Yangiliklar

Samsung kompaniyasi tomonidan taqdim etilgan A seriyaning eng so‘nggi modeli — Samsung Galaxy A56 imkoniyatlari va ishlash tezligi bilan ko‘pchilikni qiziqtirmoqda. «Kursiv» nashrining ushbu maqolasida modelda uchraydigan muammo va kamchiliklar haqida so‘z boradi.

Maqola mundarijasi

Ishlash tezligi va qizish

Galaxy A56 5G’ning asosiy kuch manbai — 4 nm texnologiya asosida yaratilgan Exynos 1580 chipidir. Qurilma turli bozorlarda RAM va ichki xotira variantlari bilan taqdim etiladi. Kundalik foydalanishda smartfon...

O‘zbekiston 2030-yilga qadar aviatsiya infratuzilmasini rivojlantirishga $3 – $3,5 mlrd investitsiya ajratishni rejalashtirmoqda. Bu haqda Transport vazirligi Havo transporti boshqarmasi boshlig’i Jamoliddin Nazarov MRO Central Asia Conference Uzbekistan 2026 konferensiyasida ma’lum qildi.

Asosiy investitsiya hajmi $2,5 – $2,6 mlrd yangi aviatsiya hubini Toshkentda qurishga yo‘naltiriladi. Loyiha doirasida yiliga 20 mln yo‘lovchini qabul qila oladigan zamonaviy aeroport qurilishi rejalashtirilgan bo‘lib, amalga oshirish muddati 2028 – 2032 yillarni o‘z ichiga oladi.

Shuningdek, Buxoro shahrida yangi aeroport qurilishi ham ko‘zda tutilgan bo‘lib, uning qiymati $226 mlnni tashkil etadi. Yangi aeroport 2027-yilda foydalanishga topshiriladi.

Infratuzilmani modernizatsiyalashga $223 mln, shuningdek, keyingi to‘rt yil ichida hududiy...

O‘zbekistonda Raqobatni rivojlantirish va iste’molchilar huquqlarini himoya qilish qo‘mitasi elektron tijorat bozoridagi ommaviy oferta shartnomalarida aniqlangan 45 ta kamchilikni qonun talablariga muvofiqlashtirdi. Bu haqda qo‘mitaning matbuot xizmati xabar bermoqda.

Tekshiruvlar davomida bir qator platformalar faoliyatida qonunbuzilishlar aniqlangan. Xususan, Uzum Tezkor ommaviy ofertasida 26 ta, BeeMarket shartnomasida esa 18 ta kamchilik qayd etilgan. Shuningdek, Orzon.uz va BROSTORE saytlarida ommaviy oferta shartnomalari umuman mavjud emasligi ma’lum bo‘lgan.

Bundan tashqari, Seide International kompaniyasining ommaviy ofertalari davlat tilida taqdim etilmagani aniqlangan. Umuman olganda, xaridorlarga nuqsonli tovarlarni almashtirib bermaslik yoki pulini qaytarmaslik, yetkazib berish muddatlarini buzish va to‘liq ma’lumot taqdim etmaslik kabi holatlar kuzatilgan...

Namangan viloyati Pop tumanida «Arashan Resort» majmuasi qurilishiga tamal toshi qo‘yildi. Bu haqda viloyat hokimligi matbuot xizmati xabar bermoqda.

«Aroshan ko‘llari» tizimi atrofida barpo etilayotgan mazkur majmua ana shunday istiqbolli loyihalardan biri hisoblanadi. Loyiha qiymati $150 mlnni tashkil etadi. U 600 gektar maydonda quriladi. Majmua ishga tushgach, kuniga 2,5 ming nafargacha sayyohni qabul qilish imkoniyati yaratiladi. Yiliga esa 912 ming nafargacha turistga xizmat ko‘rsatiladi. Shuningdek, 2 mingdan ortiq yangi ish o‘rni yaratiladi.

Loyiha doirasida ekologik, tog‘ va ekstremal turizm yo‘nalishlari rivojlantiriladi. Hududda dam olish maskanlari, gastronomik markazlar va sog‘lomlashtirish zonalari tashkil etiladi. Shuningdek, tematik parklar, tog‘-chang‘i komplekslari, zipline, restoran...

Honda va Sony kompaniyalari hamkorlikda ishlab chiqilayotgan Afeela elektromobillari loyihasini to‘xtatdi. Bu haqda Motor1 portali ma’lum qildi.

