Yangiliklar

Porsche kompaniyasi o‘zining to‘liq elektr krossoveri — Macan GTS modelini taqdim etdi. Yangi avtomobil kuchli dvigatel, sportcha osma tizimi va jozibali dizayni bilan ajralib turadi.

Macan GTS 0 dan 100 km/soatgacha 3,8 soniyada tezlashadi va 571 ot kuchigacha quvvat ishlab chiqaradi. Uning maksimal tezligi 250 km/soat, yurish masofasi esa WLTP standarti bo‘yicha 586 km gacha. Tezkor zaryadlash funksiyasi yordamida batareyani 10 foizdan 80 foizgacha atigi 21 daqiqada quvvatlash mumkin.

Avtomobil yanada barqaror boshqaruv uchun sport pnevmatik osma tizimi, orqa differensialning elektron blokirovkasi va to‘liq uzatma tizimi bilan jihozlangan. Shuningdek, standart to‘plamda Sport Chrono paketi mavjud bo‘lib, undagi «Trek» rejimi faol...

O‘zbekistonda elektr energiyasi importi tizimida nosozlik yuz berdi. O‘zbekiston va Afg‘onistonni bog‘lovchi 220 kV kuchlanishli elektr uzatish liniyasi sim uzilishi oqibatida Amudaryo daryosiga qulab tushdi.

Natijada elektr energiyasi yetkazib berish hajmi ikki martadan ko‘proqqa kamaydi.

Afg‘onistonning Samangan, Bag‘lon, Parvon, Kapisa, Panjshir va Kobul viloyatlarida vaqtincha elektr ta’minoti o‘chirildi. Nangarhor, Laghman, Maydon-Vardak, G‘azni, Logar, Paktiya va Xost viloyatlarida esa elektr ta’minoti qisman saqlanib qolgan.

O‘zbekiston va Afg‘oniston energetika brigadalari elektr uzatish liniyasini tiklash ishlarini hamkorlikda olib bormoqda.

Eslatib o‘tamiz, avvalroq Tolibon Afg‘onistonda internetga taqiq qo‘yilishi bo‘yicha munosabat bildirgan edi.

Xitoyning yirik elektromobil ishlab chiqaruvchisi BYD o‘z tarixidagi eng katta qaytarib chaqirish jarayonini boshladi. Bu haqda Reuters agentligi ma’lum qildi.

Kompaniya 2015 – 2022-yillar oralig‘ida ishlab chiqarilgan 115 mingdan ortiq Tang va Yuan Pro modellari dizayn va batareyaga oid xavfsizlik nuqsonlari tufayli servis markazlariga qaytarilishini ma’lum qildi.

Xitoy Bozorni tartibga solish davlat boshqarmasi ma’lumotiga ko‘ra, 44 mingdan ortiq Tang seriyasidagi avtomobillarda ayrim qismlarning dizayni ularning to‘g‘ri ishlashiga ta’sir qilishi mumkin. Shuningdek, 71 mingdan ortiq Yuan Pro elektromobillarida batareya o‘rnatilishida ishlab chiqarish xatolari aniqlangan.

BYD bu chora orqali foydalanuvchi xavfsizligini ta’minlash, yong‘in xavfini kamaytirish va o‘z brendiga bo‘lgan ishonchni mustahkamlashni...

Meta kompaniyasi o‘smirlarning sun’iy intellekt bilan shaxsiy chatlarini o‘chirib qo‘yish imkonini beruvchi yangi funksiyani joriy etmoqda. Bu haqda Reuters agentligi ma’lum qildi.

Unga ko‘ra, qaror kompaniyaga o‘zining «flirtli» chatbotlari uchun bildirilgan tanqidlardan so‘ng qabul qilindi. Maqsad – ijtimoiy tarmoqlarni voyaga yetmagan foydalanuvchilar uchun yanada xavfsiz qilish.

Endilikda ota-onalar farzandlarining qaysi SI qahramonlari bilan muloqot qilayotganini kuzatish, istasa ularni bloklash hamda umumiy suhbat mavzularini ko‘rish imkoniyatiga ega bo‘ladi. Shu bilan birga, Meta’ning SI yordamchisi yoshga mos holatda faol bo‘lib qoladi, ammo o‘smirlarning shaxsiy suhbatlari cheklanadi.

