Yangiliklar

Chery kompaniyasiga qarashli Exeed brendi yangi Exeed Exlantix E05 modelining rasmiy suratlarini e’lon qildi. Bu haqda CarNewsChina xabar bermoqda.

O‘rta o‘lchamdagi bu avtomobil oila uchun mo‘ljallangan. Global taqdimot sentabr oyida Myunxendagi avtosalonda bo‘lib o‘tadi.

Avtomobil yopiq old panjaraga, bosqichli faralarga va xromli bamperga ega. Tom qismida lidar, umumiy 12 ta radar o‘rnatilgan. Ular Horizon Robotics ishlab chiqqan HSD (Horizon Super Drive) haydovchiga yordam tizimini qo‘llab-quvvatlaydi. Tizim Journey 6P protsessorida ishlaydi.

HSD tizimi uch xil versiyada taklif etiladi:

Yandex kompaniyasi O‘zbekiston foydalanuvchilari uchun sun’iy intellektga asoslangan yangilangan qidiruv tizimini taqdim etdi. Endi Yandex Search o‘zbek tilida o‘qitilgan neyron tarmoqlarga tayanib ishlaydi. Bu haqda kompaniya «Kursiv» nashriga ma’lum qildi.

Bu tizim foydalanuvchilarga o‘zbek tilida berilgan so‘rovlarni yanada aniqroq tushunish, internetdagi kontentni tezda topish va sifatli tarjima qilish imkonini beradi.

Yangi tizimning eng muhim yangiligi — foydalanuvchi bergan savollarga qisqa, mazmunli va aniq javoblarni sun’iy intellekt yordamida shakllantirishi va ularni real vaqt rejimida chat orqali taqdim etishidir. Xizmat foydalanuvchining savoliga tayyor javobni qidiruv natijalarining yuqorisida chiqaradi. Savol noto‘liq yoki umumiy bo‘lsa, tizim uni aniqlashtirish uchun qo‘shimcha savollarni ham taklif qiladi.

Joriy yilning 26-iyul kuni Samarqand viloyatining Toyloq tumanida 33 yoshli xonanda Zebiniso Nosirova (taxallusi Zeboyi Jahon) o‘lik holda topildi. Bu haqda Milliy TV telekanalining «Millar» dasturida ma’lum qilindi.

Ma’lum bo‘lishicha, ayolning sobiq turmush o‘rtog‘i farzandlari bilan ko‘rishish uchun uning uyiga kelgan. Ular o‘rtasida kelib chiqqan janjal vaqtida erkak ayolni bo‘g‘ib qo‘ygan va u voqea joyida vafot etgan.

Rasmiy ma’lumotlarga ko‘ra, erkak 1992-yilda, ayol esa 1991-yilda tug‘ilgan. Ularning uch nafar farzandi bo‘lgan.

Bundan oldin Kursiv Uzbekistan taniqli bastakor Sultonali Rahmatov vafot etgani haqida ma’lum qilgandi.

O‘zbekistonning Vengriyadagi elchisi Oybek Shaxavdinov Vengriya davlat boshqaruvi va hududlarni rivojlantirish vaziri Tibor Navrachich bilan muzokara o‘tkazdi. Bu haqda «Dunyo» AA ma’lum qildi.

Uchrashuvda davlat boshqaruvi, raqamlashtirish, kadrlar tayyorlash va hududlararo hamkorlik sohalarida sheriklikni rivojlantirish masalalari ko‘rib chiqildi.

Vengriya tomoni tajriba almashish va qishloq hududlarini raqamlashtirish bo‘yicha qo‘shma loyihalarni amalga oshirishga tayyorligini bildirdi. Tomonlar muloqotni davom ettirish va amaliy hamkorlikni kengaytirish bo‘yicha kelishib oldi.

Eslatib o‘tamiz, avvalroq O‘zbekiston va Vengriya ichki ishlar sohasida hamkorlik qilish bo‘yicha muzokaralar o‘tkazgan edi.

Twitter (hozirgi X) asoschilaridan biri Jek Dorsi tomonidan Bluetooth orqali ishlovchi yangi Bitchat ilovasi ishga tushirildi. Uni App Store’dan yuklash mumkin.

