Yangiliklar

Payshanba kuni kechqurun Indoneziyada 6,3 magnitudali zilzila sodir bo‘ldi. Bu haqda Mirror nashri xabar bermoqda.

Zilzila Jakarta vaqti bilan juma kuni (1902 GMT payshanba) soat 02:52 da sodir bo‘lgan, epitsentri Bengkulu shahridan 47 km janubi-g‘arbda, dengiz tubidan 84 km chuqurlikda joylashgan.

«Zilzilaning silkinishini Bengkulu shahri aholisi qattiq his qildi», – degan Bengkulu provinsiyasi tabiiy ofatlarni boshqarish va oqibatlarini yumshatish agentligi kotibi Reza Afriyanto Sinxua agentligiga bergan intervyusida.

ChinaDaily nashrining yozishicha, Bengkulu shahrida 33 ga yaqin uy va bir bino vayron bo‘lgan, bir necha kishi jarohatlangan. Biroq Bengkulu provinsiyasida hozircha qurbonlar haqida...

Netflix platformasi tomonidan ishlanayotgan Amir Temur haqidagi tarixiy filmning suratga olish ishlari yakunlandi. Bu haqda film ijodkorlari Instagram sahifasi orqali ma’lum qildi.

Filmda Amir Temurning hayoti va hokimiyat tepasiga kelishi hikoya qilinadi. Ijodkorlarning ta’kidlashicha, kartina buyuk sarkardaning yuksalishi haqidagi epik hikoyani tarixiy aniqlik va davr muhitiga mos holda aks ettiradi.

Film rejissyori Jeykob Shvars, ssenariy muallifi esa Metyu Grin. Bosh rol – Amir Temur obrazini Kristian Mortensen gavdalantirgan. Filmda, shuningdek, Mahesh Jadu (Amir Husayn roli) va o‘zbek aktrisasi Yulduz Rajabova (Aljay roli) ishtirok etgan.

Loyihaga 2022-yil oxirida start berilgan bo‘lib, suratga olish ishlari O‘zbekiston va Qozog‘istonda olib borilgan. Ayni...

21–22-may kunlari Toshkentda Markaziy Osiyoda birinchi marta GSMA — M360 Eurasia flagman sammiti bo‘lib o‘tdi. Har yili o‘tkaziladigan konferensiya mintaqaning raqamli kelajagini muhokama qilish uchun telekommunikatsiya, texnologiya va davlat boshqaruvi sohasidagi jahon yetakchilarini birlashtiradi.

Kursiv Uzbekistan GSMA bosh direktori va direktorlar kengashi a’zosi Vivek Badrinat bilan nima uchun bu safar Toshkent tanlangani va raqamli transformatsiyani tezlashtirish uchun mintaqaga nima kerakligi haqida suhbatlashdi.

— Nima uchun M360 Eurasia tashkilotchilari bu yil Toshkentni tanladi va bu mintaqaning raqamli ambitsiyalari haqida nima deydi?

— O‘zbekiston bozori so‘nggi yetti yil ichida sezilarli o‘sishni namoyish etmoqda. Mobil internetning arzon narxlari, qulay investitsiya siyosati va jadal...

Avtomobil eksperti Sergey Zinovyev tomonidan Chevrolet Spark’ning bir qator kamchiligi sanab o‘tildi. Bu haqda Auto.mail nashri xabar bermoqda.

Ekspertning fikricha, Spark’ning yurish qismi nozik bo‘lib, yaxshi yo‘llarda 80 – 100 ming km xizmat qiladi. yomon yo‘llarda sharovoylar, tayanch podshipniklar, amortizatorlar va ShRUSlar tezda ishdan chiqadi. Orqa prujinalar esa vaqt o‘tishi bilan cho‘kadi.

Rul mexanizmi zaif bo‘lib, sovuq va sho‘r iqlimda chiqarilgan gaz tizimi qismlari tezda zanglaydi. 1,0 litrli B10D1 dvigateli oddiy. Bo‘sh yurish regulyatori, termostat va yondirish rulonlari muammoli ishlaydi. Dvigatel shamlarni almashtirish uchun havo filtri va havo quvurlarini olib tashlash kerak.

