Yangiliklar

Shavkat Mirziyoyevga investitsiya sohasida joriy yilning birinchi choragida amalga oshirilgan ishlar va kelgusidagi asosiy vazifalar yuzasidan axborot berildi. Bu haqda davlat rahbari matbuot xizmati ma’lum qildi.

Qayd etilishicha, O‘zbekistonning faol tashqi siyosati va qulay ishbilarmonlik muhiti evaziga investitsiyalar hajmi izchil o‘smoqda. 2025-yilning dastlabki uch oyida $8,7 mlrddan ortiq xorijiy investitsiyalar jalb etilib, bu ko‘rsatkich o‘tgan yilga nisbatan 20 foizga oshgan.

Mazkur sarmoyalar energetika, metallurgiya, qishloq xo‘jaligi, farmatsevtika va ijtimoiy sohalarda muhim loyihalarni amalga oshirishga xizmat qilmoqda. Ish o‘rinlari yaratish va iqtisodiy samaradorlikka alohida e’tibor qaratilmoqda.

Yilning birinchi yarmi yakunida $18 mlrddan ortiq xorijiy investitsiyalar o‘zlashtirilishi rejalashtirilgan. Umumiy hisobda esa...

22-aprel kuni O‘zbekiston bo‘ylab bahor nafasi yaqqol seziladi. Aksar hududlarda havo biroz bulutli, ba’zilarida yomg‘ir va momaqaldiroq ehtimoli bor, deya xabar bermoqda «O‘zgidromet».

Toshkentda kunning ikkinchi yarmida qisqa muddatli yomg‘ir yog‘ishi mumkin. Harorat kunduzi 22-24°, kechasi esa 10-12° atrofida bo‘ladi.

Qoraqalpog‘iston va Xorazmda havo ochiq, shamol salqin, harorat 25-30° gacha ko‘tariladi. Buxoro va Navoiyda ham xuddi shunday – quyoshli, ammo biroz shamolli kun kutilmoqda.

Toshkent, Sirdaryo, Jizzax va Samarqand viloyatlarida yomg‘irli ob-havo ehtimoli bor, harorat esa kunduzi 20-25° atrofida bo‘ladi.

Qashqadaryo va Surxondaryoda havo ochiq va iliq – kunduzi 24-29°, kechasi 8-13° iliq bo‘ladi.

Farg‘ona vodiysi (Andijon, Namangan, Farg‘ona)da...

O‘zbekistonda korrupsiyaga qarshi ichki nazorat tizimini takomillashtirish maqsadida 2027-yil 1-yanvargacha maxsus huquqiy eksperiment o‘tkaziladi. Bu haqda Adliya vazirligi ma’lum qildi.

Eksperiment doirasida Sog‘liqni saqlash, Qurilish, Suv xo‘jaligi vazirliklari, «O‘zbekneftgaz» va «O‘zsuvta’minot» aksiyadorlik jamiyatlarining ichki nazorat bo‘linmalariga Korrupsiyaga qarshi kurashish agentligi xodimlari rahbar etib tayinlanadi.

Ushbu bo‘linma rahbarlari bevosita agentlikka bo‘ysunadi, ularning faoliyati esa Agentlik va tegishli tashkilotlar tomonidan hamkorlikda muvofiqlashtiriladi. Shu bilan birga, 2025-yil 1-iyulgacha «E-anticor.uz» platformasida rahbar va xodimlar reyestri yuritilib, hisobotlar elektron shaklda taqdim etiladi va anonim so‘rovlar o‘tkazilishi imkonini beruvchi modul ishga tushiriladi.

Eslatib o‘tamiz, avvalroq «Kasbiy ta’lim» platformasi ishlab chiqilishi haqida yozgan edik.

Korrupsiyaga qarshi kurashish va davlat xizmatlari shaffofligini oshirish maqsadida yangi chora-tadbirlar belgilandi. Bu haqda Adliya vazirligi ma’lum qildi.

Unga ko‘ra, bunday choralardan biri sun’iy intellekt asosida ishlaydi va aholining kundalik savollariga mobil telefon orqali sodda va qulay javob beradigan onlayn platformaning ishga tushirilishi bo‘ldi.

