Yangiliklar

23-dekabr sanasi fan-texnika, tibbiyot va adabiyot olamida muhim voqealar bilan tarixda qolgan. Bugun dunyo yuzini ko‘rgan buyuk kashfiyotlardan tortib, o‘zbek adabiyoti namoyandasining tavalludigacha. Kursiv Uzbekistan kunning eng muhim voqealarini taqdim etadi.

1790-yili Fransiyada misrologiya fanining asoschisi Jan-Fransua Shampolyon dunyoga keldi. U qadimgi Misr yozuvlarini o‘qish usulini ishlab chiqqan va mashhur Rozetta toshidagi yozuvlarni shifrlagan olim sifatida tanilgan. Shampolyonning izlanishlari tufayli insoniyat qadimgi Misr sivilizatsiyasi sirlaridan voqif bo‘lgan va bu tarix fanida yangi davrni boshlab bergan.

1900-yili kanadalik ixtirochi Rejinald Fessenden dunyoda birinchi marta ovozli radio signalini uzatishga muvaffaq bo‘ldi. Ungacha radio orqali, asosan, Morze alifbosi signallari uzatilar edi...

23-dekabr kuni kechasi va ertalab ayrim joylarda qor yog‘ishi mumkin. Yo‘llarda yaxmalak kuzatiladi, tog‘li hududlarda esa qor ko‘chishi xavfi bor. Harorat: kechasi -8…-0°, kunduzi -3…+12° atrofida bo‘ladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

AQShda Tramp ma’muriyati noqonuniy migrantlarga o‘z ixtiyori bilan deportatsiya qilinish evaziga beriladigan stipendiyani uch baravar oshirib, $3 ming etib belgiladi. Bu haqda Reuters agentligi ma’lum qildi.

Unga ko‘ra, ushbu yordam AQShda noqonuniy yashayotgan va yil oxirigacha mamlakatni tark etishga rozi bo‘lgan shaxslarga beriladi va uyga parvoz xarajatlarini ham o‘z ichiga oladi.

Ichki xavfsizlik vazirligi (DHS) kotibi Kristi Noemning bayonot qilishicha, migrantlar bu imkoniyatdan foydalanishlari lozim, aks holda ular topib hibsga olinadi va AQShga qayta kirish imkoniyati berilmaydi. Ma’muriyat mart oyida CBP Home ilovasini ishga tushirgan bo‘lib, bu ilova orqali migrantlar o‘zini deportatsiya qilish jarayonini oson amalga oshirishi mumkin.

Xitoyning Leapmotor kompaniyasi Yevropa bozoridagi ishtirokini kengaytirishni rejalashtirib, Brussels Motor Show 2026 ko‘rgazmasida bir yo‘la uchta muhim yangilikni taqdim etishini e’lon qildi. Bu haqda Speedme.ru nashri ma’lum qildi.

Gap elektr krossover B03X, xetchbek B05 hamda B10 Hybrid EV modeli haqida bormoqda.

Ko‘rgazmada Leapmotor’ning B03X modeli Yevropa uchun ilk bor namoyish etiladi. Ushbu avtomobil B-segmentga mansub to‘liq elektr krossover bo‘lib, yangi global platforma asosida yaratilgan. Dastlabki ma’lumotlarga ko‘ra, avtomobilning uzunligi 4,2 metrga yaqin, eni 1,8 metr, balandligi esa taxminan 1,6 metrni tashkil etadi. G‘ildirak bazasi 2,6 metrdan oshishi kutilmoqda, bu esa ixcham o‘lchamlarga qaramay, salonning keng bo‘lishini ta’minlaydi.

Leapmotor B03X...

Chevrolet Tahoe 2025-yilning eng yaxshi yo‘ltanlamas modeli bo‘ldi, Toshkentda firibgar advokatga nisbatan jinoiy ish qo‘zg‘atildi — 22-dekabrning muhim hodisalari Kursiv Uzbekistan Uzbekistan dayjestida.

Toshkentda firibgar advokatga nisbatan jinoiy ish qo‘zg‘atildi

Toshkent shahrida faoliyat yurituvchi advokatlar hay’atining ilgari sudlangan advokati firibgarlik yo‘li bilan $2 mingni olayotgan vaqtida ashyoviy dalillar bilan ushlangan. Bu haqda DXX matbuot xizmati ma’lum qildi.

