Yangiliklar

Xitoyning Li Auto kompaniyasi Volkswagen’ning yangi range-extender texnologiyasi haqida keskin fikr bildirdi. Bu haqda CarNewsChina nashri xabar bermoqda.

2-mart kuni Xitoyda SAIC-Volkswagen zavodida EA211 seriyasiga mansub yangi dvigatel ishlab chiqarish liniyasidan chiqdi. Bu tizim Volkswagen’ning Xitoy bozori uchun mo‘ljallangan ilk EREV flagman krossoveri — ID. Era 9X modeliga o‘rnatiladi. Modelning dastlabki savdolari mart oyida boshlanishi kutilmoqda.

Mazkur dvigatel EA211 1.5T EVO II turbomotoriga asoslangan. Unda o‘zgaruvchan geometriyali turbina, Miller sikli va 350 bar yoqilg‘i bosimi qo‘llangan. Bu texnologiyalar elektr energiyasi ishlab chiqarish samaradorligini oshirish va chiqindilarni kamaytirishga qaratilgan.

Biroq Li Auto kompaniyasining ijtimoiy tarmoqlar bo‘yicha direktori Volkswagenni kinoya bilan...

O‘zbekiston Qurolli Kuchlarida kibersport, dron va robot texnologiyalari yo‘nalishidagi musobaqalar tashkil etiladi. Bu haqda Adliya vazirligi xabar bermoqda.

Qabul qilingan hujjatga ko‘ra, yangi musobaqalar uchta asosiy yo‘nalishni qamrab oladi. Ular kibersport, dron va robot texnologiyalari yo‘nalishlaridan iborat. Turnirlar har yili muntazam ravishda uch bosqichda tashkil etilishi belgilangan.

Birinchi bosqich avgust oyida tegishli vazirlik va idoralarda «Harbiy qism komandiri kubogi» nomli ichki musobaqa sifatida o‘tkaziladi. Ikkinchi bosqich oktabr oyida «Harbiy okrug qo‘shinlari qo‘mondoni kubogi» maqomida bo‘lib o‘tadi. Yakuniy uchinchi bosqich esa har yili dekabr oyida «Mudofaa vaziri kubogi» doirasida tashkil etiladi.

Avvalroq Kursiv Uzbekistan Shimoliy Koreyada birinchi kompyuter klubi ochilgani...

O‘zbekiston prezidenti Shavkat Mirziyoyev yoshlar o‘rtasida moliyaviy mustaqil va oila qurishga tayyor bo‘lgan davrda turmush qurishni rag‘batlantirishga qaratilgan farmonni imzoladi. Unga ko‘ra, 2027-yildan boshlab 21 yoshga to‘lib, birinchi marta oila qurayotganlarga davlat tomonidan qo‘shimcha imtiyozlar taqdim etiladi.

Hozirgi kunda O‘zbekistonda nikohlarning 40 foizi 18–19 yoshli yoshlar o‘rtasida tuzilmoqda. Yangi tartibga ko‘ra, Ijtimoiy himoya yagona reyestriga kiritilgan va 21 yoshdan keyin oila qurgan yoshlarga ajratiladigan moliyaviy yordam (subsidiya, kredit, grantlar) miqdori 1,5 baravarga oshiriladi. Shuningdek, nikoh shartnomasini tuzgan juftliklar davlat bojidan ozod qilinadi.

Ma’lumot uchun, 2025 yil davomida O‘zbekistonda FHDYo organlarida jami 267,1 nikoh rasman qayd etilgan. Hududlar kesimida eng...

Toshkent shahrida jamoat transporti infratuzilmasini takomillashtirish bo‘yicha aniq reja asosida ishlar olib borilmoqda. Bu haqda Toshkent shahar hokimligi matbuot xizmati ma’lum qildi.

Yo‘lovchi oqimi ortib borayotgani sababli poytaxtda bekatlarni tartibga solish va yangilash ishlari davom etmoqda. Bu jarayon Raqamli transport markazi tomonidan muvofiqlashtirilmoqda.

YHTEM mutaxassislari tomonidan shaharning eng tirband 472 kilometr avtomobil yo‘llari aniqlanib, ustuvor yo‘nalishlarda ishlar boshlangan. Birinchi bosqichda 100 kilometr hudud qamrab olinib, 360 dan ortiq bekat hamda 190 ta chorraha xatlovdan o‘tkazildi.

