Yangiliklar

Prezident farmoni bilan tasdiqlangan nizomga ko‘ra, davlat fuqarolik xizmati lavozimlariga tanlovda ishtirok etayotgan nomzodlarning test sinovlaridan o‘tish tartibi aniq belgilandi.

Test sinovlarida aloqa vositalari, kitob yoki shporgalkalardan foydalanish, boshqa nomzodlar bilan gaplashish va sinov tugamasdan xonani tark etish qat’iyan taqiqlanadi. Qoidalarni buzgan nomzodlar tanlovdan chetlashtiriladi va uch oy davomida qayta ishtirok eta olmaydi.

Testdan kamida 56 ball to‘plagan nomzod keyingi bosqichga o‘tadi. Shuningdek, test sinovlaridan olingan ijobiy natija olti oy davomida amal qiladi va boshqa vakant lavozimlar bo‘yicha tanlovlarda ham hisobga olinadi.

Mazkur tartib nomzodlar uchun teng sharoit yaratish, tanlov jarayonini shaffof va adolatli o‘tkazishni ta’minlashga xizmat qiladi...

Markaziy Osiyoda ilk bor nufuzli International Astronautical Congress (IAC-2028) Samarqand shahrida bo‘lib o‘tadi. Bu haqdagi qaror Sidneydagi kongressda qabul qilindi, deya xabar berdi O‘zbekiston raqamli texnologiyalar vaziri Sherzod Shermatov.

«Albatta, Hindiston va Bahrayn kabi davlatlar bilan ushbu tanlovda raqobat qilib, yutish oson bo‘lmadi. Olti yuz yil avval Mirzo Ulug‘bek observatoriya va madrasa qurib Samarqandni ilm-fan markaziga aylantirgan bo‘lsalar, 2028-yilda kosmos yo‘nalishidagi dunyoning eng katta tadbiri Samarqandda o‘tishi, albatta, uchinchi renessans asosini boshlab bergan prezidentimiz tomonlaridan olib borilayotgan ishlarning dunyo hamjamiyati tomonidan o‘ziga xos e’tirofidir», deya qayd etgan vazir.

Mazkur tadbir 10 mingdan ortiq mehmonlarni jalb...

FIFA prezidenti Janni Infantino O‘zbekiston va Ozarbayjonni FIFA U-20 Jahon chempionati mezbonligi bilan tabrikladi. Bu haqda u o‘zining Instagram sahifasida ma’lum qildi.

«Ushbu ikki futbolsevar mamlakatni Jahon chempionati mezbonligi bilan qutlayman. Oʻzbekiston va Ozarbayjon yirik miqyosdagi turnirlarni oʻtkazish boʻyicha katta tajribaga ega. Xususan, Oʻzbekiston oʻtgan yili oʻtkazilgan FIFA Futzal Jahon chempionatini yuqori saviyada tashkil etdi», dedi Infantino.

25-bor o‘tkaziladigan ushbu yoshlar Mundiali millionlab futbol muxlislarining e’tibor markazida bo‘lishi kutilmoqda. Musobaqa nafaqat futbolni rivojlantirishga, balki ikki davlatning xalqaro nufuzini oshirishga ham xizmat qiladi.

Eslatib o‘tamiz, avvalroq Fabio Kannavaro O‘zbekiston terma jamoasining yangi bosh murabbiyi bo‘lishi...

Uzbekistan Airways 25-oktabrgacha Sankt-Peterburgga parvozlarda maxsus aksiya joriy etdi. Bu haqda aviakompaniya matbuot xizmati xabar berdi.

Endilikda Namangan, Urganch, Buxoro, Farg‘ona, Qarshi, Termiz va Samarqanddan ushbu shahar yo‘nalishida borib-qaytish chiptalarini xarid qilgan yo‘lovchilar uchun qo‘shimcha qulaylik taqdim etiladi.

Aksiya doirasida ekonom-klass yo‘lovchilari 32 kilogrammgacha yukni bepul tashish huquqiga ega bo‘ladi. Bu imkoniyat chiptaning sotib olingan sanasidan qat’i nazar, barcha reyslarga, jumladan, Siberia Airlines (S7) bilan Code-Share asosida rasmiylashtirilgan chiptalarga ham tatbiq etiladi.

