Yangiliklar

Changan kompaniyasi tomonidan yangi Deepal S05 S05 520 Lite elektromobili rasman taqdim etildi. Bu haqda CarNewsChina xabar bermoqda.

Yangi avtomobil narxi $16,4 ming qilib belgilangan bo‘lib, u S05 seriyasidagi eng arzon variant hisoblanadi. Mazkur modelning maqsadi — bozorda arzon, ammo to‘liq elektr transport vositalariga bo‘lgan talabni qondirish.

Dizayn

Deepal S05 520 Lite dizayni avvalgi modellarga o‘xshash bo‘lib, yopiq radiator panjarasi bilan yaratilgan zamonaviy tashqi ko‘rinishga ega. Avtomobilning o‘lchamlari o‘zgarmagan: uzunligi — 4620 mm, eni — 1900 mm, balandligi — 1600 mm, g‘ildiraklar bazasi — 2880 mm.

Eksteryerda ramkasiz eshiklar, mexanik eshik tutqichlari, qo‘lda ochiladigan yukxonasi, elektr oynalar, kalitsiz...

Olis hududlarni yuqori tezlikdagi internet bilan ta’minlash maqsadida kelasi yildan yo‘ldoshli internet operatorlari faoliyati yo‘lga qo‘yiladi. Bu haqda prezident sun’iy intellekt texnologiyalarini rivojlantirishga oid videoselektor yig‘ilishida ma’lum qildi.

Unga ko‘ra, ushbu operatorlar besh yil davomida yer, mol-mulk, foyda va qo‘shilgan qiymat solig‘idan (QQS) ozod etiladi.

Eslatib o‘tamiz, joriy yil 13-avgustdan olis hududlarni internet bilan ta’minlaydigan Starlink kompaniyasi sun’iy yoʻldosh internetini Qozog‘istonda ishga tushgandi. Servisning rasmiy saytida esa Starlink xizmati Oʻzbekistonda 2026-yildan boshlab ishga tushirilishi ma’lum qilingan.

Sun’iy intellektga sarmoya kiritganlarga maxsus imtiyozlar

Davlat rahbari yig‘ilishda sun’iy intellekt infratuzilmasiga $100 milliondan ortiq sarmoya kiritganlarga maxsus imtiyozlar berilishini...

Prezident Shavkat Mirziyoyev sun’iy intellektni rivojlantirish uchun 16 ta superkompyuter xarid qilishga $50 mln ajratilganini ma’lum qildi. Kelgusi yilda bu mablag‘ ikki baravar oshiriladi.

Davlat rahbari ta’kidlashicha, sun’iy intellekt sohasida raqobatbardosh bo‘lish uchun uch yo‘nalishga — infratuzilma, ochiq ma’lumotlar va kadrlar tayyorlashga e’tibor kuchaytiriladi.

So‘nggi sakkiz yilda 300 ming kilometr optik tolali aloqa tarmoqlari qurildi, aholi punktlarining 99 foizi mobil aloqa bilan qamrab olindi. Shuningdek, katta hajmdagi ma’lumotlarni qayta ishlash uchun 7 ta data-markaz ishga tushirilgan.

Kelgusi yilda sog‘liqni saqlash, energetika, bank-moliya, bojxona-soliq, transport, tog‘-kon va qishloq xo‘jaligi sohalarida sun’iy intellekt bo‘yicha 100 ta loyiha amalga oshiriladi.

Prezidentning so‘zlariga...

Shahar va tumanlarda hokimlarning raqamlashtirish va sun’iy intellekt bo‘yicha maslahatchisi lavozimi kiritiladi. Bu haqda prezident sun’iy intellekt texnologiyalarini rivojlantirishga oid videoselektor yig‘ilishida ma’lum qildi.

Shuningdek, endilikda vazirlar va tarmoq rahbarlarining raqamlashtirish uchun mas’ul o‘rinbosarlari sohada sun’iy intellektni rivojlantirishga ham javobgar bo‘ladi.

Alohida bo‘linma

Barcha vazirlik va hokimliklarda sun’iy intellektni rivojlantirish bilan shug‘ullanuvchi alohida bo‘linma tashkil etiladi. Ularning asosiy vazifasi — ish samaradorligini oshirish, xizmat sifatini yaxshilash, ortiqcha xarajat va byurokratiyani kamaytirishdan iborat.