Shuningdek, «Shaffof qurilish» tizimi xalqaro loyihalarga joriy etilib, yirik tenderlar raqobatbardoshlik ekspertizasidan o‘tkaziladi. 2026-yildan esa aholi davlat xizmatlarini baholaydigan tizim joriy etilib, qoniqarsiz deb topilgan rahbarlar shaxsan javobgar bo‘ladi.

Eslatib o‘tamiz, avvalroq «Kasbiy ta’lim» platformasi ishlab chiqilishi haqida yozgan edik.

Shavkat Mirziyoyev maktab ta’limi va pedagoglar tayyorlash tizimini takomillashtirishga qaratilgan taqdimot bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, «O‘zbekiston – 2030» strategiyasida bu yo‘nalish ustuvor deb belgilangan.

Pedagogika yo‘nalishidagi oliygohlar soni ko‘p bo‘lsa-da, ilmiy salohiyat past — atigi 40 foiz. Aniq va tabiiy fanlar bo‘yicha mutaxassislar yetishmayapti. Shu bois O‘zbekiston milliy pedagogika universitetini tashkil etish rejalashtirilmoqda.

«Yangi O‘zbekiston» universitetida zamonaviy yo‘nalishlarda mutaxassislar tayyorlash, yangi laboratoriyalar va klinika tashkil etish ko‘zda tutilgan. Maktablarda esa 9 ming o‘quvchining bilimi PISA dasturi asosida baholanadi.

Yil oxirigacha 112 mingta yangi o‘quvchi o‘rni, 58 ta zamonaviy maktab barpo etiladi...

Apple’ning yangi Vision Pro 2 qurilmasi haqidagi ma’lumotlar internetda paydo bo‘ldi. Qurilma yanada yengil titan korpus, to‘q grafit dizayn va yangilangan quvvatlovchi kabel bilan taqdim etiladi, deya yozmoqda Digital Trends.

Unga ko‘ra, kabelning to‘q grafit rangda bo‘lishi va yangicha shakli Apple’ning titan materialga o‘tayotganini bildiradi.

Yangi dizayn garniturani yanada yengil va qulay qiladi. Lightning ulagichi ham o‘zgargan: kontaktlar soni kamaygan. Bu esa energiya samaradorligini oshirishi mumkin.

Vision Pro 2 rasman iyun oyida bo‘lib o‘tadigan WWDC 2025 konferensiyasida taqdim etilishi kutilmoqda. Yangi model o‘zining zamonaviy dizayni va takomillashgan texnologiyalari bilan kengaytirilgan reallik tajribasini yanada qulaylashtiradi.

Eslatib o‘tamiz, avvalroq barcha iPhone...

Hukumatning 245-sonli qarori bilan Oliy ta’lim, fan va innovatsiyalar vazirligi huzuridagi Kasbiy ta’limni rivojlantirish jamg‘armasi to‘g‘risidagi nizom tasdiqlandi. Bu haqda Adliya vazirligi ma’lum qildi.

Mazkur nizom jamg‘arma mablag‘larini shakllantirish, ulardan foydalanish, faoliyatini boshqarish va hisobdorlik tartibini belgilaydi. Jamg‘arma mablag‘lari kasbiy ta’lim tashkilotlarining o‘quv-metodik ta’minotini mustahkamlash, «Kasbiy ta’lim» platformasini ishlab chiqish, shuningdek, respublika tanlovlari g‘oliblarini rag‘batlantirish kabi maqsadlarga yo‘naltiriladi.

Jamg‘arma faoliyatini boshqarish va mablag‘larni adolatli taqsimlash uchun maxsus Kengash tuziladi. Daromad va xarajatlar smetasi, shuningdek tuzilgan shartnomalar ro‘yxati Vazirlikning rasmiy saytida e’lon qilinadi.

Eslatib o‘tamiz, avvalroq Xorazmda mehmonxona qurmoqchi bo‘lgan investorlarga subsidiya berilishi haqida yozgan edik.