Chipta xarid qilish Uzbekistan Airways’ning rasmiy booking.uzairways.com sayti, mobil ilova, kompaniya savdo ofislari hamda agentliklar orqali amalga oshirilishi mumkin.

Avvalroq «Kursiv» nashri O‘zbekiston havo hududi endi UZ...

iQOO kompaniyasi tomonidan taqdim etiladigan yangi iQOO 15 smartfoni haqida batafsil ma’lumot berildi. Bu haqda Weibo tarmog‘ida ma’lum qilindi.

Smartfon birinchi marta simsiz quvvatlash funksiyasiga ega bo‘ladi. Model IP68/IP69 himoya darajasi, yangi avlod ultratovushli barmoq izi skaneri va USB 3.2 porti bilan jihozlanadi.

Displeyga alohida e’tibor qaratilgan. Qurilma Samsung’ning 2K LEAD OLED paneli bilan keladi. Ekran 144 Hz yangilanish tezligi va 2600 nit maksimal yorqinlikni ta’minlaydi.

Smartfonning batareyasi 7000 mA/soat bo‘lib, u 100 Vt tezkor simli quvvatlashni qo‘llab-quvvatlaydi. Simsiz quvvatlash quvvati esa keyinroq e’lon qilinadi. Qurilma yangi Snapdragon 8 Elite Gen 5 protsessorida ishlaydi.

Smartfonning rasmiy taqdimot sanasi 15-oktabr...

Tijorat banklari 3-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi.

Andijonning milliy raqsi – «Andijon polkasi» xalqaro sahnaga chiqmoqda. Bu haqda O‘zA ma’lum qildi.

Viloyat turizm boshqarmasi hamda Yevropaning yirik telekanali Euronews mazkur raqsni tasvirga olib, uni jahon tomoshabinlariga namoyish etishni rejalashtirmoqda.

«Asrlar davomida xalqimizning to‘y va bayramlarida ijro etilgan quvnoq va jo‘shqin ohangli ‘Andijon polkasi’ milliy madaniyatimiz ramziga aylangan», deydi mutaxassislar.

Ushbu tashabbus O‘zbekiston raqs san’ati va Andijonning boy madaniy merosini dunyo miqyosida targ‘ib qilishda muhim qadam bo‘lishi kutilmoqda.

Eslatib o‘tamiz, avvalroq Qozog‘istonda «Lazgi. Muhabbat va qalb raqsi» baleti namoyish etilgan edi.

Tesla’ning uchinchi chorakdagi sotuvlari rekord darajaga yetdi. Iyul – sentabr oylarida kompaniya dunyo bo‘ylab 497,099 ta avtomobil sotdi. Bu haqda CNN agentligi ma’lum qildi.

Bu o‘tgan yilning uchinchi choragiga nisbatan 7% va ikkinchi chorakka nisbatan 29% ko‘pdir. Sotuvlarning oshishi, asosan, 30-sentabrda tugagan $7,5 minglik federal soliq imtiyozi sabab bo‘ldi.

Ushbu o‘sish Tesla aksiyalarini dastlabki savdoda 2% ga ko‘tarib, CEO Ilon Maskning sof boyligini qisqa muddatga $500,8 mlrdga yetkazdi. Ammo tushdan keyin aksiyalar 4% ga tushib, Maskning boyligi $490 mlrdga kamaydi.

Tesla global bozor ulushini boshqa avtomobil ishlab chiqaruvchilar, xususan, Xitoy kompaniyalari, asta-sekin tortib olishmoqda. BYD kompaniyasi yil boshidan beri...

Apple eng mashhur ICE kuzatuv ilovasi ICEBlock va shunga o‘xshash ilovalarni App Store’dan olib tashladi. Bu haqda Reuters agentligi ma’lum qildi.

Ilova foydalanuvchilarni hududdagi Immigratsiya va Bojxona nazorati (ICE) agentlari haqida ogohlantirar edi. Adliya vazirligi bu ilova AQSh agentlariga nisbatan hujum xavfini oshirishi mumkinligini bildirdi.

