Yangiliklar

General Motors Chevrolet, Cadillac va GMC elektromobillari egalari uchun quvvatlash jarayonini yanada qulaylashtirdi. Endilikda kompaniyaning myChevrolet, myGMC va myCadillac mobil ilovalari orqali Electrify America’ga tegishli 5 mingdan ortiq tezkor quvvatlash stansiyalarini topish, ulardan foydalanish va to‘lovni amalga oshirish mumkin bo‘ladi.

Yangi tizim foydalanuvchilarga alohida Electrify America ilovasini yuklab olish zaruratini yo‘q qiladi. Ilovalar orqali haydovchilar real vaqt rejimida bo‘sh stansiyalarni ko‘rishi, yo‘nalish rejalashtirishi, quvvatlash jarayonini kuzatishi va to‘lovni bevosita telefon orqali amalga oshirishi mumkin. Bu imkoniyatlar Equinox EV, Cadillac Optiq hamda Hummer EV kabi modellar egalari uchun, ayniqsa, qulaylik yaratadi.

Bundan tashqari, GM elektromobillari Tesla’ning Supercharger tarmog‘iga...

Google kompaniyasi foydalanuvchilarni yashirincha eshitgani bo‘yicha da’volarni hal qilish uchun $68 mln jarima to‘laydi. Bu haqda Reuters agentligi ma’lum qildi.

Unga ko‘ra, ushbu kelishuv Google’ning ovozli yordamchisi foydalanuvchilarning roziligisiz ularning muloqotlarini yozib olgani va bu ma’lumotlardan reklama tavsiya qilgan. Kompaniya kelishuv doirasida aybini tan olmadi.

Sud da’vosida Google foydalanuvchilarning maxfiy muloqotlarini noqonuniy va qasddan yozib olish hamda ruxsatsiz uchinchi shaxslarga oshkor qilishda ayblangan. Kompaniya da’voda yozuvlardan olingan ma’lumotlar maqsadli reklama uchun uchinchi shaxslarga yetkazilgani iddao qilingan.

Mazkur ish false accepts deb ataluvchi holatga asoslangan bo‘lib, unda Google Assistant foydalanuvchi uni uyg‘otish so‘zini aytmagan bo‘lsa ham muloqotlarni faollashtirib yozib...

Huawei kompaniyasi ijodkorlar va ofis xodimlari uchun mo‘ljallangan MatePad 11.5 S planshetini namoyish qildi. PaperMatte ekraniga ega ushbu qurilma yorug‘likda ham yaltiramasligi va ko‘zni himoya qilishi bilan ajralib turadi.

Yangi qurilmaning eng asosiy o‘ziga xosligi uning ekranida bo‘lib, u nano-qoplama texnologiyasi asosida ishlangan. 11,5 dyuymli IPS displey 2800×1840 pikselli aniqlik va 144 Hz yangilanish chastotasiga ega. Foydalanuvchilar unda xuddi qog‘ozdan o‘qigandek hisni tuyadilar, bu esa ko‘z toliqishini kamaytiradi.

Qurilma juda yupqa va yengil bo‘lib, qalinligi bor-yo‘g‘i 6,1 mm, og‘irligi esa 515 grammni tashkil etadi. Korpus to‘liq metalldan ishlangan. Texnik imkoniyatlariga ko‘ra, planshetga 8 yadroli Kirin protsessori va 12 GB...

Janubiy Koreya hukumati O‘zbekiston fuqarolariga viza berishni vaqtincha to‘xtatib turishi mumkin. Bu haqda O‘zbekistonning Janubiy Koreyadagi elchisi Alisher Abdusalomov ma’lum qildi.

Uning so‘zlariga ko‘ra, bunga mamlakatda noqonuniy maqomda qolayotgan O‘zbekiston fuqarolari sonining oshishi sabab bo‘lmoqda. Ayni vaqtda Koreyada bo‘lib turgan yurtdoshlarimizning taxminan 9 foizi noqonuniy maqomda ekan. Agar bu ko‘rsatkich 10 foizga yetsa, Koreya Adliya vazirligi vizalar berilishini to‘liq to‘xtatishi mumkin.