Bundan tashqari, xorijiy tillarni biladigan va texnologik salohiyati yuqori bo‘lgan 100 nafar mutaxassis AQSh, Yevropa, Singapur va Yaponiya kabi davlatlarda olti oylik malaka oshirish kurslariga...

Hokimlarga yil yakunigacha o‘z hududlarida «Aqlli shahar» tizimini joriy etish topshirildi. Bu haqda davlat rahbari sun’iy intellekt texnologiyalarini rivojlantirishga oid videoselektor yig‘ilishida ma’lum qildi.

Yig‘ilishda hududlarda sun’iy intellektni joriy etish borasida yaxshi misollar keltirildi. Xususan, Urganch shahrida «Aqlli shahar» tizimi ishga tushirilgan bo‘lib, u elektr, gaz, suv, issiqlik ta’minoti, transport, obodonlashtirish va chiqindi korxonalarini yagona tizimga birlashtirgan.

Tizim sun’iy intellekt asosida fuqarolarning murojaatlarini tahlil qilib, tezkor yechim taklif etadi. Natijada yiliga 16 milliard so‘m mablag‘ tejalmoqda.

Shu bois prezident viloyat markazlari va poytaxt tumanlari hokimlariga Urganch tajribasini o‘rganib, uni o‘z hududlarida joriy etishni topshirdi.

Avvalroq O‘zbekiston sun’iy intellektga tayyorgarlik...

Oliy iqtisodiyot maktabi hisob-kitoblariga ko‘ra, migrantlarning Moskva iqtisodiyotiga qo‘shadigan hissasi har yili Ichki mintaqaviy mahsulotning (YaMM) 23-25 foiziga yetadi, deb yozadi Forbes.

Mutaxassislarning ta’kidlashicha, muhojirlarning mehnati poytaxtga xarajatlardan ko‘ra ko‘proq daromad keltiradi, bu esa ularning iqtisodiyotdagi ishtirokini nafaqat samarali, balki moliyaviy jihatdan ham foydali qiladi.

OTM ma’lumotlariga ko‘ra, 2017-yildan 2023-yilgacha migrantlarning umumiy hissasi 20 foizdan past bo‘lmagan, faqat 2020-yilda pandemiya tufayli bu ko‘rsatkich 21 foizga tushdi.

Tadqiqotda ish bilan bandlarning beshta toifasi ajratib ko‘rsatilgan: moskvaliklar, doimiy migrantlar, kunlik, vaxta va xalqaro mehnat migrantlari.

Kunlik ishchilar har kuni qo‘shni viloyatlardan, vaxtachilar uzoq muddatga keladi, chet ellik mutaxassislar esa vaqtinchalik shartnoma...

Uzbekistan Airways Andijon – Istanbul – Andijon yo‘nalishidagi aviaqatnovlarga aksiya e’lon qildi. Aviakompaniya to‘rt kishidan to‘qqiz kishigacha bo‘lgan guruhlar uchun maxsus tarif taklif qiladi.

Aksiya bo‘yicha chiptalarni 21-oktabrdan 28-oktabrgacha, sayohat qilishni esa 27-oktabrdan 27-noyabrgacha xarid qilish mumkin. Bir tomonga parvoz narxi 1 815 000 so‘mdan, borish va qaytish esa 3 389 000 so‘mdan boshlanadi.

Chiptalar booking.uzairways.com saytida, Uzbekistan Airways Sales filialida va aviakompaniyaning rasmiy agentlarida mavjud.

Avvalroq Kursiv Uzbekistan Andijon – Istanbul yo‘nalishida yangi aviaqatnovlar yo‘lga qo‘yilishi haqida xabar bergan edi.

Uzbekistan Airways joriy yil 27-oktabrdan boshlab Andijon – Istanbul – Andijon yo‘nalishi bo‘yicha to‘g‘ridan to‘g‘ri muntazam...

Prezident Shavkat Mirziyoyev 21-oktabr kuni poytaxtning Mirzo Ulug‘bek tumanida joylashgan IT-parkka tashrif buyurib, loyiha ikkinchi bosqichining tamal toshini qo‘ydi.