Aniqlanishicha, advokat Shayxontohur tumani IIO FMB TB ish yurituvidagi Jinoyat kodeksining 168-moddasi bilan qo‘zg‘atilgan jinoiy ish bo‘yicha dastlabki tergov jarayonida gumonlanuvchiga nisbatan «qamoq» ehtiyot chorasi qo‘llanmaslik masalasini mansabdor tanishlari orqali hal etib berishni va’da qilgan.

Chevrolet Tahoe 2025-yilning eng yaxshi...

O‘zbekistonda elektr energiyasi iste’moli uchun soatbay tariflar ishlab chiqilmoqda. Bu haqda 11-dekabr kuni Oliy Majlis Qonunchilik palatasida so‘zlagan energetika vaziri Jo‘rabek Mirzamahmudov ma’lum qildi.

Vazirning ta’kidlashicha, yangi tizim orqali elektr energiyasi narxlari nafaqat mavsumlarga, balki kun davomida iste’mol vaqtiga qarab ham tabaqalashtiriladi. Xususan, eng yuqori yuklama kuzatiladigan soatlarda tariflar oshiriladi, kam iste’mol bo‘ladigan paytlarda esa elektr energiyasi arzonroq bo‘ladi. Masalan, elektromobillarni kechasi yoki kunduzgi sokin vaqtlarda zaryadlash arzonroq, tig‘iz davrlarda esa qimmatroq bo‘ladi.

Masala muhokamasi chog‘ida O‘zLiDeP fraksiyasi vakili Saydullo Azimov aholi energiya tariflaridan norozi ekanini bildirib, ularni mavsumga qarab o‘zgartirishni taklif qildi. Uning fikricha, yoz oylarida tariflarni oshirish...

Huawei kompaniyasi arzon narxlardagi yangi MatePad 11.5 planshetini namoyish etdi. Qurilma narxi modifikatsiyasiga qarab $250 dan $390 gacha bo‘ladi.

MatePad 11.5 plansheti 11,5 dyuymli IPS ekran bilan jihozlangan bo‘lib, 2456×1600 piksel o‘lcham va 120 Hz yangilanish tezligini qo‘llab-quvvatlaydi. Shu bilan birga, Soft Light Edition nomli versiyada qo‘shimcha aks sado qarshi qoplama va maxsus yoritish tizimi mavjud.

Qurilma Kirin T82/T82B protsessori asosida ishlaydi va faol sovitish tizimi bilan ta’minlangan. Planshetda 8 yoki 12 GB RAM va 128 yoki 256 GB ichki xotira mavjud.

Shuningdek, unda 13 MP asosiy kamera, 10 100 mAh batareya 40 vatt quvvat bilan ishlaydi. Planshetning...

23-dekabr kuni soat 10:00 dan 16:00 ga qadar O‘zbekiston bo‘yicha barcha metan «zapravkalar» odatdagi rejimda faoliyat yuritadi. Bu haqda Energetika vazirligi ma’lum qildi.

Unga ko‘ra, Farg‘ona vodiysi hududlarida metan zapravkalarning ish vaqti gaz bosimi holatidan kelib chiqib, mahalliy hokimliklar bilan kelishilgan holda belgilanadi. Bu gaz bosimi pasaygan paytlarda tabiiy gaz resurslarini birinchi navbatda aholiga, jamoat transportiga hamda ijtimoiy ahamiyatga ega obyektlarga uzluksiz yetkazib berishni ta’minlash zarurati bilan izohlanadi.

Bundan tashqari, vazirlik ta’kidlashicha, jamoat transportining barqaror ishlashi, aholi ehtiyojlari va ijtimoiy soha obyektlari ustuvor yo‘nalish hisoblanadi. Shu sababli gaz ta’minotidagi umumiy holat, bosim darajasi va iste’mol hajmiga qarab metan zapravkalar...

Kambodja va Tailand mudofaa idoralari vakillari 24-dekabr kuni sulh masalasini muhokama qilish uchun uchrashadi. Bu haqda Tailand Tashqi ishlar vaziri Sihasak Phuangketkeo ma’lumotiga tayanib, Reuters xabar berdi.