Audit natijalariga ko‘ra, 110 ta bekat hududida savdo obyektlari joylashgani aniqlangan. Ulardan 61 tasi bekat majmuasiga egalik yoki foydalanish huquqini tasdiqlovchi hujjatlarni taqdim...

Apple kompaniyasi o‘zining M5 protsessoriga ega yangi MacBook Air noutbuklarini rasman taqdim etdi. Yangilangan modellar yuqori unumdorlik va kengaytirilgan SI imkoniyatlarini taklif etadi. Bu haqda kompaniya rasmiy bayonotida ma’lum qildi.

Yangi MacBook Air oldingi avlodlarga nisbatan sun’iy intellekt vazifalarini 4 barobargacha tezroq bajaradi. Noutbuklar endi standart holatda 512 GB xotira bilan jihozlanadi va bu ko‘rsatkichni 4 TB gacha oshirish mumkin. Shuningdek, qurilmaga Wi-Fi 7 hamda Bluetooth 6 simsiz aloqa texnologiyalari o‘rnatilgan.

13 va 15 dyuymli o‘lchamlarda ishlab chiqariladigan modellar to‘rt xil rangda taklif etiladi. Noutbukning akkumulyator ishlash muddati 18 soatgacha yetadi.

«Yangi MacBook Air har...

Zeekr kompaniyasi yangi Zeekr 8X krossoverini taqdim etdi. «Kitayskie avtomobili» yozishicha, avtomobilning Xitoydagi savdosi 2026-yilning ikkinchi choragida boshlanishi kutilmoqda.

Model narxi taxminan 430 mingdan 550 ming yuangacha bo‘lishi mumkin. Bu taxminan $60 mingdan $77 minggacha degani.

Zeekr 8X yangi SEA-S platformasida ishlab chiqilgan. Avtomobil uzunligi 5100 mm, kengligi 1998 mm, balandligi 1780 mm. G‘ildirak bazasi esa 3069 mmni tashkil etadi.

Krossover haydovchiga yordam beruvchi yangi G-ASD faol assistent tizimi bilan jihozlangan birinchi model bo‘ladi.

Avtomobil gibrid kuch qurilmasiga ega. Unda 2 litrli turbomotor va uchta elektromotor o‘rnatilgan. Ularning umumiy quvvati 1400 ot kuchiga yetadi. Yangi Zeekr 8X faqat elektr...

Geely yangi yo‘ltanlamas modelini Shvetsiyada sinovdan o‘tkazmoqda. Bu haqda «Tarantas Nyus» nashri xabar bermoqda. Kompaniya e’lon qilgan suratlarda Geely Galaxy Cruiser konsepti asosida yaratilayotgan seriyali avtomobil ko‘rinish bergan.

Yangi model tashqi ko‘rinishi bilan Land Rover Defender yo‘ltanlamasiga o‘xshash dizaynga ega. Avtomobil dastlab 2026-yilda Xitoy bozorida sotuvga chiqishi rejalashtirilgan. Keyinchalik model Yevropa bozoriga ham olib chiqilishi mumkin.

Hozirda prototiplar Shvetsiyada qishki sinovlardan o‘tmoqda. Kompaniya sovuq iqlim sharoitida iqlim tizimlari, quvvat agregati samaradorligi hamda yo‘l bilan tishlashish darajasini tekshirayotganini ma’lum qildi.

Tashqi ko‘rinishda konsept dizayni deyarli saqlab qolingan. Avtomobil qisqa osmalar, kengaytirilgan g‘ildirak arkalariga ega. Orqa qismi esa tashqariga ochiladigan eshik...

Avtobloger va Xitoy avtomobillarini import qiluvchi Sanjar Asqarov Olmaotada Xpeng P7 elektromobilini sinovdan o‘tkazdi. U o‘zining YouTube kanalida model haqida batafsil video sharh e’lon qildi. Avtomobil blogerga Shanxaydagi ko‘rgazmada brend top-menejerlari bilan tanishgach, test uchun yuborilgan.