Fox Business xabariga ko‘ra, AQSh bosh prokurori Pam Bondi ilovaning olib tashlanishini so‘ragan va Apple bunga rozi bo‘lgan. Bondi ICE agentlarini faqat ishlarini bajarishgani uchun xavf ostiga qo‘yish mumkin emasligini ta’kidladi.

Huquq faollari esa erkin so‘zlash va qonuniy jarayon huquqlari buzilayotganidan xavotir bildirmoqda, chunki hukumat deportatsiya kampaniyasini to‘xtatmayapti. Apple’ning bu qarori, shuningdek, texnologiya kompaniyalari...

Ilon Mask $500 milliardlik boylikka erishdi

Tesla va boshqa startaplari tufayli Ilon Mask tarixda birinchi bo‘lib $500 mlrdlik sof boylikka ega bo‘ldi. Forbes ma’lumotiga ko‘ra, uning boyligi $500,1 mlrdni tashkil etdi.

Tolibon Afg‘onistonda internetga taqiq qo‘yilishi bo‘yicha munosabat bildirdi

Tolibon Afg‘onistonda internet butunlay o‘chirilgani haqidagi xabarlarni rad etdi. Bu haftada kuzatilgan uzilishlar eskirgan tolali-optik kabellarni almashtirish zarurati bilan bog‘liq bo‘lgan.

Meta AI foydalanuvchi suhbatlaridan reklama maqsadida foydalanadi

Meta 16-dekabrdan boshlab foydalanuvchilarning sun’iy intellekt chatboti bilan o‘tkazgan suhbatlarini reklama maqsadida qo‘llashni boshlaydi. Kompaniyaga ko‘ra, bu o‘zgarish reklamalarning yanada maqsadliroq bo‘lishini ta’minlaydi.

Nyu-Yorkda ikkita samolyot to‘qnashdi — video

Nyu-Yorkdagi LaGuardia xalqaro...

3-oktabr kuni O‘zbekiston hududi bo‘ylab havo biroz bulutli, ayrim joylarda yomg‘ir yog‘ishi kutiladi. Kunduz kunlari harorat 15–27° atrofida, kechasi 3–13° iliq bo‘ladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

Mashhur futbol jurnalisti Fabritsio Romanoning xabariga ko‘ra, Italiya futbol afsonasi Fabio Kannavaro O‘zbekiston milliy terma jamoasini boshqarishga kelishib oldi.

Manbaga ko‘ra, 2026-yilgi Jahon chempionati saralashlari arafasida Kannavaro bosh murabbiy sifatida ish boshlashi rejalashtirilmoqda. Shartnoma shartlari bo‘yicha kelishuv allaqachon amalga oshirilgan bo‘lib, rasmiy hujjatlar 24 – 48 soat ichida imzolanishi kutilmoqda.

Fabio Kannavaro Italiya terma jamoasining sardori sifatida 2006-yilda Jahon chempioni bo‘lgan va o‘sha yili «Oltin to‘p» mukofotiga sazovor bo‘lgan.

Murabbiylik faoliyati

Eslatib o‘tamiz, avvalroq 2027-yilgi FIFA «U-20» Jahon chempionati O‘zbekiston va Ozarbayjonda o‘tkazilishi haqida yozgan edik.

FIFA Kengashining bugungi yig‘ilishida 2027-yilgi 20 yoshgacha futbolchilar o‘rtasidagi Jahon chempionati mezbonlari aniqlandi. Bu haqda O‘FA ma’lum qildi.

Qarorga ko‘ra, musobaqa O‘zbekiston va Ozarbayjonda bo‘lib o‘tadi.

Bu turnir FIFA milliy terma jamoalar o‘rtasidagi Jahon chempionatidan keyingi eng nufuzli musobaqa hisoblanadi. O‘zbekiston so‘nggi yillarda bir qator yirik xalqaro sport tadbirlariga mezbonlik qilib, katta tajriba to‘pladi. Jumladan, 2024-yilda o‘tkazilgan FIFA Futzal Jahon chempionati yuqori darajada tashkil etilgani xalqaro hamjamiyat tomonidan e’tirof etilgan edi.