Kompaniya ma’lum qilishicha, bu nazorat vositalari ilgari o‘smirlar akkauntlari uchun ishlab chiqilgan himoya tizimlariga asoslanadi...

Toshkentning Maxtumquli ko‘chasida noodatiy yo‘l-transport hodisasi sodir bo‘ldi. Chery 7 Tiggo Pro avtomobili qayrilib olish vaqtida nazoratni yo‘qotgan va beton to‘siqqa urilib qarama-qarshi yo‘lda turgan Malibuning ustiga chiqib qolgan.

Holat 17 oktabr kuni soat 15:20 larda Yashnobod tumanida sodir bo‘lgan. Bu haqda Toshkent yo‘l harakati xavfsizligi boshqarmasi xabar berdi. Chery rusumli transport vositasi Malibu-2 va 2 ta Cobalt ishtirokida to‘qnashuv yuz bergan. 

Hodisa oqibatida jarohati olganlar yo‘q.

Avvalroq Kursiv Uzbekistan Marg‘ilonda Nexia-1 haydovchisi uch nafar bolani urib yuborgani haqida xabar bergan edi.

Xitoyning Shanxay shahrida O‘zbekiston investitsiyalar va savdoni rivojlantirish markazi ochildi. Bu haqda «Dunyo» axborot agentligi xabar berdi.

Tadbirda Shanxay xalqaro savdo zonasi, Szyansu provinsiyasi Savdo-sanoat palatasi vakillari va 60 dan ortiq mahalliy kompaniya rahbarlari ishtirok etdi.

Markazning asosiy maqsadi – O‘zbekistonning iqtisodiy va investitsiyaviy salohiyatini tanitish, shuningdek, o‘zbek va xitoy ishbilarmonlari o‘rtasida bevosita hamkorlikni yo‘lga qo‘yishdan iborat.

Tadbir davomida O‘zbekistondagi qishloq xo‘jaligi, sanoat, «yashil» energetika, farmatsevtika va IT sohalaridagi imkoniyatlar, shuningdek, xorijiy investorlar uchun yaratilgan imtiyozlar haqida ma’lumot berildi.

Avvalroq Andijon shahrida jamoat transporti tizimini rivojlantirish maqsadida Xitoydan 60 ta yangi elektrobus sotib olingani haqida xabar qilingandi. Unga...

Osiyo futbol konfederatsiyasi (AFC) bir qator nominatsiyalar bo‘yicha g‘oliblarni e’lon qildi. Unga ko‘ra, «PSJ» hujumchisi Li Kang In yil futbolchisi deb topildi. Janubiy koreyalik futbolchi o‘tgan yili Parij klubi bilan Chempionlar ligasida g‘alaba qozongan. «Real Sosiyedad» yarim himoyachisi Takefusa Kubo (Yaponiya) va «Olimpiakos» hujumchisi Mahdiy Torimiy ham da’vogarlar orasida edi.

Osiyoda o‘ynayotgan futbolchilar orasida esa Saudiya Arabistoni terma jamoasi hujumchisi Salim Ad-Dosari tengsiz deb topildi. «Al-Hilol» yulduzi bu mukofotni ikki marta qo‘lga kiritgan birinchi saudiyalik futbolchiga aylandi.

Osiyoning eng yaxshi yosh futbolchisi sovrini Avstraliya «U-20» terma jamoasi a’zosi Aleks Bodolatoga nasib etdi. Bodolato 2025-yilda Xitoyda o‘tkazilgan «U-20» Osiyo chempionatida...

Dam olish kunlari bir qator tijorat banklari valyuta ayirboshlash va pul o‘tkazmalari shoxobchalarining faoliyatini yo‘lga qo‘ymoqda. Bu haqda Markaziy bank ma’lum qildi.

Quyidagi banklarning ayrim filiallari 18 – 19-oktabr kunlari aholiga xizmat ko‘rsatadi. Bank nomiga bosish orqali aniq manzilini ko‘rishingiz mumkin:

Mazkur...

Marg‘ilonda Nexia-1 haydovchisi maktab yonidagi tartibga solinmagan piyodalar o‘tish joyidan yo‘lni kesib o‘tayotgan uch nafar o‘quvchini urib yubordi. Bu haqda viloyat Yo‘l harakati xavfsizligi boshqarmasi xabar berdi.