Sirdaryodagi Poly tex Sirdaryo MCHJga nisbatan «Hududiy elektr tarmoqlari» AJ «Energosavdo» filiali Sirdaryo bo‘linmasi tomonidan 2,3 milliard so‘mlik noreal elektr qarzdorligi hisoblangani aniqlandi. Bu haqda Raqobat qo‘mitasi xabar qildi.

Murojaat asosida o‘tkazilgan o‘rganishlar natijasida qonun talablari buzilgan holatlar aniqlanib, «Hududiy elektr tarmoqlari» AJga nisbatan ish qo‘zg‘atildi. Korxonaga hisoblangan asossiz qarzdorlik ko‘rib chiqilib, tegishli qayta hisob-kitob amalga oshirilishi ta’minlandi.

Avvalroq Kursiv Uzbekistan bozorlarda 22 million so‘mlik muddati o‘tgan mahsulotlar savdodan olingani haqida yozgandi.

Samarqandda saqlanayotgan qarovsiz itlarning ommaviy o‘ldirilgani haqidagi mish-mishlarni rad etildi. Bu haqda Samarqand shahar obodonlashtirish boshqarmasi xabar bermoqda.

Manbaga ko‘ra, boshpana hududi sotilgani haqidagi asossiz maʼlumotlar tarqalgan.

Xishrav qo‘rg‘onidagi boshpana yerlari uchinchi shaxslarga berilmagan va shahar hokimiyati nazoratida qolmoqda. Hayvonlarni himoya qilish ishlari odatdagidek davom etmoqda.

Qarovdagi itlarning shafqatsizligi, zaharlanishi yoki o‘ldirilishi haqidagi da’volar haqiqatga to‘g‘ri kelmasligi qayd etildi.

Eslatib o‘tamiz, Kursiv Uzbekistan nashri Samarqandda 220 ta mulk tortib olinishi bo‘yicha rasmiy izoh berilgani haqida yozgan edi.

21-aprel kuni Rim papasi Fransisk (Xorxe Mario Bergoglio) vafot etdi. Endi katolik cherkovi yangi rahbarni saylashi kerak bo‘ladi. «Kursiv» nashri yangi pontifik nomi e’lon qilinishidan oldin qanday voqealar bo‘lishini ma’lum qiladi.

Ushbu materialdan siz quyidagilarni bilib olasiz:

Yangi Papa saylanmaguncha katolik cherkovni kim boshqaradi?

Konklav nima?

Rim papasini saylash qanday o‘tadi?

Papa saylanmaguncha katolik cherkovini kim boshqaradi?

Pontifik vafot etgan yoki taxtdan voz kechgan paytdan boshlab Vatikanda sede vacante (bo‘sh taxt) davri boshlanadi. Bu vaqt ichida Muqaddas taxtning faoliyati keskin cheklangan va ko‘pchilik amaldorlar iste’foga chiqadi.

Pontifikning o‘limi kardinal Kamerlengo tomonidan e’lon qilinadi. Shuningdek...

Rossiyaning «AvtoVAZ» kompaniyasi O‘zbekiston va Qozog‘iston avtomobil bozorlariga qaytishni rejalashtirmoqda. Bu haqda TASS axborot agentligiga kompaniya bosh direktori Maksim Sokolov ma’lum qildi.

Sokolovning aytishicha, Lada Granta modeli xorijiy bozorlarda katta talabga ega. Kompaniya ushbu avtomobilga Belarus, O‘zbekiston va Qozog‘istonda yuqori talab bo‘lishini kutmoqda.

Shuningdek u kompaniya O‘zbekiston bozorida 2022-yilgacha bo‘lgan savdo hajmini tiklashni mo‘ljallamoqda. Lada Granta eksporti tiklanishi bilan birga, ishlab chiqaruvchi Lada Iskra modelini ham yetkazib berishni boshlamoqchi.

«Biz Lada Iskra ishlab chiqarish hajmini bosqichma-bosqich oshiramiz. Ammo bu bozor ehtiyojiga qarab bo‘ladi. Asta-sekin Lada Granta ishlab chiqarishdan chekinib, ehtimol, uning barcha modifikatsiyalarini emas, faqat...

