Yangiliklar

O‘zbekistonda Chevrolet Cobalt ishlab chiqarish 2025-yilning yanvar – noyabr oylarida o‘tgan yildagiga nisbatan 1,1 foizga kamaydi. Ya’ni bir yil avvalgi 149,8 ming donaga nisbatan 148,1 ming donani tashkil etdi. Bu haqda Milliy statistika qo‘mitasi ma’lum qildi.

Mamlakatda yengil avtomobillar ishlab chiqarish 2025-yilning yanvar – noyabr oylarida 419,3 ming donani tashkil qilgan bo‘lsa, 2024-yilning shu davrida 385,1 ming dona bo‘lgan. Maxsus avtomobillar ishlab chiqarish esa 23 mingdan 49,4 ming donaga yetdi.

Yil davomida Tracker ishlab chiqarish 40,7 mingtadan 47,8 mingtagacha, KIA esa 19,3 mingtadan 24,5 mingtagacha oshdi. Shuningdek, Chery – 6,3 mingtadan 8,6 mingtagacha, Haval – 2,5 mingtadan 8,9 mingtagacha...

FIFA milliy terma jamoalarning 2025-yil yakunlari bo‘yicha yangilangan reytingini e’lon qildi. Unga ko‘ra, O‘zbekiston milliy terma jamoasi dunyo reytingida 50-o‘rinni band etdi.

Terma jamoa yil davomida «Jahon chempionati – 2026» saralash bosqichi doirasidagi uchrashuvlarda barqaror o‘yin namoyish etdi. Ushbu natija «Oq bo‘rilar»ning so‘nggi yillardagi eng yaxshi ko‘rsatkichlaridan biri bo‘lib, ilk bor Jahon chempionatiga yo‘llanma qo‘lga kiritildi.

Osiyo miqyosida O‘zbekiston qit’aning grand jamoalari Yaponiya, Eron, Janubiy Koreya va Avstraliyadan so‘ng beshinchi o‘rinda bormoqda.

Dunyo reytingi yetakchilari qatorida ham o‘zgarishlar kuzatilgan. Ispaniya terma jamoasi birinchi o‘rinni egallagan bo‘lsa, Argentina ikkinchi, Fransiya esa uchinchi pog‘onadan joy olgan. Kuchli beshlikni Angliya va...

O‘zbekistonda jismoniy shaxslar olishi mumkin bo‘lgan mikroqarz va iste’mol kreditlarining maksimal miqdorlari belgilandi. Markaziy bank chiqargan qaror davlat ro‘yxatidan o‘tkazildi.

2026-yilning 21-yanvaridan kuchga kiradigan ushbu qarorga ko‘ra, banklarga o‘rnatiladigan makroprudensial normativlar qatorida endi qarz oluvchining iste’mol kreditlari va mikroqarzlari bo‘yicha jami asosiy qarz (limit) miqdorining mazkur qarz oluvchi o‘rtacha oylik daromadi miqdoriga nisbatini hisoblash talabi ham bo‘ladi. Eng ko‘pi bilan 15 foizgacha bank tomonidan qarz oluvchilarga kreditlar berishda ularning qarz yuki ko‘rsatkichi 100 foizgacha bo‘lishi mumkin.

Shuningdek, ipoteka krediti bo‘yicha foiz xarajatlarining bir qismini qoplash uchun berilgan subsidiyalar hisobidan amalga oshiriladigan oylik to‘lovlar summasi mazkur ipoteka krediti bo‘yicha o‘rtacha...

Transfermarkt portali Turkiya Superligasida to‘p surayotgan MDH davlatlari futbolchilari orasida eng qimmat o‘yinchilar reytingi e’lon qilindi.

Reytingga ko‘ra, O‘zbekiston milliy terma jamoasi a’zolari Abbosbek Fayzullayev va Eldor Shomurodov yuqori o‘rinlardan joy oldi. Rossiyaning «SSKA» klubidan Turkiyaning «Istanbul Bashakshehir» jamoasiga ko‘chib o‘tgan Abbosbek Fayzullayev reytingda 3-o‘rinni band etdi. Portal uning transfer narxini 7 mln yevroga baholagan.

Ro‘yxatning 5-pog‘onasidan O‘zbekiston milliy terma jamoasi sardori Eldor Shomurodov joy olgan. «Roma»dan ijara asosida Istanbul klubi safiga qo‘shilgan tajribali hujumchining ayni paytdagi transfer qiymati 5 mln yevroni tashkil qiladi. Birinchi o‘rinda ukrainalik Botagov 9 mln yevro bilan band etgan bo‘lsa, ikkinchi o‘rinda ham yana...