Sharh hissiy bo‘lsa-da, unda modelning asosiy xususiyatlari aniq ko‘rsatib berilgan. Xpeng P7 ning asosiy ustunligi tezlik emas, balki texnologiyalar hisoblanadi. Elektromobil Snapdragon 8295P protsessori asosida ishlaydi. Blogerning aytishicha, bu chip Li Auto va Zeekr modellari ishlatadigan tizimlardan taxminan 20–25 foiz tezroq. Zamonaviy elektromobillarda bu muhim ahamiyatga ega. Chunki avtopilot, haydovchi yordamchilari, osma tizimi va batareya boshqaruvi hisoblash quvvatiga bog‘liq.

Avtomobilning avtopilot tizimi ham...

Hukumat qarori bilan xorijiy oliy ta’lim muassasalarida o‘qimoqchi bo‘lgan yoshlar va pedagoglarga ta’lim krediti ajratish tartibi tasdiqlandi. Bu haqda Adliya vazirligi xabar berdi.

QS (Quacquarelli Symonds) yoki THE (The Times Higher Education) reytinglariga ko‘ra dunyoning TOP-300 taligiga kirgan xorijiy universitetlarga qabul qilingan O‘zbekiston fuqarolariga imtiyozli ta’lim krediti beriladi. Kredit 30 yoshdan oshmagan yoshlar va pedagog xodimlar uchun mo‘ljallangan.

Ta’lim krediti bakalavriat va magistratura bosqichlarida o‘qish uchun ajratiladi. Kredit miqdori bir o‘quv yili uchun $20 minggacha bo‘lgan summaning milliy valyutadagi ekvivalentini tashkil etadi.

Kreditning asosiy qarzi talabaning rasmiy o‘qish muddati tugaganidan 7 oy o‘tib qaytarila boshlaydi va 7 yil davomida...

Vazirlar Kengashi tizimida bir qator kadrlar o‘zgarishi amalga oshirildi. Bu haqda Jo‘qorg‘i Kenges matbuot xizmati xabar berdi.

Unga ko‘ra, Vazirlar Kengashi raisining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari, iqtisodiyot va moliya vaziri Nurullan Erlepesov boshqa ishga o‘tishi munosabati bilan lavozimidan ozod etildi.

Shuningdek, Vazirlar Kengashi raisining qishloq va suv xo‘jaligi masalalari bo‘yicha o‘rinbosari, qishloq xo‘jaligi vaziri Shuhrat Teshaev ham boshqa ishga o‘tishi sabab lavozimidan ozod qilindi.

Bo‘shagan lavozimlarga yangi rahbarlar tayinlandi. Xususan, Atamurat Shamuratov Vazirlar Kengashi raisining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari hamda iqtisodiyot va moliya vaziri etib tayinlandi. U bunga qadar Jo‘qorg‘i Kenges...

Surxondaryo viloyatining Qiziriq tumanida yer maydonini noqonuniy rasmiylashtirib berish bilan bog‘liq firibgarlik holati fosh etildi. Bu haqda Departament ma’lum qildi.

Bosh prokuratura huzuridagi Qiziriq tumani bo‘limi hamda boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda fuqaro qo‘lga olingan. U dehqonchilik qilish sharti bilan boshqa fuqaroga 30 yil muddatga ijara asosida berilgan 80 sotix yer maydonini tanishlari yordamida boshqa shaxs nomiga rasmiylashtirib berishni va’da qilgan.

Shu xizmat evaziga tanishidan 200 mln so‘m olayotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) hamda 28, 211-moddalari (pora berish) bilan jinoyat ishi qo‘zg‘atilgan. Hozirda tergov harakatlari olib...

Angliya Premyer-ligasining 29-turida musobaqa jadvalining so‘nggi o‘rnida borayotgan «Vulverhempton» amaldagi chempion «Liverpul»ni 2:1 hisobida mag‘lub etdi.

Birinchi bo‘limda hisob ochilmadi. Uchrashuvning 78-daqiqasida Rodrigo Gomes mezbonlarni oldinga olib chiqqan bo‘lsa, 83-daqiqada Muhammad Saloh hisobni tenglashtirdi. Biroq hakam tomonidan qo‘shib berilgan to‘rtinchi daqiqada Andrening kiritgan goli «Bo‘rilar»ga g‘alaba keltirdi.

Arne Slot boshchiligidagi «Liverpul» joriy mavsumda beshinchi marta hakam tomonidan qo‘shib berilgan vaqtda o‘tkazib yuborilgan gol evaziga mag‘lubiyatga uchramoqda. Bu Premyer-liga tarixidagi bir mavsum uchun qayd etilgan eng yomon ko‘rsatkich hisoblanadi. Ayni paytda «Liverpul» 51 ochko bilan 5-o‘rinni egallab turibdi.