Shuningdek, turbodvigatel va robotlashtirilgan uzatmalar qutisi...

Angren shahrida Damasdan maktab o‘quvchilari bitiruv kechasi uchun pul o‘g‘irlagan. Bu haqda Toshkent viloyati Ichki ishlar bosh boshqarmasi xabar berdi.

2025-yil 16-apreldan 17-aprelga o‘tar kechasi Angren shahri Nurchi mahallasida Damas avtomobilidan pul o‘g‘irlangani yuzasidan surishtiruvlar olib borilgan.

Jinoyat 15 – 17 yoshdagi to‘rt nafar maktab o‘quvchisi tomonidan sodir etilgani aniqlanib, protsessual tartibda ushlangan.

Dastlabki tergovda o‘quvchilar pulni bitiruv kechasi uchun sarflashni rejalashtirganini bildirgan. Bu holat yuzasidan jinoyat ishi qo‘zg‘atilgan.

Eslatib o‘tamiz, avvalroq «Kursiv» maktab o‘quvchilariga ofitsiant yoki yuk tashuvchi sifatida ishlashga ruxsat berilishi mumkinligini ma’lum qilgandi.

Xitoyning Hongqi kompaniyasi tomonidan yangi H9 2025 avtomobili taqdim etildi. Bu haqda ITHome nashri xabar bermoqda.

Model yangilangan komplektatsiyalar va 2,0 hamda 3,0 litrli turbomotorlar bilan taklif etiladi. Yangi H9 20 dyuymli disklari va run-flat shinalari bilan jihozlangan. Uning Luxury Business Edition va Private Fashion Edition versiyalari mavjud. Ular g‘ildirak disklari dizayni bilan farqlanadi.

Avtomobil Lizun Lighting Package yoritish tizimiga ega. Unga Dream Wings va Beidou Wings optik funksiyalari kiradi. Faralar avtomatik uzoq-yaqinni almashtirishga qodir. Orqa o‘rindiqlar qismida yig‘iladigan stol mavjud. Uch qavatli orqa oynalar issiqlik, shovqin va maxfiylikni ta’minlaydi.

3,0 litrli motor 340 ot kuchi va 445 N·m...

Xiaomi kompaniyasi yangi Xiaomi YU7 elektromobilining texnik xususiyatlarini taqdim etdi. Bu haqda ITHome xabar bermoqda.

U 681 ot kuchiga ega bo‘lib, 100 km/soat tezlikka 3,23 soniyada erishadi. Avtomobil 620 km masofani 15 daqiqalik quvvat bilan bosib o‘tadi. YU7 modeli 4999×1996×1608 mm o‘lchamlari va 3000 mm g‘ildirak bazasiga ega.

Modelning asosiy rangi – zumrad-yashil, jami 9 xil rangda taqdim etiladi. Avtomobilda UWB texnologiyasi yordamida avtomobil egasini tanib, eshiklarni avtomatik ochish xususiyati mavjud.

Salonda Nappa terisi bilan qoplangan o‘rindiqlar va 10 nuqtali massaj funksiyasi mavjud. Orqa o‘rindiqlar orqa suyanchiqlari 100° dan 135° gacha sozlanadi. «Osmondagi ekran» deb nomlangan...

2025-yilning aprel oyida BYD kompaniyasi Yevropada 7231 dona elektromobil sotgan. Bu o‘tgan yilga nisbatan 169% ko‘p. Bu haqda Bloomberg nashri xabar berdi.

Tesla’ning esa elektromobil savdosi 49 foizga kamayib, 7165 dona avtomobilni tashkil qildi. Natijada BYD aprel oyida eng ko‘p sotilgan elektromobil brendlari o‘ntaligiga kirgan bo‘lsa, Tesla 11-o‘ringa tushib qoldi.

