Yangiliklar

Futzal bo‘yicha Osiyo kubogi – 2026 musobaqasi uchun qur’a tashlash marosimi o‘tkazildi. Natijada O‘zbekiston terma jamoasi «C» guruhida Yaponiya, Tojikiston va Avstraliya bilan birga joy oldi.

Musobaqa 2026-yil 27-yanvardan 7-fevralgacha Indoneziyada bo‘lib o‘tadi. Bu guruh nisbatan kuchli deb baholanmoqda Yaponiya Osiyoning eng tajribali jamoalaridan biri, Avstraliya esa so‘nggi yillarda futzalga katta e’tibor qaratmoqda. Tojikiston Markaziy Osiyo mintaqasidagi asosiy raqiblarimizdan biri.

O‘zbekiston futzal terma jamoasi so‘nggi yillarda Osiyo miqyosida barqaror o‘yin namoyish etib kelmoqda. 2024-yilgi Osiyo kubogida jamoamiz bronza medalini qo‘lga kiritgan edi. Bungacha 2001-yilda finalgacha yetib borgan O‘zbekiston chempionlikni qo‘ldan chiqargan.

Jamoa 17 marotaba Osiyo chempionatida ishtirok etgan bo‘lib...

6-noyabr uchun valyuta kurslari e’lon qilindi. Shu kun uchun AQSh valyutasi 11 970,67 so‘m (+20.04 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

So‘nggi besh kun ichida dollar kursida pasayish ustun bo‘ldi. 30-oktabr kuni 11 990,53 so‘m (-13,94 so‘m)ga tenglashdi. 31-oktabr kuni AQSh valyutasi 12 025,22 so‘m (+34,69 so‘m) bo‘ldi. 3-noyabr kuni dollar 12 005,09 so‘mga (-20,13 so‘m) tenglashdi. 4-noyabr kuni dollar 11 972,34 so‘m (-32, 75 so‘m), 5-noyabr kuni esa 11 950,63 so‘m (-21,71 so‘m) etib belgilangan edi.

Markaziy bank ma’lumotlariga ko‘ra, yevro 3,89 so‘mga oshib, 13 748,31 so‘mni, rubl esa 0,11 so‘mga tushib, 147,59 so‘mni tashkil qildi.

Eslatib...

«Yangi Andijon – Xonobod» yo‘nalishida pullik yo‘l quriladi. Bu haqda Andijon viloyati hokimi Shuhrat Abdurahmonov ma’lum qildi.

Unga ko‘ra, viloyat hokimi xitoylik investorlar bilan loyiha bo‘yicha uchrashuv o‘tkazdi.

«Viloyat rahbarining Xitoyda investorlar bilan uchrashuvidagi kelishuvlarga asosan, «Yangi Andijon — Xonobod» yo‘nalishida pullik yo‘l qurish loyihasi amalga oshirilishi kutilmoqda. Kuni kecha Andijonda investorlar bilan loyihani amalga oshirish bo‘yicha navbatdagi uchrashuv bo‘lib o‘tdi», – deyiladi xabarda.

Avvalroq O‘zbekistonda quriladigan pullik yo‘llar uchun qonun loyihasi ishlab chiqilgandi. Mazkur qonun loyihasida pullik avtomobil yo‘llarini qurishga faqat muqobil bepul yo‘l mavjud bo‘lganda ruxsat berilishi qayd etildi. Pulli yo‘llardan...

Vivo kompaniyasining Vivo X300 Ultra haqida yangi tafsilotlar oshkor qilindi. Ma’lumotlarga ko‘ra, bu model sanoatda ikki dona 200 megapikselli kamera sensori o‘rnatilgan birinchi smartfon bo‘ladi.

Asosiy kamera moduli 35 millimetrli fokus masofasiga ega linza bilan ta’minlanadi. Bu juda noodatiy yechim – aksariyat flagmanlarda asosiy kamera 23-24 mm fokusli keng burchakli linzadan foydalanadi. Bunday yechim ilgari faqat Nubia Z80 Ultra modelida qo‘llangan edi.

Asosiy texnik ma’lumotlar:

BYD kompaniyasi tomonidan yangi BYD M9 MPV avtomobili taqdim etildi. Bu haqda CarNewsChina xabar bermoqda.