Ma’lum qilinishicha, qaror Honda’ning elektromobillar strategiyasini qayta ko‘rib chiqishi ortidan qabul qilingan. Kompaniya 12-mart kuni o‘z EV rejalarini yangilagan edi va bu o‘zgarishlar qo‘shma loyiha faoliyatiga ham ta’sir ko‘rsatgan.

Sony Honda Mobility qo‘shma korxonasi bayonotida aytilishicha, yangi strategiya tufayli texnologiyalar va resurslardan foydalanish rejasi tubdan o‘zgargan. Shu sabab Afeela 1 va ikkinchi modelni ishlab chiqish va sotuvga chiqarish to‘liq bekor qilingan.

Avvalroq Afeela 1 modeli 2026-yil oxirida sotuvga chiqishi rejalashtirilgan edi. Uning narxi $102,9 mingdan boshlanishi, arzonroq versiyasi esa 2027-yilda taqdim etilishi...

Istanbul Bosh prokuraturasi tomonidan taqiqlangan moddalarga qarshi o‘tkazilayotgan keng ko‘lamli operatsiya doirasida aktrisa Hande Erchel va boshqa taniqli shaxslarni hibsga olishga order berildi. Bu haqda Hurriyet nashri xabar bermoqda.

Ta’kidlanishicha, mazkur tergov harakatlari jamoat axloqi va oilaviy qadriyatlarni himoya qilish maqsadida boshlangan. Operatsiya davomida jami 16 nafar gumondorga nisbatan order chiqarilgan bo‘lib, ularning 14 nafari politsiya uchastkasiga olib kelingan.

Aktrisa Hande Erchel ayni paytda xorijda bo‘lgani sababli hozircha qo‘lga olinmagan. Sud organlari u bilan bog‘lanishning imkoni bo‘lmagan gumondorlar qatorida ekanini ma’lum qildi. U Turkiyaga qaytganidan so‘ng politsiya uchastkasiga chaqirilishi yoki bevosita aeroportning o‘zida so‘roq qilinishi kutilmoqda.

Hibsga olinishi kutilayotgan...

Neuralink kompaniyasi og‘ir nutq buzilishlariga ega bemorlar uchun gapirish imkoniyatini qaytaruvchi Voice texnologiyasini klinik sinovdan o‘tkazmoqda. Bu haqda Ilon Mask X’dagi sahifasida ma’lum qildi.

Unga ko‘ra, mazkur texnologiya miya buyruqlarini to‘g‘ridan to‘g‘ri sintezlangan nutqqa aylantirish imkonini beradi va bemorlarning nutqi mustaqilligini oshirishga xizmat qiladi.

Sinovlarda ishtirok etayotgan bemorlardan biri Kennet Shok «miya-kompyuter» interfeysidan foydalanadi. Jismonan gapira olmay qolgan Kennetning miyasi buyruqlarni shakllantirishni davom ettiradi va implant ularni real vaqt rejimida nutqqa aylantiradi. Voice texnologiyasi ilgari fikr kuchi bilan kursorni boshqarishga qaratilgan tadqiqotlarni davom ettiradi, lekin yangi tizim neyron signallarini fonemalar darajasigacha dekod qilib, to‘liq nutq hosil qiladi.

N...

26-mart uchun valyutalar kursi yangilandi. Unga ko‘ra, dollar 24,39 so‘mga pasayib, 12 171,61 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

16-mart kuni 20,76 so‘mga tushib, 12 081,63 so‘mni qayd etdi. 17-martdan 19-martga qadar o‘sish qayd etildi. Asosan, 17-mart kuni dollar 9,59 so‘mga oshib, 12 091,22 so‘mni, 18-martda 37,79 so‘mga oshib, 12 129,01 so‘mni va 19-martda 49,84 so‘mga oshib, 12 178,85 so‘mni tashkil etdi. 24-mart kuni 13,21 so‘mga oshib, 12 192,06 so‘mga, 26-mart kuni esa 3,94 so‘mga oshib, 12 196,00 so‘mga yetdi.

Markaziy bank ma’lumotlariga ko‘ra, yevro 23,41 so‘mga tushib, 14 711,85 so‘mni...

26 – 27-mart kunlari Tojikiston prezidenti Emomali Rahmon O‘zbekistonga davlat tashrifi bilan keladi. Bu haqda prezident matbuot xizmati ma’lum qildi.

Tashrif doirasida ikki mamlakat rahbarlari oliy darajadagi muzokaralar o‘tkazadi hamda O‘zbekiston va Tojikiston yetakchilari raisligida Oliy davlatlararo kengashning birinchi yig‘ilishi bo‘lib o‘tadi.

