Yangiliklar

Xitoyning Xiaomi kompaniyasi sun’iy intellektga asoslangan yangi yordamchisi — Mi Chat’ni yaratdi. Bu haqda ITHome nashri xabar berdi.

Unga ko‘ra, yangi tizim Xiaomi qurilmalari va ekotizimida ishlashi uchun mo‘ljallangan bo‘lib, u kompaniyaning o‘zida ishlab chiqilgan MiMo-7B-RL katta til modeli asosida ishlaydi. Ushbu model yil boshida taqdim etilgandi.

Shuningdek, Mi Chat hatto «ChatGPT qotili» deb ham atalmoqda. Sababi 7 milliard parametrga ega bo‘lishiga qaramay, MiMo-7B-RL bir nechta muhim testlarda raqiblarini ortda qoldirgan. Xususan, u OpenAI’ning o1-mini modeli va Alibaba’ning Qwen QwQ-32B-Preview tizimidan yuqori natijalar ko‘rsatgan.

Xiaomi prezidenti Lu Veybin avvalroq kompaniya bir necha chorak davomida sun’iy intellektga yirik sarmoya kiritayotganini...

Huawei noyabr oyida taqdim etgan noodatiy dizayndagi Huawei X3 Pro routeri endi global bozorga ham chiqarilmoqda. Bu haqda kompaniyaning o‘zi ma’lum qildi.

Ushbu «art-router» Mate X7 bukiladigan smartfoni va kompaniyaning boshqa yangi qurilmalari bilan birga Yevropa, Lotin Amerikasi, Yaqin Sharq, Osiyo-Tinch okeani mintaqasi va Afrikada savdoga chiqadi.

Xitoyda X3 Pro routeri $180 ga taklif qilinadi, diapazon kengaytirgichi esa $110 turadi. Yevropada esa mos ravishda 170 va 100 yevro etib belgilangan — narx deyarli Xitoy bozoriga teng.

Huawei X3 Pro faqat ko‘rinishi bilan emas, balki texnik imkoniyatlari bilan ham ajralib turadi. Qurilma Wi-Fi 7 (Huawei ta’kidlashicha, Wi-Fi 7+) texnologiyasini qo‘llab-quvvatlaydi...

Huawei’ning yangi Huawei Mate X7 smartfoni endi global bozorda ham sotila boshlandi. Bu haqda GSMArena xabar bermoqda.

Qurilma Xitoyda atigi bir necha hafta oldin taqdim etilgan edi. Xitoyda Mate X7’ning boshlang‘ich narxi $1830 bo‘lsa, Yevropada uning qiymati 2100 yevro etib belgilangan. Bu odatdagidan ancha yaqin narx farqi bo‘lib, ayniqsa Yevropada faqat 16/512 GB xotirali qimmatroq versiya sotilishini inobatga olsak, yanada yaqqol ko‘rinadi.

Smartfonning texnik xususiyatlarida hech qanday farq yo‘q. Mate X7 katta sig‘imli akkumulyatorga ega emas, shu sabab Yevropa bozoriga moslash jarayonida ham hech qanday cheklov qo‘yilmagan.

Mate X7 quyidagi asosiy imkoniyatlarga ega:

AQShda politsiya fotorobot tayyorlash jarayoniga sun’iy intellekt texnologiyalarini joriy etmoqda. Bu usul orqali an’anaviy qo‘lda chiziladigan fotorobotlarga nisbatan yanada realistik tasvirlar olish mumkin, deya xabar bermoqda Washington Post nashri.

Noyabr oyida Feniks shahri chekkasida sodir bo‘lgan otishmadan so‘ng mahalliy politsiya gumonlanuvchining sun’iy intellekt yordamida yaratilgan fotorobotini e’lon qildi. Ta’kidlanishicha, ushbu tasvir oddiy fotorobotlardan farqli ravishda haqiqiy suratga o‘xshash bo‘lgan.

Fotorobot yaratish jarayoni odatdagi tamoyillarga asoslangan bo‘lsa-da, bunda sun’iy intellekt vositalari qo‘llanilgan. Fotorobotlar tayyorlash uchun mas’ul politsiya xodimi ushbu texnologiyadan aprel oyidan beri foydalanayotganini va natijalar haqiqatga juda yaqin chiqayotganini aytdi. Uning ta’kidlashicha, SI yordamida yaratilgan fotorobotlar odamlar e’tiborini ancha kuchli...