Telegram messenjeri asoschisi Pavel Durov xizmatning butun 12 yillik tarixida hech qachon foydalanuvchilarning shaxsiy xabarlarini oshkor qilmaganini ma’lum qildi. Bu haqda u o‘zining rasmiy Telegram-kanalida qayd etgan.

Uning so‘zlariga ko‘ra, Telegram faqat jinoyat sodir etishda gumon qilingan shaxslarning IP manzillari va telefon raqamlarini taqdim etishga tayyor. Biroq, bu faqat sud qarori mavjud bo‘lsa va xabarlarning mazmuni uzatilmasa sodir bo‘ladi.

Durov kompaniyaning prinsipial pozitsiyasini ta’kidlagan: Telegram messenjeri shifrlashni zaiflashtirish uchun «backdoor»larni qo‘llashdan ko‘ra bozorni tark etishni afzal ko‘radi. Bunday xatti-harakatlar insonning asosiy huquqlarini buzish hisoblanadi.

Uning tushuntirishicha, bunday «orqa eshiklar»ga faqat huquq-tartibot idoralari kirishiga texnik jihatdan kafolat berish mumkin...

2025-yilning birinchi choragida Xitoyda 2,5 mln dona SUV sotildi. Bu haqda CarNewsChina nashri ma’lum qildi.

Bu o‘tgan yilga nisbatan 4,7 foizga ko‘p. Xitoy yo‘lovchi avtomobillari assotsiatsiyasi (CPCA) ma’lumotlariga ko‘ra, eng ko‘p sotilgan SUV — Tesla Model Y bo‘lib, chorak davomida 81,8 ming dona sotilgan. Faqat mart oyida 48,2 ming dona xarid qilinib, Model Y bozordagi yetakchilikni yana qaytarib oldi.

Ikkinchi o‘rinda Geely kompaniyasining Xingyue L modeli (79,8 ming dona) joy oldi. Bu benzinli dvigatelli eng ommabop SUV bo‘lib, faqat mart oyida 23,8 ming dona sotilgan. Kuchli uchlikni 65,6 ming dona bilan BYD kompaniyasining Song Plus modeli yakunladi. Mazkur model...

Shavkat Mirziyoyev futbol bo‘yicha o‘n yetti yoshgacha bo‘lgan o‘smirlar o‘rtasidagi Osiyo kubogi o‘yinlari g‘oliblari va ishtirokchilarini taqdirlash bo‘yicha farmonni imzoladi.

Farmonga ko‘ra, terma jamoa bosh murabbiysi Islombek Ismoilov «O‘zbekistonda xizmat ko‘rsatgan sport ustozi» faxriy unvoni bilan taqdirlandi. Terma jamoaning 23 nafar a’zosi esa «Kelajak bunyodkori» medali bilan mukofotlandi.

Shuningdek, Milliy teleradiokompaniyaning «Sport» ijodiy birlashmasi bosh mutaxassisi Otabek Djurayev va «Futbol TV» telekanali muharriri Orifjon Tolipovlar esa «Shuhrat» medaliga loyiq ko‘rildi.

Avvalroq Kursiv Uzbekistan chempionlarga Cobalt, murabbiylarga esa Tracker avtomobillari berilishi haqida yozgandi.

22-aprel kuni bir AQSh dollarining rasmiy kursi 28,56 soʻmga tushib, 12 909,64 soʻmni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 860 – 12 930 soʻmdan sotib olayotgan boʻlsa, 12 940 – 13 000 soʻm oraligʻida sotmoqda.

Shu bilan birga, yevro 197,32 soʻmga oshib, 14 908,05 soʻmga yetdi. Rossiya rubli esa 0,24 soʻmga koʻtarilib 159,75 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.   

Road24 ilovasiga qo‘shilgan «AvtoSignal» funksiyasi orqali haydovchiga xabar yuborish imkoni paydo bo‘ldi. Bu haqda Autostrada nashri ma’lum qildi.