Avval $200 million investitsiya evaziga to‘rt gektar maydonda oltita ofis binosi va kongress-xoll barpo etilgan edi. Hozir IT-parkda uch mingdan ortiq kompaniyalar va 14 mingdan ziyod mutaxassislar faoliyat yuritmoqda. Joriy yilda park rezidentlari tomonidan $2,5 milliardlik xizmat ko‘rsatish rejalashtirilgan, eksport esa ilk bor $1 milliarddan oshadi.

Yangi bosqich doirasida hudud 1,5 barobar kengayadi. Saudiya Arabistonining DataVolt kompaniyasi bilan hamkorlikda 12 megavatt quvvatga ega, $150 millionlik data-markaz quriladi. Kelgusida yana $3 milliard investitsiya kiritilib, quvvat 500 megavattga yetkaziladi.

Shuningdek, bu...

O‘zbekiston sun’iy intellektga tayyorgarlik darajasi bo‘yicha xalqaro reytingda 17 pog‘ona yuqoriladi. Mamlakat hozirda 70-o‘rinni egalladi. Bu haqda Shavkat Mirziyoyevning IT-parkka tashrifida qayd etildi.

2030-yilgacha sun’iy intellektga asoslangan xizmatlar hajmini $1,5 mlrdga yetkazish rejalashtirilgan edi, biroq xorijiy ekspertlar O‘zbekiston salohiyatini $10 mlrd atrofida baholamoqda.

Prezident topshirig‘i

Prezident ta’kidlashicha, Raqamli texnologiyalar vazirligi bu borada faolroq ishlashi, vazirlar, hokimlar va tarmoq rahbarlari haftasiga bir kunni sun’iy intellekt sohasini rivojlantirishga bag‘ishlashi zarur.

«Hamma vazirlar, hokimlar chet elga borganida sun’iy intellekt iqtisodiyot tarmoqlari rivojiga qanday hissa qo‘shayotgani, aholiga, biznesga nima yengillik berayotganini ko‘ryapti. Bizda ham shuni qilsa bo‘ladimi? Albatta, bo‘ladi...

Hukmron Liberal-demokratik partiya yetakchisi Sanae Takaichi parlamentning quyi palatasida 237 ta ovoz to‘plab, hukumat rahbari lavozimini egalladi. Uning nomzodi keyinchalik yuqori palata tomonidan ham tasdiqlandi, deb xabar berdi Reuters.

Takaichi bu lavozimda iste’foga chiqqan Sigeru Isibani almashtirdi. Isiba partiyaning saylovdagi mag‘lubiyatidan so‘ng iste’fo bergan edi.

Takaichi o‘zining konservativ qarashlari bilan tanilgan. U Yaponiyaning tinchlikparvar konstitutsiyasini qayta ko‘rib chiqish va Tayvan bilan munosabatlarni mustahkamlash tarafdori.

Iqtisodiyot sohasida Takaichi Abenomika siyosatini davom ettirish niyatida. Bu siyosat iqtisodiy o‘sishni rag‘batlantirish uchun yumshoq pul-kredit siyosatini yuritish va davlat xarajatlarini oshirishni ko‘zda tutadi. Tahlilchilarning ta’kidlashicha, bu yondashuv moliya bozorlariga bosimni kuchaytirishi mumkin.

Mutaxassislar fikricha...

Xalqaro o‘rtoqlik uchrashuvida O‘zbekiston U-17 terma jamoasi venesuelalik tengqurlariga qarshi bahsda 1:1 hisobida durang qayd etdi.

Janubiy amerikaliklar safida David Garsiya 29-daqiqada hisobni ochgan bo‘lsa, ikkinchi taymning 86-daqiqasida Nurbek Sarsenbayev muvozanatni tikladi.

Islom Ismoilov shogirdlari 3 – 27-noyabr kunlari Qatarda bo‘lib o‘tadigan Jahon chempionatiga tayyorgarlikni davom ettirmoqda. Yig‘in doirasida Kot-D’Ivuar va Burkina-Faso U-17 terma jamoalariga qarshi bahslar rejalashtirilgan.

Avvalroq Kursiv Uzbekistan The Guardian O‘zbekiston U-17 terma jamoasi a’zosi Sadriddin Hasanovni eng iqtidorli 60 nafar futbolchilar ro‘yxatiga kiritgani haqida xabar bergan edi.

Amazon kompaniyasi Amazon Web Services (AWS) xizmati normal ish rejimiga qaytganini ma’lum qildi. Bu haqda Reuters xabar bermoqda.

