Yangiliklar

Chevrolet’ning 1957-yilgi Chevrolet Cameo va 1987-yilgi C/K Silverado modellari AQShda o‘tkazilgan Mecum Auctions savdosida yuqori narxlarda sotildi. Bu haqda GM Authority xabar bermoqda.

Cameo ilk bor 1955-yilda namoyish etilgan bo‘lib, odatiy ishchi pikaplarga nisbatan qulaylik va tashqi ko‘rinishga alohida urg‘u berilgan model sifatida taqdim etilgan. U avtomat uzatmalar qutisi, gidravlik rul, yashirin zaxira g‘ildirak va to‘liq kolpaklar kabi o‘sha davr uchun noyob opsiyalar bilan ajralib turgan. 1957–1958-yillarda Cameo‘ga 283 kub dyuymli V8 dvigatel o‘rnatish imkoniyati paydo bo‘lgan. Model narxi oddiy Task Force pikaplariga qaraganda qariyb 30 foiz qimmatroq bo‘lgan va 1955–1958-yillar oralig‘ida atigi 10,2 ming dona ishlab chiqarilgan.

Florida...

Samsung kompaniyasining yangi flagmani Samsung Galaxy S26 Ultra avvalgi modelga nisbatan biroz qimmatroq bo‘lishi mumkin. NewDaily xabariga ko‘ra, narx oshishi sezilarli darajada bo‘lmaydi.

Ma’lumotlarga ko‘ra, xotira narxlarining oshishi sabab Samsung Janubiy Koreyada smartfon narxini 1,8 mln von ($1,2 ming) atrofida belgilashi mumkin. Bu Galaxy S25 Ultra’ning dastlabki narxidan taxminan 6 foizga yuqori.

Agar shu kabi o‘sish AQSh bozorida ham kuzatilsa, qurilmaning narxi $1,3 mingdan taxminan $1,4 minggacha ko‘tarilishi mumkin. Bu xotira narxlaridagi umumiy o‘sish fonida katta qimmatlashuv hisoblanmaydi. Baza versiya 12/256 GB xotira bilan taqdim etilishi kutilmoqda.

Eslatib o‘tamiz, Samsung NAND va DRAM xotiralarni o‘zi ishlab chiqaradi. Shunga qaramay...

Audi kompaniyasi avtomobillari dizaynida katta o‘zgarishlarni e’lon qildi. Bosh dizayner Massimo Fraskellaning ma’lum qilishicha, kelajakdagi barcha modellarda asosiy element sifatida tor vertikal radiator panjarasi ishlatiladi. Bu haqda Motor1 nashri xabar berdi.

Bu konsept birinchi marta futuristik Concept C prototipida namoyish qilingan. Fraskella so‘zlariga ko‘ra, yangi element har bir modelga moslashtiriladi: kichik A-segment avtomobillari, sport kupelar va katta SUV’lar turlicha dizaynga ega bo‘ladi, ammo barchasi vertikal dizayn umumiyligi bilan bog‘langan bo‘ladi. Brendning tanib olish darajasi shunchaki nusxa olish orqali emas, balki noyob nisbatlar, chiziqlar va optika shakli orqali oshiriladi.

Dizaynerlar jamoasi tor vertikal elementlarni «ajralib turish ustunligi» deb ataydi va...

Pensiya jamg‘armasi plastik kartada va naqd shaklda pensiya oluvchi fuqarolarga pullar qachon to‘lab berilishi haqida ma’lumot berdi.

Amaldagi tartibga ko‘ra, Pensiya jamg‘armasining tuman va shahar bo‘limlari har bir to‘lov oyining 2-kuniga qadar to‘lov hujjatlarini shakllantiradi. Ushbu hujjatlar oyining 4-kuniga qadar pensiyani yetkazib berishga mas’ul tashkilotlarga taqdim etiladi.

Prezident qaroriga asosan, pensiya to‘lovlari uchun zarur mablag‘lar har oyning 5-sanasigа qadar pensiya oluvchilarning shaxsiy hisobvaraqlariga, ya’ni plastik kartalariga o‘tkaziladi.

Naqd pul shaklida pensiya oluvchilarga esa Xalq banki tomonidan tasdiqlangan grafik asosida har oyning 4-sanasidan 27-sanasigacha mahalla fuqarolar yig‘inlariga chiqib to‘lab beriladi.