Dastlabki ma’lumotlarga ko‘ra hodisa oqibatida bir nafar bola shifoxonaga yotqizilgan, ikki nafariga birinchi tibbiy yordam ko‘rsatilgan.

Mazkur holat yuzasidan tergovga qadar tekshiruv harakatlari olib borilmoqda.

Avvalroq Kursiv Uzbekistan Farg‘onada 500 million so‘mlik noqonuniy tamaki mahsulotlari yo‘q qilingani haqida xabar berilgan edi.

Avtomobil tanlashda xaridorlar uchun texnik ko‘rsatkichlar, dizayn va narx muhim bo‘lsa-da, haqiqiy bahoni vaqt o‘tib avtomobil egalari beradi. Yaqinda Consumer Reports tadqiqotiga asoslangan SlashGear nashri haydovchilar eng ko‘p mamnun bo‘lgan 5 avtomobil ro‘yxatini e’lon qildi.

Ford Bronco

Ford Bronco o‘zining ixcham, ammo kuchli konstruksiyasi bilan egalarining ishonchini qozongan. Model hatto og‘ir yo‘l sharoitlarida ham o‘zini ishonchli tutadi. Avtomobilning eng muhim jihatlaridan biri — olib tashlanadigan eshik va tom qismi. Bu esa unga sarguzasht avtomobili ruhini beradi. Shu bilan birga, Bronco kundalik foydalanish uchun ham qulay bo‘lib, interyeri amaliy va qulaylik darajasi yuqori. Egalarining fikricha, turli komplektatsiyalar tanlovi har...

Qoraqalpog‘iston Respublikasiga xos «Baliq qarma» milliy taomi geografik ko‘rsatkich sifatida davlat ro‘yxatidan o‘tkazildi. Bu haqda Adliya vazirligi xabar berdi.

Bu taom Orol dengizi va Amudaryo deltasi atrofidagi qadimiy ovqatlanish an’analari asosida shakllangan bo‘lib, baliqchilik bilan chambarchas bog‘liq.

«Baliq qarma» tarkibiga pishirilgan baliq, sho‘rva, mayda bo‘laklangan quritilgan xamir hamda sabzavotlar kiradi. Sho‘rvaning yuzasidan olingan yog‘ mayda to‘g‘ralgan piyoz ustiga quyilib, taomga o‘ziga xos ta’m beradi.

«Baliq qarma»ning geografik ko‘rsatkich sifatida ro‘yxatdan o‘tkazilishi uning nomi va tayyorlash usulini huquqiy jihatdan himoya qiladi, sifat standartlarini belgilaydi hamda Qoraqalpog‘istonning gastronomik brendini targ‘ib etish imkonini kengaytiradi.

Bundan avval «Samarqand mayizi» davlat ro‘yxatidan o‘tkazilgandi...

20-oktabr uchun valyuta kurslari e’lon qilindi. Shu kun uchun AQSh valyutasi 12 108,24 so‘m (-52,75 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 13-oktabr kuni dollar 12 140,91 so‘mga (+17,53 so‘m) tenglashdi. 14-oktabr uchun dollar 12 149,55 so‘m (+8,64 so‘m) etib belgilangan edi. 15-oktabr kuni dollar 35,56 so‘m oshib 12 185,11 so‘mga teng bo‘ldi. 16-oktabr uchun 12 233,67 so‘m (+48,56 so‘m) etib belgilandi. 17-oktabr kuni AQSh valyutasi 12 160,99 so‘mga (-72,68 so‘m) tenglashdi.

Markaziy bank ma’lumotlariga ko‘ra, yevro 9,44 so‘mga tushib, 14 169,06 so‘mni, rubl esa 4,82 so‘mga pasayib...

O‘zbekistonlik mutaxassis Kamila Mahmudova Avstriyaning Raiffeisen Bank International (RBI) bankida moliyaviy direktor (CFO) lavozimiga tayinlandi. U yangi vazifasini 2026-yil 1-yanvardan boshlab bajarishni boshlaydi.

Kamila Mahmudova 2007-yildan beri RBI tizimida ishlaydi. 2021-yil oxiridan buyon u Chexiyadagi Raiffeisenbank boshqaruvida moliyaviy direktor lavozimini egallab kelgan. Endi u RBI boshqaruvining to‘laqonli a’zosi sifatida direktorlar kengashida alohida moliyaviy bo‘linmani boshqaradi.

Tayinlov bankning nazorat organlari tomonidan tasdiqlanishi kutilmoqda.