Narxlar 206 800 yuandan (taxminan $28,9 ming) boshlanadi, lekin vaqtinchalik chegirmalar bilan boshlang‘ich narx 196 800 yuan ($27,5 ming) etib belgilangan. Model to‘liq qayta ishlangan gibrid tizim, kattaroq batareya va yangilangan haydovchiga yordam tizimlari bilan jihozlangan.

Yangi M9 avvalgidek yetti o‘rindiqli bo‘lib, BYD’ning beshinchi avlod DM plug-in gibrid tizimi asosida ishlaydi. Endi to‘rtta komplektatsiya taklif qilinadi: ikkitasida 100 km elektr masofa, ikkitasi esa 218 km masofa mavjud. Gibrid rejimdagi yonilg‘i sarfi 4,9-5,0 L/100 km gacha kamaygan. Umumiy masofa – 1 163 km.

Tashqi...

3-noyabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 32,7 foizni tashkil qilmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 23,2 foizni, yuridik shaxslar ulushi esa 23,4 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

O‘zbekiston yaylovlarni tiklash va chorvachilikni rivojlantirish maqsadida Osiyo taraqqiyot banki (OTB)dan $63 million miqdorida mablag‘ jalb qiladi.

Loyihaning asosiy maqsadi yangi quduqlar qazish, o‘simlik qoplamini boyitish va dronlar yordamida ekin maydonlarini yangilashdir. O‘zbekiston chorvachilik sohasini qo‘llab-quvvatlash va aholining oziq-ovqat xavfsizligini ta’minlash maqsadida yangi tashabbusni boshlamoqda.

Hujjatga ko‘ra, mamlakat uch yil ichida qoramol sonini 445 ming boshga, qo‘y va echkilarni 1,7 million boshga, parranda sonini esa 10,3 millionga yetkazishni rejalashtirmoqda. Baliqchilik hajmi ham 54 ming tonnagacha oshiriladi.

Import qilinadigan naslli qo‘y, echki va qoramollar uchun subsidiya muddati 2030-yilgacha uzaytirildi. Shu bilan birga, naslli jo‘jalar uchun subsidiyalar faqat mahalliy ishlab chiqaruvchilardan...

Prezident qaroriga ko‘ra, Qoraqalpog‘istonning Qo‘ng‘irot tumanidagi Borsakelmas tuz koni hududida Kungrad salt free zone sanoat zonasi tashkil etiladi. Bu haqda Adliya vazirligi xabar berdi.

Unga muvofiq, 2025 – 2026-yillarda 50 gektar yer maydonida investitsiya loyihalari amalga oshiriladi, keyinchalik zona hududi 200 gektargacha kengaytiriladi. 2026-yilda kamida $50 million, 2026 – 2030-yillarda esa jami $200 million miqdoridagi investitsiyalar jalb qilinishi rejalashtirilgan.

Bundan tashqari, sanoat zonasida loyihalarni boshlagan tadbirkorlarga besh yil muddatga «Nukus» erkin iqtisodiy zona ishtirokchisi maqomi beriladi.

Avvalroq Qoraqalpog‘istonda $2 milliard qiymatidagi 27 ta loyiha amalga oshirilishi xabar qilingandi. Bu orqali salkam 10 ming kishi ish topadi. Shuningdek, so‘nggi...

2022-yilda Krishtianu Ronaldu britaniyalik jurnalist Pirs Morgan bilan intervyusi orqali katta shov-shuvga sabab bo‘lgan edi. O‘shanda portugaliyalik yulduz «Manchester Yunayted»ni keskin tanqid qilgan va oradan ko‘p o‘tmay jamoani tark etgan edi.

Oradan uch yil o‘tib, Ronaldu yana Pirs Morgan bilan suhbatlashdi. 4-noyabr kuni jurnalist intervyuning birinchi qismini e’lon qildi va bu suhbat ham avvalgisidek munozaralarga sabab bo‘lmoqda.

Ronaldu suhbat davomida «Arsenal»ni chempionlikka da’vogar sifatida ko‘rsatdi. Uning so‘zlariga ko‘ra, «Manchester Yunayted» juda ko‘p ochko yo‘qotmoqda va klubga tizim yetishmayapti.

«Arsenal» chempion bo‘lishi mumkin, lekin «Manchester» emas. Bu klub hali ham yuragimda. Men uni yaxshi ko‘raman...