Shundan kelib chiqib, fevral oyi uchun plastik karta orqali pensiya...

Indoneziya xAI kompaniyasining Grok chat-botiga qo‘yilgan taqiqni bekor qildi. Bungacha Malayziya va Filippin ham ushbu cheklovni olib tashlagan edi. Bu haqda Tech Crunch nashri ma’lum qildi.

X platformasi orqali ruxsatsiz va jinsiy mazmundagi tasvirlarini yaratishda ishlatilgani sabab Janubi-sharqiy Osiyo mamlakatlari Grok’ni taqiqlagan edi. Tahlillariga ko‘ra, 2022-yil dekabr oxiridan 2023-yil yanvar oyigacha Grok kamida 1,8 mln jinsiy mazmundagi ayol tasvirlarini yaratgan.

Indoneziya Axborot va raqamli Ishlar vazirligi bayonotida X xizmatni yaxshilash va nojo‘ya ishlatilishini oldini olish bo‘yicha aniq choralar ko‘rsatilgan maktub yuborgani sabab taqiq olib tashlanganini ma’lum qildi. Vazirlik vakili taqiq «shartli ravishda» olib tashlanganini, yangi qonunbuzarliklar aniqlansa, qayta...

O‘zbekistonda yillar davomida eng ommabop va eng ko‘p ishlatilgan avtomobillardan biri bo‘lib kelgan Damas endi butunlay yangi bosqichga chiqmoqda. Avtoe’lon tomonidan tayyorlangan videoda yangilangan Damas modelining texnik xususiyatlari va imkoniyatlari o‘rganildi. «Kursiv» video asosida maqola tayyorladi.

Maqolada quyidagilar haqida so‘z boradi:

Ikki xil yo‘nalish: yo‘lovchi va yuk tashish

Yangilangan model O‘zbekistonda ikki asosiy turda taklif etiladi. Yo‘lovchi tashishga mo‘ljallangan Chevrolet Damas Move va yuk tashish uchun mo‘ljallangan Chevrolet Damas Van. Ushbu yondashuv avtomobilni faqat oilaviy emas, balki tijorat...

Samsung’ning joriy flagmani — Galaxy S25 Ultra smartfoni kamerasi imkoniyatlari sezilarli darajada kengaytiriladi. Ice Universe ma’lumotiga ko‘ra, One UI 8.5 yangilanishi bilan video suratga olish vaqtida maksimal zum darajasi hozirgi 20 karra ko‘rsatkichdan 25 karragacha oshiriladi.

Internetda kamera ilovasining yangilangan interfeysi aks etgan skrinshot ham paydo bo‘ldi. Unda tezkor zum almashtirgichlari — 0.5x, 1x, 2x, 3x, 5x va yangi maksimal 25x ko‘rsatkichi aks etgan. Bu foydalanuvchilarga uzoq masofadagi obyektlarni One UI 8.0 asosidagi amaldagi versiyaga nisbatan yanada yuqori aniqlikda videoga olish imkonini beradi.

Ta’kidlanishicha, One UI 8.5 yangilanishi nafaqat video zumni yaxshilaydi, balki Android 16 QPR2 asosida yaratilgan yangi...

Banklar 2-fevral kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.  

Yaponiyalik ixtirochi Syumpey Yamadzaki bir kishi tomonidan ro‘yxatdan o‘tkazilgan eng ko‘p patentlar bo‘yicha jahon rekordini o‘rnatdi. Bu haqda Naked Science xabar berdi.

Yamadzakining patentlari soni 20 mingdan ortiq. 2025-yilda uning yutug‘i Ginnesning rekordlar kitobi tomonidan e’tirof etildi. Yamadzakining tadqiqotlari asosan yarimo‘tkazgichlar texnologiyasi, displeylar va analog sun’iy intellektga qaratilgan. Uning patentlari Yaponiya, AQSh, Janubiy Koreya, Xitoy va Germaniya kabi turli mamlakatlarda ro‘yxatdan o‘tgan.

Kia Silverbruk mustaqil avstraliyalik ixtirochi. U INPADOC xalqaro patent ma’lumotlar bazasida 9800 dan ortiq patent va patent arizalariga ega. Uning ixtirolari, boshqa narsalar qatori, sanoat avtomatlashtirish, suyuq kristalli displeylar va genetik tahlilga tegishli.

