Yangiliklar

Rossiyaning yirik aviakompaniyasi «Aeroflot» 14-sentabrdan boshlab Moskva va Sankt-Peterburgdan O‘zbekistonning bir necha shaharlariga muntazam parvozlarni qayta yo‘lga qo‘yadi. Bu haqda «Ria Novosti» ma’lum qildi.

Bundan tashqari, 13-sentyabrdan boshlab Moskva – Samarqand reyslari haftasiga 3 martadan 5 martaga oshiriladi. Yangi parvozlar seshanba va shanba kunlari amalga oshiriladi, qaytish esa chorshanba va yakshanba kunlariga belgilangan.

Eslatib o‘tamiz, avvalroq Toshkent — Urganch yo‘nalishida qo‘shimcha reyslar yo‘lga qo‘yilishi haqida yozgan edik.

BMTning global ochlikni kuzatuvchi tizimi IPC G‘azo shahri va uning atroflarida rasmiy ravishda ocharchilik boshlanganini ma’lum qildi. Bu haqda Reuters agentligi ma’lum qildi.

Hisobotga ko‘ra, hozirda 514 ming kishi, ya’ni aholining qariyb chorak qismi ocharchilikdan aziyat chekmoqda. Sentyabr oxiriga kelib bu raqam 641 ming kishiga yetishi kutilmoqda.

BMTning gumanitar ishlari bo‘yicha rahbari Tom Fletcher bu fojia oldini olish mumkin bo‘lganini, biroq Isroilning tizimli to‘siqlari sabab oziq-ovqat chegaralarda qolib ketayotganini aytdi. Isroil esa hisobotni «yolg‘on va tarafkashlik» deya rad etdi.

BMT Bosh kotibi Antoniu Guterrish G‘azodagi ocharchilikni «insoniyat uchun fojia» deb atadi va darhol o‘t ochishni to‘xtatishga hamda gumanitar yordamni...

Shavkat Mirziyoyev, Turkman xalqining milliy yetakchisi Gurbanguli Berdimuhamedov va Ozarbayjon prezidenti Ilhom Aliyev o‘zaro muzokaralar yakunida bayonot berdilar. Bu haqda davlat rahbari matbuot xizmati ma’lum qildi.

Uchrashuvda uch mamlakat xalqlari manfaatlari yo‘lida strategik sheriklikni rivojlantirish borasida qat’iy siyosiy iroda namoyon etilgani ta’kidlandi.

Muzokaralarda tranzit yo‘laklarini kengaytirish, Turkmanboshi va Boku portlaridan samarali foydalanish, zamonaviy logistika infratuzilmasini yaratish hamda milliy transport tizimlarini integratsiya qilish masalalari muhokama etildi. Shuningdek, Kaspiy dengizi orqali parom tashuvlarini rivojlantirish, energetika sohasida hamkorlik qilish, savdo hajmini oshirish va sanoat kooperatsiyasini kengaytirish bo‘yicha kelishuvlarga erishildi.

Tomonlar suv resurslaridan oqilona foydalanish, ekologik muammolarni hal etish, turizm va madaniy almashinuv...

Slovakiyada ishlab chiqarish korxonalarida yuqori maoshli ish o‘rinlari taqdim etilmoqda. Bu haqda Migratsiya agentligi ma’lum qildi.

Xususiy bandlik agentligi Dhaef Global Recruitment orqali ZF Slovakia va Garrett Advancing Motion korxonalarida ishlash imkoniyati mavjud. Ishchilarga 1 yillik mehnat shartnomasi asosida kuniga 8 soatlik ish vaqti belgilangan bo‘lib, oylik maosh 800 dan 1000 yevrogacha to‘lanadi. Korxona tomonidan yotoqxona va ovqatlanish bepul taqdim etiladi.

Nomzodlarga qo‘yiladigan talablar quyidagicha: 22 yoshdan 48 yoshgacha bo‘lgan erkaklar qabul qilinadi, ular o‘rta maxsus ma’lumotga ega bo‘lishlari, ishlab chiqarish yoki metallni qayta ishlash korxonalarida kamida bir yillik tajribaga ega bo‘lishlari lozim. Shuningdek, rus tilini kamida B1 darajasida...