Ashxobodda Shavkat Mirziyoyev Turkmaniston prezidenti Serdar Berdimuhamedov bilan uchrashdi. Bu haqda davlat rahbari matbuot xizmati ma’lum qildi.

Unga ko‘ra, Mirziyoyev Berdimuhamedovni mamlakat betarafligining 30 yilligi va shu munosabat bilan o‘tkazilgan xalqaro forum, shuningdek, 2025-yilning «Xalqaro tinchlik va ishonch yili» deb e’lon qilingani bilan tabrikladi.

Uchrashuvda prezidentlarning O‘zbekistonga davlat tashrifi davomida erishilgan kelishuvlarni amalga oshirish hamda O‘zbekiston – Turkmaniston strategik sherikligini kengaytirish masalalari muhokama qilindi.

Yil boshidan buyon o‘zaro tovar ayirboshlash qariyb $1 mlrdga yetgan. «Shovot–Toshhovuz» savdo zonasining faoliyati va yuk tashish hajmining 30 foizga oshgan. Turkmanboshi porti orqali yuk yetkazib berish ham faollashgan. Gumanitar va hududlararo almashinuvlar...

Google kompaniyasi Apple mobil qurilmalari uchun o‘zining Chrome brauzerida Gemini II yordamchisini ishga tushirdi. Bu haqda Engadget nashri ma’lum qildi.

Endi iPhone va iPad foydalanuvchilari Google’ning II texnologiyalaridan foydalanishlari mumkin. Ular avval faqat desktop versiyasi va Android mobil versiyasida mavjud edi. Funksiyani faollashtirish uchun Chrome’ni 143-versiyaga yangilash, interfeys tilini ingliz tiliga o‘rnatish va inkognito rejimidan chiqish talab qilinadi.

Gemini iOS’da Chrome’da veb-sahifalar bo‘yicha qisqacha sharhlar olish, qiziqtirgan mavzu bo‘yicha ko‘p beriladigan savollarga javob uslubida yozuvlar yaratish, retseplarni shaxsiy diyetik afzalliklarga moslashtirish va boshqa ko‘p funksiyalardan foydalanish imkonini beradi. Bu uchun manzil satridagi Gemini ikoniga bosish kifoya.

Eslatib o‘tamiz...

12-dekabr sanasi nafaqat siyosiy o‘zgarishlar, balki madaniyat va sport olamidagi yorqin voqealar bilan ham tarix sahifalaridan o‘rin olgan. Hindistonda poytaxt o‘zgarishidan tortib, san’at durdonasining topilishi va sportdagi yangi chempionlargacha. Kursiv Uzbekistan kunning eng muhim voqealari xronologik tartibda taqdim etadi.

XX asr boshlarida, aniqrog‘i 1909-yili Jizzaxda o‘zbek adabiyotining yirik namoyandasi Hamid Olimjon tavallud topdi. U keyinchalik o‘zining lirik she’rlari va dostonlari bilan milliy madaniyat rivojiga ulkan hissa qo‘shdi.

Oradan ikki yil o‘tib, 1911-yilda Hindistonda katta siyosiy o‘zgarish yuz berdi. Mamlakat poytaxtini Kalkuttadan Dehliga ko‘chirish to‘g‘risida qaror qabul qilindi. Bu qadam Dehlining strategik ahamiyatini oshirib, mintaqa tarixida yangi davrni boshlab...

Talabalar uchun poyezd chiptalariga 50 foizlik chegirma beriladi

Oliy ta’lim muassasalarida tahsil olayotgan talabalar uchun qishki ta’til davomida mahalliy yo‘nalishdagi poyezd qatnovlarida chegirmalar beriladi. Bu haqda «O‘ztemiryo‘lyo‘lovchi» AJ matbuot xizmati ma’lum qildi.

Papa John’s pitsa tarmog‘i Qozog‘iston va Qirg‘izistonda faoliyatini to‘liq to‘xtatdi

Amerikaning Papa John’s pitsa tarmog‘i Qozog‘iston va Qirg‘izistonda to‘liq yopilmoqda. Kursiv Media dunyodagi uchinchi eng yirik pitsa tarmog‘i nima uchun Markaziy Osiyodan chiqib ketayotgani haqida ma’lumot berdi.