Elchi 17-yanvar kuni tadbirkorlar, hukumat a’zolari va diplomatlar bilan bo‘lib o‘tgan uchrashuvda Janubiy Koreyaga ishga yuborish faqat Migratsiya agentliklari orqali amalga oshirilishini ta’kidladi. Xususiy bandlik agentliklari bunday vakolatga ega emas.

Abdusalomovning aytishicha, ko‘plab holatlarda ishchilar rasmiy yuborilgan ish...

Oppo kompaniyasi yangi Find X9s smartfonini taqdim etishga tayyorgarlik ko‘rmoqda. Bu model kompakt o‘lchami va ilg‘or kamerasi bilan ajralib turadi, deya xabar berdi Noutebookcheck.

Unga ko‘ra, qurilma asosiy va periskop modullarida ikki dona 200 megapikselli sensor bilan jihozlanadi. Kompakt smartfonlar tarixida bu birinchi marta sodir bo‘ladi. Find X9s 50 megapikselli keng burchakli sensorli kameraga ham ega bo‘ladi. Ta’kidlash joizki, hattoki kattaroq Find X9 Pro ham ikki 200 megapikselli sensor bilan jihozlanmagan.

Yangi model 6,3 dyuymli ingichka ramkali ekran, MediaTek Dimensity 9500 protsessori, kamida 7000 mA·soat quvvatga ega batareya va simsiz zaryadlashni qo‘llab-quvvatlash bilan ta’minlanadi. Shuningdek, qurilmada ultratovushli barmoq...

Sanitariya-epidemiologiya qo‘mitasi O‘zbekistonda Nipah virusi bilan bog‘liq holatlar aniqlanmaganini ma’lum qildi.

Qayd etilishicha, mamlakatda epidemiologik vaziyat barqaror bo‘lib, mazkur virusning kirib kelish ehtimoli juda past darajada baholanmoqda. Nipah virusi asosan hayvonlardan, xususan, ko‘rshapalaklardan insonga yuqadigan zoonoz kasallik hisoblanadi. Ayrim hollarda zararlangan oziq-ovqat yoki kamdan-kam vaziyatlarda odamdan odamga yuqishi ham mumkin. Kasallik og‘ir kechib, bosh miya yallig‘lanishi va nafas yo‘llarining zararlanishi bilan kechadi.

Sanepidqo‘mita ma’lumotiga ko‘ra, so‘nggi yillarda virus asosan Hindistonda va Janubi-Sharqiy Osiyoning ayrim hududlarida qayd etilmoqda. O‘zbekistonda esa hozircha bunday holatlar aniqlanmagan va vaziyat doimiy nazorat ostida saqlanmoqda.

Rasmiylar chet elga, xususan, Hindistonga safar qilayotgan fuqarolarni ehtiyot...

O‘zbekistonda 5 grammli oltin quyma narxi ilk bor 10,2 mln so‘mga yaqinlashdi. Markaziy bank 27-yanvar Toshkent vaqti bilan soat 09:32 holatiga oltin quymalarini sotish va sotib olish narxlarini e’lon qildi.

Xususan, 5 grammli oltin quymaning narxi 10,036 mln so‘mdan 10,187 mln so‘mga oshdi. Uni qaytarib sotib olish narxi esa qadog‘i but holatda 9,554 mln so‘mdan 9,791 mln so‘mga, talablarga mos kelmaydigan holatda 9,457 mln so‘mdan 9,692 mln so‘mga ko‘tarildi.

Quyida oltin quymalarining grammlariga nisbatan sotish va sotib olish narxlari keltirilgan:

Shu bilan birga, Markaziy bank xalqaro qimmatbaho metallar bozori konyunkturasidan kelib chiqib, narxlar kun davomida qayta ko‘rib chiqilishi mumkinligini...

Tijorat banklari 27-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi. 

Germaniyada futbol bo‘yicha Jahon chempionati atrofida bahslar kuchaymoqda. Xavfsizlik va siyosiy vaziyat tufayli musobaqaga borish masalasi shubha ostiga olindi. Bu haqda Deutsche Welle xabar bermoqda.