2027-yilda esa eng iqtidorli yosh futbolchilar Toshkent va Boku stadionlarida to‘planib, o‘z mahoratini namoyish etadi. O‘zbekiston odatdagidek mehmondo‘stlik, professional tashkiliy yondashuv va futbolsevar muxlislarining ishtiyoqi bilan dunyo e’tiborini...

AQSh prezidenti Donald Trampning Armaniston va Albaniyani adashtirishi Yevropa Siyosiy Hamjamiyati sammitida kulgili vaziyatga sabab bo‘ldi. Bu haqda Politico nashri ma’lum qildi.

Albaniya bosh vaziri Edi Rama bu xatoni hazilomuz tarzda Fransiya prezidenti Emmanuel Makron va Ozarbayjon rahbari Ilhom Aliyev bilan muhokama qilib, kulgi uyg‘otdi.

Tramp avval ham bir necha marotaba Armaniston o‘rniga Albaniyani tilga olib, Ozarbayjon bilan «Albaniya o‘rtasidagi tinchlik kelishuvi» haqida gapirgan. Aslida esa, avgust oyida Oq uyda Armaniston va Ozarbayjon rahbarlari o‘rtasida muzokaralar o‘tkazilgan edi.

Bu Trampning yagona geografik xatosi emas: u ilgari Vengriya bosh vazirini «Turkiya yetakchisi» deb atagan, Putin bilan uchrashuvni esa «Rossiyada bo‘lib...

2025-yil 2-oktabrdan boshlab O‘zbekiston aviatsiyasi tarixida muhim yangiliklar joriy qilindi. Bu haqda «O‘zaeronavigatsiya» markazi DUK ma’lum qildi.

Endilikda mamlakat havo hududi xalqaro miqyosda UZ kodi bilan taniladi. Bu o‘zgarish O‘zbekistonning dunyo aviatsiya xaritasida yanada aniqroq ko‘rinishiga xizmat qiladi.

Shuningdek, respublika bo‘ylab yagona absolyut o‘tish balandligi – 13 ming fut va o‘tish esheloni – FL150 belgilandi. Mazkur tizim parvozlarni yagona standart asosida boshqarishga imkon yaratadi, uchuvchilar uchun qulaylik tug‘diradi va xavfsizlik darajasini oshiradi.

Eslatib o‘tamiz, avvalroq Toshkent aeroportida kuzgi spotting-tur uchun arizalar qabul qilinayotgani haqida yozgan edik.

Prezidentning tashqi siyosat bo‘yicha maslahatchisi Abdulaziz Kamilov O‘zbekiston va AQSh munosabatlari bugun barqaror va prognoz qilinadigan bosqichga yetgani aytdi.

Uning so‘zlariga ko‘ra, 2017-yilgacha hamkorlik asosan xavfsizlik va Afg‘oniston masalalari bilan cheklangan bo‘lsa, Shavkat Mirziyoyevning hokimiyatga kelishi bilan ikki davlat o‘rtasida keng qamrovli hamkorlik yo‘lga qo‘yildi. 2018-yilda Vashingtonga amalga oshirilgan rasmiy tashrif esa strategik sheriklikning yangi davrini boshlab berdi.

Kamilov, shuningdek, Mirziyoyevning BMT Bosh assambleyasida ilgari surgan tashabbuslari O‘zbekistonning milliy manfaatlariga asoslangan bo‘lib, ular xavfsizlik, ekologiya, Orol dengizi va yoshlar masalalarini qamrab olishini qayd etdi.

Komilovning fikricha, Amerika siyosiy va biznes doiralari ham O‘zbekiston bilan hamkorlikning yangi bosqichi boshlanganini tan...

Hukumat qarori bilan dramaturglar uchun Mahmudxo‘ja Behbudiy, yosh rejissyorlar uchun esa Bahodir Yo‘ldoshev nomidagi mukofotlar ta’sis etildi. Bu haqda Adliya vazirligi ma’lum qildi.