O‘zbekiston hukumati qarori bilan davlat idoralarida Yangi yil munosabati bilan korporativ tadbirlarni budjet hisobidan tashkillashtirish taqiqlanadi.

Qaror davlat xarajatlarini maqsadli va tejamkor yo‘naltirish, shuningdek, ortiqcha va asossiz sarf-xarajatlarning oldini olishga qaratilgan. Hujjatga muvofiq, vazirliklar, idoralar, hududiy hokimliklar — jumladan viloyatlar va Toshkent shahar hokimligi, shu bilan birga, ustav fondida davlat ulushi 50 foiz va undan yuqori bo‘lgan xo‘jalik birlashmalarida Yangi yil munosabati bilan korporativ tadbirlar o‘tkazish va bayram dasturxonlarini yozish man etiladi.

Mazkur cheklov nafaqat budjet mablag‘lari, balki budjetdan tashqari manbalar hisobidan moliyalashtiriladigan tadbirlarga ham tatbiq etiladi. Hukumat ta’kidlashicha, bu choralar davlat organlari va tashkilotlarida mablag‘lardan asossiz foydalanish holatlarini...

23-dekabr uchun valyuta kurslari e’lon qilindi. Shu kun uchun AQSh valyutasi 12 010,43 so‘m (+14,29 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil qildi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd etildi. Dollar 50,85 so‘mga...

Samsung Galaxy S25, Galaxy S25 Plus va Galaxy S25 Ultra smartfonlari uchun One UI 8.5 yangilanishining navbatdagi beta-versiyasi taqdim etildi. Bu haqda Sammobile nashri xabar bermoqda.

Yangilanish hajmi taxminan 1,1 GB bo‘lib, dasturchilar tizimdagi aniqlangan xatolarni tuzatish va ishlash barqarorligini oshirishga e’tibor qaratadi.

Beta dasturi 8-dekabrda boshlangan. One UI 8.5 hozircha Hindiston va Janubiy Koreyada sinovdan o‘tmoqda. Tez orada Germaniya, Buyuk Britaniya va AQShdagi beta dastur ishtirokchilari ham yangilanishni olishadi.

Samsung kamida to‘rt beta versiya chiqarishi kutilmoqda. Final, keng tarqatiladigan versiya 2026-yil boshida taqdim qilinishi mumkin. Barqaror One UI 8.5 versiyasi dastlab 2026-yilda taqdim etilishi rejalashtirilgan Galaxy S...

AQSh prezidenti Donald Tramp ma’muriyati 30 ga yaqin mansabdor diplomatni elchi va boshqa yuqori lavozimlardan chaqirib olishni boshladi. Bu haqda AP nashri xabar bermoqda.

Manbalarga ko‘ra, o‘zgarishlar Bayden ma’muriyati davrida tayinlangan, ammo Trampning ikkinchi muddati boshidagi dastlabki «tozalash»dan omon qolgan diplomatlarga taalluqlidir. Dastlabki bosqichda, asosan, siyosiy tayinlovlar nishonga olingan bo‘lsa, endilikda professional diplomatlar rotatsiyasi amalga oshirilmoqda.

Elchilar odatda 3-4 yil xizmat qilsa-da, qonunchilikka ko‘ra ular prezident ixtiyori bilan lavozimidan ozod etilishi mumkin. Ta’kidlanishicha, chaqirib olingan diplomatlar Davlat departamentidagi ishidan bo‘shatilmaydi, balki Vashingtonga qaytib, xohishiga ko‘ra boshqa vazifalarga o‘tkaziladi.

Avvalroq Kursiv Uzbekistan Tramp qarorgohiga yaqinlashayotgan samolyot to‘xtatilgani haqida xabar...

Yangi yil bayrami munosabati bilan aholi va sayyohlar uchun qulayliklar yaratish maqsadida turizm va madaniyat sohalarida bir qator chegirmalar joriy etilmoqda. Bu haqda Turizm qo‘mitasi xabar berdi.

Unga ko‘ra, Madaniy meros agentligi hamda «Vaqf» xayriya jamoat fondiga qarashli madaniy meros obyektlariga tashrif buyuruvchilar uchun kirish chiptalariga 10 foizgacha chegirmalar beriladi. Ayrim obyektlarga esa bayram kunlari bepul kirish imkoniyati yaratiladi.