Bugun, 22-avgust kuni Turkmanistonning Avaza turizm hududida Shavkat Mirziyoyev, Turkmaniston Xalq Maslahati raisi Gurbanguli Berdimuhamedov va Ozarbayjon prezidenti Ilhom Aliyev uch tomonlama uchrashuv o‘tkazdi. Muloqotda savdo-iqtisodiy aloqalar, transport va energetika sohasida hamkorlik masalalari markazda bo‘ldi.

Mirziyoyev O‘zbekistonning asosiy bozorlarga chiqishini tez va arzon qilish uchun yuk tashish tariflarini pasaytirishga tayyor ekanini bildirdi. Shuningdek, u Xitoydan Yevropaga qadar uzluksiz tranzit yo‘laklarini shakllantirish, xususan, O‘zbekiston, Turkmaniston va Ozarbayjon infratuzilmasidan samarali foydalanish muhimligini qayd etdi.

Davlatlar yetakchilari portlar o‘tkazuvchanligini kengaytirish, Turkmanboshi va Boku shahrida zamonaviy logistika markazlari yaratish, tarif siyosatini uyg‘unlashtirish, jarayonlarni raqamlashtirish va yuk nazoratini kuchaytirish bo‘yicha ekspertlar darajasida ishlarni boshlashni...

2025-yilning yanvar – iyul oylarida O‘zbekistonda 212 156 dona yengil avtomobil ishlab chiqarilgan (maxsus yengil avtomobillardan tashqari). Bu haqda Milliy statistika qo‘mitasi xabar berdi.

Ishlab chiqarilish hajmi bo‘yicha Cobalt yetakchilik qilmoqda. Joriy yilning yetti oyi davomida ushbu avtomobil 83 mingdan ortiq donada ishlab chiqarilgan. Undan keyingi o‘rinda Damas turibdi – 51,6 ming dona. Tracker 26,4 ming, Onix esa 18,7 ming dona ishlab chiqarilgan.

Shuningdek, xorijiy brendlar orasida KIA 14,4 ming dona, Chery 4,8 ming dona, Haval 4,4 ming dona ishlab chiqargan. BYD esa 8,6 ming dona avtomobil ishlab chiqarish ko‘rsatkichiga ega bo‘ldi.

Bundan tashqari, qariyb 29 ming dona maxsus...

Toshkentdagi ayrim avtobus yo‘nalishlarida vaqtincha o‘zgarishlar joriy etildi. Bu haqda Тоshkent shahar transport bosh boshqarmasi xabar berdi.

Bunga sabab sifatida Shota Rustaveli ko‘chasining Grand Mir mehmonxonasidan Cho‘pon ota ko‘chasigacha bo‘lgan qismida qurilish ishlari olib borilayotgani keltirilgan.

Yo‘nalishlardagi o‘zgarishlar:

Samsung kompaniyasi har bir ehtiyoj uchun model taklif qiladi. Kuchli kamera tortib, o‘yin, uzoq quvvat yoki buklanadigan dizayngacha har xil modellarni topsa bo‘ladi. Ushbu maqolada eng yaxshi Samsung smartfonlari haqida so‘z boradi.

Galaxy S25 Ultra

Ushbu smartfonda flagman darajasi to‘la his qilinadi. U Snapdragon 8 Elite bilan jihozlanib, tezkor ishlash qulayligini taqdim etadi. Modeldagi 12 GB operativ xotira ishlatish uchun yetarli. Qurilmaning kamera tizimi kuchli va moslashuvchan. Batareya va quvvatlash ham ideal tarzda ishlaydi. Obyektiv atrofida kir to‘planishi mumkin. U eng talabchan foydalanuvchi uchun mos.

Texnik xususiyatlari

Smartfon 6,9 dyuymli Dynamic AMOLED 2X displey bilan jihozlangan bo‘lib, yuqori yorqinlik...

Janubiy Koreyaning moliyaviy texnologiyalar xizmati Toss (Viva Republica) xorijiy rezidentlar uchun xalqaro pul o‘tkazmalaridagi komissiyani bekor qilganini e’lon qildi. Ushbu aksiyaning amal qilish muddati 2025-yil oxirigacha belgilangan, deb xabar bermoqda The Korea Herald.

