Yangiliklar

Hongqi kompaniyasi yangi modelining nomini 2025-yil noyabrda bo‘lib o‘tadigan Guanchjou avtosalonida e’lon qiladi. Bu haqda CarNewsChina xabar bermoqda.

Umumxalq tanlovi doirasida 310 mingdan ortiq kishilar qatnashgan, 67 mingdan ziyod nom variantlari taqdim etilgan. Ulardan 10 tasi finalga chiqqan bo‘lib, 8 – 31-oktabr kunlari ommaviy ovoz berish bosqichi o‘tkazilmoqda. Yakuniy natija avtosalon ochilishida ma’lum qilinadi.

Mazkur model ilk bor 2025-yil 23-aprel kuni Shanxay avtosalonida namoyish etilgan. Modelning kvadrat shaklli dizayni, dumaloq chiroqlari va katta qora panjarasi uni klassik yo‘ltanlamas avtomobillarni eslatadi. Dizaynerlar kuzovdagi ayrim elementlar Xitoy yog‘och me’morchiligidagi uslubidan ilhomlanib yaratilganini aytishmoqda.

Yangi model kompaniyaning birinchi maxsus yo‘ltanlamas avtomobili bo‘ladi...

14-noyabr kuni Toshkentdagi «Humo Arena» majmuasida yirik professional boks kechasi oʻtkaziladi. Turnir Lift Promotions va Matchroom Boxing kompaniyalari hamkorligida tashkil etiladi.

Musobaqa doirasida oʻzbekistonlik bokschilar — Lazizbek Mullajonov, Shahram Gʻiyosov, Aloxon Abdullayev, Suhrob Qayumov va Ozodbek Aliyev ringga chiqishadi.

Kechada Lazizbek Mullajonov WBC kamari uchun bahs olib boradi. Mullajonov professional faoliyatida hozirgacha 6 ta jang oʻtkazib, ularning barchasida gʻalaba qozongan.

Shuningdek, Shahram Gʻiyosov rossiyalik raqibi Mark Urvanov bilan toʻqnash keladi. Aloxon Abdullayev va Suhrob Qayumov oʻrtasidagi jang ham oʻzbekistonlik muxlislar uchun alohida qiziqish uygʻotadi.

Tadbirga ogʻir vazn toifasida mutlaq jahon chempioni Oleksandr Usik hamda ikkinchi oʻrta vazn toifasida...

Dushanbe shahrida elektrosamokatlar, elektroskuterlar va boshqa individual transport vositalari (davlat ro‘yxatidan o‘tganlari bundan mustasno) bilan shahar avtomobil yo‘llari va piyodalar hududlarida harakatlanish 2030-yilgacha taqiqlanadi. Bu haqda Dushanbe shahar IIB boshqarmasi xabar bermoqda.

Mazkur qaror elektrotransport vositalarining tartibsiz ishlatilishini kamaytirish, ularning ishtirokida sodir bo‘layotgan yo‘l-transport hodisalarini qisqartirish maqsadida qabul qilingan. Shu orqali yo‘l harakati ishtirokchilarining huquq va xavfsizligini ta’minlash ko‘zda tutilgan.

Taqiq maxsus ajratilgan joylardan tashqari barcha jamoat yo‘llarida amal qiladi va u zarur infratuzilma yaratilgunga qadar davom etadi.

Shuningdek, voyaga yetmagan bolalar ota-onalariga, bolalarni nazoratsiz qoldirmaslik va taqiqlangan transport vositalaridan foydalanmaslik qat’iy tavsiya etilgan.

Eslatib o‘tamiz, Kursiv Uzbekistan 1-oktabr...

Geely kompaniyasi tomonidan Geely EX5 elektromobili Buyuk Britaniya bozorida taqdim etildi. Bu haqda CarNewsChina xabar bermoqda.

Ushbu modelning Britaniya bozoridagi boshlang‘ich narxi 31 990 funt sterlingni (taxminan $43 ming) tashkil etadi. U Hyundai Ioniq 5 va Skoda Enyaq modellari bilan raqobatlashadi.