Syaosya Chjan

Auto.ru saytida 1973-yilda ishlab chiqarilgan ZIL-117P hukumat limuzini sotuvga chiqarildi. Ma’lumotlarga ko‘ra, «P» indeksiga ega ZIL-117 faqat bitta nusxada ishlab chiqarilgan.

Avtomobilning yurilgan masofasi 69 ming kilometrni tashkil etadi. ZIL-117P klassik limuzin bo‘lib, old va orqa o‘rindiqlar orasida ichki to‘siq mavjud. Kapot ostida 7 litrli V8 karbyuratorli dvigatel joylashgan bo‘lib, u 300 ot kuchiga ega va uch pog‘onali avtomat uzatma bilan ishlaydi.

Limuzin konditsioner, elektr oynalar bilan jihozlangan. Sotuvga qo‘yilgan avtomobilga zavodda o‘rnatilgan maxsus signallar — sirena, miltillovchi chiroqlar va maxsus aloqa tizimi ham qo‘shib beriladi. Shuningdek, mashina SSSR davriga oid to‘liq hujjatlar bilan taqdim etilmoqda.

Ushbu yagona model...

Pokiston hududida joylashgan Balujiston viloyatida terrorchilar hujumi oqibatida 33 kishi halok bo‘ldi. Xavfsizlik kuchlari 92 nafar hujumchini yo‘q qilganini ma’lum qildi, deya yozmoqda CNN.

Hujumlar viloyat bo‘ylab bir vaqtda boshlangan. Quetta shahrida politsiya transport vositasiga granata tashlangan va ikki politsiya xodimi halok bo‘lgan. Mastung tumanidagi qamoqxona hujumida 30 dan ortiq mahbus ozod qilingan. Nushki tumanidagi yarim harbiy kuchlar shtabiga qilingan hujum rad etilgan.

Dalbandin tumanidagi hukumat idorasiga granata tashlangan, ammo xavfsizlik kuchlari ularni chekinishga majbur qilgan. Balincha, Tump va Kharan tumanlaridagi xavfsizlik postlariga hujumlar to‘xtatilgan, Pasni va Gwadar yo‘llarida esa yo‘lovchilarni o‘g‘irlashga urinishlar bo‘lgan.

Hujumlarni Baluj ozodlik...

Janubiy Koreyaning Hyundai Motor kompaniyasi Rossiyadagi sobiq zavodini qayta sotib olish huquqidan foydalanmadi. Bu haqda TASS ma’lum qildi. 2024-yilda aktiv sotilgan paytda belgilangan opsion muddati 31-yanvar kuni yakunlandi.

News1 agentligi manbalariga ko‘ra, Hyundai mahalliy tomon bilan muzokaralar olib borgan. Biroq yakunda kompaniya aktivlarni qaytarib olmaslik haqida qaror qabul qilgan.

Ayni paytda Sankt-Peterburgdagi sobiq Hyundai zavodi «AGR» kompaniyalar guruhi tasarrufida. Ushbu maydonda hozirda Solaris brendi ostida avtomobillar ishlab chiqarilmoqda. Gap sobiq Hyundai Creta, Hyundai Solaris, Kia Rio va Kia Rio X-Line modellari haqida bormoqda.

Bundan tashqari, o‘tgan yil dekabr oyida zavodda Xitoyning GAC brendiga mansub avtomobillarni sinov tariqasida yig‘ish yo‘lga...

Instagram foydalanuvchilarga o‘zlarini boshqa birovning «Close Friends» ro‘yxatidan olib tashlash imkonini beradigan yangi funksiyani ishlab chiqmoqda. Bu haqda Tech Crunch xabar berdi.

«Close Friends» funksiyasi foydalanuvchilar ichidan tanlangan shaxslar bilan shaxsiy hikoyalarni ulashish imkonini beradi. 2018-yilda ishga tushirilganidan beri foydalanuvchilar o‘zlarini boshqa birovning «Close Friends» ro‘yxatidan olib tashlay olmagan.

