Yangiliklar

AQSh Davlat departamenti 6-noyabr kuni Vashingtonda O‘zbekiston prezidenti Shavkat Mirziyoyev va AQSh prezidenti Donald Tramp o‘rtasida bo‘lib o‘tgan muzokaralar yakunida erishilgan kelishuvlarning tafsilotlarini e’lon qildi.

Bayonotda aytilishicha, ikki davlat hukumati iqtisodiyot, xavfsizlik va gumanitar sohalarda keng ko‘lamli hamkorlikni mustahkamlash ustida ishlamoqda. Bu esa ikki mamlakatning barqarorligi va farovonligini ta’minlashga qaratilgan.

Tramp AQShni muhim minerallar bilan ta’minlash va energetik hamkorlikni kengaytirishga yo‘naltirilgan kelishuvlarni olqishlagan.

Kelishuvlar doirasida quyidagi yo‘nalishlar belgilandi:

AQSh prezidenti Donald Tramp har bir amerikalik uchun $2 ming miqdorda «tarif dividendi» berilishini aytdi. U bu haqda Truth Social’da yozdi.

Unga ko‘ra, yuqori daromad egalari bundan mustasno bo‘lishi mumkin, lekin kimlar aniq olishi va qachon to‘lanishi haqida batafsil ma’lumot berilmadi.

«Tariflarga qarshi odamlar – AHMOQLAR! Biz hozir dunyoning eng boy, eng obro‘li mamlakati bo‘ldik, inflyatsiya deyarli yo‘q, fond bozori narxi rekord darajada. 401k’lar har doim eng yuqori bo‘ladi. Biz trillionlab dollarlarni qabul qilmoqdamiz va tez orada 37 trillion dollarlik ulkan qarzimizni to‘lashni boshlaymiz. AQShda rekord darajadagi sarmoya, zavod va fabrikalar hamma joyda ko‘tarilib bormoqda...

«Toshkent» respublika fond birjasidan (RFB) joy olgan yuqori likvidli aksiyalarning aksariyati 31-oktabrdan 7-noyabrgacha bo‘lgan davrda salbiy dinamikani ko‘rsatib, UCI fond indeksi 4,28 foizga tushdi.

Ushbu davr mobaynida «O‘zsanoatqurilishbank» aksiyalari eng katta o‘sishga erishib, 7,96 foizga qimmatlashdi. Shuningdek, «O‘zbektelekom» (+5,80%) va «Uzbekinvest» (+5,28%) aksiyalarida ham o‘sish qayd etildi.

O‘z navbatida, «Qizilqumsement» aksiyalari 5,82 foizga arzonlashib, haftaning eng katta pasayishini qayd etdi. Bundan tashqari, «UzAuto Motors» (-5,14%) va «Biznesni rivojlantirish banki» (-5%) aksiyalari ham pasayish bilan ajralib turdi.

Ushbu davrda yuqori likvidli aksiyalardan to‘qqiztasi haftani ijobiy, 20 tasi salbiy natija bilan yakunladi.

O‘tgan haftada «Toshkent» respublika fond birjasi (RFB)da UCI fond...

Honda kelajakdagi yirik gibrid SUV modellari uchun yangi V6 dvigatel ishlab chiqayotganini ma’lum qildi. Bu haqda Motor1 xabar bermoqda.

Kompaniyaga ko‘ra, bu dvigatel 2027-yildan boshlab Shimoliy Amerika bozoriga mo‘ljallangan gibrid avtomobillarga o‘rnatiladi. Honda yangi motorni yuqori quvvat va kuchli tortish xususiyati bilan ta’rifladi. Hozirgi 3,5 litrli V6 285 ot kuchini beradi va 2,3 tonnagacha tirkama torta oladi. Yangi motor 30 foizga tejamkor bo‘lishi va tezlanishni 10 foiz yaxshilashi aytilmoqda.

Qaysi model birinchi bo‘lib ushbu texnologiyani olishi hozircha noma’lum. Pilot yaqinda yangilangani uchun dvigatel, avvalo, Odyssey yoki Ridgeline avlodida paydo bo‘lishi ehtimol qilinmoqda.

Honda, shuningdek, kelajak gibridlari uchun 1,5 va...