Bu avvalroq internetdagi keng ko‘lamli uzilishlar tufayli dunyo bo‘ylab minglab saytlar va ilovalarda, jumladan, Snapchat hamda Reddit kabi mashhur platformalarda uzilishlar kuzatilgan edi.

Shunga qaramay, kompaniya ayrim AWS xizmatlarida xabarlar to‘planib qolganini va ularni to‘liq qayta ishlash uchun bir necha soat kerak bo‘lishini bildirdi. Uzilish sababli ko‘plab katta shaharlarda xodimlar ish jarayonida muammolarga duch keldi, foydalanuvchilar esa to‘lovlar amalga oshirish yoki aviachipta xarid qilish kabi kundalik vazifalarni bajara olmadi.

Dushanba kuni ham ayrim foydalanuvchilar Venmo va Zoom kabi xizmatlarda muammolar davom...

Redmi kompaniyasi tomonidan taqdim etiladigan yangi Redmi Turbo 5 smartfoni haqida ma’lumotlar paydo bo‘ldi. Gizmochina nashri e’lon qilgan xabarda qurilmaning asosiy texnik jihatlari oshkor qilindi.

Redmi Turbo 5 o‘z sinfidagi ilk model sifatida noyabr oyida taqdim etiladi. Smartfon yangi MediaTek Dimensity 8500 Ultra protsessorida ishlaydi. Bu o‘rta segment uchun flagman darajasidagi chipset bo‘lishi kutilmoqda. Shu turdagi protsessorlar Oppo Reno 15 Pro, Honor Power 2 va Realme Neo 8 modellarda ham qo‘llanilishi rejalashtirilgan.

Redmi Turbo 5 metall ramkali, soddalashtirilgan kamera moduli dizayniga ega bo‘ladi. Qurilmada ultratovushli ekrandan o‘qiladigan barmoq izi skaneri va avvalgi avloddan kattaroq sig‘imli batareya o‘rnatiladi.

Avvalgi ma’lumotlarga...

BYD kompaniyasi tomonidan BYD Fang Cheng Bao 5 avtomobilining yangi versiyasi rasman taqdim etildi. Bu haqda CarNewsChina xabar bermoqda.

Bao 5 Long-Range Edition to‘rtta yangi komplektatsiyada taqdim qilingan. Ularning narxi 269 800 yuandan ($37,8 ming) boshlanadi va 329 800 yuangacha ($46,2 ming) yetadi.

Yangi versiya 210 km elektr yurish masofasiga ega. Asosiy texnologiyalar bo‘yicha yangilanishlar kiritilgan. Model DMO+ platformasi, Huawei Qiankun ADS 4 aqlli haydovchi tizimi va takomillashtirilgan BYD intellektual ekotizimi bilan jihozlangan.

DMO+ platformasi mavjud Bao 5 egalari uchun ham OTA (Over-The-Air) yangilanish orqali taqdim etiladi. Yangi tizim Full-Speed Domain Road Surface Perception Control texnologiyasi yordamida avtomobilning tork...

AQSh va Avstraliya $1 milliardlik sarmoya kiritib foydali qazilmalar loyihalarini tezlashtirishga keldi. Bu haqda BBC xabar bermoqda.

Ta’kidlanishicha, loyihadan maqsad Xitoyning nodir yer metallarini qazib olish va qayta ishlashdagi 70 foizlik ustunligini kamaytirish hamda G‘arb mamlakatlari uchun xomashyo xavfsizligini ta’minlashdir.

Avstraliya Bosh vaziri Entoni Albanesening so‘zlariga ko‘ra, ushbu bitim mamlakatda $8,5 milliardlik investitsiya loyihalarini qo‘llab-quvvatlaydi va Avstraliyaning resurslar bo‘yicha imkoniyatlarini sezilarli kengaytiradi.

AQSh Prezidenti Donald Tramp esa kelishuvni G‘arb iqtisodiy mustaqilligini mustahkamlovchi muhim qadam deb atadi. U, shuningdek, AQSh, Avstraliya va Buyuk Britaniya o‘rtasidagi AUKUS mudofaa ittifoqi to‘liq kuch bilan davom etayotganini qayd etdi.

Ma’lumot uchun, bugungi kunda Xitoy...