Ilova internet, telefon raqami yoki elektron pochta talab qilmaydi. Foydalanuvchilar o‘zaro bevosita Bluetooth orqali bog‘lanadi. Bitchat ochiq kodli platforma bo‘lib, maxfiylikka alohida e’tibor qaratilgan. Ilova serverlarga, akkauntlarga yoki foydalanuvchi ma’lumotlariga ehtiyoj sezmaydi.

Ilovani ishga tushirganingizda sizga tasodifiy laqab beriladi. Boshqa foydalanuvchilar bilan aloqa o‘rnatish uchun ularning sizga yaqin joyda bo‘lishi kifoya.

Muloqot to‘liq shaxsiy va shifrlangan. «Panik rejimi» funksiyasi orqali faqat uch marta bosish bilan barcha ma’lumotlarni tezda o‘chirish mumkin.

Hozircha ilova faqat iOS qurilmalari uchun mavjud. Foydalanuvchilar...

Andijonda yashovchi fuqaro xalqaro terrorchilik tashkilotlari ta’siriga tushib, ularning g‘oyalarini targ‘ib qilgani uchun qamoq jazosiga hukm qilindi. Bu haqda Davlat xavfsizligi xizmati ma’lum qildi.

1997-yilda tug‘ilgan fuqaro 2023-yildan boshlab «Tavhid va jihod katibasi» terrorchilik tashkilotining ekstremistik g‘oyalarini qo‘llab-quvvatlab, «jihod» va «shahidlik»ni targ‘ib qiluvchi materiallarni ijtimoiy tarmoqlarda tarqatgan. U tashkilot a’zolari bilan doimiy aloqada bo‘lib, qurolli to‘qnashuvlarda qatnashishni rejalashtirgan.

Shuningdek, u 2023 – 2024-yillar davomida kriptovalyuta va bank kartalari orqali 2912 AQSh dollari va 4 mln 190 ming so‘m mablag‘ni ushbu tashkilotga yuborgan.

U ikki marotaba Turkiyaga borgan, keyinchalik Eron orqali Afg‘onistonga o‘tib, yana bir terrorchilik tashkiloti – «Islom jihodi ittihodi...

UFC rasmiy xabariga ko‘ra, 26-iyul kuni Abu-Dabida bo‘lib o‘tgan UFC on ABC 9 turniri natijalariga asoslangan yangi reyting e’lon qilindi. Unda o‘zbekistonlik jangchi Bogdan Guskov yarim og‘ir vazn toifasida ilk bor kuchli o‘nlikdan joy oldi.

Guskov musobaqaning ilk raundidayoq rossiyalik Nikita Krilovni texnik nokaut bilan mag‘lub etib, uch pog‘ona yuqoriladi va 10-o‘ringa ko‘tarildi. Shu bilan birga, mag‘lubiyatga uchragan Krilov reytingda ikki pog‘onaga pastlab, 12-o‘rinni egalladi.

Turnirning yana bir markaziy jangida niderlandiyalik Renye de Ridder o‘rta vazn toifasida avstraliyalik Robert Uittakerni hakamlar qarori bilan mag‘lub etdi. Bu g‘alaba de Ridderga sakkiz pog‘ona yuqorilash imkonini berib, 5-o‘rindan joy oldi. Uittaker esa...

Rossiyaning Kamchatka yarimoroli yaqinida sodir bo‘lgan 8,7 magnitudali zilzila ortidan sunami yuzaga keldi. Bu 1952-yildan beri kuzatilgan eng kuchli zilzila bo‘ldi. Bu haqda TASS nashri xabar berdi.

Zilzila tafsilotlari

Bugun, 30-iyul kuni Kamchatkada mahalliy vaqt bilan soat 12:00 atrofida (Toshkent vaqti bilan 07:00) kuchli zilzila qayd etildi. Dastlab zilzila 7,1 magnitudali deb baholandi. Biroq Rossiya Fanlar akademiyasining Yagona geofizika xizmati ma’lumotlariga ko‘ra, ayrim manbalarda magnituda 8,7 ga yetgan.

Zilzila epitsentri Petropavlovsk-Kamchatskiy shahridan 149 km janubi-sharqda, 17 km chuqurlikda joylashgan. Yer silkinishi 7-8 ballik kuch bilan sezilgan. Uzoq davom etgan tebranishlar ortidan magnitudasi 5,1-5,8 oralig‘ida bo‘lgan takroriy zilzilalar ham...