Qoraqalpoq o‘tovi YUNESKOning reprezentativ ro‘yxatiga kiritildi

Qoraqalpoq o‘tovi YUNESKOning Insoniyat nomoddiy madaniy merosining reprezentativ ro‘yxatiga kiritildi. Qaror Hindiston poytaxtida bo‘lib o‘tayotgan YUNESKO qo‘mitasining 20-sessiyasida bir ovozdan qabul qilindi...

O‘zbekiston bo‘ylab 12-dekabr kuni ob-havo o‘zgaruvchan bo‘ladi. Kechasi +0…+9°, kunduzi +1…+19° iliq harorat kuzatiladi. Ayrim hududlarda yomg‘ir yoki qor yog‘ishi va tuman tushishi mumkin, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

Shavkat Mirziyoyev 11-dekabr kuni amaliy tashrif bilan Turkmaniston poytaxti Ashxobod shahriga keldi. Bu haqda davlat rahbari matbuot xizmati ma’lum qildi.

Poytaxt aeroportida davlatimiz rahbarini Turkmaniston Vazirlar Mahkamasi raisining oʻrinbosari Xojamirat Geldimiradov va boshqa rasmiy shaxslar kutib oldi.

Shavkat Mirziyoyev Ashxobodga yetib kelganidan so‘ng Turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedov bilan uchrashuv o‘tkazdi. Davlat rahbari Turkmaniston yetakchisini doimiy betaraflikning o‘ttiz yilligi bilan samimiy tabrikladi va ushbu muhim voqeaga bag‘ishlangan ertangi xalqaro forum ishlariga muvaffaqiyatlar tiladi.

Uchrashuv davomida O‘zbekiston – Turkmaniston strategik sheriklik, do‘stlik va yaxshi qo‘shnichilik munosabatlarini, xususan, siyosiy, parlamentlararo, savdo-iqtisodiy, madaniy va...

Disney OpenAI’ga $1 mlrd sarmoya kiritadi va startapga Sora AI video generatorida Star Wars, Pixar va Marvel brendlari personajlaridan foydalanishga ruxsat beradi. Bu haqda Reuters agentligi ma’lum qildi.

Shu orqali Sora va ChatGPT Images ilovalari kelasi yil boshidan boshlab Mickey Mouse, Cinderella va Mufasa kabi Disney personajlari bilan videolar yaratishi mumkin bo‘ladi. Shartnoma esa aktyorlarning qiyofasi va ovozlarini o‘z ichiga olmaydi.

Disney bosh direktori Bob Igerning so‘zlariga ko‘ra, ushbu hamkorlik orqali kompaniya generativ SI yordamida hikoya qilish imkoniyatlarini mas’uliyat bilan kengaytiradi va ijodkorlar hamda ularning asarlarini himoya qiladi.

Kelishuv doirasida foydalanuvchilar yaratgan videolar tanlovi Disney+ platformasida strimingga chiqariladi...

Germaniya aholisining qarishi va tug‘ilishning kamayishi natijasida kelajakda sezilarli demografik o‘zgarishlar kuzatilishi kutilmoqda. Bu haqda Reuters agentligi ma’lum qildi.

Statistik idoraning so‘nggi prognoziga ko‘ra, Germaniya aholisi 2070-yilga kelib qariyb 10 mln kishiga kamayib, taxminan 75 mlnga tushishi mumkin. Keyingi o‘n yil ichida har to‘rt kishidan biri 67 yoshdan oshgan bo‘ladi. 2038-yilga borib esa 21 mln kishi, ya’ni aholining 27 foizi pensiya yoshida bo‘ladi.

Hozirgi kunda har 100 nafar ishlovchiga 33 nafar nafaqaxo‘r to‘g‘ri kelmoqda. 2070-yilga borib bu ko‘rsatkich 61 nafar nafaqaxo‘rga yetishi mumkin. Statistik idoraning aholi bo‘limi rahbari Karsten Lammerning ta’kidlashicha, bunday vaziyat ijtimoiy ta’minot tizimiga ortib borayotgan...

Bolgariya hukumati bir necha haftadan buyon davom etayotgan norozilik namoyishlari ortidan iste’foga chiqdi. Bu haqda CNN agentligi ma’lum qildi.