Mahmudova 1997-yilda Jahon iqtisodiyoti va diplomatiya universitetini tamomlagan. Shuningdek, u AQSh va Avstriyadagi nufuzli o‘quv muassasalarda – Illinoys kolleji, Vena iqtisodiyot universiteti, Karlson menejment maktabi va Garvard biznes maktabida tahsil olgan.

U o‘z faoliyatini 1999-yilda Davlat mulki...

Shavkat Mirziyoyev 2025-yil 24-oktabr kuni Bryusselga rasmiy tashrif bilan boradi. Bu haqda Euronews xabar bermoqda.

Tashrif davomida O‘zbekiston va Yevropa Ittifoqi o‘rtasida Kengaytirilgan sheriklik va hamkorlik to‘g‘risidagi bitim (EPCA) imzolanishi kutilmoqda. Ushbu kelishuv siyosiy muloqot, savdo, xavfsizlik, ekologiya va barqaror rivojlanish sohalarida hamkorlikni yangi bosqichga olib chiqishi kutilmoqda.

EPCA bitimi O‘zbekiston va Yevropa Ittifoqi o‘rtasidagi aloqalarni zamonaviy va keng qamrovli huquqiy asosda mustahkamlashga qaratilgan. Bitim besh strategik yo‘nalishni o‘z ichiga oladi: siyosiy muloqot va islohotlar, tashqi siyosat va xavfsizlik, adliya va migratsiya, savdo hamda barqaror rivojlanish.

Kelishuv doirasida ikki tomon demokratiya, inson huquqlari, qonun ustuvorligi va iqtisodiy islohotlarni chuqurlashtirish...

Centrum Air aviakompaniyasi yangi muntazam yo‘nalish — Toshkent – Male (Maldiv orollari) reyslarini ochayotganini e’lon qildi.

Parvozlar 2025-yil 30-noyabrdan boshlab har yakshanba kuni amalga oshiriladi.

Chipta narxi 4 million so‘mdan boshlanadi va u yo‘lovchi bagajini ham o‘z ichiga oladi. Parvozlar Airbus A320 samolyotlarida amalga oshiriladi, ularning sig‘imi 185 yo‘lovchiga mo‘ljallangan.

Aviakompaniya matbuot xizmati ma’lumotiga ko‘ra, Maldiv orollari o‘zbekistonlik sayyohlar uchun eng mashhur yo‘nalishlardan biri bo‘lib, yangi to‘g‘ridan to‘g‘ri reys bu manzilni yanada qulay va arzon qiladi.

Avvalroq 2025-yil 26-oktabrdan boshlab Centrum Air aviakompaniyasi Toshkent va Rossiyaning Sankt-Peterburg shaharlari o‘rtasida to‘g‘ridan to‘g‘ri aviaqatnovlarni yo‘lga qo‘yishi xabar qilingandi. Aviakompaniya ma’lumotiga...

Harbiy to‘ntarishdan bir necha kun o‘tib, Madagaskar qurolli kuchlari polkovnigi Maykl Randrianirina mamlakatning yangi prezidenti sifatida qasamyod qildi. Bu haqda BBC xabar berdi.

U mamlakatdan qochib ketgan va keyinchalik impichmentga uchragan sobiq prezident Andri Raxuelinaning o‘rnini egalladi. Qasamyod marosimi poytaxt Antananarivuda joylashgan Konstitutsiyaviy sud binosida o‘tkazildi. Tadbirda namoyishlarni boshqargan yoshlar harakati vakillari ham ishtirok etdi.

Prezident Randrianirina nutq so‘zlab, yosh avlodga o‘zgarish talab qilgani uchun minnatdorlik bildirdi.

«Bugungi kun mamlakatimiz tarixidagi burilish nuqtasidir. Sizlarning o‘zgarish istagingiz bizga kuch bag‘ishlaydi», – dedi u.

Avvalroq Kursiv Uzbekistan Madagaskarda harbiylar hokimiyatni egallagani haqida xabar bergan edi.

Shavkat Mirziyoyev Kasaba uyushmalari vakillari bilan uchrashuvda «Kasaba uyushmalari bog‘lari»ni har bir hududda tashkil etish taklifini ilgari surdi.

Hokimlarga bu bog‘lar uchun joy ajratish, kasaba uyushmalari bilan hamkorlikda obodonlashtirish ishlarini yo‘lga qo‘yish topshirildi.