Honor 500 va Honor 500 Pro Snapdragon 8 seriyali platforma bilan chiqadi. Bu haqda IThome nashri xabar bermoqda. Bu qaror qurilmaga tejamkorlikni oshirish va o‘yinlardagi samaradorlikni yaxshilashga qaratilgan.

Unga ko‘ra, ikkala model ham Phantom Engine 3.0 texnologiyasini oladi. Ushbu tizim flagman Honor smartfonlarida ham qo‘llanadi. O‘yin jarayonida kadrlardagi barqarorlik, qurilmaning issiqlikka chidamliligi va grafik ishlanmani silliq ta’minlash aynan shu texnologiya yordamida kuchayadi.

Honor 500 Pro haqida tarqalgan ma’lumotlarda yana bir nechta ahamiyatli jihatlar qayd etilgan.

Modelga Snapdragon 8 Elite protsessori, 8000 mA/soat sig‘imli yirik batareya, 200 megapikselli asosiy kamera va periskop moduli o‘rnatilishi aytilmoqda. Qurilma metall yon ramkaga ega...

Yangi Zelandiyada mashhur «Uzuklar hukmdori» filmlari suratga olingan Tongariro milliy bog‘ida yirik yong‘in chiqdi. Bu haqda Kreyg Gold o‘t o‘chirish xizmati xabar berdi.

Ma’lum qilinishicha, yong‘in 2,5 ming gektardan ortiq maydonga yoyilgan. Hozirda maydonning faqat 20 foizi nazoratga olingan. Tunda xavfsizlik sababli yong‘inni o‘chirish ishlari to‘xtatildi, aholining evakuatsiyasi esa kunduz kuni amalga oshirilmoqda.

«Biz ehtiyotkorlik bilan harakat qilyapmiz. Odamlarni oldindan ogohlantiramiz va yorug‘likda evakuatsiya qilamiz, shunda hamma xavfsiz bo‘ladi», – deyiladi xabarda.

Hodisaga qarshi 15 ta vertolyot va 5 ta samolyot jalb etilgan. Yong‘in xavfi tufayli Ruapehu vulqoni etagidagi Vakapapa qishlog‘i aholisi vaqtincha ko‘chirilmoqda...

O‘zbekistonning birinchi xonimi Ziroat Mirziyoyeva xalqaro OncoDaily platformasi tomonidan e’lon qilingan «Onkologiya sohasidagi eng nufuzli 100 ayol» ro‘yxatiga kiritildi. Bu haqda platformaning rasmiy sahifasida e’lon qilindi.

Ushbu reyting saraton kasalligiga qarshi kurash bo‘yicha global kun tartibini belgilovchi yetakchi ayollarni o‘z ichiga oladi.

Ziroat Mirziyoyeva — «Zamin» xalqaro jamoat fondi Vasiylik kengashi raisi sifatida bolalar onkologiyasini rivojlantirish, erta tashxis va davolash tashabbuslarini ilgari surish hamda og‘ir kasalliklarga chalingan bolalarning yashovchanlik darajasini oshirish bo‘yicha xalqaro hamkorlikni mustahkamlashda muhim rol o‘ynab kelmoqda.

Mutaxassislar uning bolalar onkologiyasi yo‘nalishidagi global harakatlarni qo‘llab-quvvatlashdagi faoliyatini alohida e’tirof etishgan. 2025-yil sentabr oyida Ziroat Mirziyoyeva BMT Bosh Assambleyasi...

O‘zbekiston Amerika kompaniyasi Nvidia bilan birgalikda sun’iy intellekt (SI) va raqamli infratuzilmani rivojlantirish bo‘yicha yirik loyihalarni amalga oshiradi. Bu haqda Raqamli texnologiyalar vazirligi xabar berdi.

Vazir Sherzod Shermatov o‘tgan hafta oxirida Nvidia rahbariyati bilan uchrashib, sun’iy intellekt strategiyasini rivojlantirish, ilmiy va ta’limiy loyihalar, shuningdek, texnologik infratuzilmani mustahkamlash masalalarini muhokama qildi.

Hamkorlik doirasida umumiy quvvati 1 megavatt bo‘lgan ikki hisoblash klasteri xarid qilinadi. Ulardan biri ta’lim va ilmiy tadqiqotlar uchun, ikkinchisi esa raqamli hukumat, tibbiyot, bank sohasi va sanoatdagi SI loyihalari uchun ishlatiladi. Yakuniy kelishuvlar 2026-yilda imzolanishi kutilmoqda.