Kun tartibida siyosiy muloqotni mustahkamlash, savdo-iqtisodiy va hududlararo hamkorlikni kengaytirish, sanoat kooperatsiyasi va transport sohasida o‘zaro bog‘liqlikni rivojlantirish, suv va energetika xavfsizligini ta’minlash, madaniy va gumanitar almashinuvlarni davom ettirish masalalari muhim o‘rin tutadi.

Shuningdek, ikki tomonlama uchrashuvlar doirasida yangi qo‘shma loyihalarni ishga tushirish va ikki tomonlama hujjatlar paketini imzolash rejalashtirilgan bo‘lib, bu O‘zbekiston va...

2026-yil 1-mart holatiga mamlakatda sog‘liqni saqlash va ijtimoiy xizmat ko‘rsatish sohasida 140 ta xorijiy korxona faoliyat yuritmoqda. Bu haqda Milliy statistika qo‘mitasi ma’lum qildi.

O‘zbekistonda tibbiyot sohasida faoliyat yuritayotgan xorijiy korxonalar, asosan, Turkiya tomonidan tashkil etilgan bo‘lib, ularning soni 27 tani tashkil qiladi. Shuningdek, Xitoydan 21 ta, Rossiyadan 18 ta, Hindistondan esa 17 ta korxona faoliyat ko‘rsatmoqda. Bu davlatlar mamlakatdagi xorijiy sarmoyaning asosiy qismini tashkil etadi va tibbiyot sohasining rivojlanishiga sezilarli hissa qo‘shadi.

Bundan tashqari, Qozog‘istondan 11 ta, Ozarbayjon va Janubiy Koreyadan har biri 10 ta, Qirg‘izistondan 6 ta, BAA va Yaponiya har biri 4 tadan, boshqa davlatlardan...

Andijon viloyatida tadbirkorga tegishli 230,7 mln so‘mlik mulkni o‘zlashtirish holati fosh etildi. Bu haqda Bosh prokuratura huzuridagi Departament xabar berdi.

Ma’lum qilinishicha, Qo‘rg‘ontepa tumanida o‘tkazilgan tekshiruvda fuqaro A.N. «U.M.» MChJga qarashli savdo shoxobchasida moddiy javobgar shaxs bo‘lib ishlagani aniqlangan. U o‘ziga ishonib topshirilgan umumiy qiymati 230,7 mln so‘mlik mobil telefonlarni o‘zlashtirgan.

Holat bo‘yicha Jinoyat kodeksining 167-moddasi bilan jinoyat ishi qo‘zg‘atildi. Hozirda tergov harakatlari olib borilmoqda.

Eslatib o‘tamiz, Kursiv Uzbekistan nashri Toshkent va Parkentda sifati kafolatlanmagan dori vositalari savdosi fosh etilgani haqida yozgan edi.

O‘zbekistonlik teletomoshabinlar qalbidan chuqur joy olgan «Jumong» serialining namoyish etilganiga 18 yil bo‘ldi. Kursiv Uzbekistan serialdagi asosiy rollarni ijro etgan sevimli aktyorlarimizning o‘sha paytdagi holati va bugungi kundagi faoliyati haqida qiziqarli ma’lumotlarni to‘pladi.

1. Song Il-gook (Jumong)

Song Il-gook serialda asosiy qahramon, Goguryo davlati asoschisi shahzoda Jumong rolini ijro etgan. U ushbu rolni ijro etgan paytida 35 yoshda bo‘lgan. Bu rol unga butun dunyo bo‘ylab ulkan mashhurlik olib keldi va 2006-yilda «MBC Drama Awards» mukofotlash marosimida bosh mukofotni qo‘lga kiritdi.

«Jumong»dan tashqari u «Dengiz hukmdori» (2004) va «Shamol qirolligi» (2008) kabi mashhur loyihalarda ham bosh rollarda namoyon bo‘lgan. Bugungi...

Joriy yilning 26 va 28 – 30-mart kunlari kutilayotgan yomg‘irlar sababli respublikaning tog‘oldi va tog‘li hududlarida sel hamda suv toshqinlari xavfi e’lon qilindi. «O‘zgidromet» agentligi hududiy hokimliklar va favqulodda vaziyatlar xizmati fuqarolarni ehtiyotkorlik choralarini ko‘rishga chaqirdi.