Bepul pul yuborish mumkin bo‘lgan davlatlar qatorida O‘zbekiston, shuningdek, AQSh, Xitoy va Vyetnam ham bor. Janubiy Koreyada soni yuz minglabni tashkil etadigan o‘zbekistonlik mehnat migrantlari uchun bu o‘z yurtiga ortiqcha xarajatlarsiz pul yuborish imkonini anglatadi.

Toss ma’lumotiga ko‘ra, tashabbusdan qariyb 1,53 million kishi foydalanishi mumkin. Bu esa Koreyadagi barcha ro‘yxatdan o‘tgan uzoq muddatli xorijiy rezidentlarning 64 foizini tashkil etadi.

Iyul oyida kompaniya xalqaro provayder Sentbe bilan...

Davlat departamenti xorijlik yuk mashinasi haydovchilariga viza berishni vaqtincha to‘xtatdi. Bu haqda Associated Press xabar berdi.

Bunga sabab sifatida yo‘l xavfsizligi va amerikalik haydovchilarning ish o‘rinlarini himoya qilish ko‘rsatilgan. Bundan tashqari, Tramp ma’muriyati 55 milliondan ortiq vizaga ega xorijliklarni qonunbuzarliklar yuzasidan tekshirayotganini ma’lum qildi.

Davlat departamenti barcha viza egalari uzluksiz nazoratda ekanini bildirdi. Agar vizada ko‘rsatilgan muddatdan oshib qolish, jinoyat sodir etish, xavfsizlikka tahdid yoki terrorchilik faoliyatiga aloqadorlik aniqlansa, viza bekor qilinadi va shaxs AQShdan chiqarib yuboriladi.

Rasmiylarga ko‘ra, tekshiruvlar nafaqat mamlakat ichida, balki tashqarida ko‘p martalik turist vizasi bilan yurganlarga ham taalluqli bo‘ladi. Ular ijtimoiy tarmoqlar, huquqni...

Mirobod ko‘chasi tunu kun ishlaydigan gastronomik hududga aylantirilishi rejalashtirilmoqda. Yangi fud-lokatsiya Nukus ko‘chasidan Shahrisabz ko‘chasigacha cho‘ziladi.

Mirobod hokimligining Kursiv Uzbekistan’ga ma’lum qilishicha, Taras Shevchenko ko‘chasidagi gastronomik hududni obodonlashtirishning uchinchi bosqichi bo‘yicha takliflar allaqachon tegishli idoralarga yuborilgan.

Hozirda Shevchenko ko‘chasida axborot markazi va jamoat hojatxonasi qurilmoqda.

Taras Shevchenko ko‘chasi 2024-yil oktabr oyi oxirida gastronomik hududga aylantirilgandi. Rekonstruksiya ishlarining birinchi bosqichi taxminan besh oy davom etgan.

Bundan avval Taras Shevchenko ko‘chasida 2,2 ming kvadrat metr yo‘lak ta’mirlanib, 2,7 ming kvadrat metr maydonga tosh yotqizilgandi. Bundan tashqari, 650 kvadrat metr maydon asfalt qilingan.

Bugun, 22-avgust kuni dollar kursi 56,70 so‘mga tushib, 12 357,09 so‘mni qayd etdi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Shuningdek, Markaziy bank ma’lumotlariga ko‘ra, yevro 137,75 so‘mga pasayib, 14330,52 so‘mni, rubl esa 1,37 so‘mga tushib, 153,49 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi. 

Great Wall Motor kompaniyasining Haval brendi yangi ikkinchi avlod Haval H9 avtomobilining yangilangan versiyasini namoyish etdi. Bu haqda CarNewsChina xabar bermoqda.

Rasmiy taqdimot Xitoyning Chengdu shahrida 29-avgust kuni bo‘ladigan avtosalonda o‘tkaziladi. Ikkinchi avlod Haval H9 hozirgi bozorda 2023-yil sentabridan boshlab sotuvda. Benzinli versiya 199 900 yuan ($28,4 ming)dan boshlanadi, dizel versiyasi esa 2023-yil dekabrida chiqarilgan bo‘lib, narxi 233 900 yuandan ($32,2 ming) boshlanadi.