Ba’zi foydalanuvchilar o‘z «Close Friends» ro‘yxatidan boshqalar chiqsa ranjishi mumkin, ammo bu funksiya ma’lum kishilarning ro‘yxatida bo‘lishni istamaganlar uchun qulaylik yaratadi. Ta’kidlash joizki, Snapchat allaqachon foydalanuvchilarga o‘zlarini boshqa birovning shaxsiy hikoyasidan olib tashlash imkonini bergan.

Hozircha Instagram ushbu funksiyani ommaviy ravishda chiqarish sanasini e’lon qilmagan, biroq ichki prototip sinovlari...

2-fevral kuni O‘zbekiston hududlarida ob-havo o‘zgaruvchan bo‘lishi kutilmoqda. Bu haqda «O‘zgidromet» xabar berdi.

Kunduzi respublikaning ayrim hududlarida yomg‘ir yog‘adi, Farg‘ona vodiysi viloyatlarida esa yog‘ingarchilik prognoz qilinmayapti. Ba’zi joylarga tuman tushishi mumkin. Shamol tezligi 7–12 m/s bo‘lib, ayrim hududlarda 13–18 m/s gacha kuchayadi. Havo harorati 11–16 daraja iliq bo‘ladi.

Toshkent shahrida kun davomida vaqti-vaqti bilan yomg‘ir yog‘ishi kutilmoqda. Shamol 5–10 m/s tezlikda esadi, ba’zan 12–15 m/s gacha kuchayishi mumkin. Poytaxtda havo harorati 13–15 daraja iliq bo‘ladi.

Tog‘ oldi va tog‘li hududlarda esa vaqti-vaqti bilan yog‘ingarchilik — yomg‘ir va qor yog‘adi, ayrim joylarda yog‘ingarchilik kuchli bo‘lishi mumkin. Tuman tushishi ehtimoli mavjud...

AQShda Honda va Acura avtomobillari egalari 3,5 litrli V6 dvigatellardagi jiddiy nuqsonlar sabab kompaniyaga qarshi jamoaviy da’vo arizasi berdi. Bu haqda Carcoops ma’lum qildi.

Da’vogarlar ta’kidlashicha, ushbu dvigatel konstruktsion kamchiliklarga ega va belgilangan resursga yetmasdan ishdan chiqmoqda. Sud ishiga sabab bo‘lgan holatda, 2016-yilgi Honda Pilot egasi avtomobil 120 ming km yurganida dvigatel moyida metall qirindilarni aniqlagan. Bu ichki detallar, jumladan porshen, shatun shikastlanganini ko‘rsatgan.

Odatiy holatda ushbu V6 dvigatel kamida 300 ming km muammosiz xizmat qilishi kutiladi. Biroq diler dvigatelni almashtirish uchun qariyb $12 ming so‘ragan. Shundan so‘ng avtomobil egasi sudga murojaat qilgan.

Da’vo materiallarida Honda bu muammo haqida...

Xiaomi kompaniyasining ilk avtomobili — Xiaomi SU7 modeli ishlab chiqarishdan rasman olib tashlandi. Hozirda esa SU7’ning yangi avlodi uchun dastlabki buyurtmalar qabul qilinmoqda. Bu haqda ITHome nashri xabar berdi.

Pekin shahridan o‘tkazilgan jonli efirda Xiaomi asoschisi va bosh direktori Ley Tsyun 2026-yil yanvar oyida kompaniya avtomobillarini yetkazib berish hajmi kamaygani haqidagi xabarlarga izoh berdi. Uning ta’kidlashicha, bu baholar «subyektiv» bo‘lib, mavjud holat model qatorini rejalashtirilgan tarzda yangilash jarayoni bilan bog‘liq.

Kompaniya rahbariga ko‘ra, yetkazib berish hajmining kamayishi asosan SU7 modeliga taalluqli bo‘lib, bunga uning birinchi avlodi rasmiy ravishda ishlab chiqarishdan chiqarilgani sabab bo‘lgan. Ayni paytda omborlar va shourumlarda ushbu...

Niderlandiyaning Veyk-an-Zee shahrida shaxmat bo‘yicha 2026-yilgi nufuzli Tata Steel Chess turniri yakuniga yetdi. Umumiy sovrin jamg‘armasi $1,2 millionni tashkil etgan musobaqada o‘zbekistonlik grossmeyster Nodirbek Abdusattorov bosh sovrinni qo‘lga kiritdi.