«Vulverhempton» uchun bu mavsumdagi atigi uchinchi, ammo so‘nggi besh kun ichidagi ikkinchi...

Finlyandiyaning Nokian Tyres kompaniyasi qishki shinalar uchun yangi texnologiyani taqdim etdi. Yangi Nokian Hakkapeliitta 01 modeli haroratga qarab yo‘l bilan yopishish darajasini avtomatik o‘zgartira oladi.

Ushbu shina maxsus metall tishchalarga ega. Sovuq sharoitda tishchalar qattiqlashib, shina yuzasidan chiqib turadi va muz hamda qor ustida yaxshi tishlashni ta’minlaydi. Harorat oshganda esa tishchalar shina ichiga chuqurroq kirib ketadi.

Bunday mexanizm shinaning yuqori qismiga o‘rnatilgan maxsus qatlam yordamida ishlaydi. Aynan shu qatlam tishchalarni rezina ichida mahkamlab turadi va haroratga qarab ularning harakatini boshqaradi.

Yangi shina asfalt yo‘lda ancha jim ishlaydi va yo‘l qoplamasiga kamroq zarar yetkazadi. Shu bilan birga, u muz va...

3-mart kuni Ispaniya qirol kubogi yarim finalining javob uchrashuvi bo‘lib o‘tdi. Unda «Barselona» o‘z maydonida «Atletiko Madrid»ni 3:0 hisobida mag‘lub etganiga qaramay, ikki o‘yin natijasiga ko‘ra turnir bilan xayrlashdi.

Jamoalarning o‘tgan oyda bo‘lib o‘tgan dastlabki uchrashuvida madridliklar 4:0 hisobida g‘alaba qozongan edi. Shu sababli, Xansi Flik boshchiligidagi kataloniyaliklar finalga chiqish uchun ushbu bahsda kamida to‘rtta gol urishi talab etilardi. Yakunda umumiy hisob 3:4 ko‘rinishida «Atletiko Madrid» foydasiga hal bo‘ldi.

Uchrashuvning 29 va 72-daqiqalarida 18 yoshli Mark Bernal dubl qayd etdi. Shuningdek, birinchi bo‘limga qo‘shib berilgan 5-daqiqada Rafinya belgilangan penaltini aniq amalga oshirdi. Mezbonlar qator hujumlar uyushtirganiga qaramay, qo‘shimcha bo‘limlar...

2026-yil 4-martdan boshlab Toshkent va Dubay o‘rtasidagi aviaqatnovlar yana tiklanadi. Bu haqda «Dunyo» axborot agentligi ma’lum qildi.

Reyslar UzAirways, CentrumAir va Qanot Sharq aviakompaniyalari tomonidan amalga oshiriladi. Parvozlar belgilangan jadval asosida bosqichma-bosqich yo‘lga qo‘yiladi.

Audi kompaniyasi elektromobillarga to‘liq o‘tish rejasini qayta ko‘rib chiqmoqda. Kompaniya rahbari Gernot Dullner benzin dvigatellari brend modellari qatorida kamida 2030-yillargacha saqlanib qolishini ma’lum qildi.

Uning so‘zlariga ko‘ra, AQSh bozorida elektromobillar savdosining sekinlashuvi va ichki yonuv dvigatelli avtomobillarga bo‘lgan barqaror talab Audi’ni yanada moslashuvchan strategiya tanlashga majbur qilgan.

Avvalroq kompaniya 2033-yilgacha to‘liq elektromobillarga o‘tishni rejalashtirgan edi. Biroq endi Audi qat’iy muddatlardan voz kechdi va bozor talabiga qarab harakat qilishni maqsad qilgan.

Dullnerning ta’kidlashicha, AQSh bozorida hali ham yirik yo‘ltanlamaslar va pikaplar talab yuqori. Bunday avtomobillar esa ko‘pincha ichki yonuv dvigatellari bilan ishlab chiqariladi. Shu sababli kompaniya yaqin yillarda benzin va...

BYD kompaniyasi yangi flagman elektromobili BYD Great Tang SUV modelining salonini rasman namoyish qildi. CarNewsChina’ga ko‘ra, bu kompaniyaning D-segmentdagi birinchi to‘liq elektr krossoveri hisoblanadi.