Musobaqa 11-iyundan 19-iyulgacha davom etadi va o‘yinlarning asosiy qismi AQShning 11 shahrida, qolgani Meksika va Kanadada bo‘lib o‘tadi. Germaniya futbol ittifoqi prezidenti Bernd Noyendorf boykot haqidagi gaplarni hozirgi paytda butunlay o‘rinsiz deb atadi. Biroq u ushbu masala rahbariyat yig‘ilishida muhokama qilinishini tasdiqladi.

Germaniya hukumati o‘z fuqarolarini AQShga safar qilishda ehtiyotkor bo‘lishga chaqirdi. Xavotirlar AQSh prezidenti Donald Trampning keskin siyosati va immigratsiya xizmati harakatlari fonida kuchaygan. Sobiq FIFA prezidenti Yozef Blatter esa muxlislarga AQShdan uzoqroq...

Janubiy Koreyada Tesla Model 3 modelining yangi budjet talqini savdoga chiqarildi. Bu haqda CarNewsChina xabar bermoqda.

Avtomobil Xitoyda ishlab chiqarilgan bo‘lib, Tesla’ning Osiyodagi yangi narx siyosati boshlanishidan darak berishi mumkin. Yangi Model 3’ning boshlang‘ich narxi 41,99 mln vonni tashkil etadi. Bu taxminan $28,3 mingga teng. Davlat subsidiyalaridan so‘ng avtomobil narxi $25,7 mingdan past bo‘ladi. Bu hozircha dunyo bo‘yicha eng arzon yangi Tesla hisoblanmoqda.

Taqqoslash uchun, Janubiy Koreyada avval sotilgan Model 3 Long Range RWD versiyasi 52,99 mln von, ya’ni $35,7 ming atrofida baholangan. Ikki model o‘rtasidagi farq qariyb $7,1 mingni tashkil etadi.

Model 3 modeli Tesla’ning Shanxaydagi Gigafactory...

Google kompaniyasi YouTube Music foydalanuvchilari tomonidan uzoq vaqtdan beri kutilgan yangi funksiyani joriy etdi. Bu haqda Techradar ma’lum qildi.

Endilikda platforma foydalanuvchining barcha qurilmalarida ijro navbatini avtomatik tarzda sinxronlashtiradi. Bu foydalanuvchilarga telefon, brauzer yoki boshqa qurilmaga o‘tganda ham musiqa tinglashni qayerda to‘xtagan bo‘lishidan qat’i nazar davom ettirish imkonini beradi.

Oldin Android va iOS’dagi YouTube Music ilovalari o‘z navbatiga ega bo‘lib, veb-versiya mobil qurilmalardan ma’lumot olishi mumkin edi. Yangi yangilanish bilan mobil ilovani ochgan foydalanuvchi mini-playerda har qanday qurilmada oxirgi ijro etilgan qo‘shiqni ko‘ra oladi.

Qo‘shiq qayerdan ijro etilayotgani iPhone yoki brauzer haqidagi ma’lumot ijro boshlanguncha vaqtincha ijrochi...

Samsung Galaxy S21 seriyasi uchun 2026-yil yanvar xavfsizlik yangilanishi tarqatila boshlandi. Bu haqda Sammobile nashri xabar bermoqda.

Ta’kidlanishicha, ushbu apdeyt Galaxy S21, Galaxy S21 Plus va Galaxy S21 Ultra modellari uchun so‘nggi rasmiy yangilanish bo‘lishi mumkin. Galaxy S21 liniyasi 2021-yil 14-yanvarda taqdim etilgan edi. Samsung dastlab ushbu qurilmalar uchun uchta yirik Android yangilanishi va besh yil davomida xavfsizlik patchlari berilishini va’da qilgan. Xavfsizlik bo‘yicha rasmiy qo‘llab-quvvatlash muddati 2026-yil yanvarida yakunlanmoqda.

Yanvar yangilanishi Android xavfsizlik patchini o‘z ichiga oladi. Apdeyt Android va One UI tizimlaridagi 55 ta zaiflikni bartaraf qiladi. Ayni paytda G99xNKSSCHZA5 nomli dasturiy ta’minot Janubiy Koreyada tarqatilmoqda...