Mukofotlar har ikki yilda bir marotaba o‘tkaziladigan tanlov orqali topshiriladi. G‘oliblar teatr san’atini dolzarb mavzulardagi sahna asarlari bilan boyitishdagi xizmatlari uchun diplom, statuetka va mehnatga haq to‘lashning eng kam miqdorining 50 barobariga teng pul mukofoti bilan taqdirlanadi.

Nomzodlarni taklif etish jarayoni tegishli tashkilotlar orqali amalga oshirilib, Madaniyat vazirligi ularni 1-fevralgacha komissiyaga taqdim etadi. Komissiya esa 1-martgacha hujjatlarni ko‘rib chiqib, har bir mukofot bo‘yicha eng munosib nomzodni aniqlaydi.

Mukofotlar 27-mart – Xalqaro teatr kuni arafasida Madaniyat vaziri...

O‘zbekiston avtomobil bozorida Chevrolet modellarining ulushi yuqori. Misol uchun, yanvar–avgust oylarida UzAuto Motors 127 mingdan ortiq avtomobil sotgan. Kursiv Uzbekistan nashrining ushbu maqolasida Chevrolet avtomobillarining yonilg‘i iste’moli haqida so‘z boradi.

Ushbu maqoladan quyidagilarni bilib olasiz:

Kichik avtomobillar: Matiz va Spark

Matiz shaharda 8,4 l/100 km, trassada esa 5,2 l/100 km benzin sarflaydi. Spark esa shaharda 8,2 l/100 km...

Samarqand viloyatining Urgut tumanida aliment to‘lamay qochib yurgan ota uyidagi shkaf ichidan topildi. Bu haqda Majburiy ijro byurosi xabar berdi.

Ma’lum qilinishicha, fuqaro farzandining moddiy ta’minoti uchun uzoq muddat aliment to‘lamagan va qarzi 60 million so‘mga yetgan. Qochib yurgani sabab unga nisbatan qidiruv e’lon qilingan.

Tezkor qidiruv tadbirlari davomida u o‘z uyida shkaf ichiga yashirinib olgani aniqlanib, qo‘lga olindi. Fuqaro keyingi ijro harakatlari uchun davlat ijrochisiga topshirildi.

Bundan avval O‘zbekistonda aliment to‘lovlari miqdorini qayta ko‘rib chiqish taklif etilgandi. Unga ko‘ra, senatorlar aliment undirish tizimida qator muammolar mavjudligini qayd etishgan. Ayrim ota-onalar farzandlariga moddiy ta’minot berish bo‘yicha o‘z majburiyatlarini...

Realme tomonidan Hindistonda $190 lik Realme 15x smartfoni taqdim etildi. Bu haqda Gizmochina xabar bermoqda.

Yangi model 6,8 dyuymli IPS LCD displeyga ega bo‘lib, 144 Hz yangilanish chastotasi va 1200 nit yorqinlikni qo‘llab-quvvatlaydi. Uning «yuragi» — MediaTek Dimensity 6300 chipi bo‘lib, unga 8 GB tezkor xotira biriktirilgan. Doimiy xotira hajmi esa 256 GB gacha, microSD orqali 2 TB gacha kengaytirish mumkin.

Smartfon 7000 mA/soat sig‘imli akkumulyator bilan jihozlangan bo‘lib, 60 Vt tezkor simli quvvatlashni qo‘llaydi. Kamera tizimida ikkita 50 megapikselli modul mavjud — asosiy va old kamera.

Qurilma mustahkamligi bilan ham ajralib turadi. Korpus IP68/IP69 himoyasiga ega va harbiy...

2025-yilning birinchi yarmida Oʻzbekistonning umumiy tashqi qarzi $72,2 milliardga yetdi. Bu haqda Markaziy bank ma’lum qildi.

Unga ko‘ra, $36,8 milliard davlat tashqi qarzi, $35,4 milliard korporativ tashqi qarz. Korporativ tashqi qarz tarkibida xususiy sektor, jumladan, tadbirkorlik subyektlari tomonidan davlat kafolatisiz jalb qilingan mablagʻlar ham mavjud. Aholi jon boshiga toʻgʻri keladigan tashqi qarz miqdori $1,9 mingni tashkil etmoqda.