Vazirlikning ma’lum qilishicha, shartnomalarni rasmiylashtirish muddati uskunaning yetkazib berilishiga va AQSh...

Chevrolet kompaniyasi AQShda Chevrolet Tracker avtomobili uchun yangi narxlarni belgiladi. Bu haqda GMAutority xabar bermoqda.

2026-yilgi Tracker liniyasi LS, 1RS, LT, 2RS va Activ kabi besh xil darajada taqdim etiladi. Narxlar $22 995 dan boshlanib, yuqori rusumlar uchun $26 695 gacha yetadi. Barcha narxlarga $1 395 miqdoridagi yetkazib berish to‘lovi kiritilgan.

2026-yilgi Tracker avvalgi avlodga nisbatan jiddiy o‘zgarishlarga ega emas. Kompaniya faqat ikkita yangi kuzov rangini qo‘shgan. Mashina 1,2 litrli turbo dvigatel bilan jihozlangan bo‘lib, 137 ot kuchi ishlab chiqaradi. Model E85 yonilg‘isi bilan ishlay oladi, biroq 2025-yildagi kabi yuk tortishga mo‘ljallanmagan.

Narxlar:

Model uchun 1-dekabrgacha chegirmalar belgilangan...

BMW 2026-yilgi iX3 M Sport Package Pro elektromobil krossoverini taqdim etdi. Bu haqda BMW Blog ma’lum qildi.

Model Neue Klasse dizaynini olgan bo‘lib, M Brooklyn Grey Metallic rangi, M Sport Package Pro paketi, qizil tormoz kaliperlari va 22 dyuymli g‘ildiraklar bilan jihozlangan. Panoramik lyuk va yangi tekis BMW logotipi dizayn falsafasini aks ettiradi.

Salonida M brendi bilan bezatilgan sport kreslolar, yangi ikki halqali rul va M ranglaridagi xavfsizlik kamarlar mavjud. Ichki bezaklar yuqori toifadagi konfiguratsiyaga moslashtirilgan. Dvigatel va quvvat tizimi tafsilotlari keyinchalik e’lon qilinadi.

Ishlab chiqarish Debretsen (Vengriya) zavodida boshlangan va birinchi yetkazib berishlar 2026-yil bahorida Yevropaga, yozida esa...

Davlat xavfsizlik xizmati va Ichki ishlar organlari tomonidan o‘tkazilgan tezkor tadbirlarda Sirdaryo va Namangan hududlarida narkotiklar bilan bog‘liq katta jinoyatlar aniqlandi.

Unga ko‘ra, Sirdaryo viloyatining Guliston shahrida fuqaro turmush o‘rtog‘i va yana bir sherigi bilan uy ichida sintetik narkotik moddalar tayyorlab kelgan. Labo­ratoriyadan 4,4 kg «Mefedron» va uning tayyorlash vositalari dalil sifatida olindi. Ular xorijdan yuborilgan xomashyolar asosida ishlagan.

Namanganda esa chegaradan noqonuniy ravishda kirgan fuqaro qo‘lga olindi. Uning sumkasidan 9,7 kg «gashish» topildi. Yana bir holatda Namanganda fuqaro kontrabanda orqali olib kelingan 3,2 milliard so‘mdan ortiq qiymatdagi kuchli ta’sir qiluvchi dori vositalarini qabul qilayotganda ushlandi. Keyingi izlanishlarda dori...

9-noyabr kuni Ispaniya La Ligasida 12-tur o‘yinlari o‘tkazildi. Unda «Barselona» «Selta» mehmoni bo‘lib, ishonchli g‘alabani qo‘lga kiritdi.

Maydon egalarining keskin qarshi hujumlari kataloniyaliklar himoyasini sarosimasiga solgan bo‘lsa-da, Robert Levandovskiyning xet-trigi va Lamin Yamalning gollari evaziga «Barselona» o‘yin taqdirini hal qildi.

«Real Madrid» esa safarda «Rayo» bilan kuch sinashdi. Ko‘plab urinishlarga qaramay, Xabi Alonso shogirdlari mezbonlar darvozasini ishg‘ol qila olmadi. O‘yin 0:0 hisobida yakuniga yetdi. Natijada chempionlik poygasida «Barselona» azaliy raqibiga yaqinlashib oldi.