Audi kompaniyasi 2026-yilgi yangilangan model qatorini rasman namoyish etdi. Taqdimotda A3, Q7 va Q8 modellarining yangi versiyalari e’lon qilindi.

Asosiy yangiliklar orasida to‘liq g‘ildirakdan tortuvchi A3 TFSI quattro, Q7 S line seriyasining kengaytirilishi hamda yangi RS Q8 modellarining taqdimoti bor.

Audi A3 quattro

Kompakt Audi A3 endilikda 2,0 litrli turbo dvigatel bilan jihozlanadi. U 201 ot kuchi va 320 N·m momentga ega. Quattro tizimi bilan jihozlangan yangi A3 hatchbek va sedan 0 dan 100 km/soatgacha atigi 6,3 soniyada tezlanadi – bu bazaviy versiyadan deyarli ikki baravar tez. Model dinamiklik va tejamkorlik o‘rtasidagi mukammal muvozanat sifatida taqdim etilmoqda.

Toshkent shahrida O‘zbekiston va Xitoy hamkorligida yangi ta’lim va innovatsion loyihalar yo‘lga qo‘yildi. Bu haqda Oliy ta’lim, fan va innovatsiyalar vazirligi ma’lum qildi.

O‘zbekiston – Xitoy Ikkinchi Ta’lim forumi doirasida Toshkent transport texnikumida «Xitoy – O‘zbekiston telekommunikatsiyalar sanoati ustaxonasi», Shayxontohur politexnikumida esa «Xitoy – O‘zbekiston yangi energiya vositalari ustaxonasi» ochildi.

Mazkur ustaxonalar telekommunikatsiyalar, yashil energiya texnologiyalari, elektrotexnika va energiya tejovchi mexanizmlar yo‘nalishida o‘rta bo‘g‘in mutaxassislarini tayyorlashga xizmat qiladi.

Shuningdek, forumda o‘qituvchi va talaba almashinuvi, qo‘shma o‘quv loyihalari hamda startap tashabbuslarini qo‘llab-quvvatlash bo‘yicha memorandumlar imzolandi.

Eslatib o‘tamiz, avvalroq O‘zbekiston xitoyliklarga vizasiz kirish muddatini 30 kungacha uzaytirgani haqida yozgan...

2025-yil 1-oktabr holatiga ko‘ra, «Kreditga taqiq» xizmatiga jami 149,5 ming nafar jismoniy shaxs ulangan. Kredit-axborot tahlil markazi (KATM) kredit byurosiga ko‘ra, ulardan 101,5 ming nafari erkaklar, 48 mingga yaqini ayollar.

Yosh toifasi bo‘yicha eng ko‘p 26 – 35 yoshdagi 50,2 ming kishi, keyingi o‘rinlarda 36 – 45 yoshdagi 38,5 ming, 26 yoshgacha 28,7 ming, 46 – 55 yoshdagi 18,8 ming va 56 yoshdan yuqori 13,5 ming fuqaro kreditga taqiq qo‘ygan.

Mazkur xizmat fuqarolarning o‘z ma’lumotlaridan noqonuniy foydalanib kredit rasmiylashtirib qo‘yish holatlaridan himoyalanish imkonini beradi. Xizmatni onlayn yoki oflayn tarzda mustaqil yoqish hamda o‘chirib qo‘yish mumkin. Xizmatdan foydalanish bepul hisoblanadi.

Vladimir Putin O‘zbekiston Badiiy akademiyasi a’zosi, taniqli san’atshunos Elmira Ahmedovani Pushkin medali bilan mukofotladi. Bu haqda TASS agentligi xabar berdi.

Mukofot topshirish marosimi 4-noyabr kuni Kreml saroyida bo‘lib o‘tdi. Elmira Ahmedova Rossiya va O‘zbekiston o‘rtasidagi madaniy aloqalarni mustahkamlashga qo‘shgan hissasi uchun taqdirlandi.

Tantanali marosimda Italiya, Vyetnam, Germaniya, Yaponiya, BAA hamda MDH davlatlaridan bir qator madaniyat va san’at arboblari ham Pushkin medali bilan mukofotlandi.