Shuningdek, turizm sohasida faoliyat yuritayotgan tadbirkorlar tomonidan mehmonxonalar, mehmon uylari va boshqa joylashtirish vositalarida ixtiyoriy ravishda 20 foizgacha Yangi yil chegirmalari taklif etilmoqda. Chegirmadagi mehmonxona va mehmon uylari bilan api-portal.gov havolasi orqali tanishish mumkin.

Bundan tashqari, «Temir daftar», «Ayollar...

2025-yil yakunlariga ko‘ra, Chevrolet Tahoe yilning eng yaxshi to‘liq o‘lchamli yo‘ltanlamasi deb topildi. Bu haqda J.D. Power tashkilotining tadqiqotlari Speedme.ru nashrida e’lon qilindi.

Model 100 ballik tizimda 83 ball to‘plab, Ford, GMC, Jeep va Toyota kabi yirik raqobatchilarni ortda qoldirdi.

Mutaxassislar Chevrolet Tahoe’ning asosiy ustunliklari sifatida zavod yig‘ilishining yuqori sifati, konstruksiyaning ishonchliligi, boshqaruvdagi qulaylik, qayta sotishdagi yuqori qiymat hamda rasmiy dilerlar tomonidan ko‘rsatiladigan servis xizmatlari sifatini alohida ta’kidladi.

Chevrolet Tahoe’ning bazaviy versiyasi taxminan $59 mingdan boshlanadi, eng yuqori komplektatsiyalarning narxi esa $80 mingga yaqinlashadi. Ushbu model zamonaviy multimedia tizimlari, Super Cruise avtonom haydash funksiyasi, premium interyer dizayni hamda...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 12-dekabrdan 19-dekabrgacha bo‘lgan davrda ijobiy dinamikani ko‘rsatdi. Lekin UCI fond indeksi 1,04 foizga tushdi.

Ushbu davr mobaynida «O‘zRTXB» aksiyalari eng katta o‘sishga erishib, 21,37 foizga qimmatlashdi. Shuningdek, «Kvarts» (+16,40%) va «Qashqadaryo texnologik transport» (+15,72%) aksiyalarida ham o‘sish qayd etildi.

O‘z navbatida, «O‘zmetkombinat» aksiyalari 6,64 foizga arzonlashib, haftaning eng katta pasayishini qayd etdi. Bundan tashqari,«Olmaliq KMK» (-4,48%) va «O‘zbekneftgaz» (-3,40%) aksiyalari ham pasayish bilan ajralib turdi. Faqatgina «Ipoteka-bank», «Aloqabank» va «Trastbank» aksiyalari narxida o‘zgarish kuzatilmadi.

Yuqori likvidli aksiyalardan 17 tasi haftani ijobiy, uchtasi o‘zgarishsiz, to‘qqiztasi salbiy natija bilan yakunladi.

Kia K4 avtomobilining narxlari va texnik tafsilotlari e’lon qilindi. Model 2026-yil boshida AQSh bozorida sotuvga chiqariladi.

K4 dinamik siluet, zamonaviy kuzov formati va o‘rta segmentga mos narx siyosati bilan xaridorlar e’tiboriga havola etiladi. Kompaniya sifatdan tejalmagan holda arzonroq taklif berishni maqsad qilgan.

Model ikki xil dvigatel bilan taqdim etiladi. EX va GT-Line versiyalarida 2,0 litrli 147 ot kuchiga ega dvigatel va IVT variator qo‘llanadi. GT-Line Turbo esa 1,6 litrli 190 ot kuchiga ega turbomotor va 8 pog‘onali avtomat uzatmalar qutisi bilan jihozlanadi. GT-Line versiyasi yanada sport osma sozlamalariga ega bo‘ladi. O‘rtacha yonilg‘i sarfi 7,8 – 8,4 litr atrofida...

2025-yilning dastlabki 11 oyi mobaynida O‘zbekistonda yirik sanoat korxonalari tomonidan tabiiy gaz va neft ishlab chiqarish hajmi qisqardi. Bu haqda Milliy statistika qo‘mitasining 22-dekabr kuni e’lon qilingan hisobotida keltirilgan.