Uning o‘lchamlari: uzunligi 5070(4950) mm, kengligi 1960(1976) mm, balandligi 1930 mm. G‘ildirak bazasi esa 2850 mm. Model 800 mm chuqurlikkacha suvdan o‘ta oladi, oldingi burchak 31°, orqa burchak esa 25–26° ga teng. Tirkash quvvati...

Ijtimoiy tarmoqlarda Indeks bozorida yong‘in chiqdi degan xabarlar tarqaldi. Favqulodda vaziyatlar vazirligi bu ma’lumotni rad etib, voqea boshqa hududda yuz berganini ma’lum qildi.

Rasmiy xabarga ko‘ra, 22-avgust kuni soat 13:29 da Toshkent shahar FVBga Yangihayot tumanining Chortoq mahallasidagi Rayhon ko‘chasida joylashgan qog‘ozni qayta ishlash sexi hududida qog‘oz chiqindilari va quruq o‘t yonayotgani haqida xabar kelib tushgan.

Yong‘in joyiga 8 ta yong‘in-qutqaruv ekipaji jalb etilgan. Ekipajlar soat 13:33 da voqea joyiga yetib borgan va soat 13:52 da yong‘inni nazorat ostiga olib, 14:16 da to‘liq bartaraf etishgan.

Vazirlikning ta’kidlashicha, yong‘in Indeks bozori hududida emas, balki sex hududidagi ochiq maydonda sodir bo‘lgan...

Toshkentda o‘zlariniki bo‘lmagan yerni to‘rt million dollarga sotmoqchi bo‘lganlar qamoqqa olindi. Bu haqda Davlat xavfsizlik xizmati xabar berdi.

Toshkentda qurilish obyektlarini loyihalash bilan shug‘ullanuvchi MChJning ofis menejeri va maklerlik bilan shug‘ullanib kelgan fuqaro tadbirkorni aldagan. Ular o‘zlariga tegishli bo‘lmagan Mirzo Ulug‘bek tumanidagi 50 sotix yer maydonini $4 million evaziga sotmoqchi bo‘lib, avans sifatida $100 ming olgan.

Shuningdek, ular yuqori lavozimlarda ishlovchi tanishlari orqali yer hujjatlarini o‘zgartirib berish, turar joyga ruxsatnoma olish va boshqa hujjatlarni rasmiylashtirish evaziga qo‘shimcha $200 ming talab qilgan.

Davlat xavfsizlik xizmati va Iqtisodiy jinoyatlarga qarshi kurashish departamenti xodimlari olib borgan tezkor tadbirda ular 200 ming...

«Zamonaviy axborot texnologiyalaridan foydalangan holda amalga oshiriladigan investitsiya faoliyatini tartibga solish chora-tadbirlari to‘g‘risida»gi prezident qarori qabul qilindi.

Unga ko‘ra, 2025-yil 1-oktabrdan 2026-yil 1-oktabrgacha investitsiya platformalaridan «Tartibga solish qumdoni» maxsus huquqiy rejimi asosida foydalanishga ruxsat etiladi. Bu platformalar qimmatli qog‘ozlarni joylashtirish va sotib olishda, venchur va pay fondlarini moliyalashtirishda hamda kommandit shirkatlarga hissa qo‘shishda qo‘llanadi.

Investitsiya platformasi operatori faqat O‘zbekistonda ro‘yxatdan o‘tgan yuridik shaxs bo‘lishi kerak va davlat organining maxsus reyestriga kiritiladi. U belgilangan qoidalarga rioya qilib ishlaydi va platformada tuzilgan shartnomalar reyestrini yuritadi.

Bundan avval 2030-yilgacha tadbirkorlar uchun maxsus huquqiy rejim joriy etilgandi.

Realme kompaniyasi 27-avgust kuni 10 000 mA·soatdan katta akkumulyatorli smartfonni taqdim etadi. Bu haqda kompaniyaning o‘zi ma’lum qildi.

«Smartfon bozorida endi megapiksellar emas, balki akkumulyator hajmi bo‘yicha raqobat kuchaymoqda. Kompaniyalar birin-ketin katta quvvatli batareyaga ega modellarning premyerasini e’lon qilmoqda. Bu jarayonda faol ishtirok etayotgan brendlardan biri», deya qayd etgan Realme.