Ma’lumot uchun, Pushkin medali Rossiyada 1999-yil 9-mayda ta’sis etilgan. U madaniyat, san’at va ta’lim sohalarida yuksak natijalar uchun beriladi. Shuningdek, xorijiy fuqarolarga ham rus madaniyatini rivojlantirish va xalqlararo madaniy aloqalarni mustahkamlashdagi hissasi uchun topshiriladi.

Eslatib o‘tamiz...

Britaniyalik sobiq futbol yulduzi Devid Bekxem Qirol Charlz III tomonidan ritsar unvoni bilan taqdirlandi. Bu haqda CNN agentligi ma’lum qildi.

U bu unvonni sport va xayriya sohasidagi xizmatlari uchun Vindzor qal’asida o‘tkazilgan marosimda qabul qildi. Bekxem bu voqeani «hayotimdagi eng faxrli lahza» deb atadi. Marosimda rafiqasi Viktoriya ham ishtirok etdi.

Bekxem ilgari ham qirolicha Yelizaveta II tomonidan Britaniya Imperiyasi ordeni ofitseri unvoni bilan taqdirlangan edi. Nafaqadagi futbolchi hozirda YUNISEFning ezgu niyatlar elchisi bo‘lib, «7» jamg‘armasi orqali bolalarni qo‘llab-quvvatlash faoliyatini davom ettirmoqda.

Eslatib o‘tamiz, avvalroq Ramzon Qodirovga «Checheniston Qahramoni» unvoni berilgani haqida yozgan edik.

4-noyabr kuni nufuzli QS Quacquarelli Symonds agentligi tomonidan e’lon qilingan QS Asia University Rankings 2026 ro‘yxatidan O‘zbekistonning 22 ta oliy ta’lim tashkiloti o‘rin oldi. Bu haqda Oliy ta’lim, fan va innovatsiyalar vazirligi xabar bermoqda. Ulardan 8 tasi o‘tgan yilga nisbatan o‘z pozitsiyasini yaxshilagan.

Ma’lumotlarga ko‘ra, joriy reytingda Osiyoning 25 mamlakati va hududidan 1500 dan ortiq universitetlar baholangan. Ulardan 557 tasi ilk bor ro‘yxatga kiritilgan. Baholash mezonlari orasida ilmiy salohiyat, xalqaro nufuz, bitiruvchilarning bandlik darajasi, o‘quv jarayonining sifati va xalqaro hamkorlik faoliyati kabi ko‘rsatkichlar mavjud.

Ro‘yxat:

Eslatib o‘tamiz, Kursiv Uzbekistan nashri Toshkentda Germaniya tibbiyot akademiyasi ochilishi haqida yozgan...

2025 – 2026-yilgi mavsumda O‘zbekiston tarixida ilk bor Ochiq Respublika xokkey chempionati o‘tkaziladi. Bu haqda Xokkey federatsiyasi Kursiv uzbekistan’ga ma’lum qildi.

Musobaqada besh jamoa ishtirok etadi. Ularning uchtasi O‘zbekistondan bo‘lsa, ikkitasi Qirg‘izistondan.

O‘zbekiston sharafini «Humo» (Toshkent), «Sherdor» (Samarqand) va «Binokor» (Toshkent) klublari himoya qiladi. Qirg‘iziston esa Bishkek shahridan «Alga» hamda «Uchur» jamoalari bilan qatnashadi.

Chempionatning dastlabki o‘yinlari 6 – 10-noyabr kunlari «Bishkek» Arenada bo‘lib o‘tadi. O‘zbekiston chempionati ilk bor ochiq maqomga ega bo‘lib, xorijiy jamoalarga ham ishtirok etish imkonini beradi.

Federatsiya vakillarining ta’kidlashicha, xorijiy klublarning ishtiroki mahalliy xokkeychilarning mahoratini oshiradi va mintaqada sportning yanada rivojlanishiga turtki beradi.

Mahalliy jamoa o‘yinchilari...

Kecha, 4-noyabr kuni UEFA Chempionlar ligasining 4-tur bahslari bo‘lib o‘tdi. «Real Madrid» «Enfild»da «Liverpul» mehmoni bo‘ldi, «PSJ» esa uyda «Bavariya»ni qabul qildi.