Hisobotga ko‘ra, joriy yilning yanvar – noyabr oylarida 38,9 mlrd kubometr gaz qazib olingan, bu o‘tgan yilning mos davriga (41 mlrd kubometr) taqqoslaganda 5,1 foizga kam. Ammo 2023-yilning dastlabki 11 oyi davomida 2025-yilga qaraganda 10 foizga ko‘p, 2024-yilga nisbatan esa 4,4 foizga ko‘p gaz qazib olingandi (42,8 mlrd kubometr).

Neft ishlab chiqarish hajmi ham so‘nggi 2 yildan buyon kamayib bormoqda. Xususan, korxonalar tomonidan ishlab chiqarilgan neft hajmi joriy yilgi davrda...

Jahon bozorlarida oltin narxi AQShda foiz stavkalari pasaytirilishi kutilmalari fonida tarixiy rekordni yangiladi. 22-dekabr kuni oltinning bir unsiyasi ilk bor $4,4 ming chegarasidan oshib, $4,420 darajasigacha ko‘tarildi. Bu haqda Reuters nashri xabar berdi.

Unga ko‘ra, spot oltin narxi 1,7 foizga oshib, $4,411 dollar atrofida savdo qilindi. Shu bilan birga, kumush ham keskin qimmatlashib, bir unsiyasi $69,44 ga yetdi va mutlaq rekordni qayd etdi. AQShda fevral oyida yetkazib beriladigan oltin fyucherslari $4,444 gacha ko‘tarildi.

Joriy yil boshidan buyon oltin qiymati 67 foiz, kumush esa 138 foizga oshdi. Mutaxassislar buni xavfsiz aktivlarga talabning ortishi, geosiyosiy keskinliklar, markaziy banklarning faol xaridlari hamda...

Huawei yangi avlod Huawei Nova 15 Pro va Nova 15 Ultra smartfonlarini namoyish etdi. Bu haqda ITHome xabar bermoqda.

Ultraning asosiy yangiligi kamera bo‘ldi. Orqa kamerada uchta 50 megapikselli RYYB sensor bor. Asosiy modulda o‘n pog‘onali o‘zgaruvchan diafragma va optik stabilizatsiya mavjud. Yoritish masofaga qarab moslashadigan adaptiv chiroq orqali boshqariladi. Avtofokus uchun lazerli yordamchi qo‘llangan.

Ultra modeli Kirin 9010S protsessorida ishlaydi. Operatsion tizim HarmonyOS 6. Ish tezligi oldingi avlodga nisbatan 18 foiz oshgani aytiladi. Batareya hajmi 6500 mA/soat bo‘lib, 100 Vt quvvatli simli va 50 Vt quvvatli simsiz zaryadlashni qo‘llab-quvvatlaydi. Qalinligi atigi 6,8 mm. Smartfon IP68/IP69 darajasida himoyalangan...

«O‘zgidromet» 24 – 31-dekabr kunlari uchun ob-havo prognozini e’lon qildi. Unga ko‘ra, oy oxirida faqat ba’zi hududlarda qor kuzatiladi. Ba’zi joylarda tuman tushishi, shamol yo‘nalishi sharqdan g‘arbga o‘zgarib, o‘rtacha 7–12 m/s tezlikda esishi prognoz qilinmoqda.

Hududlar kesimida ob-havo prognozi:

Qoraqalpog‘iston Respublikasida 24, 27 va 29-31-dekabrda yog‘ingarchilik kutilmaydi. 25-26 va 28-dekabr kunlari ba’zi joylarda qor yog‘adi, tuman tushadi. Shamol g‘arbdan 7-12 m/s tezlikda esadi. Harorat kechasi 24-26-dekabrda 1-6° sovuq, 27-dekabrda 3-8° sovuq, 28-31-dekabrda 5-10° sovuq bo‘ladi, kunduzi 2-7° iliqdan 3° sovuq-2° iliqqacha o‘zgarib turadi.

Xorazm viloyatida 24, 25, 27 va 29-31-dekabrda yog‘ingarchilik kutilmaydi, 26 va 28-dekabrda ba’zi joylarda qor yog‘adi, tuman tushadi. Shamol g‘arbdan...

21-dekabr kuni soat 11:00 atrofida Andijon viloyati Xo‘jaobod tumanidagi buyum bozorida savdo rastasi qulab tushdi. Oqibatda bir nafar tadbirkor tan jarohati olib, shifoxonaga yotqizildi. Bu haqda tuman hokimligi xabar berdi.