ITHome xabariga ko‘ra, 2025-yil 28-iyul kuni iQOO kompaniyasi iQOO Z10 Turbo+ modelining yaqin orada taqdim etilishini e’lon qildi.

Qurilma uchun oldindan buyurtmalar boshlangan. Shuningdek, bloger qurilma haqida ba’zi dizayn tafsilotlarini ham oshkor qildi. Z10 Turbo+ yuqori chap burchakda joylashgan ikkita kamera, matritsali linza va halqa chaqnoq dizayniga ega bo‘ladi. Qurilmaning burchaklari yumaloq, umumiy tashqi ko‘rinishi avvalgi avlodga o‘xshash bo‘lib qoladi.

Eng diqqatga sazovor jihati – 8000 mA·soat sig‘imli batareyadir. Bu yuqori sig‘imli batareya -20°C sovuq muhitda ham xavfsiz ishlashga mo‘ljallangan. Qurilmaning qalinligi 8 mm atrofida bo‘ladi. Mahsulot menejerining so‘zlariga ko‘ra, Z10 Turbo+ o‘z sinfida «eng kuchli» deb ataluvchi...

Apple birinchi marta Xitoyda o‘zining rasmiy do‘konini yopmoqda. Dalyanda joylashgan Apple Store 9-avgustdan boshlab faoliyatini to‘xtatadi, deb xabar bermoqda TASS.

Ushbu do‘kon 2015-yilda ochilgan bo‘lib, Shimoli-Sharqiy Lyaonin provinsiyasidagi ikkinchi Apple savdo nuqtasi edi. Yopilish sabablari hozircha oshkor qilinmagan.

Bu qaror Apple’ning 2025-yil 2-chorakdagi moliyaviy hisobotlari fonida e’lon qilindi. Garchi kompaniya umumiy daromadini oshirgan bo‘lsa-da, Xitoydagi savdo 2 foizga pasayib, $16 milliardni tashkil etdi.

IDC tahlillariga ko‘ra, Xitoy bozorida Huawei birinchi o‘ringa chiqdi, Apple esa beshinchi pog‘onaga tushib ketdi. Bu esa kompaniyaning Xitoydagi pozitsiyasini qayta ko‘rib chiqishga majbur qilayotganga o‘xshaydi.

Eslatib o‘tamiz, avvalroq Apple reklamasida mushukni «yo‘q qilish» orqali yangi...

Samsung kompaniyasining yangi Galaxy Z Fold7 smartfoni nihoyatda mustahkam ekrani bilan ajralib turadi. Bu haqda Android Authority nashri xabar berdi.

Kompaniya ma’lumotiga ko‘ra, qurilmaning bukiladigan ekrani 500 ming martagacha buklanishga bardosh bera oladi. Samsung Display esa bu borada qo‘shimcha tafsilotlarni taqdim etdi.

Unga ko‘ra, ekran 60 daraja issiqlikda 300 ming marta, -20 daraja sovuqda esa 60 ming marta buklash sinovidan muvaffaqiyatli o‘tgan.

Bir qarashda 60 ming buklash kamdek tuyulishi mumkin. Biroq kuniga 40 marta buklangan taqdirda ham bu ko‘rsatkich to‘rt yildan ortiq foydalanish imkonini beradi.

Demak, Galaxy Z Fold7 nafaqat issiq iqlimda, balki qattiq sovuq sharoitlarda ham ishonchli ishlashga...

Banklar 30-iyul kungi xorijiy valyutalarni sotib olish va sotish kurslarini yangiladi. Kursiv Uzbekistan nashri eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan 29-iyul kuni dollar kursi 14,33 so‘mga pasayib, 12 500,01 so‘mni qayd etgani haqida yozgan edi. Shuningdek, Markaziy bank ma’lumotlariga ko‘ra, yevro 129,22 so‘mga tushib, 14 471,26 so‘mni, rubl esa 4,45 so‘mga pasayib, 151,96 so‘mni tashkil qildi.

Xitoy va AQSh o‘rtasida Stokgolmda o‘tgan ikki kunlik savdo muzokaralari yakuniga yetdi. Tomonlar 12-avgustdan kuchayishi kutilayotgan bojxona tariflarini oldini olish bo‘yicha kelishuvga erisha olmadi, deya xabar bermoqda CNN.