Xususan, sel va suv toshqinlari xavfi quyidagi hududlarda kuchayishi mumkin:

Shuningdek, ayrim hududlarda yomg‘ir suvlari to‘planishi natijasida hududlarni suv bosish xavfi mavjudligidan ogohlantirilmoqda.

Fuqarolarga xavfsizlikni ta’minlash maqsadida yuqoridagi hududlarda harakatlanishda ehtiyotkorlik choralarini ko‘rish tavsiya etiladi. Hududiy hokimliklar va favqulodda xizmatlar zarur hollarda tezkor yordam ko‘rsatishga tayyor turadi.

Eslatib o‘tamiz, avvalroq O‘zbekistonda favqulodda holatlar haqida masjidlar orqali xabar berilishi haqida xabar...

Amerikaning John Deere kompaniyasi O‘zbekistonda qishloq xo‘jaligi texnikalarini ishlab chiqarishni rejalashtirmoqda. Bu haqda Investitsiyalar, sanoat va savdo vaziri Laziz Qudratov va kompaniya vitse-prezidenti Piter Saks uchrashuvida ma’lum qilingan.

Uchrashuvda milliy agrosanoat majmuasini modernizatsiya qilish hamda qishloq xo‘jaligiga innovatsion yechimlarni joriy etish istiqbollari atroflicha muhokama qilingan. Shuningdek, asosiy e‘tibor texnikalar yetkazib berish, servis infratuzilmasini rivojlantirish va ilg‘or raqamli texnologiyalarni integratsiya qilish masalalariga qaratilgan.

Ma’lumot uchun, John Deere (Deere & Company) 1837-yilda tashkil etilgan global korporatsiya bo‘lib, qishloq xo‘jaligi, qurilish va o‘rmon xo‘jaligi texnikalarini ishlab chiqarishda dunyodagi yetakchi kompaniyalardan biri hisoblanadi. U dunyoning 170 dan ortiq mamlakatlarida keng distribyutorlik tarmog‘i hamda o‘zining ilmiy-ishlab chiqarish...

Toshkent shahri va Nurafshon o‘rtasida 30 daqiqalik BRT (tezkor) avtobus yo‘lagi quriladi. Xalq deputatlari Toshkent viloyati Kengashining 24-martdagi qaroriga muvofiq, «Qo‘yliq» bozoridan Nurafshon shahri markazigacha 23 kilometrlik yangi yo‘l infratuzilmasi quriladi.

Yo‘lning 19,2 km qismi qayta quriladi. Yangi tizim ishga tushgach Toshkent va Nurafshon o‘rtasidagi qatnov vaqti ikki baravar qisqaradi. Yo‘l 30 daqiqada bosib o‘tiladi. Bu esa 150 mingdan ortiq aholining harakatini qulay va xavfsiz qiladi.

Loyiha doirasida mavjud yo‘l kengaytiriladi va zamonaviy magistral darajasiga olib chiqiladi. Poytaxt qismida yo‘l 12 – 16 tasma, shahar atrofida 8 tasma, Nurafshonda esa 10 tasma bo‘ladi. Markaziy qismda BRT uchun alohida ikki...

AQShning Nyu-Meksiko shtati hakamlar hay’ati Meta kompaniyasini o‘z platformalarida bolalar xavfsizligi bo‘yicha foydalanuvchilarni chalg‘itganlikda aybdor deb topdi. Buning natijasida kompaniya $375 mln miqdorida jarima to‘laydi.

Nyu-Meksiko bosh prokurori Raul Torres tomonidan qo‘zg‘atilgan ishda Meta Facebook, Instagram va WhatsApp platformalari xavfsizligi borasida jamoatchilikni aldagani aytilgan. Da’voga ko‘ra, platformalar bolalar jinsiy ekspluatatsiyasiga sharoit yaratgan va yosh foydalanuvchilarda qaramlikni keltirib chiqaruvchi funksiyalarga ega bo‘lgan.

Hakamlar hay’ati jami 75 mingta qonunbuzarlik holatini aniqlab, har bir qoidabuzarlik uchun $5 mingdan jarima belgiladi. Meta vakillari qarorga norozilik bildirib, apellyatsiya shikoyati kiritishlarini ma’lum qilishgan.

«Biz qarorga qo‘shilmaymiz va apellyatsiya beramiz», – dedi...

FIFA Jahon chempionati chiptalari narxi sabab Yevropaning Euroconsumers va Football Supporters Europe tashkilotlari Yevrokomissiyaga rasmiy shikoyat yubordi. Bu haqda Politico nashri ma’lum qildi.