Bosh vazir Rozen Jelyazkov payshanba kuni iqtisodiy siyosat va korrupsiyaga qarshi kurashdagi sustkashlik bo‘yicha tanqidlarga sabab bo‘lgan ommaviy noroziliklar fonida hukumat iste’fosini e’lon qildi. U bu haqda parlament ishonchsizlik votumi bo‘yicha ovoz berishidan bir necha daqiqa oldin telemurojaat orqali bildirdi.

Iste’fo Bolgariyaning 1-yanvardan yevrozonaga qo‘shilishidan biroz avval yuz berdi. Mamlakat bo‘ylab, jumladan, poytaxt Sofiyada o‘tkazilgan namoyishlarda minglab fuqarolar qatnashdi. Ular korrupsiyaning ildiziga yetilmagani va hukumatning bunga qarshi yetarli choralar ko‘rilmayotganidan norozilik bildirdi.

O‘tgan hafta hukumat namoyishlar ortidan 2026-yil uchun...

Toshkentda O‘zbekiston va Paragvay o‘rtasidagi hamkorlikni rivojlantirishga qaratilgan muzokaralar o‘tkazildi. Bu haqda davlat rahbari matbuot xizmati ma’lum qildi.

Shavkat Mirziyoyev va Paragvay prezidenti Santyago Penya uchrashuv yakunida Qo‘shma bayonotni imzoladi. Shuningdek, yetakchilar huzurida O‘zbekistonning JSTga qo‘shilishi jarayonida bozorga kirish masalalari bo‘yicha ikki tomonlama muzokaralar yakunlanganini tasdiqlovchi bayonnoma imzolandi.

Bundan tashqari, O‘zbekiston va Paragvay tashqi ishlar vazirliklari o‘rtasida siyosiy maslahatlashuv mexanizmini yo‘lga qo‘yish to‘g‘risidagi o‘zaro anglashuv memorandumi ham imzolandi.

Muzokaralardan so‘ng Shavkat Mirziyoyev va Santyago Penya Faxriy mehmonlar xiyobonida daraxt ekish marosimida ishtirok etdilar. Ushbu tadbir ikki davlat o‘rtasidagi do‘stlikni, sherikchilikni mustahkamlashga bo‘lgan qat’iy intilishni ifodaladi hamda...

O‘zbekistonning birinchi prezidenti Islom Karimovning nabirasi Maryam Tillayeva bo‘lajak turmush o‘rtog‘i Arnold bilan to‘y marosimini kelgusi yilning kuzida O‘zbekistonda o‘tkazishni rejalashtirmoqda. Bu haqda Tillayeva «Shurikning g‘aroyib sarguzashtlari» filmi premyerasida ma’lum qilgan.

Tillayeva to‘yga tayyorgarlik jarayoni qizg‘in ketayotganini ta’kidlagan. Uning so‘zlariga ko‘ra, xarajatlar kuyov bilan teng qoplanadi. Kuyov to‘y uchun $100 ming budjet ajratgan bo‘lsa-da, amaldagi xarajatlar allaqachon bu summadan oshib ketgan. Marosimga Valeriy Meladze, Leonid Agutin va Icegergert kabi san’atkorlarni taklif qilish rejalashtirilmoqda.

«Tan olaman, bunday pulni sarflashga ko‘zim qiymayapti, lekin men bloger va mashhur shaxs sifatida buni qilishim kerak», – deya qo‘shimcha qilgan Tillayeva.

O‘zbekistonda jismoniy shaxslar nomiga rasmiylashtiriladigan yengil avtomobillar importi bosqichma-bosqich qisqartirilishi rejalashtirilmoqda. Buning o‘rniga yuridik shaxslar uchun mavjud bo‘lgan notarif cheklovlar yumshatilib, avtomobil olib kirish jarayonlari tartibga solinadi.

Rasmiy ma’lumotlarga ko‘ra, 2026-yil 1-martiga qadar «O‘zstandart» agentligi, Investitsiyalar, sanoat va savdo vazirligi hamda Davlat bojxona qo‘mitasi hukumat qarori loyihasini tayyorlaydi. Hujjatga muvofiq, bojxona postlarida notarif cheklovlar bo‘yicha nazoratni soddalashtirish va import rasmiylashtiruvi tartibini yengillashtirish ko‘zda tutilmoqda.