EX5 modeli 160 kVt (215 ot kuchi) quvvatga ega elektromotor va 60,2 kVt·soat sig‘imli LFP batareyasi bilan jihozlangan bo‘lib, 267 mil (taxminan 430 km) masofani bosib o‘tadi.

Xitoyda bu model Galaxy E5 nomi bilan 2024-yil avgustida savdoga chiqqandi. U qisqa muddatda Geely’ning eng ko‘p sotilgan avtomobillaridan biriga aylandi. Xitoyda u 107 800 yuan (taxminan $15 140) narxda taklif...

Rossiya musulmonlari diniy boshqarmasi huzuridagi Ulamolar kengashi musulmon shaxslarning kuryerlik faoliyati bo‘yicha yangi qaror chiqardi.

Qarorda aytilishicha, agar kuryer faqat halol mahsulotlarni — oziq-ovqat, kiyim-kechak, maishiy texnika, dori-darmon kabi tovarlarni tashiyotgan bo‘lsa, bu ish joiz hisoblanadi. Ammo spirtli ichimliklar, qimor o‘yinlariga oid buyumlar yoki cho‘chqa go‘shti kabi harom mahsulotlarni tashish qat’iyan man etiladi. Faqat ularni yo‘q qilish maqsadida tashish holatiga ruxsat beriladi.

Agar yuk tarkibida ham halol, ham harom mahsulotlar bo‘lsa, lekin halol qismi ko‘p bo‘lsa, kuryerlik qilishga ruxsat etiladi. Biroq bunday hollarda kuryer topgan daromadning harom qismiga to‘g‘ri keladigan miqdorini sadaqa sifatida berishi tavsiya etiladi.

Shuningdek, agar...

Oktabr oyi butun dunyo bo‘ylab an’anaviy ravishda ko‘krak bezi saratoniga qarshi kurash oyi sifatida o‘tkaziladi. Joriy yilda O‘zbekistonda mazkur oy «Erta aniqla – hayotni saqla» shiori ostida o‘tkazilmoqda.

Ushbu tashabbus prezident qaroriga muvofiq ishlab chiqilgan davlat dasturi asosida amalga oshirilmoqda. Uni Sog‘liqni saqlash vazirligi, prezident huzuridagi Strategik islohotlar agentligi hamda tibbiyot xodimlari, jamoatchilik tashkilotlari va yirik tadbirkorlik tarmoqlari hamkorlikda olib bormoqda. Bundan tashqari, tashabbus Yandex kompaniyasi hamkorligida va UNFPAning texnik ko‘magi bilan yo‘lga qo‘yilmoqda. Bir qator yirik tadbirkorlik tarmoqlari ham ushbu tashabbusni qo‘llab-quvvatlab, o‘z filiallarida axborot materiallarini joylashtirgan.

Loyihaning maqsadi ayollar o‘rtasida ko‘krak bezi va bachadon bo‘yni saratonini erta aniqlash...

Nissan kompaniyasi Leaf B7 modelining arzonroq versiyasi — Leaf B5 elektromobilini taqdim etdi. Model Yaponiya bozoridagi raqobatchilarga javob sifatida ishlab chiqilgan, deya xabar bermoqda Elektrek.

Leaf B5 2026-yil fevralda savdoga chiqadi. U 55 kVt·soat sig‘imli akkumulyator bilan jihozlanadi va kengroq xaridorlar uchun qulay narxda taklif etiladi.

Kattaroq Leaf B7 modeli uchun buyurtmalar 2025-yil 17-oktabrdan qabul qilinadi. U 78 kVt·soatli akkumulyator bilan 702 km masofani bosib o‘tadi. Tezkor zaryadlash tizimi batareyani 35 daqiqada 80 foizgacha to‘ldiradi.

Leaf’ning uchinchi avlodi energiya boshqaruvi va batareya sovitish tizimi bilan yangilangan. Salonida ikkita 12,3 dyuymli ekran mavjud. B7 versiyasi X va G komplektatsiyalarida...

9-oktabr kuni oltin quymalar narxi rekordni yana bir bor yangiladi. Bu haqda Markaziy bank axborot xizmati xabar berdi.