Bahraynda o‘tayotgan III Osiyo yoshlar o‘yinlarining 20-oktabr kungi musobaqalari O‘zbekiston delegatsiyasi uchun muvaffaqiyatli yakunlandi. Delegatsiya a’zolari kurash va penchak silat yo‘nalishlarida 3 ta oltin va 1 ta bronza medalni qo‘lga kiritdi.

Kurash bahslarida Madinabonu Karimova (-52 kg) va Shohjahon G‘olibov (-83 kg) raqiblariga hech qanday imkon qoldirmay, oltin medalni qo‘lga kiritdi. Penchak silat yo‘nalishida esa Nurislom Ro‘ziboyev (-63 kg) finalda g‘alaba qozonib, O‘zbekistonga yana bir oltin medal olib keldi. Shu bilan birga, Feruza Bozorova (-55 kg) bronza medalini qo‘lga kiritdi.

Eslatib o‘tamiz, musobaqa 31-oktabrga qadar davom etadi. Osiyo o‘yinlarida 45 mamlakatdan, 4300 dan ortiq sportchi ishtirok etmoqda.

Avvalroq Kursiv...

Xitoyda yangi Huawei Mate 70 Air smartfoni tez orada taqdim etilishi kutilmoqda. Bu haqda Gizmochina xabar bermoqda.

Huawei’ning yangi modeli SUP-AL90 indeksi ostida ro‘yxatdan o‘tgan bo‘lib, u 6,9 dyuymli Full HD (1920×1080 piksel) ekran bilan ta’minlanadi. Mate 70 Air ikkita versiyada sotuvga chiqadi: 12 GB operativ xotira + 256 GB va 12 GB + 512 GB doimiy xotira bilan. Rangi esa Golden Black, Feather White va Silver Brocade variantlarida taqdim etiladi.

Hozircha smartfonning qalinligi yoki aniq o‘lchamlari haqida ma’lumot berilmagan. Shunga qaramay, model raqamidagi ALXX belgisi uning 5G tarmog‘ini qo‘llab-quvvatlamasligi mumkinligidan darak beradi. Bu Huawei uchun noodatiy holat.

Huawei...

20-oktabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 33,1 foizni tashkil qilmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 23,7 foizni, yuridik shaxslar ulushi esa 23,1 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

21 yoshli rossiyalik tennischi Mariya Timofeyeva endilikda WTA (Ayollar tennis assotsiatsiyasi) tasarrufidagi musobaqalarda O‘zbekiston nomidan ishtirok etadi.

Bu haqda WTA saytida uning profili yangilangani orqali ma’lum bo‘ldi. Endi sportchining ism yonida O‘zbekiston bayrog‘i aks etmoqda.

O‘zbekiston tennis federatsiyasi rais o‘rinbosari Iroda Tulaganova bu ma’lumotni tasdiqladi:

«Ha, Mariya Timofeyeva rasman fuqaroligini o‘zgartirdi va endi O‘zbekiston nomidan chiqadi. Uning oilasi – onasi va otasi ham – allaqachon yarim yildan beri Toshkentda yashaydi», — dedi Tulaganova.

Timofeyeva Moskva shahrida tug‘ilgan. 2025-yil oktabrigacha u Rossiya nomidan chiqish qilgan va yosh istiqbolli tennischilar orasida sanalgan.

Uning joriy WTA reytingi...

Ijtimoiy tarmoqlarda «UzAuto Motors» AJning Navoiy viloyatidagi omborida olingan video tarqaldi. Kompaniya bu holat yuzasidan rasmiy izoh berdi.

Unga ko‘ra, hozirda har kuni o‘rtacha 400 ta Onix va 440 ta Tracker avtomobili sotilmoqda.

«Avtomobillarni mijozlarga topshirish muddatlarini qisqartirish maqsadida logistika xabi tashkil etilgan bo‘lib, unda Qoraqalpog‘iston Respublikasi, Buxoro, Qashqadaryo, Navoiy va Surxondaryo viloyatlaridagi mijozlarga avtomobillarni 1-2 kun ichida yetkazib berish imkonini beradigan zarur miqdordagi mashinalar jamlangan», – deyiladi izohda.

Avvalroq Kursiv Uzbekistan UzAuto Motors taqdim etadigan yangi Chevrolet Cobalt haqida nimalar ma’lumligini yozgandi.