Avtomobil 2+2+3 ko‘rinishidagi 7 o‘rindiqli joylashuvga ega bo‘lib, salonida to‘rtta ekran o‘rnatilgan. Old panelda uchta ekran joylashgan: haydovchi uchun instrument panel, markaziy boshqaruv displeyi va old yo‘lovchi uchun alohida multimedia ekrani. Orqa o‘rindiqlarda esa tom qismiga o‘rnatilgan ko‘ngilochar ekran, kichik stolchalar va hatto muzlatkich ham mavjud.

BYD Great Tang uzunligi 5263 – 5302 mm, kengligi 1999 mm, balandligi esa 1790 – 1800 mm. G‘ildirak bazasi 3130 mmni tashkil etadi. Avtomobilning og‘irligi komplektatsiyaga qarab...

Xitoyning Great Wall kompaniyasiga tegishli Great Wall Wingle 7 pikapi endi Qozog‘istonda yig‘iladi. Model mamlakatda transport vositasi turini tasdiqlovchi sertifikatni oldi.

Mazkur hujjat KazStandard ochiq reyestrida e’lon qilingan. Bu esa avtomobil Qozog‘istonda rasmiy ravishda ishlab chiqarilishi va mahalliy bozorda sotilishini anglatadi.

Reyestrga ko‘ra, model ishlab chiqaruvchisi sifatida Hyundai Trans Auto zavodi ko‘rsatilgan. Ushbu korxona Olmaota shahrida joylashgan.

Wingle 7 N1 toifasidagi pikap hisoblanadi. Avtomobilning uzunligi 5395 mm, kengligi 1800 mm, balandligi 1760 mm. G‘ildirak bazasi esa 3350 mmni tashkil etadi.

Model ikki xil dvigatel bilan taklif qilinishi mumkin. Birinchi variant 2,0 litrli turbodiesel bo‘lib, uning quvvati 143 ot kuchiga...

3-mart kuni Turkiya kubogi guruh bosqichining 4-turida «Trabzonspor» klubi safarda «Istanbul Bashakshehir» jamoasini 4:2 hisobida mag‘lub etdi. Uchrashuvda Eldor Shomurodov va Abbos Fayzullayev asosiy tarkibda harakat qildi.

Uchrashuvning 6-daqiqasida Felipe Augusto «Trabzonspor»ni oldinga olib chiqdi. Ikkinchi bo‘limda maydon egalari Nunu Da Kosta (48-daqiqa) va Ivan Brnich (66-daqiqa) kiritgan gollar evaziga hisobda oldinga o‘tib oldi. Biroq 70-daqiqada Mustafo Eskijellax hisobni tenglashtirdi.

O‘yinning 38-daqiqasida hakam uch nafar futbolchiga, jumladan, «Istanbul Bashakshehir» hujumchisi Eldor Shomurodovga sariq kartochka ko‘rsatdi. 79-daqiqada maydon egalari himoyachisi Usseynu Ba qizil kartochka olib, maydonni tark etdi. Ushbu vaziyatdan so‘ng mehmonlar o‘yinda ustunlikka erishdi.

Pol Onuachuning 84-daqiqada hamda Ozan...

4-mart holatiga Qamchiq dovonining yuqori nuqtalarida qor yog‘moqda. Bu haqda Favqulodda vaziyatlar vazirligi (FVV) xabar berdi.

Vazirlik haydovchilardan ehtiyot choralarini ko‘rishni so‘ramoqda.

Eslatib o‘tamiz, 4-mart kuni ba’zi joylarda yomg‘ir yoki qor yog‘ishi, kechasi va ertalab ayrim hududlarda tuman tushishi haqida ma’lumot berilgandi. Unga ko‘ra, harorat kechasi 3° dan 15° gacha, kunduzi esa 2–15° atrofida iliq bo‘ladi.

Xususan, respublikaning tog‘oldi va tog‘li hududlarida 3° sovuq–2° iliq bo‘lib, vaqti-vaqti bilan yomg‘ir yoki qor, tog‘li hududlarda qor ko‘chishi xavfi, sel-to‘shqin holatlari kuzatiladi.

Qatarda yo‘l-transport hodisasi oqibatida 11 yoshli o‘zbekistonlik bola halok bo‘ldi. Bu haqda «Dunyo» axborot agentligi xabar berdi.