«PSJ» – «Bavariya» 1:2

Myunxenning «Bavariya» klubi safarda «PSJ»ni 2:1 hisobida mag‘lub etdi. Ikkinchi bo‘limni o‘n kishi bilan o‘tkazgan «Bavariya» Luis Diasning ikki goli evaziga uch ochkoni qo‘lga kiritdi. «PSJ» ilk bor sentabrdan buyon yutqazdi. Dembele va Hakimi maydonni jarohat bilan tark etdi. Kompani shogirdlari esa barcha musobaqalarda 16 o‘yindan beri mag‘lub bo‘lmayapti.

«Liverpul» — «Real Madrid» 1:0

«Enfild»da «Liverpul» 1:0 hisobida «Real»dan ustun keldi. Arne Slot jamoasi nihoyat o‘z o‘yinini topayotgandek. Aleksis Makallisterning yagona...

Hududlarda ayrim shaxslar «pensiya miqdorini oshirib beramiz» degan yolg‘on va’dalar bilan fuqarolarning shaxsiy ma’lumotlarini qo‘lga kiritishga va ulardan pul talab qilishga urinish holatlari kuzatilmoqda. Bu haqda Budjetdan tashqari pensiya jamg‘armasi ma’lum qildi.

Pensiya miqdorini oshirish faqat Pensiya jamg‘armasining tuman va shahar bo‘limlari tomonidan amalga oshiriladi. Fuqarolarda pensiyani qayta hisoblash uchun asoslar mavjud bo‘lganda, ular faqat rasmiy bo‘limlarga murojaat qilishlari lozim.

«Pensiya jamg‘armasining hech bir xodimi fuqarolarga ko‘chada pensiya miqdorini oshirib berishni taklif qilmaydi. Begona shaxslarga pasport, plastik karta yoki JShShIR raqami kabi shaxsiy ma’lumotlaringizni hech qachon taqdim qilmang», – deyiladi jamg‘arma xabarida.

Shuningdek...

Keyingi yil boshida Samsung kompaniyasi tomonidan Samsung Galaxy S26 seriyasi taqdim etiladi. Taqdimot yaqinlashgani sari qurilma atrofidagi mish-mishlar, texnik tafsilotlar va dizayn haqidagi ma’lumotlar tobora ko‘paymoqda.

Chiqarilish sanasi

Samsung an’anaga ko‘ra Galaxy S flagmanlarini yanvar–fevral oylarida taqdim etadi. Shunga ko‘ra, Galaxy S26 modeli 2026-yil yanvarida taqdim etilishi, savdolar esa fevral yoki mart oylarida boshlanishi kutilmoqda. Eslatib o‘tamiz, Galaxy S25 2025-yil 22-yanvarda, S25 Edge esa 2025-yil may oyida taqdim etilgan edi.

Protsessor va unumdorlik

Yangi Galaxy S26 flagmani Snapdragon 8 Elite Gen 5 chipi bilan jihozlanadi. Bu 3 nanometrli texnologiyada ishlab chiqilgan zamonaviy protsessor bo‘lib, CPU va GPU...

5-noyabr kuni soat 10:58 da Tojikiston hududida zilzila sodir bo‘ldi. Respublika Seysmoprognostik monitoring markazi ma’lumotiga ko‘ra, zilzila magnitudasi 4,3, chuqurligi esa 12 km.ni tashkil etgan.

Zilzilaning episentri Sug‘d viloyatida, Toshkent shahridan 133 km janubi-g‘arbda joylashgan. Koordinatalar: 40,07° shimoliy kenglik, 69,08° sharqiy uzunlik.

Episentrda yer silkinishi 5 ballgacha sezilgan. O‘zbekiston hududida esa Sirdaryo viloyatida 2-3 ball atrofida tebranish kuzatilgan. Mazkur hudud zilzila markazidan 54 km uzoqlikda joylashgan.

Hozircha zilzila oqibatida zarar yoki jabrlanganlar haqida ma’lumot berilmagan. Mutaxassislar holatni monitoring qilishni davom ettirmoqda.

Eslatib o‘tamiz, Kursiv Uzbekistan nashri Afg‘oniston shimolidagi zilzila oqibatida o‘nlab kishilar halok bo‘lgani aytilgani haqida yozgan edi.

Mobiuz’ni sotib olish uchun final bosqichida 10 ta kompaniya raqobatlashadi. Bu haqda Davlat aktivlarini boshqarish agentligi xabar berdi.