Uchrashuv o‘tkazish qarori 22-dekabr kuni Kuala-Lumpurda kechgan Janubi-Sharqiy Osiyo davlatlari Tashqi ishlar vazirlari yig‘ilishida qabul qilingan.

Sihasakning so‘zlariga ko‘ra, AQSh va Xitoy muzokaralar o‘tkazish qarorida ishtirok etmagan. Tailand va Kambodja o‘zaro kelishuv orqali kelishmovchiliklarni hal etishga qaror qilgan.

Dekabr boshida Bangkok va Pnompen o‘rtasidagi chegara mojarosi kuchaygan edi. Ikki hafta davomidagi to‘qnashuvlarda taxminan 80 kishi halok bo‘lgan, 500 ming kishi o‘z uyini tark etishga majbur bo‘lgan.

Reuters xabariga ko‘ra...

Yaponiya dunyodagi eng yirik yadro elektr stansiyasini qayta ishga tushirishga kirishdi. Bu haqda Reuters agentligi ma’lum qildi.

Niigata prefekturasida o‘tkazilgan mintaqaviy ovoz berish natijasiga ko‘ra, Kashiwazaki-Kariwa stansiyasining faoliyatini boshlashga ruxsat berildi. Bu stansiya 2011-yildagi zilzila va sunami natijasida yuz bergan Fukushima halokati ortidan yopilgan edi.

Kashiwazaki-Kariwa stansiyasi Tokiodan 220 km shimoli-g‘arbda joylashgan bo‘lib, avval halokatga uchragan Fukushima zavodini boshqaruvchi Tokyo Electric Power Co (TEPCO) tomonidan qayta ishga tushiriladi. TEPCO birinchi reaktorni 20-yanvarda ishga tushirishni rejalashtirmoqda. Stansiyaning umumiy quvvati 8,2 GW bo‘lib, bu bir necha million uylarni elektr bilan ta’minlashga yetadi. Birinchi qayta ishga tushiriladigan reaktor 1,36 GW quvvatga...

Shavkat Mirziyoyev 22-dekabr kuni Sankt-Peterburg shahrida MDH davlatlari rahbarlarining norasmiy uchrashuvida ishtirok etdi. Bu haqda davlat rahbari matbuot xizmati ma’lum qildi.

«Ermitaj» davlat muzeyida boʻlib oʻtgan tadbirda Rossiya Federatsiyasi prezidenti Vladimir Putin, Belarus Respublikasi prezidenti Aleksandr Lukashenko, Qozogʻiston Respublikasi prezidenti Qasim-Jomart Toqayev, Qirgʻiz Respublikasi prezidenti Sadir Japarov, Tojikiston Respublikasi prezidenti Emomali Rahmon, Turkmaniston prezidenti Serdar Berdimuhamedov hamda Armaniston bosh vaziri Nikol Pashinyan qatnashdi.

Uchrashuvda joriy yilda amalga oshirilgan birgalikdagi ishlar yakunlari sarhisob qilinib, kelgusi yil uchun ustuvor vazifalar belgilandi. Shuningdek, mintaqaviy va xalqaro ahamiyatga ega dolzarb masalalar yuzasidan fikr almashildi.

Davlat rahbarlari oʻzaro tovar ayirboshlashni oshirish uchun qulay...

A-373 «Toshkent – Ohangaron – Angren – Qo‘qon – Shahrixon – Andijon» avtomobil yo‘lida yuk avtotransport vositalari harakati qayta tiklandi. Bu haqda «Qamchiqavtoyo‘l» IYFK ma’lum qildi.

Ma’lum qilinishicha, mazkur avtomobil yo‘lining 180-kilometrida joylashgan transport vositalarining vazn parametrlarini nazorat qilish punkti 2025-yil 19-dekabrdan boshlab ta’mirlash ishlari sababli vaqtincha faoliyatini to‘xtatgan edi. Shu munosabat bilan 174-kilometrda joylashgan «Sherobod» YPX maskanidagi ko‘chma tarozidan vaqtincha foydalanib kelinayotgani haqida axborot berilgan.

Ayni paytda A-373 avtomobil yo‘lining «Vodiy – Toshkent» yo‘nalishida yuk avtotransport vositalari harakati to‘liq qayta tiklandi.

Eslatib o‘tamiz, avvalroq Qamchiq dovonida kanatdan yiqilgan qiz haqida xabar bergan edik.