Korrupsiyaga qarshi kurashish agentligi joriy yil davomida mahalliy ijro etuvchi hokimiyat organlari tomonidan «yashiringan» yoki «xizmat doirasida foydalanish uchun» grifi bilan qabul qilingan hujjatlarni o‘rganib chiqdi. Bu haqda agentlikning rasmiy sahifasida ma’lum qilindi.

Tahlillar natijasida viloyat, tuman va shahar hokimliklari tomonidan jami 1 907 ta qaror va farmoyish shu asosda rasmiylashtirilgani aniqlandi.

Dastlabki tekshiruvlar jarayonida ushbu hujjatlarning 386 tasi asossiz ravishda yashirilgani ma’lum bo‘ldi. Ular orasida tashkiliy tuzilmani tasdiqlash, mablag‘ ajratish, xodimlarni rag‘batlantirish, lavozimga tayinlash hamda boshqa masalalarga oid qarorlar bor.

Ochiqlanmagan hujjatlar soni bo‘yicha Farg‘ona, Xorazm, Buxoro, Qashqadaryo va Samarqand viloyatlari yetakchi hududlar sifatida qayd etilgan. Aynan ushbu...

Andijon viloyatining Baliqchi tumani Favqulodda vaziyatlar bo‘limi inspektori xizmat mavqeyidan foydalanib, pora olayotgan vaqtida qo‘lga olindi. Bu haqda DXX matbuot xizmati ma’lum qildi.

Unga ko‘ra, mansabdor shaxs fuqaroning ishonchiga kirib, tanishlari orqali uning qarindoshini ishga joylashtirib berish evaziga $1800 talab qilgani aniqlangan.

Davlat xavfsizlik xizmati va Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbir davomida u tumandagi umumiy ovqatlanish shoxobchalaridan birida pulni olayotgan vaqtida ashyoviy dalillar bilan qo‘lga olingan.

Hozirda mazkur shaxsga nisbatan Jinoyat kodeksining 168-moddasi 3-qismi «v» bandi hamda 28, 211-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Namanganda hokim...

Renault kompaniyasi Hindistonda Duster krossoverining uchinchi avlodini rasman taqdim etdi. Bu haqda Autocar India nashri ma’lum qildi.

Bir vaqtlar mamlakatda o‘rta o‘lchamdagi krossoverlar segmentiga asos solgan ushbu model bir necha yillik tanaffusdan so‘ng bozorga qaytdi. Avval Hindistonda faqat birinchi avlod Duster sotilgan bo‘lib, u bir necha bor restaylingdan o‘tgan edi. Yangi model esa tashqi va ichki dizayndagi o‘ziga xos o‘zgarishlari bilan Yevropa va Janubiy Amerika versiyalaridan farq qiladi.

Tashqi ko‘rinishi

2026-yilgi Hindiston talqinidagi Duster xalqaro modelning umumiy siluetini saqlab qolgan, biroq qator eksklyuziv dizayn yechimlariga ega. Old qismida «qosh» shaklidagi kunduzgi chiroqlar (DRL) bilan yangi optika o‘rnatilgan...

Migratsiya agentligi va Yaponiyaning Proud Partners kompaniyasi Yaponiya bo‘ylab haydovchilik sohasida ishga taklif qilmoqda. Ish o‘rinlari 100 ta yetkazib beruvchi haydovchi uchun ajratilgan. Bu haqda agentlik rasmiy sahifasida ma’lum qildi.

Asosiy talab – «B» yoki «B-» toifasidagi haydovchilik guvohnomasi mavjudligi, 21 – 35 yosh oralig‘idagi xavfsizlikka e’tiborli, intizomli haydovchilar bo‘lishi. Yapon yoki ingliz tilini bilish afzallik sifatida qaraladi.

Nomzodlar joriy yil 16-fevraldan Toshkent viloyatining Angren shahrida boshlanadigan 6 – 8 oylik bepul o‘quv kurslarida ishtirok etishga tayyor bo‘lishi lozim. O‘quv jarayoni davomida yotoqxona bilan ta’minlanadi.