AQSh Moliya vaziri Skott Bessent va savdo vakili Jeymison Grir muzokaralarni «konstruktiv» deb baholab, Tramp yakuniy qarorni yaqin kunlarda qabul qilishini bildirdi. Xitoy ham tarif tanaffusini uzaytirish tarafdori ekanini ma’lum qildi.

May oyidagi vaqtinchalik kelishuvga ko‘ra, Xitoy AQSh mahsulotlariga tarifni 125% dan 10% gacha, AQSh esa Xitoy mahsulotlariga 145% dan 30% gacha tushirgandi. Kelishuv yangilanmasa, bu raqamlar yana oshishi mumkin.

Shuningdek, muzokaralarda Xitoyning Rossiyadan sanksiyalangan neft xaridi, kamyob yer metallariga bo‘lgan cheklovlar...

Shanxayda bo‘lib o‘tgan Jahon sun’iy intellekt konferensiyasida Xitoy bosh vaziri Li Syan sun’iy intellektni tartibga solish bo‘yicha xalqaro qoidalarni ishlab chiqishni taklif etdi. Bu haqda CNN agentligi ma’lum qildi.

Uning aytishicha, dunyoda bu sohada yondashuvlar farqli va yagona tizim zarur. Mazkur bayonot AQSh o‘zining SI sohasidagi ustunligini mustahkamlashga qaratilgan rejani e’lon qilganidan ko‘p o‘tmay yangradi. Xitoy vakili SI texnologiyalarining faqat ayrim davlatlar qo‘lida qolmasligi kerakligini ta’kidladi.

Hozirda Xitoyda 5 mingdan ortiq SI kompaniyasi faoliyat yuritmoqda, 2025-yilda bu sohadagi davlat sarmoyalari $56 mlrdga yetishi kutilmoqda. DeepSeek R1 va Kimi K2 kabi mahalliy modellar global raqobatchilar bilan tenglashmoqda.

Xalqaro hamjamiyat SI...

Shavkat Mirziyoyev harbiy ta’lim tizimini takomillashtirishga oid takliflar taqdimoti bilan tanishdi. Bu haqda davlat rahbari ma’lum qildi.

Unga ko‘ra, 20 dan ortiq davlatlarning ilg‘or tajribalari o‘rganilib, O‘zbekistonda harbiy ta’limni isloh qilish bo‘yicha yangi milliy model ishlab chiqildi.

Shuningdek, Qurolli Kuchlar akademiyasi negizida Harbiy xavfsizlik va mudofaa universiteti tashkil etilishi rejalashtirilmoqda. Mudofaa vazirligiga qarashli barcha ta’lim muassasalari – 5 ta institut, Serjantlar tayyorlash oliy maktabi hamda uchuvchisiz uchish apparatlari bo‘yicha markaz – mazkur universitet tarkibiga birlashtiriladi.

Yangiliklardan yana biri — tor ixtisosliklar bo‘yicha «2+2» modeli joriy etiladi. Psixolog, aloqachi, omborchi kabi 18 yo‘nalishdagi mutaxassislar boshqa universitetlarning 2-bosqich talabalaridan saralab olinadi.

30-iyul kuni O‘zbekiston bo‘ylab harorat kechasi 14-26°, kunduzi 24-41° oralig‘ida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shavkat Mirziyoyev farmoniga binoan, Asaka tumanining ijtimoiy-iqtisodiy rivojiga qo‘shgan hissasi, samarali tashkiliy faoliyati va xalq manfaatlariga xizmat qilganligi uchun bir guruh rahbarlar davlat mukofotlari bilan taqdirlandi. Bu haqda davlat rahbari matbuot xizmati ma’lum qildi.

Unga ko‘ra, «Do‘stlik» ordeni bilan Asaka tumani hokimi Mo‘minov Nasibulla Nabiyevich mukofotlandi.

«Jasorat» medali bilan tuman prokurori Mirzakarimov Akmaljon, IIB boshlig‘i Nazirov Shoxruxbek va soliq inspeksiyasi boshlig‘i Raximov Ilxomjon taqdirlandi.

