonada to‘planishi sabab bo‘lgani taxmin qilinmoqda. Chaqnash oqibatida 2 nafar fuqaro turli darajada tan jarohati olgan va tez tibbiy yordam xodimlari tomonidan shifoxonaga olib ketilgan.

Rasmiy ma’lumotlarga...

Saudiya Arabistoni Pro ligasining 19-turida «Al-Nassr» klubi safarda «Al-Xolud» mehmoni bo‘ldi. Uchrashuvda 40 yoshli Krishtianu Ronaldu faoliyatidagi 961-golini kiritdi.

Chempionlik uchun kurashayotgan «Al-Nassr» ushbu g‘alabadan keyin 43 ochko bilan turnir jadvalining ikkinchi pog‘onasini egallab turibdi. Peshqadam «Al-Hilol»dan 3 ochko ortda qolayotgan Xorxe Jezus shogirdlari uchun har bir o‘yin finalga teng. «Al-Xolud» esa ligada jon saqlab qolish uchun kurashmoqda va ayni damda 15 ochko bilan 14-o‘rinni band etgan.

O‘yindan oldin Ronaldu jismoniy charchoq sababli bir nechta mashg‘ulotlarni o‘tkazib yuborgani haqida xabarlar tarqalgan edi. Murabbiylar shtabi tavakkal qilmaslik uchun unga dam berishni rejalashtirgandi. Biroq xuddi «Damak»ka qarshi o‘yindagi kabi, Ronaldu bu...

SpaceX kompaniyasi Federal aloqa komissiyasiga sun’iy intellekt ishlashini ta’minlashga mo‘ljallangan 1 mlnta sun’iy yo‘ldoshni uchirish bo‘yicha ruxsat so‘rab murojaat qildi.

Kompaniya ushbu loyihani «Kardashev II darajasidagi sivilizatsiyaga aylanish sari birinchi qadam» deb ta’riflamoqda. Rejaga ko‘ra, tizim Quyosh energiyasidan to‘liq foydalanish imkonini beradi va bugungi kunda milliardlab odamlar uchun SI ilovalarini qo‘llab-quvvatlaydi. Yo‘ldoshlar 500 km dan 2 ming km gacha bo‘lgan balandlikda va 50 km kenglikdagi tor orbital qatlamlarda harakatlanadi.

Rejaning asosiy jihatlari quyidagicha: Yangi avlod sun’iy yo‘ldoshlari orbital ma’lumotlar markazi sifatida ishlaydi. Tarmoq ichida va Starlink tizimi bilan aloqa qilish uchun yuqori tezlikdagi optik kanallar qo‘llaniladi. Loyihani amalga oshirishda...

O‘zbekiston hukumati chet el fuqarolari uchun davlat tilini bilish darajasini aniqlash va ularga maxsus malaka sertifikati berish tizimini joriy etish to‘g‘risida qaror qabul qildi. Yangi tartib Vazirlar Mahkamasining 2026-yil 28-yanvardagi 31-sonli qarori bilan tasdiqlandi.

Yangi qabul qilingan «Chet el fuqarolari uchun o‘zbek tilini bilish darajasini aniqlash va malaka sertifikatini berish tizimini joriy etish chora-tadbirlari to‘g‘risida»gi qarorga muvofiq, mamlakatda xorijiy fuqarolarning o‘zbek tilini qay darajada bilishini baholashning shaffof mexanizmi yaratiladi.

Hujjatga ko‘ra, endilikda O‘zbekistonda doimiy yashash yoki ishlash istagida bo‘lgan, shuningdek, o‘z til ko‘nikmalarini rasman tasdiqlashni xohlovchi chet el fuqarolari maxsus imtihon topshirishlari mumkin bo‘ladi. Sinovlardan muvaffaqiyatli o‘tganlarga davlat namunasidagi...

So‘nggi kunlarda internet tarmoqlarida «qizil» toifadagi ekologik stikerga ega avtomobillarning shaharga kirishi cheklangani haqida turli xabarlar tarqaldi. Yo‘l harakati xavfsizligi xizmati (YHXX) ushbu mish-mishlarga oydinlik kiritib, ayni damda transport vositalari uchun bunday cheklovlar mavjud emasligini ma’lum qildi.

Vazirlar Mahkamasining 2025-yil 28-noyabrdagi 750-sonli qaroriga asosan, O‘zbekistonda «Ekologik transport» tizimi bosqichma-bosqich joriy etilmoqda. Unga ko‘ra, avtomobillar atmosferaga chiqarayotgan zararli moddalar miqdoriga qarab «yashil» (toza), «sariq» (o‘rta) va «qizil» (zararli) toifalarga ajratiladi.

Joriy yilning 1-yanvaridan boshlab Toshkent shahrida haydovchilarga ekologik stikerlarni bepul tarqatish ishlari boshlangan. Avtomobilning qaysi toifaga mansubligi «Avtomototransport hisobi» moduli orqali avtomatik tarzda aniqlanadi.

YHXX matbuot xizmatining ta’kidlashicha, «sariq» yoki...