12-turga kelib, «Qirollik klubi» 31 ochko bilan karvonboshilik qilmoqda. Kataloniya grandi esa 28 ochko bilan «Real Madrid»ni ta’qib qilishni davom ettirmoqda. Uchinchi va to‘rtinchi o‘rinlarni «Vilyarreal...

Endi O‘zbekistonda narkolaboratoriya tashkil etganlar 20 yilga ozodlikdan mahrum qilinadi. Prezident farmoniga ko‘ra, Jinoyat kodeksiga «Aholi salomatligi va millat genofondiga qarshi jinoyatlar» nomi bilan alohida yangi bo‘lim kiritiladi.

Endilikda narkojinoyatlarning ayrim turlari uchun 20 yilgacha ozodlikdan mahrum qilish jazosi belgilanishi ko‘zda tutilmoqda.

Bunga narkojinoiy uyushma tuzish, narkotiklarni internet orqali yoki transchegaraviy yo‘l bilan o‘tkazish, narkolaboratoriya tashkil etish, mansab vakolatini suiiste’mol qilib narkotrafikka homiylik kiradi. Shuningdek, jamoat joylarida narkotik iste’mol qilganlik uchun 15 sutkagacha ma’muriy qamoq joriy etiladi.

Farmonga ko‘ra, narkojinoyatlarni ko‘p miqdorda sodir etish, takror sodir etish yoki odam o‘limiga sabab bo‘lgan holatlarda jazolar ikki baravargacha og‘irlashtiriladi.

AQSh senatorlari ikki partiyaviy kelishuvga erishib, mamlakat tarixidagi eng uzoq shatdaun, ya’ni hukumat faoliyatining to‘xtashini tugatish yo‘lida muhim qadam tashladi. Hukumat ishi 40 kun davomida qisman to‘xtab turgan edi.

Bunga sabab Kongress davlat xizmatlarini moliyalashtirish bo‘yicha kelishuvga erisha olmagani bo‘lgan. Avvalgi rekord 35 kun bo‘lib, u Donald Tramp prezidentlik qilgan 2019-yilda kuzatilgan.

«Ko‘rinishidan biz shatdaun tugashiga juda yaqinmiz. Buni tez orada bilasizlar», – dedi AQSh prezidenti Donald Tramp.

Kelishuv endi Senatda ko‘rib chiqiladi, so‘ngra respublikachilar nazoratidagi Vakillar palatasi tomonidan ma’qullanishi va Tramp tomonidan imzolanishi kerak. Bu jarayon bir necha kunni olishi mumkin.

Hyundai va General Motors (GM) yangi avtomobil ustida ishlamoqda. Bu haqda Carcoops nashri xabar bermoqda.

Model 2028-yilda Janubiy Amerikada taqdim qilinadi. 2030-yilda esa Shimoliy Amerika uchun alohida versiya va yangi yo‘ltanlamas ham chiqadi.

Hyundai rahbari Don Romano loyiha tasdiqlanganini aytdi. Unga ko‘ra, kompaniya tayyor platformani olib, shunchaki belgini almashtirmaydi.

U gibrid tizim haqida ham gapirgan. Bu oddiy plug-in emas, balki, boshqa turdagi gibrid bo‘ladi. Taxminlarga ko‘ra, model EREV texnologiyasidan foydalanishi mumkin.

Yangi pikapda Kia Tasman’dagi kabi konstruksiya qo‘llanadi. Raqobat segmenti kuchli. Model Toyota Hilux, Isuzu D-Max, Nissan Navara, Mitsubishi Triton, Ford Ranger, Chevrolet Colorado, Toyota Tacoma, Nissan Frontier va...

Quyoshdagi so‘nggi faol portlashlar sabab joriy hafta o‘rtasida magnit bo‘ronlari kuzatilishi mumkin. Rossiya Fanlar akademiyasi Quyosh astronomiyasi laboratoriyasining xabar berishicha, birinchi to‘lqin o‘rtacha darajadagi «G2» magnit bo‘ronini keltirib chiqaradi.