Regulyator xabariga ko‘ra, narxlar barcha toifadagi quymalar bo‘yicha o‘sdi. Xususan, 5 grammli quyma 7,921 mln so‘mdan 8,043 mln so‘mga, 10 grammli quyma 15,842 mln so‘mdan 16,085 mln so‘mga, 20 grammli quyma 31,684 mln so‘mdan 32,170 mln so‘mga ko‘tarildi.

Shuningdek, 50 grammli quyma 80,425 mln so‘m, 100 grammli esa 160,851 mln so‘mni tashkil etdi.

Jahon bozorida ham oltin narxi bir troya unsiyasi uchun $4 mingdan oshdi. Xususan, 9-oktabr kuni Toshkent vaqti bilan soat 11:07 holatiga ko‘ra, jahon bozorida oltinning spot narxi bir...

Honor kompaniyasi tomonidan taqdim etiladigan Honor Magic8 va Magic8 Pro smartfonlarining taqdimot sanasi e’lon qilindi. Qurilmalar 15-oktabr kuni Xitoyda rasman namoyish etiladi.

GSMArena nashri kompaniyaning Honor Magic8 Ultra modeli haqida ham ilk tafsilotlarni ma’lum qildi. Unga ko‘ra, smartfon uchta asosiy kameradan iborat tizimga ega bo‘ladi. Ulardan biri 200 megapikselli sensorli telefoto modul bo‘lib, asosiy modulda esa OmniVision sensori qo‘llanadi.

Ma’lumotlarga ko‘ra, Magic8 Ultra va Magic8 Mini modellarining taqdimoti 2026-yilda o‘tkaziladi. Taqdim etiladigan barcha modellar Snapdragon 8 Elite Gen 5 platformasida ishlaydi.

Honor haqida

Honor Xitoyning smartfon ishlab chiqaruvchi kompaniyasi bo‘lib, 2013-yilda Huawei’ning sho‘ba brendi sifatida tashkil etilgan. Brendning...

Audi kompaniyasi tomonidan 2028-yilda yangi Audi A4 E-tron elektromobili ishlab chiqariladi. Bu haqda Autocar nashri xabar berdi.

Yangi avlod A4 kompaniya tarixidagi eng katta burilishlardan biri sifatida baholanmoqda. Audi bosh direktori Gernot Dollnerning so‘zlariga ko‘ra, A4 E-tron kompaniyaning elektr transformatsiyasida asosiy o‘rin tutadi. Model butunlay yangi SSP platformasida yaratiladi. Bu Volkswagen konsernining kelajakdagi Golf, Skoda Octavia va Cupra SUV modellariga ham asos bo‘ladi.

Yangi A4 E-tron avvalgi A6 E-tron modelidan texnik jihatdan farq qiladi. U PPE emas, SSP platformasida ishlab chiqiladi. Avtomobilning yurish masofasi 800 kilometrgacha, quvvat olish tezligi esa 300 kVt.dan yuqori bo‘lishi kutilmoqda.

Top versiyada A4 E-tron...

Ekologiya vazirligi Davlat ekologik nazorat inspeksiyasi Samarqand viloyatining Bulung‘ur tumanida xorijiy korxonaning faoliyati bo‘yicha tekshiruv o‘tkazdi. Tekshiruvda korxona 11,3 gektar maydondagi lyossimon jinslarni noqonuniy qazib olgani aniqlangan.

Ma’lum bo‘lishicha, korxona 2024-yil 27-noyabrda geologik qidiruv ishlari uchun ruxsatnoma olgan, ammo qazib olish uchun tegishli ruxsatnomani rasmiylashtirmagan va auksion shartlariga rioya qilmagan. O‘lchovlar natijasida 50 859,25 m³ tuproq noqonuniy ravishda qazib olingani aniqlandi.

Aniqlangan qonunbuzarliklar O‘zbekiston Respublikasi «Tabiatni muhofaza qilish to‘g‘risida»gi va «Yer qa’ri to‘g‘risida»gi qonunlari talablarini buzgani qayd etildi. Hisob-kitoblarga ko‘ra, tabiatga yetkazilgan zarar miqdori 7,37 mln so‘mni tashkil qiladi.

To‘plangan hujjatlar holatga huquqiy baho berish va tegishli choralar ko‘rish...