«Bu kichik ko‘rinadigan farq aslida juda katta ahamiyatga ega. Chunki Tesla yillar davomida bozorda yetakchi edi», – deydi Jato Dynamics analitigi Felipe Munyos.

Aprel oyidagi eng ko‘p sotilgan elektromobillar ro‘yxatida Volkswagen (23 514 dona), BMW (14 867) va Skoda (13 598) yetakchilik qildi. O‘ntalikda...

Kuchli shamol sababli Toshkentda simlar uzilishi, daraxtlar qulash xavfi va havoda chang miqdorining ortishi mumkin. Shu munosabat bilan shahar hokimligi aholiga quyidagi tavsiyalarni beradi:

Favqulodda holatlarda quyidagi raqamlarga murojaat qiling: 1050, 1055, (71) 212-69-80, (71) 212-69-82.

Avvalroq «Kursiv» nashri 23-may kuni kutiladigan ob-havo haqida yozgandi.

Qashqadaryo viloyatida «Jihodchilar» nomli diniy ekstremistik oqimning yashirin guruhi fosh etildi. Davlat xavfsizlik xizmati va Ichki ishlar organlari tomonidan o‘tkazilgan tezkor tadbirlar natijasida guruhning 8 nafar a’zosi qo‘lga olindi.

Ma’lum qilinishicha, ushbu jamoani avval bir necha bor sudlangan, o‘ta xavfli retsidivist tashkil etgan. U 1964 – 1986-yillarda tug‘ilgan fuqarolarni jalb qilgan holda noqonuniy diniy yig‘inlar o‘tkazib kelgan. Ularning faoliyati davomida «halifalik» tuzish g‘oyalari muhokama qilingan va ijtimoiy tarmoqlarda ekstremistik audio-video materiallar tarqatilgan.

Guruh a’zolarining to‘rt nafari ilgari ham jinoiy javobgarlikka tortilgan bo‘lishiga qaramay, xulosa chiqarmagani ta’kidlandi.

Qarshi tumani sudi tomonidan ularga nisbatan Jinoyat kodeksining 159, 244¹ va 244²-moddalari asosida...

OpenAI, Nvidia, Oracle, SoftBank, Cisco hamda BAAning G42 kompaniyasi Abu-Dabida yangi sun’iy intellekt (SI) infratuzilmasi – Stargate UAE qurilishini e’lon qildi. Bu haqda CNN axborot agentligi ma’lum qildi.

Loyiha AQShdagi shunga o‘xshash tashabbusning xalqaro davomidir va 2026-yilda 200 megavattli SI klaster ishga tushiriladi.

OpenAI rahbari Sam Altman bu tashabbus sun’iy intellekt orqali xavfsiz dori, shaxsiy ta’lim va zamonaviy energiya kabi yutuqlarni dunyoning ko‘proq hududlariga olib chiqishga xizmat qilishini ta’kidladi. Nvidia esa loyiha orqali BAAning raqamli kelajagi qurilayotganini aytdi.

Markaz 5 gigavatt quvvatga ega bo‘lgan yangi ma’lumotlar markazi doirasida faoliyat yuritadi. Mazkur loyiha AQSh va BAA hamkorligida amalga oshirilmoqda va...

Honor kompaniyasining yangi flagman smartfoni — Honor 400 Pro foydalanuvchilarga 2031-yilgacha operatsion tizim va xavfsizlik yangilanishlarini va’da qilmoqda. Bu haqda 4pda nashri ma’lum qildi.

Bu Google bilan kengaytirilgan hamkorlik doirasidagi ilk natijalardan biri bo‘lib, qurilma SI funksiyalari va video generatsiyasi imkoniyatlari bilan ajralib turadi.

Honor 400 Pro texnik jihatdan ham kuchli:

Galaxy Z Flip 7 kompaniya tarixida ilk bor 3 nanometrli Exynos 2500 chipi bilan taqdim etilishi kutilmoqda. Bu haqda Gadgets360 xabar berdi.