Mutaxassislar hisoblashicha, M1.7 darajadagi to‘lqin nisbatan kichik portlashdan chiqqan plazma oqimi 24 soat ichida Yer magnitosferasiga yetib kelib, o‘rtacha ta’sir ko‘rsatadi. Asosiy X toifadagi portlash esa kuchliroq bo‘lsa-da, uning yo‘nalishi biroz shimolga og‘gani sababli asosiy zarba Yer orbitasidan biroz yuqoridan o‘tadi. Shu bois geofiziklar maksimal darajada «G3» darajali bo‘ronni kutmoqda.

Avvalgi prognozlarga ko‘ra, bu safar kuchliroq ta’sir kutilgan edi, biroq yangilangan hisob-kitoblar vaziyatni nisbatan barqaror deb baholamoqda. Mutaxassislar bu prognoz...

2026-yil 1-apreldan davlat tibbiyot muassasalarida besh kunlik ish haftasi joriy qilinadi. Prezident Shavkat Mirziyoyev tibbiyot va farmatsevtika xodimlarini qo‘llab-quvvatlash bo‘yicha yangi qaror qabul qildi.

Qaror 2026-yildan boshlab davlat tibbiyot muassasalarida ishlayotgan xodimlarning ijtimoiy himoyasini kuchaytirish, ish sharoitlarini yaxshilash va moddiy rag‘batlantirishni nazarda tutadi.

Endilikda tibbiyot xodimlari har yili Tibbiyot xodimlari kuni munosabati bilan mehnatga haq to‘lashning eng kam miqdori darajasida rag‘bat oladi. Shuningdek, tibbiyot sohasida «eng yaxshi» yo‘nalishlar bo‘yicha tanlovlar o‘tkazilib, shifoxonalar 500 million so‘m, rahbar va tibbiyot xodimlari 30 million so‘m bir martalik mukofot bilan rag‘batlantiriladi.

2026-yil 1-apreldan davlat tibbiyot muassasalarida besh kunlik ish haftasi joriy qilinadi. Bunda...

Tijorat banklari 10-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi.

Tailand va Malaziya chegarasida Rohingya qochqinlarini tashigan qayiq cho‘kib ketishi natijasida 11 kishi halok bo‘ldi. Bu haqda Reuters agentligi ma’lum qildi.

Unga ko‘ra, qayiqda taxminan 70 kishi bo‘lgan. Shu vaqtga qadar 13 tirik qolgan kishi topildi, ularning ko‘pchiligi Rohingya, ikki nafari esa bangladeshlik bo‘lib chiqdi. Tailand hokimiyatlari to‘rtta jasad, jumladan, ikki bolaning jasadi shaxsiga aniqlik kiritdi.

Qidiruv ishlarida Tailand va Malaziya havo va dengiz resurslari jalb qilingan. Malaziya dengiz agentligi qidiruv operatsiyasi yetti kun davom etishini ma’lum qilgan.

Ma’lumot uchun, Rohingya qochqinlari Myanmadagi zo‘ravonlik va Bangladeshdagi qiyin yashash sharoitlari tufayli xavfli dengiz safarlarida Malaziya va Indoneziyaga yo‘l olgan. BMTga...

Changan kompaniyasi tomonidan yangi Changan Qiyuan A06 avtomobili chiqarildi. Bu haqda ITHome xabar bermoqda.

U Liftbek SDA platformasida ishlab chiqilgan. Model EV va gibrid ko‘rinishda taklif etiladi. Narx 109 900 yuandan ($15,4 ming) boshlanadi.

Avtomobil 4885x1916x1496 mm o‘lchamda. G‘ildirak bazasi 2922 mm. EV versiyada old tomonda 108 litr joy, asosiy bagaj esa 656 litr. Ikkalasi ham logotipga tegish orqali ochiladi.

Yuqori rusumlarda TianShu Intelligent Driving tizimi bor. Unda lidar, 3 mm-diapazon radar, 12 ta ultratovush datchigi va 11 kamera ishlaydi. Tizim trassada avtopilot, favqulodda tormoz, to‘siqlardan qochish va avtoparkovka funksiyalarini beradi.

Salon minimalistik uslubda ishlangan. Barcha o‘rindiqlarda isitish...

Xitoyda yangi Aion UT Super elektromobili taqdim qilindi. Bu haqda Autohome texnologiya nashri xabar bermoqda.