May oyida kompaniya 10 000 mA·soat sig‘imli batareyaga ega, ammo atigi 8,5 mm qalinlikdagi modelni tanishtirgandi. Endi esa Realme o‘z rekordini yangilashga hozirlanmoqda — yangi smartfon batareyasi 10 000 mA·soatdan ham katta bo‘lishi kutilmoqda.

Aniq texnik ma’lumotlar hozircha berilmagan. Biroq kompaniya qoldirgan savol belgisi...

Joriy yil boshidan buyon O‘zbekiston – Turkmaniston o‘rtasidagi savdo hajmi $700 millionga yetdi. Bu haqda prezident matbuot xizmati xabar berdi.

Turkmanistondagi «Avaza» milliy turizm zonasidagi Kongress markazida Shavkat Mirziyoyev va Gurbanguli Berdimuhamedov uchrashuv o‘tkazdi.

Muzokaralarda O‘zbekiston va Turkmaniston o‘rtasidagi do‘stlik, yaxshi qo‘shnichilik va strategik sheriklikni yanada mustahkamlash masalalari muhokama qilindi. Ikki davlat o‘rtasidagi hamkorlik barcha sohada rivojlanib borayotgani ta’kidlandi.

Fevraldan boshlab mamlakatlar o‘rtasida erkin savdo rejimi amal qilmoqda, poytaxtlarda savdo uylari ochilgan. Sanoat, energetika, transport, qishloq va suv xo‘jaligi kabi sohalarda qo‘shma loyihalar amalga oshirilmoqda. Yil yakuniga qadar «Shovot – Toshovuz» savdo zonasini ishga tushirish rejalashtirilgan.

Shuningdek, bo‘lajak...

Tecno kompaniyasi yangi Tecno POVA 7 Pro 5G smartfonini taqdim etdi. Mobile Review nashri smartfon haqida maqola e’lon qildi.

Model kiberpank uslubidagi dizayn, shaffof korpus va yorug‘lik beruvchi LED g‘ilf bilan ajralib turadi. Bu g‘ilf xabarnomalarni ko‘rsatadi va qo‘shimcha funksiyalarga ega, masalan, taymer sifatida ishlatiladi.

Qurilma MediaTek Dimensity 7300 Ultimate protsessori bilan jihozlangan bo‘lib, 12 GB tezkor xotira va 256 GB doimiy xotiraga ega. 6,78 dyuymli AMOLED displey 144 Hz yangilanish chastotasi va Corning Gorilla Glass 7i himoyasi bilan taqdim etilgan. Smartfonda 6000 mA·soat batareya, 45 Vt simli va 30 Vt simsiz quvvatlash mavjud.

Asosiy kamera 64 MP IMX...

O‘zbekiston prezidenti Shavkat Mirziyoyev Turkman xalqining milliy yetakchisi, Xalq maslahati raisi Gurbanguli Berdimuhammedov taklifiga binoan amaliy tashrif bilan Turkmanistonga yetib bordi. Bu haqda Prezident matbuot xizmati xabar bermoqda.

Davlat rahbarini Turkmanboshi shahri aeroportida Turkmaniston Vazirlar Mahkamasi raisi o‘rinbosari Nokerguli Ataguliev va boshqa rasmiylar kutib oldi.

Bugun Shavkat Mirziyoyev «Ozarbayjon – Turkmaniston – O‘zbekiston» uch tomonlama uchrashuvida qatnashadi hamda ikki tomonlama muzokaralar o‘tkazadi.

Eslatib o‘tamiz, Kursiv Uzbekistan nashri O‘zbekiston prezidenti Turkmanistonga amaliy tashrif bilan jo‘nab ketgani haqida yozgan edi.

Apple kompaniyasining iPhone 16e smartfoni xaridorlar orasida juda mashhurlikka erishdi. «Palach» nashrining yozishicha, bunga sabab uning tez eskirmasligi bo‘lishi mumkin.

iPhone 16e’da 60 Hz ekran, bitta kamera bo‘lib, MagSafe singari mashhur funksiya yo‘q. Shunga qaramay, u bozorda muvaffaqiyatli sotilmoqda. Smartfon ko‘plab foydalanuvchilar tomonidan ijobiy baholangan.