Bu chip avval Galaxy S25 modelida ishlatilishi kerak edi, biroq ishlab chiqarishdagi murakkabliklar sabab kechiktirilgan. Endi esa aynan Flip 7’da debyut qilishi rejalashtirilmoqda.

3.3GHz chastotada ishlaydigan 10 yadroli CPU, Xclipse 950 grafik protsessori va 16MB L3 keshga ega Exynos 2500 chipi — Samsung’ning ikkinchi avlod 3nm texnologiyasida ishlab chiqilgan.

Manbalarga ko‘ra, yangi Flip 7 faqat ayrim bozorlarda, jumladan, Hindiston va Janubiy Koreyada aynan shu chip bilan taqdim etiladi. Shu bilan birga, arzonroq Galaxy Z Flip...

AQSh Ichki xavfsizlik vazirligi Garvard universitetining xorijiy talabalarni o‘qitish va talaba almashinuvi dasturlarini amalga oshirish huquqini beruvchi sertifikatini bekor qildi. Bu haqda BBC nashri xabar berdi.

Ichki xavfsizlik vaziri Kristi Noemning ma’lum qilishicha, universitetning SEVP (Student and Exchange Visitor Program) dasturi bo‘yicha sertifikatining amal qilish muddati tugagan. Bu esa Garvard endi F va M vizalari asosida xorijiy talabalarni qabul qila olmasligini bildiradi.

Rasmiy ma’lumotlarga ko‘ra, o‘tgan o‘quv yilida Garvardda 7 mingga yaqin xorijiy talabalar tahsil olgan, bu universitetdagi umumiy talabalar sonining 27,2 foizini tashkil etadi.

Endi Garvardda tahsil olayotgan xorijiy talabalar AQShda qolishni istasalar, boshqa sertifikatlangan universitetga o‘tishlari shart...

Fransiyalik fermer Mishel Dyupon o‘z yeridan 150 tonna oltin topdi. Bu haqda Buyuk Britaniyaning Mirror nashri xabar bermoqda.

Fermerning ta’kidlashicha, o‘zining maydonida yer kovlayotgan paytda yaltiragan narsani ko‘rib qolgan. U chuqurroq qaziganidan so‘ng yerostidan oltin yombilarini topganini aytgan.

Dastlabki baholarga ko‘ra, yerostida taxminan 150 tonnaga yaqin oltin mavjud. Topilmaning umumiy qiymati 3 mlrd funt sterling (4 mlrd yevro) deb hisoblanmoqda.

«Qo‘limda tutganimga ishonolmadim», – deydi Dyupon jurnalistlarga bergan intervyusida.

Topilmadan so‘ng Fransiya hukumati zudlik bilan vaziyatga aralashgan. Amaldagi qonunga ko‘ra, yerdan topilgan oltin davlat mulki hisoblanadi. Hukumat oltinni musodara qilgan va fermerga...

2025-yil 1-iyuldan boshlab O‘zbekistonning barcha davlat tibbiyot muassasalarida maxsus ko‘nikmalarni talab qiladigan davolash choralarini bajargan hamda xavfli amaliyotlarni samarali bajargan shifokorlar uchun 25 foizdan 100 foizgacha ustama to‘lanadi.

«Elektron sog‘liqni saqlash» tizimi joriy etiladi:

Shuningdek, «Tibbiyotda 90 kunlik o‘zgarishlar» dasturi doirasida 2025-yil 1-iyundan quyidagi muammolarga tezkor yechimlar ko‘zda tutilmoqda:

Samsung kompaniyasi tomonidan Galaxy S24, S24+ va S24 Ultra modellari uchun yangi yangilanish taqdim etildi. Bu haqda Sammobile nashri ma’lum qildi.

May oyiga mo‘ljallangan bu xavfsizlik yangilanishi bir nechta muhim tuzatishlarni o‘z ichiga oladi. Ushbu yangilanish Android 15 asosidagi One UI 7.0 tizimi uchun chiqarilgan.