Xalqaro valyuta jamgʻarmasi va reyting agentliklari Oʻzbekiston tashqi qarzini oʻrtacha darajada deb baholab, uning asosan imtiyozli shartlarda olinganini qayd etmoqda.

Davlat qarzi 2025-yilning ikkinchi choragida $785 millionga oshib, $43,38 milliardga yetgandi. Unga ko‘ra, yil boshidan buyon qarz hajmi...

Oʻzbekiston milliy terma jamoasi yetakchilaridan biri Otabek Shukurov faoliyatini BAA chempionatida davom ettiradi. Futbolchi «Baniyas» klubi bilan shartnoma imzoladi.

Ma’lumotlarga koʻra, Shukurov BAAning bir qator jamoalari bilan muzokaralar olib borgan, ammo yakunda «Baniyas»ni tanlagan. U klubga erkin agent sifatida oʻtdi.

Ayni paytda «Baniyas» chempionatda muvaffaqiyatsiz ishtirok etmoqda. Klub 5-turdan keyin jamoa birorta ochko va golga ega emas.

Eslatib oʻtamiz, jamoa mavsum boshida yana bir oʻzbekistonlik futbolchi — «Nasaf» yetakchisi Akmal Mozgovoyni ham oʻz safiga qoʻshib olgan edi.

Avvalroq «Kursiv» Oʻzbekiston terma jamoasi 9-oktabrda Kuvaytga qarshi oʻrtoqlik oʻyini oʻtkazishi haqida xabar bergan edi.

Allied Biofuels kompaniyasi Xorazm viloyati hokimiyati bilan yer va suv bo‘yicha kelishuv imzoladi. Bu haqda kompaniya Kursiv Uzbekistan’ga ma’lum qildi.

Ushbu kelishuv Tuproqqal’a tumanida barqaror aviatsiya yonilg‘isi ishlab chiqaruvchi yirik biozavod qurilishi uchun asos bo‘ldi. Loyihaning qiymati $5,9 mlrd bo‘lib, zavod yiliga 382 ming tonna yashil aviatsiya yonilg‘isi (SAF), 152 ming tonna elektro-sintetik SAF (e-SAF) va 11 ming tonna «yashil» dizel ishlab chiqaradi. Uni 2 GVt quvvatga ega elektrolizatorlar qo‘llab-quvvatlaydi.

Zavod ishga tushgach, yuzlab yangi ish o‘rinlari yaratiladi, issiqxona gazlari chiqindilari kamayadi va O‘zbekistonning uglerod neytrallikka erishish maqsadlariga xizmat qiladi.

Xorazm hokimi Jurabek Rahimov bu loyiha hudud iqtisodiyoti uchun...

Oliy ta’lim muassasalari bitiruvchilarining amaliyot o‘tashi va ularni ishga joylashtirish jarayonini raqamlashtirish tartibi belgilandi. Bu haqda Hukumat qarori bilan nizom tasdiqlandi.

Endilikda barcha jarayonlar «Yagona milliy mehnat tizimi» IDAK platformasi orqali amalga oshiriladi.

Yangi tartibga ko‘ra, ta’lim muassasalari har yili 1-oktabrgacha bitiruvchilar amaliyotini tashkil etish uchun platformada korxonalarga so‘rov yuborishi kerak bo‘ladi. Korxonalar bilan tuziladigan shartnomalar esa amaliyot boshlanishidan kamida uch hafta oldin rasmiylashtiriladi.

Bitiruvchilar haqidagi ma’lumotlar yakuniy davlat attestasiyasi xulosasiga asosan platformaga kiritiladi. Shu bilan birga, korxonalar har oyning 25-sanasi yakuniga qadar o‘zlari uchun zarur bo‘lgan kadrlar va vakant lavozimlar bo‘yicha ma’lumotlarni tizimga joylab boradi.

Shuningdek, bitiruvchilar ishga...