«Universal Mobile Systems» MChJ (Mobiuz)ustav kapitalidagi 100 foiz davlat ulushini sotish bo‘yicha xalqaro savdo jarayoni davom etmoqda. Jarayonni shaffof va samarali amalga oshirish uchun Rothschild & Co, KPMG va Deloitte kabi xalqaro kompaniyalar jalb qilingan.

Dastlabki bosqichda turli mintaqalardan 15 ta kompaniya qiziqish bildirgandi. Keyinchalik yana bir xorijiy kompaniya ham ariza topshirib, umumiy son 16 taga yetgan. Ularning barchasi NBO bosqichiga o‘tkazildi. Mazkur bosqichda ularga maxfiylik bitimlari asosida Jamiyat bo‘yicha ma’lumotlar taqdim etildi.

Agentlikka ko‘ra, 15-oktabrgacha 10 ta talabgor o‘zining majburiy...

Apple kompaniyasi 2026-yilning birinchi choragida yangi MacBook modelini taqdim etishga tayyorgarlik ko‘rmoqda. Bu haqda WCCF Tech xabar bermoqda.

Model hozircha J700 nomi bilan ishlab chiqilmoqda va MacBook Air seriyasidan ham arzon bo‘lishi kutilmoqda.

Yangi MacBook’ning narxi $600 – 700 atrofida bo‘lishi mumkin. Chunki hozirgi MacBook Air bazaviy versiyasi $1000 turadi. Qurilma allaqachon ishlab chiqarishning dastlabki bosqichiga kirgan, ammo aniq taqdimot sanasi hali e’lon qilinmagan.

Model A18 Pro mobil protsessori bilan jihozlanadi. U M1 chipidan kuchliroq, biroq M4 darajasiga yetmaydi. Asosiy texnik xususiyatlarga 13,6 dyuymli ekran, USB-C 3.2 Gen2 portlari (Thunderbolt qo‘llanmaydi), alyuminiy korpus, 12 GB tezkor xotira va...

2025-yilning yanvar – sentabr oylarida O‘zbekistonga 29 ta davlatdan umumiy qiymati $807,3 million bo‘lgan 56,3 ming dona yengil avtomobil (elektromobillar ham qo‘shilgan) import qilindi.

Milliy statistika qo‘mitasiga ko‘ra, bu ko‘rsatkich o‘tgan yilning shu davriga nisbatan deyarli ikki ming donaga ko‘p. Ushbu davrda eng ko‘p yengil avtomobil yetkazib bergan davlatlar orasida Xitoy (52 ming) birinchi o‘rinda turadi. Shuningdek, Koreya Respublikasi (2,5 ming), AQSh (511 dona), Yaponiya (296), Germaniya (265), Gonkong (249), Rossiya (171) va Hindiston (168) ham asosiy yetkazib beruvchilar qatoridan joy oldi.

Bundan tashqari, BAA va Avstriya kabi boshqa davlatlardan ham avtomobil importi amalga oshirildi, ammo ular 100 donaga...

Samarqandda bo‘lib o‘tgan YUNESKO Bosh konferensiyasining 43-sessiyasida Butunjahon turkiy tillar kunini e’lon qilish tashabbusi ma‘qullandi. Bu haqda «Dunyo» AA ma’lum qildi.

Tashabbus O‘zbekiston, Turkiya, Ozarbayjon, Qozog‘iston va Qirg‘iziston tomonidan ilgari surilgan va 26 ta YUNESKO a’zo davlatlari tomonidan qo‘llab-quvvatlangan.

Butunjahon turkiy tillar kunini nishonlash sanasi 15-dekabr deb belgilandi. Aynan shu kuni 1893-yilda, daniyalik olim Vilgelm Tomsen Orxon yozuvlari alifbosini o‘qiganini e’lon qilgan.

Tashabbus turkiy tillar va madaniyatlarning saqlanishini ta‘minlash, mintaqaviy va global hamkorlikni rivojlantirish, shuningdek, turkiy xalqlarning og‘zaki an’analari va o‘zini ifoda etish shakllarini rivojlantirishga yordam beradi. YUNESKOning bu sohalardagi ustuvorliklarini amalga oshirishda katta ahamiyat kasb etadi.

Butunjahon turkiy...