U Android tizimida aniqlangan o‘nlab zaifliklarni bartaraf etadi. Shuningdek, Samsung Exynos chiplaridagi zaifliklar ham tuzatilgan. U One UI dasturiy ta’minotida aniqlangan 20 ta zaiflik ham bartaraf etilgan.

Yangilanish hozirda AQShda barcha foydalanuvchilar uchun tarqatilmoqda. Foydalanuvchilarga yangilanishni iloji boricha tezroq o‘rnatish tavsiya etiladi. Yangilanish qurilmalarning xavfsizligini oshirishga qaratilgan.

Eslatib o‘tamiz, Kursiv Uzbekistan Samsung Galaxy...

Sankt-Peterburgda bo‘lib o‘tgan XI Nevsky xalqaro ekologik kongressida Rossiya Federal Suv resurslari agentligi rahbari Dmitriy Kirillov O‘zbekiston bilan hamkorlikda 30 – 50 yilga mo‘ljallangan suv balansini hisoblash ishlari olib borilayotganini ma’lum qildi. Bu haqda Tass xabar berdi.

Hisob-kitoblar muzliklarning erishi va suv resurslariga ta’sirini inobatga olgan holda amalga oshiriladi. Kirillovning ta’kidlashicha, O‘zbekiston bu masalaga jiddiy e’tibor qaratmoqda va mutaxassislar o‘zaro hamkorlikda ishlamoqda.

U, shuningdek, Orol dengizi bilan bog‘liq suv muammolarini hal qilish uchun professional yondashuv bilan birga siyosiy konsensus ham zarurligini qayd etdi.

Eslatib o‘tamiz, avvalroq Xorazmda ichimlik suvi narxi 1000 so‘mga oshgani haqida xabar bergan edik.

Chevrolet kompaniyasi 2026-yil uchun yangi Silverado EV Trail Boss modelini taqdim etdi. Bu haqda Theverge nashri xabar bermoqda.

Model to‘liq elektr harakatlantiruvchiga ega va 769 kmgacha yurish imkonini beradi. Trail Boss yo‘ltanlamas yurishlar uchun 5 sm balandlashtirilgan osma tizim bilan jihozlangan. Avtomobil 35 dyuymli off-road shinalar va 18 dyuymli g‘ildiraklarga ega bo‘ladi.

Sidewinder rejimi to‘rt g‘ildirakni bir yo‘nalishda burib, manevrni osonlashtiradi. Shuningdek, Terrain rejimi past tezlikda to‘liq nazoratni ta’minlaydi. Elektromotor 725 ot kuchi ishlab chiqaradi. Model 952 kggacha yukni ko‘tarishi, 5669 kg yukni tortib borishi mumkin.

Salon 17,7 dyuymli sensorli ekran va 11 dyuymli raqamli displey bilan jihozlangan...

2025-yil 1-iyuldan boshlab 15 ta tuman va shaharda, 2026-yil 1-yanvardan esa butun Samarqand viloyatida sog‘liqni saqlashni tashkil etishning yangi usuli – tajriba-sinov loyihasi amalga oshiriladi.

Prezidentning tegishli qaroriga muvofiq, mavjud tuman (shahar) tibbiyot birlashmalari negizida yangi tuman (shahar) sog‘liqni saqlash bo‘limlari tashkil etiladi. Bu bo‘limlar aholiga birlamchi tibbiy-sanitariya yordamining sifati va samaradorligini oshirishga qaratilgan boshqaruv markaziga aylanadi.

Asosiy o‘zgarishlar:

Avvalroq Kursiv Uzbekistan...

OpenAI o‘zining API xizmatlarini sezilarli darajada yangilab, sun’iy intellektga asoslangan ilovalarni yaratishni ancha osonlashtirdi. Bu haqda VentureBeat nashri ma’lum qildi.

Yangilanish doirasida Model Context Protocol (MCP) joriy qilinib, AI modellarini Stripe, Shopify va Twilio kabi xizmatlarga oddiy kod bilan ulash imkoniyati paydo bo‘ldi.