Ma’lum qilinishicha, Toshkent shahrida tug‘ilgan bola Qatarga safari davomida sodir bo‘lgan yo‘l-transport hodisasida vafot etgan. Avtotransport vositasi boshqaruvi yo‘qotilishi oqibatida u bosh qismidan og‘ir tan jarohati olib, hodisa joyida hayotdan ko‘z yumgan.

Hodisa haqida ma’lumot kelib tushgach, O‘zbekistonning Qatardagi elchixonasi Qatarning tegishli davlat idoralari bilan hamkorlikda zarur tashkiliy va huquqiy masalalarni tezkor hal etish choralarini ko‘rdi.

Marhumning oila a’zolariga amaliy yordam ko‘rsatilib, dafn marosimini tashkil etish ishlari ular bilan hamkorlikda amalga oshirildi.

Mintaqadagi vaziyat hamda transport-logistika cheklovlari sababli marhumning jasadi oila roziligi...

Andijon va Namangan viloyatlarida 334 mln so‘mlik aksiz markasiz tamaki mahsulotlari aniqlandi. Bu haqda Bosh prokuratura huzuridagi Departament ma’lum qildi.

Departamentning Andijon viloyati boshqarmasi xodimlari o‘tkazgan tezkor tadbirda «V.75» MChJga qarashli savdo do‘konida qonunbuzarlik aniqlangan. «O‘zbegim» MFY hududidagi do‘konda sotuvchi xorijda ishlab chiqarilgan, umumiy qiymati 274,6 mln so‘m bo‘lgan 15,4 ming quti aksiz markasisiz tamaki mahsulotlarini savdoga qo‘ygani ma’lum bo‘lgan. Ushbu mahsulotlar ashyoviy dalil sifatida olib qo‘yilgan.

Shuningdek, Departamentning Namangan viloyati boshqarmasi hamda boshqa huquqni muhofaza qiluvchi organlar xodimlari hamkorligida o‘tkazilgan tadbirda yana bir holat aniqlangan. Namangan shahrining «Quvonch» MFY hududida yashovchi A.S. noqonuniy ravishda tamaki mahsulotlari savdosi bilan...

Namangandagi 26 ta dorixonaga 497 mln so‘m asossiz daromad uchun ish qo‘zg‘atildi. Bu haqda Raqobat qo‘mitasi xabar berdi.

Unga ko‘ra, qo‘mitaning Namangan viloyati hududiy boshqarmasi tomonidan Fair tech yagona axborot tizimi orqali o‘tkazilgan o‘rganishlar davomida ayrim dorixonalar va ulgurji sotuvchilar savdo ustamalariga amal qilmayotgani aniqlandi.

Tekshiruv davomida viloyatdagi 26 ta dori vositalarini ulgurji sotuvchi subyekt faoliyati o‘rganildi. Natijada ayrim tadbirkorlar dori vositalarini sotishda belgilangan ulgurji referent narxlardan yuqori narx qo‘llagani ma’lum bo‘ldi.

Shu tariqa jami qariyb 497 mln so‘m miqdorida asossiz daromad olingani aniqlangan. Mazkur holat yuzasidan Maxsus komissiya tomonidan referent narxlarga amal qilmay, dorilarni asossiz qimmat narxda...

Eronning o‘ldirilgan oliy rahbari Oyatulloh Ali Xomanaiyning o‘g‘li Mojtaba Xomanaiy mamlakatning yangi rahbar etib saylandi. Bu haqda DW nashri xabar bermoqda.

Yangi rahbarni saylash qarori 88 nafar yuqori martabali shia ulamolaridan iborat kengash tomonidan qabul qilingan. DW manbalariga ko‘ra, Mojtaba Xomanaiyni saylash qarori Islom inqilobi posbonlari korpusi (IIPK) bosimi ostida qabul qilingan bo‘lishi mumkin.

Ali Xomanaiyning vafotidan so‘ng mamlakatni vaqtincha uch kishidan iborat maxsus kengash boshqarmoqda. Ushbu kengash tarkibiga prezident Masud Pezeshkian, sud tizimi rahbari G‘ulom Husayn va Konstitutsiya muhofizlari kengashi a’zosi Oyatulloh Alirizo Arafiy kiradi.

Mojtaba Xomanaiy uzoq vaqtdan beri otasining ehtimoliy merosxo‘rlaridan biri sifatida ko‘rilib kelingan, biroq...