O‘zbekistonda 2025-yilning noyabr oyida sotilgan mashinalar soni o‘tgan yilning noyabr oyiga qaraganda 6 foizga ko‘proqni tashkil qildi. Bu haqda Iqtisodiy tadqiqotlar va islohotlar markazi Kursiv Uzbekistan’ga ma’lum qildi.

Unga ko‘ra, noyabr oyida avtotransport vositalarining barcha toifalari bo‘yicha jami savdolar hajmi 101,1 ming donani tashkil etdi. Bu ko‘rsatkich o‘tgan yilning shu davriga nisbatan 6 foizga yuqori. Hududlar kesimida barcha yengil avtomobillar savdosi o‘sish sur’ati bo‘yicha Toshkent shahri (33,7%) va Qoraqalpog‘iston Respublikasi (8%) yetakchilik qildi.

Birlamchi avtomobil bozoridagi vaziyat

Birlamchi bozorda yengil avtomobillar savdosi yillik hisobda 15 foizga oshdi, bu o‘tgan yilning noyabr oyiga nisbatan taxminan 4,4 ming donaga ko‘pdir. Mahalliy...

Qozog‘istonning Temir shahar hokimi Erkin Dalmagambetov o‘z joniga qasd qildi. Bu ma’lumotni Aqto‘be viloyati politsiya boshqarmasi ham tasdiqladi.

«O‘z joniga qasd qilish holati bo‘yicha sudgacha bo‘lgan tergov harakatlari olib borilmoqda. Hodisa holatlari o‘rganilmoqda», – deyiladi bayonotda.

Amaldorning jasadi 20-dekabr kuni kechqurun soat 21:00 da o‘zining uyidan topilgan. Hozirda keng qamrovli tergov olib borilmoqda.

Tergov manfaatlarini ko‘zlab, boshqa ma’lumotlar oshkor qilinmayapti. Qozog‘iston Jinoyat-protsessual kodeksining 201-moddasiga muvofiq, boshqa hech qanday ma’lumot e’lon qilinishi mumkin emas.

Olti bolaning otasi bo‘lgan Erkin Dalmagambetov 46 yoshda edi. U 2024-yil 3-iyundan beri Temir shahri hokimi lavozimida ishlab kelgan.

O‘tgan yilning...

Volkswagen’ning Xitoy bozoriga mo‘ljallangan yangi Volkswagen ID.Unyx 08 elektromobili haqida batafsil ma’lumotlar e’lon qilindi. Bu haqda CarNewsChina xabar bermoqda.

Model 82,36 kVt/soat va 95,04 kVt/soat sig‘imli ikki xil batareya bilan taqdim etiladi. Ular mos ravishda 630 km, 700 km va 730 km masofani bosib o‘tish imkonini beradi. Avtomobil 800 voltlik tez zaryadlash texnologiyasini qo‘llab-quvvatlaydi. Zaryadlash vaqtini sezilarli qisqartirish maqsad qilingan.

ID.Unyx 08 tashqi ko‘rinishda Volkswagen’ning yangilangan dizayn tilini olgan. Old qismda tor LED kunduzgi chiroqlar, yopiq panjara va pastki qismda trapesiya shaklidagi havo kirish kanali bor. Yon tomonda yashirin tutqichlar, ikki chiziqli bel qismi va ikki xil g‘ildirak dizayni...

O‘zbekistonda Chevrolet Cobalt ishlab chiqarish 2025-yilning yanvar – noyabr oylarida o‘tgan yildagiga nisbatan 1,1 foizga kamaydi. Ya’ni bir yil avvalgi 149,8 ming donaga nisbatan 148,1 ming donani tashkil etdi. Bu haqda Milliy statistika qo‘mitasi ma’lum qildi.

Mamlakatda yengil avtomobillar ishlab chiqarish 2025-yilning yanvar – noyabr oylarida 419,3 ming donani tashkil qilgan bo‘lsa, 2024-yilning shu davrida 385,1 ming dona bo‘lgan. Maxsus avtomobillar ishlab chiqarish esa 23 mingdan 49,4 ming donaga yetdi.