Bu funksiya yordamida mashina raqamini bilgan holda haydovchiga xabar yuborish imkoniyati taqdim etildi. «AvtoSignal» funksiyasi yordamida foydalanuvchi quyidagi xabarlarni tanlab, avtomobil egasiga jo‘natishi mumkin:

Xabar haydovchiga anonim tarzda yuboriladi. Ammo jo‘natuvchining manzilini ko‘rish imkoni bor. Xabar yuborish va qabul qilish uchun Road24 ilovasi o‘rnatilgan bo‘lishi shart.

Eslatib o‘tamiz, Kursiv Uzbekistan nashri haydovchilar endilikda jarimalar...

Xiaomi Redmi Monitor G Pro 27Q o‘yin monitorini rasman taqdim etdi. Bu haqda ITHome nashri ma’lum qildi.

Qurilma Mini LED texnologiyasiga ega bo‘lib, 1152 ta orqa yorug‘lik zonasi, 2000 nit maksimal yorqinlik va HDR1000 standartini qo‘llab-quvvatlaydi. Ekranning yangilanish tezligi 180 Gts, javob vaqti esa 1 ms (GTG) bo‘lib, FreeSync texnologiyasi bilan birga geymerlar uchun ideal yechimga aylanadi.

Raqamli tasvir sifati ham yuqori bo‘lib, 99% DCI-P3, 99% Adobe RGB va 100% sRGB rang gamutlarini qamrab oladi. Monitor 24-apreldan sotuvga chiqarilishi rejalashtirilgan. Narx hozircha e’lon qilinmagan, ammo Xiaomi an’analaridan kelib chiqib, u yuqori bo‘lmasligi kutilmoqda.

Avvalroq Kursiv Uzbekistan Xiaomi Redmi Turbo...

Bugun, 21-aprel kuni O‘zbekiston U-17 futbol terma jamoasini kutib olish marosimi munosabati bilan Toshkent aeroportida vaqtincha o‘zgarishlar kiritiladi. Bu haqda Uzbekistan Airways xabar berdi.

Unga ko‘ra, Toshkent — Urganch va Toshkent — Nukus aviaqatnovlari Toshkent aeroportining Xalqaro terminalidan (Terminal 2) amalga oshiriladi. Mazkur reyslar yo‘lovchilari terminalning 12–14-ustunlarida ro‘yxatdan o‘tkaziladi.

Avvalroq Kursiv Uzbekistan Afrosiyob poyezdi yangi jadval asosida harakatlanishi haqida yozgandi.

2025-yilning birinchi choragida Apple kompaniyasining Xitoydagi smartfon savdosi 9 foizga kamaydi. Bu haqda Reuters agentligi IDC tadqiqot kompaniyasi maʼlumotlariga tayanib xabar berdi.

Maʼlum qilinishicha, kompaniya Xitoyda eng koʻp smartfon sotuvchi brendlar orasida beshinchi oʻringa tushdi. Birinchi chorakda Apple 9,8 million dona iPhone yetkazib berdi. Kompaniyaning Xitoydagi bozor ulushi 13,7 foizni tashkil etdi. Bu koʻrsatkich 2024-yilning shu davrida 15,6 foizga teng edi.

Bu Apple uchun Xitoy bozorida ketma-ket yettinchi chorakda savdo hajmi pasaygan davr boʻlib, boshqa yirik ishlab chiqaruvchilar orasida yetkazib berish hajmi kamaygan yagona kompaniya sifatida qayd etildi.

IDC mutaxassislarining fikricha, Apple qurilmalari narxining yuqoriligi va ularning Xitoy hukumati...

Bugun, 21-aprel Toshkent vaqti bilan soat 13:44:17 da O‘zbekistonda zilzila sodir bo‘ldi. Bu haqda Seysmoprognostik monitoring markazi ma’lum qildi.

Unga ko‘ra, zilzilaning episentri Toshkentdan 305 km janubiy-g‘arbda joylashgan bo‘lib, sezilish kuchi 4 ballni tashkil etdi.