Hokimlik tomonidan tuzilgan tezkor ishchi guruh xulosasiga ko‘ra, mazkur rasta tadbirkor tomonidan qo‘lbola usulda yasalgan bo‘lib, xavfsizlik talablariga javob bermagan. Konstruksiyaning yuqori qismiga haddan tashqari ko‘p va og‘ir qishki kiyimlar ilingani sababli u yukni ko‘tara olmay qulagan.

Hodisa natijasida ushbu texnik xatolarga yo‘l qo‘ygan tadbirkorning o‘zi jarohatlangan. Unga zudlik bilan tibbiy yordam ko‘rsatilgan, hozirda bemorning ahvoli yaxshi ekani ma’lum qilindi. Rasmiy bayonotda boshqa jabrlanuvchilar aniqlanmagani va holat bo‘yicha o‘rganish...

166 nafar o‘zbekistonlik Yaponiyaning «o‘qish + ish» dasturida ishtirok etadi. Tokio shahrida Migratsiya agentligi direktori Behzod Musayev hamda Yaponiyaning Proud Partners kompaniyasi direktori Suzuki Ryuuji o‘rtasida uchrashuv bo‘ldi.

Unda Yaponiyada ishlash istagini bildirgan va B – C toifali haydovchilik guvohnomasiga ega bo‘lgan 200 dan ortiq nomzod qatnashgan tanlov natijalari muhokama qilindi.

Natijalarga ko‘ra, 166 nafar nomzod «o‘qish + ish» dasturida ishtirok etish imkoniyatiga ega bo‘ldi. Tomonlar, shuningdek, 2026-yil uchun hamkorlik rejalarini belgilab oldi. Ular orasida o‘qish va ish dasturlari hajmini kengaytirish, nomzodlar tayyorgarligini kuchaytirish hamda Yaponiya mehnat bozori talablariga mos yangi yo‘nalishlarni joriy etish masalalari bor.

Dastur doirasida...

2025-yilning noyabr oyida Qozog‘istonning aksariyat hududlarida anomal iliq ob-havo kuzatildi. «Kazgidromet» sinoptiklari ma’lumotiga ko‘ra, bir qator shaharlarda havo harorati rekordlarni yangilagan. Bu haqda Tengrinews xabar bermoqda.

Keskin isish, ayniqsa, oyning ikkinchi yarmida sezilarli bo‘ldi. Xususan, Qarag‘anda shahrida 26-noyabr kuni havo harorati +9,4 darajaga yetib, 1971-yilda o‘rnatilgan rekordni yangiladi. Jezqazg‘anda esa ketma-ket uch kun (24 – 26-noyabr) davomida harorat +10,3 dan +13,3 darajagacha ko‘tarilib, avvalgi yillardagi maksimumlardan o‘zib ketdi. Shuningdek, Ko‘kshetovda 1977-yilgi, Aqtobeda esa 2001-yilgi rekord ko‘rsatkichlar yangilangan.

Haroratning ko‘tarilishi bilan birga hududlarda kuchli yog‘ingarchilik va noqulay ob-havo hodisalari ham kuzatilgan. Turkiston viloyatida bir sutkada oylik me’yorning uchdan bir qismi...

21-dekabr kuni AQSh Harbiy havo kuchlarining qiruvchi samolyoti Florida shtatidagi Palm-Bich ustida o‘rnatilgan cheklangan havo hududini buzgan samolyotni to‘xtatdi. Bu haqda Shimoliy Amerika aerokosmik mudofaa bo‘yicha birlashgan qo‘mondonlik (NORAD) xabar berdi.

«Bugun ertalab NORAD’ga qarashli F-16 qiruvchisi Palm-Bich ustidagi cheklangan havo hududiga kirgan samolyotni to‘xtatdi», – deyiladi qo‘mondonlikning X ijtimoiy tarmog‘idagi rasmiy bayonotida.

NORAD vakillarining xabar berishicha, havoda yuzaga kelgan vaziyat xavfsiz tarzda hal qilingan. Mazkur hududda AQSh prezidenti Donald Trampning qarorgohi joylashgan bo‘lib, ushbu zona ustidan uchib o‘tish qat’iy cheklangan. Harbiylar hodisaning boshqa tafsilotlarini va qoidabuzar samolyot turini hozircha ochiqlamagan.

Avvalroq Kursiv Uzbekistan Tramp...