Yil davomida Tracker ishlab chiqarish 40,7 mingtadan 47,8 mingtagacha, KIA esa 19,3 mingtadan 24,5 mingtagacha oshdi. Shuningdek, Chery – 6,3 mingtadan 8,6 mingtagacha, Haval – 2,5 mingtadan 8,9 mingtagacha...

FIFA milliy terma jamoalarning 2025-yil yakunlari bo‘yicha yangilangan reytingini e’lon qildi. Unga ko‘ra, O‘zbekiston milliy terma jamoasi dunyo reytingida 50-o‘rinni band etdi.

Terma jamoa yil davomida «Jahon chempionati – 2026» saralash bosqichi doirasidagi uchrashuvlarda barqaror o‘yin namoyish etdi. Ushbu natija «Oq bo‘rilar»ning so‘nggi yillardagi eng yaxshi ko‘rsatkichlaridan biri bo‘lib, ilk bor Jahon chempionatiga yo‘llanma qo‘lga kiritildi.

Osiyo miqyosida O‘zbekiston qit’aning grand jamoalari Yaponiya, Eron, Janubiy Koreya va Avstraliyadan so‘ng beshinchi o‘rinda bormoqda.

Dunyo reytingi yetakchilari qatorida ham o‘zgarishlar kuzatilgan. Ispaniya terma jamoasi birinchi o‘rinni egallagan bo‘lsa, Argentina ikkinchi, Fransiya esa uchinchi pog‘onadan joy olgan. Kuchli beshlikni Angliya va...

O‘zbekistonda jismoniy shaxslar olishi mumkin bo‘lgan mikroqarz va iste’mol kreditlarining maksimal miqdorlari belgilandi. Markaziy bank chiqargan qaror davlat ro‘yxatidan o‘tkazildi.

2026-yilning 21-yanvaridan kuchga kiradigan ushbu qarorga ko‘ra, banklarga o‘rnatiladigan makroprudensial normativlar qatorida endi qarz oluvchining iste’mol kreditlari va mikroqarzlari bo‘yicha jami asosiy qarz (limit) miqdorining mazkur qarz oluvchi o‘rtacha oylik daromadi miqdoriga nisbatini hisoblash talabi ham bo‘ladi. Eng ko‘pi bilan 15 foizgacha bank tomonidan qarz oluvchilarga kreditlar berishda ularning qarz yuki ko‘rsatkichi 100 foizgacha bo‘lishi mumkin.

Shuningdek, ipoteka krediti bo‘yicha foiz xarajatlarining bir qismini qoplash uchun berilgan subsidiyalar hisobidan amalga oshiriladigan oylik to‘lovlar summasi mazkur ipoteka krediti bo‘yicha o‘rtacha...

Transfermarkt portali Turkiya Superligasida to‘p surayotgan MDH davlatlari futbolchilari orasida eng qimmat o‘yinchilar reytingi e’lon qilindi.

Reytingga ko‘ra, O‘zbekiston milliy terma jamoasi a’zolari Abbosbek Fayzullayev va Eldor Shomurodov yuqori o‘rinlardan joy oldi. Rossiyaning «SSKA» klubidan Turkiyaning «Istanbul Bashakshehir» jamoasiga ko‘chib o‘tgan Abbosbek Fayzullayev reytingda 3-o‘rinni band etdi. Portal uning transfer narxini 7 mln yevroga baholagan.

Ro‘yxatning 5-pog‘onasidan O‘zbekiston milliy terma jamoasi sardori Eldor Shomurodov joy olgan. «Roma»dan ijara asosida Istanbul klubi safiga qo‘shilgan tajribali hujumchining ayni paytdagi transfer qiymati 5 mln yevroni tashkil qiladi. Birinchi o‘rinda ukrainalik Botagov 9 mln yevro bilan band etgan bo‘lsa, ikkinchi o‘rinda ham yana...

O‘zbekiston hukumati qarori bilan davlat idoralarida Yangi yil munosabati bilan korporativ tadbirlarni budjet hisobidan tashkillashtirish taqiqlanadi.

Qaror davlat xarajatlarini maqsadli va tejamkor yo‘naltirish, shuningdek, ortiqcha va asossiz sarf-xarajatlarning oldini olishga qaratilgan. Hujjatga muvofiq, vazirliklar, idoralar, hududiy hokimliklar — jumladan viloyatlar va Toshkent shahar hokimligi, shu bilan birga, ustav fondida davlat ulushi 50 foiz va undan yuqori bo‘lgan xo‘jalik birlashmalarida Yangi yil munosabati bilan korporativ tadbirlar o‘tkazish va bayram dasturxonlarini yozish man etiladi.