Shuningdek, prezident administratsiyasi mas’ul xodimi Nabiyev Farxodga «Shuhrat» medali topshirildi.

Mukofotlar «Islohotlar shtabi» faoliyati samaradorligi, infratuzilmani rivojlantirish va aholi farovonligi yo‘lidagi xizmatlar uchun berildi.

Eslatib o‘tamiz, avvalroq prezident davlat idoralari faoliyatini jinoyatlar oldi olingani bilan...

12 500 so‘mga tushgan dollar, benzin eksportini taqiqlagan Rossiya, foiz stavkasi pasaygan avtokreditlar, hududi kengaytirilishi rejalashtirilayotgan Kattaqo‘rg‘on shahri, $500 millionlik investitsiya fondi — Kursiv Uzbekistan 29-iyulda yuz bergan muhim voqealarni bitta materialga jamladi.

Umumiy o‘rta ta’lim to‘g‘risidagi hujjatlar dublikatini olish osonlashdi

Fuqarolar ushbu xizmatdan foydalanish uchun endi nafaqat Yagona interaktiv davlat xizmatlari portali (my.gov.uz) orqali, balki bevosita Davlat xizmatlari markazlariga murojaat qilishlari ham mumkin.

Iyul oyida banklardagi muammoli kreditlar 1,65 trillion so‘mga kamaydi

1-iyul holatiga ko‘ra, banklardagi muammoli kreditlar umumiy miqdori 21,9 trln so‘mga yetgan. Bu ko‘rsatkich 1-iyun bilan solishtirilganda 0,7 foizga, ya’ni 1,65 trln so‘mga kamaygan. Iyun...

Shavkat Mirziyoyev maishiy korrupsiyaga qarshi kurashish va uning oldini olish bo‘yicha chora-tadbirlar taqdimoti bilan tanishdi. Taqdimotda ushbu illatning keng tarqalgan shakli – shahar va tumanlarda sodir bo‘layotgan holatlarning 75 foizi maishiy tusda ekani ta’kidlandi, deya xabar bermoqda davlat rahbari matbuot xizmati.

5-mart kuni Korrupsiyaga qarshi kurashish milliy kengashining yig‘ilishida ushbu muammo ustuvor masala sifatida belgilangandi. 21-aprel kungi Prezident farmoniga binoan, Bosh prokuratura huzurida maxsus tahlil bo‘limi tashkil etildi. Bugungi kunda 200 dan ortiq mutaxassislar korrupsiyani o‘rganish bilan shug‘ullanmoqda, tizimda esa 100 mingdan ortiq xodimlar ushbu sohada faoliyat yuritmoqda.

Shunga qaramay, taqdimotda korrupsiyaning sabablari yetarlicha tahlil qilinmayotgani va asosiy e’tibor...

Endilikda «Uzautotrans service» korxonasining shaharlararo avtobus qatnovlari chiptalarini ATTO mobil ilovasi orqali onlayn xarid qilish imkoni yaratildi. Bu haqda Transport vazirligi ma’lum qildi.

Hozirda korxona quyidagi yo‘nalishlarda muntazam qatnovlarni amalga oshirmoqda: Toshkent – Zomin, Toshkent – Boysun, Toshkent – Kadan, Toshkent – Navoiy, Toshkent – Xatirchi, Toshkent – Juma, Toshkent – Qarshi, Toshkent – Shahrisabz, Toshkent – Qamashi, Toshkent – G‘uzor, Toshkent – Jarqo‘rg‘on, Toshkent – Sherobod, Toshkent – Uzun, Toshkent – Denov, Toshkent – Termiz.

Yangi xizmat orqali yo‘lovchilar vaqtini tejab, chiptani istalgan joydan xarid qilishlari mumkin.

Eslatib o‘tamiz, avvalroq «Toshkent – Xojikent» yo‘nalishida yangi tezyurar elektropoyezd ishga...

Rossiya hukumati tomonidan joriy etilgan vaqtincha benzin eksporti cheklovlari O‘zbekistonga yetkazib beriladigan mahsulotlarga ta’sir qilmaydi. Bu haqda Energetika vazirligi ma’lum qildi.