Bojxona organlari va UZIMEI markazi mobil qurilmalarning IMEI-kodlari bo‘yicha ma’lumot almashinuvini yo‘lga qo‘yadi. Investitsiyalar, sanoat va savdo vazirligi, Raqamli texnologiyalar vazirligi va Bojxona qo‘mitasi bu borada hukumat qarorini 2026-yil 1-fevraliga qadar ishlab chiqadi.

Eslatib o‘tamiz...

11-dekabr sanasi jahon tarixida bolalar himoyasi yo‘lidagi UNICEF fondiga asos solinganligi va Xalqaro tog‘lar kuni sifatida alohida o‘rin tutadi. Bundan tashqari, mazkur sana tibbiyot va sport olamining yorqin shaxslari tavallud topgan kun hisoblanadi

1946-yil 11-dekabr kuni Birlashgan Millatlar Tashkiloti (BMT) Bosh Assambleyasi tomonidan BMT Bolalar fondi (UNICEF) tashkil etildi. Ushbu tashkilot Ikkinchi Jahon urushidan jabr ko‘rgan bolalarga yordam berish maqsadida yaratilgan bo‘lib, bugungi kunda ham butun dunyo bo‘ylab bolalarning hayotini saqlash va huquqlarini himoya qilish bilan shug‘ullanadi.

BMT Bosh Assambleyasining qaroriga asosan, 2003-yildan boshlab 11-dekabr sanasi Xalqaro tog‘lar kuni sifatida nishonlanib kelinadi. Bu sana tog‘ ekotizimlari va ularning sayyoramizdagi...

Qo‘shni davlatdagi gaz tarmog‘ida yuzaga kelgan texnik nosozlik sabab O‘zbekistonga import qilinayotgan tabiiy gaz hajmi qisqardi. Energetika vazirligi bu borada aholining ehtiyojini ta’minlash uchun zarur chora-tadbirlar ko‘rilayotganini ma’lum qildi.

Unga ko‘ra, birinchi navbatda aholining xonadonlari hamda ijtimoiy soha obyektlari – maktablar, bog‘chalar, shifoxonalar, oliy ta’lim muassasalari va issiqlik elektr stansiyalarini barqaror gaz bilan ta’minlash ustuvor vazifa etib belgilangan.

Gaz bosimi pasayishining oldini olish maqsadida mahalliy hokimliklar bilan kelishilgan holda metan zapravkalar faoliyatiga vaqtincha cheklovlar kiritilmoqda. Vazirlikning ta’kidlashicha, bu majburiy va vaqtincha choralar bo‘lib, tizimdagi bosimni me’yorlashtirish bo‘yicha ishlar davom etmoqda.

Avvalroq Kursiv Uzbekistan qishda vodiydagi metan «zapravka»larga gaz ko‘chma...

Raqobat qo‘mitasi OAV va internetdagi Umra tadbirini tashkil etish va o‘tkazishga oid berilgan reklamalarni tekshirdi.

Tekshiruv davomida ayrim turoperatorlar Umra safariga oid reklamalarni litsenziyasiz joylashtirgani ma’lum bo‘ldi. Xususan, Navoiy viloyatida Panorama Travel va Shaffof Kichiksoy kompaniyalari litsenziya hujjatisiz reklama bergani uchun jarimaga tortildi.

Namanganda esa uch Telegram kanalida «Umra Ihlos Sardor domla», «Yuksak Ahsan Travel», «Express Parvoz» shunga o‘xshash qonunbuzarliklar aniqlanib, mas’ullar ma’muriy javobgarlikka tortildi.

Avvalroq «Kursiv» nashri O‘zbekistonda «Haj va Umra yagona portali» ishga tushgani haqida yozgandi. Endilikda Haj va Umra safarlariga onlayn tarzda navbatga yozilish imkoniyatiga ega bo‘ldi. Yangi tizim – «Haj va Umra yagona portali» ishga tushirildi.

Ijtimoiy tarmoqlarda Qamchiq dovonida ayol kanatdan tushib ketgani aks etgan video tarqaldi. Holat bo‘yicha Favqulodda vaziyatlar vazirligi axborot xizmati Kursiv Uzbekistan’ga ma’lumot berdi.