Mazkur cheklov nafaqat budjet mablag‘lari, balki budjetdan tashqari manbalar hisobidan moliyalashtiriladigan tadbirlarga ham tatbiq etiladi. Hukumat ta’kidlashicha, bu choralar davlat organlari va tashkilotlarida mablag‘lardan asossiz foydalanish holatlarini...

23-dekabr uchun valyuta kurslari e’lon qilindi. Shu kun uchun AQSh valyutasi 12 010,43 so‘m (+14,29 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil qildi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd etildi. Dollar 50,85 so‘mga...

Samsung Galaxy S25, Galaxy S25 Plus va Galaxy S25 Ultra smartfonlari uchun One UI 8.5 yangilanishining navbatdagi beta-versiyasi taqdim etildi. Bu haqda Sammobile nashri xabar bermoqda.

Yangilanish hajmi taxminan 1,1 GB bo‘lib, dasturchilar tizimdagi aniqlangan xatolarni tuzatish va ishlash barqarorligini oshirishga e’tibor qaratadi.

Beta dasturi 8-dekabrda boshlangan. One UI 8.5 hozircha Hindiston va Janubiy Koreyada sinovdan o‘tmoqda. Tez orada Germaniya, Buyuk Britaniya va AQShdagi beta dastur ishtirokchilari ham yangilanishni olishadi.

Samsung kamida to‘rt beta versiya chiqarishi kutilmoqda. Final, keng tarqatiladigan versiya 2026-yil boshida taqdim qilinishi mumkin. Barqaror One UI 8.5 versiyasi dastlab 2026-yilda taqdim etilishi rejalashtirilgan Galaxy S...

AQSh prezidenti Donald Tramp ma’muriyati 30 ga yaqin mansabdor diplomatni elchi va boshqa yuqori lavozimlardan chaqirib olishni boshladi. Bu haqda AP nashri xabar bermoqda.

Manbalarga ko‘ra, o‘zgarishlar Bayden ma’muriyati davrida tayinlangan, ammo Trampning ikkinchi muddati boshidagi dastlabki «tozalash»dan omon qolgan diplomatlarga taalluqlidir. Dastlabki bosqichda, asosan, siyosiy tayinlovlar nishonga olingan bo‘lsa, endilikda professional diplomatlar rotatsiyasi amalga oshirilmoqda.

Elchilar odatda 3-4 yil xizmat qilsa-da, qonunchilikka ko‘ra ular prezident ixtiyori bilan lavozimidan ozod etilishi mumkin. Ta’kidlanishicha, chaqirib olingan diplomatlar Davlat departamentidagi ishidan bo‘shatilmaydi, balki Vashingtonga qaytib, xohishiga ko‘ra boshqa vazifalarga o‘tkaziladi.

Avvalroq Kursiv Uzbekistan Tramp qarorgohiga yaqinlashayotgan samolyot to‘xtatilgani haqida xabar...

Yangi yil bayrami munosabati bilan aholi va sayyohlar uchun qulayliklar yaratish maqsadida turizm va madaniyat sohalarida bir qator chegirmalar joriy etilmoqda. Bu haqda Turizm qo‘mitasi xabar berdi.

Unga ko‘ra, Madaniy meros agentligi hamda «Vaqf» xayriya jamoat fondiga qarashli madaniy meros obyektlariga tashrif buyuruvchilar uchun kirish chiptalariga 10 foizgacha chegirmalar beriladi. Ayrim obyektlarga esa bayram kunlari bepul kirish imkoniyati yaratiladi.

Shuningdek, turizm sohasida faoliyat yuritayotgan tadbirkorlar tomonidan mehmonxonalar, mehmon uylari va boshqa joylashtirish vositalarida ixtiyoriy ravishda 20 foizgacha Yangi yil chegirmalari taklif etilmoqda. Chegirmadagi mehmonxona va mehmon uylari bilan api-portal.gov havolasi orqali tanishish mumkin.

Bundan tashqari, «Temir daftar», «Ayollar...