Ish shartlari qulay bo‘lib, oylik maosh $2000 dan boshlanadi, belgilangan ish vaqtidan tashqari ishlash...

HMD Global kompaniyasi o‘zining birinchi aqlli soatlari – Watch X1 va Watch P1 modellarini namoyish etdi. Bu haqda kompaniya rasmiy sahifasida ma’lum qilindi.

Watch X1 premium segmentga mo‘ljallangan bo‘lsa, Watch P1 universal va kundalik foydalanish uchun yaratilgan. Sotuvlar 2026-yil yanvar oxirigacha boshlanishi rejalashtirilgan.

Texnik xususiyatlari:

Har ikkala model ham yurak urishi va SpO2 sensori bilan jihozlangan, 700 dan ortiq turli faoliyat turlarini kuzatish, Bluetooth orqali qo‘ng‘iroqlar qilish...

27-yanvar sanasi Tomas Edisonning kashfiyoti, Stiv Jobsning yangi qurilmasi va kino san’atidagi yo‘qotishlar bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1756-yili Avstriyaning Zalsburg shahrida musiqa tarixidagi eng buyuk bastakorlardan biri Volfgang Amadeus Motsart dunyoga keldi. U qisqa umri davomida 600 dan ortiq o‘lmas asarlar yaratib, simfoniya, konsert, kamera musiqasi, opera va xor musiqasining rivojiga ulkan hissa qo‘shgan. Motsartning ijodi o‘zining melodik go‘zalligi va shakliy mukammalligi bilan ajralib turadi.

1834-yili kimyoviy elementlar davriy jadvalining asoschisi, rus olimi Dmitriy Mendeleyev tavallud topdi. Uning eng katta ilmiy yutug‘i elementlarning atom og‘irligi va kimyoviy xossalari o‘rtasidagi...

So‘nggi sutka davomida sport yulduzlari ijtimoiy tarmoqlarda nimalarni ulashdi? Abduqodir Husanov APLda porlamoqda, «Oq Tayson» hamon o‘z formasida, Xabib va Islam esa oktagonni golf maydoniga almashtirishdi.

APLni zabt etayotgan Husanov

«Manchester Siti» safiga harakat qilayotgan o‘zbekistonlik himoyachi Abduqodir Husanov Angliya Premyer-ligasida o‘zini ko‘rsatishda davom etmoqda. «Vulverxempton»ga qarshi kechgan uchrashuvda ishonchli o‘yin ko‘rsatgan hamyurtimiz o‘yindan keyingi hissiyotlari va fotolarini Instagram sahifasiga joyladi. Pep Gvardiola ishonchini oqlayotgan Husanovning kayfiyati a’lo.

Ruslan Chagayevdan «master-klass»

O‘zbek boks afsonasi, sobiq jahon chempioni Ruslan Chagayev yoshi o‘tayotganiga qaramay, sport formasini a’lo darajada ushlab turibdi. 47 yoshli bokschi mashg‘ulotlar zalidan video ulashdi. Videoda...

Toshkentga parvozlarni to‘xtatgan IndiGo, Tayvan bilan muzokaralar — 26-yanvarda e’lon qilingan yangiliklar Kursiv Uzbekistan dayjestida.

IndiGo Toshkent va yana uch shaharga parvozlarni vaqtincha to‘xtatdi

Hindistonning IndiGo aviakompaniyasi Toshkent, Olmaota, Boku va Tbilisiga parvozlarni 28-yanvargacha vaqtincha to‘xtatdi. Bu haqda NDTV nashri xabar berdi.

Nashr ma’lumotiga ko‘ra, reyslarning bekor qilinishi Eron va AQSh o‘rtasidagi keskinlik kuchaygani, holat harbiy mojaroga aylanishi mumkinligi haqidagi xavotirlar bilan bog‘liq. Aviakompaniya parvozlar xavfsizligini birinchi o‘ringa qo‘ygan holda vaqtinchalik tanaffus e’lon qilgan.