Shikoyatga ko‘ra, FIFA Jahon chempionati chiptalari savdosida monopol mavqeyidan foydalanmoqda. Tashkilotlar narxlar sun’iy ravishda oshirilayotgani va muxlislar uchun noqulay shartlar qo‘yilayotganini ta’kidlamoqda.

Unda aytilishicha, chiptalar toifalari va joylashuvi haqida yetarli ma’lumot berilmaydi. Bundan tashqari, o‘zgaruvchan narx tizimi sabab chiptalar vaqt o‘tishi bilan yanada qimmatlashmoqda. Rasmiy ravishda $60 dan boshlanadigan chiptalar amalda juda cheklangan.

Ayrim o‘yinlar, jumladan, final bahslari uchun chiptalar narxi $4 mingdan oshib ketgani qayd etilgan. Qayta sotishda esa qo‘shimcha 15 foizgacha komissiya olinadi. Tashkilotlar...

O‘zbekistonda aholini favqulodda vaziyatlardan ogohlantirish maqsadida masjidlardagi tashqi ovoz kuchaytirgichlardan foydalaniladi. BMT Taraqqiyot dasturi va Favqulodda vaziyatlar vazirligi hamkorligida yettita viloyatdagi masjidlarga maxsus uskunalar o‘rnatildi.

Bugungi kunga qadar Jizzax, Qashqadaryo, Namangan, Samarqand, Sirdaryo, Toshkent va Farg‘ona viloyatlaridagi 272 ta masjid ushbu maxsus uskunalar bilan jihozlandi. Masjidlarning tanlanishiga ularning 500 metrdan 2 ming metrgacha eshitilish radiusiga ega ekanligi hamda mobil aloqa yoki elektr ta’minotida uzilishlar yuzaga kelganda ham tezkor xabarlarni uzata olishi sabab qilib ko‘rsatilgan.

Loyiha hisob-kitoblariga ko‘ra, mazkur ogohlantirish kanali orqali taxminan 6,5 mln nafar aholini, jumladan, aholining zaif qatlamlarini tezkor xabardor qilish imkoniyati yaratiladi. Shuningdek, Yashil iqlim jamg‘armasi...

Toshkent shahri va Parkent tumanida sifati kafolatlanmagan dori vositalari savdosi fosh etildi. Bu haqda DXX ma’lum qildi.

Toshkent viloyatining Parkent tumanida joylashgan erkin iqtisodiy zonadagi farmatsevtika korxonasida o‘tkazilgan tekshiruv natijasida omborxonada yaroqlilik muddati o‘tgan minglab dori vositalari aniqlangan. Ular orasida 55,8 ming dona «Menovazin», 25 ming dona «Vodorod peroksidi» va 50,8 ming dona «Etil spirti» borligi ma’lum bo‘ldi.

Shuningdek, 28 mln 270 ming donadan ortiq yorliq va etiketkalar saqlanayotgani aniqlangan. Dastlabki ma’lumotlarga ko‘ra, muddati o‘tgan dorilarni qayta qadoqlab, ularni 2025 – 2026-yillarda ishlab chiqarilgandek ko‘rsatib sotuvga chiqarish rejalashtirilgan.

Yana bir holat poytaxtda qayd etildi. Farg‘ona shahrida yashovchi fuqaro to‘xtatilib...

Prezident Donald Trampning Tehron bilan kelishuv ehtimoli haqidagi so‘zlariga qaramay AQSh Yaqin Sharqqa minglab qo‘shimcha askarlar yuborishi kutilmoqda. Bu haqda Reuters xabar bermoqda.

Pentagon Shimoliy Karolinadagi Fort Bragg bazasida joylashgan 82-havo-desant diviziyasidan 3-4 minggacha askarni Yaqin Sharqqa jo‘natishni rejalashtirmoqda. Qo‘shinlarning aniq qayerga va qachon yetib borishi hozircha noma’lum.

Bu harakat Eron hududida operatsiyalarni amalga oshirish variantlarini ham o‘z ichiga olishi mumkin, lekin hozircha Eron ichiga qo‘shin kiritish bo‘yicha aniq qaror qabul qilinmagan. Shunday bo‘lsa-da, bu mintaqadagi kelajakdagi potensial operatsiyalar uchun imkoniyatlarni kengaytiradi.

Oq uy matbuot kotibi o‘rinbosari Anna Kelli qo‘shinlarni joylashtirish bo‘yicha barcha e’lonlar Pentagondan chiqishini aytdi.