21-dekabr kuni Toshkent – Qozon – Toshkent yo‘nalishida muntazam temir yo‘l qatnovi boshlandi. Bu haqda Transport vazirligi xabar bermoqda.

Ta’kidlanishicha, poyezd Toshkent Markaziy vokzalidan ilk marotaba safarga jo‘nadi. Mazkur reyslar 315 va 316 raqamli yo‘lovchi poyezdlar orqali amalga oshiriladi. Ular haftasiga bir martadan qatnaydi.

315-sonli Toshkent – Qozon yo‘nalishi:

Toshkent Markaziy vokzalidan yakshanba kuni soat 23:55 da jo‘naydi. Qozonga chorshanba kuni 13:47 da yetib keladi.

316-sonli Qozon – Toshkent yo‘nalishi:

Poyezd payshanba kuni soat 10:33 da Qozondan jo‘naydi. Toshkent Markazi vokzaliga yakshanba kuni 04:32 da yetib keladi.

Eslatib o‘tamiz, Kursiv Uzbekistan «Toshkent – Qozon – Toshkent» yo‘nalishidagi chiptalarga chegirma...

iQOO Z11 Turbo smartfoniga oid yangi ma’lumotlar paydo bo‘ldi. Manbalarga ko‘ra, model flagman segmentiga xos ko‘plab texnik imkoniyatlarga ega bo‘ladi.

Gadjet 6,59 dyuymli displey, metall ramka va shisha orqa panel bilan ta’minlanadi. Korpus burchaklari iPhone uslubiga o‘xshash yumaloqlashtiriladi. Ishlab chiqaruvchi tashqi ko‘rinish va material sifatida taktil hislarni ham ustuvor qo‘yishi aytilmoqda.

Asosiy yangiliklardan biri – Snapdragon 8 Gen 5 protsessorining qo‘llanishi. Shuningdek, ixcham tana ichiga taxminan 7600 mA/soat sig‘imli akkumulyator joylashtirilgani ta’kidlanmoqda.

Smartfonda 3D-ultratovushli barmoq izi skaneri bo‘lishi, suv va changdan himoya esa IP68/IP69 standartlariga mos kelishi kutilmoqda. Bu ko‘rsatkichlar uni bozordagi eng himoyalangan qurilmalardan biriga aylantirishi mumkin.

Adliya vazirligi banklar tomonidan sindikatlashgan kreditlarni ajratish tartibi to‘g‘risidagi nizomni davlat ro‘yxatidan o‘tkazdi.

Nizomga ko‘ra, sindikatlashgan kredit bir nechta banklar birlashib, qarz oluvchini birgalikda moliyalashtirish uchun ajratadigan kredit hisoblanadi. Banklar bilan bir qatorda xorijiy banklar, xalqaro moliya tashkilotlari hamda o‘z davlat qonunchiligiga muvofiq kredit ajratish huquqiga ega bo‘lgan chet el yuridik shaxslari ham bank sindikati ishtirokchisi bo‘lishi mumkin.

Sindikatlashgan kredit olish uchun qarz oluvchi bankka ariza bilan murojaat qiladi. Bank bunday kreditni ajratish mumkinligi haqida ijobiy qaror qabul qilgan taqdirda, qarz oluvchi bilan dastlabki shartlarni kelishib oladi. Yetakchi bank esa sindikatda ishtirok etishi mumkin bo‘lgan boshqa banklarga qarz oluvchi...

Xitoyning Great Wall Motor (GWM) kompaniyasi yangi retro dizayndagi avtomobilga oid ilk tezerni taqdim etdi. Bu haqda CarNewsChina xabar bermoqda.

Tezer suratlar avtomobilning nostaljik shaklini, yirik xrom bamperini, yumaloq elongated kuzov chiziqlarini va orqa qismida uzun nom belgisini ko‘rsatadi.

Model GWMning mavjud besh brendi uslubiga to‘g‘ri kelmaydi. U mavjud liniyaga oddiy qo‘shimcha emas, balki butunlay yangi mahsulot seriyasi sifatida ko‘rilmoqda.

Noyabr oyida 133 mingta avtomobil sotildi, bu o‘tgan yildagiga nisbatan 4,57 foiz o‘sishni anglatadi. Yanvar – noyabr oylarida jami savdo 1,199 mln donaga yetib, o‘sish 9,26 foizni tashkil etdi. Shu jumladan, yangi energiya segmentida 40 113 dona avtomobil sotilgan...