O‘zbekistonning Monakodagi birinchi elchisi Nodir G‘aniyev knyaz Albert II ga ishonch yorliqlarini topshirdi. Bu haqda «Dunyo» axborot agentligi xabar berdi.

Marosim Monakoda 7-oktabr kuni bo‘lib o‘tgan. Suhbat chog‘ida knyaz O‘zbekistonda prezident Shavkat Mirziyoyev rahbarligida olib borilayotgan islohotlarni yuqori baholab, mamlakatning yashil energetika va ekologiya yo‘nalishidagi sa’y-harakatlarini e’tirof etdi.

Shuningdek, u O‘zbekistonni YUNESKO Bosh konferensiyasining 43-sessiyasiga mezbonlik qilayotgani bilan tabrikladi. Nodir G‘aniyev esa O‘zbekiston – Monako hamkorligini yanada mustahkamlash uchun faol ishlashini ta’kidladi.

Eslatib o‘tamiz, bundan oldin Nodir G‘aniyev O‘zbekistonning Fransiyadagi elchisi etib tayinlangan va 2024-yil sentabrida prezident Emmanuel Makronga ishonch yorliqlarini topshirgan edi. Diplomat shu yilning may oyidan...

Banklar 9-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi. 

Falastinning O‘zbekistondagi elchisi Javad Muhammad Avad diplomatik faoliyatini yakunladi. Bu haqda O‘zbekiston tashqi ishlar vaziri Baxtiyor Saidov ma’lum qildi.

Vazir elchining O‘zbekiston – Falastin munosabatlarini rivojlantirish va xalqlar o‘rtasidagi do‘stlikni mustahkamlash yo‘lidagi xizmatlari uchun minnatdorlik bildirdi.

«O‘zbekiston BMT rezolyutsiyalariga muvofiq, «ikki xalq uchun – ikki davlat» tamoyilini amalga oshirishning qat’iy tarafdori. Elchi janoblariga kelgusi faoliyatida muvaffaqiyatlar tilaymiz», — deydi Saidov o‘z rasmiy sahifasida.

Bundan oldin Isroil va Hamas G‘azoda tinchlik kelishuviga erishgani haqida xabar berilgandi. Hamas Qatar, Misr va Turkiya vositachilarining sa’y-harakatlarini e’tirof etdi va barcha tomonlarni kelishuv shartlariga rioya qilishga chaqirdi.

Ilon Mask boshchiligidagi X korporatsiyasi sobiq Twitter rahbarlari bilan $128 mlnlik kompensatsiya mojarosini hal etdi. Bu haqda Reuters agentligi ma’lum qildi.

Da’vo kompaniyaning sobiq bosh direktori Parag Agrawal, moliya direktori Ned Segal, yuridik maslahatchisi Vijaya Gadde va bosh yuriskonsulti Sean Edgett tomonidan kiritilgan edi.

San-Fransisko federal sudida e’lon qilingan kelishuv tafsilotlari oshkor etilmagan. Sud 1-oktabr kuni ishni yakuniy kelishuv rasmiylashtirilgunga qadar kechiktirdi.

Bu Mask va X korporatsiyasiga qarshi ochilgan yagona da’vo emas. Avvalroq kompaniya Twitterdagi ishdan bo‘shatilgan xodimlar bilan $500 mlnlik kompensatsiya bo‘yicha kelishuvga erishgan edi.

Da’vogarlar Mask ularni asossiz ravishda ishdan bo‘shatganini va va’da qilingan kompensatsiyani to‘lamaganini bildirdi...

Toshkent va Surxondaryo viloyatlarida ikki advokat pora olish holatida qo‘lga olindi. Bu haqda DXX matbuot xizmati ma’lum qildi.

Toshkent shahrida faoliyat yurituvchi advokat Piskent tumanida yashovchi fuqaroga nisbatan jinoyat ishini yengillashtirish evaziga $3,7 ming olgan paytda DXX va Bosh prokuratura departamenti xodimlari tomonidan ashyoviy dalillar bilan ushlandi. Unga nisbatan Jinoyat kodeksining 168-moddasi 3-qismi «a» bandi va 28, 211-moddasi 1-qismi bo‘yicha ish qo‘zg‘atildi.