Apple 2026-yil boshida iPhone 17e modelini chiqarishi kutilmoqda. Tarqalgan ma’lumotlarga ko‘ra, yangilanish faqat Dynamic Island funksiyasi bilan cheklanadi. Ekran esa yana 6,1 dyuymli OLED, 60 Hz chastotali bo‘lib qoladi, chip esa A19, kamera esa 48 megapikselli bitta moduldan iborat bo‘ladi.

Mutaxassislar fikricha, iPhone 16e shu qadar muvaffaqiyatli model bo‘lganki, uni yangilashning hojati yo‘q. Xuddi...

Prezident qarori bilan Yaponiya xalqaro hamkorlik agentligi (JICA) ishtirokida Respublika ixtisoslashtirilgan nevrologiya va insult markazini tashkil etish loyihasi tasdiqlandi. Bu haqda Adliya vazirligi xabar berdi.

Qarorda aholiga ixtisoslashtirilgan nevrologik yordam ko‘rsatish samaradorligini oshirish belgilangan. Shuningdek, tibbiyot va ta’lim muassasalarini mustahkamlash hamda ularni zamonaviy tibbiy va diagnostik uskunalar bilan ta’minlash ko‘zda tutilgan.

Loyihani amalga oshirish muddati 2025 – 2032-yillar etib belgilandi. Shuningdek, qarorga muvofiq, Respublika ixtisoslashtirilgan nevrologiya va insult ilmiy-amaliy tibbiyot markazi Nevrologiya va neyroreabilitatsiya milliy tibbiyot markazi deb qayta nomlandi.

Sog‘liqni saqlash vazirligi JICA ko‘magida yapon mutaxassislarini jalb etish uchun Yaponiyaning Yakuzemi Information Education Center bilan xorijiy valyutada bir...

Instagramdagi Iwash_tashkent va Abdurahmonmufid profili egalari konsalting korxonasi xizmatlarini noto‘g‘ri shaklda reklama qilganligi aniqlandi. Bu haqda Raqobat qo‘mitasi xabar berdi.

Unga ko‘ra, ijtimoiy tarmoqlarda faoliyat yurituvchi @iwash_tashkent sahifasi blogeri Otabek Jo‘rayev hamda @abdurahmonmufid sahifasi yurituvchisi Abdurahmon Abdurahmonov tomonidan «Adworld group» MChJ faoliyatiga oid reklama materiallari joylashtirilgan. Ushbu materiallarda fuqarolarga konsalting emas, balki bevosita xorijda ishlashga yuborish xizmatlari taklif etilgan.

Qonunchilikka ko‘ra, xorijga ishga joylashtirish bo‘yicha xizmatlar faqat tegishli litsenziya mavjud bo‘lgan taqdirda amalga oshirilishi belgilangan. Litsenziyasiz bunday faoliyat bilan shug‘ullanish qat’iyan taqiqlanadi.

Shuningdek, litsenziya yoki majburiy sertifikatsiz faoliyat va tovarlarni reklama qilish ham taqiqlangan. Mazkur holat...

Xitoyning BYD kompaniyasi Qozog‘istonda yangi BYD Sealion 7 modelini taqdim etdi. Bu haqda Kursiv Media xabar bermoqda.

Rasmiy diler ma’lumotiga ko‘ra, avtomobil ikki versiyada, 567 km gacha zaxira yurish masofasi bilan taklif qilinadi. Narxlar 20,4 mln tengedan ($37 ming) boshlanadi.

Yangi model avgust oxiridan savdoga chiqariladi. Sealion 7 zamonaviy dizayn va premium darajadagi imkoniyatlarga ega bo‘lib, oq, ko‘k, kulrang va qora ranglarda sotuvga chiqadi.

Distribyutor ma’lumotiga ko‘ra, krossover dinamik haydash, amaliylik va texnologiyalarni uyg‘unlashtirgan xaridorlarga mo‘ljallangan. BYD Sealion 7’ni elektr transport vositalari segmentida premium mahsulot sifatida ko‘rmoqda.

Hozirda Qozog‘iston bozorida kompaniya Song Plus, Han va Yuan up modellarini taklif...