Bundan tashqari, GPT-4o asosidagi rasm generatori va Code Interpreter ham joriy qilindi. Bu vositalar yordamida foydalanuvchilar tasvirlar yaratish, kod tahlili va murakkab hisob-kitoblarni bajarish imkoniyatiga ega bo‘ladi.

Yangi funksiyalar orasida fayllarni ko‘pvektorli asosda qidirish, shifrlangan mulohazalar, fon rejimi va Zero Data Retention siyosatiga moslik kabi imkoniyatlar ham bor. Narxlar esa avvalgidek saqlanib qolgan: masalan, Code Interpreter...

Eron tashqi ishlar vaziri Abbos Araqchi bayonot berishicha, agar Isroil Eron yadroviy inshootlariga hujum uyushtirsa, AQSh ham bu hujum uchun huquqiy javobgarlikka tortiladi. Bu haqda Reuters axborot agentligi ma’lum qildi.

Vazirning BMT Bosh kotibiga yo‘llagan maktubida Tehron har qanday tahdidga qat’iy javob qaytarishini bildirgan. U AQShni ehtimoliy hujumda «ishtirokchi» deb hisoblashini, zarurat tug‘ilsa, Eron yadroviy obyektlarini himoya qilish uchun maxsus choralar ko‘rishini ta’kidladi.

Ayni vaqtda Eron va AQSh Rimda yadroviy muzokaralarning navbatdagi bosqichini o‘tkazmoqda. Muzokaralarda asosiy tortishuv uran boyitish masalasi bo‘lib qolmoqda. AQSh bu jarayonni to‘xtatishni talab qilmoqda, Eron esa bunga rozi emas.

Eron Inqilobiy gvardiyasi esa alohida bayonotida...

Shavkat Mirziyoyev rasmiy tashrif bilan Sloveniya poytaxti Lyublyanada bo‘lib, Sloveniya prezidenti Natasha Pirs Musar bilan birgalikda ikki davlat ishbilarmonlari ishtirokidagi biznes forumda qatnashdi. Bu haqda davlat rahbari matbuot xizmati ma’lum qildi.

Mazkur tadbirda O‘zbekiston va Sloveniyaning 100 dan ortiq yetakchi sanoat va savdo kompaniyalari vakillari ishtirok etdi. Sloveniya tomonini «KRKA», «Duol», «Riko» kabi mashhur korxonalar vakillari namoyon qildi.

Mirziyoyev o‘z nutqida forum davomida erishilgan kelishuvlar O‘zbekiston-Sloveniya aloqalarida yangi bosqich boshlab berganini ta’kidladi. Savdo hajmini 500 mln yevroga yetkazish, farmatsevtika, elektrotexnika, oziq-ovqat sanoati, «yashil» energetika kabi sohalarda qo‘shma loyihalarni yo‘lga qo‘yish rejalashtirilmoqda.

Shuningdek, Sloveniya porti orqali yuk tashish va ikki...

21-may kuni Shimoliy Koreyada yangi 5 ming tonnalik harbiy kemaning suvga tushirilishi vaqtida yirik halokat sodir bo‘ldi. Bu haqda Reuters axborot agentligi ma’lum qildi.

Unga ko‘ra, voqea paytida mamlakat rahbari Kim Chen In ham ishtirok etgan. U hodisani «jinoyat darajasidagi beparvolik» deb baholab, bu milliy sha’nni yerga urganini ta’kidladi.

Kemaning yon tomondan suvga tushirilishi vaqtida muvozanat yo‘qolgan va pastki qismlari shikastlangan. Rasmiy KCNA agentligining xabar berishicha, Kim kemani zudlik bilan tiklashni buyurgan. Halokat Chonjin portida, ko‘plab odamlar ko‘z o‘ngida yuz bergani taxmin qilinmoqda.

Janubiy Koreya harbiylariga ko‘ra, kema hozirda suvda yonboshlab yotibdi. Voqea bilan bir vaqtning o‘zida port yaqinidan...