Surxondaryo viloyatida qo‘shmachilik faoliyati bilan shug‘ullangan ayol fosh etildi. Bu haqda «Milliy» telekanalining «Millar» ko‘rsatuvida ma’lum qilindi.

Sud ishi hujjatlarida qayd etilishicha, 1998-yil Sherobod tumanida tug‘ilgan ayol Termiz shahri Bog‘ishamol ko‘chasida joylashgan massajxonaga rahbarlik qilgan. U 2026-yil 13-fevral kuni tungi soat 01:00 atrofida mijozga jalb etilgan massajchi qiz bilan axloqsiz ishlarni qilishi uchun sharoit yaratib berishi evaziga 800 ming so‘m talab etgan. U o‘sha vaqtning o‘zida ashyoviy dalillar bilan qo‘lga olingan.

Termiz shahar Jinoyat ishlari bo‘yicha sudning chiqargan qaroriga ko‘ra, u Jinoyat kodeksining 131-moddasi 1-qismi, 131-moddasi 2-qismida nazarda tutgan jinoyatlarni qilganlikda aybdor deb topilgan.

Unga 1 yil muddatda axloq...

Huawei va GAC Group hamkorligida yaratilgan Aistaland brendi ilk modelini bozorga olib chiqadi. Bu haqda CarNewsChina nashri xabar bermoqda. Aistaland GT7 elektromobili Xitoyda 2026-yil iyun oyida sotuvga chiqishi kutilmoqda.

Yangi model dizayni bilan Porsche Panamera’ga o‘xshashligi bilan e’tibor tortmoqda. Old qismida o‘xshash faralar, yon tomonida yarim yashirin tutqichlar va yagona orqa chiroq bloki mavjud.

GT7 katta o‘lchamli avtomobil bo‘lib, uzunligi 5050 mmni tashkil etadi. G‘ildirak bazasi 3000 mm. Bu model Zeekr 001 bilan raqobatlashishi kutilmoqda. Texnologik jihatdan avtomobil 800V tizim, faol osma va Harmony OS asosidagi raqamli kokpit bilan jihozlanadi. Shuningdek, 896 liniyali LiDAR sensori o‘rnatilgan bo‘lib, u tungi...

Xitoyning Yueyan shahrida shashlik pishirishga ixtisoslashtirilgan ilk kollej ochildi. Bu haqda CNA nashri xabar berdi.

U yerda talabalar to‘g‘ri shashlik pishirish va boshqa ko‘mirda tayyorlanadigan taomlar bo‘yicha o‘qitiladi. Birinchi o‘quv yili uchun qabul allaqachon boshlangan.

Kollej shashlik sanoatini rivojlantirish, ziravorlar tayyorlash, go‘shtni qayta ishlash, sabzavotlarni tayyorlash, logistika hamda operatsion jarayonlarni o‘rganish bilan shug‘ullanadi. Shu orqali malakali mutaxassislar tayyorlanadi va talabalar uchun turli darajadagi o‘quv dasturlari taqdim etiladi.

Yueyan shahrida 2 mingdan ortiq shashlik restoranlari faoliyat yuritadi va sohada taxminan 50 ming kishi ishlaydi. Sanoatning yillik aylanmasi 2 milliard yuan ($280 million)dan oshadi. O‘qituvchilar sifatida universitet professorlari, shashlik bo‘yicha tajribali...

Muhammad Saloh 2025/26-yilgi mavsum oxirida «Liverpul» klubini tark etadi. Hujumchi va klub o‘rtasida «Enfild»dagi uzoq yillik hamkorlikni yakunlash bo‘yicha kelishuvga erishilgan.

Futbolchi 24-mart kuni Instagram sahifasida klubdan ketishini bildirib post joyladi. Saloh 2017-yilning yozida Italiyaning «Roma» klubidan transfer qilingan edi. 11-raqam egasi klub tarixidagi eng yaxshi o‘yinchilardan biriga aylandi.

Misrlik hujumchi jamoa bilan Chempionlar ligasi, ikki marta Premyer-liga, Klublar o‘rtasidagi jahon chempionati, UEFA Superkubogi, Angliya kubogi va 2 ta Liga kubogini yutishga muvaffaq bo‘lgan.

Hozirgi kunga qadar hujumchi 435 ta o‘yinda maydonga tushib, 255 ta gol urishga muvaffaq bo‘lgan. Bu ko‘rsatkich bilan u klub tarixidagi eng yaxshi to‘purarlar ro‘yxatida...