Model JD.com, GAC Group va CATL hamkorligida ishlab chiqilgan. Avtomobil bir komplektda 89 900 yuan ($12 ming) turadi. Hamkorlar keng subsidiya dasturini ishga tushirgan. 15 mingta birinchi xaridor ikki tomonlama bonus oladi. 31-dekabrgacha buyurtma berilgan mashinalarga chegirma ishlaydi.

8-dekabrgacha ijaraning imtiyozli narxi amal qiladi. Chocolate Battery Swapping Network tizimiga ulanadiganlar yillik xizmat haqi va batareya diagnostikasidan ozod etiladi.

Aion UT Super dizayni oddiy UT modeliga o‘xshaydi. Old panjarasi yopiq, chiroqlari to‘rt nuqtali LED. O‘lchamlari 4270x1850x1575 mm, g‘ildirak bazasi 2750 mm. 16 va...

Apple kompaniyasi yaqin kelajakda iPhone’larda sun’iy yo‘ldosh aloqasini sezilarli darajada kengaytirishni rejalashtirmoqda. Bu haqda Bloomberg nashri ma’lum qildi.

Endi foydalanuvchilar Wi-Fi yoki mobil aloqa mavjud bo‘lmagan hollarda ham «Maps» ilovasi orqali navigatsiyadan foydalanishi mumkin bo‘ladi.

Shuningdek, foydalanuvchilar sun’iy yo‘ldosh orqali matn va rasmli xabarlar yuborish, hatto binolar ichida ham aloqani ta’minlash imkoniyatiga ega bo‘ladi. Kelajakdagi iPhone modellari 5G noterestrial tarmoq (NTN) texnologiyasini qo‘llab-quvvatlaydi, bu esa mobil bazaviy stansiyalarga sun’iy yo‘ldoshlar orqali qamrov hududini kengaytirish imkonini beradi.

Apple sun’iy yo‘ldosh aloqasini uchinchi tomon dasturchilarning ilovalariga integratsiya qilish imkonini beruvchi API’ni ham taqdim etadi. Bu orqali turli ilovalar, jumladan, favqulodda vaziyatlar...

9-noyabr kechasi Slovakiyaning g‘arbiy qismida, Bratislava yaqinidagi Pezinok shahrida ikki poyezd to‘qnashdi. Bu haqda Reuters agentligi ma’lum qildi.

Ichki ishlar vaziri Matus Sutaj Estokning bayonotiga ko‘ra, hodisada 11 kishi og‘ir jarohat olib, shifoxonaga yotqizildi, yana bir necha kishi yengil jarohat olgan. Poyezdlarda jami taxminan 800 kishi bo‘lgan, ularning ko‘pchiligi talabalar bo‘lgani aytilmoqda.

Kositsedan Bratislava tomon harakatlanayotgan Tatran 620 poyezdi Nitradan poytaxtga yo‘l olgan REX 1814 poyezdining orqasiga urilgan. Xabarlarga ko‘ra, biri qizil signalni o‘tkazib yuborib, boshqasiga urilgan.

Slovakiya temir yo‘l xizmati rahbari Ivan Bednarokning aytishicha, poyezdlarning tezligi taxminan 100 km/soatni tashkil qilgan. Hodisa joyiga 70 dan ortiq o‘t o‘chirish...

Apple kompaniyasi yaqin yillarda o‘z mahsulotlarida OLED ekranlardan keng foydalanishni rejalashtirmoqda. Bu haqda WCCF Tech ma’lum qildi.

Biroq dastlabki OLED ekranli MacBook modellari faqat Pro versiyalarida – M6 Pro va M6 Max protsessorli noutbuklarda taqdim etiladi. Bu versiyalar yangilangan dizayn va yanada yupqa korpusga ega bo‘ladi. Boshqa, arzonroq MacBook modellari esa hozirgidek oddiy ekran bilan chiqarilishi kutilmoqda.

Narx masalasida Apple hali aniq ma’lumot bermagan, biroq eng arzon MacBook Pro OLED modeli $2 mingdan boshlanishi mumkin. Hozirgi bazaviy MacBook Pro narxi esa $1,6 mingni tashkil etadi.

Ma’lumot uchun, OLED ekranli yangi MacBook Pro noutbuklari 2026-yil oxiri yoki 2027-yil boshida taqdim...