Shuningdek, Surxondaryo viloyatining Denov tumanida faoliyat yurituvchi advokat ham fuqarodan 60 mln so‘m olayotganida qo‘lga olindi. U sud tizimidagi tanishlari orqali jinoyat ishida ayblanuvchiga yengil jazo tayinlashga va’da bergan.

Mazkur holat yuzasidan unga nisbatan Jinoyat kodeksining 168-moddasi...

Fransiya prezidenti Emmanuel Makron keyingi 48 soat ichida yangi bosh vazir tayinlashini e’lon qildi. Bu haqda Reuters agentligi xabar berdi.

So‘nggi ikki yildagi Fransiyaning beshinchi bosh vaziri bo‘lgan Sebastyan Lekornu dushanba kuni o‘zi va hukumatining iste’fosini ma’lum qildi. Bu qaror kabinet tarkibini e’lon qilganidan so‘ng bir necha soat ichida qabul qilindi.

Lekornu siyosiy yetakchilar bilan muzokaralar o‘tkazdi, ammo kelishuvga erisha olmadi. U yangi bosh vazir tez orada tayinlanishi mumkinligini aytdi. Ammo kim bo‘lishi mumkinligini ochiqlamadi va qaror Makronga bog‘liqligini ta’kidladi.

Makron kuchli siyosiy bosim ostida qolmoqda — undan iste’fo berish yoki muddatidan oldin parlament saylovlarini o‘tkazish talab qilinyapti. So‘l...

AQSh prezidenti Donald Tramp Isroil va Hamas o‘rtasida G‘azoda ikki yillik urushni tugatishga qaratilgan tinchlik rejasi bo‘yicha uzoq kutilgan kelishuvga erishilganini e’lon qildi. Bu haqda Reuters agentligi ma’lum qildi.

Isroil bosh vaziri Benyamin Netanyaxu kelishuvni «ahamiyatli kun» deb atadi. U hukumat yig‘ilishi orqali kelishuvni rasmiylashtirish va garovdagilarni uylariga qaytarishni rejalashtirmoqda.

Hamas Qatar, Misr va Turkiya vositachilarining sa’y-harakatlarini e’tirof etdi va barcha tomonlarni kelishuv shartlariga rioya qilishga chaqirdi.

BMT Bosh kotibi Antonio Guterrish kelishuvni qo‘llab-quvvatladi, garovdagilarni ozod qilish, doimiy to‘xtash va G‘azoga insonparvarlik yordamini yetkazishni zarur deb bildirdi.

Yangi Zelandiyaning tashqi ishlar vaziri Vinston Peters Hamas va Isroilni kelishuvni...

Transport harakati vaqtincha cheklangan Toshkent, ko‘mirni ortda qoldirgan qayta tiklanuvchi energiya manbalari — 8-oktabrda yuz bergan muhim hodisalar Kursv Uzbekistan dayjestida.

Toshkentda ayrim ko‘chalarda transport harakati vaqtincha cheklanadi

Poytaxtning Mirzo Ulug‘bek va Yashnobod tumanlari hududidan o‘tuvchi bir nechta ko‘chalarda yo‘l ta’mirlash ishlari olib boriladi. Bu haqda Toshkent shahri hokimligi axborot xizmati ma’lum qildi.

Xususan, Yangi O‘zbekiston ko‘chasi (Ohangaron shossesidan D012 avtomobil yo‘ligacha bo‘lgan qism), Jasorat ko‘chasi hamda Do‘stlik ko‘chalarida avtomobil yo‘lining yuqori qatlamiga PSHMA-20 turdagi asfalt-beton qoplamasi yotqiziladi.

Airbus A320 tarixdagi eng ko‘p yetkazib berilgan samolyotga aylandi

Airbus kompaniyasi o‘zining A320 samolyotlar oilasi bilan tarixiy natijaga...