Unga ko‘ra, balandlikdan qulab tushgan qiz og‘ir tan jarohati olmagan.

«Holat bugun soat 12:55 lar atrofida sodir bo‘lgan. 16 yoshli qiz kanatdan 8 metr balandlikdan tushib ketgan. U qor uyumi ustiga tushgani sababli og‘ir tan jarohati olmagan», – deyiladi rasmiy axborotda.

Qo‘shimcha qilinishicha, hozirda qizning ahvoli qoniqarli, u Dang‘ara tumanidagi tibbiyot bo‘limiga yotqizilgan.

Eslatib o‘tamiz, avvalroq Qamchiq dovonida avtomobillar harakati bir muddat to‘xtatilgani, so‘ng qayta tiklangani haqida xabar bergan edik.

AQSh harbiy kuchlari Venesuela qirg‘oqlari yaqinida sanksiya ostidagi yirik neft tankerini egallab oldi. Bu haqda Reuters nashri xabar berdi.

Prezident Donald Tramp bu holatni shu paytgacha qo‘lga kiritilgan eng katta tanker deb atadi. Voqea ikki davlat o‘rtasidagi taranglikni yanada kuchaytirdi.

Tramp jurnalistlarga bergan izohida tanker taqdiriga oid savolga «Biz uni saqlab qolamiz, aftidan», deb javob berdi. Uning so‘zlariga ko‘ra, bu harakat Venesuela prezidenti Nikolas Maduroni iste’foga majburlash bo‘yicha bosimning bir qismi hisoblanadi.

Venesuela hukumati AQShni oshkora o‘g‘rilikda ayblab, tankerning egallab olinishi xalqaro qaroqchilik ekanini ta’kidladi.

Bu AQShning 2019-yilda joriy etgan sanksiyalari doirasida Venesuela neftini birinchi bor ochiq ushlab qolishi...

Redmi Yevropa bozorida Note 15 LTE, Note 15 Pro LTE va 15 Pro+ 5G smartfonlarini rasman namoyish etdi. Bu haqda Gizmochina nashri xabar berdi.

Yangi modellar 5G talab qilmaydigan, ammo kuchli ekran, yuqori avtonomiya va zamonaviy SI funksiyalarini istaydigan foydalanuvchilarga mo‘ljallangan.

Redmi Note 15 LTE va Note 15 Pro LTE

Har ikkala qurilma 6,77 dyuymli FHD+ AMOLED displey, 120 Hz yangilanish tezligi va 3200 nitgacha yorqinlikka ega. Pro versiyada Gorilla Glass Victus 2 himoyasi qo‘llangan. Note 15 LTE Helio G100 Ultra, Note 15 Pro LTE esa kuchliroq Helio G200 Ultra chipida ishlaydi. Qurilmalarda 8 GB operativ xotira...

Bugun, 11-dekabr kuni Markaziy bank (MB) asosiy stavkani o‘zgartirmay, 14 foiz darajasida saqlab qolish haqida qaror qabul qildi. Bu haqda regulyator matbuot xizmati ma’lum qildi.

Markaziy bank ma’lumotiga ko‘ra, 2025-yil noyabr oyida yillik umumiy inflyatsiya 7,5 foiz, bazaviy inflyatsiya esa 6,3 foizni tashkil etdi.

Regulyator inflyatsiya prognozlarini ham yangiladi. Yil yakuniga mo‘ljallangan prognoz 7,3 foizga pasaytirildi. 2026-yilda esa inflyatsiya 6,5 foiz atrofida bo‘lishi kutilmoqda. Iqtisodiyotda o‘sish sur’atlari yuqori bo‘lib, yil yakunida 7-7,5 foiz iqtisodiy o‘sish prognoz qilinmoqda.

Shu bilan birga, ba’zi xatarlar hamon saqlanib qolmoqda: oziq-ovqat taklifi, transport xarajatlari va tartibga solinadigan narxlar indeksatsiyasi inflyatsiyani oshirishi mumkin. Inflyatsiya pasayganiga qaramay...

12-dekabr uchun valyuta kurslari e’lon qilindi. Shu kun uchun AQSh valyutasi 12 047,45 so‘m (+26,55 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi.

2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil etdi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd etildi. Dollar 50,85 so‘mga...