Avvalroq Rossiya hukumati benzin eksportiga qo‘yilgan vaqtincha cheklovlarni 2025-yil 31-avgustgacha uzaytirgandi. Cheklovlar endilikda faqat eksportchilar emas, balki neft mahsulotlari ishlab chiqaruvchilariga ham tatbiq etilmoqda.

Energetika vazirligi ta’kidlashicha, ushbu taqiq xalqaro hukumatlararo bitimlarga taalluqli emas, O‘zbekiston va Rossiya o‘rtasida esa shunday amaldagi bitim mavjud.

Shunga qaramay, iqtisodchi Otabek Bakirovning fikricha, bu holatning O‘zbekistonga ham bilvosita ta’siri bo‘lishi mumkin. Uning so‘zlariga ko‘ra, rasmiy bayonotlarga qaramay, yonilg‘i narxlari o‘sish ehtimoli mavjud. Bu holat 2023 va 2024-yillarda ham kuzatilgan edi.

Natijada...

Iqtisodiyot va moliya vazirligi e’lon qilgan 2026 – 2028-yillar fiskal strategiyasiga ko‘ra, budjet xodimlari ish haqi, pensiyalar va ijtimoiy nafaqalar har yili inflyatsiya darajasidan yuqori miqdorda oshiriladi. Bu chora aholi turmush darajasini yaxshilash hamda fuqarolarning real daromadlarini oshirishga qaratilgan.

Shuningdek, Pensiya jamg‘armasining daromadlarini ta’minlash maqsadida ijtimoiy soliq bo‘yicha imtiyozlar qayta ko‘rib chiqiladi. 2025-yilda budjetdan Pensiya jamg‘armasiga ajratmalar 20 trln so‘mdan oshadi, 2028-yilga borib esa bu raqam 26 trln so‘mga yetadi.

Ma’lumot uchun, 2022-yildan buyon ish haqi va to‘lovlar inflyatsiyadan yuqori miqdorda indeksatsiya qilinmoqda. 2025-yil 1-iyuldan ijtimoiy to‘lovlar o‘rtacha 10% ga oshirildi, inflyatsiya darajasi esa 8% atrofida bo‘lishi kutilmoqda.

Eslatib...

Oʻzbekiston terma jamoasi yarimhimoyachisi Azizbek Turgʻunboyev «Paxtakor» klubiga qaytdi. Bu haqda Oʻzbekiston Professional futbol ligasi matbuot xizmati xabar berdi.

Ma’lum qilinishicha, Turgʻunboyev bilan 2026-yil 31-dekabrgacha moʻljallangan 1,5 yillik shartnoma imzolangan.

Futbolchi 2021 – 2023-yillar oraligʻida ham «sherlar» safida toʻp surgan va jamoa bilan bir necha bor Oʻzbekiston chempionligini qoʻlga kiritgan edi.

Uning soʻnggi jamoasi Turkiya Superligasining «Sivasspor» klubi boʻldi. Oʻtgan mavsumda u ushbu jamoa safida 33 oʻyinda maydonga tushib, 1 ta gol va 3 ta assist muallifiga aylangan.

Avvalroq Kursiv Uzbekistan Abbosbek Fayzullayev Turkiyaning «Bashakshehir» klubiga oʻtgani haqida yozgandi.

Xiaomi yangi superflagman Xiaomi 16 Pro Max smartfoni ustida ishlayotgani ma’lum bo‘ldi. Bu haqda Gizmochina nashri xabar bermoqda.

Smartfon uchta 50 MP kameraga ega bo‘ladi. Asosiy sensor SmartSens 590 bo‘lib, 1/1,28 dyuymli format va LOFIC 2.0 texnologiyasini qo‘llab-quvvatlaydi. Periskopli kamera esa 5 karra optik zoomga ega bo‘ladi.

Smartfonga 7500 mA/soat sig‘imli akkumulyator o‘rnatiladi. U 100 vattlik tezkor zaryadlashni qo‘llab-quvvatlaydi.

Xiaomi 16 Pro Max Qualcomm’ning Snapdragon 8 Elite Gen 2 chipi asosida ishlaydi. Qurilmada Android 16 operatsion tizimi va HyperOS 3.0 interfeysi bo‘ladi.

Xiaomi odatda o‘z flagmanlarini Qualcomm’ning yangi chipidan so‘ng darhol taqdim etadi. Bu yilgi Qualcomm tadbiri sentabr...