Masters guruhi doirasidagi 13-tur bahsida Abdusattorov hindistonlik Arjun Erigaisini mag‘lub etdi. Ushbu g‘alabadan so‘ng u 9 ochko jamg‘arib, turnir jadvalida yakka peshqadam sifatida birinchi o‘rinni egalladi va chempionlikni rasmiylashtirdi.

Abdusattorov turnir davomida barqaror va ishonchli o‘yin namoyish etdi. Musobaqaning ilk turida u turkiyalik Yag‘iz Kaan Erdog‘mush bilan durang qayd etgan bo‘lsa, ikkinchi turda hindistonlik Rameshbabu Praggnanandhani mag‘lub etdi. Keyingi turlarda Aravindh Chitambaram va Hans Niemann bilan durang o‘ynadi, Chexiya vakili...

Ingliz tilini mukammal biladigan ayollar uchun Air Arabia aviakompaniyasida ishlash imkoniyati taqdim etilmoqda. Bu haqda Migratsiya agentligi xabar berdi.

Xorijda ish o‘rinlarini taklif qilayotgan «Turon World Cooperation XBA» MCHJ xususiy bandlik agentligi bort kuzatuvchisi lavozimi uchun nomzodlar qabulini boshladi.

Ma’lum qilinishicha, ish joyi Saudiya Arabistonining Dammam shahrida joylashgan. Mehnat shartnomasi dastlab 1 yilga tuziladi, keyinchalik KPI natijalariga qarab 10 yilgacha uzaytirilishi mumkin. Jami 100 ta bo‘sh ish o‘rni mavjud.

Nomzodlarga bepul yotoqxona va ovqat, aviachipta, ish joyigacha bepul transport, ish formasi hamda tibbiy sug‘urta taqdim etiladi.

Tanlovda faqat ayollar ishtirok etishi mumkin. Nomzodlar 20–29 yosh oralig‘ida bo‘lishi, tajribali...

AQSh prezidenti Donald Tramp Eron bilan yadroviy bitimga erishishga umid qilayotganini, aks holda, dunyo Eron oliy yetakchisi Oyatolluh Ali Xomenaiyning tahdidlari rostmi yoki yo‘qligini bilib olishini aytdi. Bu haqda CNN agentligi xabar berdi.

Tramp bu fikrni Eron yetakchisining AQSh hujumi mintaqaviy urushni chaqirishi mumkinligi haqidagi qattiq so‘zlariga munosabat sifatida bildirdi.

«U bunday deyishi mumkin, albatta, demasligi uchun hech qanday sabab ham yo‘q», — dedi Tramp jurnalistlarga. Shuningdek, u dunyodagi eng katta va qudratli kemalarning Eron yaqinida joylashganini, va ikki tomon o‘rtasida bitim tuzilishiga umid qilayotganini qo‘shimcha qildi. «Agar bitim tuzmasak, demak Xomenaiy haqiqatni aytgan...

Shveysariyada Alp tog‘laridagi Crans-Montana kurortida joylashgan «Le Constellation» barida yuz bergan yong‘in oqibatida halok bo‘lganlar soni 41 nafarga yetdi. Bu haqda Reuters agentligi ma’lum qildi.

1-fevral kuni rasmiylar jarohatlangan 18 yoshli yigitning vafot etganini tasdiqladi. U Syurix shahridagi shifoxonada davolanayotgan edi.

Hodisa oqibatida jarohat olgan 116 kishining ayrimlari hanuzgacha og‘ir kuyishlar bilan shifoxonada davolanmoqda. So‘nggi qurbon Lozanna shahrining g‘arbida yashagan yosh yigit bo‘lgan.

Mazkur hodisa Shveysariya va Italiya o‘rtasidagi munosabatlarga ham ta’sir ko‘rsatdi. Italiya fuqarolari ham yong‘inda halok bo‘lgan va Italiya tomoni bar egasining garov evaziga qo‘yib yuborilishiga norozilik bildirgan. Shveysariya rasmiylari Rim prokuraturasiga tergov davomida to‘plangan dalillardan...

Kia kompaniyasi o‘z tarixidagi ilk to‘liq elektr pikapni rasman bozorga chiqardi. Bu haqda Electrek nashri xabar berdi.