9-oktabr kuni O‘zbekiston hududi bo‘ylab havo harorati kechasi 3–14° atrofida, kunduzi 16–30°gacha bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shavkat Mirziyoyev favqulodda vaziyatlarning oldini olish va ularni bartaraf etish tizimini takomillashtirish bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

Hozirda 30 dan ortiq qonun hujjatlari mavjud bo‘lsa-da, kompleks dastur yo‘q. Eski qonunlar, jumladan 16 yil oldin qabul qilingan «Yong‘in xavfsizligi to‘g‘risida»gi qonun ham eskirgan. Shu bois favqulodda vaziyatlarni oldindan baholab, tezkor va proaktiv ishlaydigan tizim yaratish vazifasi qo‘yildi.

Favqulodda vaziyatlarning 70 foizdan ortig‘i aholi xonadonlarida nosoz gaz va elektr jihozlari yoki xavfsizlik madaniyatiga rioya qilmaslik oqibatida yuzaga keladi. Shu sabab tizim ishini mahallalarga kengaytirish, xavfsizlik madaniyatini oshirish va har bir ko‘cha hamda xonadonni qamrab...

Italiyalik mutaxassis Fabio Kannavaro Kuvaytga qarshi o‘yin oldidan matbuot anjumanida ishtirok etdi. Bu haqda O‘FA ma’lum qildi.

U o‘zbekistonlik futbolchilar bilan ishlash davomida har bir uchrashuvning muhimligini ta’kidladi. Kannavaro futbolchilarga maksimal tayyorgarlik zarurligini, hattoki o‘rtoqlik o‘yinlarida ham maydonga tayyor holda chiqish lozimligini aytdi.

Murabbiy hozirgi yig‘inda eng yaxshi holatdagi futbolchilardan foydalanishini, hujumkor futbol tarafdori ekanini, ammo bu 90 daqiqa davomida doimiy hujumni anglatmasligini ma’lum qildi. Shu bilan birga, Turg‘unboyev va Eshmurodovni tarkibga chaqirish zarurligini ta’kidladi. Afsuski, ikki futbolchi ham jarohat olgan.

Kannavaro Timur Kapadze bilan hamkorlikda ish olib bormoqda va mahalliy mutaxassislar bilan ishlashda muammo yo‘qligini qayd etdi. U...

Shavkat Mirziyoyev elektrotexnika sanoatidagi rivojlanish va eksport salohiyatini oshirish bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, joriy yilning 9 oyida ishlab chiqarish hajmi 16,3% o‘sib, 34 trln so‘mga, eksport esa $970 mlnga yetdi.

Sohada yuqori qo‘shilgan qiymatli mahsulotlar ulushini oshirish, misni chuqur qayta ishlash va eksportni diversifikatsiya qilish dolzarb vazifa. Shu maqsadda mis xaridida chegirmalar, kredit foizlarining bir qismini qoplash, soliq va bojxona yengilliklari taqdim etilishi rejalashtirilgan.

Kelgusi yillarda mis ishlab chiqarish hajmi 250 ming tonnaga, 2030-yilga borib 500 ming tonnaga yetishi kutilmoqda. Yangi loyihalar asosida serverlar, sanoat elektronikalari, konditsionerlar, quyosh panellari...

SpaceX Falcon 9 raketasi 28 ta Starlink sun’iy yo‘ldoshini past Yer orbitasiga uchirdi. Uchirish Kaliforniyadagi Vandenberg bazasining SLC-4E maydonidan, soat 23:54 (Sharqiy vaqt) da amalga oshirildi, deya yozmoqda Space.

Uchirishda B1071 tezlatkichidan foydalanildi. Bu tezlatkich allaqachon 29-marta uchirilgan bo‘lib, kompaniya rekordiga yaqinlashdi (rekord — Booster 1067, 30 marta). Uchishdan 8,5 daqiqa o‘tib, birinchi bosqich ajralgach tezlatkich Tinch okeanidagi Of Course I Still Love You platformasiga muvaffaqiyatli qo‘ndirildi. Yuqori bosqich parvozni davom ettirdi va 28 ta Starlink sun’iy yo‘ldoshini belgilangan orbitaga chiqardi.

Ma’lumot uchun, Starlink — butun dunyo bo‘ylab yuqori tezlikda internet ta’minlash uchun mo‘ljallangan tizim bo‘lib, hozirda 8,5 mingdan...