Shuningdek, kasaba uyushmalari korxona va mahallalarda daraxt ekish, yashil hududlarni kengaytirish hamda tozalik va obodonlikni ta’minlashda faol bo‘lishi zarurligi aytildi.

Uchrashuv yakunida davlat rahbari kasaba uyushmalarining 120 yillik yubileyi munosabati bilan barcha mehnatkashlarni samimiy tabriklab, ularga sihat-salomatlik va faoliyatida muvaffaqiyat tiladi.

Avvalroq O‘zbekiston Xalqaro mehnat tashkiloti bilan hamkorlikda «Munosib mehnat» dasturini tayyorlayotgani xabar qilingandi. Unga ko‘ra, dastur 2030-yilgacha mo‘ljallangan bo‘lib, uning asosiy maqsadi...

Mehnat jarayonidagi baxtsiz hodisalar va kasb kasalliklariga oid yagona tizim yaratiladi. Bu haqda davlat rahbari kasaba uyushmalari vakillari bilan uchrashuvda ma’lum qildi.

Uchrashuvda mehnat jarayonida sodir bo‘ladigan baxtsiz hodisalar va kasbga oid kasalliklar bo‘yicha yagona elektron tizim yo‘qligi qayd etildi. Shu sababli, mas’ul vazirliklarga kasaba uyushmalari bilan birgalikda ushbu hodisalar hisobini yuritish, sabablari va yechimlarini tahlil qilish tizimini ishlab chiqish hamda hukumatga taklif kiritish topshirildi.

Kasaba uyushmalari so‘nggi besh yil ichida korxonalarda 152 mingta qonunbuzarlik holatini aniqlagan. Shu bilan birga, uch yil davomida sudlarda 48 mingdan ortiq mehnat nizolari ko‘rib chiqilgan. Prezident bu borada kasaba uyushmalarining ish beruvchi va...

O‘zbekiston Xalqaro mehnat tashkiloti bilan hamkorlikda «Munosib mehnat» dasturini tayyorlamoqda. Bu haqda Shavkat Mirziyoyev Kasaba uyushmalari vakillari bilan uchrashuvda xabar berdi.

Ushbu dastur 2030-yilgacha mo‘ljallangan bo‘lib, uning asosiy maqsadi – fuqarolar uchun adolatli va xavfsiz mehnat sharoitlarini yaratishdan iborat.

Dasturda mehnat huquqlarini himoya qilish, ijtimoiy sug‘urta, gender tengligi, yoshlar va inklyuzivlik masalalariga alohida e’tibor qaratiladi. Shuningdek, raqamlashtirish, sun’iy intellekt va «yashil» iqtisodiyot sharoitida mehnat munosabatlarini zamon talablariga moslashtirish rejalashtirilgan.

Har bir hududda yangi sanatoriy va oromgohlar qurilishi bo‘yicha dastur ishlab chiqiladi

Prezident hokimlarni kasaba uyushmalari bilan hamkorlikda har yili o‘z hududida bittadan zamonaviy sanatoriy va oromgohlar qurish dasturini...

Raqobat qo‘mitasi va Markaziy bank «Reklama to‘g‘risida»gi Qonunning 43-moddasiga o‘zgartirish kiritishni taklif qilmoqda. Unga ko‘ra, kredit va mikroqarzlar reklamasining kamida 10 foizi moliyaviy xavflar haqida ogohlantirishga ajratiladi.

O‘zbekiston bozorida mikroqarz va iste’mol kreditlariga talab ortib bormoqda. Shu bilan birga, ayrim kredit tashkilotlarining agressiv reklamalari aholining tez va oson qarz olishga undashiga sabab bo‘lmoqda. Natijada fuqarolarning qarz yuki ham keskin oshmoqda.

Reklamalarda, asosan, kredit olish qulayligi ta’kidlanadi, ammo moliyaviy xavflar haqida yetarli ma’lumot berilmaydi. Bu esa aholining keyinchalik moliyaviy qiyinchiliklarga duch kelishiga sabab bo‘lmoqda.

Tashabbus aholining moliyaviy savodxonligini oshirish, ongli qarz olish madaniyatini shakllantirish va ortiqcha qarz yuki oldini olishga...