Gap ikki yil avval konsept sifatida namoyish etilgan transformatsiyalanuvchi PV5 modeli asosida yaratilgan PV5 Open Bed haqida bormoqda. Yangi modelning boshlang‘ich narxi $30 mingni tashkil etadi.

Kompaniya Janubiy Koreyada ushbu elektr pikap uchun buyurtmalarni qabul qilishni boshlab yubordi. Mahalliy subsidiyalar hisobiga avtomobil narxi $20,8 minggacha arzonlashishi ham mumkin.

PV5 — Kia’ning Platform Beyond Vehicle (PBV) deb nomlangan yangi bo‘linmasi doirasida yaratilgan ilk to‘liq elektr furgoni hisoblanadi. Hozirda uning bir nechta modifikatsiyalari ayrim bozorlarda allaqachon sotuvga chiqqan. Endilikda esa pikap versiyasi ham...

O‘zbekiston va jahonda ortda qolayotgan haftada bir qancha voqealar yuz berdi. Kursiv Uzbekistan ularni bir joyga jamladi.

Migratsiya agentligi 2025-yilda xorijda ishlagan fuqarolar foydasiga $1,9 mln undirdi

2025-yilda Migratsiya agentligi xorijda ishlagan O‘zbekiston fuqarolari foydasiga $1,9 mln undirilishini ta’minladi. Agentlik ma’lumotiga ko‘ra, yil davomida ish haqi bilan bog‘liq masalalar yuzasidan 3 ming nafar fuqaroning murojaati ko‘rib chiqilgan. Ushbu ishlar natijasida fuqarolarga tegishli mablag‘larning qaytarilishiga erishilgan.

O‘zbekistonga FIFA Jahon chempionati kubogi olib kelindi

27-yanvar kuni Titan Airways aviakompaniyasining maxsus charter reysi Toshkent xalqaro aeroportiga kelib qo‘ndi. Havo kemasida futbol bo‘yicha Jahon chempionatining asil oltindan yasalgan kubogi hamda italiyalik futbol...

AQSh federal hukumati qisman shatdaun holatiga tushdi. BBC nashriga ko‘ra, bunga sabab mablag‘ yetishmovchiligi bo‘lib, shatdaun shanba kuni tongdan boshlandi.

Senat aksariyat idoralarni sentabrgacha moliyalashtirishga rozi bo‘ldi, biroq Ichki xavfsizlik departamenti faqat ikki hafta uchun mablag‘ oldi.

Qonun loyihasi hozircha Vakillar palatasi tomonidan tasdiqlanmadi. Palata hozir tanaffusda. Kelishuv AQSh prezidenti Donald Tramp va demokratlar o‘rtasida imzolandi. Demokratlar immigratsiya nazoratiga qo‘shimcha mablag‘ ajratishga rozi bo‘lmadi. Bunga Minneapolisda ikki AQSh fuqarosining federal agentlar tomonidan otib o‘ldirilgani sabab bo‘ldi.

Bundan oldingi shatdaun 2025-yil oktabr – noyabr oylarida 43 kun davom etib, AQSh tarixidagi eng uzoq holat bo‘lgandi. O‘shanda aviatsiya va...

Yekaterinburg shahrida 1957-yilda ishlab chiqarilgan, avtomat uzatmalar qutisiga ega juda noyob GAZ-21 «Volga» sotuvga chiqarildi. Bu haqda Autoruonline xabar berdi.

Manbaga ko‘ra, bunday avtomobillar rasmiy ravishda seriyali hisoblangan bo‘lsa-da, amalda ularning soni juda kam bo‘lgan. Xususan, avtomat uzatmali «Volga»dan atigi 700 ga yaqin dona yig‘ilgan. Bugungi kunda bunday mashinalar, hatto, muzeylarda ham deyarli uchramaydi.

Mazkur avtomat uzatmalar qutisi Ford konstruksiyasi asosida SSSRda ishlab chiqilgan. Oddiy harakatda mashina ikkinchi uzatmadan yo‘lga chiqadi, birinchi uzatma esa majburiy ravishda yoqiladi va pasaytiruvchi uzatma vazifasini bajaradi. Uchinchi uzatma yuqori tezlikda harakatlanish uchun mo‘ljallangan.

Sotuvga qo‘yilgan «Volga» to‘liq restavratsiyadan o‘tkazilgan va sotuvchining aytishicha, undan...