Istanbulda o‘zbekistonlik ayol o‘limidan so‘ng turk ayollari norozilik yurishi o‘tkazdi

Istanbulda o‘zbekistonlik fuqaro Durdona Xakimovaning fojiali o‘limi ortidan turk ayollari ommaviy norozilik yurishini o‘tkazdi...

27-yanvar kuni O‘zbekiston hududida ob‑havo o‘zgaruvchan bo‘lib, kunduzgi harorat 1–10 °C iliq, kechasi esa -2-5 °C sovuq atrofida bo‘ladi. Ba’zi hududlarda yomg‘ir yoki qor yog‘ishi mumkin, tuman tushishi ehtimoli mavjud.

Quyida 27-yanvar kungi ob-havo ma’lumoti viloyatlar kesimida:

HyperOS 3.1 beta-versiyasida Apple AirPods naushniklari uchun tizimning o‘zida ishlaydigan qo‘llab-quvvatlash va bir qator asosiy funksiyalar aniqlandi. Bu haqda Xiaomi Time nashri ma’lum qildi.

Yangilanishdan so‘ng AirPods ulanishi bilan foydalanuvchilar naushniklar va qutining quvvat darajasini ko‘rsatadigan pop-up oynani ko‘rishadi. Shu bilan birga, ma’lumotlar holat satrida va Dynamic Island interfeysida ham aks etadi. Naushniklar Spatial Audio funksiyasini qo‘llab-quvvatlaydi va Xiaomi’ning Find Device tizimi orqali izlanishi mumkin bo‘ladi.

HyperOS 3.1’ning aniq chiqarilish sanasi hozircha e’lon qilinmagan. Xitoyda beta-versiya 22-yanvarda taqdim qilindi. To‘liq reliz esa fevral oyida kutilyapti. Yangilanishni barcha HyperOS 3.0’ni qo‘llab-quvvatlaydigan smartfonlar o‘rnatishi mumkin.

Eslatib o‘tamiz, avvalroq HyperOS...

AQShdagi ishlatilgan avtomobillar bozorida Chevrolet Malibu sedani birdaniga eng ommabop ishlatilgan avtomobillar qatoriga kirdi. Bu haqda Auto24 nashri xabar berdi.

iSeeCars tadqiqotiga ko‘ra, 2025-yilda Malibu reytingi 29-o‘rindan 8-o‘ringa ko‘tarilgan, bu esa bir yilda 21 pog‘ona ko‘tarilish demakdir. Bunday tez o‘sish ishlatilgan avtomobillar bozorida deyarli teleportatsiyaga teng.

Sababi Chevrolet Malibu ishlab chiqarishni 2024-yilda to‘xtatgan. Shu bilan birga, ijaraga berilgan avtoparklar tomonidan nisbatan yangi sedanlar ommaviy ravishda ishlatilgan bozoriga chiqarildi. Natijada qulay, zamonaviy va murakkab bo‘lmagan avtomobil narxi sezilarli darajada tushdi va xaridorlar Malibu’ni minglab sonlar bilan xarid qilishni boshladi.

Qiziqarli tomoni, boshqa mashhur sedanlar bunday ko‘tarilishni qayd etmagan...

Avvalroq O‘zbekistonda kichik AES qurilishi 2026-yil dekabriga qoldirilgani haqida yozgandik. Bu haqda «O‘zatom» agentligi rasmiy bayonot bilan chiqdi.

Unga ko‘ra, avval e’lon qilingan muddatlar o‘z kuchida qoladi va hujjat loyihasida hech qanday muddatni ko‘chirish nazarda tutilmagan. Loyihada ko‘rsatilgan sana tayyorgarlik va litsenziyalashning barcha majburiy bosqichlari aynan shu muddatgacha yakunlanishini ta’minlovchi konservativ ssenariyni aks ettiradi.

«Birinchi beton quyish loyihasini amalga oshirishda muhim voqea bo‘lib, u keng yoritib boriladi. Shu bilan birga, biz ushbu faoliyat qay darajada javobgarlik talab qilishini anglab yetamiz va ushbu bosqichga faqat vakolatli organlardan zarur ruxsatnomalar va roziliklarning to‘liq to‘plamini olganimizdan keyingina...