Zilzilaning magnituda 3,4 ballni tashkil etgan bo‘lsa, chuqurligi 10 km edi. Episentr Navoiy viloyati Nurota tumani bo‘ldi.

Episentrning aniq koordinatalari: 40,53 N, 65,72 E. Zilzila oqibatida jiddiy shikastlanishlar haqida hozircha ma’lumot yo‘q.

Huawei va Chery tomonidan Luxeed R7 elektrmobili namoyish qilindi. Bu haqda GizmoChina nashri xabar bermoqda.

Avtomobil soddalashtirilgan dizayni va past aerodinamik qarshilik koeffitsiyentiga ega. Tashqi xususiyatlar orasida yashirin eshik tutqichlari, panoramali tom va old va orqa zamonaviy LED yoritgichlar mavjud. Xaridorlarga sakkizta rang bilan taqdim etiladi.

Salon ichida 52 litrli old bagaj bor. Orqa o‘rindiqlarni buklangan holda umumiy yuk hajmini 2130 litrga yetkazish mumkin. Ichki makon uzoq masofadagi qulaylik uchun mo‘ljallangan.

Unda oldingi yo‘lovchi o‘rindig‘i «nol tortishish» shaklida ishlab chiqilgan. 18 ta sozlash, oyoq tayanchi, isitish, shamollatish va massaj funksiyalariga ega. Huawei kompaniyasining 1000 Vt quvvatga ega audiotizimida...

Saudiya Arabistonida bo‘lib o‘tgan o‘smirlar o‘rtasidagi Osiyo Kubogida chempionlikni qo‘lga kiritgan O‘zbekiston U-17 futbol jamoasi a’zolari avtomobillar bilan taqdirlanadi.

Bloger Xushnud Xudoyberdiyevning xabar berishicha, futbolchilarga Cobalt, murabbiylarga esa Tracker avtomobillari topshirilishi rejalashtirilgan. Eslatib o‘tamiz, yosh futbolchilar bugun soat 19:00dan so‘ng Toshkentga qaytadi.

Avvalroq davlat rahbari jamoani tabriklab, g‘alaba uchun minnatdorlik bildirgandi.

Rim-katolik cherkovining Lotin Amerikasidan chiqqan ilk rahbari, Rim papasi Fransisk 88 yoshida vafot etdi. Bu xabar Vatikan telekanalida kardinal Kevin Farrell tomonidan ma’lum qilindi.

Unga ko‘ra, Frensis ertalab soat 7:35 da hayotdan ko‘z yumgan. Papalik hukmronligi davomida u ko‘p hollarda cherkovdagi bo‘linishlar, tanqidlar va islohotlar bilan yuzma-yuz keldi.

So‘nggi oylarda sog‘lig‘i yomonlashgan, biroq yaqinda og‘ir pnevmoniyadan omon qolgan edi.

Istiqbolli loyihalar milliy agentligi (ILMA) vakolatlari qonuniy asosda mustahkamlandi. Bu boradagi yangi qonun prezident tomonidan 17-aprel kuni imzolandi.

Xususan, «Qimmatli qog‘ozlar bozori to‘g‘risida», «Aksiyadorlik jamiyatlari to‘g‘risida» qonunlariga tuzatish kiritildi. «Birjalar faoliyati», «Sug‘urta faoliyati», «Elektron tijorat» haqidagi qonunlar yangilandi. Shuningdek, «Markaziy bank to‘g‘risida», «Davlat boji to‘g‘risida» qonunlar qayta ko‘rib chiqildi.

«Davlat xaridlari», «Litsenziyalash va ruxsatnomalar» bo‘yicha qonunlarga ham muhim o‘zgartishlar kiritildi. Bu bilan ILMA’ga moliyaviy bozorlarni tartibga solish vakolati berildi. Shuningdek investitsiya va innovatsion loyihalarda regulyator sifatida belgilandi.

Qonun bilan Fuqarolik va Soliq kodekslariga ham tegishli tuzatishlar kiritildi. Hujjat kuchga kirgan bo‘lib, barcha normativlar amal qila boshladi.

Avvalroq Kursiv Uzbekistan...