Almatida BYD Song Plus elektromobili uch yillik foydalanishdan so‘ng to‘liq texnik ko‘rikdan o‘tkazildi. Avtomobil 30 ming kilometr yo‘l bosgan va Cars Market kanali tomonidan sinalgan. Ular mashinaning umumiy texnik holatini, batareya quvvatini hamda haydash jarayonidagi energiya sarfini tahlil qildi. Ushbu tajriba elektromobilning haqiqiy ekspluatatsiya sharoitlaridagi ishonchliligini ko‘rsatib berdi.

Salon qulayligi va funksiyalar

Uch yil davomida foydalanilgan bo‘lishiga qaramay, BYD Song Plus saloni o‘z sifatini saqlab qolgan. O‘rindiqlarni isitish va ventilyatsiya tizimlari mukammal ishlamoqda, haydovchi issiqlik yoki sovuqlikni yoqqandan keyin bir daqiqa ichida sezadi. Rulni balandlik va masofa bo‘yicha sozlash tizimi turli bo‘yga ega haydovchilar uchun ham qulaylik yaratadi...

O‘zbekiston 2025-yilda Rossiyadan tabiiy gaz importini 2 milliard kub metrga oshiradi. Bu haqda Rossiya bosh vaziri o‘rinbosari Aleksandr Novak va O‘zbekiston energetika vaziri Jo‘rabek Mirzamahmudov o‘rtasida Rossiya energetika haftaligi doirasida o‘tkazilgan uchrashuvda ma’lum qilindi.

Hozirgi kunda «Gazprom» kompaniyasi yiliga 7,7 milliard kub metr gaz yetkazib berish shartnomasi asosida faoliyat yuritmoqda.

O‘tgan yilda O‘zbekiston Rossiyadan 233,5 ming tonna neft import qilgan. Ikkala davlatning neft-gaz kompaniyalari respublika hududidagi qazib olish qiyin bo‘lgan konlarni birgalikda o‘zlashtirish bo‘yicha hamkorlik istiqbollarini o‘rganmoqda.

Shuningdek, O‘zbekistonda atom elektr stansiyasi qurilishi ikki mamlakat o‘rtasidagi muhim hamkorlik yo‘nalishi sifatida alohida qayd etildi. Loyihaga ko‘ra, har biri...

Samsung Galaxy A36 smartfoni o‘rta sinfdagi eng muvozanatli smartfonlaridan biri bo‘lib, kundalik foydalanish va o‘rtacha darajadagi o‘yinlar uchun ideal tanlov sanaladi. Model o‘z segmentida barqaror ishlash, sifatli ekran va kuchli kameralar bilan ajralib turadi.

Smartfon 6,7 dyuymli Super AMOLED ekranga ega bo‘lib, u Full HD+ formatida tasvir beradi va 120 Hz yangilanish tezligi bilan ishlaydi. Ekranning 1900 nit yorqinligi tufayli, u quyoshli kunda ham yaxshi ko‘rinadi.

Ishlash tezligini Snapdragon 6 Gen 3 protsessori ta’minlaydi. Bu chip tizimning barqaror ishlashini kafolatlaydi va o‘rta darajadagi o‘yinlar uchun ham yetarli quvvat beradi.

Uning kamera va batareya imkoniyatlari

...

2025-yil 16-oktabr kuni Istanbulning Bakirko’y tumanida joylashgan og‘ir jinoyatlar bo‘yicha 17-sudda asli Samarqand viloyatidan bo‘lgan 22 yoshli O‘zbekiston fuqarosining ishi yuzasidan uchinchi sud majlisi bo‘lib o‘tdi.

Jarayonda O‘zbekistonning Istanbuldagi Bosh konsulxonasi diplomatlari ham ishtirok etdi.

Ish narkotik moddalarni noqonuniy olib kirish va ularning aylanmasi bilan bog‘liq ayblovlar bo‘yicha ko‘rib chiqildi. Tergov ma’lumotlariga ko‘ra, jami olti kishi va qidiruvda bo‘lgan bir necha shaxs Yevropa davlatlaridan Turkiyaga 30 kg kokain va 800 kg psixotrop modda olib kirishda ayblangan.

Fuqaro 2023 – 2024-yillarda ushbu yuk mashinasi turgan joy yaqinidagi yog‘och quti ishlab chiqaruvchi ustaxonada ishlagan. Huquq-tartibot idoralari operatsiya o‘tkazgan paytda u shu...