Abu Ali ibn Sino nomidagi 1-son respublika jamoat salomatligi texnikumi bazasida Germaniya tibbiyot akademiyasi ish boshladi. Bu haqda Toshkent shahar hokimligi matbuot xizmati xabar berdi.

Loyiha Migratsiya agentligi, Sog‘liqni saqlash vazirligi, Oliy ta’lim, fan va innovatsiyalar vazirligi, Germaniyaning Aaxen universitet klinikasi hamda Shveysariyaning Globogate Concept AG kompaniyasi hamkorligida amalga oshirildi.

Mazkur akademiya o‘rta bo‘g‘in tibbiyot mutaxassislarini Germaniya standartlari asosida tayyorlashni, ularning kasbiy rivojlanishini qo‘llab-quvvatlashni hamda mehnat migratsiyasi uchun yangi imkoniyatlar yaratishni maqsad qilgan.

Akademiya bitiruvchilari Germaniya va O‘zbekiston tomonidan tan olingan diplomga ega bo‘lib, Germaniyada hamshira sifatida ishlash imkoniga ega bo‘ladi.

Avvalroq o‘zbekistonlik hamshiralar Germaniyaga ishga taklif qilinayotgani...

Nyurburgring poyga trassasida sinovdan o‘tayotgan yangi Porsche Panamera Turbo GT prototipining suratlari tarqaldi. Bu haqda ITHome nashri ma’lum qildi.

To‘rt eshikli kupening bu versiyasi kompaniyaning eng tezkor Panamera modeli bo‘lishi kutilmoqda. Hozirda to‘rt eshikli sedanlar orasida Nyurburgring rekordi 1500 ot kuchiga ega Xiaomi SU7 Ultra’ga tegishli (7:04.957). Porsche esa bu natijani yangilashni maqsad qilgan – Taycan Turbo GT ilgari 7:07.55 natija ko‘rsatgan, hozirgi Panamera esa 7:24.172 da aylana bosib o‘tgan.

Yangi Panamera Turbo GT katta fiksatsiyalangan orqa spoyler bilan jihozlangan. Bu element yuqori tezlikda aerodinamik bosimni oshirish uchun ishlab chiqilgan. Shuningdek, avtomobil karbon-keramik tormoz disklari va Porsche GT seriyasiga...

Xitoyning FAW kompaniyasi tomonidan Hongqi E-QM5 Battery Swap Edition avtomobili taqdim etildi. Bu haqda CarNewsChina xabar bermoqda.

Model bitta komplektatsiyada sotuvga chiqqan. Uning narxi 89 800 yuan, ya’ni qariyb $12,6 mingni tashkil etadi.

Yangi E-QM5 avvalgi model dizaynini deyarli to‘liq saqlab qolgan. Old qismi yopiq panjarali, o‘ziga xos faralar bilan jihozlangan. Orqa qismda esa gorizontal chiziqlar va L shaklidagi chiroqlar joylashgan. Salonda minimalistik uslub ustun saqlangan. 10,1 dyuymli suzuvchi markaziy ekran ovozli boshqaruv va orqa kamera funksiyalariga ega.

Avtomobil uzunligi 5040 mm, kengligi 1910 mm, balandligi 1569 mm, g‘ildirak bazasi esa 2990 mm.ni tashkil etadi.

Texnik jihatdan model...

O‘zbekistonda chet el investitsiyasi ishtirokidagi korxonalar soni so‘nggi besh yilda 1,8 barobar oshdi. Bu haqda Milliy statistika qo‘mitasi ma’lum qildi.

Unga ko‘ra, 2025-yil 1-oktabr holatiga mamlakatda jami 17 188 ta shunday korxona faoliyat yuritmoqda. Ularning 4 134 tasi qo‘shma, 13 054 tasi esa xorijiy korxona hisoblanadi.

Ma’lumot uchun, 2024-yilning 1-iyulida chet el investitsiyasi ishtirokidagi faoliyat koʻrsatayotgan korxona va tashkilotlar soni 13 880 tani tashkil etgandi.

Eng ko‘p xorijiy korxonalar Xitoy (4 570 ta), Rossiya (3 150 ta) va Turkiya (2 048 ta) davlatlariga to‘g‘ri kelmoqda.

Shuningdek, Qozog‘iston (1 165 ta), Afg‘oniston (616 ta), Tojikiston (364 ta) va...